|
Re: اشرحو لى يعني شنو دخلت بحمد وخرجت بخوجلى (Re: بدر الدين الأمير)
|
حبيبنا بدر
ازيك يا قريبي
المعنى الدلالي للمقولة هو ما معناه
شمار في مرقة
يعني الشغلانة ما عندها اي معنى ولا فائدة
بالعربي الفصيح = بلا طائل بالانجليزي الفصيح = nonsense/ function less
حلة حمد وحلة خوجلي جنب بعض ومتلاصقات مع بعض تدخل من هنا بتلقى روحك هنا
حمد هو الشيخ حمد ود ام مريوم وخوجلي هو الشيخ خوجلي ود عبد الرحمن الشهير ب ابو الجاز
والاتنين طبعا مع الشيخ فرح ود تكتيك من تلاميذ جدنا شيخ المشايخ كلهم، احمد أرباب العقائد احمد الخشن مؤسس مدينة الخرطوم
يعني ناس الخرطوم ديل كلهم هسي ساكنين عندنا نحن
ههههههههه
| |
|
|
|
|
|
|
Re: اشرحو لى يعني شنو دخلت بحمد وخرجت بخوجلى (Re: ABUHUSSEIN)
|
بدر دا قريبي لحم ودم
ما بخليكم تستفردو بيه
انا وقريبي علي الغريب خصوصا لو كان من ناس امدرمان
انتو قايلين ما عندو اهل ولا شنو ؟
كفاية بس انه من اربجي
اربجي دي لما كانت عاصمة من إيام مملكة علوة
ام درمان دي لسه كانت في علم الغيب
نحن اولاد الملوك
ههههههه
| |
|
|
|
|
|
|
Re: اشرحو لى يعني شنو دخلت بحمد وخرجت بخوجلى (Re: بدر الدين الأمير)
|
يا الحبان انا بحب بحرى وزوجتى زميلة العمل والمنزل والمنبر نجمة ام درمانية من بحرى بس مشكلتى مع بحرى أنها أنجبت الضلالى الكبير عزام فرح مقطوع الطارى وبرضو عزام فرح نسيبى وقد قلتلها له مرارا وتكرارا أنا لوكنت موجود لما اديناك بت ابراهيم المشكلة بت ابراهيم بتريد هذا الضلالى والريد اعمى
| |
|
|
|
|
|
|
|