اسقي الشمس شاي الصباح

مظاهرة كبري للجالية السودانية بمنطقة DC وجميع الجاليات السودانية بأمريكا دعما للثوار
شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 05-28-2022, 04:52 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-14-2022, 03:03 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
اسقي الشمس شاي الصباح






                  

05-14-2022, 03:04 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    اسقي الشمس شاي الصباح
    ********************************

    ساساق الروح
    البين دروب الليل
    وفرقان الغياب
    ومن تالاهن مارق منك
    عليك ديداب
    مضاري من عين الضلام
    والشوف مقسم
    بين عيونك والدليل
    وانت المخسّم
    بالدرادر والعذاب
    وعطشك هناك
    ساكن نواحي النيل
    ناشف نميمك
    وين تقبل ووين تروح
    راجيك سيل
    اتوكل على خوفك
    وليك الويل
    دس يقينك فى الزحام
    وليك الويل
    ارميهو فى بطن الوجع تيراب
    حس الوجع غلبو الكلام
    والطين موسّم
    بالوجوه الخايفه
    من قولة تعال
    ضلك معسّم
    مكتوف علي وش النعال
    رمش الهنا وكحل الوئام
    مالي العيون النازفه
    من شح الوصال
    وكيف السبيل
    والممكن المسكين بعيد
    ما باقي ليك غير المحال
    المرقة فى دربك سؤال
    والرجعة زادك والجواب
    ورحلك مستف بالغباين
    بالمشاوير الطوال
    موية شرابك
    قطرة فى نية السراب
    من ياتو جيهة بجيك مناك ؟
    وعين الشمس مصرورة
    مضاريه بي شقل السحاب
    وضو الجهات مسروق
    جنات عذابك باليمين
    ساكنه العروق
    ونيران سعادتك بالشمال
    لي ياتو جيهة تسوق غناك ؟
    وحس البلود مخنوق
    خت الوصية قريب حداك
    في ذمة الليل القديم
    اسقي الشمس شاي الصباح
    قبال يحين وقت المروق
    قبال تداهمك
    خيل مواجعك والجراح
    قبال يفوت باقي الغنا
    الفضل معاك
    قبال تضلم
    وينكسف خاطر البروق
    امرق تعال
    اختا الدروب الما بتحن
    اضارا بي شوك الرياح
    امرق تعال
    قبال تجن
    مسيومه روحك
    وانت مافي
    مربوطة بي مغس الحبال
    لملم جروحك
    وفي المنافي
    صنقر تحت ضل المنى الممحوق
    واخير تجي
    امرق تعال
    قبال تبور فى السوق

    المرقة فى دربك سؤال
    والرجعة زادك والجواب

    امرق تعال
                  

05-14-2022, 08:39 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10974

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    اها مرقت جيت
    امرق تعال انت
    يا عاشق الجمال
    لكم سعدت بكلماتك الشفيفة
    لك التقدير والاحترام والمحبة التي تعرف
    ودام صفانا
                  

05-15-2022, 06:09 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: محمد سنى دفع الله)

    محمد السني
    حبيبنا الزول الفنان وانسان
    الثمين وسمين

    آنسنا نورا ونارا
    عطرا وازهارا

    ان شاء الله طيب ياخ وشديد وسعيد

    انا مرقت وجيت
    وتاني مرقت وجيت

    والمره دي بإذن واحد أحد
    مقيم ما أقام عجيب

    الغربة اخت الموت

    لو كانت امرأة لطلقتها
    هههههههه
    علي وزن لو كان رجلا لقتلته

    سعدنا يا سني بالطلة المفرحة
                  

05-21-2022, 06:13 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: محمد سنى دفع الله)

    ذات شجن ممض
    وغربة حارقة
    قال الحلنقي:

    غايب السنين الليله مالو
    غنا العصافير غلبو
    الناس سعيدن في الحياة
    لا ضاق فراق لا جربو
                  

05-16-2022, 02:00 AM

awad hassan
<aawad hassan
تاريخ التسجيل: 01-28-2007
مجموع المشاركات: 740

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    نص رائع بكل دلالات ومعني هذه الكلمة
    أدهشني كثيراً
    عملت ليهو copy في مذكراتي كي أستمتع بقراءته مع كوب قهوة الصباح
    تحياتي وتقديري
                  

05-16-2022, 09:00 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: awad hassan)

    كل الامتنان اخانا عوض
    علي تشريفنا بحضورك

    مرات كتيرة النص هو البكتبك
    وهنا كان رفقة ال نوستالجيا المريرة
    وصحبة الحنين الساكن الروح

    كل التحية والود ليك
                  

05-18-2022, 06:02 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    الشمس اجمل في بلادي من سواها والظلام
    حتى الظلام هناك اجمل فهو يحتضن السودان*

    بدر شاكر السياب

    * فهو يحتضن العراق، زي ما قال السياب
                  

05-16-2022, 08:06 AM

امير الامين حسن

تاريخ التسجيل: 02-08-2013
مجموع المشاركات: 308

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    قرأتها كوطن مهزوم ومأزوم - الحالة السودانية الحاضرة
    وايضا كإنسان مأزوم يعاني ويلات اغترابه وحنينه إلى وطنه

    تحياتي ابا ذر
                  

05-16-2022, 09:06 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: امير الامين حسن)

    تحياتي يا أمير
    وكل التقدير

    الغربة قدر موجع
    والحنين خط موازي

    وبكل ابتلينا

    نسأل الخالق يصلح حال وأهل بلدنا
    وترجع كل الأرواح البتعاني وتشقى
                  

05-18-2022, 06:58 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19604

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    رائع يا ول أبا أبو ذر .. رائع

    لكن عايز أسألك ..
    كلمة "ديداب" .. ماذا تعني؟ .. لو تعنى الدرب الذي يسلكه المشاة .. يمشوا به الزرع، أو الفلاة، أو ينزلوا به إلي البحر ..
    لو المعانى التى أورديها صحيحة .. أري ان تحول الكلمة إلي "دوداب" .. أري إنها تعطي نبرة الصوت قوة أكثر من ديداب.

    والله أعلم

    بريمة
                  

05-18-2022, 07:24 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: Biraima M Adam)

    حبيبنا البقاري

    كلما اشوفك بتذكر الزول السمح
    حامدين بقادي
    صديقي الجميل

    فعلا الديداب هو الدرب البكون غالبا وسط الزراعة او الغابة
    بكون قديم ومستمر وثابت ما بتغير

    في مناطقنا وبيئتنا بقولو الديداب
    ودوداب بتتقال بمعنى الفعل نفسه، يعني المشي في وعبر الديداب

    انت زول مثقف والله ومطلع يا بريمة
    هههههه

    لا بالجد والله

    أكاد أجزم انه حتى معظم وغالبية ناس مناطقنا في ارياف وسط أو شمال السودان، خصوصا الاجيال الجديدة
    ما بعرفو شنو يعني الديداب

    شكرا يا برمة العسل
                  

05-19-2022, 10:59 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19604

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    ول أبا أبو ذر

    إذن متفقين في المعني .. لا بأس أن تستلف الكلمة علي طريقة حكي البقارة ..

    لو لاحظت نبرة الواو قوية جداً في القصيدة .. دروب، العروق، مسروق، مخنوق، محروق .. وهكذا ..

    لو كانت أكثرت من أستعمال الياء .. مثل بدلك عيونك .. عينيك .. وبدل دروب .. دريبات .. كان ديداب ... تقع في أذني.


    -----------------------
    طبعاً أخوك منتحل شخصية ناقد.. المافي شنو!

    بريمة
                  

05-19-2022, 11:08 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19604

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: Biraima M Adam)

    تانى رجعنا ليك يا ول أبا أبو ذر

    شايف التتلح دا ..

    هل أنت وضعت كلمة "ديداب" لأسباب "عروضية" ..
    إن كان القصة داخلة فيها العروض .. لضبط التفعيلات .. أقول دا خلقي من الموضوع.

    ----------------
    ههههاي أخوك جرا واطي حبتين ..

    بريمة
                  

05-19-2022, 11:22 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: Biraima M Adam)

    عوافي يا بقاري

    شكرا علي النقد الأدبي

    ما عندك عوجه والله
    ما عارف المارقين ناس الامير ودينق كاشفين حالك ليه

    السبب الرئيسي لاستعمال مفردة ديداب

    هي انه دا هو المسمى الحقيقي في مناطقنا للدرب البكون وسط الزراعة او بين أشجار الغابة

    يعني لو انا قلت دوداب ما بتعرف المقصود شنو

    بس ياهو دا السبب
                  

05-19-2022, 06:32 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 20894

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: أبوذر بابكر)

    سلام ابوذر
    عجبتني جدا مداخلة بريمة وتفسيرك لإستخدام المفردة دي بهذا الشكل
    أصلا الشعر لو ما إمتزجت فيه الذات الشاعرة بتفاصيل المكان وإستخدمت فيه مثل هذه المفردات ما ببقى شعر .. كأنها حاجة كده سكنت روح الشاعر إلى الأبد


                  

05-19-2022, 06:58 PM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19604

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: حيدر حسن ميرغني)

    أنت عارف يا ول أبا حيدر
    طبعاً المنبر عامر جداً .. لكن أنا أحب أطلع علي الشعر والأدب من طرف خفي ..
    أكتشفت ليكم ول أبا أبا ذر من زمان .. وهو ما جايب خبر ..

    تخيل أنا أتذوق شعر ول أبا أبو ذر .. ويقع لي في أضانى بطرية سهلة ..

    بريمة
                  

05-19-2022, 07:10 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: Biraima M Adam)

    لقيتها والله يا بريمة

    اشتهرت وبقيت نجم أدبي علي حسابنا
    ههههههه

    ياخ انت لو ما بقيت زول ذواق وبتفرز الحاجات كويس
    ما بتكون بقاري أصلي

    زي ما انا قلت قبل شويه ل حيدر
    انه اصلا كل بقاري في الأساس زول جميل
    بالفطرة وبالبيئة

    أجمل اصحابي وزملائي بقارة
                  

05-19-2022, 07:06 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8017

للتواصل معنا

FaceBook
تويتر Twitter
YouTube

20 عاما من العطاء و الصمود
Re: اسقي الشمس شاي الصباح (Re: حيدر حسن ميرغني)

    ازيك يا حيدر

    انست البكان وفرحت الزمان
    بي جيتك

    بريمة دا زول مطلع وملم جدا وفيه كمية من الجمال
    هو اساسا اي بقاري بكون اصلا جميل
    الى ان يثبت العكس
    هههههههه

    بريمة مشكلته الوحيدة انه مره مره بتضوق فيه طعم الكيزان
    لكن ما ظنيتو كوز
    زول مكاوا ساي

    فعلا كلامك صحيح يا حيدر

    الإنسان في المقام الأول زي ما بقولو، هو ابن بيئته
    ولو انفصل عنها او ما استصحبها في كل حياته
    بكون نقص فيه جزء كبير ومهم من حياته ومعناه
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de