πألحس مسني .. و أنوم متهني£

مظاهرة كبري للجالية السودانية بمنطقة DC وجميع الجاليات السودانية بأمريكا دعما للثوار
شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 05-28-2022, 04:30 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-12-2022, 09:58 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
πألحس مسني .. و أنوم متهني£






                  

05-14-2022, 08:24 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
π ألحس مسني..وأنوم متهني£ (Re: دفع الله ود الأصيل)


    + بالله مش عيب بوست تراثي متل دا يفضل مجبمع يومين
    ولا في زولن كدي ساي يسمي في الله ، و كأني به عُشٌّ للدبابير
    أو بيتٌ للنمل ، أو مصيدةٌ للفئران .عمومن الفيكم انعرفتو أمرنا
    لله، فخلونا نفترعه أولاً بمداخلةٍ لشرح المفرداتالصعبة و من
    ثَمَّةَ تقريب المغزى لتخفيفاً لعصر عملية الهضم.
    + بطل القصة هنا فأرٌ صغيرٌ (أم سيسي) كان يعيش في محراب
    صومعةٍ لدى راهبٍ منفطعٍ للعبادة و التنسك ، يكسر طوق عزلته
    و يؤانس وحشته و حيث ‘نَّ الراهب كان يملأ بعض أوقات فراغة
    في العمل اسكافياً اي نقلتي ( بلهيجنا السُّكري الدارجي الفسيخ ).
    + فلا يجدُ لديه نديمه الفأر الصغير ما يسُدُّ به رمقه ، ليُسكِت به
    عصافير بطنه ، سوى قَطَراتٍ من الزيتٍ كان النقلتي قاعد يبلل
    بيها حجراً أملسَ ليسُنَّ عليه فيحِدَّ به شفرته ليريح ذيحته ويخصف
    نعله؛ هكذا يظل الفار يراقب الموقف عن كثبٍ إلى أن يسدل الليل أستاره
    فيُرخي النعاسُ أجفانه على عينيَ صاحبه فليُسلم وجههه لله و ليذه في سُبات
    عميقٍ، ثم تاتيتلكم الفأرة المسكينة لتتداعىهي وعيالها و قبيلها كما تتداعى
    الأكلة إلى قصعتها ليلعقوا "دعكاتٍ" من تلك القَطَرات على"جحر المسن"
    وهي طبعن لا تُسمنُ و لا تُغني من جوعٍ ، ليقاتواعليها متيقنين بالقليل،
    حامدين لله شاكرين لأنعمه، والتي إذا نقوم نعُّها فلا نكاد نُحصيها..

    (عدل بواسطة دفع الله ود الأصيل on 05-15-2022, 07:13 AM)

                  

05-14-2022, 09:26 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
π ألحس مسني..وأنوم متهني£ (Re: دفع الله ود الأصيل)


    + ويبقى الحال على ما هو عليه ، إلى أن "جاءهم فاسقٌ بنبأٍ فلم يتبينوا"،
    زارهم جقرٌ ملقوفٌ حنيذٌ ليُغريهم ، عوضاً عن انجحارتهم هناك في شق
    ضبٍّ لقطع الجِمار، بمكان آخرَ و (عامٍّ فِيهِ يُغَاثُ النَّاسُ وَفِيهِ يَعْصِرُونَ )
    عبارةٌ عن مخازنِ مطابخ لكوندة عامرةٍ بما لاعينٌ رأت ولا أذنٌ سمعتْ
    ولا خطر ببال فأرٍ، وأنه سوف يُطَافُ عَلَيْهِم بِصِحَافٍۢ وصوانيَ و آنيةٍ مِّن
    ذَهَبٍۢ وَأَكْوَابٍۢ من فضةٍ ۖ فِيهَا مَا تَشْتَهِيهِ ٱلْأَنفُسُ وَتَلَذُّ ٱلْأَعْيُنُ ۖ أمن الأجبانٍ
    والسلطاتٍ والملطاتٍ ولحم طير مما يشتهون و هم لا فيها لايُبخسون.
    + فاجمعت الفئران أمرهم وعقدوا رأيهم على شدِّ رحالهم وعزموا
    على هجر ديارهم ليخرجوا زرافاتٍ و وُحداناً ينشدون ذاك المكان
    يديع الوصف و الذي تخيلوه كأغني من مَغَاني الشِّعْبِ طِيبًا في المَغَاني
    *** بمَنْزِلَةِ الرّبيعِ منَ الزّمَانِ وَلَكِنّ الفارالعَرَبيَّفِيهَا ***غَرِيبُ الوَجْهِ
    وَاليَدِ وَاللّسَانِ***مَلاعِبُ جِنّةٍ لَوْ سَارَ فِيهَا سُلَيْمَانٌ لَسَارَ بتَرْجُمَانِ!!

    (عدل بواسطة دفع الله ود الأصيل on 05-15-2022, 07:11 AM)
    (عدل بواسطة دفع الله ود الأصيل on 05-15-2022, 07:46 AM)
    (عدل بواسطة دفع الله ود الأصيل on 05-15-2022, 07:51 AM)

                  

05-14-2022, 10:19 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
π ألحس مسني..وأنوم متهني£ (Re: دفع الله ود الأصيل)


    هناك الجماعة فعلن لقو البلد آخر بحبوحة
    لكن للأسف يبدو أن الريح قد ات بما تشتهي السفنُ
    و لامن جات الحزينة ما لقتش ي مطرح و بقت عليهم
    حكاية قريبة من عرس أبو الدرداق لستي القمر بوبا"
    + أبوسيسي فأرٌ جربوعٌ حقيرةٌ هائمٌ على وجه بالكوش و البلاليع.
    ففي ذات غفوة أخد تعسيلة مفترشاً قشرة موزة ؛ و ملتحفا ً قبة السماء،
    في ذاك الهمبريب الطلق، ترعان و خالف كراع فوق كراع و يكتح كاس
    وراء كاس مما قرت به الأعين و لذتْ الانفس الأمارة من خيرات تلك
    اللكوندة من خمرٍ خندريسٍ سائغةٍ للشاربين لحدِّ ما طشم ليك وقف لمبة.
    + يلا بقى يشوف ليك الجعرانةغزالة، وأبوالدنان هيلكوبتر. والكديسة
    بس آخر "حب .. وأول"مزفوفةً معاه الحجل بالرجل في (كوشة)
    و "شي سيرة زفة بي طبال و عروسة في جبينا هلال
    مواكب فرحة من أطفال يحاكوا السمحة ست الخال
    و قُبّال ما الصور تنشال على خيوط الأمل و الفال
    و صبح الناس يجيك مرسال
    يشيلك فوق وسط عينين يوديك مقرن النيلين
    يخدر فيك عقيد ياسمين
    و تقوم شتلة محنة مثال أريجا دعاش و حزمة نال
    قبال توتي ام خداراً شال عيون ام در لبيت المال
    غريب و الغربة أقسى نضال غريب و الغربة سترة حال
    قريب و بعيد حضور و زوال دا روم الاصلو ما بنقال
    تراقب في المجرة زوال عيونك ما عيون أجيال

    + و قعد يهضرب , يجر النمّْ مع الحردلو في الدوبـــــــاي
    الليلة هوي يا ليل، عاد ما "غاب أب شنب و لعب أب نب"
                  

05-14-2022, 11:27 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
π ألحس مسني..وأنوم متهني£ (Re: دفع الله ود الأصيل)

    @ و فى عز المزاج فجأة ً كدا عينو تقع في مخلوقٍ
    عبارة وحشٍ كاسرٍعليه جنس عيونٍ حُمْرٍ ترمي في الشوك المشيت
    ليه بي كرعيني . يلا ، جات بعداك طارت السكرةُ و جاءت الفكرةُ و
    و أخونا دا حسَّ بإنو رايح في رمشة عين ولا محالة و أول نظرة ؛
    نسى ليك الكوشة و العروسة التي عشقها و أحب ناقتها بعيره .
    + مسكتو ليك أم هلَّا هلَّا و كب جرس صاح لامن غلت. ويلا قعد
    يتودد و يكسر تلج ويتوسل لهذا الكائن الفك المفترس لحدت ما
    لحسليه كرعينو ؛ و بقى مساقد حيصَ بيصَ. وقعد يبطبط
    لحد ما كره الج رذ اللي هداه غلى ذلك الفخ الخطير
    @ و كبرت كراعو منرعشة الرعب نُص فى اللرض
    نص فى النعال"اتلخبت الشوق بالزعل اتحاوروا الخوف
    و الكــلام راح لي سمبهـــار!!
    + اقترب أبو شنب و نهره نهرةً ارتعدت لها فراصُه
    ثم هجم عليه و جنقه خنقةً جابتلو شرشوفو بي لهاتو ثم
    تركه بين "النوم والفطَسان زورني يا حبيبي أن سكران"
    فاغيتو كانت زنقة فتيل في كُس/تُبانة ما ضاقا كلب
    أكل الدريش في طاحونة فلاتة؛ بس ربك لطف!
                  

05-14-2022, 01:18 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مسني..و أنوم متهني£ (Re: دفع الله ود الأصيل)


    + فلما جاءهl كبيرهم الذي علمهم الشلاقة و اخرجهم
    من ججورهم بحثاً عن مُغريات العيشة الرعِدة الهنيئة /جاء
    يستدرهم من حيث يعلمن، انبرى له الفأر الصغير ليُحمَه
    بهذه الحكمة البالغة، π ألحْس مسنِّي..وأنوم متهنِّي £
                  

05-14-2022, 01:34 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: دفع الله ود الأصيل)


    شخصياً مرقتُ منها بي كم فائدة و فائدةٍ :
    1) ما نُقِ ل في الأثر عن علي بن أبي طالب رضى الله عنه:
    في فهمهه و تعريفه لمعاني التقوى هي الخوف من الجليل و
    العمل بالتنزيل والرضا بالقليل والاستعداد ليوم الرحيل.
    2) إنو الخلَا دارو قلَّ مقدرارو
    3) إنو يفضل ضُلَّ الدليب أررررريح سكن
    4) وطَني ،ولَو شغِلتُ بِالخلدِ عَنهُ نازَعَتني إِلَيهِ في الخلدِ نَفسي
    وإنو " لاهَب جَنَّةَ الخُلدِ اليَمَن..لا سيء يعدل الوطن"
    عُصفورَتانِ في الحِجازِ حَلَّتا عَلى فَنَن
    في خامِلٍ مِنَ الرِيا ضِ لا نَدٍ وَلا حَسَن
    بَيناهُما تَنتَجِيانِ سَحَراً .. عَلى الغُصُن
    مَرَّ عَلى أَيكِهِما..ريحٌ سَرى مِنَ اليَمَن
    حَيّا وَقالَ دُرَّتانِ ..في وِعاءٍ مُمتَهَن
    لَقَد رَأَيتُ حَولَ صَنعاءَ وَفي ظِلِّ عَدَن
    خَمائِلاً كَأَنَّها بَقِيَّةٌ .. مِن ذي يَزَن
    الحَبُّ فيها سُكَّرٌ.. وَالماءُ شُهدٌ وَلَبَن
    لَم يَرَها الطَيرُ وَلَم يَسمَع بِها إِلّا اِفتَتَن
    هَيّا اِركَباني نَأتِها.. في ساعَةٍ مِنَ الزَمَن
    قالَت لَهُ إِحداهُما.. وَالطَيرُ مِنهُنَّ الفَطِن
    يا ريحُ أَنتَ اِبنُ السَبيلِ ما عَرَفتَ ما السَكَن
    هَب جَنَّةَ الخُلدِ اليَمَن..لا شَيءَ يَعدِلُ الوَطَن
    أحمد شوقي-----
                  

05-14-2022, 04:39 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 8702

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: دفع الله ود الأصيل)

    قلنا
    سلم
    قبال ما نكلم
    سلام ود الاصيل
    منك نتعلم
    ونعلم
    اها مسعول من الخير
    حكاية اللحس دى
    كوع ولا قدم متقدم
    عشان المدخل
    مضلم
                  

05-14-2022, 08:36 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10974

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: صديق مهدى على)

    اخي الغالي وسمي ابي له الرحمة والمغفرة
    اخي الصديق الذي لم نراه يا جميل الدواخل هذا زمن الهيافة
    وكل ما يلمعحتى ولو كان زائف فبديع كلماتك وعميق معانيك يبعدنا عن طرب ( القونات ) ويرمي بنا في العنف الاقانوني من باكات يحرسون الهيافة
    ياخي كتابة ساخرة من السهل تحويلها لفيلم كارتوني ضاحك يعلم الاجيال القادمة العبر الحقيقية
    لك المنى ةالتهاني ونسمع عنك كل جميل يا اصييل
                  

05-15-2022, 06:56 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
π ألحس مَسَنِّي.. وأنوم مِتْهَنِّي£ (Re: محمد سنى دفع الله)


    يا ود مهدي بالله نستاذنك تسلم معاي على ضيفن
    عزيز بلحيل و كايس يجيني زمن وأمتع نفسي بي شوفتو"
    أستاذي والقامة دي سهكوها عديل يا محمد السُُّّني و أنا أبوك ،
    فخليني أولن أرفع لك عمامتي تحيةً و تجلةً وأقول: ورد الخطاب
    فلا عدمت أناملاًنقشت ْ به حتى تضمخ طيبا.. فكأن موسى قد
    اُعيد لأمِّه .. و قميصَ يوسفَ قد أتي يعقوبا..
    + أنت عارف أنا بقول كدا ليه؟! لأني لستُ الصديق الذي لم ترَوني ،
    كلا ، بل إننا كم قد تراءينا خِفافاً كخُيُول الريحِ في جوفِ العتاميرِ كلما
    تفرقت بنا عصا الترحال أيادي سبأً، و لكنك معذور لأنو معارفك كتيرة .
    + أولن كمتابع نهمٍ لأعمالك الدرامية الماتعة الباتعة ، و الأقرب منها إلى
    كوميديا ديكارت الأرضية " أنا أُخَمِّن..فإذن أنا موجوودوحيٌّ أُرزَقُ"؛ دا كان
    أيام القناة (10) مع عميري وعيسى تيراب و رفاقكم،طراهم الله بالخير؛
    + و سبق و ذكرت لك أننا تجاورنا الهيتة بالهيتة حوالَي 1998في مجمع
    ثاني بن عبد الله مقابل دوار أعلام مجلس التعاون و صالة التشريفات (VIP) ؛
    + ثم تلاقينا أسفيرياً عبرمنتديات ود مدني أقال الله عثرتها و رد غربتها والفضلنا
    حارسنها لامن قفلنا الباب ٌ متشاكسون بين ضفتَي نهر، قمنا نصيح بيهم استتنى عندك
    مييين لي هناوووك؟! و بالمناسبة لامن كرنتَ ( دعكتني الكرونة اللعينة رض الله عنها
    وأرضاها،عشان ما تجينا تاني) كان أخوك محجوراً بفندق موفيمبيك، وكانت مشاهدتي
    لأعمالك الرائعة هي سلواي و ديدني و ملاذي،خاصة "الإرهاب و الكباب" و"الحب
    في تلاجة "مع شريف عرفة الكنز النوبي مع سعيد حامد. ذلك فضلاً بطبيعة
    الحال عن شمولية فنك بوجهك الصبوح ومنور، و طفوليٌّ على السليقة
    و كل ما جادت به قريحتك من مؤلفات خالدة س لاجاب الله.
    + أما وها أنت تنيخ بعيركلتنزل ساحتي القفر اليباب، و بعد طلة نجعة،
    فهذه لوحدها بادرةٌ سأتوشحها قلادةَ شرفٍ كُبَّارا ونوط استحقاقٍ و جدارةٍ
    و نحن قومٌ للأسف ، لا نجيد ذكرَ محاسن رموزنا ، إلا في سرادقَ لا
    نقوم ننصبها لتأبينهم إِلَّا وَنحن كُسَالَىٰ وَلَا نؤمها إِلَّا وَنحن متثائبون.
    +أدام الله عليك نعمة الصحة والعافية أستاذي ومتعنا بلُفياك.
    ً
                  

05-15-2022, 12:22 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10974

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: دفع الله ود الأصيل)

    الزول الماسك بتلابيب اللغة او بالاحرى مقبقب جلابيتهاومتوشح بيها شال نحن ما بنقدر على مجاراتك
    وشكرا لكلماتك الرقيقة في حقنا شهادة اعتز بهاواتشرف ان تكون قلادة على صدري وبريقها ينير عقلي
    سعيد بمتابعة اعمالنا واتمنى ان تشرفنا في عملنا الجديد مسرحية ( مونو دراما ) مسرح اشخصية الواحدة ولكنها بقدمها بصورة تتجاوز مسرح الرجل الواحد
    بها اطفال يكملوا اللوحة ومعلم استاذ يؤدي دوره الفنان المغني الصداح ( انور عبدالرحمن ) ( عقد الجلاد ) وموسيقي يدوزن العرض بموسيقاه طوال المسرحية وكمعادل موضوعي للاحساس
    والحالات المتنوعة صعودا وهبوطا من انفعالات وذرى تحمل صراع الحنين والشجن لمزارعي فقد حواشاته بفعل الحرامية الدمروا اكبر مشروع في افريقيا
    واصبح يجري مع طيور الحواشات يبثها لواعج اشجانه حتى اصبح صديقا للطير وعرف كل طيرة في المشروع من طيور بت بلد للطير المهاجر والغريبفاصبح يعرف كلام الطير وكل حالة يغني المغني الاامه ويبشر باحلامه
    المسرحية من تأليف والموسيقى للموسيقار ..علاء سنهوري .. والغناء للفنان الصداح ..انور عبدالرحمن
    عنوانها ((( شجون طائر مغرد )))
    الاسم الشعبي (( كلام الطير ))
    اتمنى لو سمحت ظروفك ان تكون حضورا واول مانحدد موعد عرضها في الشهر القادم سنوجه لك الدعوة تسلم يا اخي الغالي
                  

05-16-2022, 07:20 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
π ألحس مَسَنِّي.. وأنوم مِتْهَنِّي£ (Re: محمد سنى دفع الله)

    أستاذي محمد السُّنِّي ، أشكر لك كريم دعوتك وانت
    ترتقي بي مرتقًى صعباً و عقبةً كؤوداً و تلبسني باروكة ما عندي
    ليها رقبة، وأنا زول ساي ابن امراةٍ تقتات على القديد وتحلِّي ويكاب
    () و رويعي للغنم على قراريط لاهل ضيعتي ، وظنِّي الاقرب إلى
    الإثم إذا سنحت لي السوانح و جادت تصاريف القدر، لحضورعروض
    مسرحكم أن أكون أطرش من "عنتر و أبله" لزميلك غانم السليطي
    و أسكتَ من بهلول في إسطن/ بول للراحل سمير غانم ،
    + أعذرني للإطالة،على غرار سيدنا موسى عليه السلام لما سُئلَ۝
    وَمَا تِلْكَ بِيَمِينِكَ يَا مُوسَى ۝ قَالَ هِيَ عَصَايَ أَتَوَكَّأُ عَلَيْهَا وَأَهُشُّ بِهَا عَلَى
    غَنَمِي وَلِيَ فِيهَا مَآرِبُ أُخْرَى ۝ قَالَ أَلْقِهَا يَا مُوسَى۝ ما فعل ذلك إلا
    استمراء ً لطلاوة اللقيا ، و لله وأولي العزم من رسله المُثُل العُلأيا
    + فقلنا وكت الله جابك لينا بجاي، فدعنا نسوم هنا بضاعةً مزجاة
    على قارعة طريقكم، كشأن من جاء يبيع الماء في حارة السُّقاة،
    عساها ولعلها تُحظى بمتاوقة منكم و أنتم أدري بشعاب مكةَ
    + فباعتاري هاوياً لستُ إلَّا، لدي محاولات خجولة ، عبارة عن
    خربشات لا ترقى بكل تأكيد للصعود على خشبة مسرح العرائس
    ® مسرح في الهمبريب الطلق £® مسرح في الهمبريب الطلق £
    [}لكل فولة مخستگة.. كيال أعور [} بقلم / دفع الله ود الأصيل [}لكل فولة مخستگة.. كيال أعور [} بقلم / دفع الله ود الأصيل
    # كائناتٌ شَائِعَةٌ في مَضَاِربِ أمْثَالِنَا الشَّعْبِيَّةِ # كائناتٌ شَائِعَةٌ في مَضَاِربِ أمْثَالِنَا الشَّعْبِيَّةِ
    《 كورونا .. و حَظْرُ التَّبَوُّلِ 》《 كورونا .. و حَظْرُ التَّبَوُّلِ 》
    《 خواطرُ محجورٍ منزليَّاً بجَزيرَةِ مالِطَةِ》《 خواطرُ محجورٍ منزليَّاً بجَزيرَةِ مالِطَةِ》
    لِسِانُ تِمْسَاحٍ مَلْطُوشٌ و قد عُثِرَ عليه بِحَوْزَةِ كَلْبٍ يَلْهَثُ

    07:08 AM October, 10 2017 سودانيز اون لاين
    دفع الله ود الأصيل-
    مكتبتى
    رابط مختصر
    [} لعمري إن عبق أنفاس كل من يقرؤنا بجوارنا
    ليدفعنا دفعاً بقوة حصانٍ رباعيةٍ نحو رحابات الأماني السندسية؛
    و كأني بمن يحاول جاهداً ليستنبط من تهاويمي هنا و هناك ، شَعَاعَاتٍ
    ذات أبعاد خماسية لا ترى بالعين المجردة ؛ لنقول: "إنو المال السايب بيعلم السرقة"

    [} خاصةً و أن ثَمَّةَ لسانُ تمساحٍ وجدوه ملطوشاً؛ و قد عُثِرَ عليه بحوزة كلبٍ
    يَلْهَثُ و يحاول عَبَثَاً حشره بين فگيه و هما لا يسعانه لا طولاً و لا عرضاً.مثلَما أن
    "لكل فولةٍ مخستگةٍ كيالٌ أعورُ" و " لكل ساقطةٍ لاقطةٌ" و "الطيورُ على أشكالها تقعُ"

    [} حشودٌ من الأمثال الشعبية السائرة من هنا و هناك على هذه الشاكلة
    تتقافذ إلى ذهني كلما مررتُ بموقف يجسدها تماماً ن على جدار الزمن.

    # خصوصاً إنو نحن بقى الرايح لينا في الموية كتير، و ما يدي الدرب في زمانٍ تشابكت علينا فيه
    الأفكار و تشابهت علينا فيه العجول و الأبقار ؛فمشينا نفتح خشوم التماسيح , بحثاً عن لسانٍ لتمساحٍ
    مسروقٍ؛ و تَمَّ ضبطُه لاحقا بحوزة كلبٍ يلهثُ ؛ و حقائق شتى ، ضائعة في زحام المتناقضات.

    ¶ فكل ما يقال و يُفْتَى به تجد أن له أذناً صاغية تسمع؛ و جِهَاتٌ مسؤولةٌ و غير مسؤولةٍ
    تنفذ و سلوك (دلدماسية) و غير دبلوماسية تنافح و تنبح كنبيح الكلب(على ضنبه).
    []-------------(((())))-----------[]
    [} فكلما وجدتُ شيخاً متعصباً في فقهه, متشدداً متزمتا في رأيه, متجهماً بقسمات وجهه,
    لا يفِرُّ بسمةً و لا يفك تكشيرةً؛ و حسبتُ أن لا حظ له من نساء الدنيا (بس، راجي الحور العين).
    لكنني أفاجاً على العكس بأن لهذا الصنف بالذات منهن مثنى، فثلاث و رباع. كما له مآرب أخرى
    في أخريات. و هناك وليان أمورٍ متعلقون بأمثلا هؤلاء للنخاعات؛ و فتياتٌ بهم حالماتٌ، و لشوشتهن
    غارقاتٌ ؛ وأمهاتهن لأكف الضراعة رافعاتٌ (إنو يا رب السماوات و يا مقيل العثرات تفك
    ساجور بناتنا البايرات وتسخر لكل واحدة ، عريس شرطن يكون لِبِّيس ، و من هيعة التدريس)!!
    [](فيا لسبحان الله)
    []-------------(((()))-----------[]

    # و أما عيال ميگي ، فيقال عنهم شباب متشبهون، يسبلون شعورهم إلى أنصاف ظهورهم و هم يُحَّلون
    من أساور من ذهبٍ ؛و يلبسون ثياباً مًلُساً من سندسٍ و إستبرقٍ حتى(ضحك الشيب منهم و الشباب معاً) ،
    و لكنني أفاجأ بالفتيات يلاحقن أمثال هؤلاء في الطرقات؛ و يمشين وراءهم في دهاليز الأسواق و المولات؛
    ربما لقناعة لديهن بأن الطيور على أشكالها تقع! (فيا سبحان الله)
    []-----------((()))---------]
    #أما هذا فيقال عنه رجل فظً غليظ القلب مع النساء بحيث:لا يأبه بمن تنظر إلية و يمتهن من يتوددن إليه.
    فقلت في نفسي:لا بد أن ينفضَّ سامرهن من حوله! لكنني كثيراً ما أفاجأ بأن كثيراتٍ منهن يفهمن مبدأ
    قوامة (الرجال على النساء) بمعنى أن الكلب لا بد و أن يتودد لخانقه. (فيا لسبحان الله)..
    []----------((()))--------[]
    [} و هنا ،رجل مهمل لنفسه منهمك في جمع الدنيا، لمستقبل لا ناقةَ له فيه و لا بعير.
    و لكأنه(متل إبل الرحيل، شايلة السُقا و عطشانة). فهو فاقدٌ الأهلية لأدني مقومات
    الجاذبية لدى أية أنثى ، اللهم عدا واحدة لعلهاترى فيه عصامياً، ثم تقرر العيش في
    كنفه، فقط بمنطق أن تنعم بخيره مع شريك آخر لحياتها ، غيره! (فيا سبحان الله)
    []-------------((())))-----------[]
    [} و هذا رجلٌ هِلِهْلِيٌّ يرتعد خوفاً من ظله ؛ فلا كلمةَ له بين أقرانه، يستحيِي حين
    يجادل ؛و يتصبب عرقاًحين يطالب .فقلت لن تقبل امرأةٌ برجلٍ طريرٍ و لكن إذا بمن
    يجدن فيه ضالتهن ، لا لكون في أثوابه أسدٌ هصورٌ، و لكن لكي تؤول العصمة بيدها،
    ليخلو لها الجو و تحيا حياتها حرةً؛ فتبيض و تصفر !! (فيا سبحان الله)
    []-------------(((())))-----------]
    [} حتى إنني صرتُ مُضْطَراً لمسايرة قولهم إن :لكل ساقطة لاقطة بمفهوم عصري متجدد جداً!!
    من هنا فلا بد لكل حالم أن يقيض له الله فتاة أحلامه إن عاجلاً أم آجلاً على بساط من حرير .
    (بمشيئة العلي القدير) .

    [] أنا لم أتبدل. كل ما في الأمر هنالك، أنني ترفعْتُ قليلاً عن كثيرٍ .
    حين تبينت أن لا شيء يستحق عناء الانحناء تواضعاً,,,,
    ود الأصيــــــل
                  

05-19-2022, 12:59 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: دفع الله ود الأصيل)

    صلاتك ، بين فأرةٍ و بعيرٍ !!//
    @ بينما فأرة (أم سيسي) جكسوية حنيكيشاية دلوعة،
    مرقت تتمشى في العراء لشم النسيم الطلق ،إذا بها تلمح بعيراً
    من حمر النعم بديع الوسامة، مرفوع الهامة يمشي، كما قالت الخنساءُ
    تنعي و ترثي أخاها صخراً الندى: طويل النجاد رفيع العماد كثير الرماد
    إذا ما شتى. و كأنماتلك الفارة وقعت في حبائل عشقه و{ رشقتها عيونو من
    أول نظرة}؛فسارعت لقوده من خطامه و راح هو يتبعها كالميت بين يدَيْ
    مُغَسِلِه ،إلى أين؟ لا ندري يا نعسان! فلما بلغت به أشد سعيها، أناخته عند باب
    جُحرها.و قالت بكل غنج:اتفضل أدخل، ناس بابا و ماما و بقية العيلة و كمان
    الجيران ، كوللهم مستنيينك؛ آه وي ما ل أنت فاكر إيه موش أنا قايلالهم إني
    أنا و يَّا خطيبي حبيبي، خلاص جايين في الطريق و زمانَّا ها نوصل دي
    الوقتِ حالن. و همَ طبعن، محضرين ا لشربات و كول الذي منو.
    - و أما بعير الغفلة، فقد وقف في العقبة و ما هواش فاهم أيتها حاجة
    من اللي بيحصل دا (و لا ناقش الدقعة) ثم فتثاءب، ثم قال لها، بلسان
    الحال وليس مقاله: اسمعي يا بنتِ الناس، ما هذا الجحر الضيق؟!
    فإإذا كنتِ جادةً في إنك عاوزة تتجوزيني فعليك ، إما أن تتخذي
    داراً ملائمة، لِتَلِيقَ بعشيرِك؛ أو لتتخذي عشيراً لِيَلِيقَ بدارك.
    + هنا حمكةٌ بالغةٌ نطبق تماماً على حالك أنت أيها المصلي
    الهُمام،يا من تتعجل في أداء صلاتك و هي عماد دينك؛ فتنقرها
    كنقر الغربان؛ وتتلفت فيها كتلفُّ الشيطان و تلهث بها كلهاث
    الكلب السَّعران، إذن، عليك أن تختار: فإماأن تصلي صلاةً
    لِتَلِيقَ بجلال معبودِك ؛ و إما أن تتخذ معبوداً لِيَلِيقَ بصلاتِك.
    مأخوذ. بتصرف عن بدائع الفوائد للإمام ابن القيم.
    * ود الأصيل ،،،
                  

05-23-2022, 12:02 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: دفع الله ود الأصيل)

    مسرح في همبريب العراءالطلق
    بعنوان : "حباب ود أب راساً حلو"
    سكيتش (1/7)
    1،2،3 ستوب أكشن،،،
    (حكاية كانت تحجينا لنا حبوبتي بت ودالتاي زي
    ناس ود اللميرو فاطنة الالقصب اللحمر و هي مستوحاة ،
    ربما، من كتاب (كليلة ودمنة) كمضرب مثل لحال من يعسل
    لك الكلام و هو يضمر لك السوء كل السوء) الشخوص بحسب
    الظهور في المشهد الأول عدد (2): فأر (جِقِرن) كبير مع ابنته
    فويرة سغمبوطية (أم سيسي) يفتح الستارعلى نص سيناريو
    الحوار الهادئ بين عمنا الجقر وابنته (أم سيسي) ؛
    - تعالي يا بنيتي النرسلك أمشي كدي لحلة ناس عمك
    الكديس ديلك قول ليهم السنة دي ناحيتنا محل جفاف
    كُرتاحة و ما نزل لينا مطر, و ياريت تسمحوا
    لينا نرحل نخرف حداكم.
    - و أهم شيئ يا بنيتي بس تاخدي لي بالك من أول
    كلمة يستقبلوك بيها هناك ؛ لأنها بتدينا الانطباع
    الأول عن نوايا القوم و هو دا زاتو بيت القصيد.
    يسدل الستار قليلاً ثم يفتح على و قائع الفصل
    التاني في مجلس سيادي شيوخ الكدايس و
    أعيانهم (يلا جرت الفويرة تحمل الرسالة
    منطلقةً لا تلوي على شيء.
                  

05-23-2022, 12:07 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 10661

للتواصل معنا

FaceBook
تويتر Twitter
YouTube

20 عاما من العطاء و الصمود
Re: π ألحس مَسَنِّي.. وأنوم مِتْهَنِّي£ (Re: دفع الله ود الأصيل)

    ® في جمهورية موزنا الگاااااذب π√
    (دفع الله ود الأصيل)
    حباب ود أب راساً حلو
    مسرح في همبريب العَراءِ الطَّّلْق

    كيتش (2/7)
    1،2،3 ستوب أكشن،،،
    +عند الوصول وبعد أن ألقت فروض
    التحية اللازمة تنحنحت و قالـت) :
    - سلام عليكم هوي ناس عمي الكديس! "
    - أهلاً حباب ود أب راساً حلو", هكذا جاءه الرد
    جماعياً مدوياً من كافة الأعيان و الحضور في اللمة .
    (لم تهتم الفويرة أم سيسي بمقاصد العبارة (إذ كانت
    مأخوذةً بحفاوة اللقاء و حرارة الترحاب).
    و واصلت سرد رسالة أبيها:
    - قال ليكم أبوي الجقر السنة دي و لا قشة فرد واحدة
    ما قامت في بلدنا, و متعشمي تخلونا نجي نقضي الخريف
    حداكم!! فشنو ردكم؟ عشان أرجع بيه سريع أوري أبوي! هنا،
    (يعتدل عمك شيخ الكدايس في جلسته بعد أن يبرم شنبه و يقول
    بوقار مصطنع فيما طأطا أركان حربه من الأعيان رؤوسهم):
    - قولي ليه موافقين طططب و حبابكم عشرة ، برا كشرة:
    (ثم يلتفت لبقية الحضور ليدعها تسمع همهمة منهم كعلامة البصمة بالعشرة ):
    طبعاً طبعاً يا بتنا موافقين ورضيانين و نص و خمسة..إهييييي ودي برضو عايزة
    كلام ياخ؟ , عيب كدا! دا نتي تخطفي رجلك دي الوقت و تجري تجيبي كل قبيلتكم
    الكريمة و لو ما شالكم الكتف تشيلكم الكرش (ثم يسدل الستار مرة ثانية ثم يرفع
    لعرض مشاهد الفصل الثالث و الأخير) حيث جاء ت أختنا الفويرة / أم سيسي
    منطلقة نحو ديار أهلها تنطط من الفرحة. لتخبر أباها وهي في أشد الانبهار
    بحزمة مغرية من وعود الكدسة بحسن الوفادة والرفادة و قالت:
    - والله يا أبوي ناس عمي الكديس ديل أثبتوا لي إنهم طيبين خالس وكريمين كمان ,
    و لي هسي أنا ما شفت من ناحيتم شر، إلا حسن النوايا , بس كمان ملاحظة يابوي إنكم
    مزودها معاهم حبتين و زايدنها كوزين ، لدرجة الثقة المفقودة تكاد تكون متوهمة من جانبكم
    براكم!(هنا انتهرها أبوها الجقر بنبرة ارتعدت لها فرائسها و ردتها إلى صوابها) و قال:- يا بت
    (قصدي ، يا فارة) يا غشيمة خلينا بالله من جنس البكش الفارغ دا و المهم تقولي لي بالحرف
    الواحد في أول الترحاب قالو ليك شنو؟! :و متل ما وصيتك تمسكي لي في أول كلمة تمرق
    من خشم كبير هم الذي علمهم سحر البيان في المكر و الخبث و الدهاء حين ألقيتي
    عليهم التحية هناك؟ أها شن قالولك؟!
    - والله يا بوي بصراحة ربنا كدا، هم قابلوني كولهم بآخر حفاوة و أريحية وحميمية،
    مافيش بعد كدا. و كمان قالوا لي:"حباب ود أب راساً ، و لا بت أب راساً حلو ماني عارفة",
    افتكر دا كلام ما فيهوأية حاجة تخوف! مش كدا و لا شنو يا أبوي؟ و الله أنا لمن زاتي ما
    صدقت و هبشت راسي براي، قلت أشوفو فعلا أكان مترتر فوقو سكر و لا مجلط بالعسل!!
    (هنا ينط عمك الجقر ل لا فوق وكأن طابوقة و قعت على هامتو، و ارتعدت فائصه غضباً) :
    ثم قال لابتنه- سكر و لا سجم رماد إن شاء الله في عينك يا عبيطة يا بنت العبيطة، شكلك
    طالعة لأمك فعلاً! أنت عارف دا معناه أيه؟ معناه نهاية عمرك وعمرنا معاك!! اسمعي يا
    شويفعة هوي ، أنتي فعلاً غشيمة و ع لى نياتك .و أنا تاني ما برسلك لمشاوير زي دي .
    و كويس أنك جيتينا نافدة بجلدك. دي يا بنتي كانتشفرة واضحة بالنسبة لواحد متمرس
    أبوك و خلاص مانا رايحين ولا أي حتة خلينا نموت جوعاً أحسن مما بين مخالب
    الكدسة الأوغاد يفضلوا مخمخوفينا لا حول السنة.. تلاقيهم هسة يتلمضوا
    في رجا الاستمتاع بوجبة دثمة من لحم و أكتافنا. يلا بس، انكطعت
    و انشبطت، لكن ، وين؟!
    تخريـــمــة بجـــــــــاي:
    أخونا عثمان الجقر برضو واحداً كدي مفضي روحو للفارغة
    ومقدودة و للبحث في سُلالات وأنساب الجروة و البعاشيم سمعتو
    ذات مرة في لحظة تجلي كدا في قناة(النيل الازرق) مع الفرجوني،
    وقد تجرأ و أدعى بأن ضمن الفردوس الأعلى لشلة كلابه الهجينة تلك؛
    طبعاً بعد أن رفع نسبهاإلى سلالة ذاك الكلب السعيد الذي شرفه
    المولى عز وجل برفقةأصحاب الكهف. لكنها ما لبثت أن
    وقعت في الناس عضاً و نهشاً.فكان و بالاً عليها.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de