طارق كبلو (يبشتِن) كلام مولانا محمد المرتضى السمح ..

مظاهرة كبري للجالية السودانية بمنطقة DC وجميع الجاليات السودانية بأمريكا دعما للثوار
شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 05-28-2022, 05:13 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-11-2022, 08:38 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
طارق كبلو (يبشتِن) كلام مولانا محمد المرتضى السمح ..






                  

05-11-2022, 08:38 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    الزول السمح

    - محمد المرتضى حامد –

    عندما يعلو صوته كااااااااان كاااانا، كان بالأمس لِقانا عابرا.. في (كاااان) تلك لم يكن يحكي كابلي عن لقاء مفرد عابر بالأمس بين صديق مدثر ومريودته، فصوته بطبقاته المختلفة في نطق حرف الألف ألغى قاعدة أن (كان) ناقصة ناسخة، (كان) بقراءة كابلي شاملة كاملة حكى فيها عن كل لقاءات العاشقين منذ (توبة) وليلى الأخيلية وجميل وبثينة مرورا بأنطونيو وكليوباترا وليس انتهاءا بتاجوج والمحلق أو تلك التي دعاها الجميل الراحل حمزه خوجلي مشاركته ماراثون العشق الأوليمبي واختراق ضاحية الصبابة في رائعته معايا معايا بالدرب الطويل أوالسباحة في نهر الريد الصافي صدرا وفراشة..

    (ضنين الوعد) أغنية التصقت بخاطري ولهاتي منذ الطفولة الباكرة عندما كانت تنثال من المسجل ال GRUNDIG والذي تفتحت عليه عيوننا موهط بالصالون بلون خؤولتي وعبق أيامهم وبجواره صرح من الأشرطة (الريل) كان أعلاها هامة شريط (ضنين الوعد) وعجائب أُخر.

    أذكر جيدا تلك العصرية بالمظاهر 5/2 حِلّتنا أنا، فريق العناصر المشعه زي الجابري والراديوم وما نسيناك وعبد الرحمن الريح، قدس الله سره، وسيد عبدالعزيز وعزيز دنياي والمريخ والهلال، وقد توقفت الأمطار عن الهطل سوى باقي برق عبادي يشلع من جهة بحري وسط سحاب ماركة الليله النقه، وقتها كانت (حسنك فاح مشاعر) تُبَث من مذياع فكانت العامل المساعد catalyst في إلصاق تلك اللحظات في كل خلية بالذاكرة حتى أصبح الواحد منا حين يفاجئه السحاب بشارع الشنقيطي وتنفحه رائحة الدعاش تتغير مشيته براها على إيقاع الريقي، وتغدو كل الشوارع (رياض غوالي تمسِّخ كل غالي) فيغمرك إحساس بأنه الماشين في الشارع ديل كلهم بريدوك من قلوبم وكلهم وسيمين و(الناس المشاعر من رسام لشاعر شالوك في العيون)، شعور كدا، زي ما قال بشرى الفاضل، غازلك الناس في الشوارع وزادوا عليها بصوت مسموع يا ود يا كمنجه يا ريقي ويسلِّموك المتعة والبشاشة كاش داون.

    عندما كتبت كابلي إيفيرست، كابلي الهملايا، عنيت الشموخ والتسلسل الطويل، في شتى ضروب الفن وأغراض الشعر ومجمل الفعل الثقافي، تجلى كابلي فهبت الخرطوم في جنح الدجى بعدما باتت أباريق كسلا في إطراق وغارت من مروي الشاف فيها كل جميل، ومع كل ذلك كان حب المصطفى حاضرا، فكابلي صوفي في مولد (المجذوب) على طريقته الخاصة وعلى كيفه كما يقول حبيبنا الكتيابي، مهذِبا للأنفس مرققا للحواشي.

    هو شنو المابعرفو وشنو الماسواهو كابلي؟

    في لفتة بارعة تشبه صاحبها عزيزنا السفير صديق محمد عبدالله والأخت السفيرة إلهام شانتير، صحت الخارجية السودانية بعد الثورة الأصبحت في صدورنا زي أبوالشهيق، صحت من سباتها، بل غيبوبتها الإنقاذية، فمنحت الزول السمح الفات الكبار والقدرو جواز سفر ديبلوماسي باعتباره سفيرا لأي حاجه كويسه، ثقافه وتراث وفنون ونوايا سُكّر سُكّر، وكما قال صديقنا صديق مخاطبا كابلي ليلتها، بأن هذا أقل ما تفعله الخارجية السودانية تجاه إبن السودان البار، وتم تسليمه الجواز في حفل بسيط وكانت كلمة كابلي، كما عهدناه، تتفجر محنَّه، شكر فيها أسماء وزيرة الخارجية وقتها غيابيا وكلف حبيبنا صديق بأن (يشكر نفسه)، هذا هو كابلي اللطيف المرح.

    حكى في تلك السهرة أنه زار بلدية بحري لإجراء رسمي يخصه وعندما لحظت شابه لطيفه أن صاحب الطلب الذي يقف أمامها، وهو القائل (قلبي المِن نشوه للبنات هواي)، قامت بما يلزم بلمح البصر، شايفين سماحة النفس ودورها كباسويرد لقلوب البشر؟ وعندما علم أنه عومل بشكل استثنائي سألها عن السبب فقالت له: عشان إنت غنيت لي! بالطبع سألها غنيت ليك شنو؟ فردت: مش كتبت وغنيت (شمعه) وقلت فيها:
    تسكب من حياتا النور وترقص للأمل وتدور؟
    قال ليها بالحيل!
    قالت ليهو: طيب أنا ما حياة النور ذاتا.
    أصلي ياخ..

    شاهدت كابلي يغني في تلفزة عربيه ويتحدث في التراث وفي الأدب وفي السياسه وحركات التحرر الوطني، يرفع الراس، أعادني لأيام تفتحت فيها قلوبنا قبل آذاننا على عدم الإنحياز وبوحيرد، يا جزائر، ووجه غاندي وصدى الهند العميقة، حتى لينتابك إحساس أن من ورد ذكرهم في رائعة إبن النهود تاج السر (آسيا وإفريقيا) هم أهلك وأحبابك وجميله دي بالذات أختك بالرضاعة واختار الجيش التحرير.
    مدنياااااو..

    كنا نصغي لفنان شامل ومثقف ألغى المسلَّمات لاسيما مقولة سمح الغنا في خشم سيدو، فنان مطبوع لم ولن يتكرر في ما تبقى من السودان الذي عرفنا قبل التتار.

    كان حين يغني يُجلِسك في planetarium ويطفئ الأنوار ويحلق بك بين الكواكب (ولقد جعلنا في السماء بروجا وزيّناها للناظرين) صدق الله العظيم، فتصبح بعضا من هذا السحر وذلك التطواف محمولا على (أهداب الملائك المبللات بالتقوى وبالمطر) كما قال ودالمكي، كان في أدائه كمن يهديك جهازا ثقافيا ويسلمك المانيوال كيما تدخل إلى عوالم مبهرة ويحرضك أن تراجع من هم كينياتا وسوكارنو وطاغور وأين تقع الملايو قبل أن يصبح ذلك الأرخبيل الجميل في مخيلة الزمن الكعب مجرد وجهة سفر لقضاء شهر العسل ومستقرا لما نهب المتأسلمون.

    لم يرتبط إسم كابلي بشاعر أو ملحن بعينه ولم يسجن إبداعاته، فهو وزارة أنيقة للثقافة، شاعر وملحن ومغني ومثقف كثيف الإبداع بما يكفي لتأسيس إمبراطورية خاصة تأتلق في أعيادنا الوطنية والدينية وتُسكرك حد الترنح بأهازيج الصوفية فتخرج من مهرجاناتها البرازيلية وأنت صحيح معافى في توازن نفسي وتبقى زول سوي مشاكلو بسيطه بالريده بتُحل، كما تغنى صديقه أبوداؤود، لكن، ما ذُكر كابلي إلا قفز إلى سطح الذاكرة صديق مدثر الجميل وتاج السر الحسن وذلك الذي اعتذر لحبيبته عن تفشي الخبر وما درى أن كابلي أرسل الخبر إلى مشارف كوكبة الزرافة، لكن مولاي الحسين زاتو مارس البث على الموجة الطويلة بقوله (فما همسته لأذن النسيم ولا وشوشته لضوء القمر)، بالله دا كلام دا؟ تلك دعوة للجن الذي يلتقط مثل هذه الإشارات ويركب بها أشعة غاما.

    من نعم الإله علينا أنا تفتحت آذاننا على مطرب مثقف يجسد القصيد قدامك عديل، فعندما غنى (الجندول) لعلي المهندس قرر جُل المحبين زيارة (فينيسيا) لأنه من المحرمات تجاوز (آهٍ آهٍ آهٍ آآآه لو كنت معي) كدا ساي، لازم تكون في زورق مسائي في مدينة عنوانها الماء، كل شوارعها جداول وجسور تواصل بين القلوب والجمال والبيوت. كان عندما ينشد (بدوت وقومي حاضرون) يسافر طيف الحمداني بين البطانة ودار حَمَر مُنيخا راحلته في خمّاس السعاته مُقسِما أن دارا كابلي ليس من أهلها، قَــفرُ. هل تأملتموه مع الحاردلو في (مسكة خِنيصرو المو شديد لاواي)؟ طبعا معاها ابتسامة خجول وانحناءة تفضي بك إلى (حيث لا أمنيات تخيب) والباقي في الجنة، وعندما تغنى بشذى زهر أطلقت معظم الدوائر الجغرافية والفئوية إسم شذى على بناتها وما زلن لدى مرورهن بقربك ينفحك العبير وترقد عافيه.

    هذا هو الفن وهذا هو الجمال، أن يستغرقك الإبداع فتصبح جزءا منه وتنعتق من إسار جسدك الزائل كأثير إلى مدارات ما وراء الخيال نفسه.
    كابلي، الماهو عارف قدمو المفارق، صوت زار بالأمس خيالي ورحل بعد أن (عم الطيب فريقنا) .
    يا حليلو..

    أبريل ٢٠٢٢
                  

05-11-2022, 08:44 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    يا كبلو ..

    المستمع لم يحصل لا على بلح الشام و لا على عنب اليمن ..

    كبلو قاطع كل الجمل و كل الحروف بمقاطع غنائية .. صغيره و كثيرة جدا حد الملل .. و كانه يريد ان يعلمنا ان المرتضى يقصد هذه الاغنية و تلك الاغنية وووو ..

    فلا ربطنا المقال كما قرأناه و راينا جماله .. و لا سمعنا غناء متكامل ..

    ذكرني كبلو بمن يملك شريط كاسيت و يريد ان يسمعك كل شي .. فلا تحصل غير اسمع هذه .. ثم يجري الشريط فتسمع لقطة و يجري الشريط و هكذا ..

    يا كبلو .. لا المقال مقالك .. و لا الغناء غناءك .. و لا الجمال جمالك فما هي فكرتك !!!
                  

05-11-2022, 09:21 PM

عبد اللطيف بكري أحمد

تاريخ التسجيل: 11-13-2005
مجموع المشاركات: 7383

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    قباني ياجميل

    عساك بخير والاسرة ،،

    بالحيل تجنى طارق كبلو على مشاعرنا

    وتجنى على هذا المحراب بالدوشة العملها دي،،

    صديقنا م م ح يقرأ فقط بأنفاس محبوسة
    وفي self-isolation تامة ، وهدوء مكتمل،،

    محمد المرتضى يقرأ خلسةً لأنك تحتاج أن تبص كل مرة إلى مراجعك

    تحتاج أن تسترق النظر لعمك قوقل باحثاً عن بعض قصائد الماركيز
    او حتى حماقات الدون كيشوت،،

    محمد المرتضى يمتعك ويزدريك في ذات الأوان،، لكن في صمت ودون
    تشهير،، تبتسم في دواخلك وهو يفضح عدم إلمامك بكثير مما يذهب إليه
    وسر تعلقنا به رغم هذا الإرهاب المعرفي هو أننا نتلقى الدروس في قوالب
    وكؤوس مترعة بالألق والجمال وقوة الصورة وقوة الشخصية،،

    كثير من الأحايين أقشر بصداقتي له في محافل يذكر فيها اسمه وأقول اننا
    تقريباً دفعة في بكري اونلاين ولكنه تفوق علينا وتسيدنا بأنيق الحرف وروعة
    العبارة ،،
    حفظك الله أخي (أفورقي) وزادك إبداعاً على إبداعك وجمعنا بك في
    جلسة محضورة بمثل هذا السحر؛؛ مين يدري فقد تخلدنا يوماً ما في إحدى روائعك،،

    تحياتي صديقي الجميل يحيى 🌹🌹🌹


                  

05-11-2022, 11:53 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 21586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: عبد اللطيف بكري أحمد)

    ياقبانى
    من هو طارق كبلو
                  

05-12-2022, 06:01 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: بدر الدين الأمير)

    Quote: قباني ياجميل

    عساك بخير والاسرة ،،

    بالحيل تجنى طارق كبلو على مشاعرنا

    وتجنى على هذا المحراب بالدوشة العملها دي،،

    صديقنا م م ح يقرأ فقط بأنفاس محبوسة
    وفي self-isolation تامة ، وهدوء مكتمل،،

    محمد المرتضى يقرأ خلسةً لأنك تحتاج أن تبص كل مرة إلى مراجعك

    تحتاج أن تسترق النظر لعمك قوقل باحثاً عن بعض قصائد الماركيز
    او حتى حماقات الدون كيشوت،،

    محمد المرتضى يمتعك ويزدريك في ذات الأوان،، لكن في صمت ودون
    تشهير،، تبتسم في دواخلك وهو يفضح عدم إلمامك بكثير مما يذهب إليه
    وسر تعلقنا به رغم هذا الإرهاب المعرفي هو أننا نتلقى الدروس في قوالب
    وكؤوس مترعة بالألق والجمال وقوة الصورة وقوة الشخصية،،

    كثير من الأحايين أقشر بصداقتي له في محافل يذكر فيها اسمه وأقول اننا
    تقريباً دفعة في بكري اونلاين ولكنه تفوق علينا وتسيدنا بأنيق الحرف وروعة
    العبارة ،،
    حفظك الله أخي (أفورقي) وزادك إبداعاً على إبداعك وجمعنا بك في
    جلسة محضورة بمثل هذا السحر؛؛ مين يدري فقد تخلدنا يوماً ما في إحدى روائعك،،

    تحياتي صديقي الجميل يحيى 🌹🌹🌹

    لطيف يا صديقي ..

    مشتاقين و طالت الغيبات .. علك و الاسرة بخير في بلدكم الجميل ..

    يا اخي لا تتخيل كمية الاحباط و القرف الذي اصابني من هذا التشويه و المسخ ..

    المشكلة من المفترض ان كبلو اعلامي .. و لكن يبدو انه اعلامي بصوته فقط .. و لا يمتلك اي مواهب او حرفية ..

    تقاطعات المقاطع بين المزيكا و ما يقرأه عمل لا يعمله حتى هاوي مستجد ..

    و لا ادري ماذا هداه لهذه الفعلة الشنيعة ..
                  

05-12-2022, 11:36 AM

Amira Hussien
<aAmira Hussien
تاريخ التسجيل: 11-26-2016
مجموع المشاركات: 1209

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    سبحان الله هو من اول ما خلاق ولا موهوب وصوتو ما جميل……غايتو من محن الاذاعة
    بتذكر كانو بيقدموا من اذاعة امدرمان فترة نهارية يتبادل تقديمها مجموعة من المذيعين الشباب افشل يوم كان يوم كبلو و روضة الحاج ……بعكس يوم المرحوم حامد عبدالرؤوف
                  

05-12-2022, 11:42 AM

Omer Abdalla Omer
<aOmer Abdalla Omer
تاريخ التسجيل: 03-02-2004
مجموع المشاركات: 3764

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: Amira Hussien)

    Quote: المرحوم حامد عبدالرؤوف

    رحمه الله. هو صاحب امنا الأرض و هو راجل موهوب و جميل ومثقف مطبوع. أسعتفنا الظروف بعلمنا في التلفزيون في الأخبار و الشئون السياسية في منتصف الثمانينيات و كلنا نلاقي هؤلاء المبدعين.
    لا أذكر كبلو هذا و لكن أشتهر اكثر في زمن الإنقاذ ودائما عليه ملاحظات. تزوج من زميلة لنا مثقفة و مرهفة درسنا معا في كلية الاداب في جامعة الخرطوم في النصف الاول من الثمانينات و قد عملت في مذيعة في الإذاعة لاحقا.
                  

05-12-2022, 12:10 PM

Amira Hussien
<aAmira Hussien
تاريخ التسجيل: 11-26-2016
مجموع المشاركات: 1209

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    بالضبط مثقف مطبوع اضافة للموهبة وده ما نفتقده عند اغلب المذيعين الذين اتوا بعد الجيل الذهبى جيل حمدى بولاد وحمدي بدرالدين واحمد وعبدالكريم قبانى وابوبكر عوض ومتوكل كمال
                  

05-12-2022, 12:30 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 38341

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: Amira Hussien)

    سلام للجميع
    سمعت اولا بداية الفيديو و كان حكمي عليه طيب جدا
    لم سمعت كامل الفيديو لقيت انو انا استعجلت في حكمي عليه
    في كلمات كتيرة كبلو نطقها خطأ و انا الحاجات دي بتقوم علي الكاروشة .... 🤣🤣

    تحياتي
                  

05-12-2022, 05:29 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4607

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: ABUHUSSEIN)

    بشتنة السنين .... والدمار الشامل
    هو كمقدم برامج ..يمتلك تلقائية وحضور.. وادارة الحوار
    خلال مشاركته مع عباس ساتي ومحمد عبدالكريم وحسن دوكة ورجاء حسن
    وشارك بصورة كبيرة في البرنامج اليومي"صباح الخير يا وطني"
    ورغم خبرة السنين لكنه في الفيديو كان مزعج ومحبط وعبارة عن تخريب
    لكلام محمدالمرتضى السمح...
    وبرضو عامل فنان ويمكن غنى" عيونك كانوا في عيوني" حقت عبدالمنعم حسيب ..اكتر من ٤٦٠ مرة
    عيونك كانوا في عيوني
    يصدوني ينادوني
    أخاف لو قلت حبوني
    المشكلة مرات يقلد هاشم ميرغني .. وزيدان
                  

05-12-2022, 09:17 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10826

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: Ahmed Yassin)

    الأخ العزيز الباشمهندس يحيى،

    تحاياي ..
    أحترم رأيك ومزاجك وأشكر لك الثناء على كتابتي المتواضعة واهتماك بها مدحا أو قدحا وهذا أمر طبيعي بين الإخوان
    لكن من باب الأمانة أود توضيح الآتي:
    ١- تطوع الأخ طارق بتسجيل مقالات ثلاث عن خليل اسماعيل وكابلي وسعد الدين إبراهيم (العزيزة) بمبادرة
    منه وبعد إكمال تلك الأعمال أرسلها لي واستحسنتها ووافقت عليها.
    ٢- طارق لم يغير في مقالاتي حرفا بل أضاف إليها تسجيلات لأغان أشرت إليها في مقالاتي
    عدا القليل مما رأي إدخاله من أجزاء منها في المقالات،
    ٣- زاوية رؤية الأخ طارق رأى منها أن البعض يمل (قراءة) المقالات الطوال حتى لو استغرقت قراءتها ١٠ دقائق لكنه يمكنه الإستماع
    لملف صوتي بطول ٣ ساعات وحتما أنت استمعت لكتب مسموعه مثلي في سيارتك أو سفرك أو أنت مغمض العينين مسترخيا
    في سرير بغرفة مظلمة، تلك طبائع الناس وأمزجتهم كما تعرف، وكما قال الأستاذ الكاتب الساخر جعفر عباس في عرضه لمقال
    لي بعنوان (أصبر خليهو) ما معناه أنه ذات مرة أرسل مقالا طويلا لصديق فكان رد المرسل إليه: أنا لو بقرا الكلام دا كله كان قريت طب.
    ٤- تدرك جيدا بصفتك من المهتمين بالغناء والتوثيق أن أشعار تلك الأغنيات، لو لم يتدخل البعض باللحن والأداء الصوتي، لما وصلتنا تلك الأشعار
    ولما عرفنا أولئك الشعراء، وأين كتاباتي المتواضعة إذا ما قورنت بتلك الخرائد الخوالد، ولولا المغنين يا يحيى كيف كان يتسنى لي الإستشهاد وإقتباس
    الأشعار التي وردت في مقالاتي المتواضعة وكيف كان لي أن أعرف ودالرضي وأبوصلاح وعبدالرحمن الريح وبالطبع أنا لا أقارن مقالاتي
    بمنتوجهم الشعري الخالد كما أني لا أضع أخي طارق في مكان المطربين رغم أن المولى حباه بصوت جميل.
    ٥- الذين قرأوا المقالات أشادوا بها، لهم الشكر، وبالطبع لايهمهم بعد ذلك إن استمعوا للتسجيل أو لم يستمعوا له، فالمقال موجود وكذا التسجيل
    ولكل قارئ أو مستمع الخيار في ما يتفق ومزاجه، وأيدك من الشعر بيت، حتما هناك من لا يرون في مقالاتي سوى أنها مجرد هذيان ولو التقوك
    حا يقولوا ليك صاحبك دا ( أنصحو)..
    ٦- أهم ما يجب الإلتفات إليه أن نحصر نقدنا للموضوع في زاويته الفنية دون اللجوء لشخصنته وأن نبتعد عن التجريح لأن الأمر كله لا
    يستحق ، ونحن في معرض فن لاغير، رغم أن جل المتداخلين هنا أبدوا ارتياحهم للمقال وساءهم المآل ، ونحترم رؤيتهم، وبالطبع أتفهم
    منطلقاتهم، فالبعض قد يقرأ رواية تمتعه ويرسم في مخيلته شخوصها وأمكنتها وأجوائها لكن يصاب بإحباط عظيم إذا نفذت كفيلم
    يحاصر خياله لكن الحال هنا جد مختلف.

    شكرا لكل الإخوة المتداخلين هنا من ضيوفك وأثق أن جل مداخلاتهم منبعها احترامهم لزمالة البورد الذي يجمعنا وربما استحسانهم
    لبعض كتاباتي فتعاملوا معها كملك لهم وهم بلا شك أصحابها لكن بذات القدر وصلتني مئات الرسائل تستحسن ما قام به الأخ طارق
    وبالطبع المعيار والذائقة أمر شخصي وهذه طبائع البشر.
    شكرا يا يحيي وأعتذر أني ربما لم أبلغ وجهة نظري كما أريد وأشكر لك اهتمامك بمشاركاتي على تواضعها ومعك أصدقائي القدامى (أفورقي)
    وأبوحسين والفنان أحمد ياسين وبدر ..
    دام وصفانا كما يقول الأخ محمد سني.

    مودتي

                  

05-13-2022, 11:55 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: محمد المرتضى حامد)

    Quote: ياقبانى
    من هو طارق كبلو

    هو سؤال المليون ريال يا اميرنا ..

    اشجينا ان كنت تعلم ما يخفى علينا ..
                  

05-13-2022, 12:19 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    Quote: سبحان الله هو من اول ما خلاق ولا موهوب وصوتو ما جميل……غايتو من محن الاذاعة
    بتذكر كانو بيقدموا من اذاعة امدرمان فترة نهارية يتبادل تقديمها مجموعة من المذيعين الشباب افشل يوم كان يوم كبلو و روضة الحاج ……بعكس يوم المرحوم حامد عبدالرؤوف

    اميره يا صديقتي ..

    هناك هبوط عام في كل شي .: و الاذاعة ليست مختلفة عن غيرها
    انخفض سقف المؤهلات و المطلوب .. و كم شاهدنا و سمعنا مقدمي برامج لا يفقهون اي شي عن المادة و هم مجرد قارئي ما بيدهم
    و لاحتى اعطوا انفسهم فرصة لقراءة الماده و هضمها .. مجرد قاري و احيانا كثيرا تجدهم يخطأون حتى في قراء ما بيدهم
    و العجب ان خرج الضيف عن الموضوع قليلا .. تجدهم كثور الله في برسيمه ..
    لا انسى سهرة (ضو القمره) و نسرين سوركتي مستضيفة عوض بابكر و علي الدكشنري بصحبة ابراهيم خوجلي و ياسر تمتام
    سوركتي قالت برضي ليك المولى الموالي للعبادي جاراها سيف الدسوقي ..
    عوض بابكر حاول يرحع بيها للمجاراه .. قاطعته و قالت نسمعها بطريقتها الاولى
    و قالت لابراهيم و ياسر برضي ليك المولى الموالي
    ابراهيم و ياسر بداو يغنو احرموني و لا تحرموني .. وهو مجاريه للحن .. لكن كلمات ود الرضي و ظااااهره احرموني و لا تحرموني ثم ادخلو عليها كلمات سيف الدسوقي رغم بعدي برسل سلامي
    الكل استمع .. بمافيهم سوركتي ..
    التلفزيون كتب .. برضي ليك المولى الموالي
    و بعد انتهاءهم من اداء احرموني و لا تحرموني .. نسرين سوركتي التفتت لعوض بابكر و قالت بي ابتسامة وهي بتنظر للكرت في يدها
    و قد استمعنا الان لنموذج من المجاراه لبرضي ليك المولى كلمات العبادي و رغم بعدي لسيف الدسوقي
    فقاطعها عوض بابكر و قال ( دي كانت احرموني و لا تحرموني لود الرضي )
                  

05-13-2022, 07:05 PM

Amira Hussien
<aAmira Hussien
تاريخ التسجيل: 11-26-2016
مجموع المشاركات: 1209

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    شكرا قبانى شفت الحلقة …..هى مستضيفة عوض بابكر دى كان لازم تذاكر وتساهر الليل ……..
    حقيقة الهبوط والتدنى طال كل شى بس فى مجال الاعلام فاق الخيال…….. المذيعات والمذيعين كم من الجهل والضحالة مع ثقة زايدة وقوة راس لا بسمعوا لا بيقروا بس تياب وميك اب …….. وكمان الايام دى فى مذيعين عاملين فورمات للشعر
    امس احد المتداخلين ذكر محمد عبدالكريم حقيقة هو فريد فى جيلو حفظه الله وايضا عبدالله محمد الحسن
                  

05-13-2022, 10:29 PM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 2322

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: Amira Hussien)

    يا عمر عبد الله،
    مداخلتك دي لا تشبه مثقف كبير زيك فيها شخصنة لا تليق بزعيم قديم ومثقف كبير من خريجي ستاربكس غرينسبورو.
    سوف اناقش هذه المداخلة مع رواد المقهى عند عودتي للغرين،
    وسوف أطرح لهم مسألة سحب لمبة من لمبات استنارتك.
                  

05-14-2022, 03:59 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 2322

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: أبوبكر عباس)

    كيف حالك مولانا المرتضى؟
    لو عندك روابط المقالات الأخرى التي عالجها الأستاذ كبلو بالصوت نكون شاكرين.
                  

05-14-2022, 04:48 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 2322

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: أبوبكر عباس)

    يا يس، يا فنان،
    عليك الله، وقع لي كلامك كيف كبلو دمّر مقال المرتضى دمار شامل؟
    ناس المركز الثقافي أبو ظبي زمان كان عندهم مشروع اسمو كتاب في شريط،
    الشرايط دي لقت رواج شديد وزي ما قال المرتضى الناس ممكن تستمع للمقال اثناء قيادة العربية،
    وكنا نجد متعة شديدة القراءة السماعية لكتب مركز أبو ظبي الثقافي أثناء السواقة،
    ثنائية المرتضى وكيلو تستحق الثناء
                  

05-14-2022, 12:18 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4607

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: أبوبكر عباس)

    الاديب الاريب د/ابوبكر عباس
    Quote: عليك الله، وقع لي كلامك كيف كبلو دمّر مقال المرتضى دمار شامل؟
    ناس المركز الثقافي أبو ظبي زمان كان عندهم مشروع اسمو كتاب في شريط،
    وكنا نجد متعة شديدة القراءة السماعية لكتب مركز أبو ظبي الثقافي أثناء السواقة،
    ثنائية المرتضى وكيلو تستحق الثناء

    اذا كان كبلو قام بقراءة النص فقط بصوته الاذاعي الفريد مع نقرشات العود زي ما كان
    محمود درويش بيطلع المسرح بيلقى قصائده ومن خلفة سمير جبران ينقرش على العود
    بتقاسيم حرة .. هادئة .. والفكرة اعجبت درويش رغم تخوف سمير.... واصبح مرافقا له في امسياته الشعرية
    وما اكثرها في باريس.
    ولو كبلو استعان بالعود او الكمنجة او الفلوت او الناي.. وهي الات هادئة كهدزء الشعر لكانت الفكرة
    دون ادراج الغناء اعجبت حبيبنا قباني واعجبتك انت.
                  

05-14-2022, 08:18 PM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 2322

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: Ahmed Yassin)

    كدي يا فنان، وأنت رجل محب للجمال،
    عاين للعمل دا بعين الرضا،
    وح تلقاهو شغل يستحق الإشادة،
    وهو عمل إذاعي رائع بكون أدخل البهجة على كثيرين.

    غريبة،
    الخواض ما جاء خاض مع الشنافين؟!

                  

05-15-2022, 00:07 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: أبوبكر عباس)

    Quote: سلام للجميع
    سمعت اولا بداية الفيديو و كان حكمي عليه طيب جدا
    لم سمعت كامل الفيديو لقيت انو انا استعجلت في حكمي عليه
    في كلمات كتيرة كبلو نطقها خطأ و انا الحاجات دي بتقوم علي الكاروشة .... 🤣🤣

    تحياتي

    كارثة يا عادل ..

    في ظني ان كبلو حاول استغلال مقال المرتضى لمحاولة اعادة الظهور تحت الاضواء ..
    لكنه فشل ..

    العمل لا يليق بهاوي مبتدئ .. ناهيك عن اعلامي .. زوج اعلامية ..
                  

05-15-2022, 00:16 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 2322

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    كتب صاحب البوست:
    "لعمل لا يليق بهاوي مبتدئ .. ناهيك عن اعلامي .. زوج اعلامية"

    ما علاقة زواج طارق كبلو باعلامية بموضوع البوست؟!

    التعديل؛ اضافة الاقتباس

    (عدل بواسطة أبوبكر عباس on 05-15-2022, 00:18 AM)

                  

05-15-2022, 01:58 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: أبوبكر عباس)

    Quote: ه وبعد إكمال تلك الأعمال أرسلها لي واستحسنتها ووافقت عليها

    سلام مولانا العزيز ..

    اولا طالما انت استحسنتها فخلاص ده شي بيرجع ليك .. و رايك نحترمه
    و لكن كمان راينا بنقوله واضح ليك .. 🙂

    احبابك نوعين ..
    النوع البصفق ليك و لو كتبت سورة (الحمدُ) بقولوا كتبتها افضل من خالقها 🙂
    اما انحنا و الله بنحبك و بنصفق لما يعجبنا و بننبهك لو الشي ما بشبهك ..

    و النصيحة .. شغل كبلو ده انقص من العمل كتير ..

    قراءة نص مكتوب لابد تكون مستمره بدون فواصل مع الحان خفيفة في الخلفية .. و ان قاطعها .. فمرتين او تلاته ..

    شغل كبلو ده تاخ اقطع تراخ اسمع لا كدي اقع
    فلا طباً بلغنا و لا زراعه .😂
                  

05-15-2022, 02:22 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    Quote: لا أذكر كبلو هذا و لكن أشتهر اكثر في زمن الإنقاذ ودائما عليه ملاحظات. تزوج من زميلة لنا مثقفة و مرهفة درسنا معا في كلية الاداب في جامعة الخرطوم في النصف الاول من الثمانينات و قد عملت في مذيعة في الإذاعة لاحقا.

    سلام عمر ..

    زمن الانقاذ ..

    زمن الانقاذ الزمن الرديء .. غير كل شي .. و اظهر ناس كفاءاتهم ضعيفة تنفيذا لخطة التمكين ..

    صلاح حاج سعيد مهمل يعاني من المرض .. و ناس تسترزق استهبال زي شغل كبلو ده ..

    هاشم صديق قال في الزي ديل ..
    وكت في نشرة
    ألأخبار
    ظهر مك البلد
    يضحك
    جضومو كبار
    مزرر الكرش
    بزرار
    لا مهموم
    لا مغموم
    لا زعلان
    و شيهو
    يراري بالألوان..
    وقّد في حشايا
    تباق نار

    و يجيك زي ده يسترزق استهبال و خرمجة ..

                  

05-15-2022, 04:34 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    Quote: بشتنة السنين .... والدمار الشامل"
    ورغم خبرة السنين لكنه في الفيديو كان مزعج ومحبط وعبارة عن تخريب
    لكلام محمدالمرتضى السمح...

    شكرا احمد يس يا فنان على صراحتك الجميلة ..
                  

05-15-2022, 10:21 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 2322

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    Quote: صلاح حاج سعيد مهمل يعاني من المرض .. و ناس تسترزق استهبال زي شغل كبلو ده ..

    شنو علاقة كبلو بمرض صلاح حاج سعيد؟!
    يا أخي، كبلو دا موظف منوعات بالإذاعة
    ممكن تكون ظروفه المعيشية زي ظروف صلاح حاج سعيد،
    لماذا تخلط الأوراق كي تنال من كبلو بأي طريقة وتحاول أن تحط من قدره،
    قول لينا بصراحة شنو مشكلتك مع كبلو؟!
    لأن ما تكتبه وتهاجم به كبلو لا يستقيم مع موضوع البوست،
    وهو موضوع بسيط ممكن تقول لم استحسن ما فعله مع مقال المرتضى، وينتهي الأمر،
    لكن بأي حال لا يصل لهذا المستوى من الهجوم والفرعنة على كبلو!!

    قررت من الآن أن لا أقرأ لك كلمة بهذا المنبر مستقبلاً
                  

05-15-2022, 11:11 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14257

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: أبوبكر عباس)

    Quote: النوع البصفق ليك و لو كتبت سورة (الحمدُ) بقولوا كتبتها افضل من خالقها


    القرآن هو كلام الله وغير مخلوق ...
                  

05-15-2022, 12:59 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: معاوية المدير)

    يا عريس .. 🙂

    نعم هو كلام الله .. و ربنا خلق كل شي

    ٱلَّذِى لَهُۥ مُلْكُ ٱلسَّمَٰوَٰتِ وَٱلْأَرْضِ وَلَمْ يَتَّخِذْ وَلَدًا وَلَمْ يَكُن لَّهُۥ شَرِيكٌ فِى ٱلْمُلْكِ وَخَلَقَ كُلَّ شَىْءٍۢ فَقَدَّرَهُۥ تَقْدِيرًا
                  

05-15-2022, 03:01 PM

Omer Abdalla Omer
<aOmer Abdalla Omer
تاريخ التسجيل: 03-02-2004
مجموع المشاركات: 3764

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: يحي قباني)

    Quote: يا عمر عبد الله،
    مداخلتك دي لا تشبه مثقف كبير زيك فيها شخصنة لا تليق بزعيم قديم ومثقف كبير من خريجي ستاربكس غرينسبورو.
    سوف اناقش هذه المداخلة مع رواد المقهى عند عودتي للغرين،
    وسوف أطرح لهم مسألة سحب لمبة من لمبات استنارتك.


    يالمستنير، ما قصدت إنقتص من الرجل إطلاقا في شئ، بس ربط سبب معرفتنا به " يعني نسيب الدفعة و كدا". بل بالعكس ربما ذكرت ذلك إعتزازا بالإقتران
                  

05-16-2022, 02:56 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14257

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: Omer Abdalla Omer)

    Quote: ٱلَّذِى لَهُۥ مُلْكُ ٱلسَّمَٰوَٰتِ وَٱلْأَرْضِ وَلَمْ يَتَّخِذْ وَلَدًا وَلَمْ يَكُن لَّهُۥ شَرِيكٌ فِى ٱلْمُلْكِ وَخَلَقَ كُلَّ شَىْءٍۢ فَقَدَّرَهُۥ تَقْدِيرًا

    دي الآية البسببها سجن الإمام أحمد بن حنبل ؤ ضاق ألوان من العذاب...
                  

05-22-2022, 02:10 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17333

للتواصل معنا

FaceBook
تويتر Twitter
YouTube

20 عاما من العطاء و الصمود
Re: طارق كبلو (يبشتِن) كلام مولانا محمد المرتض (Re: معاوية المدير)

    زكرى
    وفاة الفنان نادر خضر ..

    بالله تقروها في اول الحلقة .. تلفزيون النيل الازرق شخصيا كاتب ..
    زكرى .. بالزيــــــن

    تقولوا لي طارق كبلو ما بشتن !!




                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de