|
Re: يا مناوي ياريت تفي بوعدك على ماورد فى تغري (Re: محمد البشرى الخضر)
|
Quote: لكن باقي ليك ياعلاء مناوي. بقدر يقول الكلام الفوق دا ؟ بقدر يهبش ود عمو جبريل ؟ ادانتو للعسكر وحميدتي هي ادانة له اي لمناوئ واجتماع قاعة الصداقة واعتصام القصر وتاييد الانقلاب وحياكة مؤامرة مع العسكر ضد المكون المدني |
اكيد يا كمال ما بيقدر يقول الكلام دا بوضوح فى صفحتو فى الفيس او فى تويتر ولكن يمكنه عمل سكرين شوت فى صفحته على الفيس بوك وتمريره عبر اصدقائه الى الرأي العام .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: علاء سيداحمد)
|
Quote: غالبا صورة مفبركة مناوي بعد درابة حميدتي بتاعة كربة القاش تاني يوم طار طيرا ن قال يعيد على برهان في قندتو, تقرأ :كل سنة وانت طيب و موضوع القاش دا كلام حميدتي براه انا ما معاه |
تعرف يا ود البشرى نعم احتمال الصورة تكون مفبركة اويضاً احتمال مناوي عمل سكرين شوت فى صفحته فى الفيس بوك ومرره عبر اصدقائه وكما هو معروف : عند حدوث أي جريمة الجهات الامنية تضع سؤال محوري للوصول الى الفاعل عبر الاجابة على هذا السؤال : الآن : من هو المستفيد من تمرير اسكرين شوت مناوي ؟ من حيث المبدأ للوصول الى الفاعل بأقصر الطرق يمكن اللجوء الى ادارة الفيس لمعرفة الفاعل ( على اقل تقدير المكان الذى رفع منه المنشور ورقم الهاتف ) وحتى تلك اللحظة والى ان يظهر الفاعل الحقيقي يظل مناوي هو المتهم الاول .
لان عمل الاسكرين شوت فى الفيس بوك سهل جداً مثال : انا الآن كتبت موضوع وعملت سكرين شوت فى صفحتى على الفيس بوك :
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: علاء سيداحمد)
|
طيب ممكن تجيب لي رابط لحساب مناوي في الفيس؟ المستفيد من تدوير الاكاذيب كثر طبعا اولهم الحساب ال fake باسم بشرى احمد علي, و ناس البتحب تعمل فيها بتجيب من جوة ولما ما تلقى حاجة تجيبها بتختلقها! و في ناس هواية ساي كدا بحبوا اختلاق الاكاذيب و تمريرها على خلق الله الطيبين! انت يا علاء لغاية اسي من كمية المواسير الاكتشفت انو مشيلنها ليك مفروض تكون حساسيتك نحو الفبركة ارتفعت شوية, وبقيت بتفرز براك الماسورة من شكلها
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: محمد البشرى الخضر)
|
Quote: انت يا علاء لغاية اسي من كمية المواسير الاكتشفت انو مشيلنها ليك مفروض تكون حساسيتك نحو الفبركة ارتفعت شوية, وبقيت بتفرز براك الماسورة من شكلها |
الموضوع وما فيه يا ود البشرى تحليل وتنظير لعدم وجود جهة يمكن تحميلها المسئولية ولذلك مناوي يتقاسم 50% من الحدث والآخرين مختلقي الاكاذيب اصحاب الصفحات المزيفة 50% لماذا اتهام مناوي ؟ لانه تحدث اكثر من مرة فى عدم قدرته على تسيير دولاب العمل فى ولايته لعدم وجود المال لذلك هو من المتهمين .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: Hafiz Bashir)
|
Quote: لقيت صفحة مناوي في الفيس طيب :) |
يا ود البشرى الاسكرين شوت لو عملو مناوي او غيرو اكيد بيكون حذف المكتوب من الصفحة بعد عمل الاسكرين شوت. مش ممكن يترك جريمة زي دي فى صفحتو .
كتابة موضوع فى الصفحة فى الفيس بوك ثم عمل اسكرين شوت ثم بعد ذلك حذف المكتوب من الصفحة سهل جداً وانا ضربت مثال على ذلك فى مشاركة سابقة .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: علاء سيداحمد)
|
Quote: انت يا علاء لغاية اسي من كمية المواسير الاكتشفت انو مشيلنها ليك مفروض تكون حساسيتك نحو الفبركة ارتفعت شوية, وبقيت بتفرز براك الماسورة من شكلها |
نتمنى عودة الهبيب عارف ناشد سالما و ان شاءالله سوف اولى مهامه اقامة كورس اجبارى لكل المموسرين و انت تكون اول المسجلين يا علاء كذلك اضافة غرامة مالية بحجة عدم سماع الكلام و الاصرار في مواصلة الموسرة.
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: علاء سيداحمد)
|
Quote: سلام يا علاء مناوي يستحيل يكون كتب الكلام دا في صفحة مفتوحة للعامة في الفيسبوك او التويتر. ممكن يكون قالوا شفاهة في ونسة مع أحد أصدقائه. |
يا مراحب يا مولانا انتا غاتس وين مش باين ؟
انا من بداية المشاركة بقول لو افترضنا انو الاسكرين شوت دا كاتبو مناوي والافتراض يكون فى انو كتب المكتوب وعمل الاسكرين شوت وقام بحذف المكتوب من صفحتو ومرر الاسكرين شوت عبر قروب مشارك فيه او عبر احد اصدقائه
وبالمناسبة اكتشاف الفاعل سهل جدا . مناوي اذا ما عندو يد فى المكتوب عليه التواصل مع ادارة الفيس بوك حيث يمكنه الوصول الى الفاعل .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: علاء سيداحمد)
|
Quote: يا علاء يا حبيبي انا ما سألت من صفحته عشان اشوف الكلام دا منشور فيها ولا اتحذف لا أنا عايز رابط صفحته في عضمها، وهل اساسا عنده صفحة دا سؤالي يا حبيب، وسيبك من مولانا جاي يغز عوده بعد الحلة استوت و يستلمها كالعادة :) |
بصريح العبارة ما عندى فكرة لو عندو حساب ولّ لا .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: محمد البشرى الخضر)
|
سلمات الحبيب محجوب
Quote: نتمنى عودة الهبيب عارف ناشد سالما و ان شاءالله سوف اولى مهامه اقامة كورس اجبارى لكل المموسرين و انت تكون اول المسجلين يا علاء كذلك اضافة غرامة مالية بحجة عدم سماع الكلام و الاصرار في مواصلة الموسرة. |
آمين يا رب العالمين يعود حبيبنا عارف ناشد زعيم الموسرنجية سالم وغانم . وانا جاهز اول المسجلين ان شاء الله .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: محمد البشرى الخضر)
|
Quote: عاد دا كلام دا! ومزرزر الراجل و ياريت تفي بالوعد القطعته و انت ما متأكد اساسا اذا هو كتبه ولا لأ ولا كتبه وين! اتصلح معانا يا علاء ياخ! |
انا فى البداية يا قبقبة قلت ليك جايبو من صفحة احد اصدقائي وقلت ليك برضو انو احتمال يكون كاتبو هو وارد .
انا بيهمنى الشئ المكتوب باسمو وحسابه لا يهمنى كتير و هو متهم بنسبة 50% انه كاتب ما ورد فى الاسكرين شوت .
| |
|
|
|
|
|
|
Re: يا مناوي ياريت تفي بوعدك على ماورد فى تغري (Re: علاء سيداحمد)
|
يا علاء سيبك من ود البشرى دا مهندس وما عندو علاقة بالحساب. الفيسبوك فيهو 99999 مختلق اكاذيب سوداني أي واحد منهم ممكن يفبرك الإسكرين شوت بتاعة التغريدة + مناوي وهذا يعني أن فضاء الإمكانات = 000 100 إذن إحتمال إنو يكون كاتبها مناوي الذي يمثل مفردة واحدة في فضاء الإمكانات = 0.00001 = (0.001%)
| |
|
|
|
|
|
|
|