ان اول سينما في ام درمان قد أسسها المواطن السودانى من اصول قبطية ( قديس عبد السيد) فى عام 1946 وقد اطلق عليها اسم سينما (برامبل) عرفانا منه لمفتش امدرمان البريطاني في ذلك الوقت الذى منحه التصديق بانشاء دور للسينما وذلك بميدان البوسته الحالي المكان الذي كان مسرحا مفتوحا تحضر اليه الفرق الموسيقية لتقديم عروض علي الهواء الطلق ولم يكن يدرى ان هذه التسمية سوف سوف تنعكس عليه بنتائج سلبية اذ الشعب السوداني بحسه الوطني لم يستحسن هذه التسميه وفضل ان يطلق عليها سينما قديس على اسم صاحبها ولكن الاسم الرسمى ظل كما هو سينما برمبل حتی لحظه اختفائها ﻻسباب غامضة. وعليه و انطلاقا من دوافع وطنيه بحته فقد اسس اعضاء مؤتمر الخريجين الشركه الوطنيه للسينما لتكون قدوه لراس المال الوطني الضعيف في ذلك الوقت لكى ينمو بصوره افضل وفعلا قد تمكنوا من تحقيق هذا الهدف اذ كان نجاح الشركه الوطنية للسينما سبابا في انضمام العديد من الشركات المساهمه مثل شركات ابو العلا ويونس احمد وعبد المنعم محمد ومحمد احمد البرير والشيخ مصطفی اﻻمين وغيرهم وشكلت تلك الشركات نجاحا في السوق السوداني و الرد علی قديس عبد السيد وعمانويل ليكوس بانشاء سينما تحمل اسم الوطنيه وتقوم بعرض اﻻفلام العربيه واﻻنجليزيه فقد كانت سينما قديس فى بداياتها تعرض اﻻفلام اﻻنجليزيه فقط مثلها مثل سينما كوليزيوم و سينما النيل اﻻزرق في الخرطوم وللاخيره عذرها فقد اقيمت للجنود البريطانيين والموظفين اﻻنجليز في معسكرات الجيش البريطاني وقد نجحت السينما الوطنيه في تحقيق هذا الهدف وسرعان ما انشأت سينمات الوطنية ام درمان و الخرطوم بحري والخرطوم جنوب والخرطوم غرب ولحقتها سينمات اخرى فى العاصمة المثلثة مثل النيلين وبانت والعرضه والحلفايه ثم انتشرت في مدن اﻻقاليم المختلفه مثل ود مدني وبور سودان وعطبره ودنقلا واﻻبيض والفاشر ..الخ كان هناك وكلاء لشركات عالمية يستوردون ويوزعون الأفلام كشركة ليكوس وشركة السينما السودانية وشركة أفلام السودان وهي شركة انشأها السيد محجوب محمد أحمد وآخرون وقد استأجروا سينما النيل الازرق من الجيش . كانت شركة ليكوس لاستيراد وتوزيع الأفلام تتبعها سينما كلوزيوم وسينما ام درمان وسينما حلفايا وسينما النيلين وهي شراكة بين ليكوس وجابر ابوالعز. فى عام 1966 تم تشييد دور عرض خاصة مثل سينما الثورة بام درمان لأصحابها السنوسي حسين النعيم وعوض أبوزيد وبشير الشيخ والفريق توفيق خليل وآخرين.وتم تشييد سينما الوحدة بكوبر بواسطة جعفر قريش وآخرين وسينما الصافية التي شيدها عبدالقادر حاج الصافي. ثم اشترى السنوسي حسين النعيم وآخرون من الخواجة ليكوس سينما حلفايا وسينما النيلين وسينما بورتسودان ، وبذا اصبحت كل دور العرض يملكها سودانيون . سينما العرضه بام درمان كان يملكها جورج عبدالمسيح وآخرون ثم اشتراها منه الياس شبو في التسعينيات والآن اشترتها احدى شركات الزراعة لتحويلها الى مخازن للمحاصيل. اما سينما الجيش ببانت فصاحبها كان شخصية معروفة وهو السيد فكتور عيسى من الاقباط السودانيين فقد كان يملك ايضاً مقهي اتنيه المعروف بالخرطوم وهو ايضاً من احد وكلاء نادي سباق الخيل. قبل ان تظهر سينما قصر الصداقة و سينما قصر الشباب و الاطفال كانت جميع السينمات مكشوفة و مقسمة فى الغالب الى ثلاثة مساحات او درجات تفصل بينهم حواجز ولكل درجة شباك لبيع التذاكر و مداخل و مخارج خاصة بها -الدرجة الاولى (اللوج ) ويشمل بلكونة للعوائل و تحتل مكانا مرتفعا امام غرفة العرض تليها الدرجة الثانية (لوج النص) اقل ارتفاعا ثم الدرجة الثالثة – (العمومى اوالشعب) على المستوى الارضى للساحة وامام شاشة العرض مباشرة – لكل درجة فئة اجتماعية معينة من الرواد وفئة تذاكر دخول تتناسب معها اجتماعيا و ماديا . احيانا يكون الاقبال عاليا و وتتكاثر اعداد الجمهور و تستطيل صفوف الدخول وتخيم عليها الفوضى وتواجد رجل الشرطة ضرورى لتفادى تلك الفوضى وتنظيم عملية الدخول خصوصا للدرجة الثالثة (الشعب) مستعينا باليقظة و الشدة و الكرباج منهم على ما أذكر الامباشى (عبدالله بون) فى برمبل وفى الوطنية الامباشى (سيد احمد) الشايقى الصارم الظريف الذى لا يجد حرجا احيانا فى غض الطرف عن بعض المتسللين الى صف الدخول من احبائه و معارفه وكثيرا ما يقوم بعض العتاولة المشهورين فى (الشعب ) بمساعدة الشرطى فى حفظ النظام ومن اشهرهم (منقزة) و (محمد عثمان) و(طلب) و (عتبة) ايضا فى برمبل و الوطنية . فى مثل تلك الحالات تنفد كمية التذاكر و تغلق شبابيك البيع و تنشط عملية بيع التذاكر فى السوق السوداء امام بوبات الدخول بواسطة بعض المشهورين من شاكلة سيد صربندى الاطرش و يوسف الحلبى مرددا بصوت عال ( خمسة صاغ----خمسة صاغ) ثمنا لبيع التذكرة التى اشتراها بصورة او باخرى بنصف ذلك السعر . يعرض الفيلم عادة مرتين فى الليلة. يبدا الدور الاول فى الساعة السابعة وينتهى فى الساعة التاسعة ثم يبدا الدور الثانى فى الساعة العاشرة و ينتهى الساعة الثانية عشر. قبل بداية العرض يستمتع الجمهور بسماع الاغانى المصرية و الهندية و غيرها ثم تتوقف و تطفأ الانوار ايذانا ببداية عرض الفقرة الاولى(المناظر) وهى عبارة عن شريط اخبارى و شريط اعلانات تجارية و آخر يعلن عن الافلام التى ستعرض خلال الاسبوع القادم او قريبا . تنتهى هذه الفقرة و تطفأ الانوار و تبدأ الاستراحة لمدة عشرة دقائق ثم تتوقف الاغانى ويعم الظلام . الفنى (عثمان على حسن ) يبعث الشعاع من غرفة العرض عابرا سماء الساحة وساقطا على الشاشة العملاقة ليعكس لنا بداية احداث الفيلم الذى قد ترقبناه اياما طوالا . جو الالواج يسوده الهدوء الا من همسات هنا و هناك يتخللها صوت قرعات مفتاح الزجاجات على الصندوق الملئ بقوارير مشروب البيبسى البارد اعلانا مهذبا بدون كلام من البائع المتجول للعطاشى والراغبين فى الانتعاش. اما الدرجة العمومية ( الشعب ) فلها جو متفرد اصوات عالية وو نسات مسموعة و مشاكسات خصوصا من اصحاب الصف الاول و ما ادراك ما اصحاب الصف الاول وهم شخصيات معروفة يرتادون السينما يوميا ليس لمشاهدة الفيلم ولكن لهم فيها مآرب اخرى –غمزات ونكات و ضحكات مجلجلة و (مكيفات ) سائلة وجافة.....حمراء و خضراء ...و (حاجات تانية حاميانى ). قبل انشاء المسرح القومى احيانا كانت تقام حفلات غنائية ساهرة داخل السينما على مسطبة الشاشة يحيها بعض الفنانين الكبار.يتم الغاء عرض الدور الثانى و تبدأ الحفلة من الساعة العاشرة الى ما بعد منتصف الليل وتحدد اسعار الدخول حسب الدرجات: بلكونة لوج- لوج – لوج نص – عمومى (شعب ). الاعلان عن الافلام يتم داخل السينما خلال عرض الفقرة الاولى (المناظر) كما ذكرت الى جانب الاعلان فى الصحف اليومية بالاضافة الى الاعلان المتحرك وهو عبارة عن لوحة مربعة عليها ملصق الفيلم توضع على عربة كارو تجوب الشوارع و الاسواق يقف عليها شخص ينادى بصوت جهور من خلال بوق حديدى معلنا عن اسم الفيلم وابطاله وجمل قصيرة من وحى ابداعه تصف موضوع الفيلم .احيانا ينسى المعلن اسم الفيلم كما حدث ذات مرة مع يوسف الحلبى عندما اعلن بالبوق : ( الليلة ولاول مرة فى السودان على شاشة سينما برمبل حتشوفو فيلم....حتشوفو فيلم......"لا حول ولا قوة الا بالله " )---عمنا يوسف تحوقل عندما نسى اسم الفيلم ولكنها كانت حوقلة بصوت عال و الناس افتكروا ان اسم الفيلم ( لا حول ولا قوة الا بالله) . المعلن عمنا (فرع القرض) مرة غلط فى نطق اسم بطل الفيلم و صاح ( والفيلم بطولة " ارفس برجلى" قاصدا المغنى الامريكى " الفيس بريسلى"— بعدها اصبحنا نميل طربا و نرفس برجولنا عند سماعنا لاغانى ملك الروك آند رول " الفيس بريسلى" هذا مجرد تجوال مقتضب فى ماضى السينما فى السودان و استدعاء مختصرلذكرياتى عن سينما برمبل و الوطنية ام درمان. اتمنى ان اتمكن فى مرة قادمة القيام بتجوال حول الافلام التى كنا نشاهدها فى تلك الازمان واتناول بعض منها بشئ من التفصيل. منقول
05-02-2022, 10:25 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
إهتمامات دنيا واخره كانت الأهم من تصفح منابر واجتماعيات النت ...
Quote: صايم و ل شنو ؟؟؟؟
يا زول نحنا أولاد فقرا (فكي) ... نحمد الله من عمر ١٤ سنة ما بتذكر فطرتا يوم في رمضان ... بعدين أمدرمان دي غير الوطنية وبانت كان فيها سينما تاني ؟ بحري فيها ٣ سينمات الصافية وحلفايا والوطنية ... والخرطوم ٣ .. غرب وكلوزيوم والنيل الأزرق ... قال برمبل قال ...
Quote: بعدين أمدرمان دي غير الوطنية وبانت كان فيها سينما تاني ؟ بحري فيها ٣ سينمات الصافية وحلفايا والوطنية ... والخرطوم ٣ .. غرب وكلوزيوم والنيل الأزرق ... قال برمبل قال ...
سينمات امدرمان : امدرمان وطنية ام درمان بانت العرضه
سينمات الخرطوم : وطنية غرب الصداقة النيل الازرق كلوزيوم جنوب النيلين
بحريكم غير الصافية سينما تملا العين مافي وطنية بحري سينما الشماشة و الحلفايا كلها زنكي و كوبر جات جديده و قامت عواليق ..
بحريكم بي صراحة غير سوق الخدار و سعد قشره .. و حاجّة كانت بتعمل شواشو في الحِلة تاني ما عندكم الترابة ..😏
05-03-2022, 05:55 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: سلام ابو حسين وكل عام وانت والجميع بخير الكلام عن السودان زمان وبالتحديد امدرمان لا يمل
العزيزة أميرة و عليكم السلام و كل عام و إنتي و كل أحبابك بخير و سعادة و طيبين و كل أمانيكم محققة سيرة أم درمان و ذكرياتها و تاريخها العامر ياها الملاذ الآمن لأهلها في هذا الزمن القاسي
تحياتي
05-03-2022, 06:09 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: يا زول نحنا أولاد فقرا (فكي) ... نحمد الله من عمر ١٤ سنة ما بتذكر فطرتا يوم في رمضان ... بعدين أمدرمان دي غير الوطنية وبانت كان فيها سينما تاني ؟ بحري فيها ٣ سينمات الصافية وحلفايا والوطنية ... والخرطوم ٣ .. غرب وكلوزيوم والنيل الأزرق ... قال برمبل قال ...
حاج الطيب إنت ساقط تاريخ و جغرافيا و علوم إنسانية كمان مالك و مال أم درمان و تاريخها العريق ..... يكفي إنكم كنتو بتجوا تتفسحو فيها و كرعينكم حفن من مساسقة الجكس لمن كسرت ركبة فيها ....
05-03-2022, 06:11 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: اسمعي نسيت اسألك انتي من ام درمان و ل جيتي تفتشي ليك لي مشكلة برضو ... ؟؟؟؟
سلام للجميع تانى~ لا من الأقاليم، لكن مهندسة عديل فى مسألة السينما، وبفتكر إنه أحسن إختراع فى الدنيا دى صناعة السينما. بعد الشعب السودانى ينتصر. حأفتح خيط عن السينما ومعظم الأفلام - قبل الكوفيد كنت يوم الاوسكار ، اكون شاهدت كل الافلام.
05-03-2022, 04:53 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: سلام للجميع تانى~ لا من الأقاليم، لكن مهندسة عديل فى مسألة السينما، وبفتكر إنه أحسن إختراع فى الدنيا دى صناعة السينما. بعد الشعب السودانى ينتصر. حأفتح خيط عن السينما ومعظم الأفلام - قبل الكوفيد كنت يوم الاوسكار ، اكون شاهدت كل الافلام.
سؤالي اجابتو (( لا ما من ام درمان)) لزومو شنو من الاقاليم ... 🤣🤣🤣 يعني جاية تفتشي ليك مشكلة ... الامير توفيق مرات مرات بكون صاحبي بوصي يقوم بالواجب بدلي .. 🤣🤣🤣
05-03-2022, 05:16 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4442
Quote: سلام للجميع تانى~ لا من الأقاليم، لكن مهندسة عديل فى مسألة السينما، وبفتكر إنه أحسن إختراع فى الدنيا دى صناعة السينما. بعد الشعب السودانى ينتصر. حأفتح خيط عن السينما ومعظم الأفلام - قبل الكوفيد كنت يوم الاوسكار ، اكون شاهدت كل الافلام.
سؤالي اجابتو (( لا ما من ام درمان)) لزومو شنو من الاقاليم ... 🤣🤣🤣 يعني جاية تفتشي ليك مشكلة ... الامير توفيق مرات مرات بكون صاحبي بوصي يقوم بالواجب بدلي .. 🤣🤣🤣
ههههها أصلا مسألة هندسة تكسير الثلج ديك دخلت عليك شديد.😀 *عاصمة البلاد لجميع مواطنى البلد. وسؤالك لقيتوا فرصة أوضح إنى لا املك شبرا فيها. يعنى ما مشيت العيد خارج العاصمة ، وعليه الأمير توفيق ما يقدر يحجرنى😀
05-03-2022, 05:51 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: ههههها أصلا مسألة هندسة تكسير الثلج ديك دخلت عليك شديد.😀 *عاصمة البلاد لجميع مواطنى البلد. وسؤالك لقيتوا فرصة أوضح إنى لا املك شبرا فيها. يعنى ما مشيت العيد خارج العاصمة ، وعليه الأمير توفيق ما يقدر يحجرنى😀
بتهيأ ليك 🤣🤣🤣🤣🤣 انتي قايلة الناس كلهم مساكين زيي كدا .... !!! الأمير توفيق قدس الله سره و حفظه يدو طويلة (اوع تفهمي انو نشال) ... 🤣🤣🤣🤣 و عندو اربعة و ل خمسة رايات ما عارف ....
05-03-2022, 06:31 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: بتهيأ ليك 🤣🤣🤣🤣🤣 انتي قايلة الناس كلهم مساكين زيي كدا .... !!! الأمير توفيق قدس الله سره و حفظه يدو طويلة (اوع تفهمي انو نشال) ... 🤣🤣🤣🤣 و عندو اربعة و ل خمسة رايات ما عارف ....
يعنى الأمير توفيق دا ساكن حى الأمراء فى امدرمان؟ أهالى حى الأمراء انا عندى ليهم احتراما خاص. غايتو اليومين ديل فى موضوع التاريخ لقيت معلومات كثيرة.
*نخلى التاريخ ونرجع لموضوع السينما لأنكم نسيتو أهم تجربة سينما، حدثت ما بين المدنية المجوبكة والإنقلاب ، كان الشباب بيعرضوا أفلام هادفة جدا، تُعرض فى ميادين الأحياء بشاشات ودا من أفضل الأعمال لأنها غير مكلفة (مجانا) وصحية فى ظروف الكوفيد.
05-03-2022, 07:38 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: يعنى الأمير توفيق دا ساكن حى الأمراء فى امدرمان؟ أهالى حى الأمراء انا عندى ليهم احتراما خاص. غايتو اليومين ديل فى موضوع التاريخ لقيت معلومات كثيرة.
الامير من سكان حلفاية الملوك ام درمان شنو كمان البسكنا الامير توفيق 🤣🤣 غايتو انتي العرفتي حي الامراء يا من ناس ام درمان الاصيلين يا زولة مثقفة جدا ... البوست دا بكون وقع ليك في جرح لأنو تاريخ ام درمان دا مفروض يكون فرض عين لكل سوداني 🤣🤣
05-03-2022, 07:59 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: سينما الوحدة بكوبر : آخر دور عرض تم افتتاحه قبل ثورة ابريل 85م وكان ذلك فى عام 1979م ودور العرض السينمائي فى الخرطوم كانت اكتر من بحري وامدرمان .
والآن امبارح تم افتتاح دار عرض جديد فى شارع المشتل بالخرطوم
افتتاح سينما بيكاسو أحدث وأفخم قاعة سينما بالخرطو
حبيبنا علاء في سينما شغالة الآن .... ؟؟؟؟
05-03-2022, 08:07 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4442
Quote: الامير من سكان حلفاية الملوك ام درمان شنو كمان البسكنا الامير توفيق 🤣🤣غايتو انتي العرفتي حي الامراء يا من ناس ام درمان الاصيلين يا زولة مثقفة جدا ... البوست دا بكون وقع ليك في جرح لأنو تاريخ ام درمان دا مفروض يكون فرض عين لكل سوداني 🤣🤣
ما بدخل فى مشاكل معاه كله كله وكلمة ما بقولها بضحك بسرى.الحلفايا ! ومطلعنا نحن أقاليم! قادر الله.
سلامات ابوحسين وضيوفك الكرام عيد مبارك عليكم وكل عام وانتم بالف خير وربنا يحقق امنيات الجميع ويصلح الحال البلد والعباد في السودان يارب العالمين. زي ما قالت الأخت أميرة حسين الكلام عن أمدرمان لايمل. أمدرمان الثقافة الإذاعة المسرح القومي. أمدرمان الرياضة اقطاب الكرة السودانية المريخ الهلال الموردة دار الرياضة مركز شباب أمدرمان قصر الشباب والأطفال. أمدرمان العسكرية السلاح الطبي سلاح المهندسين . أمدرمان التاريخ قبة الخليفة ميدان المولد الطابية أمدرمان الاقتصاد سوق أمدرمان السوق الشعبي سوق ليبيا . أمدرمان السياسة البرلمان . أمدرمان الشيوخ الشيخ أبوزيد الشيخ حمد النيل الشيخ صائم ديمة الشيخ التقلاوي الشيخ حسن ابوسبيب. أمدرمان أمدرمان والحديث عن أمدرمان لا يمل. تحياتي
05-04-2022, 00:33 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
و عليكم السلام اخونا محمد نور عودو و كل عام و انت و كل من تحب بخير و ربنا يحقق الاماني ام درمان دي لو مسكت اي حتة فيها بتلقاها حكاية طويلة و سيرتها حلوة لا تمل مهما طالت و مهما استرسلت فيها ما حا تقدر تديها حقها كامل
تحياتي
05-05-2022, 00:28 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
الحبيب الجميل ابوحسين أكثر من أحب هي حكاوي أهلنا في امدرمان رغم رأينا في حسين خوجلي ولكن حكاويه وضيوفه عن أمدرمان والحقيبة كان ممتع .. يا سلام عن حكاية شعراء الحقيبة حتى ابراهيم عوض اتفقنا أو اختلفنا يا ريت يرجع بث قناة امدرمان (من أجل الحقيبة وحكاوي امدرمان) علاقتي بأمدرمان هي دائرة الادارسة في الموردة في اي اجازة لا بد زيارتهم حتى قرأت مرة أن دائرة الادارسة جزء منها مبني على انقاض منزل فوز مكان تجمع الثوار هي فوز الخلاسية قال فيها قريبنا الخليل رحمة الله عليه يا جميل يا نور الشقايق أملأ كاسك واصبر دقائق
السمة التي تميز أهل امدرمان مدى المحبة وفخر الانتماء لامدرمان خليل فرح رغم أنه من حي الترس الخرطوم ولكن كان متيم بأمدرمان لدرجة أنه شبه امدرمان في فرط حبه بالحج من علايل ابروف للمزالق من فتيح للخور للمغالق قدلة يا مولاي حاف حالق ( وكأنه في السعي بين الصفا والمروة )
وأجمل من الحقيبة حكاوي ظرفاء أمدرمان حبيبنا قباني ايضاً ارتاح لكتاباته عن أمدرمان ليته يعود لتلك الكتابات مرة أخرى
تحياتي الحبيب أبوحسين ليت البوست يكون حكايات امدرمان طبعا من خلال الحقيبة
05-05-2022, 03:03 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
حبيبنا الراجل المحترم الطيب ابو علوة اهلا و سهلا بيك و نورت البوست الحديث عن ام درمان يطول و يطول يا ريت اقدر اجمع ليك كم واحد من اهل ام درمان اللي يعتبرو من الملمين بسيرة و اسرار ام درمان و اهلها ابو الياء لو سخى و فض نفسو ممكن يكون عماد البوست كذلك حبيبنا محمد المرتضى لو قدر شاركنا برضو زول ما شاء الله موسوعة و مرجع شامل لأم درمان اختنا اميرة حسين برضو زولة ما ساهلة و آخرين كتيرين دعواتك بس اقدر اجمعهم و نقدم شي و لو بسيط لي ام درمان و هلها و كل من يحب ام درمان
تحياتي
05-05-2022, 03:37 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
كان الطريق من اركويت حيث دارتي الى ام درمان، حيث انتم، يدور كابيات قصيدة دائرية مكتوبة بريق المطر والعشب وبضوء العيون الامدرمانية الحميمة، فبيني وام درمان عشق قديم عمره من عمري، كانت ام درمان ايامها عاصمة للشعر والفكر والسياسة والفن والكورة، فهي التي ابدعت الشعر والهمت الفنانين وعلمت السياسيين ودربت الرياضيين، وهي التي اخترعت التم تم ورقصة الرقبة والسباتة. ام درمان هي التي اعطتنا التيجاني والعباسي والعبادي، واحمد محمد صالح والسراج وجبريل وفهمي والريح وسيد وعتيق وسرور وزنقار وكرومة والمبارك ابراهيم والخليل وابو صلاح وكرف وصلاح وصلاح والمك، امدرمان هي ابراهيم ومحمد أحمد عوض وصلاح وحواء الطقطاقة، وامدرمان هي منزول ورفيق دربه ديم الكبير وبرعي وترنة، وهي دار الاذاعة ودار الرياضة ودار التلفزيون، وهي دار الامن والامان.
٭ ام درمان هي المدينة الوحيدة في الدنيا التي يزينها نيلان ونيل، نيلان في مشرقها ونيل على يسارها، كانت محطة للحسن والإحسان، محاطة بالنبل والنبيل، كانت اسماء امدرمان شتى، فمن اسمائها يوسف الفكي وجورج مشرقي وسوق الموية، ومن اسمائها قديس الوطنية ومكرفون البوستة ومن اسمائها المكتبة المركزية ونادي الخريجين ومكتبة البشير الريح، ومن اسمائها المسجد العتيق والمحطة الوسطى والترام، ومن اسمائها ساعة البلدية وزريبة العيش وسوق الحدادين وشارع دنقلا. كانت ام درمان منورة باهلها الحلوين ومضيئة بحدائقها المبثوثة على شاطئها الرفيرا والموردة والنيلين والجندول.
٭ ام درمان هي البقعة الجموعيه والفتيحاب ، هي ام در، وهي درة البلاد، وهي عاصمة المهدية وسجادة الختمية ومزار اولياء الله ونار القرآن الكريم.
٭ ام درمان هي بابكر بدري ومدارس الاحفاد، وهي يوسف بدري وجامعة الاحفاد وقاسم بدري.
٭ أم درمان هي مرضعة الازهري وعبد الله خليل والمحجوب وزروق والشيخ علي وعبد الخالق ويحيى الفضلي وعقيل والشنقيطي وعلي طالب الله وامين التوم والصادق المهدي والاميران عبد الله وعبد الرحمن نقد الله، وعبد الكريم ميرغني وعوض عمر وآل ابو شمة ومحمد سليمان التعايشي والطيب ميرغني شكاك ودقيل وحي المسالمة وسيدة الخلقوها زي ما تريد، وهي دار بت ملوك النيل ومسقط رأس عياد جرجس.
٭ وأم درمان هي هي اب عاج واخوانه وعمر وجعفر ومنصور، وهاشم واقرانه وهي سوار الدهب، وهي بت بتي وقساية وهي ود البنا وادريس وود اللدر وهي ابو روف، وشارع الدومة وهي دفع الله. وام درمان هي شارع الاربعين وسبعة بيوت، وهي عبد المنعم وابو العلا وسفري السبب لي ازايا.
٭ ام درمان هي رمضان والتاج وعبد الدافع والعاقب والجابري، وهي جمعة وبرعي ومحمدية والله جابو، وهي الحاوي وود الحاوي، وام درمان هي بلبل وتور الجر واحمد عاطف وبت قضيم وابو الروس وخورشيد والنجيب شاعرالعيون، وام درمان هي ود نفاش وحمودة واحمد داؤود والرب والهادي نصر الدين وكمال سينا وتوفيق جاويش ودكتور اسماعيل مجذوب وحسين الوليد، وهي السبكي والبلطي ومورد الموردة، وهي مرحلة الاساس في عصر محجوب شريف.
٭ ام درمان هي عيسى الحلو وكمال الجزولي وهاشم صديق وقرشي محمد حسن والطيب زروق والسر دوليب والحاج وغضبك جميل زي بسمتك، وهي سند الواثق وسيف وفراج ومهدي وهي ابراهيم عبد الجليل وعبيد وزيدان وعبد المجيد وصديق ومعاوية وحسن طه والوسيلة وعمر وكان بدري عليك.
٭ وهي المغربي وعبد الله حامد الامين ودقش، وابو بكر خالد، وهي عثمان خالد وعوض وعوض وعوض مبارك «خليفة» وهي محمد يوسف والزبير والصادق والفرجوني والعميري والجاغريو وشابو، وهي الوسيم القلبي رادو. وهي بالانتساب المجذوب والطيب والطيب والطيب وجعفر حامد البشير، وبازرعة وسماعين وفارس القدال، ومحمود مدني والدوش ومحيميد وعبد القيوم والتيجاني سعيد وشيلاب وعثمان وقيلي وعبد الله علي ابراهيم وابو قطاطي وشمو وابو العزائم واسماعيل وابو آمنة حامد وعمر والسر قدور وابراهيم وشلقامي وتلودي والدهباية.
٭ وام درمان هي ثورة 42 وهي الماظ وعلي العوام، وهي ليلة المتاريس وانتفاضة أبريل.
٭ وأم درمان هي «نون والقلم وما يسطرون» وهي الف القراءة وحاء الحب وشين الشعر وميم الموسيقى وجيم الجمال وكاف الكورة ونون النسوة وثاء الثورة وتاء التاريخ.
٭ أم درمان هي صالونات الادب والفن عشرينيات العشرين، والمعروفة بالفوزات، فهي فوز الزهور وفوز البوستة وفوز الموردة، وام درمان هي الندوة الادبية وندوة الجمعة وليالي نادي الخريجين والمركز الثقافي البريطاني وادباياته سوق الموية.
٭ أم درمان هي ست الطوابي وبوابة عبد القيوم وحوش الخليفة وخور ابو عنجة ونادي الضباط وحمد النيل وأحمد شرفي والبكري والضرير وقريب الله والطيب البلال وصائم ديمة ومكي ود عروسة، وهي توتي وكبري النيل الأبيض، وهي أمان البر والبحر وكرري والسماوات. ٭ اقول الحق.. ام درمان كانت وطنا كامل الأوصاف.
٭ اذن لاجل ام درمان تلك ٭ لاجل تلك الام درمان لاجل اولاد ام درمان «اخوان فاطنة وحاجة وآمال وبخيتة، اخوان سارة وسارة وسارة، وسعاد وخالدة وعزيزة». لاجل دار اولاد ام درمان، الراكزة كالهمبول على شارع الموردة العتيق المعتق، لاجل كافة اولئك وجميع هؤلاء الغيت كل مواعيدي، وصرفت النظر عن تحفظي القديم بعدم انشاد اشعاري في المنتديات، وقنطرت عمامتي وحزمت اوراقي، وجئت اليكم لنحتفل معاً بالحبيبة ام درمان. عليها وإليها ولها... وعليكم السلام .
مكتبة البشير الريح أم درمان
05-05-2022, 03:46 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
الحبيب أبوحسين تحياتي هناك رمزية أخرى لأمدرمان فقط لأهلنا في الشمالية زمان السفر باللواري كان يمتد أحياناً الاربعة أو خمسة ليالي كان يصيبنا القلق والخوف خاصة بعد أبوضلوع ولا يهدأ لنا بال إلا بعد ان نشاهد اضواء امدرمان من بعيد كان فأل خير بالنسبة لنا وكانت هذه الانوار هي الامل والسلامة كان الفرحة تعم الركاب ولا تسمع إلا اسم امدرمان
تحياتي الحبيب ابوحسين
05-05-2022, 07:50 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2698
كلامك ده تقولو لي ناس ماعندهم حديدة يا عمك ام درمان شنو الكرهتونا بيها دي. ابدا ليك من وين - كدي شوف كده: عمارة دنقس وعبدالله جماع وحلقاية الملوك. دي لمحة بس من التاريخ- اجيك للفن واهل الفن - ابدأ ليك من "عثمان الشفيع" واجيك على خضر بشير وكابلي الجمال- محمد ميرغني- فنان الثماينات والتسعينات والالفية الجديدة والالفيات الجاية "الحوت - محمود عبدالعزيز". المعلم سيد الرصة والمنصة "ابوداؤووووووووود" ده ياهو الما لاقين ليكم طريقة وتمنحوهو جنسية ام درمان . كفاية كده ولا امشي ليك على" ايوب فارس" وادخل ليك على اولاد شمبات .
شيخو الرهيف الحريف "شيخ ادريس كباشي "رحمة الله عليه" اللاعب الوحيد الذي تم تأليف كتاب له- عبده الشيخ - عزالدين الصبابي-
السادة المراغنة - سبحان الله سكنوا في بحري مع انو ام درمان كانت خلاء . ما تملونا فقر بي ام درمان- بلد مافيها غير العجاجة والكتاحة- الناس بتقول الزول ده "أغبش " اول مرة اشوف لي بلد "مغبشة" ماتخلوني اجي اطقطكم تاني.
كسرة: قال برامبل قال- مالقيتو اسم غير ده خخخخخخخخخخ
05-05-2022, 08:10 PM
محمد نور عودو محمد نور عودو
تاريخ التسجيل: 01-08-2013
مجموع المشاركات: 6192
ياوالشيخ سيد أحمد كل سنة انت وناس بحري مدينة الصناعة والمخازن بالف خير يا اخوي ناسك ديل كلهم اشتهروا من أمدرمان عبر الإذاعة والتلفزيون المقرها أمدرمان والكورة المريخ الهلال الموردة برضو أمدرمان دا حالتو انا زول ضهاري سايت خلي ناس يحي قباني وابو حسين ووليد دواش بجوا يوروك الطفي النور منو ؟
05-05-2022, 08:46 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2698
Quote: ياوالشيخ سيد أحمد كل سنة انت وناس بحري مدينة الصناعة والمخازن بالف خير يا اخوي ناسك ديل كلهم اشتهروا من أمدرمان عبر الإذاعة والتلفزيون المقرها أمدرمان والكورة المريخ الهلال الموردة برضو أمدرمان دا حالتو انا زول ضهاري سايت خلي ناس يحي قباني وابو حسين ووليد دواش بجوا يوروك الطفي النور منو ؟
حياك الله محم نور عودو وكل عام وانت بخير.
ياخوي ناس ام درمان نحن زاتو شايفنهم ناس ضهاري - بلد لا فيها قطر ولا مطار ولا ميناء - دي ماياها الضهاري زاتا. اذاعة شنو يا محمد نور- انت عارف الاذاعة بعد وفاة ابوداؤود" مفروض يوزعوها اكشاك ليمون بس - هسع كان تلقى قباني وابوحسين مشغلين الخلاطات ويبعوا في العصير :) يقولو ليك الموردة بتلعب - هي المورده اذا المرحوم "عزالدين الصبابي" ما لا عب في التشكيلة تلقاهم ايدينم في قلبم- عزالدين من الشعبية بحري يا محمد نور- قال عليهو المستر "استاروستا" انه اعظم لاعب سوداني. ام درمان دي بنمشي ليها عشان نشتري عناقريب بس :) - وبنودي ليها الاطفال في بحري عشان بدل ما يتدردفوا في التراب احسن نوديهم محل العجاجة في ام درمان
ما تخاف على اخوك- ديل بققم ليك طقطقة وبدون بذل اي جهد. شوف السينما في بحري حلفايا - وطنية- الصافيه- ياخي اسماء عندها ايقاع - قال برامبل قال- برامبل بتاع فنيلتك انت وقباني - معاكم كمان "منتصر" اب سطر. وشوف اذا في زول تاني عشان نصرف ليهو برضو- قومو لفو مليتونا فقر خخخخخخخخخخخ تحياتي محمد نور:)
05-05-2022, 08:56 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1716
Quote: الحبيب أبوحسين تحياتي هناك رمزية أخرى لأمدرمان فقط لأهلنا في الشمالية زمان السفر باللواري كان يمتد أحياناً الاربعة أو خمسة ليالي كان يصيبنا القلق والخوف خاصة بعد أبوضلوع ولا يهدأ لنا بال إلا بعد ان نشاهد اضواء امدرمان من بعيد كان فأل خير بالنسبة لنا وكانت هذه الانوار هي الامل والسلامة كان الفرحة تعم الركاب ولا تسمع إلا اسم امدرمان
تحياتي الحبيب ابوحسين
حبيبنا ابو علوة لواري و بصات دنقلا كانت بتجي بي قدام بيتنا في امبده صوت (الكوز) بنسمعو من مسافة بعيدة ذكريات جميلة ياخ و صوت البوري و كلو سواق عندو نغمة معينة بعزفها بالبوري
تحياتي يا حبيب
05-05-2022, 09:22 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
احد شوارع امدرمان يحمل اسم الشنقيطي. وهو موريتاني الاصل. و كان قاضيا ثم رئيسا للبرلمان السوداني في عدة دورات. و بالرغم من انه كان من اعداء والدي ابراهيم بدري السياسيين, مثل محمد علي شوقي . الا ان والدي سمى محمد صالح الشنقيطي وسماني انا على محمد علي شوقي.
و بالرغم من عدد اهلنا الهائل من جهة الام و الاب. فلقد صار الشنقيطي وصيا علينا لأننا لم نبلغ سن الرشد. وهذه هي امدرمان.
السيدة عشة موسى احمد و التي عرفت بعشة الفلاتية, كانت سيدة الغناء الاولى وشخصية وطنية كبرى. وشقيقتها جداوية كانت عازفة عود وشخصية امدرمانية مرموقة. و المغني شرحبيل احمدتعود اصوله كذلك الى نيجيريا مثل الشيخ المعتقد و صاحب المسجد مرفعين الفقراء, او قدح الدم. وهؤلاء مفخرة امدرمان.و للفلاتة و الهوسا حي كامل في امدرمان يعرف بفريق فلاتة.
لا يهم في امدرمان اذا كنت من خارج السودان او من داخله. المهم ان تتبع ايقاع المدينة وطريقة حياتها.
حتى الانجليز الذين عاشوا في امدرمان تقبلوا طريقة الحياة الامدرمانية وقدموا لأمدرمان و خلدتهم امدرمان.
اشهر الانجليز في امدرمان هو البيه برمبل. وهنالك حي اسمه حي برمبل شمال حي الرباطاب.. فلقد قدم لأمدرمان وتعب واجتهد وهو الذي انشأ اول منتزه في امدرمان. وهي جنينة برمبل التي صارت كازينو الريفيرا. ولقد وقف برمبل على الحديقة وغرس الاشجار. ولعدم وجود المضخات صنع خورا طويلا يمتد من النهر. وكن يرفع الماء عن طريق الشادوف (النبرو) وكان يوظف المساجين في ادارة النبرو.
وكما عرفت من الاخ الكاتب ابن امدرمان الاستاذ هلال زاهر سرور, فإن فتوة امدرمان الاكبر كبس الجبة كان يعمل في هذا النبرو.
وعرفت كذلك ان برمبل كان يحسن معاملة المساجين. وكان كبس الجبة يتمتع بإهتمام برمبل. وكان العامل في النبرو يعطي كبس فرصة ان يتواصل مع اهل حيه , الذين كانوا يأتون له بالطعام ويتوقفون للونسة.
الحي الذي يواجه كازينو الريفيرا الآن يعرف بفريق ريد. وريد هو المفتش الانجليزي الذي تفاعل مع اهل امدرمان واحبوه و اختلفوا معه خاصة عندما اراد ان يرحل صانعات المريسة و العرقي من الموردة. وكان برمبل قد اعطى صاحبات الانادي قطع كبيرة جنوب حي العرضة وجعل السقف عاليا في المباني, و بفتحات كبيرة. حتى يقاوم خطورة مرض السحائي الذي كان يفتك بالناس خاصة في الزحام. وبرمبل كان يطوف على الانادي ويتذوق المريسة ليتأكد من الجانب الصحي.
المفتش ريد و الذي كان يسير لوحده في الموردة وجد هجوما من اصحاب الاندايات. ففر هاربا امامهن. وقامت الخالة الصبر المشهورة بأم كدوية والتي كانت ضخمة الجسم بإخفائه . ويقال تحت ثوبها وبين رجليها. وكانت فارعة الطول . وعندما كنت اشتري منها الطماطم كانت تشير لكومة الفلوس تحت الشوال. وكنت اضع الفلوس في الكوم . او اضع الشلن او الريال وآخذ الباقي بنفس الطريقة. فالثقة كانت متوفرة بين اهل امدرمان. وكافأها المفتش بإعطائها قطعة ارض و رخصة مدى الحياة لبيع الخضار في سوق الموردة بدون رسوم. وللحاجة الصبر رحمة الله عليها مظلة في شارع الموردة بإسمها . ولقد تبنت كثبعض الاطفال. احدهم صديقنا ولاعب فريق الشاطي المشهور بندر.
وقام المفتش بحل مشكلة اصحاب الاندايات عن طريق الوساطات و الاجاويد.
عندما ساءت العلاقة بين بابكر بدري و المفتش بسبب وشاية ابلغت لبرمبل . لم ينكر بابكر بدري في كتاب حياته انه قال ما قال منتقدا برمبل. وقد قال ان برمبل قد قدم الكثير لأمدرمان. الا انه قد خصى الرجال. لأنه كان يقوم بكل شيء و لا يعطي دورا للآخرين. فرفض برمبل ان يعطي قطعة ارض لبناء مدرسة الاحفاد حانثا بوعده الاول. وحدثت مواجهة وشجار بين الاثنين في مكتب البيه برمبل. وذهب بابكر بدري شاكيا لسكرتير المعارف المستر ونتر, ومدير الخرطوم و انتهى الامر باجاويد امدرمان.و تراجع البيه واعطاهم القطعة التي على شارع الموردة وكانت تخص الحملة وهي احسن موقع في امدرمان.
الحملة كانت المكان الذي تؤخذ له الاغنام و الحمير التي تجيب الطرقات..و لا يطلق سراحها الا بعد دفع غرامة. ومن هنا يأتي المثل السوداني تاني تجي الحملة..والحملة انتقلت الى شمال العرضه..وبعد برمبل صارت الاغنام تجوب امدرمان..خاصة اغنام اشلاق البوليس التي كان يضرب بها المثل. بأنها تنظر شمال ويمين ويمين قبل ان تقطع الظلت..
عندما ذهب المحسن الكبير عبدالمنعم محمد ابن امدرمان و المولود فيها ومعه ابو العلا لإستلام الارض بإسم الاحفاد, سأل برمبل عن بابكر بدري. فقالوا له في المدرسة. فقال لهم ...لا بيكون مشى الخرطوم يشتكيني تاني. وتصافى الجميع فيما بعد. والف بابكر بدري نشيدا لبرمبل عندما اتى لزيارة الاحفاد. وكان في وداهفي نهاية مدته..
كل شيء في امدرمان كان يحصل عن طريق التراضي. ويبعد الناس في ادخال البوليس في امورهم. و لا يذهبوا للمحاكم. ويقولون ان المحاكم و البوليس للأغراب.
لقد تأثر الاجانب و الانجليز لدرجة بأنهم صاروا يتصرفون كأهل امدرمان. لقد علم المفتش اكلارك كثيرا من اصدقائه من امدرمان. وكان متأثرا بطريقة اهل امدرمان. فأولم مثلما يعمل اهل امدرمان.وليس كعادة الانجليز. وذكر بابكر بدري في تاريخ حياته ان الحلو كان في الجردل الكبير مليء به. فياخذ كل واحد كل ما شاء بكبشة (معلقة كبيرة) . يعني الانجليزي بقى ود بلد.
ذكر الاستاذ هلال زاهر الساداتي انهم في قعدة ان فنان القعدة والذي كان يغني الاغاني السودانية. كان الاستاذ الانجليزي الاستاذ هوبسن الذي كان يجيد الاغاني السوداني. بابكر ذكر ان احد المفتشين الانجليز كان يكتب الدوبيت.
مستر هيلارد قال لبابكر بدري ان اهل امدرمان قالوا انه قد اخذ رشوة مالية من قديس لإعطائه ارض السينما. وعندما قال بابكر بدر انه لم يسمع بهذا الكلام فتح خزانته واخرج جريدة السودان ومكتوب فيها ما قاله. فقال له باباكر بدري انننا نعرفك منذ ان كنت مفتشا بالحصاحيصا. حيث تأكدنا من عفاف يدك. فأدخل الجريدة وقفل الخزنة.
المسؤول البريطاني كان يعيش بقوانين امدرمان و لو حدث اليوم مع اي مسؤول لوجد الصحفي نفسه في السجن. ولطالب المسؤول بتعويض مالي كبير. ولكن الشكوى لكبار امدرمان كان يعني ان التهمة ستنفى عن الشخص بشهادة الكبار. و المحكمة قد تصعد الامر وتثير غبارا.
وما اعرفه انا ان الارض قد منحت لفترة 20 سنة وسينما برمبل لصاحبها قديس عبدالسيد انتهى عقدها في 1961 وفي سنة 1962 ازيلت وبني مكانها البريد الحالي. وطالب السودانيون برخصة للسينما الوطنية في امدرمان. وكانت شركة مساهمة وطنية. كان خلفها بقوة الوزير ميرغني حمزة.
الارمن وجدوا اضطهادا في كل العالم وهنالك مثل انجليزي يقول (فلتثق بالثعبان قبل اليهودي واليهودي قبل اليوناني ولكن لا تثق ابدا بالأرمني) هذا تصرف عنصري كريه. في امدرمان كان يحدث العكس..
في مواجهة سينما الوطنية وجنوب البنك العثماني في شارع الموردة. كان الطبيب اليوناني يورغوس دانقاس المعروف ب جورج دانجاس عيادة داخل مسكنه. وكنا نذهب للعلاج عنده بالجرورة يكشف علينا ويسجل. ويتكلم اللهجة الامدرمانية. ويتعامل معنا بحنان وعطف. وكان يطلب من امي ان تعطي اخي خليل الذي كان نحيفا كثيرا من النشا او المديدة. و كان يقول لها ان بعض الاطفال لا يحبون الاكل ولكن يفضلون شرب اللبن او المديدة لأنها اسهل. وكان بمثابة العم بالنسبة لنا.
جاره المباشر كان طبيب اسنان. ولم يكن اهل امدرمان قديما يحتاجون لطبيب الاسنان. ولكن والدتي احتاجت لحشوة في نهاية الخمسينات. ولأول مرة اشاهد عملية حشو اسنان. وكان امينا يجيد عمله. ذهب له اخي كمال بدري في الستينات وقال له انه قد قام بحشو احد اضراسه في الاربعينات . عندما ترك السودان للدراسة. وبعد عشرين سنة كانت الحشوة في مكانها و لم تسبب له اي مشاكل. فترك الطبيب اليوناني كمال على الكرسي وذهب و اتى بالدكتور جورج دانجاس وطبيب آخر وقال لهم مفتخرا, انا عملت الحشوة دي قبل 20 سنة ولسة مافي مشكلة. انحنا زمان بنعمل شغل كويس. لكن دكاترة صغار بقى يعمل شغل مش كويس.
كونت ميخالوس وتعني ميخالوس القصير شارك بمبالغ ضخمة متبرعا لمدرسة الاحفاد وكان يدفع مبلغا محترما سنويا لمدرسة الاحفاد. وكان كثير من اليونانيين يتبرعون للأحفاد.
ذكر الاخ السفير علي حمد ابراهيم انه قد قابل ابن كونت ميخالوس في الغربة وانه قد بكي وقال للأخ علي حمد ان النميري قد طردهم من السودان. وهو مولود في السروراب خارج امدرمان.
الارمن كانوا جزء من النسيج الامدرماني وكما ذكرت في حكاوي امدرمان, فإن مدام اوجين من آل كوركيجان كانوا بمثابة الاهل لنا وكان ابناء اختها آرتين وقاري بمثابة اشقائنا. وكان البنات هنازان و شوشيك وجورجيت بمثابة الشقيقات لشقيقاتي. وكان ابنها الصغير ايفان لصيقا بأشقائي.
وعندما زفت شقيقتي آمال الى القاضي محمد صالح عبداللطيف, كانت مدام اوجين هي المسؤولة عن تحضير الزفاف, مثل الكوشة والفستان وزينة العروس.
وعندما كان اهل رفاعة وبعض اهل امدرمان يستغربون وجود مدام اوجين كان اهلي يقولون ان مدام اوجين بمثابة الخالة او الام للعروس.
من شخصيات امدرمان الاسطورية و الذي لا يزال اسمه يطلق على بعض الشباب هو الارمني كربيت. وكان مشهورا بالقوة ويضرب به المثل في القوة. ويقولون قوي زي كربيت. وكانت له ورشة بالقرب من نادي الخريجين وكان صديقا للعم يوسف الاغا صاحب القهوة المجاورة. وصديقهم الثالث كان العم محجوب عثمان والد الشهيد عبدالخالق محجوب.
ماركوني الايطالي كان ميكانيكيا و لا يزال الناس يقولون لمن يجيد الهندسة و الميكانيكا يا ماركوني او يا كربيت. او يا كوج. و عوض كوج كان اشهر عجلاتي في امدرمان وكوج تعني نمر بلغة الدينكا..وطبعا كور تعني اسد..وهذا جزء من الثقافة الامدرمانية..
اشهر ارمني كان ارونتي وكان صاحب افخر سوبر ماركت في امدرمان واسمه الحقيقي هو يرفانت مارقوس يان. وكان يعمل معه شقيق الخالة اوجين و كنا ناخذ كل شيء منهم بالشهر. ويعرفوننا بالإسم. ولا يحتاج الامر لورق او لمحاسبة. يرسلون حسابهم في نهاية الشهر ويرسل لهم والدي شيكا. دكانهم كان شمال ركن الجامع مباشرة.
الارمن الذين سكنوا امدرمان كانوا امدرمانيين بحق و حقيقة. ولا زال البعض يقولون ( انتا فاكر شنو ياخ الفطور ده جايبنو من ارونت) فلقد كان عندهم اجود الالبان والمعلبات و المارتديلا. و لكن اغلب الارمن كانوا ميكانيكيين او متخصصين في طرمبات الري الكبيرة. وقدموا كثيرا للسودان.
اليهود كانوا من اعظم الامدرمانيين. وكان هنالك انسجام كامل بين المسيحيين, المسلمين و اليهود في امدرمان. يكفي ان الداعية الاسلامي ونائب رئيس اول تنظيم للاخوان المسلمين العم بدوي مصطفى ووزير التعليم الذي ادخل الدين الاسلامي في المقررات السودانية كان شريكا لبعض اليهود. ومصنع الدواء الذي اشتراه الدكتور خليل عثمان في بحري كان قد اسسه العم بدوي مصطفى, و اولاد تمام اليهود وهم ليون والبير تمام. و العم بدوي مصطفى من اول المتعلمين السودانيين ولا يرقى اي شك لتدينه. لدرجة انه قد رفض فكرة الشراكة مع شركة شيفليينقا السويدية للجلود. لأنهم ادخلوا عمولة على الماكينات التي سيشترونها من السويد. لعمل مدبغة حديثة. وهذا خوفا من شبهة الربا. و لأن الله لم يحرم التعامل مع اليهود. ويقول المسلمون ان النبي مات ودرعه مرهون ليهودي. وبعض العوائل السودانية من اصل يهودي قد اسلموا وحسن اسلامهم. ومن بقى على دينه اليهودي فلقد كانوا من خيرة اهل امدرمان منهم آل اسرائيل الذين كان منهم خيرة المسلمين واعظم اهل امدرمان. منهم وردة اسرائيل العيني زوجة العم محمد الفضل مدير السكة حديد سابقا. وخال المناضلة فاطمة احمد ابراهيم والاستاذة محاسن عبدالعال. وكان بابكر بدري يستأجر دكانا في المهدية من آل بسيوني اليهود. واستلف الف ريال من صديقه رابي اليهودي في المهدية ساعدته في تجارته.. وكان موسى ويعقوب يديران تجارة الخليفة عبدالله التعايشي, لمعرفتهم بتجارة الصادر.
وكان دكان آل عبدوي في المربوع الاول و في الركن الجنوبي الغربي في ميدان المحطة الوسطى في امدرمان. وآل منديل كانوا من الاسر السودانية التي تمتعوا بسمعة حميدة. وكان كبيرهم العم داؤود سليمان منديل صديقا لوالدي. وكان له نشاطا ادبيا كبيرا بجانب عمل آل منديل في التجارة الخارجية. واشتهروا بإستيراد الفانوس نمرة 5 , الذي كان يتواجد في كل بيت سوداني قبل دخول الكهرباء.. وهو الذي اصدر الجريدة التجارية ونشر الوعي الاقتصادي. واندمجت الجريدة التجارية مع مجلة حضارة السودان. وصار اسمها ملتقى النهرين. وكان العم منديل صاحبها و محررها. وعمل معه الشاعر التجاني يوسف بشير.واهتم بالتراث السوداني. وهو اول من طبع الدوبيت كما طبع راتب المهدي وطبقات ود ضيف الله وكثير من الادب السوداني.
آل اسرائيل العيني سكنوا في المنطقة المحصورة بين مركز البوليس وجامع الخليفة ومستشفى الارسالية. وهم اصهار مؤرخ السودان الاول العم محمد عبالرحيم . و تربط شقيقاتي علاقة صداقة قوية بالسيدات فريدة وسميرة آل اسرائيل. وكانت السيدة ليلى اسرائيل سكرتيرة نميري.ولم يكن يثق بأي انسان آخر مثلما يثق بها كسيدة امدرمانية. وكانت تربط والدتي صداقة مع الخالة نعيمة كنعان..
ويكفي ان امدرمان قد انتخبت سكرتيرا لنادي الخريجين الذي كان اكبر مركز ثقافي سياسي واعلامي في السودان. كان سكرتيره ابراهيم اسرائيل الذي كان صديقا حميما لوالدي ابراهيم بدري. واباهيم اسرائيل مات في شبابه...
وكما ذكر كتاب ملامح من المجتمع السوداني فإن ابراهيم اسرائيل هو الذي قدم الشاعر صالح بطرس عندما قرأ قصيدته العصماء, و اهاب بأهل امدرمان ان يكملوا جامعهم الكبير الذي تأخر بناءه وصار مأوى للمتشردين وتجمعت فيه الاوساخ والتراب. وبعد القصيدة قام المسلمون والمسيحيون سويا بحملة ضخمة اكملت بناء الجامع. والقصيدة تقول
يا مسجدا مطلت بنوه بعهده
حتى غدى وهو الحسير المعدم
وعليك هامية الرباب مرنه
ومن السوافي الهوج ما قد اقتم
آمنارة الدين الحنيف تحية
من شاعر لك قد غدى يترحم.
يكفي ان السودانيين عندما كانوا يجمعون التبرعات لأهل السعودية وخاصة اهل المدينة وكانت كل الجوامع تجمع جلود الاضاحي تبيعها و ترسل الفلوس لمساعدة السعوديين. كان بين المتبرعين بعض المسيحيين. وفي لستة التبرعات التي نشرت في سنة 38 في جريدة الحضارة اسم المسيحي هنري جيد بجانب السيد عبدالرحمن والسيد علي والشريف الهندي.
و عندما كان البيه ابراهيم خليل يسلف حكومة غردون ايام الحصار كان يستلم ايصالات من الحكومة. وبعد سقوط الخرطوم عاش في المسالمة مع اسرته. وارتبط باهل المسالمة وبعد الاحتلال الانجليزي ونهاية المهدية عوض بأراضي ومبالغ كبيرة. من الضمن كان انقاض الجامع القديم في الخرطوم, وارض الجامع. فرفض هو المسيحي ان يستلم ارض الجامع وقال انه لن يستلم ارض كان يعبد فيها الله لكي يعمل فيها مسكنا ومرحاضا. وشدد على العمال ان لا يأخذوا اي طوبة من انقاض الجامع لكي يبنوا بها منزله وكان يواصل اهل امدرمان. وسمعنا انه كان يساعد الخالات و المساكين من اهل امدرمان.
قبل فترة قليلة سألت شقيقتي الهام بدري عن حال الاهل وشقيقة والدتي نفيسة فقالت لي ان العمر قد تقدم بها ولكن ابنائها وجيرانها في المسالمة الدكاترة جرجس وشقيقه فابيان اولاد العم فابيوس يتفقدونها في مرضها صباحا وعشية.
الايطالي روزلوني الذي عاش في امدرمان ايام الثورة المهدية وكان له محل لبيع الفول. كما ذكر الاستاذ ابوسليم في كتاب الخرطوم انه دخل في مشادة مع سوداني وقام بشتمه فقدم لمحكمة السوق. في امدرمان فحكم عليه بالجلد . وعندما تحمل الجلد بشجاعة كما يعمل فرسان امدرمان في البطان وجد استحسانا وتشجيعا وتغيرت معاملة القضاء له, و نظرة الناس . ولا بد لانه اثبت انه امدرماني اصيل.
في يوم الجمعة 19 ديسمبر 1986 كنت اجلس في حوش البيت في امدرمان معي المحامي السويدي بيرتل لياندر وهذا في العصر ودخل علينا جارنا الشاب نصر فتحي عازر وهو يترنح من السكر ورأيت الهلع و الخوف في وجه المحامي السويدي, الذي كان قد سمع بالشريعة وقطع الايدي و الجلد.
العم فتحي عازر (ابو جيمي) وزوجته مدام جورجيت, ارتبطت اسرنا بعضها البعض منذ التركية وهم جيراننا الملاصقين . الشاب نصر كان يقول للمحامي المذعور لقد اوصلتني الشرطة الى هنا .
نصر رحمة الله عليه تعرض للجلد مرة ووقف بثبات واخذ الاربعين سوط بدون ان يرمش له جفن. وبعدها بيوم ذهب بعد ان شرب الى البوليس و قال لهم (انتو فاكرني انا حا اخاف؟. و اني عشان حلبي بخاف من الجلد. انا مسيحي وديني بيسمح لي اشرب. المسيحيين كان بيشربوا الخمرة وبيبيعوها في المدينة. النبي ما جلدهم) نصر كان امدرمانيا بحق و حقيقة وكذلك اهله. وكان البوليس يرجعه الى اهله ويقول لهم نصر ده بالله امسكوا ما عايزين مشاكل. واهل نصر كانوا خيرة الجيران كان لهم مكتب كبيرفي جزء من بيتهم وكانت لهم وكالات لأمصال الحيوانات خاصة الجمال. كان يعمل معهم مسلمون كموظفين احدهم شاب صوفي يسترسل شعره فيه ضفائر. هذه اسرة رائعة تفرقت وذهب بعضها الى استراليا والبعض الى كندا.....
هكذا كانت امدرمان قديما ...
05-05-2022, 11:17 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
تعتبر المحطة الوسطى إلى عهد قريب مركز المدينة الذي تتجمع عنده كل خطوط المواصلات منها وإليها ، تتفرع منها الشوارع وتعود إليها ، وهي جزء حيوي من سوق ام درمان الكبير تطل عليها كبرى المحلات التجارية بجميع أصناف بضائعها ، شمالا منها مباشرة الحاج نقد الله ، الذي يمثل نقطة بداية شارع الموردة من الجهة الشمالية بالقرب منه نقطة شرطةالسوق ( التمنة ) ، فرن بابا كوستا ، تواجههم المحطة في تخطيط بسيط ، المواصلات العامة ( بص الشركة ) وخطوط التاكسي ، وفيها كشك يشرف على البصات الحكومية ، وكشك آخر يتبع لنقابة التاكسي ، من الناحية الشرقية على شارع الموردة مباشرة محلات عريقة تغيرت انشطتها منذ أواخر السبعينيات عدة مرات وتغير اصحابها في معظم الأحيان كان الثابت فيها ابراهيم سعيد ، هريدي ، نعيم قصار ، ابو سلامة ، لاركو ، شانيل ، سوماك ، ومحلات اقمشة لشلقامي أخوان محلهما الآن عمارة أولاد البرير ، ثم الجامع الكبير وفي ناصيته الشمالية الغربية ، دكان عباس رشوان ، وجنوبا من المحطة الوسطى الطيبين ثم محلات للاقمشة منها ما تغير اسمه ومنها ما تغير نشاطه ، وغير بعيد من هذا المكان حسن صالح خضر ، حمدان البدري حيث لايزالان مكانهما قبل أن يتفرع من هنا شارع قصير يقود إلى ميدان الأسكلا على ناصيتة المواجهة مباشرة للجهة الغربية للجامع الكبير محلات الطوخي وما ادراك ما الطوخي الذي اشتهر ببيع اللعب والتحف والهدايا ( اجمالي وقطاعي ) ، ومحلان الزيات يجاورها شركة سنجر التي كان وكيلها محمد الأمين حامد ، ثم باتا ثم نعيم للأحذية يليهم سعد الشيخ عمر للعطور ، والجيليين والحضري الذي حمل اسم المجمع او البرنده التي تفتح عليها دكاكين الساعات وامامهم الساعاتية كما يوجد عدد منهم داخل الجامع مع سوره الغربي ، وفي خارجه ايضا فراشات منها الكتب الدينية والسبح بانواعها وحوالي المسجد عدد كبير من المتسولين ، وعلى ناصيته الجنوبية الغربية صيدلية أم درمان والتي كانت مجلسا عامرا ابرز رواده العم أحمد داؤد الذي سيرد ذكره لاحقا ضمن هذه السلسلة ، واصبح مكانها الآن مجوهرات ميلانو . ويُعد جامع ام درمان الكبير معلما أساسيا من معالم المدينة حيث كان الغرض من إنشائه معهد ديني على غرار الأزهر الشريف وكان على راس لجنته الشيخ ابوالقاسم احمد هاشم فاحتضن في البدايات معهد ام درمان العلمي وتخرج فيه عدد من رموز المجتمع المستنيرين ورواد انتقاله الى الحداثة وسيرد بالتفاصيل في مساحة أخرى من هذا التوثيق ، يصب في هذا الشارع من الناحية الشرقية شارع المهاتما غاندي الذي اشتهر باسم شارع الدكاترة ، وعلى الناصية الشمالية الغربية منه محلات أغا وتمتد منها سلسلة من المحلات التي تخصصت في بيع الاجهزة الكهربائية في فراندة أنيقة تعددت فيها الانشطة من لدن مقهى جورج مشرقي الذي يظل ابرز علامة في هذه النقطة من الشارع وهو من اوائل المقاهي على الطراز الحديث وكان يرتادها المتعلمون واغلبهم من الأفندية ، فيهم الشعراء والفنانون ونجوم الرياضة وارتبط المقهى بالفنانين تحديدا وقد لعب جورج مشرقي بنفسه دورا لوجستيا في تنظيم حفلاتهم ، وفي ذات الفراندة تعاقبت مطاعم ومحلات أخرى مطعم العين الخضراء ومطعم السطح ، ترزي المؤتمر وبعض المحلات التجارية ، وبنفس شهرتها القديمة ظلت في مكانها صيدلية ابراهيم ( خدمة ٢٤ ساعة ) ، وتصطف بعدها مجموعة من المحلات تغير نشاط معظمها ، بار المنتزه ، ستديو الفن لصديق الكوتش ، عزت مجلي بسادة ( جواهرجي ) ، ترزي المقص الذهبي ، بقي من هذه المحلات الخندقاوي والسر الخراساني وراجت بضاعة الوابورات الزراعية .. ويواجه هذه المنظومة من الناحية الغربية ميدان البوستة وله ماض عريق حيث استضاف سينما برمبل ومايكرفونات اذاعة ام درمان ثم حديقة عبود كمنتزه وكانت بها نافورة وفي سورها قاليري تشكيلي وصناعة البراويز ، ثم صالة ملاهي ( لونا بارك ) ثم موقفا للمواصلات قبل ان تباع مساحتها في زمن بيع فيه كل ما له عراقة وأصالة . جنوب البوسته تماما وعلى شارع الموردة من الناحية الغربية تقف صيدلية عقباوي التي تحولت الى صيدلية النجاح والآن ستديو الافراح يجاورها نيوبازار لصاحبه علي عبدالله ( صار عمارة ) ووكيل الببسي ، وبجواره المكتبة الوطنية لصاحبها محمد سليمان ثم يوسف الفكي واخوانه وهنا عالم آخر يكمل لوحة شرق الشارع التي بدات عند جورج مشرقي ، مجلس آخر يرتاده الأفندية ايضا ، حيث يلبس الشارع حلة زاهية كلما جاء المساء ، وتطلق على هذه المنطقة التي كثرت فيها المقاهي ( سوق الموية ) لانتشار العصير فيها دون سائر المقاهي الشعبية وتحولت محلات يوسف الفكي والمكتبة الوطنية إلى عمارة كباشي وبجوارها مبنى ظل محافظا على طرازه المعماري القديم وعلى نفس وظيفته التي انشئ من أجلها مع تغيير اسمه ( بنك مصر / بنك ناصر / بنك الشعب التعاوني ثم حاليا بنك الخرطوم ) وعلى الناصية التي تليه منزل ظل مهجورا زمنا طويلا وكان على ناصيته موقف عجلات رواد السينما يشرف عليها سليم التوم ، ثم اصبح بنك ام درمان الوطني تجاوره عمارة محمد حسين تليها بعض المحلات ثم عمارة الأمين عبدالرحمن ثم عمارة الحرية . ويواجه نيو بازار من الناحية الشرقية للشارع سينما ام درمان الوطنية وفي سورها لوكاندة كردفان ومغلق غرباوي وصيدلية علام ، يجاورها فضاء بنيت فيه الآن عمارة بها بعض الشركات وصرافة وفي ناصيتها على مدخل الشارع الفرعي بنك الادخار ثم على الناصية المواجهة له من جهة الجنوب سينما أم درمان وفي ناصية سورها الشمالية الغربية صالون ادريس التوم للحلاقة .. ومن الناحية الغربية للشارع بعد عمارة الحرية مباشرة شارع صغير يتجه غربا على ناصيته منزل مولانا عبدالمجيد إمام رئيس القضاء الأسبق الذي قاد إضراب القضاة الشهير في اكتوبر ١٩٦٤ م يليه بيوت عبدالمنعم محمد( ذلك المحسن حياه الغمام ) وكان في احداها نادي التجار الذي تحول إلى إدارة جامعة ام درمان الاسلامية وبعده منزل الطبيب د. عبدالمنعم فارس ثم بعض البيوت من ضمنها منزل لآل المساوي ، ويقف على الناصية المواجهة للمحكمة الشرعية من جهة الشمال منزل مملوك لأحد الأغاريق كانت عليه لافتة مكتوب عليها تأريخ 1923 شغله لفترة كمكتب محاماة الاستاذ عبدالحليم الطاهر ، كل هذه المباني من منزل عبدالمجيد إمام اصطفت فيه عمارات ومجمعات تجارية حاليا تواجهها من الناحية الشرقية بعد سينما ام درمان مدرسة ام درمان الأميرية التي تأسست عام ١٩٠٢ كأول مدرسة ابتدائية ( وسطى ) تغذي كلية غردون ، يليها في الجوار مجموعة بيوت منها منزل عشه ام رشيرش ثم دار الغناء الشعبي ثم دار فلاح ثم عيادة د. حسن رسمي ، وشغلت المساحة حاليا عمارة د. زين العابدين تليها العمارة التي قام عليها حاليا بنك الخليج .. يتقاطع شارع الموردة في هذا الجزء مع الشارع الذي يدخل يمينا الى فريق اليهود والشيخ دفع الله الغرقان ويسارا بمحازاة السور الشمالي لجامع الخليفة متجها شرقا نحو شارع البحر ( النيل ) ..
عبدالمنعم الكتيابي
05-05-2022, 11:32 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
تقع منطقة الاسكلا في قلب سوق ام درمان العريق و كانت تعج بحركة الكارو و الترماي و اللواري السفنجه و الاوستن..
بضائع قادمه للسوق و بضائع تشحن بواسطة الكومسنجيه للاقاليم في دقه و انضباط و امانه لا احد يفقد شيئا لان كل القائمين على هذا العمل من تجار و عربجيه و عتاله و كومسنجيه و سائقي اللواري كانوا على درجه عاليه من الامانه لزينة اخلاقهم و دينهم الفطري الذي جبلوا عليه قبل ان تعبث السياسه بالدين على ايامنا العرجاء هذه حيث الغش و التدنيس و السرقه و اللصوصيه..
لقد اشتهر تجار كثر في هذه المنطقه صالح خضر والد حسن المشهور بالعجلاتي راتنجي كليباس.. جنتلال قلابشند .. حسين علي.. عبد الله بنده علي.. شوتيلال ستريهورج.. جنو الهندي.. المشرف مختار.. مختار نورين .. حسين تربال.. حسين خليل.. الحاج ابو ورقه.. قطان و وكيل عربات الفيات التي غنى لها العبادي.. صبري سلامة.. اسماعيل حاج حسن.. رامجي مناجي.. بدوي الكردي.. سيد احمد سوار الدهب.. حسن عثمان سوار الدهب.. عثمان صالح.. عباس الضوي.. النور ابراهيم.. شيخ كامل.. جبرتي.. حسن محمد احمد "ترحيلات".. عثمان كركساوي .. طه الكردي.. محمد الامين حامد.. احمد غريب.. الطوخي.. و هو مصري كان متخصصا في العاب الاطفال فقط .. د. انطوناكس اغريقي.. نوري جوليكان "ارمني"
نرجع من بداية الشارع من الناحيه الشرقيه اولاد خليل.. سيد كبوشيه .. ميرغني جمال الدين.. عبد الرحيم محمد خير وكان متخصصا في الحلاوه بكل انواعها.. بارشوتام ناربرام.. وتدر وان اسرتلال.. شوتال بابو .. بس مرقص.. اسحق الناظر.. حنين منبوس.. رحمة الله منبوس.. يوسف يعقوب.. انطون جنو .. الريح هاشم.. عوض الكردي.. حسين سليم.. وبرام شونيلان فاونجي و كنو مخلصين.. جينداس وكيل لساتك. كل هؤلاء التجار رغم انهم من اصول مختلفه الا انهم عاشوا في تعاون و تناغم و الفه فقد صهرتهم المدينه العظيمه ام درمان و تشربوا ادبياتها حتى ان المسيحيين و اليهود و الوثنيين منهم يؤمون الماتم و يشيلو الفاتحه و سفوا التمباك و يدفعوا الموجب.
هكذا كان السودان و السودانيون قبل ان تغشاهم جنون التعصب الديني و الايديلوجي البغيضه لتدخلهم في نفق ضيق يهدد حدودهم ووجودهم و ارث جدودهم.
رحم الله امواتنا و امد الله في عمر الاحياء و بارك في ذريتهم .. وابعد عنا الشرور.
هذا الموضوع الجميل كتبه اخي معتصم بارك الله فيه. وبما ان امدرمان بحر فيمكن ان يضيف الآخرون ما يعرفون . واضيف انا من الزاكرة .
الاسكلة الكبيرة كانت في منطقة المقرن . وكانت ترسي فيها البواخر التي تذهب شمالا وجنوبا . وكانت اغنية ود الرضي من الاسكلة وحلا دمعي للثياب بلا .... الخ . وكان كوبري امدرمان يفتح في اوقات معينة لمرور البواخر والمراكب الشراعية الضخمة . وبعد تشييد كوبري امدرمان الحديدي بين 1924 و1927 صار الترام يعبر الي الخرطوم . والكوبري قد ابتيع من الهند وفكك واعيد تركيبه في امدرمان . ولا يزال قائما . شارك في البناء الامدرماني المهندس خضر بدري الذي شارك في بناء مطار هيثرو في لندن 1946 .
الترام كان ينقل الركاب والبضائع بين الاسكلة الخرطوم وامدرمان . الاسكلة امدرمان ساحة كبيرة ولها مخازن . وهي في نهاية شارع الصاغة في الجهة الجنوبية . ومن ارتبط بالترام وادارته وقيادته هم الاعمام الشقليني والد السفير الاديب جمال محمد ابراهيم والفنات عبد الله الشقليني في بانت . الاعمام هدان ومنور والعمدة واسكندر والزبير والد لاعب الكرة الاسطوري في الموردة محمود الزبير . الذي اخترع الطلوع علي الكفر والمشي عليه . واتت عبارة طالع في الكفر .الرحمة للجميع .
لان البضائع تأتي في صناديق خشبية وبالات مربوطة بشرائح معدنية تعرف بالبال ، كان هنالك سوق للصناديق الخشبية والبال الذي يستعمل في عمل الكانون او المنقد . الذي هو صفيحة فارغة . وكنت اشتري الصناديق الخشبية في الاسكلة عندما كنت اعمل كنجار .
الاخشاب كانت تباع مع مواد البناء في المغالق كما قال الخليل ,, من فتيح للخور للمغالق حافي يا مولاء حافي حالق بالطريق الشاقي الترام . المغالق كانت بالقرب من زريبة العيش وشمال البوستة . في تلك المنطقة كان دكان الامدرماني العظيم يوسف ميرغمي شكاك الذي سكن السردارية . وقضي كل حياته في خدمة الناس . وكان اهلنا الرباطاب ياتون ويتركون عنوانهم عند اهلهم امدرمان صندوق بريد 79 علي ما اظن . وعرف بمويته كابا . لانه يخرج من الحمام مسرعا بدون ان يجفف جسمه . لقضاء امر او لمساعده او لعيادة مريض او عزاء طيب الله ثراه. شقيقه ادريس شكاك كان احد ظرفاء امدركان . كان للعم مدني ابشر مغلقا في المحطة الوسطي، يجاور التمنة ومخبز كوستي كرياني . وعبد المجيد كان من يقوم بادارة المغلق . والعم مدني ابشرهو والد وزير الخارجية الاستاذ مصطفي مدني ابشر . وشريف كان يوصل العيش للدكاكين بعربة بيضاء مقفولة يجرها جواد مكتوب عليها اسم المخبز بخط جميل . التمنة هي نقطة بوليس للسوق لها زنزانة . ويديرها بوليسان او تو مان بالانجليزية ومن هنا اتي الاسم تمنه.
في واجهة التمنة في ميدان المحطة الوسطي تجد مخازن العامل لاصحابها محي الدين الفكي والطيب الفكي . ولهم فرع في الخرطوم . وهم من سكان بيت المال . والعم الطيب الفكي انتقل لحي الملازمين .
احد اخوتنا بتاعين المزاج بعد ان استمع لخطبة من والده انتهت بجملة ,, انت يا ولدي ما عارف العجلة من الشيطان ؟ ,, رد قائلا والله يا ابوي الوكت ده كله عارف انها من حسن صالح خضر . حسن صالح خضر كان وكيلا لعجلات الرالي والفيليبس . الرالي كانت تساوي 17 جنيها ونصف وهي انجليزية . والفيليبس الهولندية تقل عنها بجنية . محلات حسن صالح خضر تواجه اجزخانة امدرمان في الركن الجنوبي الغربي من الجامع الكبير . وهي اول صيدلية يمتلكها سوادانيان . وهما عميد كلية الصيدلة فيما بعد الامير ابراهيم قاسم مخير والتاجر احمد داؤود من بيت المال بقامته الطويلة . رحمة الله علي الجميع .
واشتهر العم احمد داؤود بانه لم يتخلف عن دفن . وكان يقول اذا جات جنازة وما لقيتوني ، دي بتكون جنازتي . وكان من ظرفاء امدرمان .
التاجر كمبال الذي ذكره الغالي معتصم قرشي . كان يستورد الدقيق الفينو. وهو دقيق ناعم جدا . وكان حدثا . صار البنات يغنين للشباب الشايف نفسه ,, يا دقيق كمبال انا ببقي ليك غربال ,, او انا عندي ليك غربال . لان ذالك الدقيق كان له غربال خاص من قماش الكرب الذي يستعمل في العمة .
بمناسبة القماش كان هنالك متجرين مشهورين للقماش متجاورين في ركن الجامع الشمالي الغربي احدهم للتاجر عباس رشوان الذي انتقل الي ذالك الموقع من ميدان البوستة القديمة وسكن مكي ود عروسة . الآخر هو حراير اصواف اقطان وله اضائة فريدة . لانها تنطفي وتضيئ . وصاحب المتجر هو العم هريدي وله كثير من الدكاكين في السوق , منهم قهوة شديد المشهورة . وكان له حمار ضخم يضرب به المثل في كل السودان . ويقولون عنده قروش حمار هريدي ما يشيلها . او ده كلام حمار هريدي ما يشيلو . وكان يجلس معه امام الدكان علية القوم احدهم الاستاذ احمد محمد صالح شاعر نشيد العلم . ورئيس مجلس السيادة. وعندما منعته مراسم القصر من الجلوس في السوق ، كان يطلب من السائق ان يخفف السرعة امام الدكان ويقول متحسرا ,, ما منعونا ... منعونا ,, .
من تجار الاقمشة العم الصافي الذي كانت له اكبر يافطة في المحطة الوسطي علي رأس القصيرية . والقصيرية هي الممر المسقوف الذي ضم كثير من ترزية السوق القصيرية الثانية كانت بالقرب من سوق الشوام . حيث تلبس الاقاليم من منتجات ذالك السوق . ومن اشهر تجار القصيرية الثانية العم سليمان سر تجار امدرمان والد الكاتب الدكتور محمد سليمان وعبد المنعم سليمان الظابط الموجود الآن في الامارات ، وآخرين .
ولا يمكن ان ننسي العم محمد احمد البرير . وكان يجتمع امام دكانه اعتي العتالة .ويقولون . يازول ده الا تجيب ليه عتالي من عتالة البرير . العم عبد الرحيم محمد خير اشتهر بالحلاوة وشختك بخنك . وهي قطع من البسكويت مغلفة . ويفتحها الانسان وقد يجد ارقاما . ويمكن ان يكسب الانسان بعض الحلوي . حلاوة حربة ، عصاية موسي او جك صغير . والعم عبد الرحيم كان يتميز بشلوخ الشايقية , وكان احد اعضاء مجلس القضاة الاوسط او محكمة العمد . ولكن اكبر انجازاته هي مصنع العطور في المنطقة الصناعية . وكان صديقي الملاكم الفاضل يقوم بتوصيل العطور بواسطه ركشة بصندوق حديدي . اخذني في جولة معه . اصابتني بتيبس في المفاصل . لان نصف جسمي كان خارج المركبة .
في مواجهة العم هريدي كانت محلات الطوخي . كنت اشتري منها الالعاب وابيعها في طبلية مع حلاوة لكوم وشختك بحتك .. ولكن اكبر تجارتهم كانت في السكسك الذي يباع في امدرمان خاصة لوقايات الجبنة . ويرسل الي الجنوب وجبال النوبة والغرب والشرق . ويبيعون السوميت واشياء لا تحصر . وبالقرب من الركن الشمالي للجامع كانت محلات الارمني يارافانت مارقوسيان المشهور ب ,,ارونتي ,, كان يستورد المأكولات الاوربية خاصة الاجبان والخمور . وبالقرب منه شركة وادي النيل المصرية . التي اشتهرت ببيع الكوتشينة 555 ، وكل ما يخطر علي البال .
المنطقة التي كانت في الجزء الجنوبي من المحطة الوسطي ، كانت دكاكين بن زيون اليهود في المهدية . وعرفوا بآل بسيوني تجنبا للاسم اليهودي . وهما الشقيقان موسي ويعقوب بن زيون ، وكانا يديران تجارة الخليفة عبد الله واخيه غير الشقيق يعقوب جراب الراي . وكان بابكر بدر ي يستأجر منهما دكانه في المهدية . والي عهد قريب كانت هنالك في المحطة الوسطي دكاكين الامدرمانيين المحبوبين آل عبودي اليهود الذين انتقلوا الي امريكا منطقة نيو يورك ونيو جيرسي . خلف الجامع مباشرة كان هنالك مصنع الليمونادة الوحيد لصاحبة الارمني نظارين ايمريان ويسكن حارة اليهود شمال المجلس البلدي . وكان يقوم بتوصيل الليمونادة الي المساكن والمحلات العم سعيد بحماره الابرق . وانضم اليه محمد واحمد بعجلات الشحن. من محلات حسن صالح خضر . وكنا نسمع في امدرمان بأن اصولهم يهودية . ولم يكن هذا يقلل من الاحترام والحب .
معتصم ذكر قطان وكيل الفيات . واغنية العبادي ، يا السايق لبفيات الفها بمناسبة رحلة مع الفنان سرور الي سنجة عبد الله . سرو بدأ حياته كراعي خارج مدني . وتعلم الميك****ا وصار سائقا , وعمل في الورشة في ميدان البوسطة ، التي آلت لاحمد سكرة . والقندرانيات كانت ممنوعة في البداية . حتي لا تنافس السكك الحديدية . وكان السواقون من اثيوبيا خاصة منطقة قوندار عاصمة اثيوبيا الاولي التي احرقها الانصار بعد قتل الامبراطور يوهانس . وكانوا يأتون بالبضائع بهذة الشاحنات . ولهذا عرفت الشاحنة بالقندراني . وكانوا يحضرون البن ، وحتي الثوم الذي عرف ببصل مكادة . نسبة لاثيوبيا . سوق امدرمان للامدرمانيين
05-06-2022, 08:21 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
♦️ نجم نادي المريخ لكرة القدم في الستينات والسبعينات، وأشهر الظرف في عاصمة البلاد،مات بعد حياة مليئة بالعطاء الرياضي والاجتماعي، تاركاً وراءه إرثاً من الذكريات الحافلة بالنقد اللاذع لأوجه الحياة السودانية في ميادينها السياسية والاجتماعية، وودعت جثمانه جماهير غفيرة من مدن العاصمة الثلاث، كان بينهم مسؤولون كبار قبل اكثر من ثلاثة اعوام.
♦️ كمال سينا من أبناء مدينة أم درمان، شبّ في حي ود نوباوي، وهو من الأحياء العريقة في المدينة يقطنه سياسيون ورجال أعمال ورياضيون وفنانون، وظرفاء معروفون، منهم صاحب النكات الأشهر في السودان موسى ود نفاش، الذي كانت تنسب إليه معظم الطرائف الشعبية حتى ستينات القرن الماضي. وكان سينا على علاقة حميمة بالرجل حتى وفاته.
♦️ مارس سينا لعب الكرة منذ طفولته، واشتهر منذ وقت مبكر بطريقة متفردة في اللعب والمراوغة والتخلص البارع، وانضم لنادي المريخ العاصمي في أوائل الستينات لاعباً في خط الوسط، ولمع نجمه كلاعب من الطراز الذي لا يقلد. غير أنه هجر الملاعب بَرِماً من تسلّط الإداريين، وفي ذلك الأمر كانت له مواقف وأقوال مشهودة إلى الآن.
♦️ وتميز سينا بسرعة البديهة والحضور الذهني، ولا تمر أمامه حادثة، بدءا من منزله، مروراً بطريقه إلى عمله، فيبدع لها تعليقاً لاذعاً، كأنها مقال كامل، وتصبح «نكتة» أو طرفة تسير بين الناس وتتناقلها الألسن من مجلس إلى مجلس ومن مدينة إلى أخرى.
♦️ وتشهد له مدينته، التي سجل لها حبه في كثير من طرائفه حين يقارن ساخراً شخصية «الأمدرماني» مع غيره من شخصيات المدن الأخرى، تشهد له أم درمان بأنه كان كائناً اجتماعياً بمعنى الكلمة، في السرّاء والضرّاء، وفي كل المناسبات الجليلة.
♦️ ولم يسلم حاكم من حكام السودان، سواء جاء عن طريق البرلمان أو غيره، من لواذعه وملاحظاته الساخرة. ويكاد سينا يكون صحيفة قائمة لوحدها، في كل يوم كان له مقال تتناقله الافواه وينشر بين الناس، وكثيراً ما سبّب له لوماً من السلطات، غير أنه لم يتعرض، حسب علمنا، للمعاقبة أو الاعتقال.
🛑واليكم بعضاً من طرائفه :
😂١- كان عام 92 حينما قرر وزير المالية آنذاك حمدي أعطاء زيادة طفيفة في مرتبات العاملين في الدولة وأيضآ رفع بدل الطفل من 10 جنيهات ألى 25 جنيه ..وتلى رئيس ديوان الحسابات الزيادات في أجتماع رؤساء الأقسام وأقترح للأجتماع عمل خطاب شكر للوزير بهذه الزيادات ألى أن كمال سينا قاطعه ( نشكر الوزير لشنو؟) فأوضح رئيس الديوان (عشان الزيادة دي وبالذات في بدل الطفل ) وهنا سأل كمال سينا رئيس الديوان ( أنت عارف جوز الكوشتينة بى كم) فرد رئيس الديوان بأنو ما عندو فكرة .. فأوضح كمال سينا أجابته ( جوز الكوشتينة بى خمسة ألف يعني ود الشيريا بى 50 جنيه أغلى من أولاد الموظفين) .
😂٣- كان يمتلك سيارة كورولا موديل ٨٣ فساله العسكري : بتتهم منو بسرقة العربية ؟ بدون تردد أجاب : بتهم صلاح ادريس . يازول انت متأكد من كلامك ده ؟ رد سينا : متأكد . عندما علم صلاح ادريس بذلك قدم الي سينا وقال ليهو عربيتك دي لو ماجاتك في ظرف ثلاثة ايام انا بجيب ليك عربية جديدة . وفعلاً في اليوم التاني طرق العسكري باب كمال سينا وقال ليهو مبروك لقينا العربية رد بسخرية : هو القال ليكم عندي عربية رايحة زاتو منو؟
😂٤- كانوا لاعبين تمرين حار ومعهم من امدرمان حسن بتي وكان لعبه خشن جداً عوق لاعبين في التمرين واحد بي «فصل» وواحد بي «فكك» وبعد «داك» هجم على سينا وعايز «يطفيه» قام سينا قال لي حسن بتي «انت قريبتك بت بتي موصياك تجيب ليها الزبائن ولا شنو؟».
😂٥- في تمرين المريخ اتعوق هو وود الشايقي بعد التمرين جابوهم لى بت بتي عشان تجبرهم ومعهم بقية لاعبي الفريق وود الشايقي عشان يرجعوا ليه الفصل «اتجرس» قدام اللاعبين وما انستر لما جا دور سينا كان ثابتا جداً ولم يتحرك ولم يتجرس وبعد طلعوا الجماعة هنوه على هذا الثبات قام قال ليهم «انتو عورا» انا اديتها الرجل السليمة.
😂٦- كانت له علاقة مع السيد انيس حجار، وكان بحبه لانه خفيف الدم ويحكي النكات الجديدة وانيس يتذوق النكات وراوي جيد لها، مرة سينا قال لانيس تعرف يا سيد انيس انا عكسك في ثلاثة اشياء فقال ليه انيس باستغراب ما هي؟ فقال: أ. انا اسمي زي اسمك بس بالقلبة. ب. انا مفلس وانت مقرش. ج. انتو في المصنع بتلفوا السجاير ونحن بنفرتكها.
😂٧- مرة في حدائق 6 ابريل واحد سأله قال ليه بالله يا اخينا حدائق 6 ابريل وين؟ قام سينا قال ليه ما قالوا ليك سنة كم؟.
😂٨- في المحطة الوسطى امدرمان اشترى هو وكابتن برعى احمد البشير بطيخة ووقفا في انتظار صديق ثالث لهما ذهب لاحضار عربته فقال لهما بائع البطيخ عندما شاف وقفتهم طالت «البطيخة دي عايزين تاكلوها هنا؟» وهنا قال له سينا «ليه يا عم عايز الفاضي؟.
😂٩- ذهب لجزارة المرحوم عثمان كايرو بالسوق الجديد بود نوباوي وطلب شراء 2 كيلو لحمة ضان ووضع عثمان كايرو قطعة لحم في الميزان وعندما لم يرجح الميزان بدأ كايرو في قطع صغيرة من اللحمة ووضعها في الميزان والميزان لا يتحرك فقال ليه سينا «بالدووات دي» الميزان ما بنزل.
😂١٠- يوم جمعة لاعبين كونكان كان معاهم ضيف ايدو ناشفة شبك ليك سينا دوات وترايس «ويجليه» بالكرت الراميه لما جا الغدا الضيف كان «بكد» ليه في عضم لامن بقى ابيض حتة لحمة ما فيه واحد من الجماعة قال ليه «العضم دا ما كفاه» نط سينا وقال ليه بي زعل «خليه يمكن عايز يجلي ليه كلب».
😂١١- اسرة سينا واخوانه كلهم رياضيون المرحوم عابدين وكابتن حداد والهادي وطارق كانوا كلهم بيلعبوا في نادي الاخلاص ويطلقون على بعضهم لقب «خواجة» اشارة الى ان لعبهم وحرفنتهم شبيهة بالخواجات فقال لهم سينا «ثلاثة خواجات والاخلاص في الدرجة التانية»؟.
😂١٢- كان المريخ لاعب مباراة تجريبية مع نادي ديم سلمان في الشوط الثاني وفي استبدال الاحتياطي استبدل فريق ديم سلمان لاعب له صلعة ومشيب شكله كبير جداً ولما وقف في «اللاين» للاستبدال سأل ود الشايقي اللاعب الظريف سينا «دا منو يا سينا؟» قال ليه «كيف دا ما عمك سلمان».
😂١٣- كان كمال سينا يرحمه الله حتى ايام مرضه بالمستشفى دائم الابتسام والنكتة ورابط الجأش كل من يسأله في المستشفى بعد العملية بيقول ليه «الدكاترة فتحوا البطن خلو الكويس ورموا البايظ».
الا رحم الله كمال سينا واجعل البركة في آله وذويه، فقد كان فاكهة مجتمع امدرمان الرياضي الانساني الذي يعشق امدرمان وود نوباوي ويعتز بالانتماء اليهما.
05-06-2022, 03:32 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
في شمبات حليل مجلسنا الحياء والعفاف حارسنا أستاذ الغرام درسنا لي شجر المحنة غرسنا
ركزوا معانا شوية- قال شنو :أستاذ الغرام - وين ؟؟ في بحري. الغرام في بحري عنده معلمين واساتذة - شفتو كيف. انتو يا كافي البلاء محتاجين اول شيء لي أستاذ "نشرة طقس" عشان يوريكم نشاط الغبار والعجاجة بتكون وين. ماتفتحوا موضوع الغناء والطرب لأنو ح تاخدو "سيك". بلد كلها برنامجها وتاريخها في سوق العناقريب - ام درمان ام درمان مليتونا فقر ياخي خخخخخخخخخخخ
05-06-2022, 05:24 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2698
سيف الدسوقي قال : نحن قلب الدنيا ديه .. و نحن عز الدنيا بينا ..
فتاني يا السنجك .. ما تقول انتهينا .. نحن يادوب ابتدينا .. :)
انت عارف يا قبة انا لمن اكون ماشي وعابر كوبري شمبات وداخل على الملازمين ياخي كأنو مسافر لي غربة عديل. ام درمان دي مدينة كئيبة لي درجة- مرة ماشي في شارع بعد شوية اكلت ملف لقيت الشارع مقفول بي بيت - حلة كاملة مافيها "بي هناك" معقول يا قبة- هسه توصف لي زول تقول ليهو محل البيت القافل الشارع:( لا والغريبة ابوحسين شغال ويغرف من النت - التقول بيكتبوا عن حلفاية الملوك. وبعدين ناس الدسوقي قالو "نحن قلب الدنيا دي ليه" - لأنو لمن قطعوا البحر ودخلوا بحري عرفوا انو بحري هي الدنيا جو راجعين وعملوا نحن قلب الدنيا دي - يعني غيرة فقط- ياخي كفاية شرق النيل بس منها عميد الفن "احمد المصطفى". اوعك تقول لي شرق النيل ما تابعة لي بحري - انتو عندكم زقلونا وجبرونا و "سجم خشمونا " زاتو :)
كسرة: لسه ما جيتك لي جماعة كده بيعرفوهم بي "الباحث في الحقيبة" ههههههههههههههههه.
05-06-2022, 05:21 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1716
Quote: وبعدين ناس الدسوقي قالو "نحن قلب الدنيا دي ليه"
يا شخشوخ ..
الخليل قال: من علايل ابروف للمزالق من فتيح للخور للمغالق قدله يا مولاي خافي حالق بالطريق الشاقي الترام ويح قلبي الما انفك خافق فارق ام درمان باكي شافق يا أم قبايل ما فيك منافق سقي أرضك صوب الغمام
يا ربي ليه ما قال من الحاج يوسف لي حلة كوكو لي كوبر .. خخخخخخخخخخخ
يا بلادي كم فيكي حاذق !!!
05-06-2022, 06:56 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: سينمات امدرمان : امدرمان وطنية ام درمان بانت العرضه
في سينما اسمها امدرمان يا باش؟
Quote: بحريكم غير الصافية سينما تملا العين مافي وطنية بحري سينما الشماشة و الحلفايا كلها زنكي و كوبر عواليق ..
اتلقي حفيت بالمساسقه علي حلفايا والوطنية بحري ..
Quote: بحريكم بي صراحة غير سوق الخدار و سعد قشره .. و حاجّة كانت بتعمل شواشو في الحِلة تاني ما عندكم الترابة ..😏
بي صراحة لو كان عندكم زي منطقتنا الصنايعية بحري كنتو حميتونا نقطع كبري شمبات ونجي نشتغل فيها مع انو البصات البجيب ناس امدرمان يشتغلو في بحري شغالا الى اليوم ... وقس على ذلك النقل الميكانيكي والمخازن والمهمات والنقل النهري ... انتم غير مؤثرين اقتصاديا زينا وننافسكم في التأثير الفني ... غايتو بتكونو فايتننا بي رواكيب ابوروف لتجارة الشاف والطلح وصناعة العناقريب ...
Quote: لمن كسرت ركبة فيها ....
نرجعا ليكم وترجعو ركبتي زي ما كانت وتدونا خاطركم ...
Quote: عايزة تبوظي البوست الظابط دا .... 🤣🤣🤣🤣
اقسمبلاي البوست دا كان باير عدييييل كدا وقرب يتلحس للصفحة التانية لولا مداخلتي الاصلا لا تعني كثير عضم البوست بقدر ما تعني اعلان عودتي بعد غيبة ... بختك لقيتو أحسن بوست ممكن أهرج فيهو ... بس ما محظوظ من ختيت المداخلة وانا في حالة سفر ... قال بوست ظابط قال ...
Quote: ***** سينما برامبل ..... ام درمان *****
اسمها سلما برمبل وليس برامبل
05-07-2022, 10:10 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
سينما النيل الازرق من ارقي دور العرض لما تقدمه من افلام مميزة وكانت المفضلة لدي لا يدخلها الا الناس الراقية. اما بقية السينمات فكلها تقدم افلام شماسة (كابوي هندي كراتيه وخرابيط) 😂😂
05-08-2022, 06:32 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABUHUSSEIN
Salah Zubeir
Amira Hussien
هدى ميرغنى
يحي قباني
علاء سيداحمد
محمد نور عودو
علي عبدالوهاب عثمان
الشيخ سيد أحمد
Arif Nashed
فيس بوك
تويتر
انستقرام
يوتيوب
بنتيريست