|
|
|
 Re: لماذا ينجح الصوماليين و غيرهم في المهجر و (Re: بكرى ابوبكر)
|
سلام بكري كل مجتمعات الجاليات الناجحة في امريكا واوروبا تجدهم رغم الحروب بيناتهم في بلادهم يعملون كمجموعة يعني بتفقوا وخاصة في البيزنس السودانيين لا نتفق علي شي لانه كاتلانا السياسة سوف الجاليات او حتى كرة القدم تلقى ساساف براها وحروف تانية براها ولو رجعت تلقى الموضوع اي زول عنده راي في التاني وانو شلتنا احسن من شلتكم
| |
 
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: Hani Arabi Mohamed)
|
سلام يا بكرى وضيوفك الكرام ورمضان كريم وعيدكم مبارك مقدما
السبب الاساسى لنجاح الصوماليون والحبش هو تفشى ثقافه اخى اولا ثم قريبى ثانيا ثم ابن القبيله والبلد اخير
يستحيل ان يشترى الصومالى اى شى من غريب اذا كان هنالك صومالى يتاجر فى نفس البضاعه
فى المقابل نحن السودانيين نتميز بالحسد وعدم تشجيع بعضنا حتى الذى فتح الله عليه يرحل بعيدا من الجاليه
طبعا يا بكرى فى كندا وزير الهجره الفدرالى صومالى
دودى
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: Elhadi)
|
يعني أنا بعرف واحد من الجنسيات البتتكلم عنها دي يا بكري عندو مطعم
رأس المال الفتح بيهو المطعم ده احتمال انت بتكون بتصرفوا أكل وشراب وسجائر وصعوط يا بكري :)
أسلوب المعيشة مختلف يا بكري ـ
هل هم صاح ولا انحنا صاح ؟ لكن ده الواقع الشايفو قدامي غايتو
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: Elhadi)
|
باختصار غير مخل..
السودانيين في الغالب الأعم ما ناس cheap
بعيشوا كويس وما بفكروا في يوم بكرة
وقد تكون في أسباب تانية زي ما أورد الأخوة فوق ـ لكن أنا شايف وحسب وجهة نظري المتواضعة جداً إنو أسلوب الحياة ده عامل فرق جوهري في قصة البزنس دي بينهم وبين الجنسيات الأخرى
| |
|
|
|
|
|
|
|
|
|
Mohamed Doudi (Re: Mohamed Doudi)
|
Quote: تفشى ثقافه اخى اولا ثم قريبى ثانيا ثم ابن القبيله والبلد اخير
يستحيل ان يشترى الصومالى |
حبيبنا الحبيب محمد دودي
الاخرون نموذج للتعاون والتعاضد و نحن لا ....مش كدا اذن انت صاح و خير نموذج لذلك عندك في ديترويت حيث تقيم فالمدينة اصبحت عاصمة العرب في امريكا وعلي ما اظن لهم ٣ نواب في الكونجرس من اصل عربي و حاكم الولاية من اصل عربي و كل شي في الولاية عربي حتي الشوارع.....
| |
|
|
|
|
|
|
|
|
Hani Arabi Mohamed (Re: Hani Arabi Mohamed)
|
Quote: = لا نجيد العمل الجماعي ...
= تفرقنا الغيرة أكثر مما تجمعنا المصالح
= لا نستطيع فصل الأمور عن بعضها ... نخلط السياسة بالاقتصاد بالاجتماع بالرياضة بالعمل بالخلافات الشخصية |
شكرا هاني ٣ اسباب منطقية
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: muntasir)
|
| Quote: الدعوة مفتوحة للجميع لمناقشة الموضوع و لو عندك نجاحات سودانية محل ما تقيم لم نسمع بها اذكرها لنا فنحن نفرح باي نجاح سوداني في الخارج |
هم فاضين من الشللية ولعب الكوشتينة وتبخيس الاخرين وانعدام الرؤية
زمان قال عنهم صلاح احمد ابراهيم
نومة وسهرة وقهوة وسكرة
اعتقد ان النجاح يرتبط بي التواضع وان الاخوان الجمهوريين الاكثر نجاحا في امريكا في التعريف بفكر الاستاذ محمود محمد طه في فعاليات جامعة ايوا
وناس منان المتغطرس بعرف بي بحضارة النوبة وليس حضارة كوش والنوبة جنوب مصر وكوش شمال السودان
هسة الاحتفال بي ترهاقا ملك الارضين في اللوفر مفروض يحرك سودانيين فرنسا كلهم قدام اللوفر للتعريف بالسودان الحضارة والمنارة
الازمة نفسية بحت وليس لها اي تفسير
جيل مؤدلج يكرس للدونية واللهاث ورا العرب
والشي العملتو من زمان وفي وبوردك ده
علمت ديوان شعر بالانجليزي HOME IS BESTيعرف بي حضارة كوش ووضعتو في امازون وفيه نداء خليوت بعانخي عبر العالم
وزول من مثقافتية المهاجر الغربية جاب ليه خبر مافي تلقاه في القسم الانجليزي في البورد
والما ببقي نفسو زول ما في زول ببقي
https://www.0zz0.com
اتخيل ناس بمرقو بي علم مايو لحدي هسة في امريكا علم الاستعباد الايدولجي المصري ووما وقفو وقفة واحدة مع الشعب اليمني والحرب الخستكت بي ثورتهم ممكن ينهض بالسودان؟؟
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: Hassan Farah)
|
سلام بكري
اعتقد تربيتنا لا تساعد الفرد علي النجاح هي تسلب الثقة مبكرا ب- ما تشوف لي في وشي ودنقر راسك يا قليل ادب وإسمك يغالطوك فيو الا تحلف ( انت ما عارف حاجة دقيقة النوريك ) اقعد تحت. ما ترفع راسك .
بالاضافة لنظام التعليم الذي يستهدف العشرة الاوائل الباقية إحرقو ...
الدين المفهوم غلط وممارس غلط
ما اظن الصومالين بضربو لتعليم وحفظ القرأن ذي عندنا ( ليكم اللحم ولينا العضم )وبعض الغرب الافريقي
المجتمع بمارس قهر منظم ومتواصل للفرد من ما هو طفل. اعتقد الطفل عشرة سنة عندنا بكون مكنتو بين ٣٠ الي ٤٥ سنة من التعنيف والقهر.
لكن لا اظن هذا يمنع من تطور المجتمع الشاهد النرويجين ليس بعيدا كانت لديهم عادات وتقاليد ليست فقط تجعل الفرد عاجز عن التطور بل كانت سبب لكثير من المشاكل والامراض النفسية
اعتقد من الستينات بدأت عندهم نهضة الآن النرويج واحدة من اغني دول العالم ولديها نظام للرعاية الاجتماعية للطفل والاسرة والمرأة لسنين يعتبر الافضل في العالم .سمت نفسها دولة الرفاه لا يوجد بها فقير فالدولة توفر العيش الكريم بحد ادني لمن هو عاجز دون التركيز كتيير في اسباب العجز. الرعاية الصحية و التعليم الاساس وووووو الخ
نهضة ليست طويلة لكنها ملهمة حقيقي
حالهم كان صعب جدا الشمال كان مهمش وممارس عليه عنصرية فجة ناس كانو بخصًوهم عشان ما يتكاثرو دون ارداتهم طبعا. يمنعو من التحدث بلغاتهم المحلية يمنعو من غناهم وممارسة تراثياتهم
هذا لمجموعات السامية التي تسكن الشمال اما عموم النرويجين كان لديهم اعراف اشهرها ( Janteloven)
او قانون يانته ممكن البحث عنه في قوقل/ ويكيبيديا
لمن لديه حب إستطلاع. هذا كانه نووي يدمر العلاقات بين الافراد بكل اشكالها قرابة/بعادة الخ وبالاخص ضد من هو متميز او (المنقطة) بكسرو راس اي زول نفسهم ذاتا بجوطوها عندهم حاجة كانت اسمها (trolldomsprosessene/محكمة البعاعيت/ السحارين) ممكن تتقوقل لمن اراد برضو تحت ( Steilneset) ما اظت كانو باحسن حالا لكنهم (صنعوها ذي ما بقولو الشباب عندنا)
مرات الواحد لمن يقرا بعض تواريخ الشعوب يصاب باحباط من: نحن لسنا بعييدين جدا لكي ننهض لكن
ما هو المانع اشياء تحيّر !
راي انو اصلاح التعليم مهم جدا واعتقد رؤية
ان التوافق بين الدين والعلم والثقة بينهم مهمة جدا
التناغم بين رجل الدين ورجل العلم والثقة بينهم تملك طلاسم ومفاتيح الكثير.
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: حامد عبدالله)
|
Quote: Mubarak HagOmer
نعم صحيح اللغة الصومالية معتمدة في ولاية مينسوتا وقبل ايام تم تقديم دعم مليون ونص لمسجد ابوبكر الصديق في مدينة روشيستر |
سلام للجميع و شكرا للزيارة و المداخلة و انشاء الله بجيكم و احد واحد
المداخلة اعلاه من الفيس من الصديق مبارك حاج عمر و هم مقيم بولاية مينسوتا اكد ما قلت في اول البوست فله منا جزيل الشكر
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
يا بكوري
الاوجاع كتيرة
وفشلنا ليس في الخارج وحده
بل في الداخل ادهى وامر
وما ورد من كل المتداخين صحيح
خاصة فشلنا في العمل الجماعي
سياسة واقتصاد واجتماع
وهذا ما اقعدنا فمنذ الاستقلال اي اكثر من سبعة عقود مضت علينا لم نستطع ان نتفق على برنامج ينهض بالسودان رغم تبدل الاجيال
وما اقعدنا الا الحسد ثم الحسد ثم الحسد
ومثال لذلك
عندما نجح المرغني في التوصل لصيغة سلام مع قرنق
(فرنب ) الصادق والترابي
حسدا من عند انفسهم
كيف يسجل التاريخ سابقة للمرغني
ويتخلى عنهم
فضرر السودان بالانفصال
اخف وطأة من الضرر الواقع عليهما
وعلى ذلك قس
فنجاحي انا السوداني
اجده في فشلك (انت)
تصور نجاحي ان تفشل وتسقط انت الى القاع القاع لا يهم
وليس نجاحي (في نجاحي انا) بل في فشلك انت
| |
|
|
|
|
|
|
|
|
|
مع انو بموت عشرات الاطفال في السودان من الجوع و الفقر (Re: Ali Alkanzi)
|
سلام تاني للجميع و مرحب بيك حبيبنا علي الكنزي
| Quote: بل في الداخل ادهى وامر |
هاك دي ....اثناء بحثي في جهازي عن صورة طلعت لي الصورة ادناه و هي لمجموعة من الشعراء،الاعلاميين، والسياسين مشوا السفارة المغربية ليعزوها في وفاة الطفل الذي و قع في البئر
اتخيل لي تنفع مع ان تكون ردا لمداخلتك الشحمانة اعلاه لانها توضح اننا شعب اجوف و ملي بالاختلالات و ...و ....مع انو بموت عشرات الاطفال في السودان من الجوع و الفقر و الرصاص ما شفناهو يوم قالوا حاجة....
| |
|
|
|
|
|
|
|
|
|
Re: مع انو بموت عشرات الاطفال في السودان من ا� (Re: بكرى ابوبكر)
|
يا باش
بنى صومال ديل اصلا احرف واشطر افارقه فى البزنيس ممكن تقارنهم ب اللبنانيين مع اختلاف اسلوب اللبنانيين
السودانيين قارنهم مع المصريين والاثيوبيين وغيرهم من الافارقه وكمان ديل مالاحقنهم
السبب الاول الخوف من المغامرة وضياع زمن طويل حتى يبدأ السودانى المهاجر او اللاجئ وضع خطه لحياته فى بلاد المهجر إذا اصلا هناك خطه ما
فى مدينتنا الصغيره هنا انتشرت صالونات حلاقه ومطاعم صغيرة للاجئين سوريين بدأت بامكانيات بسيطه وتوسعت فى فترة وجيزة ومعظم اصحاب الاعمال لاتتجاوز فتره اقامتهم 5 او 6 سنوات بكل اسف لايوجد محل سودانى واحد فى قطر 100 km
من موقع سكنى
ضعف تربوى فى الاعتماد على الذات وهى مشكله مزمنه ..
| |
|
|
|
|
|
|
|
|
|
بناء تقدير الذات في مجتمعاتنا العربية بقلم بسمة عبدالله (Re: حامد عبدالله)
|
حبيبنا حامد عبد الله مداخلتك ادناه عميقة واصابت البوست باصابة قاتلة وهي من بداية تربيتنا اقصد مرحلة الطفولة و النشاءة......و لنجاحنا و نكسب المباراة محتاجين الي ...الباقي في دراسة بسمة
و اتمني ان يقف الجميع عند الدراسة ادناه و علي ما اظن انها تعبر عن واقعنا المرير
بناء تقدير الذات في مجتمعاتنا العربية بقلم بسمة عبدالله
عندما درس علماء النفس عوامل نجاح الأفراد في الحياة، وجدوا أن أكثر من 80% من هذه العوامل قد ارتبطت ارتباطاً وثيقا بخصائص الشخصية، وليس بالشهادات العلمية أو معدل الذكاء كما هو شائع بين الناس.
تتعدد سمات الشخصية المتميزة لتشمل الثقة بالنفس، والايجابية، والقدرة على التكيف، والتفاؤل والسعادة وتحمل المسؤولية، والقدرة على إقامة العلاقات وغيرها.
ترتسم الخصائص الشخصية للفرد في مرحلة الطفولة من خلال تعامل الأشخاص المهمين في حياته مثل الوالدين والأجداد والمعلمين والرسائل التي يعطونه إياها عن قيمته في هذه الحياة، وإتاحة الفرصة له لتنمو قدراته ويثق بها، حيث إن تعامل الراشدين معه يشكل أساسا لصحته النفسية وتوازنه النفسي الذي يمده بالدافعية الذاتية الطبيعية والقدرة على الإنجاز ومواجهة الفشل ليغدو راشداً متميزاً ومتفوقا.
فمثلاً لو دخلت أحد الفصول الدراسية، ربما سمعت إحدى المعلمات وهي تعلق على لوحة فنيه لطالب لها فتقول له:
(تعجبني الطريقة التي لوّنت بها... التناسق بين الألوان رائع.. أشعر براحه وسعادة عندما أنظر إلى لوحتك)
وقد تسمع معلمة أخرى تعلق على اللوحة الفنية ذاتها وتقول للطالب:
(انتبه إلى الحدود، عندما تلون لا تخرج عن الحدود... أتمنى أن تنتبه أكثر في المرة القادمة).
عبارات كثيرة يومية يسمعها الصغير والكبير تؤثر في اعتقاد الإنسان نحو نفسه وبالتالي على درجة تقديره لذاته. وكثيراً ما نعلق على الآخرين سلباً وننسى أن نقدّر مزاياهم والجهد الذي يبذلونه، ونحن ننظر إلى المعايير ولا نثني على المحاولات.
قيمة الاحترام في الإسلام
للاحترام قيمة إنسانية عامة أولتها البشرية عناية واهتماماً، لكن الإسلام أعطاها مكانة كبيرة جعلتها تمتد لتشمل كثيراً من العلاقات التي تربط المسلم بغيره، بل امتدت لتشمل المجتمع والعلاقات الاجتماعية.
وإذا كان المسلم مأموراً باحترام المسلم، فإنه مأمور أيضاً باحترام غير المسلم، ولنا في المصطفى صلى الله عليه وسلم خير قدوة حين كتب إلى هرقل قائلاً بعد بسم الله الرحمن الرحيم: «من محمد رسول الله إلى هرقل عظيم الروم»... فلم يشتمه، ولم يدْعُه بما يسيء إليه، بل أنزله المكانة التي هو فيها. وقد تعددت صور الاحترام في الإسلام لتشمل: احترام الذات، واحترام الوالدين، واحترام المرأة، واحترام المجتمع وقيمه، واحترام العلماء، واحترام الأمراء، واحترام غير المسلمين بحفظ كراماتهم وآدميتهم.
احترام الذات هو الصورة الذهنية الجميلة التي يرسمها المرء عن نفسه، وهذه الصورة تتكون من خلال خبراته وتتأثر بقوة بالرسائل التي نتلقاها من الآخرين، ولا شك أن الطريقة التي ينظر بها الإنسان لنفسه تؤثر في كل نواحي حياته. وإن عدم احترام المرء لذاته يجعل منه عدواً لنفسه
مجتمعاتنا وثقافة تقدير الذات
عندما نقف على واقعنا. نجد أن مجتمعاتنا تفتقر بصورة كبيرة إلى معرفة الأفراد لنقاط قوتهم وبالتالي استغلالها على الوجه الأمثل الذي يرفع من تقديرهم لأنفسهم. ويحصل ذلك من خلال انتشار الأساليب التربوية الخاطئة التي يكثر فيها أسلوب النقد، واللوم، والمقارنة. ونفتقر إلى أسس التقدير والحوار والمشاركة سواء في داخل الأسرة أم في داخل الصف الدراسي أو في المجتمع بأسره.
وعلى عكس لواقع الغرب نجد أن ثقافة تقدير الذات وتقدير الآخرين ثقافة أصبحت نوعاً ما ثقافة سائدة لديهم قد ساعدتهم في الاكتشاف والابتكار بالرغم من عوائق الانحدار الخلقي وانهيار مفهوم الأسرة الذي يفتت مجتمعاتهم وما ذلك إلا لكثرة الأبحاث والمؤلفات والأدبيات التي تتعلق بهذا المفهوم الذي أصبح ثقافة يعيشونها ويرتكزون عليها.
قصة قصيرة معبرة عن تقدير الذات
في إحدى أركان مترو الأنفاق المهجورة كان هناك صبي هزيل الجسم شارد الذهن يبيع أقلام الرصاص ويمارس الشحاذة، مرَّ عليه أحد رجال الأعمال فوضع دولارا في كيسه ثم استقل المترو في عجلة، وبعد لحظة من التفكير، خرج من المترو مرة أخر، وسار نحو الصبي، وتناول بعض أقلام الرصاص وأوضح للشاب بلهجة يغلب عليها الاعتذار أنه نسي التقاط الأقلام التي أراد شراءها وقال: (إنك رجل أعمال مثلي ولديك بضاعة تبيعها وأسعارها مناسبة للغاية).
ثم استقل القطار التالي.
بعد سنوات من هذا الموقف وفي إحدى المناسبات الاجتماعية تقدم موظف مبيعات مهندم أنيق نحو رجل الأعمال وقدم نفسه له قائلا:
إنك لا تذكرني على الأرجح، وأنا لا أعرف حتى اسمك، ولكني لن أنساك ما حييت. إنك أنت الرجل الذي أعاد إليّ احترامي لنفسي.
لقد كنت (شحاذا) أبيع أقلام الرصاص إلى أن جئت أنت وأخبرتني أنني (رجل أعمال)
بسمة عبدالله
الدراسة منقولة من جريدة اخبار الخليج
http://www.akhbar-alkhaleej.com/13118/article/8319.html
Quote: سلام بكري
اعتقد تربيتنا لا تساعد الفرد علي النجاح هي تسلب الثقة مبكرا ب- ما تشوف لي في وشي ودنقر راسك يا قليل ادب وإسمك يغالطوك فيو الا تحلف ( انت ما عارف حاجة دقيقة النوريك ) اقعد تحت. ما ترفع راسك .
بالاضافة لنظام التعليم الذي يستهدف العشرة الاوائل الباقية إحرقو ...
الدين المفهوم غلط وممارس غلط
ما اظن الصومالين بضربو لتعليم وحفظ القرأن ذي عندنا ( ليكم اللحم ولينا العضم )وبعض الغرب الافريقي
المجتمع بمارس قهر منظم ومتواصل للفرد من ما هو طفل. اعتقد الطفل عشرة سنة عندنا بكون مكنتو بين ٣٠ الي ٤٥ سنة من التعنيف والقهر. |
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
يا سلااام عليك يا هندسة
اهي دي المواضيع البتنقل الناس
الى اعلى
وياريت لو المنبر اتجه
الى هذا الاتجاه
واتاح للناس عرض مشاريع وافكار مربحة
من تجربتي وانا صحفي انشأت قناة
هدفها اساسا ما تفضلت به انقل بعض ما توصلت إليه
اولا اضاعة الوقت والجهد في ساسة يسوس يشكل مرضي
كثيرون يسألوني اسئلة سياسية ليس لها هدف اساسا
وانا احاول ان اتهرب منها واحاول اغير الموضوع
الى كيف نستفيد من فرص امريكا
ثانيا هنالك فعلا خللل في المايند سيت بتاعتنا
ياحي كل ما الاقي واحد يقول لي انا عايز اعمل ماجستير
لي شنو؟
ما معروف!
لذا عندما المئات بس هنا في فرجينيا
عندهم عندهم ديون طلابية في ماجستيرات
ما استفادوا منها اييي حاجة
ياخي انحن لما نلاقي بعض ينحاول نعمل فيها
ما شايفين عكس الجنسيات الاخرى
والعمل الجماعي بسبب المناكفات والبحص عن
نقائص واخطاء بعضنا البعض اصبح مستحيلا
وطبعا منظرنا اهم من جوهرنا
حاجات كثيرة
دي قناتي البحاول عيرها تغيير طريقة تفكيرنا
من لملمة الشهادات الى اكتساب المهارات
https://www.youtube.com/channel/UCzH-Lef8sjrVcZ8A195QQWQhttps://www.youtube.com/channel/UCzH-Lef8sjrVcZ8A195QQWQ
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: النصرى أمين)
|
مساهمات قيمة من الفيس
Quote: Fatehelalim Abuelgasim
تحياتى ياريس ورمضان كريم عليك وكل عام وانتم بخير.
موضوع البوست فى غاية الأهمية واتمنى ان يجد حظه من النقاش الايجابى .
فعلا الصوماليين اخترقوا مجالات متعددة وخاصة فى امريكا ونحجوا فى تطوير قدراتهم الذاتية التى ساعدتهم فى تحقيق تلك النجاحات من اقتصادية وسياسة والهان عمر دليل على النجاح السياسى .
وتكاتف الجالية الصومالية وعدم الحسد والحقد ساعد ايضا فى ذلك.
Reply13h
شرف الدين المقدم
Fatehelalim Abuelgasim صح الله لسانك دة الكلام الصاح
Reply2h
Write a reply…
Salah Beshir
د عبد الله الطيب ذكر ان بالجزيرة العربية ١٢ قبيلة مشهورة بالحسد هاجر منها للسودان ١٢ واخر حاكم عام انجليزي قال الحسد والغيرة من نجاح البعض وقال لو وريناكم رسائلكم في بعض لما بقي احد سالم
وانت عندك في سودانيزاون لاين خير مثال لا تجتمع شلة في رأي الا على احد الأعضاء
الكلام دا عام في كل المهاجر وليست الولات المتحدة فقط في الخليج نجاح لليمن والهنود والشوام لكن سودانيين نهي
Reply13h
Salah Beshir
هاجرت للسودان ١١ وبقيت واحدة بالجزيرة العربية
Reply13h
Ahmed Mohammed Fadelallha
اللغة انثي وبتحمل بالحلال ياعبد الحي |
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
سلام اخونا بكري و سلام لكل ضيوفك الكرام
الموضوع مهم جدا و فعلا محتاج لي نقاش جاد
من وجهة نظري السودانيين
اولا ما بيعرفو يلمو القرش او بالاصح صرفهم كتير
لو دخلت بيت اي سوداني و طلعت منو و دخلت بيت اي صومالي بتلقى الفرق ظاهر
برجع ليكم تاني .... يا دووووب فطرت و لسه ما شربت الشاي
تحياتي
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: muntasir)
|
Quote:
هسي شركة زي بتاعت الصومالين لتحويل الأموال ( دهب شيل) دي بنقدر نحن نعملها كجماعة اي زول بفتل على كيفه |
الصوماليين ما عندي معرفة بيهم كويسة
لكن عندنا هنا البنغالة و الافغان و الهنود بساعدو بعض كتير
الجديد فيهم بمولوه بالقروش علشان يبدأ عمل كويس يعني رأس مال و نصائح و بعد ما يقيف على رجلينه برجع ليهم قروشهم
و دي ما عندنا ..
الما زول سوق (موظف) (عامل) بشغلوه برضو ....
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: ABUHUSSEIN)
|
سلام يا حبيبنا بكري
وضيوفه الكرام، ورمضان كريم
أعتقد السبب إننا شعب جبان في التجارة
وعندنا مثل بقول: رأس المال جبان
علشان كدا معظم السودانيين ناجحين في الوظائف وفاشلين في التجارة،
الناجحين في التجارة من السودانيين هم ناس الجزيرة،
ديل ناجحين في مدينة قرينسبورو
حتى إمام الجامع الكبير سوداني
وتجار العربات سودانيين، إلى حد ما بشوفهم ناجحين
لكن زي ما قلت فاشلين في السياسة، برغم كثرتهم وتجنسهم
ليس لهم وزن سياسي في المدينة.
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: ABUHUSSEIN)
|
كل ما قاله الاخوة والابناء الزملاء اعلاه صحيح ١٠٠في ال ١٠٠
ولكن اركز على ما قاله ابوحسين ..
ففعلا اليمنيين والباكستانيين والصوماليين اول ما زول جديد يصلهم في الغربة بيساعدوهو
يقيف على حيله ويدعموهو بقوة ....وبيناتهم ترابط متين ...
ولكن للاسف هذه الميزة الايجابية ما عندنا كسودانيين....
عشان كده بنلقى الصوماليين والباكستانيين ناجحين في كل شئ ...
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
باشمهندس
كل عام و انتم بخير
الحسد و الخوف من انو الزول دا
لو ساعدتو يمكن يبقى احسن منك
و يمكن كمان يشيلك من كرسيك
و يقعد فيه...
أقسم بالله قدمت لوظيفة في شركة مديرها سوداني
و هو صاحب الحل و الربط
و قلت خلاص كل المؤهلات موجودة عندي
و كمان عندي سوداني مدير الشركة الوظيفة مضمونة
الوظيفة مشت ل جنسية اخرى
نحن شعب نحتاج فرمتة و برمجة من جديد
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: عماد الدين الطيب عمر)
|
سلامات باشمهندس بكري وضيوف البوست.
اعتقد اهم سبب يا باشمهندس هو مفهوم الشخص السوداني للهجرة ومناطق الهجرة التي هاجر إليها السودانيين .
منذ طفولتنا عرفنا ان معظم السودانيين يهاجرون الي دول الخليج ( ونسميهم مغتربين) وطبيعة العمل في دول الخليج عن طريق الكفيل والقوانين المقيدة يكبل الشخص ولا يستطيع يطور نفسه وينجح .ثم المهاجر السوداني طموحه بسيط كل طموحاته الحصول علي بعض الأموال من الاغتراب أو الهجرة لكي يشتري منزل ويتزوج نادر ما يفكر في مشروع تجاري في البلد المقيم أو حتي في السودان الا بعد ما يقرب للمعاش وهذا المفهوم اتوارث للمهاجريين السودانيين .
نجي للهجرة السودانيين في الغرب .أمريكا. أوروبا.
كندا بالإضافة لاستراليا .ليس لدي فكرة كافية عن السودانيين المهاجرين في أمريكا وكندا وأستراليا.
لكن في تقديري السودانيين حديثين في الهجرة في الغرب ما عدا بريطانيا
أكبر دولة أوروبية فيها مهاجريين سودانيين قبل الثورة في دارفور كانت بريطاني.ا وكان معظمهم دكاترة وناس أكاديميين ما عمال مثل المهاجريين الهنود والباكستاتيين أو بقية دول المستعمرات البريطانية عشان كدا نجحوا في عملهم كدكاترة لكن اعتقد لم ياسسوا حاجة باسم السودانيين.
وهجرة السودانيين الي اوروبا بدت منذ عام 2003 الهجرة الغير الشرعية بالتهريب عبر السنابك من ليبيا وكان وجهتهم بريطانيا ولولا اتفاقية دبلن لكان اليوم عدد السودانيين بصل مئات الألوف.وانتشر السودانيين في بقية أوروبا الغربية وهم حديثيين في الهجرة في البلاد الغرب بلاد الانفتاح والقوانيين .
وكان لهؤلاء المهاجرين السودانيين في بريطانيا دور في إظهار انشطتهم ومشاريعهم التجارية خاصة في مدينة بيرمنغهام ولأول مرة في تاريخ بريطانيا مسؤول سوداني يحضر افتتاح مدرسة وروضة خاصة ومحل خاص باسم الجالية بالسودانية في بيرمنغهام عام 2008 واليوم هناك عشرات المحلات للسودانيين في لندن وبيرمنغهام ومانشستر ومدن اخري معظم هؤلاء المهاجرينين أتوا الي بريطانيا بعد عام 2003 ايضا هناك بعض المحلات التجارية والأنشطة ومشاريع مستقبلية للسودانيين في فرنسا..
ما ذكرته فوق مجرد مقارنة بين المهاجر السوداني في ودول الخليج وجهة السودانيين في الهجرة القديمة والهجرة الحديثة للسودانيين في أوروبا و في تقديري الجيل المهاجر الجديد في أوروبا بختلف من جيل المهاجر القديم في الخليج وأوروبا.
هذا الكلام مجرد إضافة للنقاش دون تقليل من شان اي مهاجر أو تعظيم شان مهاجر اخر وكتبت هذه النماذج يمكن يساعد في النقاش.
لكن انا برجع بقول انو فشل السودانيين في المهجر برجع لعدم المغامرة والخوف عكس الصوماليين .
ونعود لنجاح الصوماليين في دول المهجر وخاصة في أفريقيا.
إثيوبيا أوغندا كينيا جنوب السودان ان شاءالله.
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: محمد نور عودو)
|
يا أخوانا ..القصة وما فيها .. هى نظامنا الأجتماعي في التكافل الأسري .. مغترب واحد وعشرات عاطلين منتظرين يرسل لهم كل شهر. وهذا ما يسمى بال Collectivism
الغرب نجح لأنه أنتهج نظام الفردانية .. Individualism
مالم نترك نظامنا الأجتماعي .. ما ح نغني ..
بريمة
| |
|
|
|
|
|
|
|
|
|
Saifeldin Gibreel (Re: Biraima M Adam)
|
مداحلة قيمة لحبببنا سيف من الفيس
Quote: Saifeldin Gibreel
سلام يا باشمهندس والله هذا سؤال مهم لانهم متعاونون مع بعض ونحنا السودانيين كما قال الراحل عبدالله الطيب عندنا الحسد ولا نحب الخير لي بعض وما عندنا روح الجماعة عكس الصوماليين والجنسيات الاخرى ايضا عندنا الافغان هنا فى مدينة فريمونت كاليفورنيا اكبر جالية ويتحكمون فى كل امور الولاية امريكا بلد انك كيف تنظم نفسك وتختارو مكان معين ويتم الاستقرار فيه. الاخ هشام هباني من قبل قام بمبادرة فى هذا الشان ان الناس تستقر فى مدينة محددة ولكن لم تنجح بتقاعس السودانيين اما الذين يتصدون للعمل العام معظمهم شرذمة من الانتهازيين كشوفات البكيات والطوارئ بلحسوها ودونك القروش الاتجمعت ايام الثورة ملايين الدولارات اتلحست وعملو ليها بزنس وبيوت وهلم جر |
بكري ابوبكر
حبيبنا الغالي سيف جبريل ملك المدينة التي احبها فعلا يا سيف الناس البركبوا القطر من المحطة الاخيرة هو سبب مشاكلنا زي هناي و هناية ديك
| |
|
|
|
|
|
|
|
|
|
Nawal Saad (Re: بكرى ابوبكر)
|
Quote:
Nawal Saad
اولا عددهم كبير لا يقارن بالسودانيين
ثانيا هم خلاص قرروا انه دي بلدهم واستقروا ونجحوا
نحنا
رجل برة ورجل جوة
ماشين الخليج لا راجعين السودان
ثالثا عندهم شجاعة قوية جدا ما زينا
امس كنت في الصيدلية في الانتظار حان وقت صلاة الظهر صومالية طلعت سجادتها وصلت في الصيدلية وبعد دا سالتني اذا دايرة اصلي اعتذرت وقلت ليها بصلي في البيت 🤣
مستحيل طبعا اعملها بالطريقة دي رغم اني عجبتني عندها
حتي عندنا في اماكن العمل في المدارس هم البطالبوا في مكان للصلاة
حتي الاذان في مينابلس اصبح بالمكرفون
مع ذلك
They abuse the system especially during Covid
وحريفين ما بتقبضوا
لي عودة |
Nawal Saad الاستاذة نوال حتة العدد دي تجدني اختلف معاك فيها لانو هنالك جاليات عددها اقل من السودانيين و الصوماليين لكنهم مؤثرين سياسيا و اجتماعيا و اكاديميا
| |
|
|
|
|
|
|
|
|
|
Re: Nawal Saad (Re: بكرى ابوبكر)
|
Intro
Studied at جامعة الخرطوم
Studied at University of Maryland, College Park
Went to مدرسة بحري الحكومية الثانوية بنين
Lives in Peoria, Arizona
From Halfayat Al Muluk, Al Kharţūm, Sudan
Followed by 753 people
http://instagram.com/sudaneseonline
https://www.linkedin.com/company/sudaneseonline
https://twitter.com/sudaneseonline1
http://www.pinterest.com/sudaneseonline/pins/
http://www.youtube.com/sudaneseonline
en.wikipedia.org/wiki/SudaneseOnline
sudaneseonline.com
Featured Section
Featured
Photos
Friends
4,999 friends
Amin Baloula
يسن حاج الصافي
Ali Abdalla
Sara Elbushra Elmahdi
Idries Abdalrahman
Eltijani Ali
Tagwa Elsaid
Mohamed Ahmed Elgelani
Abdrahman Elmahi
Life events
Privacy · Terms · Advertising · Ad Choices · Cookies · · #### © 2022
Posts
Other Posts
بكري ابوبكر
nSetr
s
f56
2
r
h
7
3
0c271 ·
Shared with Public
لماذا ينجح الصوماليين و غيرهم في المهجر و نحن لا...تعال ورينا رايك؟
سلام و احترام للجميع و رمضان كريم
اليوم الموافق ٢٩ ابريل ٢٠٢٢ اخر جمعة في شهر رمضان المبارك قررت ان ﺃﺻﻠﻴﻬﺎ في زاوية اخوانا الصوماليين التي تبعد عننا حوالي ٣٣ دقيقة و التي لم ﺃﺻلي فيها منذ سنوات طويلة لان امامهم خطبته بالصومالي، فوجدت ان الزاوية تحولت و نقلت في نفس الشارع واصبحت مسجد كبير و ملحق بها مطعم و محلات تجارية و لا يزال ٩٦٪ من المصلين صوماليين ،خطب امامهم خطبة عصماء بالصومالي و الحمد لله ترجمها… See more
لماذا ينجح الصوماليين و غيرهم في المهجر و نحن لا...تعال ورينا رايك؟
SUDANESEONLINE.COM
لماذا ينجح الصوماليين و غيرهم في المهجر و نحن لا...تعال ورينا رايك؟
00:26 AM April, 30 2022 سودانيز اون لاينبكرى ابوبكر-Peoria AZ USAمكتبتىرابط مختصر(adsbygoogle = window.adsbygoogle || []).push({});سلام و احترام للجميع و رمضان كريماليوم الموافق ٢٩ ابريل ٢٠٢٢ اخر جمعة ف....
49 Comments
Write a comment…
Fatehelalim Abuelgasim
تحياتى ياريس ورمضان كريم عليك وكل عام وانتم بخير.
موضوع البوست فى غاية الأهمية واتمنى ان يجد حظه من النقاش الايجابى .
فعلا الصوماليين اخترقوا مجالات متعددة وخاصة فى امريكا ونحجوا فى تطوير قدراتهم الذاتية التى ساعدتهم فى تحقيق تلك النجاحات من اقتصادية… See more
Reply23h
Most Relevant is selected, so some replies may have been filtered out.
Author
بكري ابوبكر
Fatehelalim Abuelgasim شكرا يا حبيب اتفق معاك هنا و هناك انو الحسد و الحقد هو السبب
Reply29m
Salah Beshir
د عبد الله الطيب ذكر ان بالجزيرة العربية ١٢ قبيلة مشهورة بالحسد هاجر منها للسودان ١٢ واخر حاكم عام انجليزي قال الحسد والغيرة من نجاح البعض وقال لو وريناكم رسائلكم في بعض لما بقي احد سالم
وانت عندك في سودانيزاون لاين خير مثال لا تجتمع شلة في رأي الا ع… See more
Reply23h
Salah Beshir
هاجرت للسودان ١١ وبقيت واحدة بالجزيرة العربية
Reply23h
Author
بكري ابوبكر
Salah Beshir حبيبنا صلاح بشير وين يا زول مشتاقين انت و عالمنا عبد الله الطيب صاح
Reply28m
Ahmed Mohammed Fadelallha
اللغة انثي وبتحمل بالحلال ياعبد الحي
Reply20h
Saifeldin Gibreel
سلام يا باشمهندس والله هذا سؤال مهم لانهم متعاونون مع بعض ونحنا السودانيين كما قال الراحل عبدالله الطيب عندنا الحسد ولا نحب الخير لي بعض وما عندنا روح الجماعة عكس الصوماليين والجنسيات الاخرى ايضا عندنا الافغان هنا فى مدينة فريمونت كاليفورنيا اكبر جالي… See more
Reply19h
Author
بكري ابوبكر
حبيبنا الغالي سيف جبريل ملك المدينة التي احبها فعلا يا سيف الناس البركبوا القطر من المحطة الاخيرة هو سبب مشاكلنا زي هناي و هناية ديك
Reply27mEdited
Malka Mustafa
الصوماليون عمليون ويتميزون بعدم التردد والثقة في النفس والجدية وفي بعض أحياء عاصمة غربية عريقة تستعين بهم الشرطة للحفاظ على الأمن فيها واظنهم لا يضيعون وقتا كثيرا في الاختلاف والخلاف.
Reply19h
Nawal Saad
اولا عددهم كبير لا يقارن بالسودانيين
ثانيا هم خلاص قرروا انه دي بلدهم واستقروا ونجحوا
نحنا
رجل برة ورجل جوة
ماشين الخليج لا راجعين السودان
ثالثا عندهم شجاعة قوية جدا ما زينا
امس كنت في الصيدلية في الانتظار حان وقت صلاة الظهر صومالية طلعت سجادتها وصلت في الصيدلية وبعد دا سالتني اذا دايرة اصلي اعتذرت وقلت ليها بصلي في البيت 🤣
مستحيل طبعا اعملها بالطريقة دي رغم اني عجبتني عندها
حتي عندنا في اماكن العمل في المدارس هم البطالبوا في مكان للصلاة
حتي الاذان في مينابلس اصبح بالمكرفون
مع ذلك
They abuse the system especially during Covid
وحريفين ما بتقبضوا
لي عودة
Reply19hEdited
Most Relevant is selected, so some replies may have been filtered out.
Author
بكري ابوبكر
Nawal Saad الاستاذة نوال حتة العدد دي تجدني اختلف معاك فيها لانو هنالك جاليات عددها اقل من السودانيين و الصوماليين لكنهم مؤثرين سياسيا و اجتماعيا و اكاديميا
Reply13m
Write a reply…
محمد علي
Azza Elfaki
Reply15h
Nagat Elamin
لانه نحنا كسلانين وحاسدين وحاكاييين
مافي إبداع ولا تفكير خارج الصندوق
وبنحب المجان والباردة
ديل عارفين انهم لازم ينجحوا ويحتهدوا وكذلك في تعاون كبير بينهم نحنا نكسر بعض ونضرب بعض
Reply14h
Most Relevant is selected, so some replies may have been filtered out.
Author
بكري ابوبكر
Nagat Elamin دكتورة نجاة او بيان اتفق معاك تماماو اضيق ليك نحن بنقلد بعض في كل شي عملت شركة شحن كل السودانيين بعد حا يعملوا شركة شحن و هكذا
| |
|
|
|
|
|
|
|
|
|
Re: Nawal Saad (Re: بكرى ابوبكر)
|
سلمات يا ريس وكل عام وانت واسرتك بالف خير
| Quote: لماذا ينجح الصوماليين و غيرهم في المهجر و نحن لا. |
السوداني منذ خروجه مغترباً الى الخليج او مهاجرا الى اوربا وامريكا
يكون همه الاول :
- مساعدة اسرته .
- شراء وبناء بيت .
- الزواج وتكوين اسرة .
ويضيع زمنه فى المطالب اعلاه واذا وجد فائضاً من المال للاستثمار فى غالب الامر يكون فى مجالات استثمارية بسيطة
واذا تحدثنا عن الاستثمارات الجماعية فى غالب الامر لا ينجح هذا النوع من الاستثمار لفقدان الثقة لان سنوات الانقاذ
افقدت الناس الثقة حتى فى اقرب الناس اليه .
وهذا لايمنع ان هناك بعض اكرر بعض السودانيين لهم استثمارات فى بعض البلدان .
وايضاً فقدان الثقة فى الكفلاء حيث لا يستطيع المغترب ان يستثمر امواله باسمه ولا بد ان يكون باسم كفيله فى بعض البلدان ( السعودية مثالا )
حيث يخسر المغترب فى غالب الامر امواله المستثمرة لاطماع الكفيل .
| |
|
|
|
|
|
|
|
|
|
Re: Nawal Saad (Re: علاء سيداحمد)
|
الفرق بسيط جدا و لكنه كبير التأثير
معظم افراد الجاليات دي قرارها الاستقرار النهائي في بلاد المهجر
لكن كسوداني و يشاركني الكثير في ذلك مستبعدين نهائي فكرة الاستقرار دي
بل بالعكس الكثير من الاسر عادت إلى السودان بأطفالها من اجل تربية سودانية لهم
ثم العودة مرة اخرى بهم من اجل التعليم الجامعي
كذلك هناك اسر بعد ان كبر الايناء عاد الوالد و الوالدة للاستقرار فى السودان او مصر
بالنسبة للبيزنس الكثير من السودانيين لهم شغلهم الخاص و ناجحين جدا
لكن كما ذكر الاخوان فوق الهم دايما في الاهل و الجيران و بر الخواطر
و دونك فترة حكم حمدوك و التحويلات عبر البنوك الفاقت المليارى دولار
مع اضافة بند الاجازات فى السودان و ما يصرف فيها فى عادة لا تجدها في الكثير من الجاليات
نحن من اكثر الجاليات المترابطة اجتماعيا و ما شاء الله كشوفاتنا تتخابت
في اريزونا دي يا ريس الجالية السودانية كانت متواصلة مع الجزب عن طريق مجموعة سودانية
انخرطت فى صفوف الحزب و كان لها اسهامها البارز فى دمقرطة الولاية في الانتخابات الاخيرة
ما تظلموهم بأمانيكم فهم ينشدون الستر في الدنيا لهم و لعائلاتهم و ينتظرون الثواب يوم يقوم الحساب
| |
|
|
|
|
|
|
|
|
|
Re: Nawal Saad (Re: جلالدونا)
|
سلام يا باشمهندس بكري ...
لو عايزين تعرفوا السبب الحقيقي .... إنتو بس خلّوا المايكات مفتوحة ... في البيوت و الصوالين و دور التعليم ... كما حدث بالصدفة في المحاكم و دور التلفزيون و الإعلام.
لكي نعرف جميعاً رأي بعضنا في بعضنا البعض.
الحقيقة المرّة نحن ما شعب واحد .. نحن لحم راس ... لذلك دارت في السودان أطول الحروب الأهلية و أسوأ جرائم ضد الإنسانية...
| |
|
|
|
|
|
|
|
|
|
Re: Nawal Saad (Re: Mohamed Suleiman)
|
لانه يا بكري صاحب بالين كضاب ..
و لأنه السودانني مصريين انهم (مغتربين) و ليسوا مهاجرين ..
ما ممكن انا معاي ناس هنا تقريبا عايشين 30 سنة في كندا .. و لي هسي بفتكروا انهم حيتقاعدوا في السودان ..
30 سنة قايلين قعادهم هنا مؤقت ..
الواحد ليو 30 سنة منهم 27 سنة حامل جواز كندي .. و اولاده ما عندهم غير الجواز الكندي ..
تساله يقول ليك انا سوداني .. كندا جواز سفر فقط !!!!
يمين انا بعرف بعضهم بعمل حركات الناس الفي الخليج ( المفهوم انهم راجعين) و عنده شنط بلملم فوقها حاجات ل ( بيت المستقبل) ..
بيت المستقبل !!!! مستقبل شنو و انت جيت كندا عمرك 32 سنة و الان عمرك 62 .. يا تو مستقبل ده ؟ و ياتو بيت ؟ البيت الحيشيعوك منو ؟
الناس لو ختت الرحمن في قلبها و فهمو انهم في بلاد مهجر و ليس اغتراب .. كنا بقينا على بصيرة ..
| |
|
|
|
|
|
|
|
|
|
Re: Nawal Saad (Re: Abureesh)
|
مشاركات قيمة من الفيس
Quote: محمد المرتضى حامد
ولم الصوماليين دون غيرهم يا باشمهندس،
في ٢٠٠٩ كان في تورنتو ٩ مطاعم اثيوبيه زرت معظمها وكانت مكتظه بزبناء من كل الأجناس وعندما سألت صديق لي لماذا لايوجد مطعم سوداني أجابتي: كان في مطعم واحد وأمرت السلطات بإغلاقه لأسباب صحية.
على ذلك قس.
كل سنه وانت طيب. |
Quote: أحمد الشايقي
صحيح تماما معك حق أخ باشمهندس بكري
حتى في العمل الاستثماري نجحنا في عمل شركة تجارية والله عذاب شديد عشان تحافظ عليها ما تتفرتق لدرجة أن تخسر مالا من أجل ذلك
السودانيون بطبيعتهم يقاومون العمل الجماعي |
Quote: Zainab Alkhair Deyab
ملاحظه النجاح حالف الشابات الصوماليات. اكتر من شبابهم.
لكن السودانين. دايما متفقين على ان لا يتفقو مشكله عويصه فعلا |
Quote: طارق عبد الهادي
السوداني و المصري ايضا ، ال بتمشي معاه الظروف ويتحسن وضعه ، سواء ماليا او علميا او اجتماعيا ، يترفع عن الآخرين من بني جلدته سواء في المهجر او داخل الوطن ، سواء جيرانه او أقاربه او أبناء مدينته ، كما أننا بصفة عامة لا نقدر العمل العام ولا نقدم فيه افكار جديدة ، البلد بحاجة الى عمل إعلامي برامجي تلفزيوني مكثف حتى الناس تحب بعضها بعضا و تحب ابناء المناطق الاخرى بالسودان و المنهج الدراسي لا ينمي هذه الروح منذ الراحل عبد الرحمن علي طه لم نجد كاتبا آخر ادخل الجغرافيا مدخل الأدب كما فعل عبد الرحمن وحبب بقاع السودان لأهله ، غاب المسرحيون حتى بعد الثورة لم نشاهد اي حراك ابداعي ملموس . |
Quote: Mohamed Oleysh
كل الجاليات عدا نحن..لاننا اصحاب ثقافة الانا...اتذكر جيدا عند وصولي امريكا واراء السودانيين حول تحديد مصيري بها..اغلب الاراء ان ابدأ بالعمل سيكوريتي او طرمبه بنزين..لم اجد من نصحني بالدراسة مثلا،،😄 هكذا نحن ياصديقي لانتفق الا علي الاختلاف.. |
| Quote: لو نحنا بطلناالحسد والحقد واغتيال الشخصيه الناجحه وتقبلنا الاخرين بمختلف الوانهم وشجعنا بعض في الافكار الايجابية وبطلنا الخيانه |
Quote: فخرالدين عوض حسن عبدالعال
موضوع مهم شديد
نفس الحاصل فى بريطانيا
Reply21h
فخرالدين عوض حسن عبدالعال
نفس الشى فى المانيا
والمقارنة مع المغاربة |
Quote: Hmouda Osman
عشان نحن في كل الدنيا مابنتفق ..واي لجنة مابتنجح واي عمل تشاركي يتم تصنيف للاشخاص والتوجس من بعض والشكوك تملأ جوانبنا ..مابنعرف نفرق بين السياسة والعمل التشاركي او حتى الاجتماعي ..النادي السوداني بدبي الوحيد مكسر الجوانب وماقادرين نبنيه مع وجود كفاءات ووجود مال ..ياريس في خلل حقيقي فينا ..التجمعات التعليمية كل الجاليات تجدهم يقدمون الخدمات لافرادها في الفرص وفي العلوم ماعدا نحن فتجمعاتنا ينوبها الاتهامات والمشاكل ..ممكن التجمعات القبلية افضل في التماسك وتقديم العون لافرادها ..نحتاج لدراسات علمية من باحثين اجتماعيين |
Quote: Mohamed Oleysh
ابسط مثل نحن في فرجينيا عندنا دورة رياضيه..بدت تكبر وتتوسع المشاركات من السودانيين في ولايات امريكا..فجاة بقي في دورتين..وفريقين في كل ولايه..رغم انو الرياضه هي القاسم المشترك البتتوحد بيها الشعوب الا انها بتخلينا نتقسم لاننا سودانيين..طبعنا الانقسام..دا طبع تطبعنا عليه..ثقافه الاختلاف.. والصراعات والتخوين..وعدم دعم بعضنا البعض..واذا نجح فيتا شخص مابندعمو ولا بنفتخر بيهو بل طوالي بنمرق ليهو سيرة ذاتيه مشوهه....عجيب شعب السودان .. عشان كدا فاشلين في السياسه وماقادرين مدير بلدنا لانو الصراع علي من يحكم وينهب موارد البلد هي اكبر مشكله بتواجهنا.. ماتوارثنا حب بعضنا البعض ولا دعم الاخرين من ابناء وبنات بلادي.. فكيف ننجح كجالية؟؟ |
Quote: Elwalid Karrar
اذا توصلت للحل فانك تكون قد توصلت لحل مشاكل السودان البلد الام.
بنفس المقدار يابكري لماذا ينجح السوري او المصري في البزنيس في السودان ويفشل السوداني؟ارضنا بكر وخصبه ونحن جيعانين؟
ياخي تركب خمسه ساعات بالعربيه الواطه فاضيه يمينك وشمالك.
اعتقد ان فك الارتباط بالعرب هو مربط الفرس. السوداني يعيش ازدواجيه داخليه تجعله يعيش في عالم افتراضي لا يفهمه الا هو. واقع يعزله عن الواقع .
الانسان السوداني وبصراحه اخجل منها ( حاسد ) جدا.
همه الاول اسقاط الاخر قبل ان ينجح هو . وهنا تكمن مصائب السياسه والاقتصاد والتجاره في بلدي الحبيب.
وهناك الكثير المثير . |
Quote: Sanad Faroug
سرد ممتاز ،لكي يكون الموضوع أشمل ، ياريت تضيف عليه تجربة نجاح الأثيوبيون في المهجر أيضاً .. في لوس انجلوس في شارع كامل مكون من ما يقل عن ١٥ مطعم أثيوبي , في مطار لوس انجلوس ، للافتة الخطوط الأثيوبية من ضمن الخطوط العالمية .
تبقى المشكلة مافي نجاحهم وده شي طبيعي ،، المشكلة في هذا الشخص الجنسه سوداني !! الواحد يكون راسه كبير غير القطيعة والقوالة والحسد ما فيه حاجة .نحن مكون إجتماعي أكثر من اللازم وبنقيف مع بعض في الافراح الأتراح لكن لخطة عمل يستحيل نتفق ، عشان كده السودانيين الناجحين منفصلين بعض ،، والموضوع طويل ما بينتهي 😅 |
Quote:
Mohamed Abdel Rahman Muhagir
Abdurahim Bushrawi شكرا اخى عبد الرحيم. كانت لدى عدة حوارات مع . الاخوة الصوماليين فى بريطانيا. والملخص كالاتى
الصوماليين فى الخارج اندمجوا مع مجتمعاتهم. امثلة لذلك اجادتهم لغات البلدان التى هاجروا اليها
هؤلاء كونوا علاقات مع السكان الاصليين ومع المنظمات المختلفة وطوروا انفسهم علميا واكتسبوا خبرات.فى الداخل وصل الصوماليين الى قناعة بعدم جدوى الحرب. ولكى يمنعوا اندلاع الحرب فى ما بينهم اجتمع زعماء القبائل الصومالية ووضعوا اتفاقية عدم اعتداء فى ما بينهم ورسموا الحدود. كذلك اتفقوا على ان تظل مقديشو هى العاصمة بشرط الا تتدخل فى مناطق نفوذ القبائل
ساهم المهاجرون فى دعم قبائلهم لكى تصمد وتبنى نفسها بنفسها. ودفعوا الاموال للمشاريع التى تفيد فى هذا الجانب ، كمثال مشاريع توليد الكهرباء من الطاقة الشمسية والتى جاءت بمبادرة من صوماليي الخارج والان عمت كل الجمهورية تقريبا.
فى الخارج يجد الصومالى الامن والمساندة سواء من قبيلته او من المهاجرين الصوماليين بشكل عام، لهذا تجده متحمسا للعطاء ورد الجميل
شكرا
|
Quote: Asma Aljunaid
سلام باشمهندس وعيدكم مبارك يا رب ..ينعاد علينا وعليكم بالخير واليمن والبركات
مشكلتنا الأزلية عدم الوطنية وعدم التكاتف وإحترام الرأي الآخر..
الفندرة هي سبب مشاكلنا كلها...
الله المستعان |
Quote: Mubark Mohmdani
غير متصالحين مع انفسنا والأخطر يتملكنا الحسد والنظرة حول النفس فقط |
Quote: Ashraf Omer
العزيز بكري. كل عام وانتم بخير . نحن شعب صعب المراس و منظرين جدا .
نحن شعب مغرور جدا ويدعي. الانجازات . كنتا ومازلتا. بسال نفسي. لو كان الانجليز ما وضعوا لينا البنيه التحتيه والنظام الاداري. بتاعهم كنا حاليا حنكون عايشين في كراتين.
العبره انهم اسسوا لينا حاجات كتيره ممتازه ومن شده نجاحنا في الفشل فشلنا حتي. نحافظ عليها ناهيك عن البناء فوقها وتطويرها |
Quote: Abdu Adam
مرحبا باشمهندس بكري .. رمضان كريم.
حسب تقديرى هنالك عدة اسباب اهمها انهم (اي الصوماليون و الجنسيات الاخري) يعيشون بعقلية المهاجر المستقر الذي ركز كل موارده العقلية و المادية حول هجرته ووطنه الجديد فيحققون الانجازات الواحد تلو الاخر. في الجانب الاخر معظمنا كسودانيين ما زال يعيش بعقلية المغترب اللذي دوما يتوق الي ان " يرد الله غربته" محملا بموارده ليبدا بناء حياة احلامه بارض الوطن. وتمتد الغربة سنينا و سنين و يفوته قطار الحياة بالمهجر. |
Quote:
Abdoo Alla Shalabi
وقس علي ذلك اغلب تطبيقات التحاويل الماليه ويستخدمها معظم السودانيين
صوماليه وانجح شركات التحاويل الماليه صوماليه |
Quote: Yasir Abdelgadir
في ميريلاند يوجد موظفين اثيوبيين مخصصين للجالية الاثيوبية في معظم مكاتب الكاونتي
Reply16h
Yasir Abdelgadir
تحياتي و مشتاقون يابكري |
Quote: Aladdin Abumedian
كنت أريد أن أكتب: هذا بوست قيم ويحتاج لمناقشة جادة بعيدا عن خزعبلات الحسد والغيرة والذي منه، فوجدت أن البعض فسرها كذلك..
لكن ما أثلج صدري أن البعض قد ذهب نحو تفسيرات جديدة (من خارج الصندوق)..
ما زلت أؤمن منذ مقالة لي في 2007 أن سمة الاعتداد الشديد بالنفس، كسمة رئيسية للشخصية الوطنية السودانية national character، هي السبب الرئيسي لمعظم مشاكلنا.. وهي سمة تشتغل ايجابا او سلبا حسب طريقة استحضارها واستخدامها.. ففي ثورة ديسمبر 2018 وخاصة اعتصام قيادة الجيش، قد استحضرت واستخدمت تلك السمة الرئيسية بشكل ايجابي.. |
Quote: Mohamed Abdalla Sherif
تحقيق النجاحات و امتيازات علي المستوي الفردي، اكاديمي فني رياضي تعتبر اجتهادات شخصية و موهبة ليست لها علاقة بمنظومة الشعوب ، كنجاحات عارضة الازياء او نجم سينمائي
او عضو كونقرس،
اولا فارق كبير بين هجرة الصومالين بالملايين كأسر و جماعات .للغرب و السودانيين كافراد هاجروا من أجل أسرهم في السودان و كثيرون حققوا نجاحات علي المستوي الفردي
في مجالات كثيرة . بعيدا عن وصف ذاتنا بالحسد و الكسل و و
في امريكا مافي زول شغال باخوه شغال شنو و لا بيعمل في شنوعشان يحسد عليهو او يقيف في طريق نجاحه .
الصوماليون هم البحاكو بعضهم في البزنس و بيتكتلوا في مدن معينة و يتمردوا علي قوانينها و يفرضوا ثقافتهم و دينهم الدمروا بيها بلادهم علي المجتمعات بالممارسة الديمقراطية و بتجاوزات غير أخلاقية و قانونية بتحايلهم علي قوانين الولاية او المدينة
و يضربوا السيستم و النظام الاجتماعي . نحن كسودانيين
معظمنا ربط انتهاء هجرته بسقوط نظام البشير عشان كدة
ما قدر ننجح كمهاجرين حلم العودة ظل يراودنا علي الدوام
عكس الصومالي الذي هاجر بكامل أسرته و أهله باحثا عن وطن جديد عوضا عن أرض الصومال ، |
Quote: Malik Suleiman
الصوماليون البسطاء هنا يحترمون ويقدرون ذوي الخبرة والعلم منهم ولا يعترضون على اي مشروع فيه منفعة للعامة لهذا يجد ذوي الخبرة والحكمة منهم مناخا معافى للخلق والابداع والنهوض بجاليتهم، اما نحن ورغم كثرة خبراءنا واساتذتنا في شتى المجالات الا اننا لا نستفيد منهم وذلك نتيجة للمكابرة والعمل بمبدأ مفيش حد احسن من حد، لهذا السبب يحجم كل من له خبرة او علم بشيء من تقديم اي مبادرة او مشروع يستفيد منه الغير، والحل في رأيي يكمن في ان نحترم بعضنا البعض لكي نستفيد من بعضنا البعض وبالتالي نلحق بركب الشعوب التي فاتتنا بمراحل. |
Quote: Shakir Abdelrasool
لاحظت فيهم بانهم لا يقضون الكثير من الوقت في النقاش واغتيال الشخصيات وعندما يختارون شخصا ليمثلهم يحترمونه ويساعدوه.
لاحظت ايضا أمامهم تجارب ناجحة ومعظم اصحاب التجارب اشخاص بداؤة من الصفر وهذا الجانب مهم جدا . |
Quote: Saeid Zein
موضوع غاية في الاهمية واول درجات العلاج هي تشخيص المرض ، نرجو ان لا نقسو على انفسنا كثيرا فالنفس البشرية هي هي في كل مكان وقد تؤثر عليها الخلفيات القبلية والبيئة واسلوب التربية .
السودانيين حديثي العهد بالهجرة الجماعية ووجودهم في المهجر لا يقارن بالهجرة الصومالية والاثوبية التي بدات مع اواخر السبعينيات ، الشخصية السودانية شخصية خجولة بطبع التربية الصوفية القدرية ، وتؤثر السلامة ، وتفتقر الي روح القبيلة والطاعة العمياء وفقا للتراتيبية الاجتماعية ، لعل الوفرة والرخاء التي كان يعيش فيها السودان خلقتفينا نوع من الاتكالية وعدم السعي الحسيس للفوز بموضع قدم بين الجموع الكثيفة كل ذلك في طريقه للتغيير وفقا لتغير المعطيات الاجتماعية والاقتصادية والسياسية ونلاحظ ذلك حتى في هجرة البنات بمفردهم والعمل في اي مهنة في الخارج وذلك من مؤشرات التحول.
التحول الاجتماعي يأخذ وقت طويل ليظهر للعيان كظاهرة اجتماعية مؤثرة في حركة التجمعات البشرية .
يتجه السودانيين الي الدراسة والنجاح الفردي في عدد من المؤسسات الدولية وهم قليلي الظهور بفعل ما ذكرناه سابقا وليس التكبر والتعالي ، داء السياسة ينخر في الوطن كما ينخر في تجمعات الافراد فالاستقرار الاقتصادي والسياسي على شيء متفق عليه سوف ينعكس على أداء الافراد والاتجاه نحو العمل الاقتصادي وترك السياسة لأهلها.نعم يفتقر السودانيين للعمل الجماعي وتاسيس شركات اعمال ناجحة وكل ذلك في طريقه الي التغيير مع انتشار وسائل التواصل الاجتماعي وعرض نماذج ناجحة ولكن كل ذلك يحتاج الي وقت طويل وفقا لمقياس الهجرة اللبنانية او السورية التي لها اكثر من مائة وعشرون مقارنة بالهجرة بالسودانية الكثيفة لاوربا وامريكا التي لاتتجاوز العشرون عاما .
الانتشار الصومالي والاثوبي هو رصيد يحسب لنا وليس علينا ، معناه اننا يمكن ان نلقى القبول نفسه وسط هذه التجمعات البيضاء ودلالة على ذلك ان بيع المنتجات السودانية والبقالات والمطاعم السودانية بدات تظهر في بعض المدن في امريكا وكندا وتلقى القبول والرواج الذي تستحقه وعلينا تشجيعها بالشراء منها لمزيدا من الانتشار وتسويق المنتجات السودانية حتى الابري وجدته يسوق هنا . |
| |
|
|
|
|
|
|
|
|
|
Re: Nawal Saad (Re: بكرى ابوبكر)
|
السودانيين ليس لهم وجدان قومى واحد و الكل يتوجس من الاخر و ممكن عادى يتكلم مع اجنبى عن سودانى اخر بأنه (ليس سودانى) او من دولة افريقية مجاورة.
قرأت كتاب قبل 20 سنة تقريبا عن وفد السودان للحج بقيادة وزير في الخمسينات او الستينات و قد اخبر محدثه السعودى بأن السودانيين عرب اقحاح و ان بعض الحجيج الذين كانو معه ليسو سودانيين.
هذه متأصلة حتى هذا اليوم و صارت في العقل الباطنى و نرى من وقت لاخر تطفح علي السطح حتى في هذا المنبر.
ما علينا.
في اول وظيفة لي, كان معنا واحد من اصول صينية مولود هنا و كان زول منفتح جدا علي غير عادة اغلب الصينين. المهم تعرف بى من اول يوم و قال انا بشبه ديكمبى موتومبو (Dikembe Mutombo) و ان كنت انا من نفس البلد (الكنغو) و ان كنت العب كرة السلة او احبها.
بعدها بفترة, قال لي تعزمنا مطعم سودانى لانو عايز يجرب مأكولات من ثقافات مختلفة. قلت ليهو ما في مطعم سودانى قريب لكن في مطاعم اثيوبية و هى اقرب للمطبخ السودانى, فبادرنى بأنه ذهب الي مطعم اثيوبى قبل كدا (Queen of Sheba) و انه يحب اكلهم, فكانت العزومة لكل القسم (حوالي 10 اشخاص) الي مطعم ملكة مملكة سبأ. اخبر الجميع بأن الكل بالايادى حتى لا يتفاجأ البعض و كذلك لمن يريد الانسحاب. الحقيقة الجميع اعجب بالاكل و الـ presentation
| |
|
|
|
|
|
|
|
|
|
Re: Nawal Saad (Re: Mahjob Abdalla)
|
Quote: Asma Aljunaid
سلام باشمهندس وعيدكم مبارك يا رب ..ينعاد علينا وعليكم بالخير واليمن والبركات
مشكلتنا الأزلية عدم الوطنية وعدم التكاتف وإحترام الرأي الآخر..
الفندرة هي سبب مشاكلنا كلها...
الله المستعان
Bakri Abubakr
Asma Aljunaid شاعرتنا الجميلة اسماء بت الجنيد عيد سعيد و كل سنة و انت واسرتك في احسن صحة و عافية و ين يا زولة لسع غاطسة في دبلن،بس يا اسماء الفندرة دي ما وقعت لي هل هي من افندي؟
Asma Aljunaid
Bakri Abubakr
يا حليلك يا ريسنا وتاج رأسنا باشمهندس بكري
ينعاد عليكم العيد بالسمح والجديد ويحقق أمنياتكم ويحفظك وأسرتك الجميلة يا رب...
لسة والله بمنديل و بلفاست
قلت لي فندرة من أفندي!😆😆😆😆😆
ياخ لو كانوا البلد دي فيها أفندية بدل المفندرين كان السودان ده مشى زي الترتيب..
لكن الفندرة هنا مقصود بيها الرأي المشاتر بدون فهم ولا منطق.. أي ركوب الرأس في العوج
وعبارة فندرة عادة بتطلق على الزول المشاتر ومعاكس مخالف أي رأي..
اي موضوع بجوطه بالمشاترة أو الفندرة😄😄😄😄 |
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
شكرا بكري علي تناول هذا الموضوع الذي دائما ما يشغل البال.
شكرا لكل المداخلات التي اجدها بطريقة او اخري صابة في اتجاه فهم هذا الحال اللي إحنا عليه.
احكي ليكم عن ملخص لقصة حقيقية حصلت بين سوداني وصحبو الحبشي قبل تقريبا عشرين سنة مضت في واحده من المدن الكندية...
كانوا الاتنين شغالين والحمد لله وبعدين الحبشي اقترح علي زولنا فكرة يا صحبي تعال نمش نشتري بيوت.
السوداني دق صدروا قال بيت شنو اشتريهو يا عمك، انا راجع السودان لاهلي صحابي وأغلي الحبايب.
بعد فترة كده اتفارقو والايام عدت بقت سنين. بس صحيح الحي مصيرو بلاقي وبردلب اتقابلو صدفة في دكان، بعد خمستاشر سنة من الفراق.
بعد سلامات ومشتاقين وما بصدق ويا زول وكنت وين وعيق بقو ناس عُشرة من تاني.
اها الحبشي سألو إن شاء الله اشتريت البيت يا صحبي؟
زولنا قام قال بيت شنو يا عمك... انا والله راجع السودان.
الحبشى الظاهر عليهو زعل قال ليهو ...
ياخي راجع السودان راجع السودان راجع السودان، البيت ده كان اشتريتو و انت راجع السودان بتشيلو في ضهرك ياخِ؟
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: عبدالكريم عبدالله)
|
سلام و احترام للجميع و شكرا لك من شارك في البوست
يا ريت لو اتعمل بحث ،ملخص،او تقرير عن الموضوع ويكون بعنوان لماذا فشل السودانيين في الشتات و نجح الاخرون؟
من مشاركة اكثر من مئة هنا و هنالك اتفق معظمهم في عدم نجاحنا لهذه الاسباب
101 السياسة
22 الحسد
11 التعليم
6 الغيرة
5 الخوف
4 العنصرية
3 القبلية
3 ثقافه الاختلاف
3 الحقد
2 التربية
2 اغتيال الشخصيه
2 الانا
2 التخوين
2 عدم الوطنية
2 لا نحب الخير لي بعض
1 الفندرة وهي الرأي المشاتر بدون فهم ولا منطق
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
في كمبالا هنا سيطر الصوماليين (بالكامل) على قطاعين مهمين جداً
1- التحويلات
2- الوقود
وكمان عندهم وجود كبير في مجالات تجاريه تانيه زي المطاعم والدقيق وخلافه لكن تحويل القروش والوقود ده مسيطرين عليو تماماً
وبالرغم من وجود نماذج سودانيه مشرفة كتيره إلا إننا بنصل نقطه معينة ونقيف فيها ما بنقدر نتقدم منها
في إعتقادي أكبر إختلال في شخصيتنا السودانيه هو (البوبار)
ومن الصعب جداً نقدر نتخلص من الحته دي
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: بكرى ابوبكر)
|
سلام يا ريس.. وكنت أعتقد أنى ساهمت فى هذا البوست ولكن حين عدت لمداخلتى وجدتها تساؤلا لا معنى كثير له..
أولا أحب أن أقول ان عبارة فشل السودانيين تحتاج لمراجعة.. وأعتقد أنها شملت كل السودانيين.. لذلك أقترح ا، البوست يحدد معايير النجاح فى أمريكا أولاً ومن ثم نستطيع الحكم على فشل السودانيين من نجاحهم..
وأقول ذلك لأنى أعرف سودانيين كثيرين جدا نجحوا فى مجالااتهم.. وليست كل الأعمال دكاكين ومطاعم.. عندنا عشرات الأطباء المزاولين للمهنة فى مدينة فلاديلفيا (شرات وليس مبالغة).. عندنا عشرات البروفيسرات
فى الجامعات الأمريكية هنا.. ومئات الذين يعملون فى وظائف مهنية. هندسية وعلمية فى أكبر الشركات ومراكز الأبحاث.. أيضا اعرف شركان كبيرة جدا فى كل الولايات يعملون فى مجال الخدمات الصحية والإجتماعية.
بل عندنا من يعمل فى مؤسسات مثل ناسا ..الخ. لذلك أعتقد أن نحدد معيار النجاح والفشل قبل أن نرمى على كل السودانيين بطانية الفشل. لا أعتقد أن السودانيين فاشلين.. هكذا..
هل السودانيون فى أمريكا، السودانيون الذين ليست لهم مهن محددة .. هل هم متحدون ويعينون بعضهم؟ لا.. ليس بصورة عامة.. هناك من يساعد قريبه ولكن أن يقوموا بتكوين جسم يضم السودانيين ليساعدوا بعضهم
فهذا غير موجود.. للأسف أو لحسن الحظ لا أدرى.. وكما قال الأستاذ الفكاهى الظريف فى معهد الكليات التكنولوجية سابقاً "نحن ما دايرين نعمل زى الناس"
أخذت حصة علم إجتماع فى كلية فى نيوجيرسى وكانت elective.. الأستاذ قال لنا ما يلى:
المهاجر اول ما يضع رجله على تراب أمريكا يبحث عن قوميته وبنى وطنه أين يتمركزون.. ويسكن فى محيهم ويكون طول الوقت معهم.. وهذا طبيعى ومطلوب فى البداية حتى يعرف مداخل ومخارج البلد
ويعرف نظامها .. ولكن كثير من المهاجرين يقعون فى شرك الإستمرار فى السكن والإقامة وسط مجتمهعم القومى.. لذلك لا يتطورون كثيرا.. والمفروض بعد من حوالى 3 الى 6 أشهر يخرجون من المجتمع
المحدود ويذهبون الى مدن أخرى ويندمجون فى المجتمع الأمريكى.. نحن السودانيين هذه مشكلتنا.. منذ أن نهبط فى مطار نيويورك وظوالى على بروكلين والشغل مع أبواليمن.. وياها القفلة.. بعد داك حتى لو قررنا
الرحيل الى ولاية أخرى لازم ننسق مع بنى وطنى هناك ونكرر نفس السيناريو.. لذلك السودانيين منقسمين ولسان حالهم يقول مع النابلسى:
إن جسمى هنا وقبلى هناك......... وأنا الصب بين هذا وذاك.. ولأن صاحب سرجين وقيع، فلا يظفرون بهذا ولا بذاك.. واحد سودانى قال يثور على هذا الوضع وقطع تذكرة على لوس أنجلس، بعد اسبوعين قروشو
كملت وما عرف حتى يأكل.. باع ملابسوا وتلفونو وأى شئ كان معاه و إتصل مع شلته ى بروكلين.. الجماعة ما قصروا ورسلوا ليه تذكرة يرجع بيها.. أول ما الطيارة نزلت فى JFK وطلع من المطار قال الحمد لله رجعنا لبلدنا.
زى الطفل المفطوم يا دوب ورأسه ضارب وما عارف يعمل شنو.. طبعا كما اسلفت أنا أتحدث عن فئة العمال الشرفاء أى الغير متعلمين تعليم عالى.
**
ارجو ملاحظة انى لم اراجع النص.. فمعذرة لو أخطاء إملائية
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: Abureesh)
|
الريس وضيوفه
لكم التحية
موضوع شيق اجاد في الاخوة
Quote: = لا نجيد العمل الجماعي ...
= تفرقنا الغيرة أكثر مما تجمعنا المصالح
= لا نستطيع فصل الأمور عن بعضها ... نخلط السياسة بالاقتصاد بالاجتماع بالرياضة بالعمل بالخلافات الشخصية |
دي اسباب وجيهة واضف اليها الخوف من المغامرة والاكتفاء بما يكفي من الحد الأدني .
خليك من الغربة ، لان الكلمة الجاهزة عندنا لتبرير العجز هو ظروف السودان والاتكاء على الفشل الحكومي الملازم منذ الاستقلال ومساعدة الأهل وتراكم المسؤوليات ، عندنا في الخليج معظم السودانيين لا يستثمرون اوقات فراغهم في تطوير انفسهم وهذا متاح ولا يتناقض مع انظمة الدولة المضيفة ، جلنا يتسكع في الاستراحات والحدائق العامة والجمعيانت والأرصفة ، حديقة ولي العهد في الرياض مثالا ....
نرجع لبلدنا ولماذ تجد مئات المحلات الفاخرة للسوريين والاتراك مزينة ومرتبة وجميلة ولماذا تجد محل السوداني مبعثر مهكع الابواب يلبس سفنجة وراقد في الطربيزة بينما يستقبلك التركي او السوري بكل ترحيب واناقة ليعرض لك سلعته ويشكرك ان لم تشتري منه ؟؟؟
دخلت محل بيع ثلاجات وسألت البائع السوداني المنهمك في الجريدة عن مواصات السلعة قال لي ( مكتوب فيها ولو ما مكتوب اتصل على الوكيل ) تخيل !!!!!
نحن بحاجة الى تربية وطنية في حب التعاضد والتكاتف وحب الوطن وان تقبل بعضنا البعض وان نقلل من الجرعات السياسية العالية التي تولد التنافر والتباعد ..
في نهايات القرن الماضي وجدنا قصيدة واقعية تحكي حال اكثرنا في الغربة من وجهة نظر مقدرة ، رددت عليها شعرا بوجه نظر مغايرة اضعها هنا اثراء للمادة :
قال الشاعر:
يا غربة .. يا غشاشة .. يا بكاية .. يا مستهبلة
تغرينا بي درهم قروش وراه قنطار بهدله
جيناك سنة .. أو قول سنين بنكمله
نبني البيوت في العاصمة
وبي كوم أثاث بنجمله
وكرولا حاره نرسله أصلو التنقل مشكله
ونكمل الدين بي مهل والسمحة جاهزة نحصله
غير القروش اللي الأهل عبر الشهور حا نرسلا
والباقي يدخل في البنوك ونشوف دباره نشغله
ناس فكرت تجني العلم تبدأ الدراسة تواصلا
أحلام كتيره وشيقه وآمال كبيرة نأملا
لكن حساباتنا الغلط في كل عام بنرحله
مرت سنين من العمر بنعزها وبنفضله
والحسبة وصلت طاشرات يمكن نعيش وندبلا
وتعال نحاسبك يا وهم من غير رقم أو أمثله
كان للقروش نجري ونحوش لكن تقول بنشاكلا
ما راضية تقعد في الجيوب وتقول حرامي بينشلا
لكن بترقد في الضهور بديون تقيله متلتلا
ممحوقة ما بتقضي الغرض وأقل حاجة تكملا
كملانه سفرة وحق وزن ومجاملات مستفحله
ضرائب أبعاج المشي وإلزامي حمدي نحولا
وأحلامنا صبحت زي سراب نمشي ونجري ما نحصلا
يا ريت يكون هم القروش يا غربة فيك هو المعضله
لكن تعال شوف الهموم الما إفتكرنا نقابلا
ذلة ومهانة واحتقار خلو النفوس متململة
سجنا كبير فيهو الكفيل سجان قيوده مكبله
أشغالو شاقة ومؤلمه ودايما تكون مستعجله
ما عاد يكفيها النهار تحتاج ليالي مليله
أمراض كتيره بدت معاك عايزه الفحوص مستعجله
ناس الضغط والسكري ومرض القلب مع الكلى
ومصران وقرحة وإكتئاب ونفوسنا ما متحمله
وبنينا فيك كيمان لحم تحت الهدوم متندله
وأكيد يكون أكل المعلب والمجمد عاملا
عدم الرياضة والكونديشن لابد يكون ليهم صــــــلا
وكمان تعال لمعادلة ما قدرنا أصلا نعدلا
سجن العيال جوه الشقق وفراق الأهل والعائله
جيب العيال بي جيبنا مال وجيوبنا غيرو مميله
وصغارنا صبحت بالزهج متوحشة ومتجفله
لا قادرة تلعب في خلا ولا ضل شديره يضللا
لا قادرة تدرس بي نفس من الدروس المترهله
تلقي الولد غالبو الكلام والبت كبيرة ومريله
كل الضغوط سوا ما قدرنا حتى نقللا
في كل طرف تلقي القرف تلقي الخيوط مداخله
يا غربة أديناك كتير أدينا خاطرك يسهلا
خلينا نرجع بالفضل نلحق حياتنا نعدلا
آمالنا فيك بدري إتنست إلاّ الرجول متوحله
وبقينا زي أهل القبور لا البره عارف يدخلا
لا الجوه يرجع لي ورا يحكي الحقيقة يوصلا
لكن خلاص هان الخلاص عندك نزل مهما علا
وإن شاء الله نحيا نودعك وتكوني ذكرى نغازلا
يا غربة .. يا بكاية .. يا غشاشة .. يا مستهبله
وقلت ردا عليه
عذرا تمهل في الحكم الغربة لا غشاشة لا بكاية لا مستهبلة
شطر الكلام ماهو الصواب ما يستقيم دون تكملة
نصف الذكرتو كلام صحيح كانت ثقافة مرحلة
الغربة إختلفت كتير وبقت في نسخة معدلة
الغربة تخطيط منتظم ضبط الحكاية من اولا
الغربة زي موية المطر في الرملة ما بتحصلا
الغربة عايزة مؤهلات تطوير شديد دون ململة
الغربة كم ربت يتيم مسحت دميعات أرملة
في الغربة ناس تركوا الخمول عرفوا الصلاح درب الصلاة
بالغربة ناس فتحت بيوت حفظت صغارها من البلا
بالغربة كم حجوا الكبار دفعوا التذاكر في الغلا
الغربة كم سندت ضعاف اضحت امورها مسهلة
بالغربة كم مديون مهان سدد ديونو وحلحلا
بالغربة كم متروك ضعيف حاز العماير وسجلا
بالغربة ناس عملت بيوت مفروشة اثاث آخر حلا
في الغربة ناس حازت علم طب وإقتصاد مع صيدلة
في الغربة ناس درست فقه حفظوا المتون من اوّلا
الغربة كم دعمت إمام شيد مساجد للصلاة
الغربة كم رزعت حقول روت العطاشا الفي الخلا
قصة عيال جوة البيوت في دا الزمن ما مشكلة
ليه الولد غالبو الكلام والبت كبيرة مريلة
ليه مافي تربية وإهتمام ليه العيال متبهدلة
لو انت مشغول بالعمل دور الأمومة مكملة
تهوى السهر نوم النهار خلت عيالها مهملة
سوق الدهب ونسات حريم طبعا اكيد ليهم صلة
علم الشوارع ما بيفيد في البيت هوايتو بحصلا
ظل الشديرة دة كان زمان وقت البيوت مترهلة
كل البيوت صارت شقق مضروبه بوهية مقفلة
في البيت في انترنت بيجيب كل الخيوط متواصلة
البيت بيحفظو من الشرور ومخدرات ومن البلا
حتى اللعب بي إنتظام أوقاتو ما متداخلة
ليه للقروش تقعد تحوش بالأولويات نزلا
رتب حواجك بي عقل ما تسيبها ماشا سبهللة
طور معارفك بإنتظام أصلو المنافسة مذهلة
فيهم أعاجم والعرب واتراك معاهم بنقلة
الخبرة والتأهيل كمان بعد الشهادة مفضلة
الواسطة قبل الإمتحان ما اظن تحل المسألة
خلى المجاملة في حدود والواجبات ما معضلة
والغربة منحة من الكريم تستاهلك وتستاهلا
بس أبدا بي تخطيط سليم من دون كلل دون ململة
حصل قطارك ما يفوت بى سرعة من غير فرملة
سيب إكتئابك والملل كتر دعاك وقت الصلاة
فارق الشلل لعب الورق سهر إستراحات بطلا
اصلو الزمن دوار شديد لحظاتو ماها مطولا
وادعو الكريم ساعة السحور للمعضلات بيسهلا
بس حسن اعمالك كمان بي نية صافية من اولا
تلقي المراد يوم الحصاد كل المحطات توصلا
وإن فاتت في الفانية دي يوم القيامة تحصلا
في اللحظة ديك تقدر تقول الغربة لا بكاية لا غشاشة لا مستهبلة
محمد الزبير
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: هدى ميرغنى)
|
اخى الغالى بكرى ابوبكر
تحيه طيبه
والله الموضوع موضوع مولم جدا والمشكله تكمن فى القبليه وهناك الاف القصص التى مرت على فى حياتى
سوف اعود الى موضوعك فى بوست اخر بعنوان لم يفوت الاوان لكى ننهض معا
ولكن حتى اشعار اخر اظل اقول لكل الناس الفى المهجر
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: مصطفى نور)
|
سلاما واحتراما أخى باشمهندس بكرى ابو بكرى والجميع~
أتساءل:
هل سيجد المشردون من أرض السودان بسبب الحرب الراهنة ديارا لهم عند الامريكان؟
هل سيكون السودانيون فى حالة تنظيم وتكاتف كما فعل مهاجرو الصومال؟
*ما زال معظم النازحين فى ديار النزوح بتشاد وغيرها واتى عليهم المشردون الآن
*لم نرى انهم يُعاملون كمن سبقهم من مهجري الحروب الطاحنة! من بلاد أخرى
أوكرانيا مثالا واقعا!
هل إذا وصل النازحون الآن الى ديار الامريكان، سيرتبون أنفسهم ويطوفون حتى يجدوا ولايات
تكفل لهم العون ويكون لهم فيها وزنا يصل درجة ان يأتوا بممثلين لتلك الولايات بالكونقرس الأمريكى
أو يصبحون عمدا للولايات؟
ام سيختلفوا والنتيجة مزيدا من الحروب يتحمل وزرها من آثر البقاء بالسودان او قرر العودة بعد وقف القتال، أو لم يتمكن من المغادرة أصلا
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: Mahjob Abdalla)
|
| Quote: لو المجموعات السياسية (قحت المركزي و قحت الديمقراطية و الشيوعى) داخل السودان اتفقو يديرو فترة انتقالية مع بعض (بدون ضرب تحت الاحزمة) ان شاءالله ناس برة برضهم ممكن يتفقو و ينجحو. |
تحياتى وسلامى أخى العزيز محجوب~
أتفق معاك فى انعكاسات ما يحدث بالداخل فى وحدة المهاجرين
*لكن ناس الخارج يملكون آلة اعلامية أقوى يا ليتهم يستفيدوا منها صدقا لمساعدة الشعب السودانى
| |
|
|
|
|
|
|
|
|
|
Re: لماذا ينجح الصوماليين و غيرهم في المهجر و (Re: هدى ميرغنى)
|
الأخوة الصوماليين إخواننا وحبيبنا وهناك شيئ ما يصعب وصفه فى العلاقة الرابطة بيننا من ود وقبول وإحترام..
بالنسبة لى كان أول تعارف على الصومال عبارة عن سهرة تلفزيونية مشهورة قدمها الإذاعى الفذ الراحل محمد سليمان وإستضاف فيها الفنانة حليمة الصومالية (مقول) وفاطمة قاسم. ومن بعدهم تعرفنا على أحمد ربشة وغيرهم من رموز الفن الصومالى. عاشرنا العديد من الإخوة الصوماليين ايام الدراسة الجامعية ولا زالت علاقاتنا مستمرة حتى الآن.
بحكم ظروف العمل تعاملت مع الصوماليين خلال ١٤ عاما فى السويد وزرت الصومال بعدد هذه السنوات.
يمكن أن أقول أن الصومالى يثق فى نفسه ثقة عمياء بغض النظر عن مقدراته او خلفيته العلمية. يحاول دوما أن يجد لأى مشكلة حل وله القدرة على تحمل نتائجها إن كانت سلبية أو إجابية. الصومالى يبحث دوما عن الجديد فى مجال البزنس او السياسية وله قدرة هائلة على الإستفادة من شبكته الإجتماعية. الصومالى لا يخاف من المغامرة فى تجريب فكرته رغم إستهداف السلطات الحكومية له ولأسرته.
إنخرطوا فى العمل السياسي فى السويد وأصبحوا أعضاء قياديين فى العديد من الأحزاب السويدية. فى ذات الوقت شاركوا فى العمل السياسي الذى يخص الصومال من منظور محلى وقبلى. كل واحد فيهم يفكر فى كيفية دعم وتطوير منطقته او قريته.
التحية للشعب الصومالى أينما وجد..
| |
|
|
|
|
|
|
| |
بكرى ابوبكر
Hani Arabi Mohamed
Mohamed Doudi
Elhadi
باسط المكي
دفع الله ود الأصيل
adil amin
Amira Hussien
Hassan Farah
حامد عبدالله
Ali Alkanzi
Abdelrahim Mohmed Salih
عبد المنعم شيخ ادريس
ABUHUSSEIN
النذير حجازي
السر عبدالله
محمد نور عودو
Biraima M Adam
علاء سيداحمد
جلالدونا
Mohamed Suleiman
يحي قباني
Abureesh
Mahjob Abdalla
عبدالكريم عبدالله
عمر عبد الكريم علي
هدى ميرغنى
مصطفى نور
فيس بوك
تويتر
انستقرام
يوتيوب
بنتيريست