الكثير السلبي يمكن ان يقال عن السودان والحال هناك ..لكن هذه محاوله لعكس بعض الجمال المتبقي والمتاصل في السوداني. من بتاع ركشه او ترحال او شخص بمكن يلقاك في الشارع العام ويسلم عليك وتسلم عليه..ابتسامه واحده من وجه سوداني ازاح عن زوجتي اليسون ارهاق الايام وسخانه الجو والغبار..قالتها لي بطرق مختلفه ..دا شعب جبار .. ولن انسي كرم الكثيرين رغم ضيق الحال والاحوال ولن ننسي الاخ عثمان موسي عضو المنبر وعمده ما كل جميل . خفيف الظل ودوما مبتسم . .التقينا في صاح السمك في شارع 41 ولم يقصر معنا . اليسون قالت " السمك دا ما عادي" عثمان قال ليها دا سمك من النيل وفرش. عثمان اصيل وكلامه حتي لو قليل ..مفيد وعميق…..في واحدة من النقاشات قال ليها..لو عايزه تعرفي السودان..اقري موسم الهجرة. الي الشمال. واتحدث عثمان عن تنوع السودان العرقي باجاده.حبه للجمال ما من فراغ..افضل سفير لافضل بلد ..ولن ننسي ضحكنا في العربيه والنكت النضيفه عن محبة عثمان للجمال ..شكرا عثمان..لحد اخر لحظه يتصل علينا الاطمئنان والسؤال.
(عدل بواسطة Muhib on 04-19-2022, 03:12 PM) (عدل بواسطة Muhib on 04-19-2022, 03:27 PM)
04-19-2022, 01:45 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
يا سلام يا محب مشيت جددت الاشواق وبصحبتك زوجتك المصون اجمل حاجة انك لقيت البلد لسه فيها باقي خير في الناس رغم الصعاب انا رجعت قبل شهرين ولسه غامرني الحنين للناس وبعض الامكنة اللي هومت حولها شيء جميل انك إلتقيت بالرحالة عثمان الخبير بمحلات العضات المجيهة ربنا يحفظ بلدنا الكبير واهله جميعا
04-19-2022, 03:24 PM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18856
سلام و احترام لك حبيبنا محب و لضيوفك الكرام التحية و التقدير حمد الله علي السلامة وشكرا حبيبنا عثمان موسي ودي يا محب فوائد المنبر علاقات الصداقة و الاخوة و المحبة و تبادل الخبرات ..... يا ريت لو تطعموا البوست بحبه صور....فنحن لينا زمن من بلدنا الحبيبة الكرهنا ليها بتاع الحمير
04-19-2022, 06:11 PM
Muhib Muhib
تاريخ التسجيل: 11-12-2003
مجموع المشاركات: 4085
الاخ بكري صاحب الحوش شكرا علي المشاركه معنا ..سيرتك جات بالخير في احدي النقاشات مع الحبيب عثمان. خصوصا ان المدام سكنت في اريزونا العظيمة لفتره كم سنه انا وعثمان ناس دقه قديمه. اظننا اخدنا صوره احده يوم التقيت به..
نشوف تلفون المدام لاحقا..
04-19-2022, 06:00 PM
Muhib Muhib
تاريخ التسجيل: 11-12-2003
مجموع المشاركات: 4085
دينق لك التحيه وشكرا علي المرور.. كانت ايام فيها الجميل وفيها الاستغراب ولن اخفي بعض القلق من المجهول..مررنا بحيكم الراقي عده مرات..فيه المحمود وفيه بعض ملامح الحسره والدهشه من تجاهل الحكام للشارع العام..
04-19-2022, 06:04 PM
Muhib Muhib
تاريخ التسجيل: 11-12-2003
مجموع المشاركات: 4085
عثمان الجميل رغم قصر اللقاء , لكن تركت انطباع جميل جدا في نفوسنا. شكرا لك علي هذه المحبه والرسائل والاتصالات والمعلومات وجهدك في جعل زيارتنا زياره ناجحه في بلد يئن من الالم...
04-21-2022, 08:58 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
زوجتك الطيبة اليسون يا حليلها . حسيت بيها ونحنا قريبين من النيل الأزرق جهات جسر المنشية. حسيت بيها اتكيفت وزي كأنها اشتمت عبق الماضي البعيد. اليسون صورت شعب السودان بطريقة ذكية . وفي عشرة أيام.
04-25-2022, 12:21 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
فعلا ياصديقي.. اهتمت بي تفاصيل كثيره مرت علي ... مشينا في الخرطوم في نهارا ساخنا..اصرت اننا نسلم علي مجموعه من الباعه وبعض العمال واتكلمت معهم عن عيد القيامه وعن اهميه الامل في الحياه..واتعلمت منهم بعض الكلمات العربيه
04-29-2022, 02:38 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muhib
علي عبدالوهاب عثمان
Deng
حيدر حسن ميرغني
بكرى ابوبكر
أبوذر بابكر
Osman Musa
فيس بوك
تويتر
انستقرام
يوتيوب
بنتيريست