|
|
|
 Re: إغلاق قضية تفجيرات سفارتي الولايات المت� (Re: Hassan Farah)
|
شكرا لك الاخ ابوحسين على المداخلة الشحمانة
كلماتك وكلمات الشباب المشاركين اتمنى ان يكون لها وقع طيب فى نفس الاخ حمدوك
الرجل صفحته نظيفة ناصعة البياض ونفسه طيبة بسهولة وضع ثقته فيمن عدهم رجالا امناء صادقين يعملون لتحقيق امانى الشعب
لم يخطر بباله انهم حقيقة قطيع من الضباع السعرانة
| |
 
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: هدى ميرغنى)
|
Quote: اخوانى المحترمين ابو حسين وحسان فرح~
معليش حأدور فى حمدوك ، وأمشى أجيكم راجعة بعد فطور رمضان تانى أدور فيه :
فكروا فى دى الشعب السودانى قام بثورة ضد الكيزان ، يعنى المفروض تجب كل أفعالهم السئية، بدل يعوضوا الشعب السودانى ويعزوه فى الشهداء وغيره يشيلوا قروش الشعب يدوها الأمريكان، وقروش الكيزان قاعدة فى تركيا والبلاد الثانية
دى غلبنى أقدر على خشمى فيها.
-وكمان الكان بيصرخ ويروج وطلع الشعب السودانى ما بيفهم كان إبن أخت زوجة الرئيس.
-فى جماعات فى الدنيا عاملين محامين وشنو وشنو حرامية ساكت، أول ما عرفوا وفهموا الغش والحاصل فى السودان لفحوا شنطهم ولبسوا بدلهم وجوا عملوا اتفاقيتهم العجيبة.
لأنه زى ما إنتوا عارفين المحامى بيشيل عمولته بعد يكسب القضية حتى كان كذب.
***محمود حسنين فى الأعالى كان كلامه واضح
- دى ثورة ضد نظام فاسد وقاتل ، الشعب السودانى ما بيتحمل تبعات جرائمهم ، ويا هو حدس له ما حدس (الحقوق محفوظة للكباشي)
الليلة الله يحلكم منى 😀. مع إحترامى المعلوم لكما وللجميع |
الله يحلك انتي مني انا
اخونا حسن فرح بعد إذنك ياخ اطقطق بتنا هدوية دي
انا فطرت و الحمد لله
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
يا هدوية انتو عايزين ليكم زول معاه عصا سحرية
يجيب ليه ورقة يكتب فيها (كيزان) و يضربها يقومو الكيزان كلهم ينسختو و يبقو قردة و تهرب للغابة
و يوفر السكر و الرغيف و البنزين و الغاز و الكرباء بي عصايتو دي
يا هدوية زول اشتغل في نص العساكر ااسجمانين و المرتزقة الحاقدين و الكيزان الفاسدين و حركات مسلحة سجمانين و كيزان فاسدين
و رغم كدا انجز و كل العالم شهد ليه بذلك إلا انتو ....
شكرا حمدوك ✌✌✌
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
أخى المحترم ، أبو حسين ~
صاح حمدوك فى غاية التهذيب، وما عندى ليه غير الإحترام والزول الزمان داك ما ياهو حمدوك الآن.
البنى آدم ما بتقول عليه أحسن زول إلا يوم يثبت على مواقفه المنحازة لرفعة الوطن والإنسان السودانى حتى يوم وداعه فى آخر يومه.
غير كدا نقيم مسيرة الناس وتغيراتهم عادى.
-دكتور حمدوك (ابو على )حسب سيرة المقربين كان ناشط فى كلية الزراعة جامعة الخرطوم وصديق صدوق، لأخ الشهيد
الدكتور على فضل. ومن أقرب أصدقائه ناس الشيخ خضر ومعليش أقول شلة المزرعة (الحقوق محفوظة للبعشوم وآخرين)
منهم الزراعى صلاح عوض وغيرهم من زراعيين داخل وخارج السودان.
- حمدوك أولا اتوظف مع منظمة فى غرب السودان ،ومشى إنجلترا بعثة دراسية (بس ما فاهمة كيف البعثة تكون على نفقة حكومة السودان ، لو شغال مع منظمة)،
دى ما متأكدة منها- يمكن اشتغل مع منظمة تابعة للحكومة وقتها.
-المهم دا قبل عهد الكيزان القتلة المجرمين، وياهو ظهرت مسالة فصلوه وخلص دراسته على نفقته الخاصة (حاجة كويسة- يكمل تعليمه)؛
-بعد داك لقى فرص مع المنظمات بواسطة إنسان فى غاية الوعى، حتى فى صور حايمة إنه حمدوك وزوجته كانوا فى تأبين ذاك الشخص؛
سأواصل
وأوصل لما يا أخى المحترم لما تقول لى كفاك 😀
| |
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: هدى ميرغنى)
|
تانى جيت
العمل فى المنظمات فى محلها واضح إنه دولاراتهم كثيرة خليها البتجئ وتعمل الحركة بتاعت المنظمات الموجودة الآن فى بلاد العالم.
يدوا الشخص برنامج أو الشخص يجهز برنامج يمشى مع موية المنظمة ومعونات وشنو وشنو
- دكتور قرنق قال الناس دى تدى المعونات أو قروض (يجوا يقطعوها من دم الشعوب )بمزاجها على نظام يدوك مليون دولار كمبيوترات والشعب ما قادر يأكل ولا يشرب موية نظيفة وما عنده كهرباء
أو علاج واللستة طويلة
- المفروض يشوفوا إحتياجات البلد شنو ، مثلا كوبا معونتها لأمريكا الاتينية
بعثات تعليم مجانا وموجه حسب حاجة البلد وبعد داك ترسل ليهم دكاترة ومعدات وأدوية طبية وأدوية .
واحد من نوع الطلبة الدرسوا فى كوبا قالوا جاء مؤتمر فى ولاية فى أمريكا ، لقى المستشفى بتجدد فى معداتها "معدات فى حالة جيدة جدا" ، بمعدات شركة مختلفة (ما كله شغل شركات ساكت فى أمريكا ما فى علاج مجان يكون) ،
أها الطبيب طلب منهم المعدات بدل يرموها وشالها على بلده (دى الوطنية)؛
دكتور جون قرنق فى 17 يونيو ، أسابيع قبل. رحيله المر ، قال عديل كان لتجمع سودانين كان البلد ما اكتفت ما بيدى الشركات الأجنبية ولا نقطة بترول ، طلب من السودانين يرجعوا يشتغلوا فى بلدهم بدل القروش والعربات والتلفونات (الموبيلات كانت نادرة وقتها) تمشى للأجانب ،
أها حدس ما حدس (الحقوق محفوظة للكباشي)- ومن يوم الإنفصال الأثيوبين كمثال - انقسموا مسيحين مشوا الجنوب ومسلمين الشمال والله مرات تشك فى نفسك وانت تطلب رقشة (يا ربى نحن فى السودان..).
***المقصود الرئيس "غير الوطنى" لازم يبصم لمصالح الجماعات دى جيران وغيرهم ، وجاياك لقصة دكتور حمدوك والبنك الدولى•، وكيف وليه أنهم عايزنه لانه بيحقق مصالحهم.
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: هدى ميرغنى)
|
تجي تاني و تالت و رابع ما عندك اي مشكلة
انا غايتو استأذنت من صاحب البوست رغم انو لغاية الآن ما اداني الإذن .... 🤣
لكن ما مشكلة متفق معاي في موضوع حمدوك
اسي كبرتي لي اللفة مشيتي لي كوبا و جون قرنق و كل المنظمات
حمدوك انجز في بيئة و ظروف صعبة جدا
و انتي و كل المعارضين ليه اتفقتو عليه مع العسكر و المرتزقة و الكيزان بمعنى انو كان هدفكم إقصاء حمدوك
و دا اكبر دليل على خطأكم ... ✌
و شكرا حمدوك
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote: و انتي و كل المعارضين ليه اتفقتو عليه مع العسكر و المرتزقة و الكيزان بمعنى انو كان هدفكم إقصاء حمدوك
و دا اكبر دليل على خطأكم ... |
سلام أخى أبو حسين~
يا أخى المحترم كلامك دا فيه عدم عدالة، أنا أول يوم أظهر وأكتب بعد الإنقلاب الجارى دا، كنت أراعي ساكت |
وبعد داك كتبت قليل عن حمدوك، لأنه كان لسه فى أمل إنه يطلع بمعجزة من الحبس الإنقلابى،
وزى ما عارف أحزنا كلنا بخذلانه للشهداء والشباب الكان يوم مجزرة بحرى يهتفوا بإنه سيخلصهم.
وياهو …الشارع حى.
يومها حزنت حقيقة وأغلبه عشان خاطر الناس الكان عندها أمل فيه.
وثبتت فكرتى عنه.
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote: سلام عليكم
حمدوك صفر العداد دوليا للكيزا نفذ دورو الخلوهو يجرى فيهو من اول يوم تولى رئاسه الوزراء |
و عليكم السلام اخونا عاصم
حمدوك صفر العداد دوليا للشعب السوداني علشان عجلة التنمية تنطلق و ينعم الشعب السوداني بالرخاء و الهناء
حمدوك قلة كانت معه و كثيرين كانو ضده ....
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote:
حمدوك صفر العداد دوليا للشعب السوداني علشان عجلة التنمية تنطلق و ينعم الشعب السوداني بالرخاء و الهناء
|
سلام ابو حسين
هسى عليك الله الكلام دا حاصل ؟
البيمر بيهو البلد والشعب اقسى وامر من تداعيات خروج البترول بعد الانفصال ورفع الحظر بتاع اوباما ايام حكومه الكيزان
فئتين يمكن ماحاسين بالبيحصل للشعب عموما اللى هم عيال الانقاذ2 بكل واجهاتهم واجهزتهم ومليشياتهم .......
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: Hassan Farah)
|
Quote: سلام أخى أبو حسين~
يا أخى المحترم كلامك دا فيه عدم عدالة، أنا أول يوم أظهر وأكتب بعد الإنقلاب الجارى دا، كنت أراعي ساكت |
وبعد داك كتبت قليل عن حمدوك، لأنه كان لسه فى أمل إنه يطلع بمعجزة من الحبس الإنقلابى،
وزى ما عارف أحزنا كلنا بخذلانه للشهداء والشباب الكان يوم مجزرة بحرى يهتفوا بإنه سيخلصهم.
وياهو …الشارع حى.
يومها حزنت حقيقة وأغلبه عشان خاطر الناس الكان عندها أمل فيه.
وثبتت فكرتى عنه. |
و عليكم السلام بتنا المحترمة هدوية
حمدوك رجل إقتصادي لا سياسي و لا عسكري
حسب فهمي الراجل كان عايز يهزمهم بالإقتصاد عايز يثبت إنجازات اقتصادية يقنع بيها الشعب
و ظهرت بوادر مشجعة جدا زراعة و كهرباء و ثبات سعر الجنيه امام الدولار
و عمل احتياطي ممتاز جدا من العملة الصعبة
لكن اعداء البلد اجتهدو في محاربته لإقصاءه قبل اكتمال خطته ....
شكرا حمدوك .... ✌✌✌✌
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote: سلام ابو حسين
هسى عليك الله الكلام دا حاصل ؟
البيمر بيهو البلد والشعب اقسى وامر من تداعيات خروج البترول بعد الانفصال ورفع الحظر بتاع اوباما ايام حكومه الكيزان
فئتين يمكن ماحاسين بالبيحصل للشعب عموما اللى هم عيال الانقاذ2 بكل واجهاتهم واجهزتهم ومليشياتهم ....... |
و عليكم السلام اخونا عاصم
اكيد ما حاصل لأنو طفشو حمدوك و عاثو فساد سرقو احتياطي البنك اكتر من مليار
يا عاصم يا اخوي البلد معروف منو البهدم فيها و بسرق قوت الشعب
| |
|
|
|
|
|
|
|
|
 Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote: ♥إنجازات حمدوك التي فعلها في سنة الشئ الذي لم يقدر يفعله الكيزان في 35 سنة👇
١-ازالة اسم السودان من قائمة الارهاب وإعادة السودان للمجتمع الدولي.
٢-اعفاء ٣٥ مليار من ديون السودان.
٣-إيقاف طباعة العملة.
٤- إيقاف تهريب الوقود والدقيق.
٥- محاصرة التضخم وتخفيضه من ١٦٥ في العام ٢٠م إلى ١٠٣ في العام ٢١م.
٦- إيقاف تدهور الجنية أمام الدولار وإستقرار سعر صرف الدولار.
٧- توقيع شراكات مع السعودية وفرنسا وأمريكا والمانيا ستأتي أكلها قريبا.
٨- محاربة تجار العملة والحفاظ على استقرار سعر الصرف
٩-صيانة المحالج والقطارات الخ..
١٠- يسعى لعمل بورصة للصمغ والسمسم في السودان قريبا جدا.
١١- حمدوك هو الداعم القوى للجنة إزالة التمكين .. وجعلها مدعومة دوليا.
١٢_ عمل على توحيد قوى الثورة وقوة الحرية والتغيير للحفاظ على الإنتقال الديمقراطي.
١٣- اعادة مشروع الجزيرة
١٤- جلب قطارات و تشغيلها
١٥- توفر الدقيق
١٦- توفر النقد بالصرافات و البنوك
١٧- توفر الوقود
١٨- وقف الصراعات الاهلية
٢١- صيانة و تشغيل محطات النفط
٢٢- تحرير الفشقة
٢٣- و هنالك 105 ملف بتربيزة حمدوك تحت التنفيذ و الدراسة تدعم مصلحة الدولة
ولسه خلال العامين المقبلين سينجز الكثير .
#مدنية_قرار_الشعب
#شكراً_حمدوك
#أي_كوز_ندوسو_دوس
#حاربوا_المنظومة_الخالفة_للهالك_الترابي |
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote:
♥إنجازات حمدوك التي فعلها في سنة الشئ الذي لم يقدر يفعله الكيزان في 35 سنة👇
|
هو دا مربط الفرس فى كلامى انو مسرحيه الثورة وشله قوش فى الاحزاب واعتصام القيادة الورط الشعب فى شراكه قاتله واخرها من صدر حمدوك ورشحو للراى العام كان الكيزان لما رشحو فى اخر حكومه كيزان (انقاذ 1)
كل القلت من انجازات لحمدوك واكتر حتصب فى صالح انقاذ2
اما الان مثلا الضخم وضعو شنو ؟
خمدوك خدم الكيزان فى انتاج نسخه الانقاذ الجديده من دون قيود دوليه او اقليميه
لكن المواطن والبلد كوطن تهوى فى هاويه قاتله
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: Asim Ali)
|
Quote: هو دا مربط الفرس فى كلامى انو مسرحيه الثورة وشله قوش فى الاحزاب واعتصام القيادة الورط الشعب فى شراكه قاتله واخرها من صدر حمدوك ورشحو للراى العام كان الكيزان لما رشحو فى اخر حكومه كيزان (انقاذ 1)
كل القلت من انجازات لحمدوك واكتر حتصب فى صالح انقاذ2
اما الان مثلا الضخم وضعو شنو ؟
خمدوك خدم الكيزان فى انتاج نسخه الانقاذ الجديده من دون قيود دوليه او اقليميه
لكن المواطن والبلد كوطن تهوى فى هاويه قاتله |
يعني يا عاصم تقصد انو حمدوك جابوه الكيزان لخدمتهم .... ؟؟؟؟
| |
|
|
|
|
|
|
|
|
 Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote:
يعني يا عاصم تقصد انو حمدوك جابوه الكيزان لخدمتهم .... ؟؟؟؟
|
نعم الكيزان قرروا انو انقاذ1 خلاص استنفذت اغراضها ودورها
وجهزوا بواسطه ثوش فاصل اعلانى (موضوع الثورة ) ودا طبعا موضوع براهو
ودردقو لينا حمدوك وهم اصلا مادايرنو وزير لكن عارفين نفسيه الشعب العاطفيه
والشعب استلم وشرب المقلب
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: Asim Ali)
|
Quote: نعم الكيزان قرروا انو انقاذ1 خلاص استنفذت اغراضها ودورها
وجهزوا بواسطه ثوش فاصل اعلانى (موضوع الثورة ) ودا طبعا موضوع براهو
ودردقو لينا حمدوك وهم اصلا مادايرنو وزير لكن عارفين نفسيه الشعب العاطفيه
والشعب استلم وشرب المقلب |
معنى كلامك دا الثورة كوووووولها مسرحية بما فيها من شهداء و جرحى و مفقودين .....
مبالغة و الله يا عاصم .....
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: ABUHUSSEIN)
|
Quote:
معنى كلامك دا الثورة كوووووولها مسرحية بما فيها من شهداء و جرحى و مفقودين .....
مبالغة و الله يا عاصم .....
|
ما كدا يا ابوحسين
انما كانت خيارات الكيزان ونظامهم التعامل مع الثورة كتطور طبيعى لحراك الجماهير
لكن فى واقع انو انقاذ1 وجيلها خلاص اتحرقو ولا بد ليهم من تغيير جلد النظام فى لتظهر نسخه جديده
من المظاهر القلقه كانت ظهرو كيزان (طبعا مهما كان اسم الكيان اصلاح ولا شعبى ولا غيرو كلو كوز وتنظيم واحد ) انو يكونو جزء من ثورة ضد مشروعهم الحضارى المزعوم
ثانيا اثناء العصيان المدنى والاضرابات فى مؤسسات وجهات استراتيجيه للكيزان وكان حتى يتم القبول فيها يتم فحص امنى دقيق حتى يتم التعيين يعنى زول منظم وبعد دا كلو يتفحص
دى كانت من علامات الاستفهاماللى قلتها فى مداخله لى فى الايام ديك
تجم المهنيين ذاتو وبالذات زى ناس الاصم علامه استفهام
لاحظ انو شله ثبادات الاحزاب الاجتمعت مع قوش من قرابات قوش ومصاهرى الترابى
كذكلك احمد ربيع .....الخ
ناس مامن رحم الشعب النضيف رجس حتى قرابه كوز بل كمان بلديات وقرابه خطوطها مفتوحه وبقوة عين
ثيادات جرت الشعب للاعتصام الكان القشه اللى قصمت ظهر الثورة بشراكه العسكر وخاصه تصريحات حميدتى فى معسكره لجنودو وقتذاك (معقول خطوة زى دى تكون برئيه)
.
مرة فى بوست للاخ ابو سن قلت فى مداخله
انو الثورة زى السيل الجارف للاسف الكيزان عشان يستغلوهو جهزو مجرى يحتوى ويتحكم فى مسار السيل دا
ودا البيحصل الان
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: Asim Ali)
|
اخى أبو حسين ، رديت ليك مكتوبك بالأحمر ~
لكن بواصل فى مواضيع الجماعة ديل كان ناس البنك الدولى كان إبراهيم مو كان غيرهم ..
***
إنجازات حمدوك التي فعلها في سنة الشئ الذي لم يقدر يفعله الكيزان في 35 سنة👇
١-ازالة اسم السودان من قائمة الارهاب وإعادة السودان للمجتمع الدولي.
الخيل تجقلب والشكر لحماد - أولًا لو ما الثورة مع العلم هو ما شارك ولا بحرف فيها خليه الإستشهاد
إسم السودان الذى ما زال مؤرجح بين الرفع والتنزيل - رفعه الشعب السودانى.
٢-اعفاء ٣٥ مليار من ديون السودان.
أول شئ الديون دى دخلوها الكيزان فى كروشهم وقالوا كيف بيوزعوها على بعض و
الشعب السودانى ما مسئول منها لكن لو كان عندنا رئيس جد وقتها دا المفروض يقوله وفى كل حال الخيل تجقلب والشكر لحماد - وريني وثيقة واضحة وصريحة إنه عشان خاطر اوحتى غير خاطر حمدوك ، السودان تم إعفائه من كم من الديون
٣-إيقاف طباعة العملة.
ولا يوم واحد ، الرب رب ما قفت - قال بتاع إفتصاد ، المفروض يقوم بتعبير العملة خطوة أولى
٤- إيقاف تهريب الوقود والدقيق. ]
شهر ستة القريب كنت عايزة أطرشق لما رفعوا الدعم وحجتهم وقف التهريب - وعينهم للذهب يتهرب من باب المطار، ولأنه كلامه ما صحيح يحاربوا التهريب مش يرفعوا الدعم
٥- محاصرة التضخم وتخفيضه من ١٦٥ في العام ٢٠م إلى ١٠٣ في العام ٢١م.
أدينى وثيقة عشان ما أغالطك ساكت
٦- إيقاف تدهور الجنية أمام الدولار وإستقرار سعر صرف الدولار.
أبدًا ما حصل، الدولار مرتفع والأسعار طايرة السماء
٧- توقيع شراكات مع السعودية وفرنسا وأمريكا والمانيا ستأتي أكلها قريبا.
ما حصلت ولأنى ما مشيت فتشت ، إنت جيب لى الوثائق
٨- محاربة تجار العملة والحفاظ على استقرار سعر الصرف
برضه ما حصل - شوف العين تجار العملة قاعدين ومع جنجويدهم وغيرهم •• دى موضوع للبرئ ملحقا
٩-صيانة المحالج والقطارات الخ..
يعمينا ما شفنا محلج إشتغل ولا السكة حديد العملوها الانجليز عشان يسهلوا لى نفسهم وقتهارجعت والله أجيب ليك صورة محطة كريمة إلا تبكى
١٠- يسعى لعمل بورصة للصمغ والسمسم في السودان قريبا جدا.
يسعى •••😀
١١- حمدوك هو الداعم القوى للجنة إزالة التمكين .. وجعلها مدعومة دوليا.
هو رئيس الوزراء ما ضيف ،مفروض يكون مراقب عملها مش يوم يقول انا داعمها وتانى يرجع يقول واقف فى مسافة واحدة من الجميع.
١٢_ عمل على توحيد قوى الثورة وقوة الحرية والتغيير للحفاظ على الإنتقال الديمقراطي.
ديل جابوه عديل - مشى السعودية قال ما أدونى برنامج . وهو قاعد قبل الإنقلاب - نص مشى اجتمع وياهو حركت القصر وبعدها جاء الإنقلاب
١٣- اعادة مشروع الجزيرة
المهزلة - ما فى شئ حصل ليوم الليلة
١٤- جلب قطارات و تشغيلها
وينها
١٥- توفر الدقيق
ما حصل كله لكن لو فى شواويل إنت شفتها ما بغالطك والله
١٦- توفر النقد بالصرافات و البنوك
الصفوف الصفوف أظنك ما شفتها ، والله الشعب السودانى صبر عليه جنس صبر
١٧- توفر الوقود
كان إنت متأكد ما بغالطك -
١٨- وقف الصراعات الاهلية
دى مهزلة المهازل - خلى الجنجويد ولوردات الحرب يتشاوروا ويتفقوا تحت التربيزة وكل يوم مجموعة مرتزقة تدخل السودان ، ومن كثر عدم خجل منى ميناوى ، جاء وقال جيشه لسه فى ليبيا ما قادر يطلع يعنى شنو ما داسى إنه لورد حرب ومتعهد مرتزقة!
٢١- صيانة و تشغيل محطات النفط
ما حصلت ، غير إنه فصل الخبرات عشان يشغل بتابعين حركات السلام
٢٢- تحرير الفشقة
قصة الفشقة دى طبعا لذيذة شديد. جاء راجع من زيارة لإثيوبيا قال منطقة الفشقة حتكون منطقة تنمية وشنو وشنو ويتكلم بغموض ،. طوالى خطر فى بالى إنه ابى احمد الفالح غشاه واتفق إنه يعملوها منطقة مشتركة بين البلدين أو يضيفها لإثيوبيا والجيش المرتزق يقتل فى الشعب السودانى بدل يحرس الحدود.
٢٣- و هنالك 105 ملف بتربيزة حمدوك تحت التنفيذ و الدراسة تدعم مصلحة الدولة
ممكن صور الملفات دى وفيها شنو ، هو الشعب عارف أى شئ، إلا تكون ملفات مصالح الآخرين
ولسه خلال العامين المقبلين سينجز الكثير .
سنتين شنو - إنت نقلت كلامك دا بعد أنا خرفت خلاص
#مدنية_قرار_الشعب
فعلا مدنية قرار الشعب، ومش وزراء مدنيين- نظام دولة مدنى والعافية درجات لما نصل مدنية كاملة
#شكراً_حمدوك
دى برضها تكون بعد أن أصابنى الخرف، حيث الشارع حى
#أي_كوز_ندوسو_دوس
أتفق معاك 100%
#حاربوا_المنظومة_الخالفة_للهالك_الترابي
ما شفت لقاءه مع غازى صلاح الدين داك، بتاع الشعبى
••••مالك ما جبت سيرة كيزان المؤتمر الوطنى المدخلين الجنجويد فى بطنهم
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: هدى ميرغنى)
|
Quote: سلام للجميع ~
تحياتى أخى أبو حسين،
دخلت اللستة تبعك ديك فى قالب ، طلعت لى الردود الحمراء الجميلة دى
لأنه لو مسكتها واحدة واحدة بخلصها فى العيد.
😀 |
بتنا هدوية فعلا انتي زولة براية دي ما بتغالطو فيها اتنين
لكن حمدوك دا ماااااا بتقدري عليه فحقو توفري جهدك و وقتك
و تعالي نسجلك معانا في فريق (شكرا حمدوك) ... 🤣🤣🤣
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: هدى ميرغنى)
|
Quote: تحياتى الأخوان حسن فرح (وكثير الاسف لو كنت بكتب إسمك خطأ)وأبو حسين (شيعى إنت 😀)
معليش من أمس الموقع ما مستقر عندى ، أواصل بإذن الله لما الأمر يستعدل |
تحياتك قبلناها و ليك ضعفها
عل طربقتك دي ما عرفناها اصلها فيك و ل اصابتك لعنة حمدوك .. 🤣🤣🤣
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: Hassan Farah)
|
تحياتى الأخوان حسن فرح (وكثير الاسف لو كنت بكتب إسمك خطأ)
---------------------------------------------------------------------------
ولك الف تحية بنتنا هدى ميرغنى
نعم انا حسن وربنا يكفينا شر الحسانية ههههه
امتعتينا بالحكى الخفيف اللطيف ان شاء الله المخلايا لسع فيها عقاب منو
| |
|
|
|
|
|
|
|
|
|
Re: إغلاق قضية تفجيرات سفارتي الولايات المت� (Re: هدى ميرغنى)
|
تحياتى والإحترام اخ حسن فرح وأخ أبو حسين~ .
الموضوع الجاى فكرة إقتصاد “Chicago Boys”
حمدوك وابراهيم البدوى وهبة جوا خصوصا لتنفيذها ، رغما إنه الخطة كانت شغالة بالدس دس فى عهد القاتل البشير
عشان كدا كانوا عايزين حمدوك من زمنهم داك.
*إنتوا هبة لسه مع الدباب؟
| |
|
|
|
|
|
|
| |
Hassan Farah
ABUHUSSEIN
هدى ميرغنى
Asim Ali
فيس بوك
تويتر
انستقرام
يوتيوب
بنتيريست