برنامج أغاني و أغناني زي امتحان الفيزياء في الشهادة السودانية في الصيف
غلطتين خلال 9 أيام في برنامج جماهيري و عمل في ظروف لا نعلمها أكون احرز الدرجة الكامة 98% ( A ++ )
أول تجربة في برنامج ناجح خلف عملاق و موسوعه يعني الشاب مصعب معذور للهفوات
خلال 9 ايام و بتعرف و بتفرز شاعر ود رواه من شاعر ام درمان معقول ما لقيت و لا زهره واحده تثني بها علي الشاب مصعب
بدل رساله عاجلة كان تقول عمل جميل و جهد مقدر و الجايات اكتر من الريحات يا اخوي مصعب لا تستعجل في ذكر الشعراء و الايام الجايه حلوه ليك و تبشر بمستقبل زاهر و نجاح و خير خلف لخير سلف ، مش تشوت ضفاري
ياخي السودان ده اطفش الجن ، ناس شغاله انتقاد في سياسة في فن في عرس تاني مافي زول نهائي قاعد اشكر ، الله ادينا حسن الخاتمة
عاد يا ابوهاشم تحويني من الهجمات المرتده
الزبير الختمي
04-10-2022, 09:20 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
بالعكس تماما انا شخصيا من المعجبين بمصعب الصاوي واعتبره من أميز مقدمي البرامج في السودان كله وهو غير المذيعين السذج والسطحيين والخاوين المالين البلد
وبرضو إنا من الناس الرشحو مصعب عشان يقدم البرنامج عشان انا عارف مين هو مصعب الصاوي وعارف مقدراته وثقافته الفنية والعامل
مع انه البرنامج ما فيه اي مطرب او مطربة حقيقي وحقيقة يعني كلهم مجرد مؤديين فقط لكن برضو نشكر لمصعب الجهد المبذول
بعدين يا عمنا الختمي
عشان تعرف من شاعر الأغنية او مين ملحنها شغلانه في غاية السهولة أثناء اعداد اي برنامج يعني بتلقي اسم الشاعر والملحن والمغني مكتوب في مكتبة الإذاعة او التلفزيون ولو ما كان متوفر ممكن تسأل وتعرف
ما شي صعب عشان النتيجة تكون غلطة زي دي
04-10-2022, 09:46 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
أبا ذر والختمي حياكم الغمام يا أخي، مصعب دا غلطاتو عندنا مغفورة، حاولت ألقى شاعر الأغنية عبر غوغل يمكن يكون أبو ذر أول زول يربط خوجلي الشاعر بالأغنية دي في النت شكراً يا شاعر يا أبو ذر، هل في فنان سوداني غنى للشاعر أسامة الخواض؟
04-10-2022, 09:57 AM
زهير ابو الزهراء
زهير ابو الزهراء
تاريخ التسجيل: 08-23-2021
مجموع المشاركات: 8144
مصعب الصاوي تحمل مسئولية تقديم البرنامج دون معرفة بالكثير عن تفاصيله وخاصة المادة التاريخية وكيفية الاعداد ومن اين يبدا في البحث عن تاريخ الاغنية السودانية مصعب اعلامي له رصيد جيد ولكن تجربة اغاني واغاني مختلفة عن برنامج اغنيات من البرامج هذا اغنيات من البرامج يعتمد علي الذائقة السمعية واغاني اغاني بحث في تاريخ الاغنية بشكل عامة ورصد تتطور تاريخ الاغنية السودانية عليه اقترح ان نترك للرجل الفرصة لتطوير مادة البرنامج وعسي ربي يوفقه
04-10-2022, 10:20 AM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
يوم في نهاية الستينات كان شاعر الأغنية دي عازم ثنائي العاصمة في ودراوة وخلال ايام الزيارة دي، صديق الشاعر عزم الجميع في بيته وهو جارنا مباشرة، اسمه مهدي محمد طه الله يرحمه وكانت جلسة مشهودة نحن أطفال لسه ما دخلنا المدرسة وكنا بنعاين من فوق الحيطة
وبعد كبرنا ما اتيحت لي الفرصة الاقي الشاعر حمزة خوجلي الا مرة واحدة فقط في نهاية التمانينات لانه كان مشى سلطنة عمان وما كان بجي السودان كتير
اخوه الأصغر كان دفعتنا، اسمه عبد المطلب خوجلي
04-10-2022, 05:41 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
Quote: عشان تعرف من شاعر الأغنية او مين ملحنها شغلانه في غاية السهولة أثناء اعداد اي برنامج
غايتو إذا كان الشغلانة شغلانة الإعداد، فالحلقات المقدمة حالياً من برنامج أغاني وأغاني هي من إعداد المرحوم السر أحمد قدور. مصعب الصاوي دوره لا يتعدى تقديم البرنامج فقط.
04-10-2022, 10:46 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
يا مستنير في خطأ في إعداد البوست دا. حيث لم يتم التحقق من معد حلقات برنامج أغاني وأغاني وهي شغلانه في غاية السهولة أثناء اعداد اي بوست😜. فهل شاعرنا الجميل أبوذر بابكر، الذي غلطاته عندنا مغفورة، هو معد البوست أم ان دوره محصور في تقديم البوست فقط؟
04-10-2022, 12:38 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3486
ابوذر وشركاه الصلوي مختص بالنقد الفني والتوثيق ويكتب عن الفن والفنانين منذ عام ١٩٨٨ وهو طالب في الثانوي يعني لديه مرجعية معلومات حاضرة . زي ما قلت هو اكثر زول قعد في ارشيف الاذاعة . لان الفهرسة معدة بطريقة فنية وجميلة وسهلة فيها كل المعلومات عن اي شىء. ارشيف الاذاعة السودانية مثل ارشيف الBBC ان لم يتفوق عليه. الراحل قدور الله يرحمه مان رجل المعي ويتمتع بذاكرة فوتوغرافية عجيبة الصاوي قبل المهمة العسيرة ويخلول ان يبعد عن طريقة السر قدور ... لكن هو يقدم اغاني واغاني على طريقة برنامجه( اشرعة) .. نحن بنعذره لكن اصحاب الشأن في اسرة اسماعيل خورشيد لم تتقبل الامر. قبل كدة انا شاهدت وسمعت في التلفزيون اثنين من مقدمي برنامج وهم ممثلين تقريبا جمال حسن سعيد محمد موسى ومعاهم مطرب معروف .. اتكلموا عن( الطير المهاجر) وقالوا : اظن شاعرها ( اسحق الحلنقي) المهم قفلت التلفزيون
04-10-2022, 05:58 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة