3 من مسانيح 9 طويلة هاجموا سائق الدفار ومندوب المبيوعات وهددوهم بالمسدس والسواطير. ومن شدة البلادة كانوا ناسين المساعد الشفت الراكب في التندة . وفي لحظة دايرين يملصوا من المندوب الشنطة المردومة قروش. قام المساعد شتر المهاجم باللمبوبة. كااااااااك. أول مطر أنابيب تمطر عليهم ك طير ابابيل. غايتو هسع المهاجم قاعد يسأل في الدكتور : انا منو ؟
04-04-2022, 03:28 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الأخ صديق سلام اسمع يا اخوي لو جيت السنة دي من اريزونا اوعك تجي بدون ما تجيب معاك امبوبة. اي هبشة في جيب الجلابية الانصارية جناح ام جكو ام دولارات كتيرة. طوالي تقوم تفك فيه الانبوبة. يازول لابد تعمل حماية.
04-05-2022, 01:50 AM
Mohamed Doudi Mohamed Doudi
تاريخ التسجيل: 01-27-2005
مجموع المشاركات: 3896
الأخ محمد سلام لكن نفس المشهد حدث في منطقة دار السلامات . عاصمتنا المثلثة الان هي وطن الاكشن. حصل يا اخ محمد شفتليك 9 طويلة راكب سيارة جديدة يختف تلفون من شاب راكب موتر سايكل؟ برضو المشهد حصل النهار في امدرمان . وما كان من سيد الموتر الا ان يفك طلقتين في لساتك العربية البوكو الجديدة . صاحب العربية حاول التفحيط والهروب على عجل الحديد. لكن ما كان بليد حيلة.
04-05-2022, 04:09 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
فيلم الليلة حصل في وضح النهار بسوق ليبيا في صنانة الساعة اتنين . عمك من عرب الشبابيش في التمانين من عمرو . يتكلم مع سايق لوري في الضعين عن موعد وصول شحنتو. وكف جاتو ال 9 . و عمك فوووو كشح فيه العكاز زي كشحو للارانب. جابو الواطة ابلكاشة. الموتر طاير في الهواء وجماعة ال 9 تجندلوا زي الجلود. وزول الضعين يسوي في الووو و.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
صديق مهدى على
Mohamed Doudi
فيس بوك
تويتر
انستقرام
يوتيوب
بنتيريست