2 أبريل 2014 ـ 2 أبريل 2022 : 8 سنوات على رحيل شاعر الشعب الشريف محجوب

مرحبا Guest
اخر زيارك لك: 03-28-2024, 03:22 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-02-2022, 09:34 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
2 أبريل 2014 ـ 2 أبريل 2022 : 8 سنوات على رحيل شاعر الشعب الشريف محجوب






                  

04-02-2022, 09:35 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

    يابا مع السلامة

    يابا مع السلامة يا سكة سلامة

    في الحزن المطير

    يا كالنخلة هامة

    قامة واستقامة

    هيبة مع البساطة

    اصدق ما يكون



    راحة ايديك تماماً متل الضفتين

    ضلك كم ترامى حضناً لليتامى

    خبزاً للذين هم لا يملكون

    بنفس البساطة والهمس الحنون

    ترحل يا حبيبي من باب الحياة لباب المنون



    روحك كالحمامة بترفرف هناك

    كم سيرة وسريرا من حولك ضراك

    والناس الذين خليتم وراك

    وعيونم حزينة بتبلل ثراك

    ابواب المدينة بتسلم عليك

    والشارع يتاوق يتنفس هواك



    يا حليلك حليلك يا حليل الحكاوي

    تتونس كانك يوم ما كنت ناوي

    تجمع لم تفرق بين الناس تساوي

    نارك ما بتحرق ما بتشد تلاوي

    ما بتحب تفرق من جيبك تداوي

    الحلم الجماعي والعدل اجتماعي والروح السماوي

    والحب الكبير



    في الزمن المكندك والحزن الاضافي

    جينا نقول نفرق نجي نلقاه مافي

    لا سافر مشرق لافتران وغافي

    وين عمي البطرق جواي القوافي

    يا كرسيه وسريرو هل ما زلت دافي

    يا مرتبتو امكن في مكتبتو قاعد يقرا وزهنو صافي



    يا تلك الترامس وينو الصوتو هامس

    كالمترار يساسق يمشي كما الحفيف

    كم في الذهن عالق ثرثرة المعالق والشاي اللطيف

    تصطف الكبابي اجمل من صبايا

    بينات الروابي والضل الوريف

    احمر زاهي باهي يلفت انتباهي

    هل سكر زيادة ام سكر خفيف

    ينده للبنية يديها الحلاوة

    والخاطر يطيب

    يدخل جنو منو محبوب الشقاوة

    يستنى النصيب



    الدفو والنداوة السنا والعبير

    كالغزلان هناك في الوادي الخصيب

    حيث الموية عذبة والغصن الرطيب

    كم تحت المخدة اكتر من مودة

    للجنا والغريب

    عش وعشب اخضر جدول من حليب

    يابا ابوي يا يابا

    الشمس البتطلع بلت منو ريقا

    والنجمة البتسطع فيه تشوف بريقا

    الندى في حركتو يطفيها الحريقة

    ننهل من بركتو زي شيخ الطريقة

    شاييهو وطرقتو والايدي الصديقة

    يلا نسد فرقتو حب الناس درقتو

    يا موت لو تركتو مننا قد سرقتو

    كنا نقول ده وقتو لكنك حقيقة



    النفاجو فاتح ما بين دين ودين

    نفحة محمدية دفئاً كالضريح

    ميضنة كم تلالي جيداً في اليالي

    مجداً في الاعالي

    مريم والمسيح



    قلباً نبضو واصل ما بين جيل جيل

    ما بين كان وحاصل او ما قد يكون

    ما بتشوف فواصل الا الذكريات

    وآلام المفاصل بعضاً من شجون

    يابا مع السلامة يا سكة سلامة

    في الحزن المطير
                  

04-02-2022, 09:36 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

                  

04-02-2022, 10:42 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

                  

04-03-2022, 02:36 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 4298

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)


    *يا اللي بتسمع والما بتسمع
    -
    يا اللي بتسمع والما بتسمع
    لازم تفتح أضانك وتسمع
    صوت الشارع لمن يدوي
    كل قلاع الخونة بتهوي
    وكل جباه الكهنة بتركع
    وشمس الحق السرقو شعاعها
    بكرة بأمر الشعب بتطلع
    ياللي بتسمع
    والما بتسمع
    نحن أسودا ما بتِدجن
    ونحن سدودا ما بتهدّن
    ونحن جبالا ما بتِتصدع
    لملم ناسك ولحمة راسك
    وارفع ايدك عننا ارفع
    يا اللي بتسمع
    والما بتسمع
    لو بي بنادقك ما بترهبنا
    ولو بى خنادقك ما بترعبنا
    *****
    والتاريخ يا جاهل بيشهد
    والأيام لسع بيناتنا
    وكل الحق الضايع بيرجع
    يا اللي بتسمع
    والما بتسمع
    أسأل كل العسكر قبلك
    وكل الحاول فكر متلك
    الاستأسد والاتنمر
    مهما استعلا ومهما استكبر
    برضو في يوم الغضبة بيهلك
    وبيلقى مصيرو نفس المصرع
    واننا نحنا أمة عظيمة أصيلة
    لينا خصايص ما في مثيله
    وفينا طباع بالفطرة نبيلة
    والاسلام ما جانا الليلة
    ولا أخلاقو علينا دخيلة
    الايمان من بدري سبيلنا
    والقرآن في الصدر دليلنا
    أنقى وأرقى وأسمى وأرفع
    يا اللي بتسمع
    والما بتسمع
    نحكي اليك لو كان ما بتعرف
    حاجة بسيطة عن ماضينا
    نحنا رضعنا الثورة رضاعة
    وبالوطنية أنِحنا ربينا
    التدجيل ما بنفع فينا
    والتضليل ما بيمشي علينا
    أنِحنا عبرنا السكة مشينا
    وشفنا عدونا وشفنا صفينا
    وما بنهاب لا سيخ لا مدفع
    يا اللي بتسمع
    والما بتسمع
    الانقاذ ما بالدبابة
    ولا أحلام شايلاها سحابة
    ولا أوهام عالم كضابة
    ولا أرقام خاوية وخلابة
    والاصلاح ما جربندية
    الاصلاح ما بالزندية
    الاصلاح عدل وحرية
    الاصلاح موضوع وقضية
    الاصلاح عزقة وطورية
    يا اللي بتسمع
    والما بتسمع
    نحن اولاد الوطن الواحد
    متسامحين من يوم ما قمنا
    عشنا حبايب ولسه حبايب
    ما اتخاصمنا ولا اتصادمنا
    فينا مساجد بي تهليلا
    وفينا كنايس بي انجيلا
    وفينا معابد يسرج ليلا
    ربنا واحد وشعبنا واحد
    وحبنا واحد ودربنا واحد
    يا اللي بتسمع
    والما بتسمع
    دايرين نختم نحن كلامنا
    ودايرين نحسن نحن ختامنا
    للأحرار نديها تحية
    وللثوار تعظيم وسلام
    نحن الفوق الشمس مقامنا
    ونحن جبين الشمس مرامنا
    ونحن وقود الحارة ونارها
    ونحن منية الباغي سهامها
    الا ارادة المولى ارادت
    حكمت فينا وفي حكامنا
    بعد ما أزهري كان هو زعيمنا
    بعد الدرر الزانو زمانا
    جات البقرة عشان تحكمنا
    والرقاص بقي يكلمنا
    جل جلالة الملك الواحد
    يأتي وينزع
    ويعطي ويمنع
    ويخفض ويرفع
    يا اللي بتسمع
    والما بتسمع
    يومك قرب يا ظالمنا
    وبكرة حناخد منك تارنا وما بنرجاهو حساب الآخرة
    داكا حسابا من غفارنا
    يمكن يصفح ويمكن يسمح
    ويمكن يعدك من أشرارنا
    الا أنِحنا حسابنا براهو
    يوم الحارة بنوقد نارنا
    تحصد كل الداسو حقوقنا
    تحرق كل الخربو ديارنا
    دايرين نعرف وين شهدانا
    دايرين نعرف وين أبرارنا
    والآلاف الشردتوها من خبراتنا ومن أخيارنا
    والمؤتمرات الدبلجتوها من اخوانا ومن اعمارنا
    نحن عرفنا البئر وغطاها
    ونحن خلاص قررنا قرارنا
    ونحن حنضرب كل العملا
    ونحن حنصلب كل الجهلا
    ومن الباغي حناخد تارنا
    وعالية ترفرف راية العزة
    وغالية عزيزة حترجع دارنا
    ونور الفجر القادم يسطع
    يا اللي بتسمع
    والما بتسمع .

    محجوب شريف

                  

04-03-2022, 08:25 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: هدى ميرغنى)

    سلام على الشريف محجوب في الخالدين
                  

04-03-2022, 09:46 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: Yasir Elsharif)

    تحياتي يا هدى

    ولروح الشريف محجوب السلام والسكينة والمحبة
                  

04-03-2022, 09:51 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

    تسلم يا ياسر

    وفي الخالدين شاعر الشعب
                  

04-03-2022, 10:31 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

    هذه سيرة ذاتية لها

    تلك الغويشايه


    هجين الدبلة و الخاتم
    سلالة كم وكم حاجة
    متل السترة وهاجة
    بختم الدولة لا حولة
    بأوراقا الثبوتية
    صبحت في خبر كان
    للي كانت ليها محتاجة
    المسيكينة
    ما تسألني كم تمن الغويشاية
    بل جاوبني كم تمن الطمأنينة
    دخري الحوبة للقمرية
    حبة عيش و قشايه
    غويشايه
    تدسدس فيها و تخبي
    يعلم الله بتربي
    علي كل المهن طافت
    من عين الفقر خافت
    بس عين الصقر شافت
    صقر لابس لبس حربي
    وختم الدولة لا حولا
    بأوراقا الثبوتية
    في هنداما متخبي
    صبحت في خبر كان
    للي كانت بيها فرحانه
    المسيكينة
    غويشة مي و مريومة
    تماما زي حمامايه
    لم تعرف لها زوجاً
    ولم تعرف لها تومه
    وحيدة وجوه عشايه
    بتاتاً لم تساسق
    في الطريق العام
    و لا في الحلة قوقايه
    و تب ما للتباهي
    و لا لزوم القدلة والزينة
    هي المختوتة لي يوما
    المدسوسة للحفلة
    المحروسة من غفلة
    الموروثة في الخاطر
    المخصوصة للممكن
    يكون باكر
    كتير الحمي تتسربل
    مسام البيت
    وتسكن في ضرا النومة
    و كم تتعثر القومة
    كتيرا ما
    كتيرا ما
    كتيرا ما
    ككل الناس
    تتم الناقصة بالموية
    و تبقي السترة عشايه
    غويشايه
    غويشة السترة والحوبة
    ومن تعب التي ظلت
    ترتق بالصبر توبا
    تفتق وردة السترة
    التبتق في بنياتا
    وتعتق ذكري حبوبه
    غويشايه
    وفر من سكرا وشايا
    وفر من كسرتا و زيتا
    و كم من باقي ماهيه
    يشيلا السوق كما هي
    بلا سكة رفاهية
    ولا حتة قماشايه
    تساسق مكتبا و بيتا
    كما كل الأفندية
    حبيبة فول وعيشايا
    تساهر إبرتا و خيطا
    مكنتا من زمن ياما
    تحت الداما دوارة
    و كل زرارة نوارة
    تفرهد في قماشايا
    تخليهو القديم لنجي
    يبقي المافي من مافي
    و يبقي البلدي أفرنجي
    تقول للذلة حاشايا
    أما العبد للاهي
    فزوجاً ليس باللاهي
    قلبي الجمرة واطيها
    و ماني محلقاً ساهي
    و لا متملقاً أحداً
    و لا متعلقاً أبداً
    بأموال و لاجاه
    طول العمر ماهية
    بقت حزمة معاشايه
    أخيراً أصبحت ورقة
    وما بتسد فرد فرقة
    المنديل تمن طرقة
    و الصقر إن وقع كتر
    الباتابت عيب
    ضرا و درقة
    لذلك يا رضي نفسي
    حزمت الأمر من أول
    ما بالخوف بنتحول
    و لا بنجوع بنتسول
    أكيد عمر الكلام أطول
    قصير العمر لو طول
    أحب الكلمة لو حُرة
    أحب السترة لو مُرة
    أعاف الشينة لو دُرة
    أحب العفه بت أمي
    حليب السترة في فمي
    دبيب النملة في دمي
    وكت تلقالا عيشايا
    تجر جرياً وأباريها
    وما بتضل طريق الصف
    للمخزن
    و لم تأذن لنفسها
    تنفرد بيها
    ولم تأذن
    ولم تحزن علي ذلك
    ولم تحرن
    وبعض البعض قد ذهبوا
    الي من عنده ذهب
    و بعض البعض قد مالوا
    الي من عنده مال
    ولكن من ستر حالو
    يمين الله قد نهبوا
    الا ما اشرف النملة
    الا ما اشرف النملة
    و تباً للضمير
    لمن يصير خملة
    فيا لصاً حكومياً
    بختم الدولة لاحولا
    بأوراقا الثبوتية
    بكل ملابس الحملة
    عمل عمله
    عمل عمله
    عمل عمله
    عفيت لو بقت سكر
    وشاهي و زيت
    عفيتك لو كسيت أمك
    صرفت روشتة الوالد
    وراحت في إيجار البيت
    وأقول ياريت
    إذا فرحتهم بالحق
    أقول يا ريت
    عفيتك .. لو ولكنك
    دا ما منك
    دا ما منك
    دا من حال البلد ذاتا
    حراباتا و حزازاتا
    ناس السلطة ناساتا
    ناس فوق و ناس تحت
    تحت الأرض أقرب لأمواتا
    ضاقت ولما استحكمت حلقاتا
    ياللاسف ... كم من ولد فاتا
    سهولا، جبالا، غاباتا
    ونيلاً جاري
    في حزة مفازاتا
    هديك لجة موانيها
    و فوق رحمة سماواتا
    ضاقت و لما استحكمت حلقاتا
    كم من ولد فاتا
                  

04-04-2022, 12:56 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)
                  

04-04-2022, 01:00 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

                  

04-17-2022, 04:11 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 4298

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: عبد الله حسين)

                  

04-17-2022, 05:46 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 4298

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: هدى ميرغنى)


    بقلم: فضيلي جماع
    الخميس, 03 نيسان/أبريل 2014 06:38


    =============
    أهكذا الرحيلُ خلسةً..
    يا عُودَ صندلٍ القصيدٍ؟
    هكذا نودِّعُ الملاحم المصادمات فيك!؟
    يا شريف أمةٍ توشّحت سوادها
    وذرفت بحار دمعِها عليكْ!
    رحلت مثلما أتيت للحياة..
    طاهراً وناضراً
    وحبّك الحفاة والجياع
    كان كل ما لديك!
    رحلت مُعدماً ،
    لكنك الغنيٌّ بالعفاف والكفافِ
    كنت شامخَ الجبين صامداً
    كنخلةِ سامقةِ على الضفاف!
    وكنت يا حبيب شعبنا
    إذا ادلهمّ ليلنا
    أضاء شعرُك البلاد
    هطلت سحائب القصيد منك
    أملاً وحلماً وزادْ
    وبشرت بوطنٍ
    هو السلام والوئام !
    ويا نشيد وطني الجريحِ
    يا صديق راية النضال
    يا جذاذة الوترْ
    يظل النهر هادراً وفي ضفافه..
    نعانق الحياةَ
    أو نموتُ واقفين كالشجرْ !!

    لندن- 2/ أبريل/2014



                  

04-17-2022, 06:20 PM

عبد الله حسين

تاريخ التسجيل: 08-08-2009
مجموع المشاركات: 3827

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 2 أبريل 2014 ـ 2 أبريل 2022 : 8 سنوات على رحيل شاع (Re: هدى ميرغنى)

    تسلمي يا هدى

    والتحية لروح شاعر الشعب الشريف محجوب في عليائها
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de