πمن أغوال الغايد الملتهم جنرال باش بُزُغ دقلو£

∆ دايرين«نندهسها» مناسبة بزغان نجمه
في الٱفاق لكي نتابع خطب رجل بهذه الغامة،
متحدث لبغ و خطيب مفوه لامن لسانو فلغة
متبري منو و السامع منو أي درر علينا جاي.

[}صديق مهدي أنت جادي بالله يا حبوب
غايتو عليك جنس بوليييغ.. تشبكني مع هذا
الجيل.گيف و قبال ميعادنا بي سنتين ..أبيتو
أنا و أباني البيت.. و أغالت نفسي في إصر.. و
أقول: يمگن أنا الما جيت!لكن كلا ،بل نحن هنا
و أنت مستثنًى بخفقة قلبي الملتاعٍ
و منصوبٌ انا على تباشير أنفاس الصباح ،،
و أنا اسم إشارةٍ قد بُنيتُ على سكونٍ الليل هجوعاً
و السهرُ حُمَّى .. و الأنامُ نيام .. فدعك ممن هجروا
البيادر دونما رجعةٍ ..أيا نورساً عائداً دونما نية رحيلٍ!
هلَّا تقاسمنا معاً «عشاءً أخيراً»على فطيرة حنطة ومزاجها
زنجبيلٍ.. مخبوزة بعرق جبين فتى أشعث أغبر يقال له:
ود اللصيل!!فهاك يا ضلنا المرسوم على رمل المسافة.. و
شاكي من وعثاء الطريق وكت الله جابك و يجيب عقابك.
عمومن هاك دي خستكة صباحية يمكن تورينا بياض سنونك:
هل سيصلحُ العطَّارُ ما أفسدَه دهر تولى و هل يا بثين يعود!
[} فلا تستَعْجِبْ! فنحن مجبولون على أن نكتب لگل جيل ..
صابنها هنا إن تحمل علينا نكتبُ أو تتركنا نظل كتبُ.حتى
لمجرد أن أعبثَ بعذرية صفحاتي.. قلمي بمثابةِ..فرشاتي
.. و نصوصي هدير طواحين أنينِ معاناتي .. و خطوط
كفافي على القرطاس البكر تمنحني وسادةً خاليةً
لتمتص دموع صباباتي.

[} لمن لا يهمه الأمر..ولا يأبه گثيرا إن كان ما يصنع خيراً أم يتأبطُ شِّراً
إلى من عاشضميراً مستتراً "بين البينين"أو كان بعيداً عن نظري..إلى من شبَّ
على سماع الدُرر و لكن في باطنه شَابَ على نشر الضرر، لا يحتاج منك لأي عذر/
و لا تأبه بإعطائه أي مُبرر/ لمن ربما يهمه و لكن يستعصي عليه الأمر .. لا تشكو
أحداً و انأَ بنفسگ عن ملاعنة الدهر و إياكَ أياكَ أن تنحسر/ كل ما هنالك أنك
تظلُّ تريدُ (حَلَّنْ) حتى تجد ضالتك، لتنجز كل ما تريده قبل ما يضيع العمر".

<<< ود ال حي شان ال تلاتة>>>
مؤذن محجور منزليا بجزيرة مالطا

هنا طائفةٌ منتقاةٌ من اغوال الغايد حميرتي:
الملغب بمحمد حمدان دقلو حميدتي 😂😂
#يا جماعة نحن هدفنا.... ما عندنا هدف
#حجر العسل من الأحجار الكريمة
#تلصق الطين في الكرعين ما ببقي نعلين
#الله قال ( صاحب العقل بميز )
# قال الرسول ص ( البيان بالعمل )
#نقول كورة لبن واندفقت
#إذا دعتك قدرتك إلي ظلم الناس فالكلام ده ما كويس
😂😂😂#
#دي النقعة ودي خيل النجعة
#لو في زول هنا عايزة مدنية يرفع يدو
#السودان دا بقى زي الجلابيه المشمشه محل تمسكو ينشرط
#زمن الغتغتة والدسديس انتهي
#كل شي بلغانون
#ياجماعة التنمية نوعان تنمية الدولة وتنمية الدعم السريع
#بسم الله معليش
#دور البابور
#الناس تسكت عشان تسمع كلمة تستفيد منها
# بكلم ليكم وزير القراية

#نحن اي زول نبركو في الواطه دي بي بلغانون
#برهان مشغول لكن بسسسسلم عليكم
#المتغطي بالايام عريااان
#الكلام ده جابو لي مكتوب ما حقي
احسن اقول ليكن كلامي
#قال رسول الله ص (خزلوني الشياب و نصروني الشباب)
#المابياكل بي يدو مابشبع
#العرجا ل مراحا
#لازم الفرصة نندهسها المقصود ننتهزها
#قال الإمام مالك قال اكتل التلت عشان الباقين يعشو في سلام وأمان
وقالو الناس المتشددة تكتل ٥٠ في المئة عشان الباقين يعشو في امان
#اتشحنا معنويات
#نكون حيكومه تكنو قراط 😂✌
#البعوضه لمن تنوني في اضانك بتحميك النوم
#بنقعد معاكم تحت الشدرة
#والله والله اهم حاجه عندنا معاش الناس
#كان عايزين نخربا كان خربناها عود وعمود
#العندو موس يحلق دقنو
#يخوانا والله والله نحنا مادايرين نحكم
#كل شي بالغانون
#ابشرو بالخير😆
اكتب تعليقًا...
انحنا اتو وانتو انحنا
الصيام يجب ان يكون اول يوم من ايام
رمضان و اكثرو الصيام في رمضان

o نكلم ليكم وزير القرايه يفتح مدارس الاولادوالبنين
o أنحنا هدفنا ماعندنا هدف
لازم نحترم الانثي سواءكانت زكرا او انثي
نعمل مدرسه للبنين والاولاد
o من صام رمضان كله كانه صامه كله
الفيروس اختر من الكرونا
إحنا هدفنا٠ماعندنا هدف ذاتو

* اقتطفناها لنضعها تحت مجهر الجرح و التعديل
و بما أن الإنسان ابن بيئته ، فلا ننكر للرجل قدره
بأنه قادم ٌمن بيئة قبليبة رعوية وريفية ثرةً برصين
المعاني و الحكم البالغة والأنيقة بكل بسااطتها.
فمثلاً استوقفتني كثيراً قولهم:"دليباية ما عندنا ليها بعارة"
فهي تعيدني شخصياً إلى بيئتي التي لا تقل بداوةً عن نيالاً و
و فاشر السلطان و زالنجي و الجنينة حاضنة التعايش السلمي
في غربنا الحبيب، و حدث كذلك و لاحرج عن ربوع
كردفان الغرة أم خيرن جوة وبرة.

أما عندنا في بيئة الأواسط، حيث الطيانة الترابلة
وصاعدي النخل" يا طالع النخلة جيب لي معاك بقرة"
فلا تخلو ثقافتنا هي الاخرى من تعابيرمقاربة،حتى و إن كانت
تصبغمها خصوصية اللفظ لاعموم القصد كان نقول لمن نراه متشبراً
"العاجباه روحو بيبلع اللالوب.. ولا يصرفولو براوي" و"روحو"
هنا فيها مجاز مرسل بإطلاق الكل مع إرادة الجزء وترك قرينة أو
قرائن مانعة منإرادة المعنى القريب.أوقولنا العندو مركب ب"يهر"
بضهاري الشرق. باعتبار الهوج أو الباجور من هنا و الشرق من
هناك يمثلان وجهين لعملة على ضفتَيبحرأزرق. فالمقتدر هو
البيعدي بهناك يطلع زي الناس يقضي حاجته و يرجع.

لكن تعالو خلونا نوجه صوت النقد مباشرتن للسيد/
محمد حمدان دقلوبأن ما يمارسة من جري و رحيح الوحوش
خلف فتات زعامة زائفة زائلةو كذلك ريضاضة قفزه بالزان من
مكانته سابقاً حينما كان هو و قطان حميرهيكرعان من فولة واحدة
إلى حيث حل بالأمس القريب ضيفاً عزيزاً مكرماًعلى مائدة زعيم
حدىأشرس قوتين عظميين في هذاالعالم الخرف.أوليس فيكلهذا و ذاك
مغالطة لمثل سائرٍ في ذات بيئته والقائل" أم جركم ما بتاكلخريفين".
ذلك بطبيعةالحال باعتبار ما كان ياوراً" Body-Guard"لولي
نعمته مخلوع النظام البائظ ، و تحكره اليوم نائباً على مقعد
رئيس "مجلس السوطة الانتهازي" الحالي أليس كذلك.

تعرف يا مهدينا الحكمة الما نطق بيها حميرتي
و هي منطبقة عليه ولازقة فوقو بس لزقة قِدة في
مخلوفة،بتقول: "سراق سرق سراق" وقبال ما نحن
نفسر و إت زاتك طبعن ما بتقصرحجيتك ما بجيتكك:
بي عمنا بلة ود حامد الرحَمة ليه ،يومو داك رابط
عراقيه بي دبارة و شغال لياس بي زبالة حميرفي أم
شانق حاج أبراهيم و كاناليوم دا يوم جمعة واللمة
مجتمعة في أنداية سوق أم شانق التانية، ود سعد.
+ فهفت ليو يمش يملأ قرنو، وبين أم شانقتين
في جبانة تُرب فعمي و هو شاقي المقابر ويدندند
"أنا الفي النيا ما مرتاح" لقى ليه قفة مكفية على خشما
و تتمرصع كأنها جانٌّ لامن قرب يولِّي دبره ولم يُعقب ،
إلا{إِنَّهُ فَكَّرَ وَقَدَّرَ . . فَقُتِلَ كَيْفَ قَدَّرَ.. ثُمَّ قُتِلَ كَيْفَ قَدَّرَ ثُمَّ
نَظَرَ .. ثُمَّ عَبَسَ وَبَسَرَ .. ثُمَّ أَدْبَرَ وَاسْتَكْبَرَ .. فَقَالَ إِنْ هَٰذَا إِلَّا
سِحْرٌ يُؤْثَرُ} لامن ركز و مشى عليها هبشا لقى تحتا عتود برَم
سمين و مربرب. طوالي عمنا طبقو في أباطو وواصل أول ما
دخل الإنداية الخادم أم خريسات كلتوماية الفدادية يووي زغرتت
أها، أخخدلو فوقاً قمزتين عرض و تبَّ و كررر سلَّ خوستو من
ضراعو وجخخ ضبح السخسل و سلخو و عطرابة الشية قجت.
+ أها في زولن في ركن قصيٍّ هنووك كان قاعد
يحادر لعمنا بلة بي مغسة شديدة و عينو حمرا و شرارة
ناداه:يا بلة العتود دا لقيتو وين. طبعن عمنا ناقشو: قاللو بتهكم:
وإتا مالك بتسعل، أها رايح لك عتودن موسمو براك بي قطفة
وعازلو من مراح بهايمك؟داك قاللو:لا،علا لاكين العتود هولي
تب وأنا كت ملبدو في الترب كت راجي لامن كراع الغاشي
والماشي تخف أقوم أغبي اللتر وأمش أجيبو هنا. عمنا قاللو:
خلاس يبقى"سراق سرق سراق"و نحنا عتلناه ليك هدا جبناه
ليك تميرات فوق راس فكي فتحين ياخوي بطل لولوة وأدن
جاي تعال نمخمخ ونمزمز سوا وأنسى وهمة حقك دي!

[} الشاهد أن حميدتي مثلنا خطف المايگ
من يد ولي نعمتهال{Oneman-Show}مخلوع
النظام البائظ، فهاهويعيش حالة من الغبن لا تخطئها
عين مراقب، داخليا و خارجيا جراء انحسار بساط الإمارات
الاحمر من تحت قدميه لصالح البرهان الذي بدأ نفوذه يتمدد،
و نذكّر بالطريقة التي كان يتحدث بها حميدتي عندما كانت
مليشياته تجوب قلب الخرطوم، وأنها تغيرت الآن بخطاب
يبدو مفعما باستدرار العواطف و استحلاب الدموع.
[}علما بأن أبو ظبي لديها قراءتها الموجهة خارجيا
بدورها، فكما تخلت عن مدير جهاز المخابرات الأسبق
صلاح قوش الذي كان طفلها المدلل هي الآن بصدد
التخلي عن حميدتي و گسر قلتها وراء ظهره.

[} گذلك بدأ حميدتي الآن يبحث عن علاقات مع قطر
وتركيا بعيدا عن الإمارات، كما بدأ يغازل الإسلاميين، وتوقع
أن تكون زياراته الأخيرة طعما لفصل علاقته مع أبو ظبي
التي ما زالت تسيطر على ثروته الناتجة عن الذهب.

∆يا جماعة الليلة سمعت من حميدتي
مغولة أناقتها في عفويتها، گادت تلخلت
لي اختساساتي و لامن قربت أقول أسمع
حديسك أصدقكك و أشوف شفتنتك
يحتار عدوك فيك.

Quote: الشلاقي ما خلا عميان

∆ مناها لينا تبااااخ بدون لففان و لا دوران قال:
« الگراسي الوثيرة الأمامية محگورة حصريا لأولاد
المصارين البيض و أما الفريغ خلا الداعم الوحيد لثورة
الشعب المجيدة ، فمكانو الطبيعي و دورو المنوط يمش
هناك يتكاتلو مع عيال عمو ناس مناوي في وادي هور
بالله مش كلام يدمي القلب و يطير الخاطر.
∆ والله ماياة قريبة جدن من واحدة سبق و حكيناها هنا:
😂😂😂😂😂
♧ لست مجنونًا، و لكن جئتُ رغم أنفي £ ( دفع الله ود الأصيل)
«جعلي و دنقلاوي و شايقي شن فايداني.. يكفي النيل أبونا و الجنس سوداني»
∆ شايقي وجعلي اتقدموا لختبة بنية سميحة عليها جنس طعومية ترمي في الشوق
المشيت ليهو. أها الجعلي قال ليها:هيع؛ أنا اللسد النتر ،تمياح جزابر الغرد البقضى الغرد
شيَّال التقيلة، أنا المفطوم بي لُمَّاصة عجين مر و مكحل بقرن شطة قبانيت .
[}قام الشايقي قال ليها : و أنا البرقد لببعلتي رز؛ و بعيشا في عز ؛ و بهاب زعلا..
بقضي ليها عملا، و بسمع ليها كلام أهلا. و أنا زولن عندي قدرة: بورق ليها الخدرة
و بفرك الملاح و بضوقو (براس الكنش)طبعن.و بملح ليها تاگل بارتياح ،و بونسا
بآخر اندياح. بعدينك بمشي بمرماس حَلة الويكة و كِسرة الريكة و أهم حاجة:
بطبق «الگيكة» فوق «الكيكة» .

∆ يلا، طوالي زولتك قفلت ليك على الشايقي فصلت معاهو قالت:
قررر لآخر ضرس. ثم اتلفتت للجعلي قالت ليه : و إنتا يا ساري الليل
عاشميق اللصم.. سبع البرمبة..تمساح جزاير الكرد خليك بس جنبنا
قريب ؛ و ما تبتعد؛ أبقى مشمِّر متحرف لقتال و جاهز ليوم الحوبة
أكان تلبو علينا حرامية عصابات نيقرز و لا 9 طويلة سراي ليل
بالحيطة، بنكورك ليك ساعة الحارة ، عشان تلحقنا و تفزعنا.

∆ طبعن، تلقاه دا أبو الشوش الغتيت المعفن؛ بكون قرص ليها قال
ليها:"أيوة، شغليه لينا بودي غارد ، نبطشي (حراسة ليلية) و كدي!!
😂😂😂😂😂

∆ غايدنا الملتهم، حميرتي «متعودةديمن»
إنو بيتحفنا بمصطلحات حكم و أمثال لنج علي غاموس
السياسة السودانية، تخليك براك تتحسس تكة سروالك.
قال مبادرة عمك الجد طلعت [ فسوة مدنقر في خلا ]
ما تعرف ظاطو، تضحك ولا تلطم, ظرفاء قاع المدينة
قالو: يا ربي هسة دي الإعلام الغربي يترجمها كيف؟
∆ علا لاكين قلنالم ساهلة جدن ياخي، يترجموها
« مفنقس فوق خرا» و هو المافي شنو ؟!!!

∆ ما هو أنت عارف يا ود ناشد
كان جينا للنسيحة، من هسي مافي ود «9»
قادر يقول بغم، خسوسن معظم «خوازيق البلد»
دي أولاد تسعة تويلة، ماعدا العبد الفغير إلى ربي،
براي ود سبعة. و ال«عارف» عزو مستريح على
قولت ولدنا جمال الوالي!! علا عاد خسمتك
يا عارف كان ما وديتا لأكشناتك بهناك!