|
|
|
 Re: صديقتي آسيا ربيع و الآفرو الما خمج سنة 80 .. (Re: يحي قباني)
|
Quote: قباني
مالك ياخ
انت في زول مسلطك علي ؟
يمين بالله طيرت النوم من عيوني
بعد دا الا غايتو الزول يأوي إلى علبة هينيكن
تعصمه من السهر
ههههههههه
سنوات الثمانينات كانت آخر أيام في عمر السودان الجميل
في كل شي واي شي
الان لما نحكي للأجيال الما عاشو الفترات ديك
بشوفو كلامنا زي الأساطير
والله جد
في بداية الثمانينات وصلنا ال peak في كل شي
وفي ٨٣ حصل الانفجار الكارثي المأساوي العظيم
علي يد الأهبل نميري
وكانت النهاية الحقيقية في ٨٩
بكره كان حيينا بحكي ليك حكايتي مع مجلة الإذاعة والتلفزيون والمسرح
ومع محمد بيرم بالتحديد
عموما انت زول مؤذى
لكن برضو عافي ليك |
ههههههه
اول شي علبة هنيكين ما بتنومك براها .. :)
ياخي انا من استلمت الصور .. في حالة من الالم و الشجن و خلطة عجيبة من المشاعر ..
حارجع ليك يا فنان .. :)
| |
  
|
|
|
|
|
|
|
|
Re: صديقتي آسيا ربيع و الآفرو الما خمج سنة 80 .. (Re: يحي قباني)
|
Quote: مبالغة ، دي لميت فيها وين ؟!
كدي شوف لي شقيقي بدرالدين في صفحة المسرح
بس مايكون لسه ما استلم |
عبد اللطيف يا ملك ..
حاجة توجع القلب ما كده ..
جاتني من احد الاحبة .. و اسيا ايضا جاتها من مصمم الاغلفة نفسها ..
و الخبر الجميل انه اكد ان كل الاعداد ما زالت موجودة في دار الوثائق .. ما وصلتها ايادي الحرامية الاكلو قروشنا و اراقوا دمانا ..
| |
|
|
|
|
|
|
|
|
|
Re: صديقتي آسيا ربيع و الآفرو الما خمج سنة 80 .. (Re: يحي قباني)
|
النحكي ليك يا يحي
عن المجلة وزمن المجلة وطعم المجلة
كنت بشوفها في البيت وانا لسه بتهجأ الحروف
هي وصويحباتها السمحات
مجلة حواء والكواكب وصباح الخير المصريات
والموعد والشبكة اللبنانيات
الغريبة اكتشفت انها كانت بتصدر يوم الخميس
زي حبيباتي فيما بعد، ميكي وسمير الكانن بصلن الخرطوم يوم الخميس من القاهرة
وسوبرمان والرجل الوطواط البجن يوم الأحد بانتظام من بيروت
على متن ال ميدل ايست
نرجع ل حكايتي مع مجلتنا
باختصار ووي ما قلت ليك كنت بشوفها بانتظام عندنا في البيت
ونحن في تانية ثانوي عام، ويا داب الواحد بدأ يتلمس الكتابة ويتذوق كتابات الآخرين
كتبت في يوم خاطرة يمكن من خمسة او ستة سطور
كتبتها وختيتها في ظرف وكتبت عنوان المجلة وارسلتها بالبريد
ب البوستة، ايام كان عندنا بريد زي ال British post
ورسلتها لي محمد بيرم
بيرم كان عنده الصفحة التانية في المجلة، يعني تقلب الغلاف بتلقى صفحة محمد بيرم
اسمها "الحياة من حولنا"
واذا بي اتفاجأ بعد عددين تلاتة بنشر الخاطرة واسمي مكتوب في المجلة
يمين بالله زي تقول فزت بجائزة نوبل
وهاك يا قشرة في المدرسة
لغاية الآن يا قباني الزملاء الكانو معاي في تانية ثانوي عام لما يلاقوني بقولو لي
وين يا همسة
الخاطرة كان عنوانها "همسة"
| |
|
|
|
|
|
|
|
|
|
Re: صديقتي آسيا ربيع و الآفرو الما خمج سنة 80 .. (Re: يحي قباني)
|
ياخي بوست كلو من السبعينات والثمانينات
كان تسميهو من الأمس وتنور البوست بي "ماضي الذكريات" للراحل
"عثمان مصطفى". بوست لذيذ جدآ
بالمناسبة يا قبة - زمان وقعت في يدي مجلة اظنو اسمها الاذاعة والتلفزيون
جايبين في الصفحة الأخيرة أغنية أظنها للفنان إبراهيم عوض
ما عارف دي صدفة ولا الموضوع كان في كل عدد بيجيبوا اغنية في الصفحة الاخيرة.
كسرة قبل الأخيرة: شكرآ على تذكيرنا بسرعة حركتنا نحو الوراء.
كسرة اخيرة: هل فعلآ المريخ هو طيش المجموعة في دوري افريقيا بعد ان رشاهو هلالنا :)
محبتي المعلومة.
| |
|
|
|
|
|
|
|
|
|
Re: صديقتي آسيا ربيع و الآفرو الما خمج سنة 80 .. (Re: Amira Hussien)
|
كان اسمها مجلة(هنا امدرمان) اتاسست اثناء الحرب العالمية الاولى سنة١٩٤١
واستمرت في الابداع ونشر الثقافة لمدة(٢٣) سنة متواصلة وتوقفت تماما سنة١٩٦٤
واستمر التوقف لعشر سنوات وعادت سنة (١٩٧٤) بثوبها الحديد ضامة الحيشان التلاتة
كانت مجلة ممتعة في كل مجالات الفنون موسيقى غناء مسرح سينما ..وفي صفحة للاطفال
لنشر صورهم وابداعاتهم ومناسباتهم السعيدة. والسينما كان
الناقد الاستاذ عبدالرحمن نجدي هو الذي يتولى الكتابة عن الافلام كانت كتابة ممتعة شيقة
| |
|
|
|
|
|
|
|
|
|
Re: صديقتي آسيا ربيع و الآفرو الما خمج سنة 80 .. (Re: حيدر حسن ميرغني)
|
طبعا شاهدت وقرات له تحرير صفحة المسرح ولا اذكر التاريخ
عشان كدا شوف الصفحات الداخلية ، نفس الصفحة كان يحررها
المسرحي صاحب برنامج ضل العصر
توفي 19/12/2018 بعد قضاء 3 اشهر معي بالسودان
سبقها غياب دام 30 سنة متتابعة
| |
|
|
|
|
|
|
| |
يحي قباني
أبوذر بابكر
عبداللطيف حسن علي
Nasser Amin
Ahmed Yassin
Yasir Elsharif
Mannan
بسمات الشيخ
Nasr
محمد علي البصير
الشيخ سيد أحمد
MOHAMMED ELSHEIKH
Amira Hussien
حيدر حسن ميرغني
فيس بوك
تويتر
انستقرام
يوتيوب
بنتيريست