فيديو الذ زول سكران لط عان بعد شاف تاتشر العساكر

[} أريت حالگ زبن يا عصمان فردة و أحي صمودگ معنا ، قابضين على جمر البقاء هنا عبر مروج "همس البنفسج" و الذي بات يشگو قلة فئرانه.

© طبعن زي ما قتا ليگ ناسنا ديل عباقرة منسيين ، بس ما لاقيين جهة تتبناهم. ف گدي هاگ اسمع الجاية
دي و أدينا رأيگ بعدين: خسوسن السكراى والمجانين مافي زول غيرم بجهجه باكات العسكر والحرامية ديل.

@ قالک: أيام أبعاج/ جعفر نميري ..في الأبيض كان في مواطن شيوعي معروف اسمه عبدالله الحيوان لقي
طلبة خورطقت الثانوية طالعين في مظاهرة طوالي دخل و سطيهم و بدأ يقودهم ملعلعاً بالهتاف:

- " لن يحكمنا طيش حنتوب " ناس الشرطة عارفينو طبعا و طوالي قبضوه و جابو المحكمة
... و دار الحوار التالي بين القاضي و المتحري الذي اعتقل عبدالله الحيوان.
- القاضي :"الزول دا اعتقلتوه ليه"
- المتحري:"و الله يا جنابو كان بيهتف سيادة ضد الرئيس "
- القاضي :"حدد بالضبط كان بقول شنو؟"
- المتحري "كان بقول لن يحكمنا طيش حنتوب "
- القاضي:"و طيش حنتوب دا منو ؟"
- المتحري هنا ضرب الجرسة طبعاً ما يقدر يقول جعفر نميري .
- قال للقاضي :والله ى جنابك مابعرفو ".
- القاضى" طيب قبضت الزول دا علي اي اساس ؟"
- المتحري :" قبضتو لانو شيوعي "
- القاضي "وعرفتو شيوعي كيف؟"
- المتحري:"بي شنبه الكاجة دا"
غايتو المتحري أخد درس عثرفي الأخلاق و فكو عبدالله الحيوان حراً طليقاً .
- المتحري برا المحكمة قال ليهم "علي الطلاق بالتلاتة القاضي اللايوق
اللايوق المعفن دا ذاتو شيوعي لكن بس لقىيدو فينا.
����������