|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
كتب حمور زيادة
احنا معركتنا مع ناس جهلة. الجهل الواحد دا ، اي زول فيهم بيفتح خشمو بتسمع فضائح او افكارم السياسية حاجة بشعة جدا مافي معرفة ب 3 مليم حتي للوضع الداخلي
يعني زي ناس التوم هجو وعسكوري يطلعوا في الاعلام يقولو دا ما انقلاب
لانو الوثيقة الدستورية بتدي الجيش الحق في التدخل !
الوثيقة دي ما في الفاتيكان . الوثيقة مبهولة ومتاحة حتي في الواتساب!
لكن الجاهل ماعندو شك في نفسو يخليهو يقرا وهسي برطم بكل ثقة الدنيا يقول القانون بيدي الجيش حق التدخل لتغيير النظام!
مافي مانع تكون قناعاتك مخاتة كدا ، لكن المشكلة تفتكر انو ده قانوني وصاح وبيحصل
في كل الدنيا !
الجهل البشع دا كمان معاهو عدم وجود قيم ومبادئ .
ودي اكعب واكعب من الجهل
الجهلة كتار لكن في جاهل عندو مبدأ متمسك بيهو
لكن ديل جهلة بلا قيم وكمان عندهم سلطة مطلقة
اسوا خلطة ممكن تلاقيك
يعني لاممكن تقنعوا لانو منطقك اصلا ما ح يستوعبو
وحيكورك زي كواريك التوم هجو اخي الكريم اخي الكريم ....
ولاممكن تضغط عليهو الالتزام بمبدا لانو مامؤمن باي شئ
اهو الدم بسيل قدامهم شفتو واحد فيهم وقف ضد الدم او حاول يستغل
سلطتو لوقف القتل او الاعتقالات ؟
ياهو الكلام الفارغ بتاع الطرف التالت وبيهاجمو القوات النظامية ولابد من التوافق حتي يتوقف
العنف!
مافيهم زول عندو قيم مؤمن بيها عشان تذكرو ليها
وسلطتم مافي جهة بتحاسبا عشان تخوفو تقول ليهو ح تتعاقب.
فيعني زي ديل مابيفهمو ولايستوعبو الا القوة
قوة الشعب وصمودو لحدي ما يقلعوهم بجهلهم دا من كراسيم ويروهم
في السجون ، للاسف مافي حل وسط
ياخي ديل من شدة ماجهلة مدير شركة المعادن اردول
لما اتعرف انو بلم قروش التبرعات في حساب شخصي
حق الموظف عندو ، مانكر ! ولا الوزير بتاعو خاف واتبرا منو! انما قام يدافع عنو وقال اتصرف حسب تعليماتي! ولحدي ما القضية اتلمت مافي واحد فيهم فاهم ليه دا فساد !
يعني بشر زي ديل نتفاهم معاهم كيف ؟!
ماياهو تهزمم وتقيم دولة ديمقراطية وتتمني اولادم يتعلموا احسن منهم
ويبقو عندهم مخ
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
يعني ياحميدتي قصدك لما واحد من الثوار يطلع الشارع ويموت
بالرصاص في الراس او البطن او بدوشكا
يعني كدا غلب مصلحتو الشخصية علي مصلحة الوطن
ول قاصد انو لجان المقاومة وقحت رافضة الحوار والمساومة
ورافضة لاي شرعية دا تغليب لمصلحة شخصية ؟؟
اليست المصلحة الشخصية عكس ذلك تماما والجلوس معكم
والشراكة معكم رغم الانقلاب والموت والاعتقال الخ
ممكن نلقي مساحة مشترة نفهم بيها عقلك دا بيفكر كيف ؟!
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
الحل الوحيد عشان نفهم بيفكروا كيف اننا نتقمص عقل واحد فيهم رغم صعوبة المهمة !
يعني اتقمص عقل حميدتي دا واقول المشكلة
مافي الثوار البيموتو ، الموت ماعادي وكلنا بنموت
بس ليه مافي زول عايز يفهم انو مصلحة الوطن هي بقاء
حميدتي وبرهان في الحكم ، دي صعبة ياثوار ؟
هل في حميدتي غيري ولابرهان اخر ، تبا لكم مخكم تقيل !
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
مناسبة قول حميدتي كما في العنوان اعلاه كانت عملية خم واكاذيب معتادة
لمن يعتقدون انهم زعماء
Quote: الخرطوم ـ١١ـ٢ـ٢٠٢٢ (سونا) امتدح الفريق أول محمد حمدان دقلو، نائب رئيس مجلس السيادة جهود شباب السودان ومقدرتهم على صناعة مستقبل أفضل للسودان، مشيداً في الوقت ذاته بتضحيات جرحى وشهداء الثورة من العسكريين والمدنيين، في سبيل تحقيق شعارات الثورة في الحرية والسلام والعدالة، وترحم سيادته على أرواح الشهداء الذين قدموا أرواحهم فداءً لهذا الوطن.
وأعلن نائب رئيس مجلس السيادة لدى مخاطبته تدشين عمل منظمتي أيادي الخير وساهم للتنمية المستدامة في حضور أكثر من ٧ آلاف شاب وشابة من طلاب الجامعات السودانية وفي حضور عدد كبير من رجال الأعمال، أعلن مواصلة دعمه ورعايته لعلاج جرحى الثورة في الخارج وتخصيص مشاريع إنتاجية لإعاشة أسرهم، مشيراً إلى أن الفوج الأول أكمل العلاج بالمملكة الأردنية وعاد إلى أرض الوطن ويجري الترتيب الآن لمغادرة الفوج الثاني.
وحيّا سيادته جهود ومواقف رجال الأعمال السودانيين ومساهماتهم الجليلة في أعمال الخير ودعم جميع المشروعات الوطنية، خاصة السيد هشام السوباط رئيس اتحاد أصحاب العمل، مشيداً بالتبرع السخي للمنظمتين بمبلغ ١٠ ملايين دولار، معلناً عن تبرع شخصي منه بمبلغ مليون دولار ، ليصبح إجمالي المبلغ الكلي أكثر من ١١ مليون دولار.
وشدد على ضرورة توجيه هذه المبالغ إلى أعمال صيانة الداخليات والخلاوي ورعاية الطلاب المتعففين، وأشار إلى أنه كلف عدداً من الخبراء لإعداد دراسة شاملة حول أوضاع الطلاب والداخليات في جميع ولايات السودان، مشيراً إلى أن المعلومات التي وفرتها الدراسة كشفت عن أوضاع مأسوية يعيشها الطلاب داخل الجامعات، إلى جانب تدهور في الخدمات بالداخليات وغيرها من المشاكل التي ستعمل المنظمتان على معالجتها، ومن ثم الاتجاه نحو مشاريع كبرى تتعلق بإصلاح وتعبيد الطرق لربط جميع مدن وأرياف السودان لا سيما أماكن الإنتاج، ودعا إلى تخصيص أراضي زراعية بولايتي النيل الأزرق وسنار وتمليكها للشباب كمشاريع زراعية وبستانية لمضاعفة الإنتاج.
وأكد دقلو أن السودان يتمتع بخيرات وموارد ضخمة من بترول وذهب وصمغ عربي وغيرها من المنتجات، التي ينبغي أن تدخل في الدورة الاقتصادية عبر بنك السودان المركزي، وشدد على أهمية أن يستفيد السودان من موارده بتوفير العملة الصعبة أو إيقافها إلى حين وضع رؤية أو مشروع وطني أو خارطة طريق ترسم معالم المستقبل للبلاد وتحدد الأولويات التي من شأنها وضع السودان في مساره الصحيح.
مشيراً إلى أن يتجه الجميع نحو الفعل وتنفيذ المشاريع الوطنية شاملة التي تحقق نهضة البلاد، وأوضح أن السودان غني بموارده وأن المشكلة تكمن في السودانيين أنفسهم الذين لا يضعون مصلحة الوطن في المقدمة، وشدد إلى أن المخرج في أن يحب السودانيون هذا البلد ويكون ولاؤهم للسودان أولاً وأخيراً، داعياً إلى أهمية نبذ كافة أشكال الجهوية والعنصرية البغيضة التي أوردت السودان هذه المكانة، وأكد على ضرورة أن يحقق هذا التغيير ديمقراطية حقيقة يختار فيها الشعب من يمثله عبر صناديق الانتخابات دون مشاكل أو تعقيد، ودعا إلى إبعاد كل من يعرقل الوفاق ا لوطني ووحدة السودانيين، وأردف بالقول (بدون اتفاق لن نستطيع أن نمضي إلى الأمام ).
وتعهد سيادته بالعمل خلال الأيام المقبلة على محاربة كافة أشكال التهريب عبر تفعيل كافة القوانين الرادعة التي تمنع إهدار موارد البلاد، مشيراً إلى أن القانون سيطال كل من يثبت تورطه في تهريب موارد السودان حتى إن كان هذا الشخص حميدتي نفسه مثلما يقول البعض، ولفت إلى هذا العمل سيتم وفقاً للقانون وحراسة حدود السودان من تسرب موارده، لافتاً إلى أن تراجع أسعار الدولار مرتبط بوقف التهريب ومحاربة أعداء السودان من المهربين، ونوه إلى أنه سيجلس خلال الأيام المقبلة مع شريحة رجال الأعمال لحل جميع مشاكلهم وتوفير البيئة المناسبة التي تساعدهم في العمل ومضاعفة الإنتاج لمصلحة السودان.
وأكد أن خروج السودان من الأزمة الاقتصادية ليس ببعيد إذا تكاتف السودانيون ووضعوا أيديهم في أيدي بعض، وأشار إلى العدد الكبير من الشباب الذين حضروا اليوم ليس نهاية المطاف إنما هناك مجموعات أخرى جاهزة للعمل، وتابع بالقول (نحنا ما نايمين، نحنا شغالين).
الى ذلك تبرع رئيس اتحاد أصحاب العمل بمبلغ ٥ ترليون جنيه بما يعادل ١٠ ملايين دولار، وتبرع السلطان أحمد حسين أيوب علي دينار بمبلغ ١٠٠ ألف دولار ، ورجل الأعمال علاء الدين بمبلغ ١٠٠ ألف دولار ورعاية جميع الطلاب الذين يعجزون عن سداد مصاريف الدراسة، وتبرعت شركة بوادي الضعين للإنتاج لصحابها رجل الأعمال “القذافي” بنصف مليون شتلة من شجرة الهشاب ومعاوية البرير بـ١٠٠ ألف شتلة موز ، ورجل الأعمال نزار بمبلغ ٥٠ ألف دولار ، فيما تكفلت منظومة الصناعات الدفاعية برعاية ٧ آلاف شاب وتوظيفهم ضمن المنظومة بالتعاون مع المنظمتين. |
سيكون لنا تعليق علي مثل هذه الخطابات الكاذبة والمضللة
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
المنظمتين كيزانيتين والتبرعات وهمية علي الورق والهدف من اللقاء عكس صورة خادعة للراي العام ان الالاف يقفون وراء السلطة الانقلابية
من جانب اخر ، حميدتي مركب مكنة الرئيس الفعلي ويترحم علي الشهداء
بعد كواليس عودته من الامارات التي تسعي لتلميعه كرئيس بديلا للبرهان
الذي تواري خجلا بعد منحه حصانة الاعتقالات...
السلطة والمعرفة عمليتان متلازمتان في كل لحظة ، ليست السلطة
هي القهر الجسدي والمعنوي فقط وانما مقابل خدمات تقدمها لصالح ديمومتها
كسلطة ابدية ويختلط الحق والكذب بصورة متشابكة لدي السلطة في وجه المعرفة
التي تعريها وتفضحها في الان نفسه
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
الحبيب عبداللطيف تحياتي حميدتي اصبح رقم في السياسة السودانية قبل يوم كان محتكر اخبار القنوات بزيارته للامارات اليوم قبل ما اشاهد هذا البوست كنت أقرأ في الراكوبة خطاب حميدتي خطاب مباشر بدون اي دبلوماسية
Quote: أكد حميدتي أن البلاد تتمتع بخيرات عديدة وقال ( ربنا ما فضل الا يضع الأكل في خشومنا ولكن المشكلة فينا كيف نضع ايدينا في بعض) وأضاف (الشحدة زلة ما دايرين نشحد لكن نعمل شنو ماعندنا طريقة). |
استعمل كلمة (الشحدة) بدون تردد
تحياتي الحبيب عبداللطيف .. الوطن في مشكلة
| |
|
|
|
|
|
|
Re: حميدتي: مشكلة السودان تكمن في تغليب البعض (Re: علي عبدالوهاب عثمان)
|
أخونا علي عبد الوهاب تحية حميدتي رقم؟ بأي معني؟ السلبي أو الإيجابي رقم شنو؟ نافع كان رقم ـ وهتلر والقذافي حميدتي مجرد قاتل ـ قتل العزل والأبرياء وحرامي لص نهب موارد البلد وحربندي عسكرية ! وغير متعلم ـ وهي ليست سبة إلا إذا أقترنت بالجهل والتحكم في مصير البلد بلا قدرات ورغما عن إرادة الشعب - وعميل للأجنبي حشد قوات وشباب السودان للقتال بالوكالة
| |
|
|
|
|
|
|
Re: حميدتي: مشكلة السودان تكمن في تغليب البعض (Re: كمال عباس)
|
شكرا كمال عباس اقدر محلل سياسي في البورد
كتب علي :
Quote: خطاب حميدتي خطاب مباشر بدون اي دبلوماسية
|
وهل يملك لغة اخري غير هذه ؟ّ
دي ياها عقدته في ان الريف والادارة الاهلية سيكونوا جماهيره
وحاضنته السياسية ، وهي ليست مميزات زعيم سياسي يطرح برنامجه
لكل شعوب البلد
واستغرب في ترحمه علي الشهداء وقد كان حاضرا بمشاركته
في الانقلاب وعدم رفضه السماح بمنح الحصانة لاجهزة الامن
في القتل وانتهاك البيوت والاعتقال والتعذيب المتواصل كما يحدث لتوباك
الواضح ان البشير قدوته ومثله الاعلي ولربما يحكمون في ظله
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
الحبيب عبداللطيف تحياتي حميدتي اصبح رقم في السياسة السودانية قبل يوم كان محتكر اخبار القنوات بزيارته للامارات اليوم قبل ما اشاهد هذا البوست كنت أقرأ في الراكوبة خطاب حميدتي خطاب مباشر بدون اي دبلوماسية
Quote: أكد حميدتي أن البلاد تتمتع بخيرات عديدة وقال ( ربنا ما فضل الا يضع الأكل في خشومنا ولكن المشكلة فينا كيف نضع ايدينا في بعض) وأضاف (الشحدة زلة ما دايرين نشحد لكن نعمل شنو ماعندنا طريقة). |
استعمل كلمة (الشحدة) بدون تردد
تحياتي الحبيب عبداللطيف .. الوطن في مشكلة
| |
|
|
|
|
|
|
Re: حميدتي: مشكلة السودان تكمن في تغليب البعض (Re: عبداللطيف حسن علي)
|
سلام اخونا عبداللطيف هاك فقط عن برطم تعريف و معنى برطم في معجم المعاني الجامع - معجم عربي عربي برطمَ: (فعل) برطمَ يبرطم ، بَرْطَمَةً ، فهو مُبرطِم برطمَ الشَّخصُ : كشَّر وعبَس وقلَب شَفَتَيْه غيظًا أو غضبًا رطن، تكلّم بما لا يُفهم بَرطَم: (اسم) البَرْطَمُ : العَيِيُّ اللِّسانِ برطم الشّخص: كشَّر وعبَس وقلَب شَفَتَيْه غيظًا أو غضبًا '' .
| |
|
|
|
|
|
|
|