|
Re: طائرة تفشل في الهبوط بمطار الخرطوم لإنقطا (Re: محمد نور عودو)
|
Quote: بعد دا يا الريس ما فضل الا خطوط الطيران الداخلي والخارجي يغيروا برنامج رحلاتهم وينزلوا الخرطوم نهار عشان يتفادوا المشاكل دي |
نهار أو ليل فى الطيران لا يفرق يا محمد.. هم عندهم الوسائل التى بها يهبطون فى الظلام. لكن المشكلة فى الإتصالات.. كيف يعرف الطيار مستوى ضغط الجو على الأرض فى هذه اللحظة عشان يعرف هو قريب من الأرض قدر شنو.. وغيرها من المعلومات الهامة زى الممر اللى مفروض يهبط فيه.. الخ. بدون إتصال مستمر بين البرج والطيار حتى النزول مافى طريقــة
| |
|
|
|
|
|
|
Re: طائرة تفشل في الهبوط بمطار الخرطوم لإنقطا (Re: بكرى ابوبكر)
|
قبل حوالى سنة ونصف حدث أن سافرت من الرياض الى الخرطوم مرتين فى نفس اليوم الساعه سبعه ص اقلعنا من الرياض لما وصلنا الخرطوم حوالى الساعه عشره وعند الهبوط وبعد ان لامست عجلات الطائره ارض المطار ارتفع بصورة مفاجأه الى أعلى فى شكل اقلاع الناس كوركت وعم الهلع وبدأت الطائرة تلف وتدور مشينا كدى لى مدنى جينا رجعنا لى شندى بعدها اعلن الكابتن العوده للرياض نسبة لوجود حفرة فى اخر المدرج ولان الطائرة كبيرة فلن تستطيع الهبوط بعد قياس المسافه التى تسمح لمثل هذه الطائرة اكمال مسار الهبوط المهم رجعنا الرياض قالوا ما تطلعوا بره الصاله وكنا خجلانين خجل السنين - حفره مطارنا فيهو حفرة - بعد ساعتين قالوا خلاص اركبوا تانى رجعنا الخرطوم طبعا بعد ما غيروا الطائرة بناء على طلب الركاب قالوا الطائرة دى شوم مع انه غيروها بنفس حجم السابقه لكن طبعا فى مطار الخرطوم تم ردم الحفره حيكومات تجى وحيكومات تغور ومطار الخرطوم فى كل عام فضيحه جديده والساده الوزراء يتجولون من مطار لمطار فى العالم مطارات اشكال وانواع ما حركت فيهم هاشميه خليك من الوطنية
| |
|
|
|
|
|
|
Re: طائرة تفشل في الهبوط بمطار الخرطوم لإنقطا (Re: لطفى العمده)
|
حبيبنا بكري كيف حالك يا جميل نحن شعب ونسة فقط .. العمل عندنا ( زيرو) أمس في نشرة اخبار التاسعة مساء ( نشرة رئيسية ) بداية سفلتت طريق في كوستي .. التفاصيل : طول الطريق فقط 2 كلم عدد المسئولين لحضور بداية المشروع (لاحظ المشروع) أكثر من خمسين مسئول ما بين مدنيين وعسكريين تخيل 50 لافتتاح مشروع سفلتت طريق 2 كلم فقط وتحدث اكثر من 5 اشخاص عن هذا المشروع ووعود بمشاريع أخرى
نحن ناس حكي وجمهرة وعرض وشو
تحياتي الحبيب بكري
| |
|
|
|
|
|
|
Re: طائرة تفشل في الهبوط بمطار الخرطوم لإنقطا (Re: علي عبدالوهاب عثمان)
|
سلام قبل حوالي عشرة سنين كنت في زيارة مسائية لاحد الاصدقاء في منزله المطل على المطار. كانت احدى الطائرات النفاثة الكبيرة تقترب من المدرج للهبوط. فجأة هبت عاصفة هوجاء وكتاحة قوية وانقطعت الكهرباء عن كامل المنطقة بما فيها المطار والمدرج بالطبع وساد الظلام الحالك. تدارك الطيار الوضع في اخر لحظة وقام بتشغيل المحركات باقصى قوتها مندفعا لاعلى وسط الغبار والظلام. لم نكن نرى الطائرة لكن كنا نسمع المحركات القوية وهي تهدر وتمكن من ذلك في الوقت المناسب تماما. الحمد لله نجا الركاب والطاقم وكل من كان في المنطقة المحيطة من كارثة محققة كانت على وشك الحدوث.
| |
|
|
|
|
|
|
Re: طائرة تفشل في الهبوط بمطار الخرطوم لإنقطا (Re: عبدالمحمود محمد عبدالرحمن)
|
ذهبت مرة مع زميل عمل سعودي كان يريد أن يستاجر بيت أرضى سبق وأن سكنت به أسرة سودانية وبحكم أنني اعرف موقع البيت جيدا طلب مني مرافقته الحقيقة البيت نظيف جدا والأسرة التي كانت تسكنه أسرة راقية دلفنا لكل الغرف بعدها خرجنا بباب صغير للزقاق الخلفي لنجد على مقربة منه حفرة جعلت صاحبنا يكاد يطير من الفرح واسمعه يقول ماشاء الله تبارك الله حتى حفرة ( المندي ) جااااهزة😁😁😁 قلت ليه اسمع يا ابو مزنة الحفرة دي ما حقت خرفان قال مندي قال يعني نحن ما شاء الله أي مكان نمشي ليه نترك ورانا حفريات
| |
|
|
|
|
|
|
|