|
|
|
 Re: نشاط فظيع لتهريب الفحم وقطع الغابات في ال� (Re: Osman Musa)
|
عثمان سلام..
شاهدت فيديو يعلق فيه أحد أبناء الوطن المهمومين بالكارثة يقول فيه أن منطقة الدمازين
تُقطع وتُحرق فيها غابة بحالها كل خمسة أيام ( شحنة 200 لوري يوميا).
قال إنو المسؤولين في مصلحة الغابات ديل مفروض يحاسبوا لأنها تقع ضمن مسئوليتهم المباشرة.
والله يا عثمان حاجه تحرق القلب من الصبح وكأنما نحن ناقصين.
كل يوم تكتشف أن الخونة من عينة (أنا وبعدي الطوفان) يتواجدون في أي بقعة مما تبقى من الوطن
والبيع كان بالقطاعي هسه بالجملة وبالشيكل. .
السنه الجايه دي ما ح تلقى في الأطلس دولة إسمها السودان.
البيع والقضم من كافة الإتجاهات، غربا وشمالا وشرقا وجنوبا،
لصوص الإنقاذ باعوا سودانير وسودان لاين والسكك الحديديه والنقل النهري وسوداتيل والميادين
وفصلوا ثلث الوطن وأي حاجه ممكن تتباع باعوها ، حتى أن أحد منسوبيهم، أظنه المدعو عبدالرحيم،
قال (جينا لقينا "الحِتت" كلها اتباعت)..
قت ليك النسور رابضه تنتظر طلوع الروح عشان تشيل نصيبها من الجثة، والدولة
لامن تكون دولة قاعدة لفترة 100 يوم بدون حكومه دي معناها أنها تنتظر أن ينزعوا عنها أجهزة التنفس الصناعي.
| |
  
|
|
|
|
|
|
|
|
Re: نشاط فظيع لتهريب الفحم وقطع الغابات في ال� (Re: محمد المرتضى حامد)
|
الأخ المستشار محمد المرتضى
سلام
في أمريكا بيدوك 15سنة سجن لو تبيع صابونة حمام تقليد لماركة
من الماركات.
ويومك اسود لو تصيدليك زرزور من زرازير ال US
في بلاد شيخنا البرهان القال حلمان ابوهو قالو حتكون في يوم البريزدنت حق هادي البلاد
السايبة.
ممكن مش تشتر زرزور. تشتر زول رصاصة وهو واقف منتظر البص عشان يمشي الحاج يوسف
لاطفالو بعد ما كان راجع مع زوجتو من العيادة .
تخيل الزول دا اتكتل في محطة البص . مات من كتر النزيف .
الشجرة في دي البلاد ما عندها قيمة . والانسان برضو .
| |
|
|
|
|
|
|
| |
Osman Musa
Asim Ali
محمد المرتضى حامد
فيس بوك
تويتر
انستقرام
يوتيوب
بنتيريست