زمان كل فترة كنت بعمل حركات وأقول تاني ما ح أكتب وكدا، المهم براي كدا إكتشفت إنو أنا أثقل خلق الله المروا على المنبر دا، المهم حسبت كدا لقيت في ناس كتار جداً زهجانين وغاضبين مني، فكرت قلت يا مستنير، ما ممكن كل الناس دي تكون غلطانة، قلت كدي أجرب أتواصل مع طبيب نفساني، عندي صاحبي في الشارقة أداني تلفون دكتورة في الامارات وبتعمل معاك جلسات أونلاين ورخيصة، الليلة خلصت الجلسة التانية، أهم هومورك اليوم منها أتوقف نهائياً وتحديداً من الكتابة بسودانيزاونلاين ولاحقاً بالفيس، وأقدم اعتذار لكل الذين أصابتهم سهامي الغبية خلال الثمانية سنوات ونيف الفاتن ما بقدر أوريكم التشخيص طلع شنو، لكن عليكم الله تعفوا لي واعتذار خاص لبكري أبوبكر
أتخيلكم تغنوا لي؛ يوم رحيلك يا حبيبي شفت كل الكون مسافر
التحدي القطعتو مع الدكتورة؛ أكتب البوست ولا أنظر للردود وأتوقف نهائياً وأن أعيش بشكل عام زي الضفادع في الشتاء ب low profile ودا مفتاح العلاج
02-03-2022, 05:43 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
سمعت راحد قال قبل كدا على ملأ: اكتر حاجة بستغرب فيها الناس البتتكلم عن صعوبة الاقلاع عن ادمان السجائر و التمباك, حتى اليوم اقلعت عن التدخين أكثر من عشر مرات و ضعفهن تقريبا عن التمباك!
02-03-2022, 06:08 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
دا شغل لا بنريدك ولا بنحمل براك يا (حيدروف) كما تحلو لبعضهم، والله أنت اللي لو سافرت فعلن ما حنقوليك ليك "سفر البن دق وحرق" بالمناصبة، أنا ما اقتحمت البوست دا علا بضمان وعد من صاحبو إنو ممنوع بتاتن يتاوق فيهو بأمر دكتورتو، تعرف لأني شاعر بيهو واحد من أكتر الناس القاعد يستتقلو دمي هنا؛ ماني عارف ليه؟!
02-03-2022, 08:05 AM
Hatim Alhwary
Hatim Alhwary
تاريخ التسجيل: 01-23-2013
مجموع المشاركات: 2418
فعلا ما قلت الا الحقيقة، على المستوى الشخصي مداخلاتك تصيبني باكتئاب والله، وحالتي ما قاعد اتمها بمجرد ما اشوف وشك البامية ما ياهو بشوف الاسم واوقف القراية طوالي لكن بكون الاكتئاب ملئني بمجرد كلمتين او سطر .. تصحبك السلامة.. خد الباب وراك، قشة ما تعتر ليك مع السلامة...
02-03-2022, 02:02 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
عادي ياود البشرى يآخ .. الغريب فيها شنو .. احسن من القعاد والاكل في المطاعم واي زول يجي فايت يعاين لي خشمك..:(
مرة قابلت عمنا موسي محمد نور من المهندسيين الانتُدبوا في السبعينات فترة بسيطة ورجع.. ولده قال ليهو الزول دا جاي من السعودية اها اساله ؟ المهم لقيته زي مستغرب انه الناس في الخليج عبرت ووصلت .. قام قال لي انهم كانوا في الظهران بيتحاشوا المطاعم والبوفيهات ال طبعاً كلها مطابخ تركية أواجنبية فعادي بتكون قاعد في طربيزة تلقى واحد عمط اصبعو في صحنك ولحسو ثم صحنك جارك وهكذا ..وبعدين يكورك لبتاع المطعم
اعطنا زي هااادا زي هااادا ..!
منها ..ولقيت ليك انه عربيتي اخير ؛)
02-03-2022, 03:11 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18038
. سلام بكري وضيوفه.. في الحقيقة انت جيت للمنبر متأخر جدا جدا ولقيت المنبر فقد الكتير من ألقه وحاولت المستحيل لتحريك بركة المنبر الساكنة ولكن اليد الواحدة ما بتصفق ومن بعدك المنبر حا يصبح خلا .. أي بوست يخلو من مداخلة لك مثل وجبة طعام بدون ملح .. ارقد عافية.. . .. .
02-03-2022, 06:49 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12481
المستنير الجميل مودتي صدقني وجودك مهم لأن مداخلاتك مباشرة خليك معانا حتى زوال كورونا وحد نهاية شهر رمضان تقضي معانا العيد ورابع يوم العيد ممكن اجازة لمدة شهر
تحياتي الحبيب المستنير ما معقول عدم ردك لكل هذه المداخلات
منتظرين ..
02-03-2022, 06:50 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7215
وليك أطايب التحايا عزيزي بكور الدكتور .. والله ماليك حق! كيف تترجّل وأنت بكل هذا البهاء؟ حرام عليك يا شيخ .. لو داير تسيبنا جرّب وانت سيبنا .. لو داير تحب .. حِب وانساه ريدنا .. يوم ترجع تصافي .. يوم ترجع تصافي .. نسامحك يا حبيبنا
من ناحية تانية، ففي ترجّلك دا، شيءٌ من ملامح المتنبي، حيث أزمع آل.هرووووب من سودانيزلاينو القديييييييمة:
بكووووور ... دا إسمو كلام .. صحح انك غلباوي لكن بمنطق وفهم تحاور تجادل تصادم كل زميل لكن الكرامة تمام تترافع تكيل حيثياتك باحترام افكارك تزدنا ثراء معرفة لي قدام تتبارك ما تتشارك ما تغرب ... قرب تعال ما تبتعد قرب ... تعاااااااااال ... ...... .....
ما قريت مداخلاتكم، لكن حبيت أضيف المداخلة دي كنوع من الأرشفة. واحد من مثقفي البورد دا ببيع حبوب وجع الراس كان قبل البوست دا تداخلت معه مختلفاً في الفيس بأدب شديد؛ رسل لي في الواتساب الرسالة المؤلمة دي وهي من أسباب ترجلي. الرسالة؛ "يا أبوبكر..
بالنسبة لي ان الدافع الأساسي لنقاشاتك معاي هو دافع شخصي لا يخص المطروح من رأى او فكرة ..
على الدوام انت كذلك ولا أعلم لماذا وليس مهما ان اتلقى إجابة او أجد تفسيرا ..
ما أعلمه علم اليقين انك اكثر ذكاء من عدم معرفة المغالطات المنطقية التي تتبناها عن وعي تام بأنها مغالطات منطقية وتكتبها بوعي تام في معرض النزوع للنيل مني بصورة شخصية وتغليب ذلك على محتوى النزاهة الشخصية التي يجب ان تمنعك من هذا السلوك ..
عموما انت كائن غير محتمل بالنسبة لي يا أبوبكر وعليه فكرت بأن الطريقة الوحيدة هي الطلب منك مباشرة عدم التداخل معي ..
ليس في العمر متسع لهذه التفاهات ..
كن بخير .. وكن احسن زول في هذا الكوكب ولكن بعيدا عني تماما .."
رديت ليهو؛ الله يسامحك وعيوني تقرقرت بالدموع
إني ورب مريم، أشعر بملل شديد
02-09-2022, 12:03 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12481
دا شنو دا هسة؟ يا عزيزي بكور، وسلامتك عينيك! من القرقرة، ويا أخي الكريم عينيك - يا أعز الناس - وُ ما فيهاش أخطر ماس ولا حاجتَين! واقع الأمر أنهما اغرورقا ولم يتقرقرا، تماما كما حدس ما حدث مع الشاعر البليغ* حيث قَرَضَ: وأعيني تغرورقُ.. وينمحي الوجود عنها غير صورةٍ تُحَدّقُ .. وأُطرِقُ .. ولا أُصدّقُ.. لأنني أطيرُ في الفضاء أُحَلّقُ .. مجلسي فوق السَحاب والبروق تُبرقُ.. ضياؤها من أجل فرحتي .. مُنغّمٌ مموسَقُ .. موشّى بكل لون في الوجود فيه رونقُ.. ----
وهكذا يحلّق الشعراء، ويتّبعهم الغاوون ..
ولولا أنه يُحمَد للمرء المسلم اتباع الفضائل، من طبقة "للمجالس أماناتها" وبما أنك من المتشبثين! بِ "وَهمَةٍ" مَا؛ أن ليس بعد الكُفرِ ذنب، للمتُك مَليّا على خفرك أمانة صديقك المثقف، حيّاه اللهُ العلي، على هذه الكتابة الإبداعية و رفيعة** وإن قيل لي: دي كتابة منووو دي؟ لقلتُ، صديقي دكتور . م.ح ، المشرف بكبعِ بكّور "هه" وما يزيدُ من إمتاع سمع خبرها، أنها كبعةٌ كأنها ب "الفِجّة ال فيها الحديدة" هه .. ولربما يزيد كباعتها تعميقا وتعريضا، أنها قرقرت عينيك زي سحابة صيف.. تجافى بلاد .. وتسقي بلاد.
*رحم اللهُ تعالى الحسين الحسن، ورحم الله تعالى عبدالكريم عبدالعزيز الكابلي.. ** رفيعة الديباجة السردية برغم أنها مبذولة -كما يحكي السياق- لأجل أن توقف رَقاعة.. و ياااا مُنادي على ود باعة.. قفّل حوانيت الباعة.. حصلت في الدنيا براعة (!).. دَهت أمدرمان لي رفاعة.
02-10-2022, 06:23 AM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
بالمناسبة يا أيها المستنير بلا لمبة.. هذه الرسالة إذا تأملتها بحيـادية ستجدها عميقة جداً خالص :) :)
Quote: "يا أبوبكر..
بالنسبة لي ان الدافع الأساسي لنقاشاتك معاي هو دافع شخصي لا يخص المطروح من رأى او فكرة ..
على الدوام انت كذلك ولا أعلم لماذا وليس مهما ان اتلقى إجابة او أجد تفسيرا ..
ما أعلمه علم اليقين انك اكثر ذكاء من عدم معرفة المغالطات المنطقية التي تتبناها عن وعي تام بأنها مغالطات منطقية وتكتبها بوعي تام في معرض النزوع للنيل مني بصورة شخصية وتغليب ذلك على محتوى النزاهة الشخصية التي يجب ان تمنعك من هذا السلوك ..
عموما انت كائن غير محتمل بالنسبة لي يا أبوبكر وعليه فكرت بأن الطريقة الوحيدة هي الطلب منك مباشرة عدم التداخل معي ..
ليس في العمر متسع لهذه التفاهات ..
كن بخير .. وكن احسن زول في هذا الكوكب ولكن بعيدا عني تماما .."
Quote: النسبة لي ان الدافع الأساسي لنقاشاتك معاي هو دافع شخصي لا يخص المطروح من رأى او فكرة ..
على الدوام انت كذلك ولا أعلم لماذا وليس مهما ان اتلقى إجابة او أجد تفسيرا ..
ما أعلمه علم اليقين انك اكثر ذكاء من عدم معرفة المغالطات المنطقية التي تتبناها عن وعي تام بأنها مغالطات منطقية وتكتبها بوعي تام في معرض النزوع للنيل مني بصورة شخصية وتغليب ذلك على محتوى النزاهة الشخصية التي يجب ان تمنعك من هذا السلوك ..
عموما انت كائن غير محتمل بالنسبة لي يا أبوبكر وعليه فكرت بأن الطريقة الوحيدة هي الطلب منك مباشرة عدم التداخل معي ..
ليس في العمر متسع لهذه التفاهات ..
كن بخير .. وكن احسن زول في هذا الكوكب ولكن بعيدا عني تماما .."
اللغة دي ما غريبة علي ابداً =======
يا بكور كلنا اصابنا الملل .. الايام دي انا ماسكني سكات .. سكات وصمت شديد
لا قادر اكتب ولا قادر ارد ولا شايف في فايدة من هذه الاشياء
لكن الواحد ما بقفل الباب .. لازم تخلي الباب موارب على الاقل عشان لو بقى في امل طاشي بي جنبنا يلقالو مدخل
لك ولصاحب الرسالة التحيات النواضر
انتو الاتنين اصحاب اقلام مفيدة والخلاف البينكم بالنسبة لي غير مبرر او نشأ لسوء فهم وليس لشيء آخر
02-10-2022, 07:21 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13708
اللهم لا شماتة يا حيدروف. علا بالمناصبة دي يا ود الزينين "عَيْني تقرقرت" دا أحلى و أبلغ تعبير ولا فيه خيانة و لا شيتين ، طبعن لأنو نحنو ناس خلا وسعاية عارفين البسويهو القرقار في زمبارة القصب بنخرا نخر للجن الكلكي يخليها (بو) وليس كما فعلت الخنساء حين وقعت في مظنة الضعف المعنوي و هي تنعي أخاها الفقيد صخراً فقالت: عينَيًّ جودا ولا تجمدا الاتبكيان صخراً الندى طويل النجاد رفيع العماد كثير الرماد إذا م اشتى!! الشاهد أنهم أخذوا عيها التعبير بالجمود عن جفاف العينين من الدموع أي: عدم البكاء و الصواب أنه يصلح تعبيراًعن المواتو نحن عارفين كمنا إنو العين ما ببملاها إلا التراب يعني القبر لامن الواحد يتكل على الله.
02-10-2022, 10:58 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
بكور واحشني اها ابوعركي ودانا في اللحظة والتو لى السادة العركيين اصحاب الحكم والامثال والمديح ناس الشيخ دفع الله الفوث .. و الشيخ القرشي .. ديل بيتين هدية ليك (عسى ان تجدك بخير) قالوا يا بكور أهل الفوز بي المزايا وتقليل الغذايا وتحمل الأذايا والعفو عن الجنايا والتاني: صـدرو واسـع مهـيل وقلـبه كامـل الـتأويـل وبطنو صـافية من تثـقيـل وأقدامو تـقيم الليـل
02-10-2022, 12:03 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ستة ايام يا مستنير غلبك تصبرهن! في العادة بتم شهر و شوية ! المهم حركة تجيب رسالة خاصة لم ينشرها صاحبها في العام - اللهم الا لو أذن لك - تخلو تماما من الاستنارة! مالك يا بكّور, قدر شنو اصلو الملل دا لامن خرب زينتك
02-11-2022, 06:35 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25074
يا جماعة .... نجاة محمد علي - مصطفى ادم - دومة - معاوية الزبير - هاشم الحسن - وناس حلوين تانين كتار ... من جماهير ابكرونا في الفيس بوك مثقفين عضوين وكده . اقعدوا ساكت وما تعملوا شوشرة . المستنير بتنقل مثل الفراشة بين عدوتي الفيس والحوش ده .. ينثر العبير والحكمة . قولوا له ما يمشي .
الما بجيب الملل شنو ؟!!!!!!! زول في الصفحة الأولى عندو ١٤ بوست ...
Quote: Adil amin
كاتب اسمو في الصفحة الأولى ٢٨ مرة ... لأنو هو الكاتب البوست وهو المتداخل ... لغاية هنا مافي مشكلة ... المشكلة القاسم المشترك لي ال ١٤ بوست :- القرود الخمسة وقرنق ومحمود ودستور ٢٠٠٥ ... دي مش حاجه تفقع ... غايتو أنا لو صاحب الكورة كتا قطعتا ليهو تذكرة مجانا وختيت ليهو خبوبو دا في عبو وقتا ليهو إتوكل ... نشاطرك الملل شيخي ...
02-11-2022, 12:10 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
وفوق للمثقفين العضويين ديل، صداقة شخصية لنبي الكتابة صلاح الزين ودا نوع ونساتنا يا حيدر (الحقيقي)؛
"الشنطة؛ ومن وقتها لحين عودتها تُراعَى كحلمٍ مكورٍ يُخشَى عليه من نزوات الجغرافيا وتبدلات الهواء ونظرات الغرباء الفاحصة. كغزالة أضاعت طلقها، تشيع بالدمع وهي تدنو من عتبات الانتقال."
وبعد دا المفروض أقعد مع عبد المنعم (الطيب) وعادل أمين في مكان واحد مجاناً، فتأمل!!
02-11-2022, 10:24 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4481
ما قتا ما قاعد تقرا البوست يالك من كاذب صغير ووقح.. انتا زول فارض نفسك بشدة على العالم مفروض تحترم نفسك وتسكت لانك زول ممل وسخيف لاخر مدى وانا عارفك وكاشف نومتك من زمن سودانيات غاية قدرتك ان تضع اسم والدي بين قوسين الله يطلع روحك ايها التافه الحقير والله ابوي دا اعظم من قبيلتك كلها ياسافل يا واطي،، تفا عليك في القبل السبعة
02-12-2022, 00:51 AM
Elamin Medani
Elamin Medani
تاريخ التسجيل: 05-18-2013
مجموع المشاركات: 131
قبل ما ترد ردك دا كان تشرب ليك موية باردة وتجر ليك نفس طويل وتقول أعوذ بالله من الشيطان الرجيم كان ممكن انسخ الكلام الفوق دا وارد عليه بس لانه كلام قبيح قلت اتركه يختفي لي حالو او ممكن تراجع نفسك وتجي تمسحه الدنيا ما بتستاهل الفجور في الخصومة لغاية ما تسب اهله وقبيلته
02-12-2022, 03:20 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
عارف...يا الرجل( الطيب)عبدالمنعم الطيب عايز ارجعك للوالد الرجل العظيم .....
Quote: الكلمة دي؛ اعتبرني ما سمعتها لكن ما تعود لسانك على الكلام الزفر كان ذلك وانا بعد صبي حتى تاريخه لا اقول لي كلمات مخلة خلاص لساني ابا النوع دا تب
والله دا نوع من التربية احسن من كل المدارس اين وصية ابوك يا منعم ؟؟؟؟؟ من دربك دا امشي غير كلامك الفوق دا ورجع لسانك محل ما ابوك ختاهو
02-12-2022, 05:07 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
شكراً عبد المنعم (الطيب) ما تمسح الكلام من لاقيتك في سودانيات بتكتب نفس المداخلة بعناوين مختلفة، ضعيف يا أخي إتّا في الشكل دا شايفك ما مستواي في ناس قاعد يكون الشكل معاهم فيهو متعة، عاين سذاجتك؛ لمان تهاجم ليك زول، المفروض تكون عندك استعداد لرده ردك الفات يدل على سذاجتك هسّ لو الناس دي سألتك الزول سبّ أبوك قال فيهو شنو؟ القوس في الكتابة هو تفسير للكلمة التي تسبقه
والله، مستواك ضعيف
بعدين نحن ناس متمدنين ما عندنا قبيلة
02-12-2022, 02:00 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
ياعبد المنعم (الطيب)، كيف أبوك دا ممكن يكون أحسن مني؟ عمل شنو في الدنيا دي بتخليهو أحسن مني؟ بكون زول مغمور ساكت أكبر إنجازاته جابك انت! وأنت زول أقرب للسذاجة يعني واضح ما عندو جينات عبقرية عشان تقشر بيهو علي! الكلام الفوق دا ما صاح، انت بس داير تنسب حاجات عظيمة لأبوك بدون وجه حق. أبوك دا زول عادي جداً.
02-12-2022, 02:23 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
كلامكم وشكلتكم انت وعبد المنعم دي بايخة ومملة وما حا تشكل لينا اي تجديد او فيها جديد.. وهي اساساً ضعيفة في مخرجاتها.. وأقرب لمحاجزة "حندوكك ابو الدنان يقطع روقك..
انت لو عاوز تتحنفش وما خايف تتطقطقطقطقة جدك عبد الله ود سعد فرفر قدام مولانا ..
لكن وكما اعلمك.. لن تستطيع صبراً..
المهم ارتقوا بخلافاتكم رعاكم الله.. نحن ما دايمين ليكم في الدنيا دي.
02-12-2022, 03:47 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
كلامك صاح نمشي لأندادناعبد المنعم دا زول طيب (من غير قوس). مولانا محمود ود أحمد حجتو ضعيفة؛ الرسالة امتداد لنقاش في الفيسبوك وليست خاصة وليس بيننا علاقة ونسات خاصة، كتبت مداخلة في موضوع مطروح للنقاش في الفيسبوك، لقيت جاتني رسالة في الواتساب، أنا شغال بمبدأ الشفافية.
02-12-2022, 06:58 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4481
ماعندك قبيلة!!! ياخ انت كذاب وما بتخجل ولا بتستحي مفتكر الناس كلهم زيك ما بفهموا، وبنسوا كل بوست تكتب عن انك جعلي ومن شندي وانك جدك العباس وامك جدها منو اتا قايل القبلية هي شنو ما ياهو جنس البتسوي فيهو دا.. انت يا بابكر عندك مركب نقص فظيع في حياتك دي، ولكنك ليس لديك الشجاعة لتصرح به، لكنه ملخبط عليك دنياك البائسة الكئيبة مع اي زول تتعامل معه طوالي تركبك العقدة وتقارن نفسك بيهو، حتى زول زي ابوي مولود حوالي ١٨٩٠ وعاش اكتر من مية عام وله اكتر من ١٠ اولاد، واكتر من ٦ بنات وتوفي ١٩٩١ وله مئات الاحفاد واحفاد الاحفاد كيف تقارن نفسك بزول زي دا، ايش مجال المقارنة اصلا.. ياخ استحي.. انت دائما في كتابتك كلها نرجسية حول نفسك وانا وانا وانا ومستنير وبتاع وكلو من العقدة، ونظرتك للناس دائما ما تفتكر انك اعظم واحسن من بقية الخلق سمات عبقرية قال! ياخ انت ماخد في نفسك خازوق كبير والله عموما انت واحد من اتفه الشخصيات التي في النت انت انسان تعيس يا بابكر، ما طبيعي، ما عشت لحظة سعادة وصدق في حياتك تنظر للناس بمنظار انك مميز ومستنير وان باقي الناس اقل منك ياخ انت والله زول ساكت معقد وجواك مركب نقص تاريخي وتعيش على هامش الحياة.. تعيش فراغ كبير، لم تملاه جِمال الاعراب، ولا رمال صحراواهم الكئيبة ولا امريكا ولا ولد او بنت.. الحياة لحظة صدق وتجلي مع انسان ومحيط وضمير، وانت تفقد اي مؤشر ايجابي، انت تعيش في كذبة كبرى، ومافي شخص بحبك، لانك مزيف، وبلا ضمير، مخلوق كدة ساكت لا ادب لا طبعة هسع الكتابة عن ابوي دا معاناها شنو تفاااا عليك وعلى خلقتك يا مريض ويا مليان تعاسة وقهر
02-12-2022, 07:47 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
عبد المنعم (الطيب) دا متعبط فوقي في البوست دا زي شِبكة الصحابي عبد الله بن مسعود في المستنير عمرو بن هشام، في الآخر بعد المستنير طُعن جاء طلع ليهو في سدرو قطع ليهو رأسه.
خلاص يا زول، أنا آسف أمرق من البوست يمرق جلدك
02-12-2022, 09:17 PM
حمد إبراهيم محمد
حمد إبراهيم محمد
تاريخ التسجيل: 08-20-2009
مجموع المشاركات: 5198
ضيق الموارد عندكم انتو يا شحاتين... كترة الخلفة دي عشان واحدة من عقدك، ومركب نقصك، وازمتك التاريخية، ستموت بها، ايها الوغد المعقد.. الكريه، ولانك بدأت المقارنة كلنا نكملا ليك وكلو طبيعي، فلم يكن هنالك مخصبات وانابيب في فترة من العشرينات حتى السبيعات، كما هو الحال الان، ... ولساتي وراك ابعد عن اخواني واخواتي، والله ابسط واحد فيهم اعظم من عقابك كلو، تفاااا عليك يا ورل،
والله يا مستنير كلامي ده يمكن يكبر رأسك لكن مافي حل نقولو والحاصل يحصل :)
الواحد بقى لما يفتح البورد بجر الاسكرول داون لقينا المستنير بنفتح البوست ما لقيناك طوالي نقفلو كدي أخد طلة على الصفحات الأولى للمنبر دي شوف بتقدر تطلع منها ربع موضوع ولا حاجة بتستحق الكتابة؟ ياهو كلها أخبار أخبار وقديمة وبايتة زايد عادل امين :)
انا شايف تثبت لينا نحن المعجبين ديل بوست اسبوعي أو على الأقل شهري او بالعدم ربع سنوي :)
02-13-2022, 12:51 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة