تعليقاً على السيارة السودانية المحملة ماشية للمصريين كتب أحدهم :
Quote: Hitham Hamary Hitham Hamary 30 minutes ago والله انا ما بلوم المصريين َََالعيبة في العملادالسودانيين البايعين وطنهم.. التحية للثوار والجيل الواعي 3
قمة المأساة والله ان تساند مخرب اقتصاد بلدك فى افعاله .
01-31-2022, 08:15 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: طيب والبضاعه المصريه الداخله السودان وضعها شنو ؟ حالة اسعار السلع الاستهلاكيه فى الاسواق المحليه ؟؟؟
عن اذنك الحبيب علاء
حبيبنا عاصم تحياتي بصراحة كده مع أنك في الوطن ونحن عايز أعرف حقيقة تأثير هذا التتريس على الحياة اليومية للمواطن النقطة دي هي الأهم .. بعيداً عن السياسة
تحياتي الحبيب عاصم
شكرا علاء الحبيب
02-01-2022, 03:39 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: المشكلة ليست فى قانونية المشتروات المشكلة كل المشكلة ان مشترواتهم كلها بالجنية السوداني كاش وليست بالطرق الرسمية المعروفة .
مشكلة المصريين بالجد بقت مشكلة مؤرقة ولابد من ايجاد حل ناجع وسريع .
ما هو انت كتبت انو الثوار ودوا الشاحنات للتفتيش في الجمارك. الح يحصل شنو هناك؟ والجمارك سلطاتها شنو غير تفتش و تتأكد من سلامة الاجراء و تفرج عن الشاحنات؟ وما علاقتها بالمشكلة الذكرتها عن المشتروات بالسوداني! يا علاء الموضوع دا للأسف فيه كمية تضليل ما طبيعي، وواضح ان هناك حملة ذات اجندة ما تلعب على وتر احساس السودانيين بالدونية تجاه كل ما هو مصري ومساعدنها بجهلنا
02-01-2022, 04:26 AM
Abureesh Abureesh
تاريخ التسجيل: 09-22-2003
مجموع المشاركات: 30182
المواطن السودانى لا يستطيع إدخال عملات سودانية دع عنك الأجنبى.. مافى عسكرى واحد قالب ليهم القروش دى أدخلتوها كيف .. إدخال عملات سودانية جريمة يعاقب عليها القانون., ةاللا كيف يا وزارة الداخلية وإدارة الجمارك بلد كلها مقددة والبركة فى هؤلاء الشفوت والكنداكات
02-01-2022, 07:43 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: ما هو انت كتبت انو الثوار ودوا الشاحنات للتفتيش في الجمارك. الح يحصل شنو هناك؟
وكان ردي عليك :
Quote: المشكلة ليست فى قانونية المشتروات المشكلة كل المشكلة ان مشترواتهم كلها بالجنية السوداني كاش وليست بالطرق الرسمية المعروفة .
بمعنى مهما حصل بعد التفتيش فالعملية من اساسها اصلاً غير قانونية ( لان حمدوك كان قد وضع قانوناً للصادر بعدم تصدير المواد الخام ) ولو كانت الاجراءات والاوراق صحيحة .
Quote: وما علاقتها بالمشكلة الذكرتها عن المشتروات بالسوداني! يا علاء الموضوع دا للأسف فيه كمية تضليل ما طبيعي، وواضح ان هناك حملة ذات اجندة ما تلعب على وتر احساس السودانيين بالدونية تجاه كل ما هو مصري ومساعدنها بجهلنا
تضليل شنو يا زول ؟
المصريين كانوا بيقوموا بادخال عملات سودانية مزورة وتم توقيف الكثيرين منهم عبر الحدود البرية وايضاً الجوية وآخر الذين تم توقيفهم كانت طالبة مصرية ومعها عملات سودانية تقدر بمليارات الجنيهات فى مطار الخرطوم ( فى عهد الفترة الانتقالية الاولى ) والشرطة السودانية افادت فى حينه ان معظم العملات مزورة وبعضها سليمة لخلط السليم بالمزور وتمريرها للشراء .( انتا الظاهر عليك يا ود البشرى لم تسمع او تقرأ عن توقيف مصريين يحملون عملات مزورة فى السودان )
Quote: وواضح ان هناك حملة ذات اجندة ما تلعب على وتر احساس السودانيين بالدونية تجاه كل ما هو مصري ومساعدنها بجهلنا
بالجد الكلام المقتبس اعلاه كلام متهافت ولا سند له لماذا ؟ لانه ليست هناك احساس بالدونية ولا يحزنون انما الاحساس هو : اننا ننظر الى المصريين وهم يقومون بشراء منتجاتنا بالجنيه السوداني وكمان مزورة ودون اتباع الطرق الرسمية المعروفة عبر البنوك - يازول قول كلام غير دا .
ثم ثانيا وهو الاهم : هناك فى العُرف الدولي شعار ( المعاملة بالمُثل ) والمعروف انّ السلطات المصرية تسمح بادخال مبالع محددة بالعملات الاجنبية للمسافرين لماذا لا يسمحوا للسودانيين بادخال مايريدون كما يفعلون هم بادخال مبالغ دون حدود لها ومعظمها عملات مزورة .
اعادة السيارات المصرية من حيث اتت وفى كل الطرق واجب المرحلة .
02-01-2022, 07:44 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: المواطن السودانى لا يستطيع إدخال عملات سودانية دع عنك الأجنبى.. مافى عسكرى واحد قالب ليهم القروش دى أدخلتوها كيف .. إدخال عملات سودانية جريمة يعاقب عليها القانون., ةاللا كيف يا وزارة الداخلية وإدارة الجمارك بلد كلها مقددة والبركة فى هؤلاء الشفوت والكنداكات
كلام سليم شكراً يا ابو الريش
02-01-2022, 07:48 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
سلام أ.علاء (لجنة البحث عن حلول ناجعة لمشكلة الشرق) التي كونها القاتل الجهلول حميدتي،هل سبب تكوينها لجوء المصريين لميناء بورتسودان أم هي لجنة تعمل بجدية و سرعة لحل مشاكل أهل الشرق؟ أعتقد في حال مماطلة اللجنة سيتم إغلاق الميناء على كل حال.
02-01-2022, 11:02 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
علاء دا نقل لينا هنا عشوائية ولا منطقية النشر بتاعت الفيسبوك والواتساب . الجوطة الحاصلة بتاعت مواردنا دي كلها كلام فارغ انتو والله، انتاجكم لا يغطي حق ونستكم عبر شبكة زين الكويتية
أرجو من الأخ بكري تقليل عدد مداخلات المدعو علاء دا
02-01-2022, 11:08 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7216
Quote: لان حمدوك كان قد وضع قانوناً للصادر بعدم تصدير المواد الخام
ما في قانون بيمنع تصدير المواد الخام. حمدوك أشار إلى أهمية تنمية الصناعات وتصدير مواد مصنعة لأنها ستكون أكثر جدوى إقتصادية. ولكنه لم يضع قانون وتصدير الخراف إلى السعودية ما حصل وقف إلا بسبب إرجاع بعض البواخر لدواعي صحية.
Quote: إدخال عملات سودانية جريمة يعاقب عليها القانون
ما فهمت كيف إدخال عملات سودانية جريمة يعاقب عليها القانون. إدخالها من وين وكيف؟
Quote: الموضوع دا للأسف فيه كمية تضليل ما طبيعي
يا علاء كلام ود البشرى دا ما ترميهو واطــة. صحيح التجارة بين السودان والدول المجاورة محتاجة إلى تطوير للإستفادة منها بصورة أكبر ولكن التطوير يجب أن يكون مبني على حقائق ودراسات وليس فقط مجرد شائعات تروق للمتلقي.
02-01-2022, 11:25 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
عذبني وتفنن ... بالمناسبة يا مولانا ... ال (i) بتاعت (Hafiz) ننطقها زي ال (i) بتاعت (Bashir) ... أفتينا يحفظك الله للفائدة العامة ... ما أظن هناك سبب للتجاهل هنا ...
تحياتي علاء ...
02-01-2022, 11:45 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
من ثمرات قفل طريق شريان الشمال الدنيا عرفت الى اي مدى ان خيرات السودان منهوبة والى اي معيار عالي اقتصادي ان هذا السودان المغلوب على امره كم هو غني لكن جيرانا واخوانا في الانسانية والاسلام لن يسمحوا مهما كلف الامر لهذا البلدالجريح ان يشفى من جراحه ولا لمواطنيه ان ينعموا بحياة كريمة وفي امن وسلام ورخاء.
02-01-2022, 11:54 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
تصدير الإبل حيّة لمصر وعبر سفرها مشياً على الأقدام هي الطريقة الوحيدة المجدية اقتصاديًا.
يا أخي، كونو تلقى ناس بالعدد الكبير دا ومستعدين يا يأكلوا لحم الإبل كبير السن ومستعدين يدفعوا أكتر من داخل السودان، دي صدفة حظ عظيمة لتسويق منتج باير زي دا.
الناس موهومة وهم شديد
عليكم اللعنة
02-01-2022, 12:15 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7216
يا علاء واحدة من المشاكل المترتبة على التضليل الحاصل دا ومجافاة الحقيقية هي تثبيط الهمم وعدم القدرة على تكوين تصورات واقعية لحل أزمات السودان الإقتصادية. هذه التصورات المغلوطة تدعم خلق ثقافة سالبة لا تشجع على العمل والممارسات الإيجابية. ومثال ذلك تصور أن حمدوك كان ممكن يحسن التجارة الخارجية بوضع قانون يمنع تصدير المواد الخام او تصور أن تتريس الطريق إلى مصر سيحسن الإقتصاد السوداني. المسألة ليست بهذه البساطة ولا بهذه السهولة. بل تحتاج إلى كثير من الجهد في تطوير بيئة الإستثمار ورفع المهارات الإنتاجية ودعم القوى البشرية في السودان حتى نستطيع أن نستفيد من مصادرنا بشكل أفضل. مجافاة الواقع وتصور حلول سهلة تقعدنا عن التقدم في تحقيق متطلبات التنمية الإقتصادية.
02-01-2022, 01:04 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ومن نكد الدنيا على ابي حتوت ان يرى موضوعا بتفق فيه معه المستنير و مولانا ولا يجد فرقة لكي يغالطهم كالمعتاد اطالب بكري باعادة حساب "احدهم" على الأقل داك حتى لو كلامه صاح تغالطه و انت مرتاح ولا بكتّر الكلام معاك بمشيها ليك
02-01-2022, 01:25 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
تروس الشمال يا بكور كلامهم ومطالبهم واضحة في بياناتهم وفي كلام متحثيهم في القنوات, الكهرباء كانت اولا الآن المطلب اسقاط الانقلاب عديل بلا مواربة وعودة المدنية, و ايضا حقوق الشمال هوس النهب و انهيار الاقتصاد المصري و المش عارف ايه دي مطالب ناس الاسافير و يستعبنوا عليها بترويج المواسير البتلقفوها ناس علاء و صحبه الميامين و يجوا يحشوا بيها افكار الباندوث حش!
02-01-2022, 02:06 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
سلام اخ علاء التساؤلات للفت انتباه الراى العام لجوانب اخرى من الامر الحمله الاسفيريه الحاصله غيرواقعيه وتصرف النظر عن كتير من علامات الاستفهام يمكن بعضها وردتو فى ردى على عمنا الحبيب على انا مع ضبط الحدود وتفعيل الضوابط لعمليتى الاستيراد والتصدير سواء لدول الجوار او ابعد . لو تذكر فى موضوع (17 ونص بتاع حاتم ابراهيم وفكرتى بتاعت مثلث الغرب والشمال - الوسط ليكون مركز صناعى مهم يستقبل انتاج افريقى ويصدر المنتج لافريقى بقيمه مضافه للعالم داالمستقبل انويكون عندنا رؤيه نسعى ليها ونحاول نحققها بفعل ايجابى خاصه ونحنا فى زمن العولمه والتجمعات الاقتصاديه الاقليميه اذن دورنا كما اقول دائما ف الموضوع دا نطعن فى فيل ذاتو ونحل جذور المشكله باسقاط الانقلاب وضمان دولهمدنيه حقيقيه تحقق مصلحه المواطن لكن معركه تتريس الشمال الحاليه حتنقشع وحيعود كل شىء كما كان طالما الانقلاب جاثم على صدورنا واقتصاد الشق الانقلابى هو المسيطر على السوق وسياسيا وتنفيذيا بيدهم القلم لادارة الشان السودانى اذن معركتنا اسقاط الانقلاب اولا فى معركه فاصله
02-01-2022, 02:19 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
Quote: المصريين كانوا بيقوموا بادخال عملات سودانية مزورة وتم توقيف الكثيرين منهم عبر الحدود البرية وايضاً الجوية وآخر الذين تم توقيفهم كانت طالبة مصرية ومعها عملات سودانية تقدر بمليارات الجنيهات فى مطار الخرطوم ( فى عهد الفترة الانتقالية الاولى ) والشرطة السودانية افادت فى حينه ان معظم العملات مزورة وبعضها سليمة لخلط السليم بالمزور
02-01-2022, 04:23 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: سلام أ.علاء (لجنة البحث عن حلول ناجعة لمشكلة الشرق) التي كونها القاتل الجهلول حميدتي،هل سبب تكوينها لجوء المصريين لميناء بورتسودان أم هي لجنة تعمل بجدية و سرعة لحل مشاكل أهل الشرق؟ أعتقد في حال مماطلة اللجنة سيتم إغلاق الميناء على كل حال.
لجنة البحث عن حلول مشكلة الشرق ( لجنة ذو توجهات معينة تصب فى مصلحة نظام البرهان حميدتي ) ولن تصل لاي حلول مرضية للشرق - واغلاق الميناء سيتم عاجلاً او آجلاً . الكيزان عادوا بكثافة الى المشهد .
02-01-2022, 04:31 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: علاء دا نقل لينا هنا عشوائية ولا منطقية النشر بتاعت الفيسبوك والواتساب .الجوطة الحاصلة بتاعت مواردنا دي كلها كلام فارغانتو والله، انتاجكم لا يغطي حق ونستكم عبر شبكة زين الكويتيةأرجو من الأخ بكري تقليل عدد مداخلات المدعو علاء دا
فيس بوك شنو يا اب لمبةانا جايب فيديو من اليوتيوب ومعلّق عليه وانتا جاي شمال وتقول انتا نشر عشوائية الفيس بوك طيب طالما انتاجنا ما بيغطى حق ونستنا ياخ خلي المصرين يدونا عرض اكتافهم ويفارقونا . والله بالجد دا لو مستوى لمبتك حقو الريس يديك مداخلة واحدة بس يومياً لانك بتبذر فى الباندوث
02-01-2022, 05:33 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: إدخال عملات سودانية جريمة يعاقب عليها القانون
ما فهمت كيف إدخال عملات سودانية جريمة يعاقب عليها القانون. إدخالها من وين وكيف؟
يا مراحب يا مولانا
انتا من وين جبت المقتبس اعلاه شخصياً انا ما كتبت الكلام دا والكتبو يمكن يكون قاصد العملات السودانية المزورة .
طبعاً ادخالها من خارج السودان الى داخل السودان وعبر جميع المنافذ ( برية - بحرية - جوية ) وتم توقيف الكثير من المصريين وهم يحملون عملات سودانية مزورة وبكميات كبيرة جداً بالمليارات فى عهد الكيزان وحتى فى عهد الفترة الانتقالية .
Quote: لان حمدوك كان قد وضع قانوناً للصادر بعدم تصدير المواد الخام
يوم تصدير اول شحنة من اللحوم السودانية الى السعودية حمدوك قال بعد كدا ما ح نصدر منتجاتنا خام وح نصدر قرار فى هذا الصدد
تدشين أول طائرة صادر لحوم للسعودية
Quote: يا علاء كلام ود البشرى دا ما ترميهو واطــة. صحيح التجارة بين السودان والدول المجاورة محتاجة إلى تطوير للإستفادة منها بصورة أكبر ولكن التطوير يجب أن يكون مبني على حقائق ودراسات وليس فقط مجرد شائعات تروق للمتلقي.
يا مولانا هنا انا اتحدث بلساني لا بلسان الآخرين البرهان وحميدتى فى سبيل الجلوس على العرش سمحوا لمصر والامارات ان يفعلوا ما شاءوا فى مقدرات السودان وسواءا مصر او الامارات او البرهان وحميدتي لايهمهم مصلحة السودان ومصلحة الشعب السوداني لذلك على الشعب ان ينتبه الى ذلك : وكلامك بخصوص التجارة بين السودان والدول المجاورة محتاجة الى تطوير للاستفادة منها بصورة اكبرة .. كلام سليم وكلام عقل والاستفادة بصورة اكبر لا يتأتى الا عبر منع تصدير الخام . لابد من تصدير اللحوم لا الماشية وكذلك بالنسبة للقطن والسمسم والصمغ العربي الخ يجب منع تصديرها خاماً ...
02-01-2022, 05:44 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: يا علاء كلام ود البشرى دا ما ترميهو واطــة. صحيح التجارة بين السودان والدول المجاورة محتاجة إلى تطوير للإستفادة منها بصورة أكبر ولكن التطوير يجب أن يكون مبني على حقائق ودراسات وليس فقط مجرد شائعات تروق للمتلقي.
يا مولانا كلام ود البشرى على العين والراس ولكن ؟؟ لو جينا نعمل دراسات وجرد حساب ما ح نلقى شئ لانه اصلاً فى دولاب العمل فى السودان فى وزارة التجارة فى القسم الخاص بهذه المسألة مثلاً بخصوص التجارة مع مصر : لن نجد اى مستندات يمكن الركون اليها لعمل دراسة حول التبادل التجاري مع مصر لماذا ؟؟ لان المصريين يقومون بالبيع والشراء ( نقداً ) ومباشرة .. والتقارير السنوية التى تصدر بخصوص التبادل التجاري مع مصر تقارير تقديرية وليست حقيقية .
02-01-2022, 05:49 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: من ثمرات قفل طريق شريان الشمال الدنيا عرفت الى اي مدى ان خيرات السودان منهوبة والى اي معيار عالي اقتصادي ان هذا السودان المغلوب على امره كم هو غني لكن جيرانا واخوانا في الانسانية والاسلام لن يسمحوا مهما كلف الامر لهذا البلدالجريح ان يشفى من جراحه ولا لمواطنيه ان ينعموا بحياة كريمة وفي امن وسلام ورخاء.
شكراً يا موسيقارنا
02-01-2022, 06:27 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: يا الله، مصر تشيل كاس أفريقيا كيتاً في تروس الشمال ومنان وعلاء
بالعكس يا ابوبكر مصر الشعبية ما عندنا معاها مشكلة مشكلتنا مع مصر الرسمية وبالمناسبة انا بشجع الفريق المصري منذ زمن بعيد وبشجع الزمالك كذلك . و ان شاء الله ربنا يتقبل دعاك ومصر تشيل الكاس .
02-01-2022, 07:28 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: تصدير الإبل حيّة لمصر وعبر سفرها مشياً على الأقدام هي الطريقة الوحيدة المجدية اقتصاديًا.يا أخي، كونو تلقى ناس بالعدد الكبير دا ومستعدين يا يأكلوا لحم الإبل كبير السن ومستعدين يدفعوا أكتر من داخل السودان،دي صدفة حظ عظيمة لتسويق منتج باير زي دا.الناس موهومة وهم شديد
يا دكترة لو تم التصدير بالطرق الرسمية مافى مشكلةالمشكلة كل المشكلة وخاصة فى الابل انهم يقومون بشراء الاناث لغرض الاستفادة منها بالتوالد هناك وفى السودان رسميا ممنوع تصدير اناث الابل . هاك الفيديو دا جديد ومرفوع على اليوتيوب اليوم التعليق والصور المصاحبة فى الفيديو من قناة الولاية الشمالية وبالمناسبةهى قناة من القنوات الرسمية فى الدولة .
بالمناسبة يا علاء حايمة صور لعلي عثمان يستقبل زوار في منزله, انتشرت الصور بعد الحكم له بالبراءة من قضية فساد ما! و التعليق انه تم تبرأته من كافة التهم و تم اطلاق سراحه فا شنو... قلت اكلمك من اسي: أوعى الماسورة
02-01-2022, 08:07 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
الإبن سلاه زوباير تحياتي ونشكرك على سؤالك عن قراءة إسم مولانا
Quote: بالمناسبة يا مولانا ... ال (i) بتاعت (Hafiz) ننطقها زي ال (i) بتاعت (Bashir) ...
لا يا إبني، ديل (i)ين مختلفات الاولى تُمَد بمقدار حركتين والثانية تُمَد بمقدار ست حركات. تجويد قراءة إسم مولانا فرض عين على القارئ ولا يجوز اللحن فيه. نفعك الله بعلمنا ونوَّر دربك.
02-01-2022, 10:30 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3486
السلام عليكم التجارة بين مصر والسودان يجب ان ينظر اليها كضرورة للاثنين. في يوم ما اعترض احد المتنفذين في مايو علي توريد المصريين لسلع ليست ذات جدوي حقيقية وكان رد المصريين ما هو نحن بنشتري منكم لب وتسالي ف ( بهت الذي اعترض ) تصدير الماشية يجب أولاً تسجيل انواعها كمنتج سوداني ( بكور ممكن يفيدنا هنا) وبعدين نصدر ، مصر وحتي دول الخليج لا تستطيع ان تربي المواشي لديها لاسباب موضوعية ( عدم وجود المراعي وعدم وجود المياة ) فقط علينا التأكد من تكاثر المواشي وتطعيمها الي حين قيام مصانع ( القيمة المضافة ) . التجارة تبادل مصالح. الكيزان بسياستهم الرعناء فرضوا علينا عزلة دولية وحتي ما انجزوه كان بكلفة عالية وجودة متدنية ومثال انبوب النفط وطرق استخراجه ومصنع سكر النيل الابيض. اهم حاج رفع الحظر وتدفق الاموال والتبادل التجاري مع كل زول العالم وعن طريق القنوات الرسمية ، التهريب والتجنيب نتيجة لسياسات الانقاذ وحاولت بها التحايل علي الحظر وهنا اتي دور جهاز الامن و ظباط الامن الذين استولوا علي الاموال ولم ترجع للسودان. الباقي كلو ساهل اهم شئ لا حظر لا عقوبات وظبط حرامية الانقاذ وجهاز الامن . بالنسبة لما سرق هناك اكثر من رأي احدهم الفاتن خلهم اقرع الواقفات والثاني لا بد من المحاسبة والا تكرر الامر صراحة ما عارفة ياتو الصاح .
02-02-2022, 10:44 AM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
اسئله مهمه تانى : -ايام اغلاق ترك للشرق حياراتنا كمواطنين مقيمين فى السودان كانت شنو فى الاستيراد وحتى فى التصدير ؟ وماهى الخيارات اذا تكررمافعله ترك مرة اخرى ؟؟ -الان هل تدخل بضائع من مصر ام ان الاغلاق من الاتجاهين ؟؟
02-03-2022, 09:34 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
Quote: بصراحة كده مع أنك في الوطن ونحن عايز أعرف حقيقة تأثير هذا التتريس على الحياة اليومية للمواطن النقطة دي هي الأهم .. بعيداً عن السياسة
سلام عليكم عمنا الحبيب على بصراحه ادخل الوسائط وسودانيز احس انو الموضوع بتاع التتري والكلام عن نزول الاسعار دا عن بلد تانيه اسمها سودان وعندها جارة اسمها مصر نعم فى خضروات نزلت اسعارها (الطماطم (من 250 -300 بقى 150) البطاطس مطروح بكميات كبيرة فى السوق. لكن السؤال نزول الاسعار خيرلمنو (للمنتج/المزارع)؟ ام للمستهلك ؟ امسك الثروه لحيوانيه الناس فى حمى العداء الاعمى (الموجه) لمصر نسوا يسالو مصير قطعان الثروة الحيوانيه اللى تم وقف تصديرها لمصر الكسبان منها الجهات البتثمر اقضيه سياسيا لكن المتضرر هو الرعاة اصحاب القطعان دى هل قدم لهم الثوار /الحكومه اى حلول بديله حتى لايخسر ويتضرر هؤلاء ؟؟؟؟ المتضرر المنتج/المزارع اما بقيه اسعار المنتجات زى زيت وصلصه ...الخ من سلع لو مازاد سعرها فسعرها ثابت لكن ما فى اعلام بيتابع نبض تاثير الحاله الاقصاديه على المواطن خاصه بعد تتريس الشمال
02-03-2022, 04:28 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء سيداحمد
محمد البشرى الخضر
ABUHUSSEIN
Asim Ali
علي عبدالوهاب عثمان
Abureesh
نعمات عماد
أبوبكر عباس
Hafiz Bashir
Salah Zubeir
Ahmed Yassin
Hatim Alhwary
Arif Nashed
فيس بوك
تويتر
انستقرام
يوتيوب
بنتيريست