|
|
|
 Re: شكراً يا تروس الشمال انظر يا مواطن الى ثرو (Re: علاء سيداحمد)
|
تنسيقية لجان مقاومة الشمالية
تصريح صحفي
تنفي تنسيقية لجان المقاومة بالولاية الشمالية ما تم تداوله اليوم علي مواقع التواصل الاجتماعي بشأن تفتيش الشاحنات المصرية وارجاعها الي مكانها، هذا الحديث عار عن الصحة، يتم ايقاف الشاحنة علي بعد مسافة من الترس .
إذ نتابع أن هنالك مساعي حثيثة لجهات مغرضة لتشويه صورة ترس الشمال واخراجه من سلميته ولكننا ماضون وفي الموعد لدحر أي خطوة تنافي الوضع ، وأن مبادئ ثورة ديسمبر حاضرة في التصعيد والتي تتمثل في الحقوق لسائقي الشاحنات والماشية التي يحملونها إذ يعامل الثوار سائقي الشاحنات بكل إنسانية وهذه روح ثورة ديسمبر المجيدة ..
وتؤكد تنسيقية الولاية الشمالية وتنسيقيات المحليات المختلفة أن الشائعات التي تخرج من هنا وهناك ماهي إلا محاولة لإضعاف ترس الشمال ولكن هيهات ...
ونرجو من كل الثوار في انحاء السودان أن يستقوا المعلومات من تنسيقية الولاية الشمالية وتنسيقيات المحليات المختلفة مباشرة وعدم الانجرار وراء محاولات التشويش المتعمدة من قبل فلول النظام البائد والعسكر ومناصريه ..
مع وعدنا لكل الثوار بأننا بصدد إطلاق منصة إعلامية تنشر تصعيد التروس لحظة بلحظة ..
كما نؤكد أن التروس في المحليات المختلفة يتم بطريقة مدروسة وتكتيكات مضبوطة من قبل اللجان الميدانية للمحليات ولنا في مقبل الأيام تكتيكات مختلفة وأن ثوار الولاية الشمالية لن يهدأ لهم بال حتي إسقاط النظام الانقلابي ولنا القدرة على المضي في درب النضال إلي أن تتحقق جميع مطالب الثورة.
#ترس_الشمال
الخميس ٢٧/يناير/٢٠٢٢م
| |
 
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
Quote: شنوهو تعريفك يا علاء لعبارة " ثروة مهدرة ومنهوبة" عشان افهم البوست دا بتكلم عن شنو!
|
تمام يا كرومبو سؤال فى السلك حسب لغة الراندوك
ثروة منهوبة :
من جهة سيطرت قوة عسكرية غاشمة على ثروات البلاد وتفعل ماتشاء كيفما اتفق وحسب رغبات من يدعمونهم من الخارج سواءاً مصر او الامارات
مثالاً ..
ودون اللجوء الى الطرق الرسمية المعروفة من فتح الاعتمادات المستندية عبر البنوك فى التصدير او الاستيراد كما هو متّبع فى جميع انحاء العالم
حيث يتم الشراء من السوق السودانية من ( المصريين مثالا ) بالعملة المحلية ( كاش ) وهنا نهب ممنهج لمبالغ طائلة تستفيد منها مصر عبر تصديرها
لثرواتنا الحيوانية والتى يشترونها بالجنية السوداني حيث يقومون ببيعها للاسواق الاوربية والامريكية بالعملات الاجنبية .
ثروة مهدرة :
مبالغ ضخمة من العملة الاجنبية مهدرة جراء البيع بالكاش وبالعملة المحلية وفى اغلبها عملات مزورة وقد تم ايقاف الكثير من المصريين فى عهد الكيزان
وحتى فى عهد الفترة الانتقالية و تزوير تلك العملات السودانية يقينى الذى لاشك فيه تتم عبر جهاز الامن والمخابرات المصرية .
حيث يتم عبر تلك العملات المزورة شراء ( الماشية - القطن - السمسم - الفول السوداني - الصمغ العربي - السكر - الخضروات والفاكهة والكركديه
وحتى القونقليز والآبرى والحلو مر والتسالى الخ ) حيث يتم اعادةتصديرها باعتبارها منتجات مصرية وهنا فى سودانيز الكثير من تلك المنتجات السودانية
القُحة والمصدرة على انها مصرية ( وللاسف الشديد ولعدم وجود حكومة رشيدة هنا فقط ثرواتنا مهدرة ومنهوبة .
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
سلام والإحترام للجميع~
ممكن تحرك ناس خط الشمال يكون بدأ مطلبى "رفض الزيادة فى الكهرباء"
طوالى الدباب بادرهم بالتحقير "دوشة"!
وبعدها ممكن جدا تتطور المطالب وتدعو لإسقاط النظام
*زى ما حصل مع تجمع المهنيين
"دور تجمع المهنيين وثورة 2018
يمكن القول إن تجمع المهنيين السودانيين، ورغم عدم وضوح دوره في التحضير للحراك الجماهيري في أسبوعه الأول عام 2018، خاصة تلك التظاهرات التي خرجت في الولايات وساعدت في تنسيقها لجان المقاومة،
إلا أنه قد لعب دوراً محورياً في تحريك الجماهير داخل العاصمة الخرطوم من خلال دعوته إلى تنظيم مسيرة للبرلمان
لتقديم مذكرة تطالب بتحسين الأجور في 25 ديسمبر 2018.
وقد دفعت الاستجابة الواسعة من المواطنين التجمع لمواصلة التعبئة والحشد والدعوة لتنظيم التظاهرات، ما خوله إلى لعب دور قيادي بارز بمرور الأيام،
أيضاً فإن التراكم التنظيمي الذي أحدثه، مكّنه من المساهمة الفاعلة في هندسة الثورة ضد نظام البشير."
منقول جزء المهنيين من هنا:
https://www.arab-reform.net/ar/publication/%D8%AA%D8%AC%D9%85%D8%B9-%D8%A7%D9%84%D9%85%D9%87%D9%86%D9%8A%D9%8A%D9%86-%D8%A7%D9%84%D8%B3%D9%88%D8%AF%D8%A7%D9%86%D9%8A%D9%8A%D9%86-%D8%A7%D9%84%D8%A8%D9%86%D9%8A%D8%A9-%D9%88%D8%A7%D9%84%D8%AA/https://www.arab-reform.net/ar/publication/%D8%AA%D8%AC%D9%85%D8%B9-%D8%A7%D9%84%D9%85%D9%87%D9%86%D9%8A%D9%8A%D9%86-%D8%A7%D9%84%D8%B3%D9%8...8%D8%A7%D9%84%D8%AA/
| |
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: هدى ميرغنى)
|
يا هدى مش ممكن يكون تطورت المطالب لا بل بالفعل تطورت لعمل سياسي ودا امر منطقي و حق اصيل لكل سوداني ان يقاوم الانقلاب بالوسيلة التي يراها سليمة
المشكلة في عدم الاعتراف بهذا الامر أو تغليفه بانه موجه ضد مصر و الترويج المتهافت لقصة نهب الموارد دي!
طبعا تفسيري لهذا الامر انه الناس عارفة كلفة شرعنة اغلاق الطرق القومية كوسيلة معارضة سياسية, سابقا ولاحقا فقصة تهريب ومصر دي اشبه بالهروب من هذا الواقع
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
الأخ المحترم ود البشرى~
يومهم الأول القالوا ما سياسة ، شفتها غريبة لأنه أنا بفتكر أى قرار يتخذه الإنسان شكل من أشكال السياسة،
زى طريقة بعض الناس لما يعبروا عن أسلوب محدد فى التعامل يقولوا بالمسايسة أو سايسهم عشان تحقيق الطلب المعنى.
وبعدها السياسة تتفاوت نوع حميد ونوع غير حميد.
أنا حسب شوية فهمى شغل ناس الشمال سياسة حميدة وسلمية.
ومن ناحية إنه خير السودان يلاقينا فى بلاد الآخرين ونحن محرومين دا حاصل.
بعض الأغانى السودانية يا ود البشرى تُغنى فى مصر إنها مصرية. أثيوبيا مثلا نشيد يا بلدى يا حبوب عملوه نشيدهم
لدرجة إنه سحبوا منه أو غيروا مقطع "نيلك هيلك.." لأنها أثيوبيا ما بيجرى فيها نهر النيل.
يا أخ ود البشرى مثال:
الشمالية منطقة إنتاج لكثير من الخيرات ، العائد بيمشى وين؟
بعدين قصة النهب ، ممكن نقول مصر ما محتاجة ومتقدمة على السودان،
دى الفكرة زاتها القلع والنهب لخيرات بلاد الغير من "بعض" الدول ، ياهو بيزيد إمكانيات القالع ويفقر المقلوع منه.
- أمريكا مثلا مخزونها من البترول ممكن يفوق مخزون الدول العربية، لكن يوم الدول دى تفتح خشمها وتقول ماسكين بترولنا عندنا، أمريكا تشيل عصايتها وتجرى عليهم.
-بعض بلدان أمريكا اللاتينية من كثر ما خيرها منهوب والله الشعب السودانى جنبها مفتح عيونه وما بيخلى خيرات بلده تُنهب ، رغم فقر الدول دى أمريكا تشيل قدر العندها (قصة طويلة دى)
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: هدى ميرغنى)
|
موضع النهب دا يا هدى يطول الحديث حوله و فيه وجهات نظر متباينة و عموما عند الحديث عن الاقتصاد و التجارة لا يجب ان يكون الحديث عاطفيا بل الكلمة الاخيرة للارقام و الحقائق, و المصالح الاستراتيجية للبلد
للاسف بنتعامل بسبهللية مبالغ فيها و بعدم ضبط للمصطلحات يصلح لونسة القهوة لا لمناقشة امور الاقتصاد
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
تحياتى أخ ود البشرى~
معليش لو كلامى كان ونسة او غير علمى.
وأتفق معاك تماما فى إنه مناقشة الإقتصاد مفروض تكون بأرقام وإحصائيات دقيقة قدر الإمكان.
-واقع السودان الراهن ما فيه معلومات دقيقة متوفرة.
و لما يدخل عامل تهريب بطرق غير مشروعة (الذهب مثالا) بيكون وجود إحصائيات دقيقة عايز شغل كثير.
-فى حالة موارد الشمالية وواقع إنسانها العايش أو مرتبط بالمنطقة ، هم أدرى بإنهم أدخلوا كم فى الإنتاج وربحوا كم أو خسروا كم.
هم أدرى لما يشوفوا الشاحنات عابرة أراضيهم وحتى حق المرور المعمول بيه فى عدد من المناطق ، لو لمجرد تحسين الطرق نفسها ما مدفوع ليهم.
*حأمشى أفتش لو لقيت إحصاءات فى أمر طريق الشمال، أرجع أكتبها.
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: ABUHUSSEIN)
|
Quote: الكلمة الاخيرة للارقام و الحقائق, و المصالح الاستراتيجية للبلد
للاسف بنتعامل بسبهللية مبالغ فيها و بعدم ضبط للمصطلحات |
سلام يا باش م ود البشرى
من بداية حكم الانقاذ كل الإحصائيات مزورة أو معدلة.و لا يمكن الحصول
على المعلومات إلا بإذن من جهاز الأمن الذي سيعتبر السائل متهماً .
فهل نتوقع الحصول على احصاءات دقيقة في عهد الجنجوبد والقاتل الأُمي
و تاجر المرتزقة الذي ما زال يمارس تجنيب و تهريب الكيزان؟
ربما نبدأ بالسؤال :
كم مليار تدخل الخزينة سنوياً كضرائب عن قتلى الجنجوبد في اليمن؟
(بالجد أتمنى ان لا يصيبكم غثيان من سؤالي)،
احصاء وارقام في زمن حميدتي؟ come on !
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: نعمات عماد)
|
العفو يا هدى لم اعني بالونسة حديثك تحديدا لكن مجمل هذا الجنون الجماعي الحاصل في موضوع ترس الشمال، وترديد ترهات على شاكلة الانهيار الوشيك للاقتصاد المصري او اعتماد احد اضخم المصنوعات الجلدية في ٩٥ % من واردات الخام على السودان وغيرها.
يا دكتورة نعمات الارقام يمكن الحصول عليها من مصادر مختلفة، احصاءات التجارة العالمية متوفرة، احصاءات وزارة التجارة المصرية عن الواردات السنوية متوفرة، لو قلنا البضاعة طلعت مننا تهريب فما ح تدخل مصر تهريب برضو! ولا شنو
القصد ما ناخد اي كلام يتكتب او يتقال كمسلم به و تبني عليه روايات و نؤسس عليه بدون بذل قليل من الجهد للتحقق، مثلا الفيديو موضوع البوست لقطعان ماشية مأخوذ من سوق المويلح اكبر سوق في السودان، المتحدث في الفيديو قال الاعداد زادت بسبب قفل الطريق، علاء قبل ما يتحوقل هل تأكد من صدقية المتحدث، هل قارن باعداد الماشية السنة الفاتت في مثل هذا التوقيت؟
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: نعمات عماد)
|
| Quote: وين بوست عارف ناشد تاع التحقق من صحة الفيديوهات؟ |
اذا بتسألي يا دكتورة عن صحة الفيديو بتاع مويلح, فلا اعتقد انه مفبرك او قديم , المشكلة في التعليق المصاحب للفيديو و ادلى بمعلومة (انه في ارتفاع في عدد الماشية المعروضة) وعزاه بسبب الاغلاق!
المفروض نتحقق منه صدقية او منطقية المعلومة قبل ان نسلم بها, لما زول يقول ارتفعت الاعداد طيب ارتفعت عن شنو وعن كم؟ على الاقل كان يكمل جميله و يسأل واحد من التجار او السماسرة عن الحاصل و يقارن بين المعروض الآن و السنة الفاتت مثلا قبل يتبرع و يفتي و نحن نصدق على طول
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
سفسطائية مبالغ فيها من اللخو جرجير
مطالب سياسية كشفت عن فائدة اقتصادية شنو الحرام
في الموضوع دا؟؟
يعنى ثورجي يطالب باسقاط النظام عبر اغلاق الطريق
وفي الأثناء قال الاغلاق دا أفرز فوائد أخرى منها ايقاف
النهب الممنهج لثروات السودان .. خت لي اصبعك على محل الخطأ القاصدو دا.
................
جرجير دا زي كتير جدا ممن يدعون برجال الدين يعتقدون دائما
أنهم الأفهم والأحق بالفهم
| |
|
|
|
|
|
|
|
|
 Re: شكراً يا تروس الشمال انظر يا مواطن الى ثرو (Re: muntasir)
|
بالمنسه من قبل موضوع الاغلاق كان فى حركات تعطيل وتاخير لشاحنات التصدير الطالعه من المحجر (اخبار المبردات البتطلع من مسلخ الكدرو شنو ؟؟) حاجه شفتها تاخير جرجرة عسكرى مرور لشاحنه مواشى لمصرى طالعه من المحجر تحديدا فى استوب لفة حنوب فى الكدرو لدرجة تعطيل واختناق مرورى لفترة بسبب ضيق الشارع وفى وقت ذروه زى 3 غصر ومن الفهمتو من البعض انو الحكايه اصبحت متكررة
هلمن الممكن المضايقات المبكرة دى من فراغ وبدون علم الجهات الرسميه (الانقلابيه) والمنطقه ديك بحكم معسكرات تدريب ومخزن ذخيرة ومسلخ مليانه عسكر
سالت اخبار عن اللحوم المبرده ليه
لانو للوم الحيه لو رجعت مكسب لمسلخ الغسكر اللى شلركاتهم حتصدر بقيمه مضافه
العائدفى جيب منو ؟؟
المبردات ممكن تطلع عادى عن طريق حلايب (ترك رايو شنو ؟ مش برضو لو عمل حركه مشابهه وقفل طريق مصر من حق الولايه تستفيد زى ناس الشماليه ؟؟)
من زمان اللحوم الحيه بتمشى مصر بدروب بيعرفوها اهلها ...هل فى رصد ورقابه على الدروب دى ياناس ترس الشمال ؟؟؟
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
المصيبة الكبرى
حميدتي والدعم السريع يقومون بتصدير الابل عبر درب الاربعين الى مصر
وعبر البحر الاحمر الى السعودية وعبر الجو الى الامارات العربية المتحدة
ولايدفعون مليم احمر ضرائب ورسوم وجبايات لخزينة الدولة
والمصيبة الاكبر خزينة الدولة السودانية تتحمل رواتب جنودهم !!؟؟
ولايريدون كذلك تسليم الشركات المدنية للسلطة المدنية !!؟؟
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
| Quote: وبعدين يا كرومبو مافى اي مشكلة تروس الشمال يقولوا عملنا التروس لايقاف نهب ثرواتناعادي لان الترس لو حقق هزيمة الانقلاب بالتالي سيتم ايقاف نهب ثرواتنا عبر حكومة ديمقراطية . |
لا اتفق, فكرة نهب الثروات و ايقافها باغلاق طريق ارى فيها سذاجة
و الحمد لله تنسيقية مقاومة الشمال في بيانهم بتاريخ 28 كانوا واضحين جدا, هدفهم اسقاط الانقلاب ما تواروا ورى نهب موارد ورخص سعر لحمة وطحنية - في فيديو طلع اليوم بهذا المعني!!
بالنسبة لاحالتي لبيانات الاجهزة المصرية بس لانه نعمات شككت في بيانات اجهزة الدولة السودانية لا اكثر, وقبل ذلك احلت لبيانات صندوق النقد الدولي
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
جرجير جابت ليها سيكوباتية كمان
يعنى يا يقولوا ليك اتا أبو العريف وقاهر الكواكب
يا كمان تكورك وتتشقلب ؟؟ خخخخخ
سمح انت الافهم اااااا اللخو ما كمان تقع تنبرش على طولك
لكن هسة فرضنا نص ناس المنبر ديل ومعاهم نص قدرم تانين
من القراء طلعوا فاهمين عكس ورجغتك الفوق دي بس ذنبهم
شنو تنعتهم كلهم كدا بربطة واحدة بالطرش والقال ليك منو
ذتو الأطرش ما بفهم ااااا عجب أمو ؟؟
...........
المستجير انا شفت صورتك في المنبر دا لقيتك راجل كبير
أها من ديك بقيت اتحاشي ارد ليك بالسلاخي الذي تعرف
فاااااااشنو خليك في نظري راجل كبير اااااااازول .
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
عجب أمو هههههههههههه Quote:
لا اظن كل قراء المنبر منهم، انت وكم واحد معاك بس
|
جاري وين
أركز هههههههه
دا مش كوراكك المعاهو شقلبة واللا كتبو زومبي ؟؟
Quote:
أنا الأفهم من اي اطرش بتمشي عليه وهمات زي ايقاف النهب الممنهج لثروات السودان :) |
أفهم من أي أطرش يعنى أي أطرش ما وصلو
فهم ورجغتك الفوق دي
ما فيها تفصيلة أنا و كم واحد معاي
ثم ياخ تاااااااااااااني أكرر ليك السؤال
القال ليك منو الأطرش ما بفهم ؟؟؟؟
والأطرش ذاتو ذنبو شنو عشان تقحموا كأيقونة سخرية؟
هل ذنبو أرادة الله انو يكون أطرش ياخ ؟؟؟؟؟
....
تمت اضافة لقب عجب أمو إلى جرجير خخخخخخ
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: طلحة عبدالله)
|
| Quote: المشكلة في عدم الاعتراف بهذا الامر أو تغليفه بانه موجه ضد مصر و الترويج المتهافت لقصة نهب الموارد دي! |
🤣🤣🤣🤣🤣🤣🤣🤣
مستهدف البرهان و حميدتي و داعمهم السيسي ٣×١
٣ مجرمين بي ترس واحد .......
يا خالف تذكر
غايتو انت بتغالط من اجل الغلاط ...
قوم لف ....
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
سلام أخ ود البشرى~
رجعت بس من غير إحصائيات( قدر ما بحثت غير موجودة وليها مبررات)
فى لنك مرفق فيه بعض من ضوابط ناس الجمارك عن كيفية المعاملة مع الصادرات.
هنا: http://customs.gov.sd/الاستيراد-والتصدير/إجراءات-الصادر/
لو إحصاءت الجمارك الرسمية (لا توجد) شغل نزيه ممكن كثير من المعلومات تكون صحيحة ومتوفرة.
أما شغل التهريب صعب متابعته كان من البلاد الطلع منها أو الدخل فيها !
*صفحة الجمارك معلومات التهريب لسه إفتتحايتها محتفظة برتبة المخلوع!
** مشيت صفحة التجارة والصناعة معلومات قديمة أيضا (ما عارفة ناس إبراهيم الشيخ كان بيعملوا فى
شنو)
-الاستخدام الإحصائى للاثبات ووجود معلومات سليمة ومتطابقة: فى حالة السودان مجرد رفاهية نحن فى الدول المتخلفة حقيقة لا نملك الأدوات والإمكانيات اللازمة.
تظل تطلعات مشروعة وخاصة لو كنا عايشين فى دول متقدمة الفيها أى شئ داخل داتا بيز ومحسوب.
ودا بيرجعني تانى للونسة - معليش بصدق يا أخ ود البشرى
وأعيد قصة كتبها أخى أبو حسين - مع شوية تعديل حسب قراية سابقة ليها- عن الراعى والزول بتاع الكمبيوتر
جاء شخص لراعٍ فى الخلاء ومن غير إذن طلع كمبيوتره وبمساعدة آب أو غيره اشتغل وحسب ، و بعد فترة جاء قال للراعى لو قلت ليك عدد الخرفان تدينى الحمل الصغير دا؟
وسارع قال ليه رقم
الراعى قال ، هو الطلب منك تحسبهم منو ؟ وانا عارف عددهم ثم إنه دا ما حمل صغير دا جرو!
الونسة إنتهت
*قصدى فى حالنا الراهن نعتمد على حسابات معايشة الواقع
أهل الشمال أدرى بالعندهم وانتجوا كم والخسارة كم،
وكم شاحنة مرت بالطريق، والشاحنات الخفيفة جاية من أى جهة والثقيلة جاية من وين - حسب تأثيرها على الشارع ..
لما نمشى لقدام شوية ونعمل إحصاءتنا الدقيقة وحساباتنا، كله يتسجل.
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
السلام عليكم أخي علاء والمتداخلين،
شكراً تروس الشمال .. وموفّقين بإذن الله تعالى ..
والثورة مستمرة ..
دا نجاح كبير في وقف الاستنزاف الاقتصادي ال كان حاصل!
وبصرف النظر عن نسبته صغيرة كانت أم وسطى، كبيرة،
كُبرى أو ضخمة ذاتو! فأهل السودان عموماً، أولى بمواردهم
وأقمن بألّا يحتقرهم فهلوي إقليمي أو دولي ..
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: طلحة عبدالله)
|
تنظير! ما تتعبني بشرح العنقريب الله يرضى عليك كفاية علي ناس ابو حسين ديل
اعيد لمرة واحدة و أخيرة
أنا لست الأفهم على اطلاقها كدا بمعنى افهم من الجميع, انا افهم من فئة واحدة وهي كما اشرت اعلاه : الطرش البقولو كذا وكذا... زيادة في التوضح الفئة دي تشملك انت و آخرين, الغريب شنو في الكلام دا!
عبارة الطرش و الاطرش واضح اان قاصد بيها شنو, لكن لا مانع من توضيح الواضح, ليس المقصود من يعاني من الصمم!
ها.. أي سؤال؟
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
Quote: أهل الشمال أدرى بالعندهم وانتجوا كم والخسارة كم،
وكم شاحنة مرت بالطريق، والشاحنات الخفيفة جاية من أى جهة والثقيلة جاية من وين - حسب تأثيرها على الشارع ..
لما نمشى لقدام شوية ونعمل إحصاءتنا الدقيقة وحساباتنا، كله يتسجل. |
طيب يا هدى ناس الشمال ادرى بسبب قفلهم الطريق اخيرا لقينا ما نتفق عليه
لذا ادعوك لقراة بيام تنسيقية مقاومة الشمال و شوفي هل فيه ذكر لموضوع النهب المزعوم للموارد؟
و ادعوك كذلك لسماع الفيديو الجابو علاء فيه متحدث من اللجنة الاعلامية بتاع الحراك وترس الشمال و اسمعي كلامه كويس وهل فيه ذكر لرخص اسعار اللحمة و الطحنية :)
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: محمد البشرى الخضر)
|
تحياتى يا ود البشرى~
كل السودان خلى ناس الشمال حقهم ضائع ، ضائع
والقصة بادية من الإنتهازية السودانين او القاعدين فى السودان ومسهلنها للأجانب،
ومن غير ما يقولوا إنه مقدارها كم، مشيت فتشت وفتشت لمعلومات مسجلة ما لقيت حسب ما كتبت فوق.
أيضا فى شئ مهم ودا كونى زرت عدد من مناطق الشمالية -تنوع الإنتاج- وبالسبب دا ممكن كل منطقة مطالبها تختلف لحد.
**فى النهاية أتفق معاك إنه مطلبهم إسقاط هذا النظام القاتل حيث إنه إضافة للقتل الما بعده كلام ، شغالين إفقار ممنهج لغالبية أو كل الشعب السودانى.
مثال الدباب خمش (وتقرأ نهب) الدولارات من بنك السودان وقال "وضعها فى مكان آمن"
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: Arif Nashed)
|
ههههها
ما من الواتس آب من الراكوبة (إحدى التعليقات) كمان ولا الموضوع الأساسى.
*تضيفوني للقروب طوالى أحسن عشان تحلنى من قصة "إنتى متأكدة يا هدى" زى بتاعت الوسيط الأفريقى.
.
سؤال خارج موضوع الخيط وحأمسح السوال سريع
جرجير معناها شنو؟
وهل يمكن إعادة إستعمالها أو أخليها مع ونسة القهوة لا غير
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: هدى ميرغنى)
|
كبلو : اغلاق طريق الشمال كشف عمليات التهريب والتصدير بدون رخص وتصديقات بنك السودان
الميدان : هيثم دفع الله
قال الزميل صدقي كبلو عضو المكتب السياسي سكرتير اللجنة الاقتصادية في تصريح للميدان ، إن اغلاق طريق شريان الشمال بواسطة الثوار كشف عمليات التهريب والتصدير بدون رخــص وتصديقات بنك الـسـودان.
وأضـاف بل كشف تخريب اقتصادي فيما يتعلق بتهريب العملة والذهب والأدوية.
وأكــد إن الــســودان يفقد مـا يقارب الخمسة مليار دولار قيمة المواد الخام والحيوانات السودانية َ، واضاف في نفس الوقت يفقد جني أرباح اكمل اذا ما أكمل سلسلة القيمة بالتصنيع والإعداد الصناعي لسلعه وبيعها مباشرة للعالم.
وقـال إن كل أدوات النقل التي تعبر من دولة لدولة أخرى تدفع رسوم الا الشاحنات المصرية ، مشيراً الي أن دولة الجنوب التي تدفع رسوم لنقل بترولهم. وأكد أن هذا تخريب اقتصادي
وتفريط في السيادة الوطنية.
وأوضـح كبلو أن قضية التجارة بين مصر والسودان تتسم بإشكال قديم منذ الإستقلال ، وهو ببساطة كيف تدفع مصر ثمن الصادرات السودانية.
هل بالعملة الاجنبية مثل البلاد الأخرى ام تصًدر للسودان سلع مصرية هامشية بدلا عن السلع الهامة التي يصدرها لها مثل الماشية والحبوب الزيتية وغيرها.
ولفت الي أن هذه المشكلة تفاقمت بعد انضمام مصر للكوميسا ، وبالتالي أصبحت تتمتع بامتيازات دول الكوميسا في التجارة بين الــدول الأعـضـاء َ، واضاف لهذا دفعت دفعاً لإنشاء المعابر البرية التي بينها والسودان ، وقال تريد أن تلعب دور الدولة الصناعية بالنسبة للسودان ، تستورد المواد الخام من السودان وتصنعها حتى على مستوى الاعــداد ، وتعيد تصديرها وبالتالي تجني أرباح طائلة.
وأكد كبلو أن المشكلة الأساسية أن العائد من المواد الخام نفسها لا يدفع بالعملات الصعبة بل يتم إرساله في شكل بضاعه مصرية للسودان
*الميدان العدد 3884
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: هدى ميرغنى)
|
| Quote: شكرا يا علاء ، مصطلح لطيف سأعيد إستخدامه كثيرا. |
يا هدى الكائن الذي يعرف ب ود البشرى دا زول فقر
يغالط فيك و يملاك فقر غير كدا ما بتلقي منو شي
و لو ما لقى ليه زول يغالطو بغالط روحو زاتا ....
علشان كدا كل ما تشوفي اسمو تقولي (( حولينا و ما علينا))
زول لزج شديد سلسيون بس ....
او ممكن تقولي ملاح ويكة ....
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: ABUHUSSEIN)
|
ههههها
سلام أخوى ابو حسين~
بالله اليوم كله أفتش فى أرقام عشان أجيبها أثبت بيها عدم العدالة الواقعة على أهلنا فى الشمالية وعلى غالبية أهل السودان
بعدم الإستفادة من خيرات بلدهم،.
المواقع السودانية الرسمية فاضية وما مجددة من زمن المخلوع.
يومى الدقست وجبت معلومة ما مؤكدة (الدباب شال ميزانية الوزارات يعنى فى الغالب المعلومة تكون صحيحة).
طوالى بقيت مهددة بالإضافة فى لستة ناس علاء وعارف.
الكويس إنى ما عندى مصادر كثيرة أنقل منها.
*عجبنى مصطلح جرجير
لو سمحتوا كلما تعملوا مصطلح جديد كلمونى.
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: طلحة عبدالله)
|
سلام وتحايا أخ طلحة~
جرجير دى عجبتنى شديد
مرة من المرات - نهار حااار ، أخوى وأنا مختلفين فى شعر مصطفى سند
ولا قصيدة ما كنت عارفاها ليه وأظن أخوى نفس الشئ
بس كانت جرجرة مرهقة وما فيها أى إثبات. وبعدها ليوم اليوم ما جبنا سيرة الشاعر مصطفى سند.
*غايتو هنا مع جرجرة ود البشرى الزول يمشى يفتش ويجئ راجع لحفظ بعض ماء الوجه😀
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: ABUHUSSEIN)
|
بأمر #لجان_مقاومة_عطبرة
إغلاق كبري #عطبرة الجديد الرابط بين #بورتسودان وا #لخرطوم
#تتريس_الطرق_القومية
#ترس_الشمال
#ترس_الدامر
#ترس_عطبرة
#مليونية30يناير
#مدن_السودان_تنتفض
#SudanCoup
ترس جد
#مليونية30يناير
لجان مقاومة أتبرا
٦ ساعات ·
ترس جد
#مليونية30يناير
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: هدى ميرغنى)
|
| Quote: بتبالغي يا هدى هاك دي من طرف اشعاره |
فى البداية معليش يا تروس الشمال وكل المتداخلين لحرف الخيط .بس لازم أرد على أخوى ابو حسينأول شئ السلام والإحترام ~أقسم بالله أول مرة اشوف القصيدة دى.سألت أخوى وقلت ليه بشرط ما تشوف الإنترنت رد على "تقريبا بغنيها الفنان إبراهيم حسين"هههههههاأها لقد صدق محمد سليمان فى خيطه بهناك لما قال لى تكونى ما عايشة فى العصر داواضح البيت كله خارج العصر😀
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: هدى ميرغنى)
|
| Quote: غايتو جنس فلقصة عن الثروات الحيوانية لي زول ما بفرز الخروف من الخروفة 😂😂 |
رغم انك دمك تقيل لكن مرات بتشذ عن القاعدة و بتجيب حاجات حلوة ... 🤣🤣
لكن نسيت انو نسيبتو كانت معاه في حادثة (النعجة) إياها ... 🤣🤣🤣
ياخ ترس الشمال طلع لينا إبداع عديل كدا ...
ربنا ينصرهم ....
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: ABUHUSSEIN)
|
حبيبنا أبوحسين تحياتي
اصدقك القول أن كثيرين من أهلنا لم يكن يعلمون
عن اهمية الولاية وهذه الطرق والشاحنات في شريان الشمال
إلا بعد التتريس .. رب ضارة نافعة .. أكيد لابد من تصحيح الاجراءات
وتبادل التجارة والدقة ومراقبة الصادر والوارد ..الخ
(( دوشة )) جبريل اظهرت لنا كل هذه الحقائق
تحياتي الحبيب علاء .. سوف نحاول نقل كل جديد من القروبات
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علي عبدالوهاب عثمان)
|
علاء اننقا تحياتي ..
آخر الاخبار من قروبات الشباب
من منطقة جدي المحس
Quote: مروحيات مجهولة تهبط في جدي المحس كدنتكار ، ووفق شهود عيان كان على متنها اجانب وسودانيين
رصد - تام :
أفادت اللجنة المطلبية بمحلية دلقو / المحس، أن مروحيتين هبطا صحي اليوم الاحد في المنطقة الأثرية في جدي المحس " كدنتكار" وحاولوا أن يوضحوا للجان المقاومة في المنطقة أن لديهم تصريح بالحضور، دون أن يفصحوا عن سبب الحضور إلى تلك المنطقة .
إلى ذلك سارع أطقم المروحيات بالاقلاع بعد تزايد عدد المواطنين الذين هبوا للوصول إلى الموقع .
يذكر أن الثوار في منطقة عبري، لاحظوا مرور هذه المروحيات في حوالي الثامنة صباحا وكانت تتجه شمالا، وعلق البعض على أنها ربما تكون في مهمة مسح لطريق "شريان الشمال " لكن لم يستوقف مرور الطائرات الثوار والمواطنين إلا بعد هبوطها الغامض في تلك المنطقة .
ناشدت اللجان المطلبية بمحلية دلقو، جميع من تتوفر لهم معلومات عن الشركة التي تتبع لها المروحيات، واي تفاصيل اخرى عن مهمة ركابها، واي معلومة ذات صلة قد تفيد . |
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علي عبدالوهاب عثمان)
|
| Quote: يا علاء في فيديو المتحدث باسم الترس قال المطالب شنو؟ الفيديو ما كامل |
حسب متابعة احد الاصدقاء وكتابته فى احد القروب :
أهم مطلبين :
-تخصيص نسبة مئوية معينه من دخل كهرباء مروي للولاية الشمالية لمعالجة قصور انفاق المركز على التعليم والصحة .
- مطالبة المركز بالتراجع عن رفع اسعار الكهرباء .
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
Quote:
حبيبنا علاء تحياتي
يبدو أن موضوع الترس سيشمل كل السودان
هناك أنباء عن تحرك في ولاية شمال كردفان بصدد الاعلان
عن (ترس) الصمغ العربي وبقية منتجات الولاية الحيوانية والزراعية
يا ريت برهان ينسحب من الساحة حلا لمشكلة الوطن |
يا مراحب على اننقا
الآن برضو فى انباء ان ثوار القضارف سيقومون بقفل طريق القضارف بورتسودان
على لجان المقاومة ابتكار افكار سلسة وموجعة للعدو العسكر .
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
حبيبنا علاء تحياتي
الآن في موقع النيلين الاخباري
التتريس بدا في طريق التحدي في الدامر ولاية النيل
بلد ناس برهان
Quote: لجأت ولاية نهر النيل، إلى استخدام (التروس) على الطريق القومي للمطالبة بحقوق مواطنيها، ورفض الحكم العسكري، بعد أن سبقتها الولاية الشمالية إلى انتهاج ذات الوسيلة قبل أيام. وبدأ أهالي الولاية، وضع (التروس) عند مدينة الدامر عاصمة الولاية، على طريق (التحدي) القومي الذي يربط بينها وبين الخرطوم، ورفعوا عدداً من المطالب يبتغون تحقيقها عبر هذا الحراك. وقالت لجان مقاومة الدامر في بيان أمس، إن ولاية نهر النيل ظلت تعاني لسنين طوال من هضم حقوقها في ظل الحكم المنتهك لأبسط الحقوق والواجبات في حق الوطن والمواطن. وأكد القائمون على ترس (الدامر)، ضرورة الإلتزام بثقافة إحترام وتقدير الآخر بالتعامل الراقي مع أصحاب المركبات العامة والخاصة، وضرورة الإلتزام بموجهات لجنة الترس فيما يختص بحركة السماح والمنع للمركبات العامة والخاصّة. وشدّدوا أن ترس نهرالنيل سيكون سداً منيعاً ضد من يستهدفون الوطن ويسترخصون دماء أبنائه. وقالوا (إننا سنعمل على حماية الوطن وبوابته نهر النيل حتى نسترد زمام بلاد عبر سلطة مدنية تعيد للسودان أناشيد فجرها). الصيحة
التفاصيل هنا: https://www.alnilin.com/13232123.htm[/QUOTEhttps://www.alnilin.com/13232123.htm[/QUOTE]
| |
|
|
|
|
|
|
|
|
|
Re: شكراً يا تروس الشمال انظر يا مواطن الى ثرو (Re: علاء سيداحمد)
|
Quote: أفاااا
سمح و ايقاف نهب الثروات دي مطالب منو؟ انت و ابو حسين الفقر و تنظير! |
ما تزعل نكلم الجماعة يقدمو مطلب واحد بس
يتحقق يرفعو الترس
يقومو يتروسو تاني و يقدمو مطلب واحد
يتحقق
يرفعو الترس
يقومو يترسو تالت
و هلم جرا على قول اللمام (الله يرحمه و يغفر ليه)
كدا كيف معاك .... ؟؟؟؟؟
| |
|
|
|
|
|
|
|
| |
علاء سيداحمد
ABUHUSSEIN
هدى ميرغنى
محمد البشرى الخضر
نعمات عماد
طلحة عبدالله
أبوبكر عباس
Asim Ali
محمد أبوجودة
Arif Nashed
علي عبدالوهاب عثمان
فيس بوك
تويتر
انستقرام
يوتيوب
بنتيريست