|
|
|
 Re: قريت شنو؟ واشتغلت شنو؟ (Re: Ahmed Yassin)
|
Quote:
اختفت وين العلوم دي؟ |
احمد يسن يا فن..
اشتغلت استاذ خصوصي فترة طويلة، مرافقة لمشاغل اخرى
مرة مشيت ادرس اخوان في تالت ثانوي
مادة الفيزياء، انبسطوا لطريقتي في التدريس، فقالوا لي عاوزين
استاذ من طرفك للكيمياء بس يكون (حبيب) زيك كدة
ههههها، فاجاتهم بان تخصصي اصلا فيزياء وكيمياء كليها،
واتفقنا وبدأت اشرح الكيمياء فانبسط الاولاد،
وبعدها بفترة طلبوا مني استاذ للرياضيات، وكانت المفاجأة لهم
انني (بلبل) في الرياضيات..
وبعد حصة الرياضيات الاولى قالي احدهم
والله يا استاذ (حنا) محظوظين
لا ندري كيف (طِحْنا) عليك
هههههها
أُمال ايه...
| |
 
|
|
|
|
|
|
|
|
Re: قريت شنو؟ واشتغلت شنو؟ (Re: Nasr)
|
نصر السمح، انها خطاوي كتبت عليها مشيناها بذات التفاؤل والصمود، لم اتبرم يوما لصعوبة عمل، اوتعب فقد كنت اشيل قدح المونة وانا صائم في صيف السودان، او اغتر لمكسب، فقد كانت اموري في الغالب تمشي للامام، وكان دعاء امي العظيمة قشة ما تعتر ليك ينير لي اقبية الخفايا، وظلمات الطريق.. منذ بواكير طفولتي حيث شتلات البصل والطماطم، حتى اخر وثيقة تامين انجزتها او ضاعت، لا يهمني قدر متعة السعي، ومكابدة فتح منافذ للضوء والامل،
وما زال الكتاب رفيقي،
فاسعد لحظات حياتي تظل في حضن كتاب، اقرا الان في البيت شرق المتوسط لعبدالرحمن المنيف،
وفي المكتب محمل على الجهاز رواية لماركيز..
وتسلم ...
Quote: CV مدنكل
كلوا بينفعك لمن ترجع تزرع الأرض في واوسي |
تصدق راجع اشتغل في الزراعة
عرفتني كيف؟
| |
|
|
|
|
|
|
|
|
|
Re: قريت شنو؟ واشتغلت شنو؟ (Re: عبدالمنعم الطيب حسن)
|
بعد غياب طويل
بسبب تسعة طويلة الذين سرقوا الموبايل 3 مرات
أعود لاحييكم جميعا من يمين القلب إلى شماله
اول ثلاثة أيام بالسعودية اشتغلت فكي
كنت بكتب بخرات
الدخل كان ممتاز جدا
حيث أن أحد المعارف كان يعمل في بقالة
ذكر لي أن البقالة أصبحت لاتعمل
وان الكفيل يهدده بالتسفير
وحيث أنني لم أكن احفظ من القران الا القليل من الجز؛ الأخير لزوم الصلاة الجهرية
لهذا رسمت له نجمة تحمل على أطرافها أسماء لعيبة المريخ
حامد بريمة
سليمان ع إلقادر
كمال ع الوهاب
البقالة اشتغلت َماشاء الله
100 ريال وصندوق حليب السعودية وكيك
كل ذلك لزوم شيخ ابوحراز يوميا على مدى 3.ايام
لكن للأسف بعد أربعة أيام على هذا النجاح الباهر تم ايقاف السوداني من العمل في البقالة
المشكلة انه طالب بارجاع المبلغ وحليب السعودية
لكن العزابة كلهم وقفوا في صفي
قالوا له لو عاوز ترجع الشغل دي بخراتا براها
بعدها بأسبوعين اشتغلنا مع َواحد يمني
الشغل عبارة عن قبض حمير
اااي والله تسك الحماااار لمن تقبضوا
حميرهم شدة ََمامانعة وسمينة تقول قاعدة تاكل شاورما
الحمار ب 100 ريال
الغريبة اكتشفنا انو اليمني يقبض هذه الحمير ليهرب بها البنقو والقات للسعودية
غايتو بداية شغل غير موفقة
بخرات وقاااات
يعني الواحد لو اشتغل مع ناس الموصلي بعامي كان احسن
| |
|
|
|
|
|
|
|
|
Re: قريت شنو؟ واشتغلت شنو؟ (Re: ابوحراز)
|
اووووك، حبيبنا ابو حراز، نورت البوست
يصحبي، شكرا لمرورك العذب،
شوف الشغلانات دي وبجيلك صاد..
وسين وواو ودال والف ونون
......
بيع طعام، فول وعدس وشاي في مزدلفة ومنى..
.......
مدرس خصوصي،
.......
سواق بص صغير لترحيل طلاب صم وبكم،
.......
ا ل و ط ن الواحد، الوضاح ووسيم،
.......
| |
|
|
|
|
|
|
|
|
|
Re: قريت شنو؟ واشتغلت شنو؟ (Re: عبدالمنعم الطيب حسن)
|
Quote:
الكشكوش
هو الظهر العادي المكعب دا وارقامه من ١ الى ٦
تجيب صندوق وترقم طرفه ببهية مثلا من واحد الى ستة..
وتغطي الظهر بفنجان مثلا وتحركه كثيرا، واللاعبون يضعون مبالغ مالية في الارقام
وترفع الرقم الموجود في الظهر هو الفائز،
تعطي الفائز مبالغ مضاعفة خمسة مرات مقابل مبلغه،
يعني gambling..
كنت اكسب مبالغ محترمة امشي اكمل باقي ايام العيد في المدينة وازور حديقة الحيوانات ومركز المقرن العائلي، ومرة مشينا القاعة حضرت حفلة نهارية بصحبة اصدقاء من الحلة.
كانت بشرحبيل احمد. وزوجته تعزف على الجيتار، وولده فنان...
اسرية فنية ياخ، |
| |
|
|
|
|
|
|
|
|
|
Re: قريت شنو؟ واشتغلت شنو؟ (Re: عبدالمنعم الطيب حسن)
|
Quote:
في سنة اولى ابتدائي يا مجدي شتلنا البصل في العصريات مع استاذنا الجليل حسن عبدالرحيم امد الله في ايامه،
مدير المدرسة صباحا ومزارع في العصريات، اذكر انه في الفصل صباحا اعلن قدام الطلبة والطالبات فقد درسنا مختلط قال، عبدالمنعم شتل ٤ احواض ب ٦ قروش،
ياخ شعرت بسعادة وبفخر ما زلت احسهما،
...
تسلم حبيبنا، |
| |
|
|
|
|
|
|
|
|
|
Re: قريت شنو؟ واشتغلت شنو؟ (Re: عبدالمنعم الطيب حسن)
|
كتب ود قاسم البوردابي الاشهر
في صفحتي في الفيس حول الموضوع
Quote: عبدالمنعم الطيب
لك التحية . كان العمل يقترب ويبتعد قليلا عن الدراسة ، لكني نادم كثيرا أنني لم أدرس زراعة ، فأنا الآن مزارع ، أتابع عملا في مزرعتي بين النبات والحيوان ، وأزرع في البيت ، وأستمتع بكل نبتة أزرعها ، وأتابع ولادة الماعز والضأن ، وأهتم بالدجاج البلدي . |
| |
|
|
|
|
|
|
|
|
|
Re: قريت شنو؟ واشتغلت شنو؟ (Re: عبدالمنعم الطيب حسن)
|
ودا ردي على ود قاسم في الفيس
Quote: ودقاسم
زولي والله،
اخطط لذات الفكرة،،المزرعة بنبتاتا، وضانا وماعزا ودجاجا البلدي،،
اما متعة النبتة وهي تنمو، فاحساسها عجيب، متعة لا تضاهيها متعة..
اصحى باكرا لارى التطور والنماء في نباتات زرعتها في حوشي في الحلة في اول ايام الاجازة، واظل اتابع نموها بالتلفون والواتساب.
وعندما يتتطاول الزمن اتابعها بالقلب، والخاطر.. |
| |
|
|
|
|
|
|
|
|
|
Re: قريت شنو؟ واشتغلت شنو؟ (Re: walid taha)
|
تتخيلوا انا زمان قريت في المنبر دا
إنه واحد قاعد في هولندا اشتغل في مزرعة دواجن نفس (شغلتي) بس انا بفرز
الضكور من الاناث.عشان التبييض( من البيض).. لكن هو المزرعة الشغال فيها بتضبح
ذبح ( حلال)...مهمته بس يكون قاعد من الصباح فوق كرسي جنب الضباح وكلما يخت ليو
جدادة او ديك ويرفع سكينتو فوق صاحبنا دا يقول: (الله اكبر) يكبر بس..... بعد سنتين جابو ماكينة
بتقطع الراس ...برضو هو قاعد فوق كرسيه. يكبر
طبعا دا يا اخوانا حبيبنا وصاحبنا والزول الجميل (muntasir) اصلا هو من يومه لذيذ شديد
| |
|
|
|
|
|
|
| |
عبدالمنعم الطيب حسن
Nasr
Ahmed Yassin
ابوحراز
walid taha
فيس بوك
تويتر
انستقرام
يوتيوب
بنتيريست