صدقي كبلو وطارق عبد المجيد حول الراهن السياسي

شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 01-26-2022, 07:53 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-14-2022, 02:40 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28179

للتواصل معنا

FaceBook
تويتر Twitter
YouTube

20 عاما من العطاء و الصمود
صدقي كبلو وطارق عبد المجيد حول الراهن السياسي






                  

01-14-2022, 07:06 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد البشرى الخضر)

    التحايا وكثير الشكر ،أخ محمد البشرى~
    حديث طارق وصدقى كبلو أدانى دفعة أمل رغما عن الحزن القابض بسبب إستشهاد الأبرياء ، وشدة عنف القتلة مع الشعب السودانى.


    *يا باشمهندس بكرى لو سمحت مع الشكر مقدما ترفع لينا الخيط دا فوق.
    لأنى حأفضل أعتل واستمع ليه مرات ومرات.
                  

01-14-2022, 09:16 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    يا إخوتي السمر الجياع
    الحالمين ببعض رايهْ
    يا إخوتي المتشرّدين
    ويا قصيدتيَ الشقيّه
    ما زال عند الطيّبين، من الرثاء لنا بقيّه
    ما زال في تاريخنا سطر، لخاتمة الروايهْ!

    سميح القاسم
                  

01-15-2022, 00:46 AM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    نرفع الخيط ببعض من يوميات حياة السودان (الثورة)
    *
    قول للدعي المتخوم
    جاييك زمن كتاح .. جاياك رياح وغيوم
    جاياك صخور الصاح .. جاي الصِح المعلوم
    من كل فج في كفاح .. تتوحد الخرطوم
    ——
    البينا بينك دم .. تاراً غريق وجراح
    لا الإندلق بنخم .. لا بتتوزن أرواح
    ود الفضل ما راح .. وما طال فينا شهيد
    عصيان وإضرابات .. ما بنفع التشريد
    لا بجدي صالح خاص .. لا مسخك الشعبي
    لا حيلة ابن العاص .. لا السجن لا التهديد
    يابؤس ،
    بلاد الناس أشرافها ما بتنداس ..
    ما بمشي فيها وعيد .. فيها الوعد متراس ..
    فيها العشق صنديد .. وصار أعزلها دواس ..
    **وسع مجاري الدم .. زيد السجن ترباس
    وكان تنهري وتنغاظ .. عبداللطيف الماظ .. ما حرضو النخاس

    محمد الحسن سالم(حميد)
                  

01-15-2022, 04:58 AM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 4819

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)


    ياسلااااااااام والله

    ندوة كُلّها إلهام، ومتحدّثون ملمـــّون فِهام .. قد زادونا رَشَدا ..


    ويا أيها الراعد المستبد الرعديد ورهطِه الجبناء آل.متدسدسين ..

    فالثورة الديسمبرية من خلفكم والشعب السوداني من أمامكم ..

    أين المــَــفَــر؟

    وَ ســَــنُغــطِّس حجركم ودهبكم وعمالاتكم والخساسات الجارية عارية ..

    ـــــــــــــــــــــــــــــــــــــــ
    شكراً جزيلاً للحزب الشيوعي السوداني - فرع المملكة المتحدة وآيرلندة .. وللأمام دُر ..
    الوحشُ يقتل ثائرا .. والمقاومة ستقدّم ألف ألف ثائر ..
                  

01-15-2022, 05:09 AM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 4819

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد أبوجودة)

    ســَــنُغــطِّس حجركم ودهبكم وعمالاتكم والخساسات الجارية عارية ..

    وقراراتكم الاقتصادية التالفة مزهللة مزغللة ..

    وكذلك افتئاتاتكم ..

    ثم لنْ ننــسَ آثامكم القديمة ..

    سنذيقكم بِ رُبع الصاع صاعَين اتنين وربما ثلاثة ونص و خمسة..


    حــُــرّية .. ســلام .. و .. عـــدالة .. مدنيــــــــــــــــة خيار الشعب ..

    # الردّة مستحيلة
    # الحقوق تُنتَزَع بسلاح الوطنية الســِّــلمية .. فإن تأبّت!
    سيدُق الشعب السوداني التــــور-ضــحى، لتــخرج عليكم الأرضين أثقالها ..
                  

01-15-2022, 05:20 AM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 4819

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد أبوجودة)

    تُهدَى الأمورُ بأهلِ الرأيِ مـَــا صــَــلُــحَت ،،، فإن تأبّت فبالأشرار تــنقــادُ ..!
    لا يَصلح الناسُ فوضىَ لا سراةَ لهم ،،، ولا سَراةَ إذا جُهّالهم سادُوا
    والبيت لا يُبتنَى إلا له عَمَد ،،، ولا عِمادَ إذا لم تُرْس أوتاد
    فإنّ تَجمَّع أوتاد وأعمدة ،،، يومًا فقد بلغوا الأمر الذي كادوا



    ــــــــــــــــــــــــــــــــــ
    عزيزي ود البُشرى، والعزيزة هــُدى
    ســـلام وتحايا

    ألم يحــِن علينا بعد تجميع الأوتاد ..؟!
                  

01-15-2022, 05:17 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4960

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد أبوجودة)

    عاش نضال الحزب الشيوعي السودانى.
    بينما انغمست احزاب قحت فى تحويل دماء الشباب الى مناصب يتم الصراع حولها ، وقف هذا الحزب شامخا ومنحازا ومتعففا.
    اللعنة على شركاء الدم لصوص المناصب فى الامة والاتحادى والبعث وحق وحركات الارتزاق المسلح.
                  

01-15-2022, 06:40 AM

Elhadi
<aElhadi
تاريخ التسجيل: 01-06-2003
مجموع المشاركات: 8593

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: shaheen shaheen)

    وينوا الراهن السياسي ؟؟

    استمعت لمدة نصف ساعة الكلام خلال النصف ساعة كلو سفسطة و كلام تاريخي معروف ومعلوم للكافة فمللت من الاستماع لبقية الندوة

    ما تدخل في الغريق طوالي يا عمنا ما عندنا زمن لندوة ساعة ونصف

                  

01-15-2022, 09:21 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 4821

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Elhadi)

    عندنا ٥ شوالات فاصوليا و٤ كبكبيك في البرنده
    ممكن تجي تعتلن للمخزن ... 😜😜😜
    ممتين بقى عليك دا ... الله يرحمك ويغفر ليك
    الرفيق elsharief ...
                  

01-15-2022, 09:30 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28179

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Elhadi)

    يا الهادي ياخ بالغت! كلام صدقي كبلو مهم ولازم تسمعه خاصة عن مبادرة فولكر

    تحياتي هدى, ابي جودة و شاهين
                  

01-15-2022, 01:00 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9751

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد البشرى الخضر)


    سلام
    بعد نص ساعة من المشاهدة الشبكة وقعت ،
    لكن القصائد في مداخلات العزيزة هدى زينت البوست .
                  

01-15-2022, 04:37 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: نعمات عماد)

    السلام التحايا للجميع~

    يا أستاذ صلاح
    جدا أعتل ليك شوالاتك
    بس إنت تكون أمين وتدى العامل حقه "كاملا قدر المجهود" قبل أن يجف عرقه.
    شوف هسه يا أستاذ صلاح القاتل الرباط حميدتى من غير عتالة (غير المرتزقة والسلاح) و مجهود هو وجماعته ومؤيدوه سرقوا البلد.

    *المال النظيف مهما قل أفضل من الكثير القذر


                  

01-15-2022, 04:47 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    الدكتورة العزيزة نعمات
    السلام والإحترام~
    الخيط دا يتماشى مع خيطك عن السياسة والإقتصاد وخيط بكرى عن طلبة جامعة الخرطوم
    القصة كلها كان فى بلدنا كان بلاد تانية
    السلطة والثروة ومقالعة الأرض، وياهو أساليب المنافسة أو السرقة تتفاوت.

    -عن الكهرباء والتلفون
    دكتور صدقى برضه قال تلفونى الشحن تبعه بدأ يخلص
    يا دكاترة (كل حسب تخصصه) ليكم الإحترام، زى البيحصل فى السودان دا نوعه مختلف.
    *قيمة العمل والعلم رايحة ساكت!
                  

01-16-2022, 02:50 AM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    ياوطن عز الشدائد
                  

01-16-2022, 04:23 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 4821

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    Quote: يا أستاذ صلاح
    جدا أعتل ليك شوالاتك

    هلا أستاذه هدى ...
    العفو يا أستاذه بالتأكيد المقصود عتالي الفيديو ...
    Quote: بس إنت تكون أمين وتدى العامل حقه "كاملا قدر المجهود" قبل أن يجف عرقه.

    الماركسية إتبهدلت في البلد دي جنس بهدلة ... إشي ديموقراطية
    وإشي زي كلامك دا الذي يتبع إقتصاد السوق ولا يمت لإشتراكية
    البروليتاريا بأي صلة ... ههههه
                  

01-16-2022, 04:54 AM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Salah Zubeir)

    معليش يا أستاذ صلاح على بهدلة الماركسية.
                  

01-16-2022, 06:30 AM

Bashasha
<aBashasha
تاريخ التسجيل: 10-08-2003
مجموع المشاركات: 23590

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    مصيبتنا الكبري، انو الشطحي بتاع الشيوعي ده، المزايدة الرخيصة دي، بغرض الكسب الرخيص وعلي حساب القضية، ادي الي تشرذم وتفكك المعارضة، او ده هو سبب الانقلاب!!!

    نعم الشيوعي بقول في كلام مضحك!!!

    اي طفل بالغ عارف زي العبط البقول فيهو الشيوعيين ديل!!

    ده، ماموضوعنا، ما مشكلتنا يا الشيوعي!!!

    مشكلتنا كيف وانطلاقا من المعلومات دي نضع خطة محكمة للرد للنصر!!

    ده، هو دور السياسي تحديدا، مش السرد، الرصد، الرد، التحليل، وما اليه!!!

    ده، شغلنا احنا الناشطين، الناخبين، الشوارعية، الجمهور، الاعلاميين، الاكاديميين، او مش المحترف سياسة!!!!

    السياسي مهمتو الاساسية هي تحويل تنزيل مشروع الفكرة بتوظيف المعلومة، الي واقع معاش، او ده اصعب شئ!!

    لو السياسة تعريفا فن الممكن، الشيوعي همو الاساسي مفروض يكون توحيد المعارضة علي بنود الحد الادني، بالعمل في صمت، من جوا الجوا، بي تجرد، بي نكران ذات، بي صبر بي جلد، بي ذكاء حازق، بي بعد نظر، بدل الجقلبة دي، الكواريق ده، الصراخ ده، شيل الحال ده، لانجاز مشروع ثورتنا!

    نعم بدل هكذا مزايدة، نعم بدل هكذا مثالية، انانية، شطحي، نطحي، من قيادة ما واثقة من روحا، وكنظام معاوضة تلجأ للجنوح، والصراخ باعلي صوت، شغل شيل حال، مدمر لابعد حد، لي منظومة الاحزاب، الاصلا ملفوظة او بالفطرة، لانها سبب بلاوينا، باعتبارا، كلها، بعض مخلفات سودان الاحتلال الثنائي، المصري الانجليزي، الجهوي، القبلي، النازي، الابارثيدي!!!

    كان الامل ان يعمل الشيوعي بي صمت، بي ثقة في الذات، بي هدوء، بعيد عن الاضواء، لتوحيد المعارضة، بالاتفاق علي برنامج حد ادني، منطلقو الشارع!!!

    هذا لايعني انو الاخرين تمام، بقدرما نعني، كيف اليسار تحديدا هو المسؤول من انجاز مشروع البديل، وبما انو الشيوعي هو الاكثر تاثير في شارع اليسار والاكثر خبرة، كان العشم ان يرقي الشيوعي لمستوي المسؤولية او يقوم بي دور المنظومة السياسية والقائد السياسي، او مش دور الناشطين، والناخبين، وكنتيجة، الناشطين الان اي ثوارنا اي الناخبين بحاولو يسدو الفرقة او يقومو بي دور السياسي، وهذا كارثة بمعني المفردة!!

    لايمكن تكون ناشط او سياسي كقاعدة في ان معا كمنظومة!!!

    هذا مستحيل كقاعدة، او مدمر!

    الناخب اي المخدم، ما ممكن يقلب فجاة مرشح، اي خادم او المرشح اي الخادم يبقي ناخب اي سيد الشئ!!!

    هكذا خلط للاوراق هو الحاصل، والشيوعي لعب دور اساسي في الدربكة الحاصلة، لقصر نظر زعامتو، فوق لي مركب النقص او عدم الثقة بالذات علي مستوي القيادة!!!

    حولا ولاقوة!!

    كارثة بمعني الكلمة!!
                  

01-16-2022, 03:32 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Bashasha)

    سلام أخ بشاشا~
    - لو بالك طويل وقدرت تسمع كلام دكتور صدقى لآخره ما كنت قلت أى طفل عارف الكلام دا.
    وإلا أنا أكون لسه ما ولدونى لأنه معلومات كثيرة من حديثه أول مرة أعرفها بعد الإستماع له.
    -أما حول حديث الأستاذ طارق
    كان كلام هادئ، من غير إنفعال أو إدعاء بطولات (أنجزها الحزب الشيوعى)، بل قال إنهم قصروا فى بعض المواقف ..
    -أوافقك تماما الشعب السودانى عنده درجة عالية من الوعى ،
    والسودان بلد لا يعرف الأسرار. لكن ما كل الكلام العارفه الشارع بيتقال ساكت كدا من غير وثائق واثبات
    يعنى مثلا (إفتراض لا أ كثر ولا أقل) لو سمعت حديث من زوجة كوز عن رئيس الوزراء المستقيل فى بيت بكاء مستحيل أجئ أردد الكلام بإعتباره
    معلومة أو حقيقة (إلا يكون عندى إثبات لا يأتيه الشك من أى جانب).
                  

01-16-2022, 05:31 PM

Bashasha
<aBashasha
تاريخ التسجيل: 10-08-2003
مجموع المشاركات: 23590

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    الاخت العزيزة هدي،
    كلامي ماعن الورد في الشريط اعلاه، وانما بصفة عامة، نزعة الشيوعي للكواريك كارثة، والشيوعي هو المسؤول من تفتيت المعارضة، والمصيبة هنا!

    الهدف مفروض يكون العمل، اكرر العمل، أو تاني العمل، من جوا بغرض الوصول لاتفاق حد ادني ملزم للجميع مش التنظير الكواريك!

    البسوي فيهو الشيوعي ده، ده شغل ناشطين زينا أو ماشغل محترفي عمل سياسي!

    العمل السياسي هو الاصعب بالذات في الظروف الحرجة دي، وهذا مانفتقد، والمصيبة هنا!

    ناس المؤتمر السوداني كمثال عمليين اكتر من الشيوعي، واقعيبن مرنيين، وكان العشم الشيوعي يقدم النموذج ده، بدل هكذا ابتذاذ، بإسم النقاء الثوري وهذا كارثي!!

    باختصار الشيوعي العجوز جانح، شاطح شغل مركب نقص!
                  

01-16-2022, 07:09 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Bashasha)

    الأخ العزيز بشاشا~
    مع الإحترام ، أنا لايمكن أرد على اللغة بتاعت الشتايم والتنقيص من قدر الحزب الشيوعى أو أى شخص.
    التاريخ هو الحكم

                  

01-16-2022, 07:41 PM

Bashasha
<aBashasha
تاريخ التسجيل: 10-08-2003
مجموع المشاركات: 23590

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    الاخت هدي،
    معليش، اسمحي لي اختلف معاكي في فهمك للعمل العام، لي دور أو مقام الناخب "الزبون" في مقابل تجار السياسة!

    بالنسبة لي كناخب، اي "زبون" اي مخدم، سيد الشئ، من حقي أمسح بالارض سماسرة أو تجار سلعة ساسا يسوس، او بالفهم ده، الباعة المتجولين الذيكم، لايملكون غير يدو ناخبيهم تعظيم سلام أو يستمعو بي وقار، محني الراس لي كلامم، لو دايريين فكة اصوات، كما اي صاحب كنتين!
    نعم السياسي شغلو يخدمني انا الناخب، وليس العكس!!
    مؤسف جدا زي فهمك ده، الصفوي، الاستعلايي، اللي للاسف دوغمايي، لي دور السياسي والمنظومة السياسية، اللي واضح لايختلف بما يذكر عن فهم ناس "سيدي"، وكنتيجة ده حالنا!!
    معليش فهمكم للعلاقة دي، مابين الناخب والمرشح، للاسف "فضيحة"!
    نعم ماممكن تتوقعيني كناخب كمان اخرتا آخر مافيها اسجد لي صنم منظومتك!!
    كده فرقكم شنو من القشير أو العوقة البرهان؟
    ليه الان بدهسو البعبرو عن رايم سليما بي عربات الجيش؟
    غايتو البتقولي فيهو ده، للاسف فضيحة، يعري تماما طريقة تفكير ديماغوغية المنظومات العقايدية الضيعت بلادنا!
    عاش الاتحاد السوفيتي العظيم قال!
    نعم كفاح العمال قال، اي الجلابة!!
    عييييييييك!
                  

01-16-2022, 08:35 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Bashasha)

    الأخ بشاشا~
    بعد مشاهدتى الفيلم ”Selma”
    جاءنى خاطر عجيب مشيت فتشت عن مارتن لوثر وتشى جيڤارا عليهما السلام، بإعتبار نفس السلوك الثورى ونفس التواريخ وحتى سنهم عندما إغتالتهم أيادى الغدر|
    لقيت معلومة إنه جاء فيها - إنهم يتهمون مارتن لوثر بإرتباط مع الحركات الشيوعية حول العالم وقتها - لوجود رسائل بينه وبين جيڤارا!

    -بيننا يظل الإحترام عاليا
                  

01-16-2022, 08:59 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    إضافة
    مارتن لوثر تخرج فى مدرسة القساوسة - بوسطون، ماساتشوستس
                  

01-16-2022, 10:51 PM

Elhadi
<aElhadi
تاريخ التسجيل: 01-06-2003
مجموع المشاركات: 8593

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    Quote: يا الهادي ياخ بالغت! كلام صدقي كبلو مهم ولازم تسمعه خاصة عن مبادرة فولكر


    صدقي كبلو ؟؟

    ياخي ده واحد عولاق ساكت

    امشي اسمع كلامو عن المباحث والشرطة
                  

01-17-2022, 02:58 PM

Bashasha
<aBashasha
تاريخ التسجيل: 10-08-2003
مجموع المشاركات: 23590

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Elhadi)

    العزيزة هدي،

    لو كلامنا زعلك، قولي عوك، عشان نرفع الكراع من البنزين شوية.

    نصيحتي ليكي كناخب:

    مهم للغاية ممثلي الأحزاب يغيرو طريقتم دي، في مخاطبة ناخبيهم تغيير جذري!

    غايتو لو كان عندي حزب سياسي، في موقع زي ده، لااملك غير ادي تعظيم سلام للبمسح بطرح امثالي، الارض، لانو البسوي كده، خدم قضيتي، بتسليط الضو علي مشروعي، وبالتالي اشكرو حتي يستغيث، وارد عليهو بي وقار، بي احترام باعتبارو اداني فرصة اقدم مشروعي للكل عن طريقو، ده غير إنو ده واجبي، كمرشح لناخبيي، اي المخدم بتاعي، انا السفرجي اي المرشح، بتاعو، "سيد العزبة" ايوا "البيه"، الناخب!!!

    تخيلي ولو لثانية المردود حيكون كيف لطرحي، لوكان ده هو ال"اتيتيوت" بتاعي ككادر منظومة بعينها، نعم "البياح" أقصد البياع، الجيت هنا، طابق الكوز والبرمة، أسوي "برررد" زي زمااان في المحطة الوسطي في الخرطوم في الستينات، ابيع في الموية!!

    معليش، طريقة تعامل ممثلي الأحزاب وبالذات الشيوعي مع ناخبيهم، حقيقة شي مضحك، معذرة، شي متخلف، ديماغوغي، لايختلف عن شطحي الوهابي أو الكوز الظلامي في شي!!
                  

01-17-2022, 03:03 PM

Bashasha
<aBashasha
تاريخ التسجيل: 10-08-2003
مجموع المشاركات: 23590

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Bashasha)

    نموذج دكتور ياسر الشريف كجمهوري في تغاملو مع خصومو، مفروض يكون نموذج يحتذي كحد ادني!
                  

01-18-2022, 06:42 PM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 4819

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Bashasha)

    عزيزي بشاشـــا، سلام وتحايا
    Quote: نموذج دكتور ياسر الشريف كجمهوري في تعاملو مع خصومو، مفروض
    يكون نموذج يحتذي كحد ادني!

    اتفق معاك، وبالفعل فإن أخانا د. ياســر الشريف، يملك بوناً من التسامح قـَـلّ أن يتوفّر
    في الكثيرين من المثقفين السياسيين، وإنه فيه لـ َ موهوبٌ وَ مُدَرَّب؛ له التحايا.

    أما في قولك دا:
    Quote: السياسي مهمتو الاساسية هي تحويل تنزيل مشروع الفكرة بتوظيف المعلومة،
    الي واقع معاش، او ده اصعب شئ!! لو السياسة تعريفا فن الممكن، الشيوعي همو الاساسي
    مفروض يكون توحيد المعارضة علي بنود الحد الادني، بالعمل في صمت، من جوا الجوا،
    بي تجرد، بي نكران ذات، بي صبر بي جلد، بي ذكاء حازق، بي بعد نظر، بدل الجقلبة
    دي، الكواريق ده، الصراخ ده، شيل الحال ده، لانجاز مشروع ثورتنا!

    ومع ما يشتمل عليه قولك دا من طرح موضوعي، من الممكن أن يتفق معك فيه الكثيرون،
    اتفاقاً جُزئياً، إلّا أنه في الإجمال، طرحٌ مشوب ب "بعض" اغترار ..! كتجليس
    شخصك ناصح نصوح لا تُرَدُّ نصائحــه...! وَ لمَن؟ لــحزب كبير في مقامِه الموضوعي،
    حــيّ مُســِــنٍّ ذي أسنان ونوائب، قد عرَك الدّهر وتعارك معه وما يزال يعرك عَرك
    "آل.سيح وآل. رِّيح"؛ وبالطبع فالمشكلة ليست في مجرد بذلك النصح الفردي، بقدرما تكمن
    المشكلة في كون منهجك النُّصحي يقوم على: ياااا تاخدوا النصح دا، وللّا ما ح أدِّيكُم
    صــــــــــــــــوتي كــ ناخب!
    دحين آ بشاشا، أما كتتتتتتتتترتا آل.محلبية بالحيل
    ثم ألا ترعوي أن يقول لك الشيوعيون: آل. مِشــتــَــهي آل.حنيطير .. يطير؟!
                  

01-18-2022, 07:34 PM

هدى ميرغنى
<aهدى ميرغنى
تاريخ التسجيل: 10-27-2021
مجموع المشاركات: 635

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد أبوجودة)

    تحياتى أخ أبو جودة~
    شكرا ليك ضحكت بصوت عالى..
    رغم الحزن القابض فى الروح على الورود الصبية ،دخرى أهلها و البلد البيهرس فيها القتلة من دون وقفة .

    *ما بعرف أعمل إقتباس عشان أجيب المفارقة اللطيفة من مداخلتك.
    (إنتوا الحركة بتاعت الإقتباس دى بتعملوها كيف؟).


    أما يا أخى بشاشا "الشيوعية شرف لا أدعيه"
    وجبت ليك مثال مارتن لوثر وبرضه ما فرقت معاك.
                  

01-18-2022, 08:20 PM

Bashasha
<aBashasha
تاريخ التسجيل: 10-08-2003
مجموع المشاركات: 23590

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: هدى ميرغنى)

    محمد ابوجودة، شلام!
    نعم شلام مفردة سودانية بالمناسبة، يااعزايي!

    طيب،
    كلامي اعلاه، عن وضعية، مكانة، دور الناخب:

    للاسف لاوجود لي مفهوم/دور "ناخب" من اساسو في السودان، والمصيبة هنا!

    ولهذا ماصدفة انك شايف بشاشا كتر المحلبية، وهذا يثبت غربة مفهوم ناخب في مجتمعنا، وكنتيجة ده حالنا!

    لامعني لي مفهوم ناخب في نظام السيدين المسمي زورا "ديمقراطية"!

    والا، ياخي ماممكن الصادق كمثال لو ينزل حتي "سروالو" في أبا، يفوز بالتزكية في الانتخابات، لانو سروال "سيدي"!

    هكذا افرغت "الديمقراطية" من معناها، أو بي كده تلبو العسكر لملي الفراغ!

    باختصار لو وقع ليك مفهوم/دور ناخب لايمكن تقول لي حزب كبير للشيوعي!

    كبير الناخب، أو مش الأحزاب ولومجتمعة، ولكن نسوي شنو!!

    مجرد ان يكون هذا موضوع نقاش، فهذا يثبت كلامنا عن غياب هكذا وعي، يحترم دور الناخب!!

    بعدين الشيوعي فرقو اصلا شنو من بقية منظومات الاحتلال الثنايي الكرتونية، الأجنبية الوافدة، كما والدهم الاحتلال الثنايي؟

    هل صدفة انو ثورتنا دي بالغريزة ضد ماتسمي احزاب، وافدة واجنبية؟

    كارل ماركس؟

    معقولة؟

    الاتحاد السوفيتي العظيم؟

    معقولة؟

    كفاح الطبقة الجلابية العاملة؟

    معقول؟

    اذن الفايت عليك، الشيوعي تحديدا يظل اكبر منظومة جهوية جلابية متخلفة، حتي فيمابين منظومات السودأن المصري الانجليزي الحالي!!

    نعم الجبهة الاسلامية كمثال اعترف متقدمة ولو شكلا، بي مراحل مقارنة بالشيوعي، في بنية المنظومة من حيث تمثيل مهمشي الجلابة ولو شكلا!
                  

01-20-2022, 08:34 PM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 4819

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: Bashasha)

    السلام عليكم

    Quote: شكرا ليك ضحكت بصوت عالى..
    رغم الحزن القابض فى الروح على الورود الصبية ،دخرى أهلها و البلد البيهرس فيها القتلة من دون وقفة .


    لاشكر على واجب، don't mind
    وليك التحايا أختنا العزيزة هــُدى؛
    نعم، هو حُزنٌ كظيم مكظظظظظم فقد أولئك النجباء وأولاتي النجيبات ثوار ديسمبر الممجدّين، وهم يرتقون إلى معارج الخلود
    واليوم الموعود فِرحين بما أتاهم من استشهاد ..

    والثورة مستمرة ..
                  

01-20-2022, 09:02 PM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 4819

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صدقي كبلو وطارق عبد المجيد حول الراهن الس� (Re: محمد أبوجودة)

    Quote: طيب،
    كلامي اعلاه، عن وضعية، مكانة، دور الناخب:

    للاسف لاوجود لي مفهوم/دور "ناخب" من اساسو في السودان، والمصيبة هنا!

    ولهذا ماصدفة انك شايف بشاشا كتر المحلبية، وهذا يثبت غربة مفهوم ناخب في مجتمعنا، وكنتيجة ده حالنا!

    لامعني لي مفهوم ناخب في نظام السيدين المسمي زورا "ديمقراطية"!


    مرحب بيك عزيزي بشاشا،
    كلامك صاح، في كوننا في السودان السياسي المعاصر، لا وجود
    بيننا لِــ مفهوم/دور "ناخب"؛
    لكن دا بالنسبة لي منوووو؟
    هل للناس المواطنين الناخبين؟ وللّا بالنسبة لزعامات وقيادات التيارات
    السياسية آل.متطاحنة من سنة دو Deux أو Two ..؟!
    أعتقد أن الناس الناخبين، إن صحّت دعوتهم من جانب الأحزاب،
    لربما أوجدوا أو ساعدوا بهمّة في إيجاد هذا المفهوم/الدور الذكي
    للناخب، ثم حاسبوا به الأحزاب ومرشــّــحيها باشدّ من حساب منكر
    ونُكير.

    ديمقراطياتنا السودانية القديمة، ينبغي علينا ألّا نُحمّلها فوق طاقاتها
    وسياق أزمانها، وإن فعلنا، فالمفروض أن نعترف بتقصيرنا الذي
    ساعد في استداماتها وهي بكل تلك العراجات؛ فقد مضت بخيرها آل.
    شوية، وضررها الوفير!

    الآن،
    نفس الحزب الفلاني، تجده يعيش بذات الشروط والمزايا/ الخساسات!
    القديمة، ولعل أكثر تلك الخطايا التي يقارفون أو يعيدون تدويرها،
    هي خطيئة تمجيدهم للفرَدانية وآل. كارِزمية وَدّ.سيدا وُ سيد.الشي.ذاتا ..!
    في محل "العمل الجماعي" ..آل. Teamwork وبالتالي فقد عجزوا جميعاً،
    وعجزنا معهم فرداً فرداً، عن الصنع المجوّد للـ مؤسسية The Institutionism
    وتلك هي المعضلة التي تفجّعنا كل صباح جديد..!

    هل يسمعون؟
    صخب الرعود .. صخب الملايين الحفاة الجائعون ..
    العائدون مع الظلام من المصانع والحقول ..
    ملأوا الطريق
    وَ عيونهم مجروحة الأغوار ذابلة البريق ..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de