حكاية الطفل الساكنة جواي

شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 01-26-2022, 07:32 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-14-2022, 05:08 AM

الطيب الشيخ
<aالطيب الشيخ
تاريخ التسجيل: 11-18-2005
مجموع المشاركات: 193

للتواصل معنا

FaceBook
تويتر Twitter
YouTube

20 عاما من العطاء و الصمود
حكاية الطفل الساكنة جواي

    05:08 AM January, 14 2022

    سودانيز اون لاين
    الطيب الشيخ-الخرج ـ السعودية
    مكتبتى
    رابط مختصر



    حكاية الطفل الساكنة جواي!!!

    الْنّجْمَة دِيييك شَايفِنها !؟
    نجمة بتعاين لي شديد !!
    عاين هنااااك تالا الشرق
    والقِبلة جِيهة ود تميم
    واصْعُد مع بصرك بعيد

    النجمة ديك انا بعرِفها
    كُل ليلة بعد النّاس تنوم
    زي البِتتكلم معاي
    مرات بتضحك وتبتسم
    ولا اظني بتْخيل براي

    قالت ليا: إِنت عِرفتني
    صنْقرت وسط العنْقريب
    ونزلتْ شِلت إِبريق ابوي
    غسلت عيني من النعاس
    ضحكت علي ضحك شديد

    قلت ليها: شكلك ما غريب
    وشِك دا بيشبه وَشْ حبيب
    زي الْتقول وش أمي
    قُُبال السفر قُبال تغيب
    قُبال يودوها الحكيم
    الا الْشِلوخ ما شايفها

    كان وشها اسْمح كتير
    من كُل نِسوان البلد
    لمن من البندر تجي
    بتجيبو الموز في كِيس
    مرات حلاوة مع القريب

    لكن في آخِر مرة ديك
    مرقتْ بكُرعيها ومشت
    لكني شفتها يوم رجوعها
    كان راقدة فوق العنقريب
    غطوها بي توبها الكِرِب

    ما قلت ليك قُبال كِدا
    شالوها فوق العنقريب
    قالوا لي ماشه الْجّنة فوق
    جروا بيها كانوا رجال كُتار
    لكن لمن جاء العنقريب
    كان فاضي ما رجعت معاه

    انا مرة قمت سالت أبوي
    قبّل هناك ما رد لي
    جاوبني ابوى بي دمعته
    قال لي خلاص الوكت جاء
    املا الاباريق للصلاة
    نتغدى شان نمشي الخلاء

    وانا خفت خليت السؤال
    علشان ابوي ما يبكي ساي
    كان سافرت نص النهار
    جابوها بالعربية ديك
    واتلموا فينا خلق كُتار

    وكان بيتنا مليان بالضيوف
    رجال كبار و نسوان كُتار
    واحدات صغار واحدات كبار
    واحدات اشوفهن اول مرة
    حايمات في الفريق

    النجمة ذاتها بكت معاي
    قالت لي خلاص اتغطى نوم
    باكر بتمشي المدرسة
    قلت ليها انتي طلعتي كيف
    سكتت ولا ردت علي

    انا اصلي مرة سمعت ابوي
    بينضم مع ﺭﺍﺟﻞ غريب
    قال ليهو انا كنت عارف انها
    بترحل وما بترجى السنة
    وقال ليهو غابت نجمتها
    من مدة من قلب السماء

    انا امي قالوا مشت بعيد
    يمكن تكون شفتيها
    او طلعت معاكم بهناك
    كان لاقتك قولي ليها
    انتي مشيتي وين

    اتدلي لي اتونسي
    قالت لي: لا.
    انا بيتي عالي هناك شديد
    عاينت تاني محلها
    كانت صعيد العنقريب
    وانا ما بحب العنقريب

    قالت خلاص ارقد كفاك
    انا بكره تاني كمان بجيك
    انا بي النهار بمشي واغيب
    قالت النهار حق الشمس
    ونحن النجوم ننجم ننوم
    وبالليل بنمرق تاني
    بنضوى للناس الدروب

    قلت ليها داير اطلع معاك
    قالت لي: لا.
    عاينت شفت العنقريب
    حق امي مختوت بهناك
    رقدن عليه نسوان سمان
    واحدات اهلنا وما اهلنا
    لمن الحريم اتفرقن
    كسرن كراع العنقريب
    جدعوه هناك ما صلحوهو

    وانا كل ليل افضل اعاين
    في السماء وارعى النجوم
    والناس تنوم واحدين
    بيشخروا يزعجوا يحموك
    لو لحظة الغميد

    وكل أم بتفقد طفلها
    تغطيهو بي توبها التقيل
    عشان السقط ما يمرضه
    والدنيا كانت زي خريف
    وكان الهبوب جايانا
    من جهة الصعيد

    وانا راقد اتكرفس براي
    ولا زول حداي
    في عنقريب من غير لحاف
    مرات انوم مراتٍ أخاف
    مرات انوم بعد العشاء
    ومرات براي اسهر شديد

    وسؤالي شايلو معاي سنين
    ما لقيت جواب يطفي الحنين
    اصلوا الحزن صاحبني بدري
    زمان شديد قُبال اخش المدرسة
    وبعد سنين ينحسبوا في اصابع اليدين
    وقبال اتم المدرسة قام تاني جاء
    والمرة دي قام ساق أبوي
    وكان باكر العيد السعيد

    وسمعت نسوان ينضمن
    قالن بخيتة سعيدة
    كانت ميته هينه ولينه
    في يوما سمح في يوم سعيد
    واحدات دميعاتن جرن
    و واحدت ولا هماها شيء

    ونفس الكلام الفات سمعتوا
    من الرجال يوم غاب ابوي
    رحل بعيد قام تاني قالوا
    دا يوم بخيت ودا يوم سعيد

    ومرات اقول باكر بيجو
    الا الغياب طول شديد
    يمكن مع النجمات هناك
    ويمكن يكون ابعد بعيد

    النجمة صاحبتي قالت:
    اصلو البيرحل ما بيعود
    وقالت لي ما تسأل كتير
    دا كلام عليك هسع كبير
    باكر بتعرف كل شيء

    والناس دي كلها في سفر
    والليلة مازي يوم أمس
    وكل زول بيجي الميعاد بيمش
    حتى النجوم حتى الشمس
    بيجي يوم تغيب وبيجي يوم تمش
    ويبقى الإله خالق البشر رب العرش






                  

01-14-2022, 05:16 AM

الطيب الشيخ
<aالطيب الشيخ
تاريخ التسجيل: 11-18-2005
مجموع المشاركات: 193

للتواصل معنا

FaceBook
تويتر Twitter
YouTube

20 عاما من العطاء و الصمود
Re: حكاية الطفل الساكنة جواي (Re: الطيب الشيخ)

    Do you see that very far star in the sky
    She used to stare at me
    Look there towards the east
    At Qibla direction and Wad Tamim tomb direction
    From there climb up up up with your eyes sight

    That’s a well known star to me
    Every night after all people go to sleep
    Looks as if she is talking to me
    Sometimes laughs and smiles to me
    Or that I am just dreaming

    She asked me: did you recognize me
    I sat in the middle of my bed
    I got down and took my father’s jug of water
    I washed my face from sleeping
    She laughs and laughs at me

    I told her you look very familiar to me
    You look like an adorable face
    As if the face of my mother
    Before she traveled and disappeared
    Before she was taken to the doctor
    But I can’t see her face marks

    Her face is more beautiful
    Than all the women
    In our area
    When she returns from the town,
    She used to bring bananas ,
    sometimes sweets and grapes

    But in her last travel
    She stepped and walked out ,
    But when they returned : She was lying on a bed , coverd by her white thobe

    Did I ever told you before ؟
    My mother was carried on a bed
    They said she is going up to the heavens
    A lot of men rushed her out
    But when the bed is back
    It was empty ! she was not there any more

    Once I asked my father
    He turned his face away and didn’t reply to me
    His answer was trears
    He said it’s prayers time
    Prepare water for ablution
    Let’s take our dinner and go to the farm

    I was scared and never asked again
    So that my father will not cry again
    My mother traveled at mid day
    She was brought by that car
    A lot of people gathered around

    Our house is full of strangers
    Old men and many women
    Some of them are young and others are elder
    Some of them I have seen for the first time
    around in our area

    My friend the star cried with me
    She said now cover your face and go to sleep
    Tomorrow you have to go to school
    I asked her how do you get up there
    She didn’t reply

    Once I heard my father talking to a stranger
    He said he knew she will not live any longer
    Her star in the sky had disappeared for a while

    They said my mother went very far away
    May be you have met her over there
    Or may be she climped up there
    If you meet her ask her where were she gone

    Get down and chat with me
    She said: No my home is very far away
    I looked at its place
    It’s to the south of four stars which makes a bed shape
    I don’t like Beds anymore

    She told me it’s enough for tonight
    Go to sleep
    Tomorrow again I will come to you
    It’s time for me to disappear
    As the day is the time for sun
    But for us the stars we have to get some rest
    And we will appear again after sunset
    To give light to people

    I told her I want to be up there with you
    She said: No
    I saw my mother’s bed placed there
    Some obese ladies lied on it
    Some of them are our relatives and others are not
    When the women left they broke the bed
    But it was left abandoned there , not repaired

    Every night I look at the sky and stars
    People were sleeping
    Some of them were snoring and disturb others from sleeping even for a second

    Every mother cares for her kids
    They cover them from cold
    So that they will not catch a cold
    It’s autumn time
    The wind was blowing from the north

    I am lying alone on my bed
    Nobody is around me
    There’s no mattress on my bed
    Sometimes I was afraid ,
    Sometimes I fell to sleep very early
    Other times I never sleep

    And I carry my lifetime question with me
    And never find an answer to it
    As the sadness was my friend for along time
    Before even I get to school
    So after few years which you can count in your fingers it came again to me
    Before even I finished my school
    This time it took my father away
    Just one day before Eid

    I heard some women talking
    They said she was a happy lady she died quietly and peacefully
    In a good day
    I saw tears on the eyes of some of them
    But others didn’t care

    I heard the same talking from men on my father’s last departure day
    They said he passed away in a good and blessed day

    Sometimes I said to myself tomorrow they will return
    But it had been so long since they left
    Maybe they were up there with the stars
    And maybe even further than that away

    My friend the star said:
    Departed will not comeback again
    She told me not to ask many questions , how and when
    She said I wouldn’t understand the answers for .
    She promised in the future I will know everything and learn

    She added: everyone will go through this journey
    and no two days would be the same.
    Everyone will depart on their exact time
    Even the sun and the stars one day will depart and fade away.

    Remains our lord creator of all mankind and the owner of the great throne
                  

01-15-2022, 07:31 AM

الزبير بشير
<aالزبير بشير
تاريخ التسجيل: 08-11-2009
مجموع المشاركات: 1618

للتواصل معنا

FaceBook
تويتر Twitter
YouTube

20 عاما من العطاء و الصمود
Re: حكاية الطفل الساكنة جواي (Re: الطيب الشيخ)

    الاستاذ و الاخ الطيب الشيخ

    مبدع في زمن الجفاف

    (عدل بواسطة الزبير بشير on 01-15-2022, 07:32 AM)

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de