يا جماعة الخبراء الاستراتجيين ديل فضحونا قدام العالم .. الليلة لاقاني صاحبي مغربي قال لي وين مثقفيكم .. هو متابع الثورة السودانية عبر الجزيرة.. اطعمج فيني شوية.. قلت ليه ديل ما نحن ثم استدركت قلت ليه ديل ما بمثلونا.. ودا حق.. لكن بصراحة برضو الناس المفترض بمثلونا في صف الثورة بتم تعيينهم على اساس الكتل السياسية او المدنية والشللية والثقة لا الكفاءة ومعظمهم سجم رماد عظيم ودا شي مضر ضرر بليغ لصورة الثورة وصورة انسان السودان .. الزول بقى ما عارف يودو وشو وين والله برغم هذه الثورة المجيدة.. ياخ ما تمشي تعمل مقابلة او لقاء وانت ما جاهز. اعتذر.. ما تتكلم عربي فصيح وانت ما فارز الفاعل من المفعول.. اتكلم دارجي بس وخلي الكلمات كلها تنتهي بساكن.. اعرف سلفا متن قضيتك واتدرب في البيت قبل ما تجي تتلعثم وتتعتع وتفضحنا امام شعوب الارض.. بعدين في حاجة اسمها دورات تدريبية احترافية.. ممكن الزول مرة من المرات مزاجوا يكون ما رايق ممكن الزول يغلط مرة لكن ما ممكن كلو يكون تعتعة وبيضنة.. معليش والله تعبنا.. واتمنى ان تعتبروه نقد ذاتي بناء. وان شاء الله اكون غلطان؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جمال الدين
فيس بوك
تويتر
انستقرام
يوتيوب
بنتيريست