جامعة الخرطوم و خريجيها هم سبب مشكلة السودان..هل تتفق مع هذه المقولة ام لا تتفق؟

مرحبا Guest
اخر زيارك لك: 03-28-2024, 02:45 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-09-2022, 05:13 AM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
جامعة الخرطوم و خريجيها هم سبب مشكلة السودان..هل تتفق مع هذه المقولة ام لا تتفق؟

    04:13 AM January, 09 2022

    سودانيز اون لاين
    بكرى ابوبكر-Peoria AZ USA
    مكتبتى
    رابط مختصر



    سلام و احترام للجميع
    يدير كبري الشركات و المنظمات العالمية خريجي اعرق،اكبر و اقوي الجامعات في العالم و هي

    لتميز خريجيها عند دخولهم اليها و خروجهم منها و معظم بحوثهم و واكتشافاتهم حلول انية لقضايا ومشاكل المجتمع الاقتصادية والعلمية و خلافه...او تطوير لبحوث علمية قام به باحثين سابقين ، ،و معظم ما نتمتع به اليوم من تطوير في عالم التكنلوجيا والثورة المعلوماتية هو من ابتكار و اكتشاف خريجي هذه الجامعات..... وان بحثت عن معظم مدراء الشركات ،العلماء والقادة السياسين في امريكا...الخ تجدهم خريجي هذ الجامعات ،كما يقدمهم الحزبين الرئيسيين في امريكا الحزب الديمقراطي و الجمهوري لاعلي المناصب القيادية و التنفيذية....
    قبل ايام كنت اتناقش مع صديق عن الكتمة السياسية بسبب انقلاب البرهان ،ختم صديقي بان المشكلة سببها جامعة الخرطوم وخريجيها لم يقدموا حلول لقضايا السودان الانية منذ الاستقلال، وانهم هم سبب الازمة و المثال حمدوك!!!!هل تتفق مع هذه المقولة ام لا تتفق؟؟؟

    المايك فاتح .....يلا دش بدون خجل






                  

01-09-2022, 05:50 AM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: بكرى ابوبكر)

    ما كلهم.. الأخوان المسلمين والشيوعيين بس.. بصراعاتهم الديكية التى لا تنتهى خربوا البلد والمجتمع.. السودان صار رهينة لهذين الحزبين.
    ما فيهم واحد يرضى أن يستقر السودان إلا لو هو الحاكم وعلى رأس السلطة لتنفيذ أجندته.. حاكم فقط ما كفاية.
                  

01-09-2022, 07:39 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 10772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Abureesh)

    أعتقد المشكلة الشخصية السودانية نفسها..

    الشخصية السودانية معقدة للغاية.. تحب النقد لا تحترم الرأي الآخر غير مبادرة ..لا تحترم العمل الجماعي ( بالتالي لا تحترم الرأي الآخر) .. بعد داك كله تظن أن الإنسان السوداني فريد عصره
    والآخرون هم الشياطين..ويظهر ذلك في نقدهم لكل الشعوب وعندما يأتي ذكر السوداني يستدلون بكل الأقوال التي تمجد السودانيين ثم يستلقون في سرايرهم..وينسون أن البشر كلهم واحد و الإختلافات تأتي بسبب الظروف الاقتصادية و الاجتماعية و الجغرافية.
                  

01-12-2022, 04:00 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
المشكلة الشخصية السودانية (Re: محمد عبد الله الحسين)

    الحبيب محمد عبد الله الحسين
    شكرا للمساهمة و انشاء مداخلتك القيمة اعلاه حا تكون موضوع نقاشنا الشهر القادم
                  

01-09-2022, 08:11 AM

حامد عبدالله
<aحامد عبدالله
تاريخ التسجيل: 04-12-2014
مجموع المشاركات: 1323

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Abureesh)

    سلام بكري
    اتفق وزيادة ان ليست فقط خريجي جامعة الخرطوم سبب
    مشكلة السودان بل ان اغلب ما تخرجه مؤسسة التعليم في السودان
    علي مر التاريخ هم بطريقة مباشرة او غير مباشرة اس البلاوي
    شخصيا اعتير نظام العشر الاوائل الذي تتبعه مؤسساتنا التعليمية
    نظام يشوبه خلل ويساعد علي إنتاج اقلية (نخبة/افندية) ليست
    بالارتباط/الانتماء القوي للمجتمع الذي يجعلها قادرة علي
    قيادته للتطور والذي اساسا لابد ان تقوده قيادة وطنية متجاوزة للانتماء
    الضيق ومتسلحة بالعلم والمعرفة والمهارة
    وبجانب اخر نجد ان المؤسسة التعليمية وكان من اهدافها وبقصد
    ان تنتج مجموعة (اغبياء/الطيش) اغلبها تلفظها باكرا من
    الاستمرار في العملية التعليمية وبالتالي تفقد فرص تلقي
    التدريب واكتساب مهارة وخبرات تساعدها علي الحصول علي مهنة/ وظيفة الخ
    وايضا عدم الاهتمام بالتعلبم الفني/ التدريب المهني/ تعليم الكبار الخ
    جعل المؤسسة وكانها وجدت لاعاقة التطور



                  

01-09-2022, 08:31 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: حامد عبدالله)


    الأخ بكرى
    سلام
    في نقاش عن التعليم في العالم العربي مع اخ يمني في بروكلين
    اتسع النقاش عن الجامعات ووقف الكلام في القلعة العتيدة جامعة الخرطوم .
    الأخ الاستاذ مياس اليريمي بيفتكر انو جامعة الخرطوم هي السبب في كل
    النهضة القامت في دول الخليج .
    واكيد ما حيكونوا يا اخ بكرى هم خلاف ذلك.
                  

01-09-2022, 08:41 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 11404

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Osman Musa)


    سلام
    سؤال أو إتهام عميق!
    عطفاً على مداخلة أ. ابراهيم عثمان موسى،
    توجد حقبتان:
    حصاد جامعة الخرطوم 1902 - 1989
    دمار جامعة الخرطوم 1989 - حتى الآن
    الدمار بسبب التعريب و إحالة الكفاءات للصالح العام.



                  

01-09-2022, 09:04 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: نعمات عماد)

    الحبيب بكري تحياتي
    منذ الاستقلال والى اليوم
    تنظير :
    ورش عمل
    محاضرات
    أوراق عمل

    التطبيق (زيرو)

    أكثر المميزين في الاغتراب ( ناس القانون ) المحاميين

    كمان نحن مبدعين في تهشيم صورة آخر وتحقيق انتصار الذات
    وأفشال الناجحين في مواقع العمل


    تحياتي الحبيب بكري
                  

01-09-2022, 09:18 AM

Gafar Bashir
<aGafar Bashir
تاريخ التسجيل: 05-02-2005
مجموع المشاركات: 7220

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: علي عبدالوهاب عثمان)

    Quote: الشخصية السودانية معقدة للغاية.. تحب النقد لا تحترم الرأي الآخر غير مبادرة ..لا تحترم العمل الجماعي ( بالتالي لا تحترم الرأي الآخر) .. بعد داك كله تظن أن الإنسان السوداني فريد عصره


    نعم وبقية الاوهام بتاعة بناء الخليج وبرج ايفل وناطحات نيويورك
                  

01-09-2022, 09:36 AM

Yousuf Taha
<aYousuf Taha
تاريخ التسجيل: 05-03-2013
مجموع المشاركات: 1034

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Gafar Bashir)

    ما تنسى معاها أم الكلالي برضو
                  

01-09-2022, 11:54 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Yousuf Taha)

    لو كانت الكلية الحربية احدى كلياتها لكنت اتفقت مع العبارة في العنوان
                  

01-09-2022, 01:11 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Yousuf Taha)

    سلام عليكم
    ج/الخرطوم بسبب تطاول وجودها منفرده كمؤسسه تعليم عالى فى السودان من الطبيعى ان تكون مفاصلالحياة السودانيهمعتمدة على خريجيها بالاساس اضافةلدارسى الخارج مصر وبريطانيا وروسيا ..الخ
    لكنها تحولت الى صنم لايقبلاحد المساس بها اونقدها وقمر منفرد فى سماء السودان (الجميله ومستحيله) ولاقيمه لمعرفه اوشهادة الا من منها.
    ودا ربما مجمل مداخلات الاخوة السابقين عبر عن الموضوع وعن افرازاته.
    خريج جامعه الخرطوم اتربى تربيه العز فىداخل الجامعه مكانه اجتماعيه واهتمام وخرج بعدها افندى مهندم يرتدى البدل حتى لو كان صاحب تخصص عملى -اللهم الا الاطباء- ودا ربما يكون اثر على عطاء ابناء الوطن الاخرين عبرفرص عمل تقبلهم على اساس معرفتهم العلميه وخبرتهم العمليه (وخلاصة المعاينات) دون نظر للاسماء والمسميات.واذكر قول استاذ هندسه جيولوجيه فى ج الخرطوم وهو ابنها ويعمل بها ان الجامعه تاجر افلس واسمو فى السوق واذكر ثوره احد اساتذتنافى التخصص وهو يقف ممر قسم الفيزياء ويصيح باعلى صوته معترض على حصول فرصه دراسه دبلوم معهد الفيزياء النظريه لطالبين من خريجى اول دفعه فيزياء من علوم ج السودان بعد ان كانت الفرصتين احتكار لخريجى القسم النظير فى ج الخرطوم .غضبه الاستاذ وكانه يرى حق تاريخى لايحق لاى جهه اخرى ان تنال فرصه المنافسه على هذا الحق (دى مش طائفيه وفق الانتماء الاكاديمى العن من طائفيه السياسه؟).بنفس العقليه واحده من الجامعات الحكوميه الجديده عهد لتاسيسها وكليه بعينها لاناس ج الخرطوم وكنا خريجين من دفعتين متتالين من جامعتنا وعملنا بجهدكمتعاونين فى انتظار قبول اوراقنا لكن تمت المماطله حتى اتى خريج من الخرطوم وتم قبول اوراقه قبلان يمل معنا فى معامل الكليه ساعه واحدهوكان زى عدمو ويوم ان تم قبولنا فى جامعه اخرى انقلبت الدنيا لاننا سنترك فراغ لايستطيع صاحبنا ملئه (كما وكيفا)
    الان ومع تطور التكنولوجيا وثوراة الاتصال واتاحه المعلومه للجميع يوجد نماذج فى جميع الجامعات قدمت وتقدم ابحاث لها قيمه تعد السودان بعبور حقيقى .وابسط مثال ان افرجت وزارة التعليم العالى عن ارشيفها من ابحاث الاساتذه فى الجامعات لنيل الدرجات العلميه (ماجستير او دكتوراة) وقدمتها لمؤسسات الدوله الاخرى والوزارات وحتى القطاع الخاص حتى تصبح موضع تنفيذ لكان الامر مختلف.
    القضيه ما قضه سياسيين وانما قضيه عقليه الخريجسياسى او ادارى على مستوى من الدوله ووالمهنى العامل فى تخصصه.هل يتقبل الاخر وهل يتقبل تفوق الاخر فى مجال عمله ؟ (اى كان ضمن المجالات الثلاثه)
    طبعا النقد لخريج جامعه الخرطوم والعقليه التى يتعامل بها مع الاخر ماكان لها ان تكون الا بعد وجد منتسب الجميله ومستحيله تربه خصبه فىعقلية المجتمع السودانى افراد اوبشكل جماعى نوعى .
    الطائفيه حسب الانتماء الاكاديمى امرغير مستحب ضمن المجتمع رغم انها قد تكون حميده لو كانت طائفيه وعصبيه فى ساحات مجتمعات النخب العلميه والخلافات والحوارات العلميه.
    ج الخرطوم وابنائها وجدوا فرصه كافيه عبر التاريخ وقدموا ماقدموا نجحوا فى بعض وفشو فى بعض ويبقى لهم ان يتقبلوا ان الساحه الان اصبحفيها لاعبين جدد (يكفى ان ناجى الاصم من ابناء ج كرفان) مثلا وان يكون الشان لاشان تنافس صراع وعدم تقبل وانما تنافس تجويد وتطوير
    تحياتى
                  

01-09-2022, 02:15 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Asim Ali)

    فكرة صفوية الجامعة وخريجيها موجودة في اذهان الباقين و للاسف صارت اشبه بالعقدة يتعاملوا على أساسها و يبذلون جهدا عظيما لهدم مكانة زائفة لم يحدث أن ادعاها خريجي الجامعة, لو بذلوه نصفه ابتداء لكانوا من ضمنهم

    ___________________

    الكلام دا من باب الطعمية ورفع الكثافة يا خوانا ما يجيني واحد ماخده على محمل الجد و يغالطني
                  

01-09-2022, 04:11 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: محمد البشرى الخضر)

    شئ محزن فعلاً..
    السودانيين ديل (كتيرين منهم ما كلهم).. كمية الحقد الأعمى على كل ما هو جميل.. وهواية طبز أعينهم بأصابعهم.. دى يا ربى جابوها من وين؟ أطباء سودانيين خريجى جامعة الخرطوم
    داخل قصر بكنجهام فى بريطانيا.. وأظن حتى اتت الإنقاذ الطبيب السودانى لم يخضع للمعادلة.. علماء خريجى جامعة الخرطوم يعملون فى وكالة ناسا وفى معامل بيل وأخصائيى أدلة جنائية
    فى مدينة نيويورك.. المدينة اللى فيها مخالفات مرور ووقوف فى العالم مافى لو قلت إزيك لزول تلقى عربيتك جروها ,, فى هذه المدينة فى عالم سودانى عنده كرت خاص ممكن يقطع اللمبة
    الحمراء ويسوق بسرعات زائدة.. لأنه عالم أدلة جنائية ويحتاج يصل للموقع بسرعة. أساتذة الجامعات فى كل التخصصات من جامعة الخرطوم أعداد كبيرة. المهندسون السودانيين من خريجى
    جامعة الخرطوم قامت على ال تى إسكويراتهم (زمن T-Square) مدن الخليج.. هؤلاء يجب أن يكونوا مدعاة للمفخرة والإعزاز. واحد فنى فلبينى فى الشركة التى كنت أعمل بها فى أحدى
    دول الخليج. وكانوا فيها مهندسين مصريين، قال لى المزرعة دى مفروض يسموها معهد تدريب الزراعيين لأن هرلاء لا يفقهون حتى الذى أعرفه (يعرفه هو الفنى).
    المشكلة ليست فى جامعة الخرطوم، ولا فى مستواها الأكاديمى ولا فى طلبتها.. وإنما فى التنظيمات السياسيـة التى أفسدات الحياة الأكاديمية، وعلى رأسها الأخوان والشيوعيين.. حتى لما
    كبروا وصاروا سياسيين نقلوا صراعاتهم الصبيانية الى الحياة العامة السودانية.. ولأن الحياز صار كبيرا فإن السيخ صار كلاشنكوف، والملتوف صار مدرعات.. وما زالوا يتصارعون
    هذا هو سبب المشكلة يا بكرى، وعلاجها أن يتم عزل هذين التنظيمين سياسياً لعشر سنوات، ولو أصروا على الصراع يعطوهم قطعة أرض فى صحراء العتمور ويمدوهم بالمواد التموينية
    هناك وينظفوا المنطقة من أى عصى أو حجارة.. خليهم يكتحوا بعضهم بالرمال. هم لا يريدون استقرار السودان.. بالعكس الشيوعيون بالذات هدفهم العمل على عدم استقرار السودان
    وجعله يغلى دائما حتى يستمروا فى التجنيد وزعزعة الأمن.. هذه هى البيئة التى يعيشون فيها.. الأكسجين الذى لا يحيون خارجه.
                  

01-09-2022, 05:07 PM

Ali Abdalla
<aAli Abdalla
تاريخ التسجيل: 10-18-2015
مجموع المشاركات: 495

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Abureesh)

    التحيّة لصاحب البوست ولضيوفه الكرام

    زعيم الحزب الشيوعي السابق المرحوم نقد قال:

    أنّ مشكلة السودان تتلخّص في ( شكلة أولاد دفعة)

    ويشير هنا لمدرسة حنتوب الثانوية أي قبل جامعة الخرطوم.

    كان ذلك في لقاء تلفزيوني عن مسيرته السياسية و ذكرياته في المدرسة،

    علي العموم بقيت المقولة في الذاكرة.


    تحياتي
                  

01-09-2022, 05:36 PM

Hamid Elsawi
<aHamid Elsawi
تاريخ التسجيل: 09-22-2005
مجموع المشاركات: 3450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Ali Abdalla)

    Quote: جامعة الخرطوم و خريجيها هم سبب مشكلة السودان..هل تتفق مع هذه المقولة ام لا تتفق؟


    شكراً بكري للسؤال الجرئ و محاولة إشراكنا في الاجابة
    لا أتفق مع هذه المقولة لانها تختزل مشكلة السودان في نقطة واحدة و تغض النظر علي المشاكل الاخري.

    مشكلة السودان مشكلة معقدة تسببت فيها عوامل كثيرة متشابكة و مترابطة و تحتاج الي تحليل علمي
    عميق, تفتقر الساحة السياسية لمن يمتلك المقدرة عليه, (التوم هجو مثلاً و غيره)
    شكراً للمتداخلين و لي عودة لاحقا إن شاء الله
                  

01-09-2022, 05:47 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 5507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Ali Abdalla)

    نعم مقولة صحيحة
    وخاصة خريجي القانون ودا يتلخص في اسوأ شخصين في هذه الحياة
    الترابي و علي عثمان
                  

01-09-2022, 06:25 PM

Mahjob Abdalla
<aMahjob Abdalla
تاريخ التسجيل: 10-05-2006
مجموع المشاركات: 8910

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Ahmed Yassin)

    55 سنة للكلية الحربية و 4 سنين لـ اكسفورد (سى الصادق). الباقى كم للازهرى و المحجوب و عبدالله خليل؟
                  

01-09-2022, 07:18 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مشاركة قيمة من دكتور محمد حسين من خريجي جامعة الخرطوم ١٩٦٥ (Re: Mahjob Abdalla)


    مشاركة قيمة من دكتور محمد حسين من خريجي جامعة الخرطوم ١٩٦٥ و حاليا استاد بجامعة Connecticut (كونيتيكت)

    Quote: الاخ العزيز بكري

    لك التحية والاجلال

    اسف غير مشترك في سودانيز اونلاين ولكن اود ان اساهم في هذا الموضوع.

    لأ اعتقد المشكلة خريجي جامعة الخرطوم بل المشكلة المجتمع السوداني الذي لايحترم امكانيات الخرىجيين ويعتقد انهم لأيملكون اخلاقيات السودانيين.
    وشجاعنهم. دعنا ننظر لمثال الدكتور حمدوك فقد نال احترام واعجاب اساتذته في بريطانيا فمنحوه بعثة لاكمال دراسته بل مولوا بحثه في شرق افريقيا. كذلك كان ناجحأ في عمله في الامم المتحدة واحتفي به زملائه وزميلاته حينما تقاعد. وبمجرد عودته للوطن بدأ النقد وتعليق كل المشاكل الناتجة من قبول قوي الثورة التحالف مع لجنة البشير الامنية والخلافات بينهم علي دكتور حمدوك.

    للاسف في السودان ليس هناك احترام للخبراء السودانيين او الخبراء من بلاد العالم الثالث. كثيرين يفضلوا الاوربين والامريكان. هناك قصص عن وفود من المنظمات الدولية برئاسة اسيوي ويتجاهل بعض السودانين يتجاهلوا الاسيوي ويركزوا علي الخواجة.

    مع الاحترام
    محمد
                  

01-09-2022, 07:21 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: بكرى ابوبكر)

    الي جميع زوارنا الكرام مرحبا بكل مداخلاتكم و يمكنكم ارسالها الي
    الوتساب
    16236807547
    الايميل
    [email protected]
                  

01-09-2022, 09:17 PM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: بكرى ابوبكر)

    كيفك يا بكري والإخوة المشاركين.
    عن نفسي، اقتنعت تماماً أن مشلكة السودان تكمن في إنسان السودان (الذي لا أعرف تعريفه). خريجو جامعة الخرطوم وغيرهم من الخريجين كانوا طينة سودانية، ولم تنجح في السودان. يمكن أن ننجح في الخارج لأننا نخضع لنظام، وليس لنا أي نظام في السودان.

    داخل السودان، الأمي البسيط أكثر إنتاجاً من خريجي الجامعات بمراحل. وهذا يعني أن النظام التعليمي والتربوي فاشل في الداخل منذ بداية التعليم في السودان. وحتى نجاحاتنا في الخارج أقل من مستوى نجاح جيراننا، ومن مستوى نفختنا.

    وفي الختام، أضم صوتي إلى صوات صاحب الاتهام، مع بعض التحفظ.

    وفي ختام الختام، نحن تعبانين جد وبرضو كتيرين مننا فاكرين إننا وإننا وكنا وكنا. نحن لا كنا ولاشيء، عشان كدا التدرّج المنطقي في الانحدار أوصلنا إلى البرهان وحميدتي. تصبحون على ألف خير.
                  

01-09-2022, 09:21 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: بكرى ابوبكر)

    سلام بروف محمد حسين

    لا أذكر فى زول طعن فى كفاء د. حمدوك الأكاديمية أو خبرته فى المؤسسات الدولية.. لطن هذا كله كوم والممارسة السياسيـة كوم تانى.. والرجل ارتكب أخطاء لا علاقة لها بإنجازاته الأكاديمية الله يزيده منها.
    1. وهو فى أديس أببا أعلن شروطه وهى عدم تدخل أى جهة فى قراراته.. اسف لا أملك مصدر النص ولكنى أجزم قرأته له. ولكنه فيما بعد رضى تغول العسكر على كل سلطاته.. وكان عليه أن يستقيل وهو يعلم
    سلموك السياسيين الغربيين فى هذا المجال.. السلوك السياسى الما خمج.
    2. أذعن لتغول قحت على الوثيقة الدستورية والغوا عدم ضم الأحزاب فى الحكومة وعلى ذلك أزاح الكفاءات مثل دكتور أكرم وبروف محمد الأمين التوم ود. القراى بضغط من الأحزاب أو من العسكر.
    3. أذعن لتهديد واحد من زعماء حزب الأمة الذى (أمر) وهدد بذهاب بروف التوم وكان لهذا الحزبى الطائفى مناع، القيادى فى حزب الأمة، ما أراد..
    4. رفض نصيحة وزير التربية بروف التوم بعدم قبول إستقالة القراى، خوفا من نفس الجهات
    5. إنتظر حتى أقاله البرهان مع حكومته ما عدا وزير المالية.. وكأن وزير المالية ليس عضوا فى الحكومة
    6. حين فاوض البرهان للعودة لم يستشر الجهة التى أتت به للحكم وإنما تصرف كأنه لا ميثاق بينه وبين الحاضنة السياسيـة التى تعين الحكومة ورئيسها.
    7. عاد الى الحكومة تحت إدارة البرهان الذى أقاله بصورة مهينة وغير قانونية اصلاً فى 24 أكتوبر. والبرهان كان فى أضعف حالاته نتيجة الضغوط الدولية.. فنفخ فيه روح جديدة. وكعادة الكيزان أذلوه بقتل المتظاهرين

    كل هذه الإخفاقات لا تقدح فى كفاءة الرجل الأكاديمية وخبرته فى المؤسسات المالية والدولية، ولكن ليست له أى خبرة فى السياسة ولا فى الحكم. وبسبب ذلك كان التخبط.. كان يقول انه محاط بمشاكل سياسية كتيرة
    وعليه ضغوط لا تحتمل overwhelmed .. وهذا كله حق.. ولكن شكواه هذه تدل على أنه دون مستوى الموقع. الرجل الكفؤ المؤهل دائما يرى المشاكل تحته وليست فوقه يصنقع عشان يشوفها. أبوسن يوم جاه واحد
    يرغى ويزبد من معاملة اهله له.. ديل ظلمونى فى كدا وشالوا منى كدا وعملوا كدا... وأبو سن ساكت ساى.. لما خلص قال ليه.. أها أديتنا أخبار جماعتك، وانت كيف أخبارك والأهل والعيال.. الرجل كما صبت فيه مطر
    نزل نفسه وهدأ وبعد شرب الجبنة بدأ يناقشه فى مشاكله مع جماعته. دا زعيم ما قرأ وما عنده دكتورة فى الإدارة ولا فى علم النفس. حل مشكلة الرجل فى أقل من ساعة.
    وتعيين الكيزان لكى يضطروه للإستقالة بعد أخذوا منه ما أرادوا.
                  

01-09-2022, 10:06 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: Abureesh)

    ولا دايرة درس عصر..
    مع الكلية الحربية سبب كل البلاوي..
                  

01-09-2022, 10:31 PM

Shinteer
<aShinteer
تاريخ التسجيل: 09-04-2002
مجموع المشاركات: 2525

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: طارق جبريل)

    Quote: ولا دايرة درس عصر..
    مع الكلية الحربية سبب كل البلاوي..

    دايرة دروس عصر كتيرة جد.
    لولا فشل الكليات الأخرى لما طغت الكلية الحربية وتجاوزت دورها العسكري الأمني.
    وفي البدء كان خريجو الكليات الأخرى (ورعاتهم) هم من مكّنوا خريجي الكلية الحربية في الحياة السياسية. والنتيجة هي ما وصلنا إليه الآن. حتى الكلية الحربية ذاتها طارت.

    اللوم الأكبر ليس على العسكر في تطفلهم على السياسة. ففد كانوا ملتزمين بدورهم، لكن أسلافنا خريجي الكليات الخرطومية طالبوهم بالدخول في معترك السياسة، ومن ديك وعيك.

    فشلنا واضح ولا يحتاج إلى تبرير.
                  

01-09-2022, 11:41 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: Shinteer)

    أتفق مع شنتير
    إس البلاء السياسيون.. طائفيون وعقائديون. يحكمهم ثالوث الجهل والطمع والفســاد.. فماذا تنتظر. من زمن ديمقراطية أكتوبر 1964.. شوف
    الحزب الإتحادى كان يصر على وزارة التجارة ليه.. راجع كريكاتيرات المرحوم عزالدين . وكانوا يبيعون الرخص التجارية بكل أنواعها.. موش وزارة تجارة!!

                  

01-10-2022, 00:37 AM

muntasir

تاريخ التسجيل: 11-07-2003
مجموع المشاركات: 7530

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: Abureesh)

    كان في مسرحية زمان ما عارفها خطوبة سهير ولا لا لكن فيها عبارة ( العيب مافي التعليم العيب فيهم هم )
                  

01-10-2022, 00:55 AM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: muntasir)

    مشاركة وصلتني عن طريق الوتساب

    Quote: الأخوة في منبر سودانيز اون لاين. السلام عليكم.
    عطفا على موضوعكم المهم والمثير عن خريجي جامعة الخرطوم. انا خريج جامعة الخرطوم . بعد التخرج تحصلت على منحة دراسية في إحدى الدول الأوربية وكان ان تصادف ايام دراستي ولعامين متتاليين وصول طلاب اخرين بمنحة معروفة وكان في كل مره يكون  أحدهما خريج الخرطوم والآخر خريج من جامعة حديثة وعند إجراء الاختبارات الاولية بعد ستة اشهر   وفي العامين يجتاز طلاب الجامعة الحديثة الاختبارات بنجاح ويرسب طلاب جامعة الخرطوم فتتم اعادتهم للسودان وفقا لشروط المنحة. وما قيل عن ما حدث في قسم الفيزياء صحيح وانا سمعته أكثر من مرة. أساتذة و خريجي الخرطوم مع الأسف لديهم نفخة كاذبة لاتتعدى مطار الخرطوم حيث أن جامعات كثيرة جاءت بعدها اصبحت في مصاف الجامعات العالمية ومازال خريجي الخرطوم في غيبوبة جميلة ومستحيلة. إنها بحق قبيحة ومستباحة في الوقت الحالي..... هذا عن الجانب الأكاديمي. أما عن الجانب السياسي فالمصيبة أكبر بكثير....منذ دخولنا الجامعة في العام ١٩٩٦ وحتى التخرج في العام ٢٠٠٤ لم نجد من الطلاب السياسيين غير التناحر فيما بينهم والمؤسف انهم كانو ظاهريا في تحالف يسمى بالتجمع الوطني الديمقراطي ..لكم ان تتخيلو قيادات المستقبل. يصف الطلاب الشيوعيين الاتحادي والأمة بالطائفية الجاهلة والرجعية بينما يوصف الشيوعيين والبعثيين بالكفرة والملاحدة..والاشتباكات الدامية بينهم لاتخفى على أحد. وللأسف الشديد ما يحدث في جامعة الخرطوم من تعاطي خاطئ للاختلاف وتباين وجهات النظر انتشر وعم كل المؤسسات الجامعية. في إحدى السنوات قام طلاب الجامعة بتكسير بوابة الجامعة الزجاجية بحجة انها من صنع نظام الانقاذ، ولكن هل تكاليف انشائها كانت من حر مال النظام؟ هؤلا مع الأسف هم قادة هذه الأيام من خريجي الخرطوم وكامل السنوات التي تلت خروج المستعمر. المجتمع السوداني البسيط يعتقد في جامعة الخرطوم ويوليها ثقة زائدة والمرير ان خريجي جامعة الخرطوم لم يهتموا يوما ما بتصحيح المفهوم السائد في مجتمعنا وتبصير الناس بأنهم مجرد بشر عاديين فشلو في إنارة الطريق للمواطن البسيط.
                  

01-10-2022, 02:06 AM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
جامعة الخرطوم:University of Khartoum (Re: بكرى ابوبكر)

                  

01-10-2022, 01:16 AM

الأمين عبد الرحمن عيسى
<aالأمين عبد الرحمن عيسى
تاريخ التسجيل: 10-25-2011
مجموع المشاركات: 1680

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: muntasir)

    جامعة الخرطوم و خريجيها هم سبب مشكلة السودان..هل تتفق مع هذه المقولة ام لا تتفق؟
    ولله خريجي جامعة الخرطوم هم المشكلة و هم برضو ما سبب المشكلة، المشكلة مشكلة شعب باكمله مصر ان يعتمد في استهلاكه على منتجات العالم الصناعية مقابل موارد زراعية متواضعة لا ترقى لمستوى استهلاكه الفاخرـ
    ومشكلة الخريجين انهم لم ينتبهوا الى انهم الجهة المفروض توعي الشعب الى ضرورة توجيه استثماراته للصناعة والتعدين. خريجو جامعة الخرطوم لم يفكروا ابدا الولوج الى عالم الصناعة وتركوه للراسمالية التي قد تسمى وطنية او غيرها وهؤلاء ليسوا بالعقلية التي ترقى الى ما تحتاجه البلاد بحق.
    أمر محزن ومؤسف ان مئات الآلاف من خريجي الجامعة لم يلجوا عالم الاستثمار في القطاعات المنتجة وركنوا الى الوظيفة والوظيفة يدفع اجرها المنتج عبر انتاجه وعبر ضريبته التي يدفعها للدولة
                  

01-10-2022, 05:49 AM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مشاركة قيمة من دكتور محمد حسين من خريجي جا (Re: الأمين عبد الرحمن عيسى)

    Quote: .منذ دخولنا الجامعة في العام ١٩٩٦ وحتى التخرج في العام ٢٠٠٤


    إذا ظهر السبب بطل العجب
    للأخ الذى كتب رسالة للريس بكرى.. لو لاحظت المداخلات أعلاه أعلاه لا تتحدث عن فترة الإنقاذ المشئومـة.. وكلامك عنها صحيح ولا يقدح فى تأريخ جامعة الخرطوم وخريجيها.
    عام 1990 جاء أحد خريجى جامعة الخرطوم لأمريكا وتقدم للماجستير فى الهندسة الإلكترونية فى معهد نيوجيرسى للتكنولوجيا.. NJIT ولكن لم يجد دكتور يقبله، وكان مصرا وقابل
    أحد الدكاترة عدة مرات. وهم يقولوا له ان جامعة الخرطوم غير معروفة. وأخيرا الدكتور قال يعطيه فرصة وقبل أن يكون المشرف عليه.. وبعد شهر فقط جاء اليه فى المعمل وقال له
    أن خلفيته ممتازة.. وتانى جاه قال ليه لو تعرف أى طالب من جامعة الخرطوم عاوز يعمل ماجستير ممكن ترشحه وتكلمه يتصل بى.. والإنجازات هذه التى عددناها حقيقية وما عارف
    ليه الأخ دا أنكرها دون أن يشرح لماذا.. الخليج كله قام على أكتاف المهندسين الأطباء وبروفيسورات الجامعات من السودان.. وحين خرج الإنجليز وصوهم بتعيين السودانيين.. هذا
    حين كانت جامعة الخرطوم الوحيدة فى السودان.
                  

01-10-2022, 06:24 AM

أشرف الرحال
<aأشرف الرحال
تاريخ التسجيل: 01-02-2013
مجموع المشاركات: 1927

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: محمد البشرى الخضر)

    Quote: جامعة الخرطوم و خريجيها هم سبب مشكلة السودان

    لم تكن الجامعة الازمة انما الازمة ازمة اخلاقية منذ الاستقلال حتى الان


    مودتي

    رحال
                  

01-10-2022, 07:27 AM

Al Sunda
<aAl Sunda
تاريخ التسجيل: 01-18-2005
مجموع المشاركات: 1854

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: أشرف الرحال)

    دار نقاش هزلي في قروب دفعة الكلية فكانت النتيجة
    فيما عدا الدكتور عبد الوهاب عثمان فإن كل وزراء المالية والاقتصاد في عصر الإنقاذ وما بعده
    هم من خريجي كلية الاقتصاد جامعة الخرطوم
    احسب
    سيد على زكي
    عبد الرحيم حمدي
    عبد الله حسن احمد
    محمد خير الزبير
    على محمود
    بدر الدين
    الفريق د. الركابي
    ايلا
    معتز صدمة
    الدكتور البدوي
    د. هبة
                  

01-10-2022, 08:33 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Al Sunda)

    Quote: منذ دخولنا الجامعة في العام ١٩٩٦ وحتى التخرج في العام ٢٠٠٤
    من اي كلية تخرج الكاتب في 8 سنوات, غايتو اي كلية غير الطب بلقى ليه العذر في كلامه!
                  

01-10-2022, 09:17 AM

ALWALEED ALSHEIKH
<aALWALEED ALSHEIKH
تاريخ التسجيل: 01-11-2013
مجموع المشاركات: 884

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: محمد البشرى الخضر)

    صديقي من جزيرة بدين و راسه خفيف من أول كاس يصل الحد ...ذات مرة و بعد ان سكر
    اتى بتصرفات غير مقبولة ....الجماعة المعاه في القعدة قعدوا يتكلموا عن جزيرة بدين باعتبارها
    منطقة متحررة جدا و أكثر من الغرب و سدوم و عموريا مجتمعين و فيها كل منكرات و فسوق الدنيا...
    صاحبنا صار يبكي و هو يمسك راسه في أسى ...ويتمتم مذهولا و هو شبه مصدق ...الكلام ده كله في بدين؟
    و كل مرة واحد من ناس القعدة ينجر قصة عن بدين و صاحبنا يزداد بكاه حسرة على سلوك ابناء و بنات منطقته
    المهم بصفتي خريج هذه الجامعة المنكوبة اندهشت لابتسار مشكلة البلد في خريجي هذه الجامعة
    الذين كانو و حتى قبل ما يسمى بثورة التعليم لا يتجاوزون بضعة آلاف
    بلد محكومة بالعسكر اغلب سنين ما بعد الاستقلال هذه هي المشكلة الأساسية و يضاف لها
    مشكلة المثقف السوداني المزمنة في قصوره عن لعب دوره المنوط به في التنوير و التطوير الاجتماعي
    إضافة للمشاكل المزمنة الخاصة بشعوب السودان بدءا من مشكلة الهوية و ختاما بمشكلة التنمية
    و بينهما مئات المشاكل ....حينها يصير من غير المقبول إلقاء مسؤولية ما نحن فيه على خريج جامعة الخرطوم
    .........مداخلة بعدة غيبة و تحياتي لأصدقاء المنبر حيدر الزين و ود المدير و جلال و بقية الأصدقاء.
                  

01-10-2022, 10:04 AM

أحمد محمد عمر

تاريخ التسجيل: 03-03-2010
مجموع المشاركات: 6272

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: ALWALEED ALSHEIKH)

    Quote: المشكلة سببها جامعة الخرطوم وخريجيها لم يقدموا حلول لقضايا السودان الانية

    أي زول دخل الجامعة قبل سنة 90 كان خياره الوحيد جامعة الخرطوم
    باعتبار إنه جامعات الجزيرة وجوبا بعيدات وجديدات وتخصصاتهم محدودة
    فلو نظرت للجيل دة حتقول المشكلة في جامعة الخرطوم لكن لو مشيت قدام 10 سنوات من التاريخ دة حتلقى المشكلة في المتعلمين كلهم
    زي ما قال صاحب المقتبس المتعلمين ما قدموا حلول لمشاكل السودان زي ما بعملوا في كل دول العالم
    السبب إنه التعليم في السودان بعيد شديد عن مواكبة الأنظمة التعليمية الحديثة، لسة طالبنا بحفظ ويسمع ويجي الأول
    أقرب مثال النتيجة البتتعلق في البورد دي الناس سابوها زماااان، وبقى أي طالب مسؤول عن نتيجته هو شخصياً بس
    التعليم ما اتطور لشنو؟ لأنه التعليم عندنا مهنة طاردة، ما بمتهنها إلا زول مضطر ما لاقي شغلة تانية. بينما في بقية العالم هي مهنة مجزية مادياً والتعيين فيها صعب شديد
    أقرب مثال لينا الأردن كدولة فقيرة أهلها بيعانوا من الغلاء وبغتربوا. في الأردن استاذ الابتدائي بيصرف ما يعادل 3000 ريال سعودي. ودة راتب كويس جداً بمعاييرهم
    علماً بإنه أغلبية الأساتذة بيحملوا درجة الدكتوراة .. والله صحي
    الحاجة التانية الأكاديميين ممكن يفيدو مجمتعهم بالبحث العلمي. وأصلاً الجامعات في كل العالم بتشجع البحث العلمي لأنه برفع ترتيبها العالمي، إلا في السودان، ميزانية البحث العلمي عندنا صفر دولار
    لا الدولة ولا الجامعات ما بصرفوا على البحث العلمي

    في زمن سابق كنت رئيس قسم في جامعة حكومية، عندي زميلي رئيس قسم في جامعة حكومية تانية ماسك معانا كورس كمتعاون
    اتواصل معاي عشان أحاول اطلع ليه قروشه قبل الامتحانات لأنه عندو ظرف مادي. طلعت ليه القروش وجاني في مكتبي. كان بعتذر لي بإنه المصاريف اليومية بقت مشكلة والبامبرز سعره اتضاعف مرتين. أنا قلت ليه انت حتكلمني ياخي أنا حمت الصيدليات ومحلات الاجمالي كلها عشان اشوف خيارات البامبرز لأنه بقى بند مهلك شديد في الميزانية
    أثناء ما نحن بنتاقش قلت ليه تعرف يا دكتور! اتنين أكاديميين وإداريين في التعليم العالي متلمين في مكتب جامعي! ديل في كل العالم بكون نقاشهم حول آخر ورقة نشروها وآخر مؤتمر علمي شاركوا فيه. إلا في السودان، بتناقشوا حول سعر البامبرز
                  

01-10-2022, 12:43 PM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 5239

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: أحمد محمد عمر)

    وجع ... وجع ... وجع الجامعات
    الخرطوم وما يليها ... ومن زمن
    كلية غردون إلى يومنا هذا ...
    لا أحد ينكر بأن آلاف المهنيين
    والمثقفيين وبنجاح يحسب لما
    تلقوهو في هذه الجامعات من علم
    قد غادروا الطبقة الفقيرة وإلى الأبد
    للطبقة الوسطى وقليل جدا منهم
    يرنو لصعود طبقة الأغنياء ...
    وهذا يعد إنجاز لابأس به إذا وضعنا
    آلاف الأسر برفقة هؤلاء الخريجين ...
    بالنسبة لتأثير هؤلاء الخريجين في (قيام)
    (ونشأت) (وتطور) الدولة السودانية (كدولة)
    لكم المقارنة مع هذا المثال الفضيحة :-
    الشيخ زايد بن سلطان آل نهيان حكم إمارة
    أبوظبي من ١٩٦٦ إلى ٢٠٠٤ بعد اطاحته (إنقلاب)
    بحكم أخيه الشيخ شخبوط ...
    الشيخ زايد لم ينتظم في مدرسة أو جامعة
    فقط ذكائه الفطري وحكمة البدوى ... حيث
    كان في كل لقاءاته القليلة المتلفزة له تعريف
    بسيط وواقعي لمعنى الحكم ... كانت كلماته
    الحكم يعني الإهتمام بمواطن هذه الدولة في
    ماكله ومشربه ومسكنه هو منتهى الغايات لأي
    لأي حاكم أو حكم ... وقد سخر كل موارد الدولة
    لتحقيق هذا الهدف ...
    بفطنة البدوي البسيط علم شيخ زايد بأن
    الكهرباء هي عماد تنمية ونهضة وتطور
    الدولة ... ومنذ سبعينيات القرن الماضي
    بدأ تسخير الإمكانيات والخطط لتوليد
    الكهرباء ومن ٣ محاور هي من إمكانيات
    الدولة ودخلها من البترول ومن ثم سمح
    للقطاع الخاص بالاستثمار في توليد
    الكهرباء وتزامن ذلك بسماحه لشركات
    الكهرباء العالمية بتركيب محطات التوليد
    وبيع الكهرباء لشركة الكهرباء الحكومية
    وبعد فترة زمنية محددة (٢٠ سنة) تصبح
    المحطة ملك للدولة ... في نهاية حكم
    زايد كان توليد الكهرباء يفوق حوجة
    الإمارة مما استدعى قيام شبكة الكهرباء
    في كل أنحاء الإمارات ... اليوم تنتج
    الإمارات ٤٥ الف ميجاوات داخل الشبكة
    و٣٠ ألف ميجاوات خارج الشبكة لزوم
    الصناعات الثقيلة وصناعات البترول ...
    ماذا أفاد خريجين الجامعات الدولة
    السودانية في مجال الكهرباء (عماد النهضة)
    منذ ما قبل الإستقلال عرف السودانيين
    الكهرباء (محطة بري الحرارية) ...
    منذ ذلك الوقت إلى اليوم توليد الكهرباء
    في السودان هو ٢٨٠٠ ميجاوات إذا توفر
    الفيرنس ومهندسين صيانة بيفهمو في
    الصيانة ...
    شيء مخجل ومزري ... وبلادي حقول
    وعقول وحوا ما ولدت غيرنا ...

                  

01-10-2022, 01:08 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    Quote: ماذا أفاد خريجين الجامعات الدولةالسودانية في مجال الكهرباء (عماد النهضة)


    صلاح، سلامات..
    عددت إنجازات الشيخ زايد رحمه الله، حاكم أبوظبى والإمارات.. ثم تساءلت: "ماذا أفاد خريجين الجامعات الدولة
    السودانية في مجال الكهرباء (عماد النهضة)" ما شايف العبارة دى منطقياً ما لافقة؟ مقارنة رئيس دولة بموظفين دولة دى تجى كيف؟ رئيس الدولة فى يده إتخاذ القرار والإرادة السياسيــة.
    المهندسين ما عندهم القوة هذه.. المقارنة كانت تكون بين شيخ زايد وبين حكام السودان. نفس المهندسين الذين لم ينجزوا شيئا تحت حكام السودان هم الذين قامت على أكتافهم الإمارات تحت حكم شيخ زايد.
    السبب لأن البيئة توفرت لهم فى الإمارات ولم توفرها لهم الحكومة السودانية.

    (عدل بواسطة Abureesh on 01-10-2022, 01:12 PM)

                  

01-10-2022, 01:13 PM

أحمد محمد عمر

تاريخ التسجيل: 03-03-2010
مجموع المشاركات: 6272

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    يا زول الشيخ زايد بتاع الساعة كم!
    الإمارات دي قوموها المهندسين والأساتذة السودانيين
    زمان شيخ زايد جاء لي نميري وقال ليه دايرك تبقي لي ابو ظبي زي الخرطوم
    أففوو
    انت قايل شنو!



    _________
    كنت قايلو حنك ناس حالمين لكن لقيت الفهم دة اتردد في البوست دة ذاتو .. تخيل!
                  

01-10-2022, 01:27 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: أحمد محمد عمر)

    الأخ أحمد..
    شيخ زايد عليه الرحمة كانت عنده الرؤية.. vision وأنت شهدت أنه سافر وجاء للخرطوم وطلب مهندسين.. المهندسين يخططوا ويصمموا وينفذوا المشاريع ولكن ليست لهم الرؤيا السياسيـة للتطور الإجتماعى.
                  

01-10-2022, 03:02 PM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 5239

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Abureesh)

    Quote: عددت إنجازات الشيخ زايد رحمه الله

    هلا ابوالريش ...
    لم اعدد إنجازات الشيخ زايد ... ولو ذهبت لذكر
    إنجازاته التي رأيتها بأم عيني في الفترة من ١٩٨١
    إلى وفاته في ٢٠٠٤ لن تكفيني ١٠٠ صفحة A4 ...
    تحدثت عن المفارقة بين البدوي الأمي الذي يعرف
    الرؤيا والهدف من وجوده كحاكم في نهضة وتطور
    دولته وخدمة مواطنه وضربت مثالاً بالكهرباء وتصعب
    فهم هذه المعادلة على أجيال من حكامنا (رؤساء ووزراء
    ومدراء ...إلخ) خريجين الجامعات من بروفيسورات ودكاترة
    وباحثين ... خيبة لا تحدها حدود ...
    يا أحمد الشيخ زايد وكل حكام الخليج الاميين يفتخرون
    ببناء بلادهم بفضل التكنوقراط من كل بلاد الدنيا (ليس
    السودانيين فقط) على حسب رؤيتهم وخططهم هم .. بعيدا
    عن تعقيد حياتهم بالكيزان والشيوعيين ... إلخ من أفيون
    السياسة ...
                  

01-10-2022, 04:02 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    Quote: الشيخ زايد لم ينتظم في مدرسة أو جامعة
    فقط ذكائه الفطري وحكمة البدوى ... حيث
    كان في كل لقاءاته القليلة المتلفزة له تعريف
    بسيط وواقعي لمعنى الحكم ... كانت كلماته
    الحكم يعني الإهتمام بمواطن هذه الدولة في
    ماكله ومشربه ومسكنه هو منتهى الغايات لأي
    لأي حاكم أو حكم ... وقد سخر كل موارد الدولة
    لتحقيق هذا الهدف ...
    بفطنة البدوي البسيط علم شيخ زايد بأن
    الكهرباء هي عماد تنمية ونهضة وتطور
    الدولة ... ومنذ سبعينيات القرن الماضي
    بدأ تسخير الإمكانيات والخطط لتوليد
    الكهرباء ومن ٣ محاور هي من إمكانيات
    الدولة ودخلها من البترول ومن ثم سمح
    للقطاع الخاص بالاستثمار في توليد
    الكهرباء وتزامن ذلك بسماحه لشركات
    الكهرباء العالمية بتركيب محطات التوليد
    وبيع الكهرباء لشركة الكهرباء الحكومية
    وبعد فترة زمنية محددة (٢٠ سنة) تصبح
    المحطة ملك للدولة ... في نهاية حكم
    زايد كان توليد الكهرباء يفوق حوجة
    الإمارة مما استدعى قيام شبكة الكهرباء
    في كل أنحاء الإمارات ... اليوم تنتج
    الإمارات ٤٥ الف ميجاوات داخل الشبكة
    و٣٠ ألف ميجاوات خارج الشبكة لزوم
    الصناعات الثقيلة وصناعات البترول ...
    ماذا أفاد خريجين الجامعات الدولة
    السودانية في مجال الكهرباء (عماد النهضة)
    منذ ما قبل الإستقلال عرف السودانيين
    الكهرباء (محطة بري الحرارية) ...
    منذ ذلك الوقت إلى اليوم توليد الكهرباء
    في السودان هو ٢٨٠٠ ميجاوات إذا توفر
    الفيرنس ومهندسين صيانة بيفهمو في
    الصيانة ...
    شيء مخجل ومزري ... وبلادي حقول
    وعقول وحوا ما ولدت غيرنا .


    الحبيب ودالزبير ... تحياتي
    نموذج عملي بعيدا عن التنظير
    المهم القيادة بعيدا عن السياسة والتنظير

    مداخلة دسمة ومفيدة

    مع التحية للاحباب


                  

01-10-2022, 04:28 PM

محمد صديق عبد الله
<aمحمد صديق عبد الله
تاريخ التسجيل: 09-05-2017
مجموع المشاركات: 1452

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: علي عبدالوهاب عثمان)

    درستُ البكالوريوس في جامعة الخرطوم والماجستير في جامعة ويستمنستر بلندن والدكتوراه في جامعة لندن. ما أضافه لي التحصيل الشخصي التراكمي والخبرة الحياتية والعملية في "سوق الله أكبر" يتجاوز بفراسخ ما حصّلته من المعرفة في كل هذه الجامعات مجتمعة.

    المؤسسات التعليمية تتيح تعلّم الأساسيات. أما التوفيق في سوق العمل، بما في ذلك المجال العام ولا أعدّ نفسي من الموفّقين حتى أقطع الطريق أمام المتربصين في هذا المنتدى، فهو في تقديري محض اجتهاد شخصي وتوافر ظروف مواتية، ولا علاقة له بأي مؤسسة تعليمية بعينها، سواء أكانت مدرسة أم كلية أم جامعة.

    أزمتنا في السودان هي أزمة بشر؛ أزمة مجتمع ينوء بالاختلالات النفسية، ولا مجال لحلّها إلا بذهاب الأجيال السابقة وجيلي أنا؛ "جيل العطاءِ المستجيش ضراوة ومصادمة، المستميت على المبادئ مؤمنا، المشرئب إلى النجوم لينتقي صدر السماء لشعبنا".
                  

01-10-2022, 04:31 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: علي عبدالوهاب عثمان)

    Quote:
    منذ دخولنا الجامعة في العام ١٩٩٦ وحتى التخرج في العام ٢٠٠٤

    لو الناس رجعت بالذاكرة شويه فترة بدايه الانقاذ كانت الجامعات فصيل المعاضه المتقدم وبسبب ذلك يتم اغلاق بعض الجامعات لشهور قد تقارب العام احيانا
    الناس نست لما امتحانات الخرطوم ومشكله قيامها فى اماكن خارج الجامعه تفاديا لوحده كلمة الطلاب والعصيان ...الخ
    ربما ما غريبه على المعلق خاصه اذا كان من الناس اللى هم اضافه لاغلاق الجامعات يكونتعرض لاعتقال طويل او فصل للنشاط السياسى
    مانحاكم مباشره قبل مانرجع للظروف وقتها
                  

01-10-2022, 06:55 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Asim Ali)

    جامعة الخرطوم
    الكلية الحربية
    مدرسة حنتوب الثانوية

    مثلث الشر
    كل بلاوي السودان تعود لهذه الأماكن
                  

01-10-2022, 08:08 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الأمين عبد الرحمن عيسى (Re: عبدالعظيم عثمان)

    سلام و احترام للجميع
    اولا اشكركم جميعا للمداخلات القيمة و الماكنة...وانشاء الله اجد زمنا لرد عليكم فرادي
    استوقفتني المساهمة القيمة لاستاذنا الأمين عبد الرحمن عيسى لانها تحتوي علي نقاط بالتفكير فيها تجد انها هي اسباب المشكلة....
    يعني.....
    اذا ما قارنا جامعة الخرطوم و خريجيها بالجامعات التي ذكرتها في اول المداخلة النتيجة صفرية.......
    اما الجامعات اعلاه و خريجها قدموا للبشرية اهم الانجازات العلمية .....مثال وليست الحصر
    ستيفن بول Steven Paul Jobs
    الن ماسك Elon Musk
    بيل قيت Bill Gates
    ........الخ
    و شركاتهم قدمت حلول لمجتمعاتهم المحلية و العالمية و معظم الجامعات اعلاه تعتمد علي المنح و الدعم الذي يقدمه خريجيها و هم معظمهم مدراء و اصحاب شركات و ابتكارات في وادي السيلكون..........
    نعم خريجي جامعة الخرطوم لم يتجهوا للصناعة و الاستثمار ...يا اخي الواحد خريج هندسة مدنية تلقاهو سايق ركشة....تخيل ...
    عندنا هنا(اقصد اريزونا ...الصيف اكعب من السودان) بيوت الطين ببنوها ويسكن فيها الاغنياء لان بنائها مكلف ...يا اخي ما في مهندس واحد قال يطور بيوت الطين،او واحد يجد حل لمشكلة الصرف الصحي........الخ....
    اذا اخذنا الجامعات الهندية و الاردنية مثالا ....خريجيها قدموا حلولا وابتكارات لمجتمعاتهم في مجالات الادوية و البرمجيات ....الخ .تنافس و توازي الامريكية ...اين نحن من هذا.......ذي ما قال الأمين عبد الرحمن عيسى مجتمع استهلاكي اذا مشيت اي بقالة في الخرطوم كل ما في الرفوف مستورد....حتي فول حدائق كاليفورنيا الامريكي ...يا اخي دا نحن في امريكا ما بناكلوا بنجيب الفول معنا من السودان.........



    Quote: جامعة الخرطوم و خريجيها هم سبب مشكلة السودان..هل تتفق مع هذه المقولة ام لا تتفق؟
    ولله خريجي جامعة الخرطوم هم المشكلة و هم برضو ما سبب المشكلة، المشكلة مشكلة شعب باكمله مصر ان يعتمد في استهلاكه على منتجات العالم الصناعية مقابل موارد زراعية متواضعة لا ترقى لمستوى استهلاكه الفاخرـ
    ومشكلة الخريجين انهم لم ينتبهوا الى انهم الجهة المفروض توعي الشعب الى ضرورة توجيه استثماراته للصناعة والتعدين. خريجو جامعة الخرطوم لم يفكروا ابدا الولوج الى عالم الصناعة وتركوه للراسمالية التي قد تسمى وطنية او غيرها وهؤلاء ليسوا بالعقلية التي ترقى الى ما تحتاجه البلاد بحق.
    أمر محزن ومؤسف ان مئات الآلاف من خريجي الجامعة لم يلجوا عالم الاستثمار في القطاعات المنتجة وركنوا الى الوظيفة والوظيفة يدفع اجرها المنتج عبر انتاجه وعبر ضريبته التي يدفعها للدولة
                  

01-11-2022, 00:28 AM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: بكرى ابوبكر)

    Quote: الاخ العزيز بكرى لك التحية والاعزاز.

    استميحك عزرأ ان استمر في ارسال مساهماتي في نقاش دور خريجي حامعة.

    قبل الفساد في الخدمة المدنية ايام حكومة نميرى اسهم خريجي جامعة الخرطوم في بناء امتداد المناقل ومصانع السكر ومعاهد الابحاث والتدريب كمعهد البحوث والاستشارات الصناعية ومركز ابحاث الاغذية ومركز تطوير الكفاية الانتاجية. للاسف التطهير وسياسة القفز بالعمود ايام كادر المرحوم جعفر بخيت صارت الترقيات والتعيين مبني علي العلاقات وعضوية الاتحاد الاشتراكي. ايضا تم التاميم والمصادرة من غير دراسات اواستشارة الاخصائين وكان من الواضح سياسة خطاء حتي المرحوم الشهيد عبدالخالق محجوب كتب مقال في جرىدة اخبار الاسبوع انتقد المصادرة التاميم. وقد تم تعين اعضاء الاتحاد الاشتراكي مدراء لعدد من تلك الشركات من غير المؤهلات الازمة. ايضا تمة تطبيق القوانين الاسلامية من اي دراسات عن ملاءمتهالاقتصاد الحديث وقد كنت عدت للاستقرار في الوطن وكنت زملائ خريجي التعليم الحديث معرفتنا بقوانين الاقتصاد الاسلامي حده زكاة ا بنت لبون وبينما كنا نحاول ان نفهم كيف نطبق القوانين الاسلامية علي قروض منحت بسعر الفاءدة اعلن مولانا الكباشي القاضي في ذلك الوقت ان اي شخص يذكر كلمة سعر الفائدة سيجلده عدد مهول من الجلدات فتجمد العمل ولم تجمع اموال الدولة في مواعيدها. فعدت للتدريس في بلد لن اجلد فيه مهما ارتكبت من اخطاء.

    المشكلة في السودان ليست خريجي جامعة الخرطوم وانما الفساد والدكتاتورية وتجاهل القوانين والمؤسسات. خريج جامعة هارفارد لايمكنه ان يصبح منتج في ظروف الدكتاتوريات السودانية. علينا ان ننهي الحكم الدكتاتوري ونطبق القوانين واذا لم ينتج خرىجي جامعة الخرطوم ارمونا في البحر.


    المساهمة القيمة اعلاه من د.محمد حسين و هي ثاني مشاركة للدكتور محمد في هذا البوست و الجدير بالذكر محمد خريج الجميلة سنة ٦٥
    Education/Professional Certification
    Ph.D., Business Administration, University of Pittsburgh, 1977
    M.S., Accounting, The State University of New York at Albany, 1968
    B.S., Economics and Social Studies, University of Khartoum, 1965
    Teaching Interests:
    Managerial and cost accounting, behavioral aspects of accounting, international accounting, financial accounting, accounting for not-for-profit organizations.

    Research Interests:
    The change process and diffusion of innovations in the field of accounting, cross-cultural transfer
    of accounting and financial practices, harmonization of accounting and auditing standards, the
    impact of tax rules on global competitiveness, the role of accounting in economic development, and the use of accounting information in organizational restructuring.


    شكرا يا دكتور للاهتمام و المداخلات القيمة و بعد دا دايرين نشوفك بالدرب عديل .....
                  

01-11-2022, 00:54 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 4115

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: بكرى ابوبكر)

    المشكلة ببساطة أن الخريج من هذه الجامعات
    بيعتبر أو هكذا وجدوا سادتهم وكبرائهم الذين أضلوهم
    أن شهادة التخرج من هذه الجامعات تعتبر بمثابة
    حصاد هي في نفسها ليقدمها ليجد وظيفة بالمقابل
    ومكانة مرموقة
    بدلا عن أن تكون الخلاصة هي المعرفة التي يستغلها
    الخريج ليوظفها في خدمة وطنه
    يعني خريج علم الإجتماع ما بعمل بحوث عميقة
    لقصية من قضايا الوطن ولا الزراعي ولا المهندس
    في أي مجال وهكذا!
    في واحد بربطاني كان استاذ علم اجتماع في جامعة
    الخرطوم في السبعينات عمل بحث في شكل كتاب
    اسماه (مشروع الجزيرة وهم تنموي) وقس!
    عنوان البحث أو الكتاب نتاج بحث اجتماعي لحالة مزارعي المشروع
    المزرية آن ذاك ولا زالت
    وتحدث عن الأفندي المفتش الذي غالبا تخرج
    من جامعة الخرطوم والطريقة المتعالية التي
    يتعامل بها مع المزارعين التي تعلمها من الإنجليز
    والبروقراطية المفرطة التي ورثناها من المستعمر!
    نظام التعليم العام والجامعي يحتاج لمراجعة جادة
    ليكون التعليم الصناعي والزراعي مندمج مع الاكاديمي
    الواحد يخش كلية الهندسة قسم كهرباء أو ميكانيكا
    ولا يكون له أدنى خلفية عملية تلقاها عبر الإثناعشر
    عاما أو الأحدى عشر التي درسها في المدارس
    وكمان الأكاديمي النظري مقدم
    على من درس في المدارس الصناعية أو الزراعية
    لو وجدت في الدخول لهذه الكليات !!
    فعلا هذا النظام التعليمي هو سبب تأخرنا

                  

01-11-2022, 03:49 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13637

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: منتصر عبد الباسط)

    أوافق بعنف باصمن بالعشرة, و أنا منهم و بارئ تمامن منهم
    و إذا اتسع لنا المجال لكنا استرسلنا في الشرح و ل"قدرنا في السرد"
                  

01-12-2022, 08:36 AM

Salah Musa
<aSalah Musa
تاريخ التسجيل: 03-29-2004
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: دفع الله ود الأصيل)

    والحق اقول ان جامعة الخرطوم هذه ليست بجامعه اذا كان ذلك علي مستوي طلابها واساتذتها ومدرائها وتقلب علي معظم الطلبه روح السذاجه والقطيع ويساقون سوقا لكي يصوتون للكيزان في الانتخابات الا من رحم ربي ولا غرو ان سيطر الكيزان علي الاتحاد طوال حقبة الستينات والسبعينات والثمانيات والتسعينات في جهل مريع وانعدام الوعي في داخل الجامعه من جميع اقطارها ..سوف احكي لكم نموذج صارخ لتخلف عدد لا يستهان به من طلاب جامعه الخرطوم وسوف اتخذ من سكان جامعه الخرطوم مثالا ويقارن ذلك بسكان قريتي ود الترابي والمعيلق كنموذج صارخ لتفاهة مجتمع الحامعه الا من رحم ربي ..في سنة ١٩٦٥ نزل دكتور الترابي خريجي السربون في انتخابات الجمعيه التاسيسيه ضد الحاج مضوي (خريج خلوة) وفاز الحاج مضوي باغلبيه ساحقه ضد الترابي في معقل هل الترابي وفي نفس السنه ١٩٦٥ فاز الكوز ربيع حسن احمد برئاسة الاتحاد في جامعة الخرطوم ضد منافسيه اليساريين ..هذه طاهره غريبه لم تجد حظها من الدراسه وهي تعكس مدي الوعي عند غمار الناس وجلهم اميين في قري ود الترابي وحلة حمد والمعيلق وهي ان الوعي المستبطن عند عامة الناس والدين لم ينالوا حظا من التعليم بل معطمهم اميين هم اوعي من طلبة جامعة الخرطوم بالاف السنين الضوئيه وظلت ظاهرة فوز الاسلاميين باتحاد جامعة الخرطوم تتكرر عشرات السنوات وتكرر سقوط الترابي في دايرة الصحافه سنه ١٩٨٦ وفي نفس السنه كان اتحاد طلاب جامعة الخرطوم من الكيزان ..هذه الفذلكة البسيطه هي محاوله للمس جوهر المساله بان الطالب الذي كان يصوت للكيزان في الحامعه طوال دراسته هو الذي ساعد ومدد من اوهام الكيزان بان لهم الغلبه في الحامعه وفي الشارع وهم من ساعد بصوره غير مباشره في انقلاب الانقاذ ١٩٨٩ ..
                  

01-12-2022, 09:29 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: Salah Musa)

    Quote: والحق اقول ان جامعة الخرطوم هذه ليست بجامعه اذا كان ذلك علي مستوي طلابها واساتذتها ومدرائها وتقلب علي معظم الطلبه روح السذاجه والقطيع ويساقون سوقا لكي يصوتون للكيزان في الانتخابات الا من رحم ربي
    يا استاذ موسى هل افهم من كلامك الفي الاقتباس ان معيارك لوصم الجامعة بأنّها ليست جامعة على مستوى طلّابها و اساتذتها ومدرائها بسبب التصويت للكيزان و فوزهم بالاتحادات في السنوات المختلفة؟ هل صحيح ما فهمته؟
                  

01-12-2022, 11:30 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: دفع الله ود الأصيل)

    سلام عليكم تانى
    نقطه مهمة عن التفاخر بانو خريج الخرطوم من جيلانها كانت طفل العليم العالى المدللوانهم متفوقين ونابغين واهل فى مؤسسات عالميه
    طيبح اضرب مثال بمصر كدوله مجاورة ومتقاطعه فى كثير مع السودان لتكون من اقرب الامثله فى الجوار:
    الباز وحجى والراحل زويل ومجدى يعقوب اهل علم على مستوى العالم ورغم ذلك لم تنقطع صلتهم ك(مواطن نوعى) ببلده بل مجدى يعقوب اقام مركز للقلب فى اسوان (مش القهرة) اما الاخريم فعطائهم وتواصلهم مع بدهم ما انقطع فكرا وحضور متواصل. بل حتى البارزين من المصريين فى الاقتصد والصناعهولبعضهم مؤسسات لهم صله ببلدهم وعطاء (نوعى) وماانزووا فى ابراجهم العاجيه فى بلاد المهجر مستمتعين باحتفاء البسطاء بهم لمجرد انهم نوابغ منبلدهم.
    وين علمائنا النابين المحتفى بهم فى ثنايا البوست وفى غيره ووين اسهام النابغين فى مجالات الحياه بشخوصهم ومؤسساتهم الخاصه .
    اين هم بعد الثورة
    هل مجرد الامنيات هى خالص العطاء والوطنيه لهم ؟
    فراغ كبير فى ما بعد الثورة كان من الضرورى ايملاء ب(المواطن النوعى) فى مجالات الحياة لتسد فراغ فئران ومؤسسات بنى كوز
    لا اعتقد لو كان اقبال النابغين المحتفى كرموز وخبرات (وخصوصا موضوع البوست خريج ج الخرطوم من العهد القديم ) .
    لو فعلا اجتمعت هقول وطاقات النخب (الخرطوميه+ الاخرين) لما كنا مابعد ثورة فى ندور فى ساقيه جحا السودانيه.
                  

01-12-2022, 11:48 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: Asim Ali)

    نقطه اخرى
    خريج الخرطوم انضم اليه فى ركب الخريجين لاحقا خريجين روسيا والدول الاشتراكيه ومصر والقاهرة (فرع الخرطوم) .
    خريجى القاهرة الفرع من اهم الفصائل اللى مازال ليها وود وعطاء فى العمل العام والمهنى وهو نوع من الطلاب اغلبه درس وهو غالبا صاحب خبرة فى مجال دراسته وهناك ايضا خريجى الدول الاشتراكية خاصه مجال الطب وحتى سنوات قريبه لو احصينا العيادات تجد اغلبها خريجى الدول الاشتراكيه.
    ناسالفرع ديل لو قالو البلد دى شايلنها مهنيا وعملفى ضهرنا لقلنا لهم صدقتم وصمنا لهم بالعشرة
    يعنى عطاء لمواطن نوعى بشقيه المهنى والعام
    يا اخى عطاء خريج الخرطوم مادايرنو للسودان ولا حتى للجامعات الاخرى قديمهاو جديده (كانها ضره لهم)
    تساؤل اين عطاء النابغين المنتشرين فى العالم لمؤسستهم الام وبرهم بها ؟
    اعتقد لو حصل وفاء منهم بحقها عليهم لكانت جميله ومستحيله حقا بما تقدمه وتوفره من علم فى القرن الواحد وعشرين لا جميله ومستحيله بنوساليجيا وتاريخ يجب عليهم انيعملو على اعادته بما تناسب والحاضر قبل ان تكون القصه عصبيه وطائفيه اكاديميه عاطفيه عمياء
    -------
    وملاظه تصوروا ان يجد طالب الجامعه اليوم جتى فى ج الخرطوم الان من ظروف رعايه واهتمام منقطع للدراسه وليس اغلب وقته بين مستهلك فى البحثعن لقمه عيش ومواجهه ازمات (مافى زول يجى يقول لى فى اوروبا او امريكا ..هناك بلاد اوضاعها السياسيه والاقتصاديه مستقره وخصخصه التعليم العالى وصرف الطالب على نفسه يحتاج مرحله انتقاليه فى دوله ناميه حتى نصل مرحله العالم الاول فى التعليم العالى وخصخصته)
                  

01-12-2022, 11:54 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: Asim Ali)

    غايتو الله يسامحك بس يا بكري

                  

01-12-2022, 12:01 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: Asim Ali)

    حبيبنا بكري تحياتي
    والتحية لكل الاحباب ..
    أكثر مداخلة نالت إعجابي هي مداخلة حبيبنا الجميل صلاح الزبير
    يا ريت كنا عندنا نموذج لهذا الشخص بعد الاستقلال مباشرة

    المداخلة :
    Quote: الشيخ زايد بن سلطان آل نهيان حكم إمارة
    أبوظبي من ١٩٦٦ إلى ٢٠٠٤ بعد اطاحته (إنقلاب)
    بحكم أخيه الشيخ شخبوط ...
    الشيخ زايد لم ينتظم في مدرسة أو جامعة
    فقط ذكائه الفطري وحكمة البدوى ... حيث
    كان في كل لقاءاته القليلة المتلفزة له تعريف
    بسيط وواقعي لمعنى الحكم ... كانت كلماته
    الحكم يعني الإهتمام بمواطن هذه الدولة في
    ماكله ومشربه ومسكنه هو منتهى الغايات لأي
    لأي حاكم أو حكم ... وقد سخر كل موارد الدولة
    لتحقيق هذا الهدف ...
    بفطنة البدوي البسيط علم شيخ زايد بأن
    الكهرباء هي عماد تنمية ونهضة وتطور
    الدولة ... ومنذ سبعينيات القرن الماضي
    بدأ تسخير الإمكانيات والخطط لتوليد
    الكهرباء ومن ٣ محاور هي من إمكانيات
    الدولة ودخلها من البترول ومن ثم سمح
    للقطاع الخاص بالاستثمار في توليد
    الكهرباء وتزامن ذلك بسماحه لشركات
    الكهرباء العالمية بتركيب محطات التوليد
    وبيع الكهرباء لشركة الكهرباء الحكومية
    وبعد فترة زمنية محددة (٢٠ سنة) تصبح
    المحطة ملك للدولة ... في نهاية حكم
    زايد كان توليد الكهرباء يفوق حوجة
    الإمارة مما استدعى قيام شبكة الكهرباء
    في كل أنحاء الإمارات ... اليوم تنتج
    الإمارات ٤٥ الف ميجاوات داخل الشبكة
    و٣٠ ألف ميجاوات خارج الشبكة لزوم
    الصناعات الثقيلة وصناعات البترول ...
    ماذا أفاد خريجين الجامعات الدولة
    السودانية في مجال الكهرباء (عماد النهضة)
    منذ ما قبل الإستقلال عرف السودانيين
    الكهرباء (محطة بري الحرارية) ...
    منذ ذلك الوقت إلى اليوم توليد الكهرباء
    في السودان هو ٢٨٠٠ ميجاوات إذا توفر
    الفيرنس ومهندسين صيانة بيفهمو في
    الصيانة ...


    تحياتي الاحباب وشكرا لحبيبنا صلاح الزبير
                  

01-12-2022, 01:21 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: علي عبدالوهاب عثمان)



    طالما الريس قال "هل تتفق مع هذه المقولة ام لا تتفق؟" وما خت أي خيارات تانية، يبقى الواحد لازم يحدد موقفو ويقول يا يتفق او لا يتفق.
    أحسن طريقة تختار بيها بين الخيارين الختاهم الريس تعمل يا إيدي شيليني وختيني.
    أما إذا سولت لك نفسك أن تجيب على سؤال الريس بموضوعية، فستجوب بحاراً وبحارا.
    البحر الأول محتاج تحدد مشكلة السودان وتحلل عواملها، ونصيحة ليك لو قدرت تحدد مشكلة السودان وتحلل عواملها، أنسى جامعة الخرطوم وخليك مع إكتشافك العظيم.
    والبحر التاني محتاج تختار نموذج مناسب لتقييم الجامعة.
    والبحر التالت محتاج تختار المعايير والمؤشرات المناسبة لتطبيق نموذج التقييم.
    والبحر الرابع محتاج تختار نقاط مقارنة مرجعية.
    والبحور كتيرة وممتدة.

    فكفانا الله وأياكم شر تسويل النفوس.
    وربما الحل في "ما بخش مدرسة المبشر عندي معهد وطني العزيز"، ويلاكم الإسلامية - فتيحاب هناك بفوق.



                  

01-12-2022, 01:43 PM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 22433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: علي عبدالوهاب عثمان)





    عثمان ميرغني :


    تطوير الوساطة الاممية

    أقترح : تتولي جامعة الخرطوم تنظيم مؤتمر المائدة المستديرة للاطراف السودانية برعاية اممية ؛ داخل أسوار الجامعة.







    **
    المهم في واحد من الناس الشنافين الفوق ذكر موضوع انها اساساً كلية غردون اسسها المستعمر لتغريب الأجيال و لخدمه الاستعمار الخ الخ الخ الا لسه :) :)

    نقطة تانية..
    حتى ولو ازمة وسبب ازمة ..يجيبوا ليكم من وين حبايبي ..
    ياها الكانت عندنا لغاية السبعينات بالاضافة لبخت الرضا والمعهد العلمي..
    بالاضافة لجامعة جمال عبد الناصر :)
    نسبة وتناسب بمتوسط عمر الاجيال..

    ياها الكانت عندنا لادارة دولة.. عساكر وسيدين وسدنة من الطائفية ملخبتة بي شوية الأفندية خريجين جامعة غردون ..

    ودي خلطة عديمة عنوانها عدم الكفاءة ..

    التدهور الجد جابوهو خريجي المشروع الحضاري وثورة تعليم الانقاذ..
    فديل بالاضافة لعدم الكفاءة تتفشى بينهم الحرمنة والفساد.



                  

01-12-2022, 04:56 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأمين عبد الرحمن عيسى (Re: HAIDER ALZAIN)

    Quote:
    المهم في واحد من الناس الشنافين الفوق ذكر موضوع انها اساساً كلية غردون اسسها المستعمر لتغريب الأجيال و لخدمه الاستعمار الخ الخ الخ الا لسه :) :)

    مالها منكورة قصه غردون دى
    مش حقيقه
    مس التعليم كان انتقائى بواسطه المستعمر من اولاد وجهاء ةرموزالمجتمع (اولا المصارين البيضالزمن داك)
    تغريب نعم
    خريجها كان قمه المسئوليه افى الدوله بخلاف خريجى المعاهد كطبقه متعلمه وسطى ودنيا فى الدوله وماقعهم مهنيه لاترتبط بالادارة غالبا كخريج كليه غردون
    فى النهايه
    هم الفصيل الكان منوط بيهو يعمل الكتيرفى شان تثبيت اركان دوله مستقله حديثا ودعم استقلاليتهاباستقلالية استخدام مواردها (قطنك الكان بيمشى يتحول كقيمه مضافه فى انجلترا لقماش بنوعيه جيدة منسوبه كبضاغع لبلد المستعمر غردون)
    لكن ياهو كارثتنا اولاد غردون وبعضهم لنبوغو يودهو يتغرب اكتر فى بلاد الفرنجه يرجع بدرجه علميه اعلى ويعيش فى نظر المجتمع كالالهه وانصاف الالهه لايرد له قول ولا راى حتى لو سلم حكم بلد بليل لعسكرى قبليجف مداد اعلان استقلال السودان الم يكون من خريجى غردون ؟؟
    اقل شىء فى السياسه والوعى عموما كان يغسلو البلد من درن الطائفيه والقبليه مش بكون رموز احزاب طائفيه تعزز الانقسام فى البلد
    اخيرا
    لولا فشلهم سابقا
    لما وجد بنى سبيلا الى فعل فعلتهم فى السودان مؤخرا
                  

01-12-2022, 01:55 PM

Salah Musa
<aSalah Musa
تاريخ التسجيل: 03-29-2004
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: محمد البشرى الخضر)

    نعم يا ود البشري هذا واحد من اسباب كثيره سوف اواصل في سردها وقد سقت لك المقارنه بين قرية ود الترابي وقرية جامعة الخرطوم وهناك اسباب اخر سوف اسردها وردي اعلاه ليس اخر المطاف ..لك تحيتي ومحبتي
                  

01-12-2022, 02:22 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7662

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Musa)

    وماذا يفعل خريجو الخرطوم في بلد تُجاز قوانينها وقراراتها بواسطة جمعية تأسيسية جل اعضائها اميون او يديرها عساكر هم ابعد من الحياة المدنية.

    طبعا دا غير مغارز خريجو الجامعات الاخرى في اماكن العمل 😀😀

    (عدل بواسطة حمد عبد الغفار عمر on 01-12-2022, 03:18 PM)

                  

01-12-2022, 03:25 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: حمد عبد الغفار عمر)



    Quote: وقد سقت لك المقارنه بين قرية ود الترابي وقرية جامعة الخرطوم

    يخيل لي خريج جامعة الخرطوم حتى لو عميت بصيرته عن عدم صلاحية كيزانية الإتحاد كمؤشر لتقييم المؤسسات التعليمية،
    فقطع شك لن تغيب عن فطنته الأكاديمية ومهاراته البحثية أن المقارنة أفضل أن تكون بين جامعة وجامعة اخرى، إذا كان الغرض من المقارنة هو التمييز السلبي لجامعة الخرطوم على وجه الخصوص.


                  

01-12-2022, 03:49 PM

أحمد محمد عمر

تاريخ التسجيل: 03-03-2010
مجموع المشاركات: 6272

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Hafiz Bashir)

    عدد مؤسسات التعليم العالي في السودان 152 مؤسسة
    منها 39 جامعة حكومية
    جامعة الخرطوم واحدة من الـ 152 مؤسسة البتخرج حملة شهادات أكاديمية دي
    عشان تشيّل جامعة الخرطوم وحيدة أسباب عدم إسهام الأكاديميين في نهضة السودان، تبقى واحد من اتنين:
    يا إما خريج خرطوم متعصب لدرجة ما شايف الـ 151 الباقين
    يا إما خريج جامعة تانية وعندك حساسية أو حسادة تجاه جامعة الخرطوم
    طبعاً مستحيل استخدم كلمة مركب نقص .. أنا برضو زول مهذب :)

    الأكاديمي ممكن يكون مسؤول عن قسم فني، لكن مافي أي ضمان لنجاحه في المناصب الإدارية. بل احتمالية فشله أكبر من النقابيين ذوي التعليم المتوسط لكونه زول كسار حياته وسط الكتب وما عنده الخبرة الكافية للتعامل مع المواطنين
    مشكلتنا في السودان إدارية سياسية في المقام الأول، لو اتلقى الإداري الناجح كان بي خريج الخرطوم ولا خريج اوغندا بقدر ينهض بالمؤسسة
                  

01-12-2022, 03:52 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Hafiz Bashir)

    مشاركات من الفيس بوك

    Quote: 30 Comments
    Amal Salah
    # فعلا
    مظاهرات بس وكلها حزبي سياسي عديم الفايده
    · Reply · 2d
    Nour Tawir
    اشرقت الانوار يا بكرى ابوبكر
    عشرين سنة خدمة فى سودانيزاونلاين
    ما لقيت لى صورة ممكن تنزل مع باقى الرفاق؟… See more
    · Reply · 2d
    Nour Tawir
    بعد كدا ممكن نجاوب على سؤالك
    وكيف يكون خريجى جامعة الخرطوم
    سبب مشاكل السودان؟
    ما عندك الترابى اتخرج من السوربون
    و الصادق المهدى اتخرج من كامبردج
    و العسكرين الحكمونا
    كلهم خريجين الكلية الحربية
    اما اذا كنت تقصد ناس على عثمان محمد طه ومن لف افهم
    فديل متخرجين من بيوت جعانة و مقهورة
    فقرروا يجوعوا الشعب ويذلوه
    · Reply · 2d
    Abdoo Alla Shalabi
    ليس خريجي جامعه الخرطوم انما مؤتمر الخريجين وخريجي كليه غردون هم سبب نكبه السودان
    · Reply · 2d
    Tarig Jibreel
    · Reply · 2d
    Hagir Elsheikh
    Tarig Jibreel الليله بكري ابوبكر ربحك في حنانك ياطروق 😂😂
    · Reply · 2d
    Tarig Jibreel
    جابها لي مقشرة يا ستنا😂😂😂😂😂
    Hagir Elsheikh
    · Reply · 2d
    Hosham Sheikh Eldin Gibreel
    منور يازعيم
    · Reply · 2d
    Tarig Jibreel
    جاوبنا بهناك.. الهرتووووووم سبب كل بلاوي البلد والدول المحاورة😂😂😂
    · Reply · 2d
    الميرم حواء
    Tarig Jibreel
    موش قالو سبب البلاوي سودانيز اونلاين 😜
    · Reply · 1d
    Tarig Jibreel
    · Reply · 1d
    Nour Tawir

    · Reply · 2d
    Nour Tawir
    تحية خاصة لى طارق جبريل
    · Reply · 2d
    Tarig Jibreel
    ستنا نور تاور ازيك ياخ
    · Reply · 2d
    Mohammed Mohagoub Mohammed Mohammed
    اتفق وبشدة
    · Reply · 2d
    Zaina Zaineen
    لا اتفق فيها ناس كويسين جدا وفيها الكيزان الارازل
    · Reply · 2d
    Shaks Zamx
    Yes
    · Reply · 2d
    Shaks Zamx
    · Reply · 2d
    Amin Abuali
    🤣🤣😂😂😂
    · Reply · 2d
    Babiker Mukhayer
    أنا خليني لكن عندي زول، شاميهم بالجد
    · Reply · 2d
    الجنيد حمد
    أصلا الخواجات ركبوا فينا خازوقين
    الحربية وغردون التذكارية
    · Reply · 2d
    Amani Mohammed Salih
    اتفق كل السياسيين ناس الخرطوم هم سبب نكباتنا
    · Reply · 2d
    ﺣﺴﻦ ﺍﻟﺮﻗﻴﻖ
    GIF
    · Reply · 2d
    حامد بدري
    سبب بلاوي الوطن مثقفيييه ونخبه الفاشلة عموما موش ناس الخرطوم بس
    · Reply · 2d
    مردخاي حنانيا كيكوف
    ابو سمكة طارق جبريل
    جاااتو جاااتو جااتو او كما قال ود الزلط
    Tarig Jibreel
    · Reply · 2d
    Tarig Jibreel
    مقشرة مووووزة😂😂😂😂
    · Reply · 2d
    مردخاي حنانيا كيكوف
    Tarig Jibreel اها ظمبر وطمبر
    · Reply · 2d
    Tarig Jibreel
    · Reply · 2d
    Hatim Gubara
    مردخاي حنانيا كيكوف
    ههههههههههه.. متفقين هو وبكري عشان أصحاب.. بكري لعب ليهو الوان وجبريلا لعب التو.. 🤣🤣🤣.. لكن شكلها اكلت معاك جنبة يا كيكي.. خلتك تقطع البيات الشتوي.. 🤣🤣🤣
    · Reply · 1d
    Write a reply…

    Abubaker Ismail
    سبب مشاكل السودان النخب والمثقفاتية و البيوت الفيها شك الزي خطاي ما بتدخله ، و ما يسمى افتراءا باولاد الاصول ، و ناس سيدي و سيدك و هلمجرا ، هؤلاء من باعوا السودان و تكالبوا عليه ، وفرطوا في سيادته و ما زالوا يلعبون نفس الدور القذر منذ التركية السابقة وحتى يومنا هذا
                  

01-12-2022, 05:16 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
حامد عبدالله (Re: حامد عبدالله)

    Quote: سلام بكري
    اتفق وزيادة ان ليست فقط خريجي جامعة الخرطوم سبب
    مشكلة السودان بل ان اغلب ما تخرجه مؤسسة التعليم في السودان
    علي مر التاريخ هم بطريقة مباشرة او غير مباشرة اس البلاوي
    شخصيا اعتير نظام العشر الاوائل الذي تتبعه مؤسساتنا التعليمية
    نظام يشوبه خلل ويساعد علي إنتاج اقلية (نخبة/افندية) ليست
    بالارتباط/الانتماء القوي للمجتمع الذي يجعلها قادرة علي
    قيادته للتطور والذي اساسا لابد ان تقوده قيادة وطنية متجاوزة للانتماء
    الضيق ومتسلحة بالعلم والمعرفة والمهارة
    وبجانب اخر نجد ان المؤسسة التعليمية وكان من اهدافها وبقصد
    ان تنتج مجموعة (اغبياء/الطيش) اغلبها تلفظها باكرا من
    الاستمرار في العملية التعليمية وبالتالي تفقد فرص تلقي
    التدريب واكتساب مهارة وخبرات تساعدها علي الحصول علي مهنة/ وظيفة الخ
    وايضا عدم الاهتمام بالتعلبم الفني/ التدريب المهني/ تعليم الكبار الخ
    جعل المؤسسة وكانها وجدت لاعاقة التطور



    الاخ الحبيب حامد عبدالله
    سلام
    اولا اشكرا لمداخلتك القيمة و التي ناقشت جذور المشكلة و هو اساسيات القبول لمؤسسات التعليم العالي في السودان...و هي مبنية علي اسس بليدة و متخلفة...اقصد نظام البوكسن في عهدنا ما عارفو اليوم شنو...اتخيل بالنسبة يعني فوق ٩٠ بالمائة للطب و الهندسة و هكذا ...وهذا نظام متخلف لا تعتمد عليه مؤسسات التعليم في الدول المتقدمة و لا يوجد بين طلابها في المراحل التعليمية المختلفة اول و طيش.....

    نظام القبول للجامعات العريقة و الاولي في العالم سابقة الذكر في اول البوست كالاتي:
    30 ٪ علي نتيجة الطالب في SAT و ACT وهو امتحان لمعرفة المقدرات الرياضية و اللغوية للمتقدم...و اليوم لا تقبله بعض الجامعات لاكتشاف خلل فيه....و كمان GPA
    ٥٠ ٪ علي خطاب المتقدم وهذا الخطاب مهم للقبول ...يجب علي الطالب ان يوضح لماذا يرغب في الدراسة في الكلية المتقدم لها و ما هي افكاره و مشاريعه...وخلافه ...يعني ما داير اقرا طب لانو امي دايراني اقرا طب.......ههههههه
    ٢٠٪ نشاطات المتقدم الفنية،الرياضية،الاجتماعية.....الخ

    هل تعلم ان هارفاد مثلا ترفض طلبا لمتقدم لها حاصل علي اعلي الدرجات في الرياضيات و العلوم الاخري لركاكة طلب تقديمه و ضعف نشاطاته الاخري... و تقبل طالب اخر نشط اجتماعيا و ثقافيا...الخ لكنه لم يحصل علي الدرجات العليا في الرياضيات و العلوم الاخري و لقوة خطابه عند التقديم لها.....

    المهم
    في النهاية تلك الجامعات تخرج ....خريج شامل كامل سياسيا ،علميا...الخ.... يفيد و يستفيد منه المجتمع و يحلحل مشاكله ....
                  

01-12-2022, 03:57 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 18724

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الأخوان المسلمين والشيوعيين بس. (Re: Abureesh)

    لكن يا ابو الريش ما قفلت الموضوع في الأخوان المسلمين والشيوعيين بس....وين بقية التنظيمات بعثين، ناصرين....الخ
                  

01-12-2022, 04:02 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأخوان المسلمين والشيوعيين بس. (Re: بكرى ابوبكر)

    Quote: عشان تشيّل جامعة الخرطوم وحيدة أسباب عدم إسهام الأكاديميين في نهضة السودان، تبقى واحد من اتنين:
    يا إما خريج خرطوم متعصب لدرجة ما شايف الـ 151 الباقين
    يا إما خريج جامعة تانية وعندك حساسية أو حسادة تجاه جامعة الخرطوم
    طبعاً مستحيل استخدم كلمة مركب نقص .. أنا برضو زول مهذب :)
    صدق خليفة مهدي الزمان عليه السلام! كلامكو زين
                  

01-12-2022, 05:14 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 17162

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأخوان المسلمين والشيوعيين بس. (Re: محمد البشرى الخضر)

    النخب السودانية ( وإدمان الفشل ) كما قال منصور خالد والمثقفاتية
    وخريجين جامعة الخرطوم غير بعيدين وهم أيضاً من الذين ساهموا فى فشل الدولة السودانية والاحزاب السياسية والسياسيين
    حيث انها احزاب متكلسة وليست لديها رؤية فكرية وسياسية .
    وأيضاً من الذين ساهموا فى فشل الدولة السودانية والمشاكل المأزومة التى تعانيها اليـوم : العنصرية - الجهوية ورأس البــــــــلاء : الادارة الاهلية
    وأنصع صورة للجهوية ما نراه الآن : فى سُدة الحكم من مجموعة غير منضبطة ومن منطقة واحدة مع آحاد من الناس من مناطق أخرى
    وما نراه ونشاهده ونسمعه منهم دليل كاف على انهم محدودي الفكر ومتواضعي القدرات والفشل يسبق خطاهم ( التور هجو مثالا ) .
    والمشاكل المأزومة التى تعانيها الدولة ( سياسياً واقتصادياً واجتماعيا وثقافياً والادهى والامرّ تعليميا حيث خلال الثلاثين عاما الماضية عملت العُصبة على
    نشر نظام التفاهه فى التعليم وفى الاعلام والثقافة وفى كل شئ ودونكم المناهج التعليمية وضعفها فى عهدهم المشئوم )
    والجيش السوداني بانقلاباته وآخرها انقلاب البرهان ولايحتاج الى تعليق ابداً .

    سؤالك فى الصميم يا ريس .
                  

01-12-2022, 07:09 PM

muntasir

تاريخ التسجيل: 11-07-2003
مجموع المشاركات: 7530

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأخوان المسلمين والشيوعيين بس. (Re: علاء سيداحمد)

    أحمد البعاتي ما تفرفر مش كان جبت ڤيديو كان جبت طشت الإسم سالم لكن طالما كرومبو قال ياكا تبقى ياكا
                  

01-13-2022, 05:08 AM

AMNA MUKHTAR
<aAMNA MUKHTAR
تاريخ التسجيل: 07-31-2005
مجموع المشاركات: 13679

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: بكرى ابوبكر)

    Quote: بنفس العقليه واحده من الجامعات الحكوميه الجديده عهد لتاسيسها وكليه بعينها لاناس ج الخرطوم وكنا خريجين من دفعتين متتالين من جامعتنا وعملنا بجهدكمتعاونين فى انتظار قبول اوراقنا لكن تمت المماطله حتى اتى خريج من الخرطوم وتم قبول اوراقه قبلان يمل معنا فى معامل الكليه ساعه واحدهوكان زى عدمو ويوم ان تم قبولنا فى جامعه اخرى انقلبت الدنيا لاننا سنترك فراغ لايستطيع صاحبنا ملئه (كما وكيفا)

    ياااه ذكرتني نفس الموقف مر علي للأسف.
    رغم إني عملت دراساتي العليا في جامعة الخرطوم وكنت متفوقة على دفعتي فيها .
    تم إستبعادي لصالح خريج منها ..هههه

    ....
    لكن ما عندي غبن على الجامعة..واشتغلت فيها في فترة بسيطة محررة لموقع الجامعة.
    رأيي سلبي حول بعض خريجيها فقط..إنه أفقهم ضيق ومغرورين.
                  

01-13-2022, 06:31 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 22433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: AMNA MUKHTAR)

    Quote: مالها منكورة قصه غردون دى
    مش حقيقه
    مس التعليم كان انتقائى بواسطه المستعمر من اولاد وجهاء ةرموزالمجتمع (اولا المصارين البيضالزمن داك)
    تغريب نعم
    خريجها كان قمه المسئوليه افى الدوله بخلاف خريجى المعاهد كطبقه متعلمه وسطى ودنيا فى الدوله وماقعهم مهنيه لاترتبط بالادارة غالبا كخريج كليه غردون
    فى النهايه
    هم الفصيل الكان منوط بيهو يعمل الكتيرفى شان تثبيت اركان دوله مستقله حديثا ودعم استقلاليتهاباستقلالية استخدام مواردها (قطنك الكان بيمشى يتحول كقيمه مضافه فى انجلترا لقماش بنوعيه جيدة منسوبه كبضاغع لبلد المستعمر غردون)
    لكن ياهو كارثتنا اولاد غردون وبعضهم لنبوغو يودهو يتغرب اكتر فى بلاد الفرنجه يرجع بدرجه علميه اعلى ويعيش فى نظر المجتمع كالالهه وانصاف الالهه لايرد له قول ولا راى حتى لو سلم حكم بلد بليل لعسكرى قبليجف مداد اعلان استقلال السودان الم يكون من خريجى غردون ؟؟
    اقل شىء فى السياسه والوعى عموما كان يغسلو البلد من درن الطائفيه والقبليه مش بكون رموز احزاب طائفيه تعزز الانقسام فى البلد
    اخيرا
    لولا فشلهم سابقا
    لما وجد بنى سبيلا الى فعل فعلتهم فى السودان مؤخرا




    اتفق معكـ تماماً .. ودا طبعاً وضع بيخص سلف الخريجين..
    واتفق مع امونة مختار ايضاً تماماً حول ضيق أفق وغرور خلفهم من خريجين..:)


    جامعة خرجت درَس فيها استاذ نافع علي نافع ومن قيادات طلابها ماجد حاج سوار ؛)

                  

01-13-2022, 08:24 AM

فتحي عباس نقد
<aفتحي عباس نقد
تاريخ التسجيل: 08-21-2012
مجموع المشاركات: 629

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: HAIDER ALZAIN)

    السلام عليكم جميعا

    حسب رأي المتواضع وملخص لأغلب الردود

    جامعة الخرطوم ليست السبب في مشاكل السودان المشكلة في (الطالب نفسه) إختصار هل لديه ولاء وووووو لخدمة الوطن

    هل توفرت له (البيئة) المناسبة كي يبدع أو ينهض في تخصصه؟؟؟ وأقصد بالبيئة ليس معناه (البيئ) وإنما الإدارة الكاملة للدولة (حكومة ووووووو)

    كما ذكر الكثيرين هنالك خريجين خارج حدود الوطن لهم شان في المساهمة بأي شكل في تطوير ونهضة الدول التي يعملون بها وأحد أسبابها هو

    الرؤية والرسالة والهدف ثم التخطيط الإستراتيجي والسليم وووووو الموضوعة لهم كل في مجاله
                  

01-13-2022, 08:40 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 5239

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: HAIDER ALZAIN)

    Quote: احزاب متكلسة وليست لديها رؤية فكرية وسياسية

    ليست الأحزاب وحدها المتكلسة يا علاء ...
    حتى على مستوى الأفراد ... نشطت الأحزاب العقائدية
    والطائفية في تجنيد التلاميذ والطلاب في مراحل التعليم
    المختلفة ... يعني التلميذ في العام أو العالي يتحقن بي
    لقاحات البنا أو ماركس أو عفلق أو محمود أو ناصر ويجي
    الجامعة ويبقى احد افراد القطيع حيث التنافس الشديد
    بين هذه اللقاحات ويتخرج ويتم دراساته العليا ولازال ينشط
    كخادم مطيع لنصرة هذا اللقاح أو ذاك ... ويتخلي تماما
    عن حرية فكره وخياراته حتى على مستوى مهنيته
    واحترافيته فهو مطالب بتجنيد المزيد لهذه اللقاحات ...
    لذلك من الصعب جدا تلقى خريج متميز وحرا ظل
    داخل السودان وساهم في تطور ونهضة البلد بعيدا
    عن العقيدة التي يخضع لها ...
    بارك الله فيك الحبيب الزين على عبدالوهاب
                  

01-13-2022, 08:54 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    الحبيب صالح الزبير
    تستاهل
    مداخلتك عن الشيخ زايد ( نموذج ) رائع

    بيان عملي ... ما عارف عن حميدتي
                  

01-13-2022, 09:59 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 5239

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: علي عبدالوهاب عثمان)

    Quote: . يعني التلميذ في العام أو العالي يتحقن بي
    لقاحات البنا أو ماركس أو عفلق أو محمود أو ناصر ويجي
    الجامعة ويبقى احد افراد القطيع حيث التنافس الشديد
    بين هذه اللقاحات

    التنافس الشديد ليس معني به التنافس الشريف
    على الإطلاق ... وإنما أعني به التنافس المدمر الذي
    يقصي به الآخر تماما ... فهذه الأحزاب المنقسمة إلى
    يمين ويسار وبي أنانية مفرطة تقاتل بجميع أسلحتها
    لتدمر وتقصي الآخر في الواقع السياسي الراهن للبلد ...
    جنود هذه الأحزاب في كل معاركها من كافة الطبقات
    وإن كانو يدينون بنفس عقيدة الحزب ... وفي طليعتهم
    خريجي الجامعات والدراسات العليا والطالب والعامل
    والجاهل... إلخ ...
    لذلك غاب الإستقرار السياسي والاقتصادي والاجتماعي
    عن هذه البلاد ردحا من الزمان وسوف ننعم بالمزيد من
    عدم الإستقرار في مقبل السنوات القادمة ...
                  

01-13-2022, 10:18 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    التحية للحبيب بكري

    تنافس الاحزاب .. يا ريت كانت أحزاب ذات قواعد وبرامج
    هي احزاب متحورة تماماً كما الكورونا
    آخر متحور هو العدل المساواة
    متحور جديد أكثر قساوة من الحزب الاصلي

    معظم احزابنا متحورة فيروسها أقوى بمراحل من الأصل واكثر اذية
    للوطن ووحدته .. وبقيادة نخب

    تحياتي
                  

01-13-2022, 10:21 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 5239

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    Quote: . ما عارف عن حميدتي

    أنا ما عارف إذا مطلوب مني التعليق عن هذا الإستفسارا
    أم لا ... لكن خليني ألبس الطاقية واقول ليك رأيي :-
    حميدتي تنقصه الحكمه والذكاء الفطري والتأهيل الاكاديمي
    والتأهيل المجتمعي ولو تميز بي كاريزما القيادة التي لوثها
    بالتاريخ المسيء جدا القريب والبعيد لنيله قيادة هذا البلد ...
    فرصته للتطلع لرئاسة هذا البلد تقترب أو تعادل زيرو تمامآ ...
                  

01-13-2022, 10:34 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7662

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: Salah Zubeir)

    واحدة من المشاكل برضو القبلية المهنية
    العسكري مناصر العسكري
    الطبيب مناصر الطبيب
    المهندس والمحاسب الخ
    حتى وإن كان على خطأ
                  

01-14-2022, 07:36 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 4115

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جامعة الخرطوم و خريجيها هم سبب مشكلة السو� (Re: حمد عبد الغفار عمر)

    Quote: احسب
    سيد على زكي
    عبد الرحيم حمدي
    عبد الله حسن احمد
    محمد خير الزبير
    على محمود
    بدر الدين
    الفريق د. الركابي
    ايلا
    معتز صدمة
    الدكتور البدوي
    د. هبة
    المشاركة دي كان ترفق معاها ليمونتين تلاتة
    ومفروض القاعات الدرسو فيها ديل يجوبو ليها طلبة خلاوي همشكوريب
    يكربوها بعشرة ختمات كل شهر مساء وصباح
    حتين يستخدموها
    لا حول ولا قوة إلا بالله دي دفعة ول قنبلة بيولوجية!
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de