|
|
|
 Re: دعوة من لجان مقاومة أمدرمان الكبري لكل اه� (Re: زهير ابو الزهراء)
|
تنسيقيات لجان مقاومة مدينة أمدرمان الكبرى.
تصريح صحفي 💢
يا ظالما في الغيب أو حتى بيناتنا
لو في الحلم والنوم أحذر ملاقاتنا
ولو لسه ما ولدوك أحذر وليداتنا!
المجد والخلود لشهداء مجزرة ٦ يناير والخزي والعار لمليشيات المجلس الإنقلابي، و في خطى رفاقنا الشهداء و مواصلة للتصعيد إلى حين إسقاط اللجنة الأمنية لنظام البشير، توافقت تنسيقيات لجان مقاومة مدينة أمدرمان الكبرى على تسير #مليونية9يناير. كما نوضح بأن يناير ليس سدرة منتهانا.
" و نحنا ما حنوقف تصعيد إلا نموت".
الرحمة والمغفرة للشهداء.
المكتب الإعلامي لتنسيقيات مدينة أمدرمان الكبرى.
#لاتفاوضلاشراكةلاشرعية
#السلطةسلطةشعب
| |
  
|
|
|
|
|
|
|
|
Re: دعوة من لجان مقاومة أمدرمان الكبري لكل اه� (Re: زهير ابو الزهراء)
|
( #موكب_امدرمان # )
👈 عاااارفين اولاد قلبا .. كان قومنا بنقلبا 👉🏽
🗣 الكلاااام دخل الحوش ...
#موكب_امدرمان_9يناير
🔥 بالمختصر المفيد ... الموكب دااا لازم يكون الاكبر ، و الاجمل ، و الاطول ...
ناااس امدر ما مفترض نوصيكم يعني ، بعدين نحن في امدر نااااس بهجة ، سرور ، طرب .. ينفع موكبنا يكون بدون دلوكة ، طبل ، نحاس ، و زغاريد ؟؟؟!!
عااااارف لا يجوووووز
بالواضح كدااا موكبنا دااا لازم يكون زي حفلات (عركي) بالمسرح القومي .. و (عقد الجلاد) باستاد ود نوباوي .. و (الباشكاتب وداللمين) بدار الفنانيين ، بعني اخر قيافه .. و اغاني .. و هتااااف من الاعمااااق ....
اهاااا خط سيرناااا :
من (صينية الازهري) ابو الديمقراطية ، و رافع علم الاستقلال 🏳
.. لمن يتلموا فيها (ناس ود نوباوي) 💪 (قطر البلاوي) الشايل (انصار الامام) 🕌 البجو شايلين معاهم [حراااب] في صدورهم ، و البريدوا الموت في شان الوطن و الدين ، و معاهم فرسان (شارع الهجرة) اهلنا الشفايعه و ناس (حي القلعة) بخيولهم و بدورهم الحسان ، و يتلموا عليهم (نااااس ود ارو) ااواثقين ثورتنا ما بضيعوها ، و بهناك يطلعوا لينا (ناااس السيد المكي ، عبدالله خليل ، و الشهداء) دااا الكلااااام الناس (الساس و الراس) ، و هم كدي في عديلهم و قدلتهم يجوهم بالطريق الشاقي الترام ناس (ابو روف ، ود اللدر ، سوق الشجرة ، ود البنا ، و بيت المال)
النااااار 🔥 الناااار 🔥 يااا ناااااس الله ...
يلااااا .....
صينية المهندسين🙌
يجونا ناس النحاس و الكيته و الدنقر فرسان الفتيحاب .. اسياد الجلد و الراس .. ناااس ثناىي ابوسعد و نادي النجوم ، و نعرج كلنا (بشارع الاربعين) بانت شرق و غرب [الراستات .. المورداب سبب العذاب] ناااس الهلب ⚓ البيابو الغلب ، اخوان بريش و حسن حامد و المغربي الفنان ، معاهم نااااس (ابوكدوك ، حي الضباط ، العباسية ، و كمان الهاشماب)
و كلنا نرفع التمام في (صينية الاربعين) ، عشان نوريهم شغل الاسود المجانيين
و نبقى انتظار لي نااااس (العرضة شمال و جنوب) .. هلال مريخ 🌙⭐ و لكن اليوم داك بعلم السودان 🇸🇩 متوشحين و ثايرين 🇸🇩
و بعدها نكون في انتظار بقية ناسنا و عزوتنا (ناااس امبدات و الثورات) ، و هم جاين شاقين مع (ناااس المسالمه غزال) و (حي العرب) الذوق و الادب و الطرب 🎻 🌹 🎻
و (الارسالية ، حي البوستة ، و الامراء ) ، و نقوم كدااا ندخل شاااع الموردة و نلقى (ناااس فريق ريد) مولعين الشارع صااااج سمك🦈 ، و يفتحوا القلوب 💔 قبل البيوت 🏛 لانو (امدرمان) ... كرم ، ثبات ، بطولة ، جسارة ، و تاااااريخ ....
و من هناك كلنااااا 🕍 للبرلماااااان
امدرمان لازم تعيد كتابة التاريخ على انغام (خليل فرح and كرومة and سرور and دار فلاح)
هتاااااف ثواااار
ناااس خرطوم _ بحري
ضروررري .. ضروررري جيتكم ... تجونا كتاااار و من بدري ، لينا زمن منتظرين فرصتنا و فرحتنا (دااا اليوم الدايرنو) ، تشرفونا هنا في امدر ، و تشاركونا .. عشان (عصابة الكيزان) المرة دي يعرفوا :
💡 الطفاء النور منووو💡
و داااااا ...
رد واجب للثورة ✌🔥✌ و للوطن 🇸🇩🇸🇩 ، اولاد امدرمان ليهم زمن بقطعوا في الكباري و بجوكم ....
المرة دي جا دوركم و حوبتكم انتم .. اخدوا نفحات ثورية امدرمانية سودانية خالصة ....
✌🔥🇸🇩✌🇸🇩🔥✌
امدرمان تسع الجميع
خليكم كتاااار ...
تعالواا كتاااار ...
🇸🇩✌🇸🇩✌🇸🇩✌🇸🇩
ايد 🤛 على ايد 🤝🏻 تجدع بعيد ...
ووووو المهم :
يااا جماعة الناس تكثف الاعلان للموكب ، و تاكد على اهمية الحضور ، و تحرص عليه ....
يووووووم باااكر :
عرس .. و زفة امدرمان
و نتقاااابل ...
في الشاااارع كلنا ...
#تسقطتسقطبس
#موكب_9يناير
#امدرمان_تنتفض
#امدر_تثووووور
| |
|
|
|
|
|
|
| |
زهير ابو الزهراء
فيس بوك
تويتر
انستقرام
يوتيوب
بنتيريست