|
|
|
 Re: يجب الغاء اتفاق جوبا (Re: Nasser Amin)
|
لا لا يا ناصر, مهما كان ما به من عيوب فهو في النهاية اتفاق سلام اوقف الحرب و الاستنزاف ولو جزئيا, لا يجب الغاؤه بل اكماله و البناء عليه و تقويم ما به من علل
انظر من زاوية المتأثرين بالحرب و يادوب بدوا يحسوا بالامان النسبي
| |
  
|
|
|
|
|
|
|
|
Re: يجب الغاء اتفاق جوبا (Re: محمد البشرى الخضر)
|
يا محمد البشرى سلامات
كدي اعمل .Adv. and Disadv
هسي حاليا في دارفور حرب مدورة و نهب
لمخازن المنظمات الأممية.
هناك حركات مسلحة تآمرت مع العسكر لتقويض
الفترة الانتقالية.
الخطورة كلهم من أثنية معينة (قناعة و لن اتراجع)
التجاني السيسي، جبريل، مناوي ، حميدتي ، جلاب
مبارك أردول الخ الخ)
ممكن تضيف للستة كما تشاء.
حميدتي (العراب) يؤسس للموضوع دا بأمواله و نفوذه
و خلق حالة الفتنة و الاحتقان.
دا كلو عشان شنو؟ لكي لا يدمج و تهيكل قواته
و يفقد مصدر قوته و ثروته.
آخر تصريح للبرهان اليوم (حكومة كفاءات، ذات مهام
محددة)
*المعنى ليس من اختصاصها التحدث عن هيكلة قوات
الدعم السريع.
مشكلتنا في السودان حميدتي و الحركات المسلحة
الموضوع عايز قرار من الحيش قوي و حاسم.
| |
|
|
|
|
|
|
|
|
|
Re: يجب الغاء اتفاق جوبا (Re: Nasser Amin)
|
سلام ناصر
لو ركزتو في الالغاء بس و ما فكرتو في بدائل الالغاء او فكرة تدوير نفس اعادة انتاج مفاوضات (سلام), حنبقى لا مشينا لا جينا.
الذى حدث في جوبا هو تدوير لنفس نفايا منذ الاستقلال مرورا بأديس ابابا 72 و قرنق و الميرغنى 88 و عدد لا نهائى من الاتفاقيات زمن الانقاذ و كلها نتيجتها معلومة و واحدة و لم و لن تحل مشكلة السودان الازلية و هى واحدة فقط.
الناس قاعد بتضرب حول القش (beating around the bushes).
لو الناس قعدت و حلت المشكلة الاساسية, اتفاقية جوبا براها بتلغى نفسها.
| |
|
|
|
|
|
|
|
|
|
Re: يجب الغاء اتفاق جوبا (Re: Mahjob Abdalla)
|
سلامات ناصر
نصفي الانقلاب أول وبعدين نشوف موضوع سلامات المسارات الكارثي دا
حتى لو عاوز تلغيه ما حتقدر
لانه لا في حكومة ولا مجلس تشريعي ولا اعلان دستوري
يعني حرفياً مافي سلطة شرعية الآن في السودان
العساكر الهمباتة ديل خطفوا البلد بقوة السلاح
نهزم الانقلاب اولاً
تحياتي
| |
|
|
|
|
|
|
|
|
|
Re: يجب الغاء اتفاق جوبا (Re: عبدالعظيم عثمان)
|
سلامات محجوب و عظمة
انقلاب البرهان و من معه يقوم بشق
الحاضنة السياسية و حرق كرت حمدوك
و لابتزاز المجتمع الدولي أن يكون من ضمنهم
الحركات المسلحة (للتخويف و الابتزاز).
الوضع من البداية خاطئي من جوبا
و ظهرت المؤامرة التي كان عرابها حميدتي
برئاسته للوفد المفاوض للسلام.
و اعترف مناوي بأن طلب منهم المكون العسكري
بعدم اثارة موضوع فض الاعتصام و دفنه.
* مؤامرة مكتملة الاركان من المكون العسكري
و بعض اطراف اتفاقية جوبا ضد الثورة السودانية
و الشعب السوداني و تصفية لجان المقاومة.
الناس توعى و سلام بالطريقة دي ما دايرنو
عشان تفهموا انا بقول في شنو؟
اتفاق جوبا كان من مطلوبات الثورة السودانية
و أحد اضلاع شعارات الثورة.
لمن اطراف السلام تكون ضد التحول الديمقراطي
و تتآمر مع العسكر في قتل السودانيين.
الوضع الطبيعي و الاخلاقي و الثوري
دا طرفنا منو، لن نحتاج لسلام زي دا
| |
|
|
|
|
|
|
|
|
|
Re: يجب الغاء اتفاق جوبا (Re: Nasser Amin)
|
مناوي حاكم أقليم دارفور الكبرى
و بما لهذا للاقليم من خصوصية و جرائم
أرتكبت في حق مواطنيه و أكثر من ثلثي
مواطنيه إما في نزوح في دول الجوار أو داخل
الدولة السودانية أو في المعسكرات.
و يتآمر على الثورة السودانية التي أتت به
و هو يقيم في الخرطوم للتإمر على الثورة
السودانية و يدعم اعتصام الموز.
آتى به المخلوع و استغله الكيزان و من ثم
تم رميه كالمنديل المتسخ المستعمل.
و أتت به ثورة (ديسمبر المجيدة) و لكنه خانها
في أول ملف ، خانها مع ركبوهو ركوب الجن ( حميدتي).
سلام جوبا سلام مسموم ولن ينجح
| |
|
|
|
|
|
|
|
|
 Re: يجب الغاء اتفاق جوبا (Re: ABUHUSSEIN)
|
Quote:
أكبر خازوق في الإنتقالية .....
اتفه عساكر على وجه الارض
|
شكرا ابا حسين على الايجاز
أكبر خازوق في الانتقالية ...سلام جوبا و حميدتي
أتفه عساكر في تاريخ السودان.....
هم عساكر اللجنة الأمنية وهم غير مؤتمنين
على السودان ارضا و شعبا و جيشا
| |
|
|
|
|
|
|
|
|
|
Re: يجب الغاء اتفاق جوبا (Re: Nasser Amin)
|
انا ح اواصل هنا.
من الذي يعين رئيس وزراء جديد؟
ما في زول يقول لي عساكر اللجنة الأمنية؟
أو لاحسي بوت العسكر من الحركات المفشوخة؟!!!😏
السودانيين الشرفاء يجب أن لا يقبلوا بأي رئيس وزراء أو
حكومة (مهما حدث).
فروضنا اسقاط النظام و من هم خلفه
| |
|
|
|
|
|
|
| |
Nasser Amin
محمد البشرى الخضر
Mahjob Abdalla
عبدالعظيم عثمان
ABUHUSSEIN
فيس بوك
تويتر
انستقرام
يوتيوب
بنتيريست