الكباري دي نعمل ليها سوسته ،،،،،،

مستشفي الأمل لسرطان الأطفال..يفتح ابوابه لكم املا في دعمه اعلاميا و ماليا
شهداء الثورة السودانية من ٢٥ اكتوبر ٢٠٢١ يوم انقلاب البرهان
دعوة للفنانين ، التشكليين و مبدعي الفوتوشوب لنشر جدارياتهم هنا
مرحبا Guest
اخر زيارك لك: 05-18-2022, 06:15 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-25-2021, 01:36 PM

علوبه
<aعلوبه
تاريخ التسجيل: 07-27-2002
مجموع المشاركات: 1064

للتواصل معنا

FaceBook
تويتر Twitter
YouTube

20 عاما من العطاء و الصمود
الكباري دي نعمل ليها سوسته ،،،،،،

    01:36 PM December, 25 2021

    سودانيز اون لاين
    علوبه-KSA - Sudan
    مكتبتى
    رابط مختصر



    *بي📝 الحنين،، ،، ،،*
    *د. علي الشيخ،، ،،،،،*

    *الكباري دي نعمل ليها سوسته،،، ،،،*
    اقفل،،،،
    افتح،،،،
    افتح،،،،
    اقفل،،،،
    الكورونا دي في الأول جات بي نوع واحد،،،،
    و كت غلبتهم،،، قالوا اتحووووووورت،،،
    *ياها دي المليونيات،،، ،،،*
    كل مليونيه بي فهم جديد،،،،
    الكورونا،،،،، قالوا للناس تقعد تتحبس في بيوتها،،،،
    المليونيات دي ،،،،، حيرت العالم،،،،
    و دخلت الديموقراطيات فيهو في فتيل،،،،
    في زول و لا زوله شارك في المليونيات دي جاته كورونا،،،،
    للأسف،،،،
    جاتهم قنابل بمبان،،، 💣
    *البمبان* بخور المليونيات،،،
    جاتهم طلقات 🔫 ذخيره حيه،،،،
    جاتهم سياط و عكاكيز للدق،،
    و جاتهم،،، زرزره و تليب في البيوت،،،،
    و ده كله حاصل،،،،
    والعالم واقف بصور و بتفرج و عاجلا،،،، و مراسلنا،،،، و الثوره مدوره،،،
    الناس الماسكه في أمور البلد نست الكورونا،،، بقت تراجع في جداول المليونيات،،،
    نست التطعيم و بقت تقفل في الكباري،،،،
    نست مراكز العزل و بقت تحضر مراكز الضرب و الاعتقالات،،،،
    نست توفير الأوكسجين و بقت تحضر في البمبان،،،
    و يأتوا أخطر نوع،،،، ياريت لو بتصنع محلي،،،، اتخيلوا مستورد وبي قروشنا،،، ،،،
    *المليونيات*،،، دي،،،
    زي الزول الداير حقه،،،، و مابرضي بالحقاره ،،،،،
    زي الزول كايس بيته،،،،
    و بيته مؤجر ،،،، و المؤجر ،،،، مأجور،،،،
    بي بساطه اطلعوا ليهم من وطنهم ،،،، خليهم يبنوه،،،

    *المليونيات*،،،،، دي تقوم و تقع،،،،
    و تتفرتق،،، و تتلملم ،،، و تتجدول تاني،،،،
    يا ها هي السم الهاري،،،
    يا ها هي سلاح الثوار السلمي،،،،
    يا هي الترياق،،، و الدواء،،،،
    لو كان فشلت،،،،
    كانت وقفت،،،،
    لو مابتخدم غرض،،،
    ما كانت استمرت،،،
    لو ما منظمه،،،،
    ما كانت سلميه لي هسه و لي بكره،،، ولي قداااااام،،،

    بتعرفوا سهر الجداد🐓🐓🐓 ،،، ولا نوموا،،،،
    بتعرفوا الزول اللايوق،،،
    بتعرفوا المطره 💧💧💧النقناقه،،،،،

    *ديل زي المليونيات،،،*
    الجداد كان ساهر بيك،،، بحميك النوم،،،،
    كررررر ما بتطرده،،،
    و الزول اللايوق كان اتلحك،،، يحلك الحل بله،،،
    تمشي منه بي جاي،،،، بجيك بي هناك،،،،
    و المطره كان بدأت تنقنق،،، لا بتعرف تدخل لحافك و لا بتقدر تنوم تحتها،،،
    المليونيات دي حاتغير التاريخ،،، حايتكتب مستقبل جديد،،،، حايترسم طريق ،،،، بي رؤى جديده،،،،
    معبد بالمبادئ،،،، و حب الوطن،،،،

    *المليونيات دي،،،*
    أسست لي فهم جديد،،،
    ما مهم منو السايقه هسي،،،
    و ما في خوف انها بدون قيادة،،،،
    ليه نفرض عليهم الوصايا و القيادات القديمه،،،،
    نطرح برنامج،،،،
    نناقش فكره،،، نتشاكل لمصلحة البلد و ترابه و نعز الشهداء،،،،
    كده ممكن نساعد و ندى المليونيات دي روح جديد و ندفق فيها دماء نقيه،،،، تشمل كل فصائل و قبائل و أهل السودان،،،،

    زول مقتنع بي فكرته،،،،
    زول بموت عشان بلده،،،،
    زول خاتي السودان قدامه،،،،

    *ده زولنا،،، بنحبه ،،،*
    *و ندعمه ،،، و نمشي وراهو،،،*



    *د. علي الشيخ*
    *الحنين*
    *ينبع البحر - السعوديه*
    *٢٥ ديسمبر ٢٠٢١*






                  

12-25-2021, 01:48 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10300

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: علوبه)

    ما ينوم
    الليلة سوو له ( وخلف الكي )
    طبقوها له في قصرو
    قلنا لك شباب ما بتلاوي
    لايوووق ما بعد الويكة
    وبربكوك ، ربكة عدوك
    الاول في محل واحد يومين ما بتنوم
    اسع نوم ذاتو ما بتنوم
    وبفتشو لك وينو وينو
    احترم الكاكي ولم عدتك
    والا بتبقي فيك ال بقت
    علي غردون
    وسلم تسلم

                  

12-25-2021, 02:44 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 17314

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: اخلاص عبدالرحمن المشرف)

    سلامات علوبه

    د الشيخ ده في ينبع ؟
    الدنيا اجازات و صينية القهوة قدامه و قام كتب مقال السوسته ..؟

    سبحان الله .. و ما اسهل الكتابة من على البعد ..
                  

12-25-2021, 03:49 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 8681

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: يحي قباني)

    سلام بروف علوبة
    الشعوب اصبحت
    على امورها مغلوبة
    عملت العليها
    تبنى فى جدار الحرية
    طوبة طوبة
    كل يوم حقوقها
    مسلوبة
    مع انو الوقفة مطلوبة
    وزى ما بقول المثل
    السكران ليهو حوبة
    والمجنون ليهو حوبة
    ربنا يستر يابروف علوبة
    ما تبقى علينا حكاية
    عجوبة
                  

12-25-2021, 05:06 PM

علوبه
<aعلوبه
تاريخ التسجيل: 07-27-2002
مجموع المشاركات: 1064

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: صديق مهدى على)

    صديق،،،
    صدق قولك،،،،
    وسمح ردك،،،،

    لا،،، ولن يتكرر سيناريو
    عجوبه،،، لأنه التاريخ اتغير


    للشباب مطالب،،، ونحن معاهم

    مشكور يا غالي
                  

12-25-2021, 04:36 PM

محمد الطيب
<aمحمد الطيب
تاريخ التسجيل: 12-14-2021
مجموع المشاركات: 35

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: علوبه)

    كل مليونيه بي فهم جديد،،،
    الجماعة لو فهموها صح يفتحو الكباري
    للشعب لممارسة حرياته حتي يسقطو ويريحونا لانو كده كده
    هم ماشين ماشين مسالة وقت ليس الا
    لا ولم يتمكنو من تكوين حكومة كفاءات مستقلة كما يحلم
    البرهان وحميدتي وحمدوك
    لا احد ينوي مشاركة الانقلابين في انقلابهم
                  

12-25-2021, 09:10 PM

tabaldy

تاريخ التسجيل: 04-27-2003
مجموع المشاركات: 1415

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: محمد الطيب)

    علموهم تتريس الشوارع سبقوا الثوار علي الكباري وبي حاويات كمان...

    تحياتي
                  

12-26-2021, 05:26 AM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 2417

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الكباري دي نعمل ليها سوسته ،،،،،، (Re: tabaldy)

    Quote: المليونيات دي حاتغير التاريخ،،، حايتكتب مستقبل جديد،،،، حايترسم طريق ،،،، بي رؤى جديده،،،،
    معبد بالمبادئ،،،، و حب الوطن،،،،


                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de