|
Re: خلال ساعات ليه؟؟ (Re: عبدالمنعم الطيب حسن)
|
الكفيل قدام اصحابو قال: للمغترب السوداني يازول، انت كبرت بكرة جيب اقامتك نعمل ليك خروج نهائي السوداني طلع الاقامة من جيبو الامامي ومداها للكفيل طوالي قائلا: بكرة ليه؟ دلوكتي مالو...
| |
|
|
|
|
|
|
Re: خلال ساعات ليه؟؟ (Re: عبدالمنعم الطيب حسن)
|
سلام~ دا ما بيمشى لأنه موظف منظمات وعنده برنامج تخريبى لإقتصاد السودان لازم يوصله للنهاية، وطبعا الوضع الإنقلابى دا هو المناسب ليه. وقصة الإستقالة "بعد ساعات" تكون حركات من الشلة فاكرين حيخوفوا الشعب السودانى وإنه "حيجيكم الدباب ولا غيره .. لازم ترجعوا شكرا حمدوك .." وطبعا فاكرين الناس حتطلع الشارع تهتف عايزين حمدوك. كويس إنهم يفهموا إنه #الشارع حى وليسقط كل القتلة ومن يدعمهم (حمدوك وشلته)
| |
|
|
|
|
|
|
Re: خلال ساعات ليه؟؟ (Re: هدى ميرغنى)
|
حمدوك الني.. الشارع حي.. (الني) كان محبوس يااخ. واللي حابسه عينه رئيس لوزارته تفتكر ح يقدر يستقيل؟!! حمدوك لا يملك قرار حتي دخوله الحمام..
| |
|
|
|
|
|
|
Re: خلال ساعات ليه؟؟ (Re: Mutasim Idris)
|
ود الطيب وضيوفك تحياتي يكون منتظر الشارع يطلع يترجاه ويحنسو بعدم تقديم استقالته. ده زول رغله سااااااي قعاده من عدمه واحد. كلهم يفارقوا سمانا ابو الجابهم.
| |
|
|
|
|
|
|
Re: خلال ساعات ليه؟؟ (Re: Arif Nashed)
|
بوست بئيس ينفث سمّا واحد امس كان متحالف مع العسكر وقفل الشارع و الدليل موجود و يتهم حمدوك بالتحالف مع العسكر بالظن لحرق شخصية الرجل و سيد البوست يهرّف و يخرّف زي الضارب ليهو سبيطة موز مخمّرة و واحد كده شفتو شوف العين و اتونست معاهو لكن ده ما يمنع اطقطقو زى السلام عليكم ان واصل ... تطاول ,,, على السيد حمدوك و واحدة كده عيني مراعياها و شايفا لافة بين البوستات و تشيل و تردم فى السيد حمدوك المهم لي اللحظة دي خاتيها في اطار الجديد شديد بس احب انبّه لي حاجة محددة في المنبر ده ... المرأة و الرجل متساويان فى الحقوق و الردم تاني في شنو انت يا عبدالمنعم الواوسيات دي تبع السودان؟ هذا مع تحياتي لي أمنة محتار و لي الزول القفل الشارع طاعة لي كلام العسكر و برضو ركب طيارة و بي مال الشعب مشي يتعالج و اتفرّج يا سلام اللهم نحمدك اذ وهبتنا حمدوك فاجعلها حمدكة لا مقطوعة و لا ممنوعة و عين الحسود ان شالله يلم فيها الطير الاسمو نقار الخشب داك و الباقي عارفنّو صحي صحي بوست بئيس قال استقال قال
| |
|
|
|
|
|
|
Re: خلال ساعات ليه؟؟ (Re: جلالدونا)
|
أمّا عارف الما عارف كوعو من بوعو هسّي لو قلت ليهو اقرا الكلام الكاتبو اقدع اضان سيد البوست لو قدر يقراهو يا عارف انت عشان تتكلم عن حمدوك محتاج تقرا فلسفة و تاريخ و جغرافية و هندسة و لغات و لو وصلت للاقتصاد ح تلقا راسك طرشق و لسلامة عقلك خليك في حدود برطم و هجو و عسكوري كان تنجح معاهم كنت داير أضيف ليهم مسعد لكن طلع لواء اركان حرب خلا ف عفيتك منّو هذا مع تحياتي لي سيد الحوش ذاتو لا وشوش ضاحكة في هذه المداخلات
| |
|
|
|
|
|
|
Re: خلال ساعات ليه؟؟ (Re: جلالدونا)
|
Quote: أمّا عارف الما عارف كوعو من بوعو هسّي لو قلت ليهو اقرا الكلام الكاتبو اقدع اضان سيد البوست لو قدر يقراهو يا عارف انت عشان تتكلم عن حمدوك محتاج تقرا فلسفة و تاريخ و جغرافية و هندسة و لغات و لو وصلت للاقتصاد ح تلقا راسك طرشق و لسلامة عقلك خليك في حدود برطم و هجو و عسكوري كان تنجح معاهم كنت داير أضيف ليهم مسعد لكن طلع لواء اركان حرب خلا ف عفيتك منّو هذا مع تحياتي لي سيد الحوش ذاتو لا وشوش ضاحكة في هذه المداخلات |
للأسف الشديد لا أفهم لغة النهيق رب الاقتصاد بتاعك دا عمل شنو؟ شكرا حمدوك 😄😄
| |
|
|
|
|
|
|
Re: خلال ساعات ليه؟؟ (Re: ABUHUSSEIN)
|
تحياتى ABUHUSSEIN لا لا ما كوز بس بيخدم مصالحهم، لكن علمانيته دى ما بتنقص قدره ولا بتحل مشاكل الشعب السودانى لأنه ياهو حمدوك فى محله بس.
| |
|
|
|
|
|
|
Re: خلال ساعات ليه؟؟ (Re: هدى ميرغنى)
|
Quote: بس ما كلمتنا حمدوك اليوم داك ودوه المستشفى لا لسه؟ |
لالا لحقتو دعواتنا بى سلامتو من كل شر و يرجع و يحكم و الحمد لله تقبّل الله الدعاء
| |
|
|
|
|
|
|
Re: خلال ساعات ليه؟؟ (Re: جلالدونا)
|
مش قلت ليكمQuote: للأسف الشديد لا أفهم لغة النهيق رب الاقتصاد بتاعك دا عمل شنو؟ شكرا حمدوك 😄😄 |
يا زول كان كدي هجو ح يهجهجك و يجهجهك عافيناك منهم كلهم و نخليك مع منّاوي طربقة على طربقة ممكن نطلع بى جملة مفيدة و الرحمة و المغفرة لسعيد صالح هذا مع تحياتي لي عبدالعظيم و الهاجّي الهادي لا وشوش ضاحكة فى هذه المداخلة
| |
|
|
|
|
|
|
Re: خلال ساعات ليه؟؟ (Re: جلالدونا)
|
Quote: يا زول كان كدي هجو ح يهجهجك و يجهجهك عافيناك منهم كلهم و نخليك مع منّاوي طربقة على طربقة ممكن نطلع بى جملة مفيدة و الرحمة و المغفرة لسعيد صالح هذا مع تحياتي لي عبدالعظيم و الهاجّي الهادي لا وشوش ضاحكة فى هذه المداخلة |
نحول الرد لاخيك هجو لانكما من نفس الكائنات الناهقة بتفهمو بعض.
| |
|
|
|
|
|
|
Re: خلال ساعات ليه؟؟ (Re: هدى ميرغنى)
|
سلام عليكم ااحساس غالب ومن فتره سبقت الانقلاب بكثير. انو حمدوك رئيس وزراء كائنات فضائيه لو شعي فى عالم موازى برضو اسمو السودان يقال نسمع جعجعة ولانرى طحينا وهو حتى الجعجعة ماسامعينها غير (سنعبر وننتصر) ماعارف بسيهو شىء فى الجعجعة جعجعة ضلها ميت زى سيدا انسان فى موقع المسئول الاول عن بلد فى طور ثوره ظهيرك الشعب ولجان المقاومه -لمة السياسيين والنقابات لمة فوقيه مابحسبها- ماقدرت تخلق رابط بينك وبين الشعب رغم انو الشعب (اعطاك ولم يستبقى شيئا )من الثقه والدعم والتاييد. بروباغندا واجبات المرحله الخلتو يسافر من (Day Zero) ليهو فى رئاسه الحكومه لا لشىء الا لما حذرنا منو وهو فك الحصار وحرث الارض للنظام المحاصر حتى يقوم العسكر بتسليم البلد لانقاذ2 بعد ما اتحرقت انقاذ1 واتنفذت خدعه (قوشيه ) ساقت شعب وثورة بالخلا لسنتين وزياده. حيتم استخدامو لغايه مايكمل دورو تماما وتجى انقاذ2 بانتخابات مخجوجه وباساليب فاسده زى تركيا انقاذ2 تركب ضهر البلد بالصندوق بنفس الاسلوب الاردوغانى وربما انقلاب مسرحى لازاحه خصوم السياسه والقوى المستنيرة فى المجتمع وزجها فى السجون ليصبح البلد خالص لوججه بنى كوز مع نونوة شجب وادانه من المجتمع الدولى صاحب المعايير المزدوجه يكيل بايها وفق مصالحه وين سجل انجازات حمدوك (الدكتوز المعجزه) فك الحصار وموضوع الديون و..و.. د دا كلو تحصيل حاصل وما هندو علاقه بشخص رئيس الحكومه (وبعدين ديكتاتوريه اخر الزمان وصناعة الاصنام وزارة الخاجيه زى قلتها فى فك الحصار ورف اسم من قائمه الارهاب(بهد دفع الغرامات) وتطبيع مع اسرائيل يسمعو خبرو من الراديو زى الغريب .... !!!!!!!!!!!!!!!!
| |
|
|
|
|
|
|
Re: خلال ساعات ليه؟؟ (Re: Asim Ali)
|
كلامك حق أخ عاصم~ أعاين لمقطع شباب حارسين بلدهم بقدر العندهم ضعاف ولابسين شباشب مع المشاوير الطويلة والمسيرات والبمبان والرصاص، الفى سنهم محتفلين فى بلاد أُخريات (كندا مثالا) ونايمين دفيانين وتامين وسالمين. لكن حمدوك للأسف الشديد لو عنده إحساس كان يقارن بس يمكن يفهم!
يا أخ جلادونا دفاعك عن حمدوك ونحن قلبنا يتقطع فى اللحظة كم مرة يزيد الحزن، ويستفزنا كما يفعل بعضهم دفاعا عن القاتل حميدتى.
عام 2019 قبل حضوره والثورة الأولى شغالة كان الوضع أفضل كثير.
| |
|
|
|
|
|
|
Re: خلال ساعات ليه؟؟ (Re: هدى ميرغنى)
|
Quote: تحياتى ABUHUSSEIN لا لا ما كوز بس بيخدم مصالحهم، لكن علمانيته دى ما بتنقص قدره ولا بتحل مشاكل الشعب السودانى لأنه ياهو حمدوك فى محله بس. |
تحياتي هدى خدم الكيزان بي شنو ؟؟؟
| |
|
|
|
|
|
|
Re: خلال ساعات ليه؟؟ (Re: Asim Ali)
|
هلا ابو حسينQuote: الكيزان قالو علماني و العلمانيين قالو كوز |
مصداقا لي كلامك ده اليوم في مقالين لزميلي المنبر بقال و بشري احمد الاول كال لي حمدوك و شوعنو و التاني كال لحمدوك و كوزنوQuote: الشعب السوداني الذ شعب |
كيف ياخ اذا كان عبد العطيم داير حمدوك يشتغل بي كلامو بس و الهادي داير حمدوك يسمع كلامو بس حمدوك تطير عيشتو ياخ
| |
|
|
|
|
|
|
Re: خلال ساعات ليه؟؟ (Re: جلالدونا)
|
ونجي الي كيلومترية اخونا عاصم طبعا بمسك فيها دىQuote: بروباغندا واجبات المرحله الخلتو يسافر من (Day Zero) ليهو فى رئاسه الحكومه لا لشىء الا لما حذرنا منو وهو فك الحصار وحرث الارض للنظام المحاصر حتى يقوم العسكر بتسليم البلد لانقاذ2 بعد ما اتحرقت انقاذ1 واتنفذت خدعه (قوشيه ) ساقت شعب وثورة بالخلا لسنتين وزياده. |
عاينو لى DAY ZERO ديQuote: أدى اليمين الدستوري في 20 - أغسطس - 2019 ليكون أول رئيس وزراء بعد انتهاء فترة حكم البشير التي دامت لثلاثة عقود، على أن تنتهي صلاحية هذه الحكومة بعد 39 شهرًا من ولادتها. |
Quote: لخميس، 12 سبتمبر 2019 11:05 ص بتوقيت غرينتش وصل رئيس الوزراء السوداني عبدالله حمدوك، الخميس، إلى جوبا عاصمة جنوب السودان، في أول زيارة خارجية له منذ توليه رئاسة الحكومة. |
السيد عاصم بي كل بساطة اسقط 22 يوما و برر زيارة اليوم الاول و علل تحذيره من الزيارة بفك الحصار و اصبح رفع الحصار جريمة ارتكبها حمدوك في حق الشعب السوداني مع انو الزيارة كانت لى جوبا و تمحورت حول النفط و التجارة بين البلدين معقولة دي رفع الحصار اصبح بضربة لازب فعل يمهّد الطريق لعودة الانقاذ هنا لا أملك الا الحوقلة ,,, لا حول و لا قوة الا بالله نجي لي ديQuote: حيتم استخدامو لغايه مايكمل دورو تماما وتجى انقاذ2 بانتخابات مخجوجه وباساليب فاسده زى تركيا |
حاجة متل التكنّو حمدوك مشئول من نتيجة التصويت هذا البهيمة ح يصرموها و محل ما جرّو الصريمة تلف لى درجة تجيب الكوز عبر الصندوق و كأنه لا يعلم ... السيد عاصم ,,, ان الانتخابات سيتم الاشراف عليها و مراقبتها من قبل الامم المتحدة لضمان نزاهتها و اذا عاد الكوز عبرها يبقا دخ خيار الشعب السوداني و لا مناص غير احترامه ثم استعان الرجل بالتبخيس أى والله التبخيس الواحد ده قائلاQuote: وين سجل انجازات حمدوك (الدكتوز المعجزه) فك الحصار وموضوع الديون و..و.. د دا كلو تحصيل حاصل وما هندو علاقه بشخص رئيس الحكومه |
يا سبحان الله .... رفع اسم السودان من قائمة الارهاب كلام فارغ تسديد الديون السودانية عبر كبري امريكي كمان فيه باقي يفوق ما دفعه السودان فى التعوياضات و غير مسترد برضو كلام فارغ اعفاء جزء كبير من ديون نادي باريس برضو كلام فارغ العودة للمجتمع الدولي و تحديث النظام المصرفي كرم فارغ ثم انو و رغم انو ده كلام فارغ و تحصيل الحاصل ده ما عندو علاقة بي رئيس الوزراء ثم لم يكتمل كيل عاصم الا بالعروج الا بذكر التطبيع حيث اضافQuote: وبعدين ديكتاتوريه اخر الزمان وصناعة الاصنام وزارة الخاجيه زى قلتها فى فك الحصار ورف اسم من قائمه الارهاب(بهد دفع الغرامات) وتطبيع مع اسرائيل يسمعو خبرو من الراديو زى الغريب .... |
التطبيع يعلم القاصي و الداني من هرول له و من حاول ربطه برفع السودان مى لائحة الارفاب و رفع العقوبات و الكل يعلم تماما عندما قرر حمدوك الفصل بين الملفين و ان التطبيع ليس من تكليفاته و رد امره الي قرار من البرلمان السوداني و ختم بالعين في الدكتاتور و الطعن في الدكتور في شأن دكتاتورية اخر الرمان و صناعة الارهاب _____ يمين الله لو الكلام ده كان صادر من زول عنقالي و خريج خلوة زيي ما كان اشتغلت بيهو الشغلة لكن يطلع من استاذ جامعي و من الطبقة المتعلمة و مستنيرة ما عندي غير اقول اللهم آجرنا في مصيبتنا اللهم أجرنا في مصيبتنا و لا حول و لا قوة الا بالله
| |
|
|
|
|
|
|
Re: خلال ساعات ليه؟؟ (Re: جلالدونا)
|
الأخ المحترم جلال.~ كتبت "و كأنه لا يعلم ... السيد عاصم ,,, ان الانتخابات سيتم الاشراف عليها و مراقبتها من قبل الامم المتحدة لضمان نزاهتها و اذا عاد الكوز عبرها يبقا دخ خيار الشعب السوداني و لا مناص غير احترامه"
أمم متحدة شنو ؟ الحرب مدورة والناس ساكنة وين ما معروفة عشان يكون فى تعداد سكانى يتحدد على أساسه توزيع الدوائر وبعدها يكون فى سجل إنتخابى وكمان يتراجع ويتوقف عشان باساسه يتم التصويت. بطل الحقارة فى الشعب السودانى- مالك ما عايشت وشفت كيف الإنتخابات فى أمريكا ، ليه نحن ما بنى آدميين يعنى ، شعب من أوعى الشعوب عايز تكلفتوه!
| |
|
|
|
|
|
|
Re: خلال ساعات ليه؟؟ (Re: هدى ميرغنى)
|
أخ جلال كتبت~ "رفع اسم السودان من قائمة الارهاب كلام فارغ تسديد الديون السودانية عبر كبري امريكي كمان فيه باقي يفوق ما دفعه السودان فى التعوياضات و غير مسترد برضو كلام فارغ اعفاء جزء كبير من ديون نادي باريس برضو كلام فارغ العودة للمجتمع الدولي و تحديث النظام المصرفي كرم فارغ ثم انو و رغم انو ده كلام فارغ و تحصيل الحاصل ده ما عندو علاقة بي رئيس الوزراء"
- إسم السودان رفعوه (أعنى اتعرف عالميا) الشهداء ورفعوا الشعب السودانى بثورة سلمية صورها أنارت صحف وأخبار العالم ، فى حين حمدوك وغيره خارج السودان. -الديون وتسديدها المريب ، هل استدانها الشعب السودانى؟ إستدانتها حكومة حرامية ولصوص. الشعب قام بثورة ضدها يمشوا يطلعوا قروشهم من كروش الكيزان وغيرهم . ** أما التعويضات دى لو فى محلك ما بجيب سيرتها إطلاقا ، المفروض الشعب السودانى هو اليطالب بتعويضات على كل العذاب والعزلة بسبب عمايل سدنة الإرهاب، دا كلام ما بيدخل العقل زاته، إنه ثورة قامت ضد نظام ، تدفع غرامات نيابة عنه! ثم إنه الإبتزاز بتاع ما نرفع إسم السودان إلا بدفع التعويضات دا كان دون أدنى كرامة أى بلد ! يا ريت لو كان طلبهم ودا الطلب المعقول إنه السودان ما يكون دولة راعية للإرهاب أها الإرهاب قاعد. أما العودة للمجتمع الدولى عملها الشعب بنضاله الحااار حتى إزالة نظام الجبروت وسيواصل لإزالة ما تبقى.
| |
|
|
|
|
|
|
Re: خلال ساعات ليه؟؟ (Re: جلالدونا)
|
الاخ جلال سلام عليكم انا بتكلم ومن زمان انو ما نضقت البلد من بنى كوز وحاكمت ماتمشى تفتش لى فك حضار خارجى بجميع اشكالو خارجيا لانولما تجيب بذره وتزرعها فى ارض مانضفتها ولا قلبتها النتيجه الطبيعيه محصول فيهو مشاكل وربما امراض تهلك المحصول بل وربما الزراعه قبل ماتطلع ثمر تانيا انا اتكلمت عن تطبيع وخلافو اواقاصد انو العسكر هم المستلمين كل الملفات المهمه كان تطبيع كان سلام ...الخ والمدنيين واولهم حمدوك سمحو بالمهزله والمهازل والتجاوزات دا افرز الوضع الحالى بسبب شنو عدم نظافه وترتيب بيت داخلى من وسخ الكيزان (دا لما نشوف مشانق اتعلقت وسجون سجنت بعد نتائج تحقيقات و محاكمات ثوريه) تراخى وضعف مكون مدنى داير تدافع هن حمدوك دا حقك لكن ماتقنعنى اغمض عيونى وانا بوصف وضع مستفحل تحياتى
| |
|
|
|
|
|
|
Re: خلال ساعات ليه؟؟ (Re: جلالدونا)
|
Quote: و سيد البوست يهرّف و يخرّف زي الضارب ليهو سبيطة موز مخمّرة
|
هلا يا جلال خبرك يا صاحب، مبروك لصاحبنا العريس، ... الموز المخمر ما بتاكل كلو كلو، ممكن نشرب خمير البلح، وممكن نقطروا ههههه، يا زول طلعت انت حمدوك شديد، نتلاقى في نبتة والدروشاب.. ...
Quote: انت يا عبدالمنعم الواوسيات دي تبع السودان |
عمقو يا صحبي، وصرتو.. الحكمة التي تتناثر بين جنبات البوست دا ما جبتها من اهلي العظام ديلاك في تلك الربوع الحنينة،
| |
|
|
|
|
|
|
Re: خلال ساعات ليه؟؟ (Re: Arif Nashed)
|
Quote: ود الطيب وضيوفك تحياتي يكون منتظر الشارع يطلع يترجاه ويحنسو بعدم تقديم استقالته. ده زول رغله سااااااي قعاده من عدمه واحد. كلهم يفارقوا سمانا ابو الجابهم. |
العزيز عارف العارف كل حاجة تحية وود راي الشعب في حمدوك، كما اوضحها ابن الشعب، وضميره الصاحي، الفنان اليقظ عمر دفع الله، ..
| |
|
|
|
|
|
|
Re: خلال ساعات ليه؟؟ (Re: Mutasim Idris)
|
Quote: شلة المزرعة الجديدة : عبد الله مسار : أقنعنا الدكتور عبد الله حمدوك بعدم الإستقالة وضرورة بقائه في المنصب لحين الدعوة للإنتخابات . |
الصحفي بشري احمد علي ...
Quote: حمدوك الني.. الشارع حي.. (الني) كان محبوس يااخ. واللي حابسه عينه رئيس لوزارته تفتكر ح يقدر يستقيل؟!! حمدوك لا يملك قرار حتي دخوله الحمام. |
... مسار هو مستشار لحمدتي شفتا ديل البديروا المشهد الان، وحمدوك بمضي بس، وعبدالرحيم دلقو واقف قدام باب الحمام..
لا خيار عنده.. يا معتصم ادريس
| |
|
|
|
|
|
|
Re: خلال ساعات ليه؟؟ (Re: هدى ميرغنى)
|
Quote: وطبعا فاكرين الناس حتطلع الشارع تهتف عايزين حمدوك |
هلا بالاستاذة هدى، اسهل حاجة في مصر لما كنا طلبة ان تمشي ليبيا تركب البص، وتدخل ليبيا، لا تاشيرة، لابتاع بعض زملانا يمشي نهاية الاسبوع ويرجع،، صاحبنا مشى ليبيا، وجاء راجع بعد اسبوع، لبس جلابية نضيفة، وجاب كيس حلاوة بقر.. يلا نمشي دار الاتحاد، قلنا له: قال: لا الناس بجوني يتحمدلو لي السلامة كلمني زميله في السكن قالي: زولك قعد تلاتة يوم زول جاهو مافي!!
| |
|
|
|
|
|
|
Re: خلال ساعات ليه؟؟ (Re: عبدالمنعم الطيب حسن)
|
شكرا عاصم علي Asim Ali الزميل العزيز لطرح وجهة نظرك محترمة والدفاع عنها.. شكرا ابو حسين، ... اخر ما لجأت اليه السلطة الانقلابية هو اغلاق الكباري بحاويات عملاقة.. .. خوف شديد، حمدوك في نص المجمجة
| |
|
|
|
|
|
|
Re: خلال ساعات ليه؟؟ (Re: عبدالمنعم الطيب حسن)
|
... خلال ساعات، وقد كتبنا، ساعات ليه دلوكتي مالو؟ ثم امتطت وقد وصلت ٢٤ ساعة، ونحن الان نسبح في بحر اسبوع جديد.. ... الاستقالة ليست بيد سكرتير الانقلاب التائه، ... طبعا الشعب ماضي في انجاز ثورته الباهرة،، هذه المرة ستكون ثورة مكتملة النمو والحسم.. ... والحاويات ما بتحلكم يا كيزان وسكرتير انقلابهم ويا برهان، الا تبقى حاوي..
| |
|
|
|
|
|
|
|