|
Re: الدعم السريع يوقع مذكرة شراكة مع اللجنة ا (Re: Farida Mahgoub)
|
هو قطعا لا يفهم. معني الشراكة ولكن المشكلة ليست في الشراكة مع الخواجات او الصليب الاحمر الدولي المشكلة دوما داخلية وهي ببساطة شديدة في جنرالات الجيش السوداني اوغلي راسهم البرهان الذي يشرعن لوجود مليشيات الدعم السريع وما يعتبره هو او هم سند للقوات المسلحة هناك عدة جيوش الان في السودان وهي في مجملها ليست لها علاقة بالجندية تفكيك هذه المليشيات هي مسؤلية الجيش السوداني وليس اي جهه اخري
مع خالص الود
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: محمد الطيب)
|
الحبيبة فريدة التي لا نظير لها اشتياقي وحبي انتهازية واستهبال الاتحاد الاوربي وتحديداً فرنسا التي تريد وقف الهجرة وان يكون السودان وجهة المهاجرين هي من قوي الجنجويد، الجنجويد حوجة اقليمية ( مرتزقة الحروب ) وحوجة اوربية ( لمنع الهجرة) بلدنا مستهدف .
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: اخلاص عبدالرحمن المشرف)
|
اخواتي العزيزات، اعرق نساء الارض، اهدو حبة!!
لازم كسودانيين نفهم اننا عايشين في عالم غابة، القوي فيهو بقرطع الضعيف!!
بالفهم ده الخواجات سادة هذا العالم، همهم مصالحم هم، او ماعندهم الشغلة بالذات بامثالنا من "الذنوج" في نظرم!!!
لو ده حاصل، فلا معني لي زي هجوم زي ده، لانو اللوم لومنا، لو قبلنا نكون ادوات لخدمة مصالح مستعمرينا، او ما لومم لو نجحو يستخدمونا لخدمة مصالحم!!!
للاسف ده من حقهم، وفق الدستور الحاكم لعالم اليوم!!!!
علينا ان نلوم انفسنا، علينا ان نكون واقعيين او نشوف طريقة كماغيرنا لتوظيف قانون الغاب هذا لخدمة مصالحنا بذات الطريقة!!!
معليش الهجوم علي الخواجات، كلام عاطفي من زول مثالي، او ده فعلا حالنا ك"دراويش" كما وصمونا مستعمرينا الانجليز وهذه حقيقة! نعم كصوفية احنا دراويش، فعلا لاقول!!!
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: Bashasha)
|
اخونا الجميل باشا حبابك عشرة وبلا كشرة
Quote: علينا ان نلوم انفسنا، علينا ان نكون واقعيين او نشوف طريقة كماغيرنا لتوظيف قانون الغاب هذا لخدمة مصالحنا بذات الطريقة!!! |
أتفق معك في كلامك كله وما علينا الا ان نلوم انفسنا...اها باقي كلامك كيف؟ كيف نوظف قانون الغاب كما اسميتها انت لخدمة مصالحنا؟
وبجيكم بمهله أتم كلامي
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: اخلاص عبدالرحمن المشرف)
|
الحبيبة بت المشرف الجميلة
حقيقي بلدنا مستهدف ومنهوب ومدمر....وللأسف بأبنائه او عن طريقهم او بواسطتهم!!!
وطبعا اطماع محلية واقليمية ودولية...فرنسا وغيرها وغيرها ويا قلبي لا تحزي!!!
لكن تفتكري يا إخلاص الشرفاء من ابناء الوطن الزيك والزي وغيرنا ما ممكن يعملوا حاجة عشان يعدلوا الصور المقلوبة دي؟
لازم يكون في حل!!!
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: محمد الطيب)
|
عليكم السلام اخي محمد الطييب
Quote: هو قطعا لا يفهم. معني الشراكة ولكن المشكلة ليست في الشراكة مع الخواجات او الصليب الاحمر الدولي المشكلة دوما داخلية وهي ببساطة شديدة في جنرالات الجيش السوداني اوغلي راسهم البرهان الذي يشرعن لوجود مليشيات الدعم السريع وما يعتبره هو او هم سند للقوات المسلحة هناك عدة جيوش الان في السودان وهي في مجملها ليست لها علاقة بالجندية تفكيك هذه المليشيات هي مسؤلية الجيش السوداني وليس اي جهه اخري |
السؤال يا محمد اين الجيش السوداني؟ هل هو مؤدلج لدرجة عدم القدرة علي السيطرة علي زمام الامور؟ أليس هناك من رجل رشيد في الجيش يعيد لهذه المؤسسة التي يفترض انها قومية يعيد لها هيبتها ومكانتها؟ حقيقي نحن في مشكلة ؟
مع تحياتي
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: اخلاص عبدالرحمن المشرف)
|
Quote: كيف نوظف قانون الغاب كما اسميتها انت لخدمة مصالحنا؟ |
العزيزة فريدة، المصيبة كلها هنا، لانو هذا يتطلب مايسمي "دبلوماسية" اي ان تكون حبرتجي، تظهر غير ماتبطن، وهذا ما من طبعنا ككوشيين نوبيين، سودانيين، اطــــــــــلاقا!!
ولهذا الانجليز انطباعم عننا كان اننا ناس "ناشفين" حد الجلافة بي فهمم، لاننا صريحين شديد، لدرجة في لسانا السوداني الكوشي النوبي، لهجة دنقلا كمثال، ماعندو مفردة "شكرا" كمثال، خالص خالص!!!!!!!!!! عيييييييييييك!!!!!!
ده، موضوع مركب، مشربك شديد!
في الثقافة الارية، بالتحديد في امريكا، قولة "شكرا" شئ اساسي محوري في التعامل بين الافراد اي "الدبلوماسية"، اي ان تظهر غير ماتبطن، وهذا نحنو لا نجيدو، لانو بصطدم بي طريقة نشاتنا اللي اساسا الصراحة الوضوح اي الصدق ظاهر او باطن، باعتبار هذا هو المدخل للطريق البوصول للجنة!!!
الوصول للجنة كان هو محور ومركز دائرة وجودنا كافراد!!!
بنتكلم منذ عشرات الاف السنين، مش الان!!!!
لهذا لايمكن تتبني الدبلومسية في تعاملك او تفوذ بالجنة، فهذا مستحيل!!!
الصدق، ظاهر او باطن من اهم مبادي امنا MAAT ابرذ رمز روحي في تاريخنا، في عصر القباب!!!
باختصار بنتعامل بي مثالية مفرطة مع الاخرين او دي مصيبتنا او مش بي "دبلوماسية"، كما يسمونه في العلاقات الرسمية بين دول عالم اليوم، والدبلوماسية هي فن ان تظهر غير ماتبطن، بي "احترافية" لاحظي!!
ختينا احترافية بين قوسين، لانو برضو مفهوم غاية في الغرابة بالنسبة لي طريقة تفكير اجدادنا!!!!!!!!!!!
ماعايز اعكنن مزاجك، ولكن اعترف، نحنو افشل خلق امون لما يجي الكلام عن توظيف "غانون" الغاب علي قول حمرتي، لانو الموضوع بحتاج لي قدر عالي من "التمثيل" او ده، شعر ماعندنا ليهو رقبة!!!!!!!!
احنا "دراويش" بالمعني الصوفي بمعني الكلمة!!!
مصيبتنا مصيبة!!!!!!!
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: Bashasha)
|
سلمات يا فريدة
لا تعطي الموضوع اكتر من حجمه الطبيعي,الصليب الاحمر كما هو معلوم فان مجال عمله فى اغاثة المتضررين من الحروب والمقيمين فى مخيمات اللاجئين,وهذا العمل من اختصاص الشرطة ولكن فى السودان الدعم السريع تقاسم الكثير من سلطات الشرطة منذ العهد البائد .
وللاسف الشديد بلادنا ترزح تحت نير استعمار رباعي لكل دولة مهمة خاصة بها :
- أمريكا : اعادة هيكلة المنظومة الامنية والعسكرية ( بالمناسبة هذا الجند فى الوثيقة الدستورية من وحي الامريكان لان مصلحة امريكا فى ان تكون فى السودان جيش واحد فقط وذلك لسهولة التواجد فى الدول الافريقية وذلك بنقل الآفريكوم الى السودان من المانيا مع العلم ان امريكا لها اكبر سفارة فى العالم بالخرطوم وقد تم انشاؤها لتلعب دورا دبلوماسيا كبيرا يغطي كل دول أفريقيا ولتسهيل تلك المهام لابد وان يكون فى السودان جيش واحد فقط . - فرنسا : العلاقة مع المؤسسات الدولية والبنك الدولي ونادي باريس فيما يخص ديون السودان . - بريطانيا : الملف الاقتصادي " اعادة هيكلة الاقتصاد السوداني " - الامارات : من خلال ملاحظاتي خلال الفترة السابقة وخاصة فيما يخص لقاءات البرهان والاسرائيليين فى الامارات ( عدد 2 مرة ) هذا يوحى بأن مهمة الامارات تنحصر فى الملف السياسي .
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: علاء سيداحمد)
|
وعليكم السلام اخي علاء
Quote: لا تعطي الموضوع اكتر من حجمه الطبيعي,الصليب الاحمر كما هو معلوم فان مجال عمله فى اغاثة المتضررين من الحروب والمقيمين فى مخيمات اللاجئين,وهذا العمل من اختصاص الشرطة ولكن فى السودان الدعم السريع تقاسم الكثير من سلطات الشرطة منذ العهد البائد . |
يا زول الموضوع كبير جدا...دي مليشيا وما قوات نظامية....مليشيا ومتهمة بإرتكاب جرائم حرب وما زالت ترتكب لغاية يوم 19 ديسمبر القريب دا... ومن يشعل الحروب ومن يمارس القتل والنهب المسلح وغيره في السودان ؟أليست هي مليشيا الجنجويد نفسها؟ يعني الجنجويد يشعلوا فتيل الحرب ويجو ناس الصليب الاحمر يغيثوا ضحايا تلك الحرب ولا شنو الفهم؟ لماذا لا يدين الصليب الاحمر إنتهاكات مليشيا الجنجويد بدلا عن ابرام اتفاقية معها؟
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: Bashasha)
|
مرحب بك مرة اخري اخونا الجميل بشاشا
Quote: المصيبة كلها هنا، لانو هذا يتطلب مايسمي "دبلوماسية" اي ان تكون حبرتجي، تظهر غير ماتبطن، وهذا ما من طبعنا ككوشيين نوبيين، سودانيين، اطــــــــــلاقا!!
ولهذا الانجليز انطباعم عننا كان اننا ناس "ناشفين" حد الجلافة بي فهمم، لاننا صريحين شديد، لدرجة في لسانا السوداني الكوشي النوبي، لهجة دنقلا كمثال، ماعندو مفردة "شكرا" كمثال، خالص خالص!!!!!!!!!! عيييييييييييك!!!!!!
ده، موضوع مركب، مشربك شديد!
في الثقافة الارية، بالتحديد في امريكا، قولة "شكرا" شئ اساسي محوري في التعامل بين الافراد اي "الدبلوماسية"، اي ان تظهر غير ماتبطن، وهذا نحنو لا نجيدو، لانو بصطدم بي طريقة نشاتنا اللي اساسا الصراحة الوضوح اي الصدق ظاهر او باطن، باعتبار هذا هو المدخل للطريق البوصول للجنة!!!
الوصول للجنة كان هو محور ومركز دائرة وجودنا كافراد!!!
بنتكلم منذ عشرات الاف السنين، مش الان!!!!
لهذا لايمكن تتبني الدبلومسية في تعاملك او تفوذ بالجنة، فهذا مستحيل!!!
الصدق، ظاهر او باطن من اهم مبادي امنا MAAT ابرذ رمز روحي في تاريخنا، في عصر القباب!!!
باختصار بنتعامل بي مثالية مفرطة مع الاخرين او دي مصيبتنا او مش بي "دبلوماسية"، كما يسمونه في العلاقات الرسمية بين دول عالم اليوم، والدبلوماسية هي فن ان تظهر غير ماتبطن، بي "احترافية" لاحظي!!
ختينا احترافية بين قوسين، لانو برضو مفهوم غاية في الغرابة بالنسبة لي طريقة تفكير اجدادنا!!!!!!!!!!!
ماعايز اعكنن مزاجك، ولكن اعترف، نحنو افشل خلق امون لما يجي الكلام عن توظيف "غانون" الغاب علي قول حمرتي، لانو الموضوع بحتاج لي قدر عالي من "التمثيل" او ده، شعر ماعندنا ليهو رقبة!!!!!!!!
احنا "دراويش" بالمعني الصوفي بمعني الكلمة!!!
مصيبتنا مصيبة!!!!!!! |
نزيدك من الشعر بيت.... الليلة الخواجات البجو سياحة في بلدنا قد يعودوا لبلاهم وهم ما يكونوا صارفين شئ يذكر من قروشهم بسبب كرمنا المبالغ فيهو للاجنبي في حين هم في بلادهم ما بجيبوا خبر زول....لأنه ببساطة دي طبيعتهم وطبيعة حياتهم... تاني حاجة نحن ناس منفتحين خالص....يعني ممكن ننزل للخواجة دفاترنا من اول دقيقة وهم تعيش معاهم العمر كلو تجاورهم او تزاملهم في العمل غير اسمهم ما تعرف عنهم شئ!!! دا غير ماضيهم وسرقة ثروات بلادنا وكنوزها وتعمير بلادهم وتأسيسها وما زالت السرقات مستمرة وايضا امور اللف والدوران زي ما ذكرت انت....
يا زول مصيبتنا كبيرة والحل في ايدينا....
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: محمد جبره)
|
وعليكم السلام الاخ محمد
Quote: المنظمات العاملة في مجال الاغاثة و ضحايا الحروب همها الاول و الاخير هو الوصول للمتضررين ولذلك تعقد اتفاقات مع كل حملة السلاح و كل الاطراف المتنازعة بحيادية تامة لضمان وصول مساعداتها للمتضررين و حماية منسوبيها من مخاظر القتل و الاختطاف والزام حملة السلاح بعدم التعرض للمدنيين و المرافق الحيوية كالمستشفيات و المدارس |
ماذا كان دور الجنجويد في احداث جبل مون الاخيرة ودورها في فض الاعتصام واحداث ما بعد الانقلاب!!؟ وماذا كان دور الصليب الاحمر في الاحداث المذكورة!!!؟ اكرر سؤالي : لماذا لم تعقد الاتفاقية مع الجيش السوداني!!؟ ما مصدر ثروة حميدتي ومن اين يمول الجنجويد؟ ألم ينتفي سبب وجود قوات الدعم السريع الموازية للجيش....ألا تعلم اللجنة الدولية للصليب الاخمر ذلك؟ لم نسمع بإي اتفاقيات مع باقي الحركات المسلحة ....
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: محمد جبره)
|
العزيزة فريدة، انطباعك العام عن طريقة تفكير الخواجات في محلو، وهذا عن معرفة واحتكاك مباشر يومي، لقرابة نصف قرن!!!
مخصوص حب استطلاع مشيت أو سكنتا معاهم في ميز عزابة بي تعابيرنا، أو شفتا العجب، من حيث طريقة تعاملم مع بعض ك"عذابة" في حياتم اليومية كافراد ، دعكي من امثالنا، مقارنة بي طريقتنا احنا لومعاهم ولا مع غيرنا!!
الخواجة متمرس جدا، في ان يظهر غير مايبطن، بالغريزة، بالسليقة، أو بي صورة عفوية، الية ميكانيكية، أو من دون ايها تفكير، خالص خالص، عكس التلقايية بتاعتنا، العفوية، بتاعة الفي قلوبنا علي اللسان، نعم الجوانا ياهو ذات البرة!
أما ليه؟
فده موضوع مركب، معقد شديد، اخيرنختا الاجابة علي السؤال ده، لانو مافي وكت!
ولكن لو جينا نلخص الاسباب في كلمتين، فحنقول طبيعة ثقافتم اي اسلوب حياتم البدوية الرعوية القاسية تاريخيا لعبت دور أساسي، من بعد عصر الحياة في الكهوف الادت للنزعة الفردية الانطوايية، في العصر الجليدي.
في المقابل ثقافتنا اي اسلوب حياتنا كانت حضرية مستقرة وبالتالي اكثر رخاء لاتغيب عنها الشمس، ولهذا كافراد كنا قراب شديد خالص من بعض بي صورة تكاد لاتصدق!
ولهذا ده هو بعض سر نجاحم في عالم اليوم، بعد مافازو علينا، بالبطولة في كاس الحضارات!
احنا خسرنا أو هم فازو لاننا ماقدرنا نتاقلم مع واقع اتغير تغيير جذري كنتيجة لظهور الثقافة الارية كمنافس شرس!!
ولكن الان شمس حضارتم ماشة تغرب، أو شمسنا ماشة تشرق، باذنه، وإن دامت لنا، لماالت اليهم!
لهذا الزول ده متي ماشفتا كمسؤول حايم في السودان، اعلم هو جاي يخدم مصالحو هو، مش انتا، أو ده من حقو، تذكر!!!
عشان كده ركزو علي البسوي فيهو الغبي الساذج العببيط ده، الاسمو حمرتي، الشغال من هسي بجهز في مسرحية الانتخابات القادمة، سناريو، حوار، واخراج الجنجويد!!!
رجاءا بطلو كل حاجة أو ركزو علي مسرحية مايسمي انتخابات، هدف هذا الانقلاب الجنجويدي الاول والاخير!!
بالنسبة للخواجات، اكلو بس أو ماتنسو تقشو الخشم، أو ماتقولو بغم علنا!!!
| |
|
|
|
|
|
|
Re: الدعم السريع يوقع مذكرة شراكة مع اللجنة ا (Re: Bashasha)
|
Quote: احنا خسرنا أو هم فازو لاننا ماقدرنا نتاقلم مع واقع اتغير تغيير جذري كنتيجة لظهور الثقافة الارية كمنافس شرس!! |
بشاشا امبس سيرناقمي لخصت المشكلة بطريقة مختصرة ومفيدة جداً يا سلام عليك الناس تكتب عشرات الصفحات وانت بعبارة واحدة لخصت مشكلتنا
الاستاذة فريدة .. مسكاقمي مداخلة بشاشا الاخيرة أضافة ذات قيمة تحياتي
| |
|
|
|
|
|
|
|