|
|
|
 Re: لماذا هنالك جرائم قتل ملحوظة ضد السودانيي (Re: Deng)
|
الأخ دينق
سلامات
موضوع مهم يا اخ دينق ارجو منك تنوير الأخوة السودانين عن طبيعة الولاية .
انا يا اخ دينق واحد من ضحايا الولاية سنة 2004 في مدينة شارلت NC
هجوم مسلح النهار ورصاصة في الرأس. الحمد الله ربك مرقنا منها .
بعد الحادث المحل بعتو بشيكات يبتدي الدفع بعد 6 شهور من تاريخ البيع .
محل كبير . بعتو بخسارة 350 الف دولار .
دا كلو علشان ارجع نيويورك وابتعد عن الحتة .
بعد ستة شهور العرب الاشتروا المحل حقي . هربوا من أمريكا بعد ما
باعوا البضاعة كلها وقفلوا المحل .
يعني حتي فلوسي ما لميت فيها .
دي أمريكا محل تمشي تاكل نارك .
ومافي شك انها هي أعظم البلاد .
لهم جميعا الرحمة .
| |
  
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
تمثل غرينسبورو بنورث كارولاينا يا دينق، ثقل السودانيين بنورث كارولاينا،
حاولت مراراً الحصول على رقم بعدد السودانيين بالمدينة؟
تحصلت على رقم لا أستطيع الجزم بصحته وهو خمسة ألف سوداني بمن فيهم الأطفال.
- معظم الناس تشتغل عمالة بالمصانع
- بعدهم التاكسي والتوصيل
- الأعمال الخاصة
- وأخيراً الوظائف المكتبية والمهنية
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
سلام اخ دينق
السبب :
١/ العدد الكبير للسودانين في المدينة يزيد من نسبة الجريمة وكل ما قل العدد تنقص
٢/ العمل في خدمات التوصيل عامة فممكن توصل شخص او طعام او بضاعة
الى بعض الاحياء الغير امنة او في حالة التاكسي ممكن الزبون يكون مجرم
٣/ اعتقد معظمهم بينظر للمسالة من ناحية انها حقارة وبالتالي تغيب عنه الحيلة ليطلع سالم من هكذا مازق
٤/ بالتاكيد القدر
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Elamin Medani)
|
أخطر مدن أمريكا
مروة محسن19 نوفمبر، 2021
أمريكا مليئة بالمدن الرائعة التي يرغب الجميع بالعيش فيها ولكنها على الرغم من ذلك تشتهر بجرائم العنف التي تحدث في منها، وفي هذا المقال سنذكر أخطر مدن أمريكا.
محتويات
1 أخطر مدن أمريكا1.1 أخطر مدينة في أمريكا1.2 1. شيكاغو، إلينوي1.3 2. توليدو، أوهايو1.4 3. بومونت، تكساس1.5 4. تشاتانوغا، تينيسي1.6 5. ميلووكى، ويسكونسن1.7 6. البوكيرك، نيو مكسيكو1.8 7. ستوكتون، كاليفورنيا1.9 8. كليفلاند، أوهايو1.10 9. ليتل روك، أركنساس1.11 10. سبرينغفيلد، ميسوري1.12 11. بالتيمور ، ماريلاند1.13 12. ممفيس، تينيسي1.14 13. سانت لويس، ميسوري1.15 14. ديترويت، ميشيغان1.16 15. هيوستن ، تكساس1.17 16. ناشفيل ، تينيسي1.18 17. لانسينغ ، ميشيغان1.19 18. ويتشيتا ، كانساس1.20 19. نيو اورليانز ، لويزيانا1.21 20. روكفورد، إلينوي1.22 21. أنكوراج، ألاسكا1.23 22. أوكلاند، كاليفورنيا1.24 23. سان برناردينو، كاليفورنيا1.25 24. دايتون، أوهايو1.26 25. نورث تشارلستون، ساوث كارولينا1.27 26. واشنطن العاصمة1.28 27. تولسا، أوكلاهوما1.29 28. بوفالو، نيويورك1.30 29. لوبوك، تكساس1.31 30. أوديسا، تكساس1.32 31. بيوريا، إلينوي1.33 32. روتشستر، نيويورك1.34 33. ويست بالم بيتش، فلوريدا1.35 34. كولومبيا، ساوث كارولينا1.36 35. سبرينجفيلد، إلينوي1.37 36. شريفيبورت، لويزيانا1.38 37. سيراكيوز، نيويورك1.39 38. بومبانو بيتش، فلوريدا1.40 39. كوربوس كريستي، تكساس1.41 40. موديستو، كاليفورنيا1.42 41. جرينسبورو، نورث كارولينا1.43 42. سينسيناتي، أوهايو1.44 43. فاليجو، كاليفورنيا2 المراجع
أخطر مدن أمريكابلغ معدل جرائم العنف في الولايات المتحدة حوالي 369 حادثة لكل 100،000 شخص في عام 2018، وهذا أدنى مستوى لها منذ أكثر من 30 عامًا، ولا تزال جرائم العنف منتشرة على نطاق واسع.لا يتم توزيع جرائم العنف بالتساوي في جميع أنحاء البلاد وعادة ما تكون أكثر شيوعًا في المناطق الحضرية.
لتحديد المدن الأكثر خطورة في الولايات المتحدة، تم حصر بيانات من تقرير الجريمة الصادر عن مكتب التحقيقات الفيدرالي، بما في ذلك القتل والاغتصاب والسرقة والاعتداء..
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Osman Musa)
|
كل التقدير استاذ دينق
و الاخوة الاحباب
و ربنا يحفظكم و كل السودانيين بامريكا
من هذه الجرائم
و يحفظ كل البشرية من من القتلة و الفاسدين و عديمى الضمير
.. سؤال ف ذات سياق القانون و دولة القانون و كيفية المحافظة على مواطنيها و مملتلكاتهم
الم تلاحظ الولاية المعنية بازدياد القتل من مجنسى دولة معينة
و كذلك كيف تحافظ على الارواح .. و الممتلكات
مثال : شيكات اخونا عثمان المؤجلة و التى فر بها اولئك الامركان ( حتى لو كانت جنسيتهم الاصلية عرب)
كيف يمكن استردادها ...
..ممكن عدمى الضمير و المحتالين يعملوا عملية زى دة و يهربوا بره امريكا او حتى يخرجوا من امريكا بجوازت دولهم
هل من رادع قانونى ... يحفظ للناس حقوقهم و اموالهم
و ربنا يحفظكم جميعا و يعوضكم خير
..
مودتى و احترامى
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: محمد بدرالدين)
|
اخونا دينق - سلام واحترام ...
- ايه رايك نرسل (تسعة طويلة ) تادب المجرمين ديل ..؟!
- بس خوفي ذاتم يكونوا من اولادنا شفتت - تسعة طويلة - ضاق بيهم الحال في السودان
وقالوا احسن نمشي - نلحس - السودانيين - المرطبين في امريكا ... ههههه
- سؤالي - هل شميت ريحة عنصرية - من البيض لكل افريقي ...؟؟
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Ahmed Yassin)
|
Quote: ابوالحسن التجاني ..مات ضربا بواسطة عصابة نهب اقتحمت المتجر ..تركوه ملقي! في بركة من دمائه
بكري خضر شاب صغير .. ذهب لتسليم طلبية فاطلق شخص النار عليه وارداه قتيلا |
فنانا الجميل تحياتي
شيء مؤلم جداً
ناس ابرياء
شكرا دينق على البوست لنعرف المزيد
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: علي عبدالوهاب عثمان)
|
استاذنا علي عبدالوهاب
| Quote: شيء مؤلم جداً ناس ابرياء |
اكيد...مؤلم ومحزن اكثر عتدما يكون القتيل والقاتل سودانيان
هذا ما حصل لصديقي المغدور (عبداللطيف) من دنقلا (اوربي)
القاتل سوداني اسمعه (المعز) سدد له عدة طعنات بسكين في ظهره
غدرا.. في منزل احد السودانيين بواشنطون ويعمل استاذا في الجامعة
تم دفن الراحل (عبداللطيف) في السودان. اما الاغرب فهو ما دار في
محاكمة السوداني المجرم القاتل الجبان.
الله يرحمك يا عبداللطيف طه
البوست عن ولاية معينة لذا لم اخض في التفاصيل المثيرة
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: بسمات الشيخ)
|
Quote:
الأخ دينق
سلامات
موضوع مهم يا اخ دينق ارجو منك تنوير الأخوة السودانين عن طبيعة الولاية .
انا يا اخ دينق واحد من ضحايا الولاية سنة 2004 في مدينة شارلت NC
هجوم مسلح النهار ورصاصة في الرأس. الحمد الله ربك مرقنا منها .
بعد الحادث المحل بعتو بشيكات يبتدي الدفع بعد 6 شهور من تاريخ البيع .
محل كبير . بعتو بخسارة 350 الف دولار .
دا كلو علشان ارجع نيويورك وابتعد عن الحتة .
بعد ستة شهور العرب الاشتروا المحل حقي . هربوا من أمريكا بعد ما
باعوا البضاعة كلها وقفلوا المحل .
يعني حتي فلوسي ما لميت فيها .
دي أمريكا محل تمشي تاكل نارك .
ومافي شك انها هي أعظم البلاد .
لهم جميعا الرحمة . |
الاخ عثمان موسى
واضح جدا أنت لديك تجارب غنية في أمريكا، خصوص في مجال الاعمال.
في الحقيقة الشء البحصل في ولاية كارولينا الشِّمالية ده شئ غريب وغير طبيعي. لأن السودانيين عموما يبتعدون عن المناطق والمدن التي فيها نسب جرائم عالية.
أنا تجولت في عدد كبير من الولايات الأمريكية لطبيعة عملي، وقضيت حوالي الشهر في كارولينا الشِّمالية في مدينة (Fayetteville) وهي مدينة بعيدة بعض الشئ من قرينزبورو وشارلوت.
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
عندما تدخل المدينة المنورة علي ساكنها أفضل الصلاة و السلام تشعر بالسكينة و الاطمئنان .
عندما تدخل اوكلاند ضواحي سان فرانسسكو تشعر كأن الرعب يمشي علي رجلين و كأن السماء و الهواء لبد و شبع بالزعر ، تجربة اتمني ان لا تتكرر .
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: الزبير بشير)
|
Quote:
تمثل غرينسبورو بنورث كارولاينا يا دينق، ثقل السودانيين بنورث كارولاينا،
حاولت مراراً الحصول على رقم بعدد السودانيين بالمدينة؟
تحصلت على رقم لا أستطيع الجزم بصحته وهو خمسة ألف سوداني بمن فيهم الأطفال.
- معظم الناس تشتغل عمالة بالمصانع
- بعدهم التاكسي والتوصيل
- الأعمال الخاصة
- وأخيراً الوظائف المكتبية والمهنية |
أبوبكر عباس.
كيف فجئة صارت ولاية نورث كارولينا جاذبة لعدد كبير من السودانيين خصوصا للأسر؟
ولماذا لا يتفادى السودانيين العمل والسكن في المناطق الخطرة كما يفعل بقية السودانيين في الولايات الأخرى؟
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
ما عندي إجابة مقارنة علمية اقتصادية، يا دينق
لكن:
- فرص العمل بالمصانع ممتازة.
- السكن رخيص
- الجو ممتاز ومعقول جداً معاي
- وأنت عايش في غرينسبورو كأنك عائش في مدني في السبعينات،
إحتماعياً مريحة جداً
بنصح أي زول جاي لوتري يجي غرينسبورو
قعدة ستاربكس اليومية تساوي الدنيا وما فيها.
سوف أحاول بعد أن أتصالح مع فقد الصديق طه البجو أن أكتب عنه كواحد من أيقونات المقهي
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: أبوبكر عباس)
|
سلام و احترام اخي الحبيب جورج و لضيوفكم الكرام االتحية و التقدير
تعرف يا جورج في بداية حياتنا في امريكا اشتغلنا كل المهن الخطرة مثل سواقة التاكسي توزيع البيزا و العمل في الغسالات و البقالات و عشنا في الاماكن الخطر....وتعرضت شخصيا لعدة stickup وعلشان تنجو من stickup باقل الخسائر و ما يطلق عليك الرصاص في الراس هو التعامل الجيد و بهدو مع المجرم في النهاية هو هدفه معين ولا يقصد قتلك واذا قاومته سوف يكون القتل مصيرك. وهذه هي الاخطاء التي يقع فيها الاخوة السودانيين و خاصة الجداد منهم.....
بلاي يا دينق ان كنت ساكن Fayetteville يا اخي دي مدينة غريبة ما غريبة اختشي ،زرت صديق كان يعمل في احد المصانع هنالك و اقمت فيها لمدة اسبوع ،مدينة جافة و ما فيها حياة .....الكلام دا كان في ٩٠ اسع ما عارفها كيف لكن ما عجبتني خالص....
تعرف يا دينق يوم ١٥ نوفمبر ٢٠٢١ اي قبل اسبوعين تقريبا راسلني الراحل المقيم طه لتحديث كلمة السر في المنبر الرسالة ادناه ..
الدوام لله و انا لله و انا اليه راجعون
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: بكرى ابوبكر)
|
الأخ بكرى أبوبكر
سلام
نعم .
طبعا البخلي المهاجم يهاجم الفلوس للصرف على المخدرات .
والمهاجم بحاول بكل الطرق انو ابدا ما يقتل .
وبحاول يخلص المهمة حقتو في دقيقتين بالكتير.
ولحظة يهجم اول كلمة بقول ليك ( فريز ) يعني تجمد .
تجمد ولا تقاوم .
ولا تتحرك .
واي حركة في الدقيقتين الخطرات ديل معناتو انك حتاكل نار .
طبعا المهاجم بكون درس المحل تمام .
وبكون جاك كتير في المحل .
ولاحظ شكل الكاشير .
وحركة البيع .
وعمل تقديرات الدخل اليومي .
ومتين مشيت البنك للتوريد .
وهل بيع امس موجود بالمحل ؟
وربما يكون اشتغل معاك ايام للهدف .
وعرف هل عندك سلاح ام لا .
وهل انت شرير .
وشنو حجم مقاومتك.
لو عرف انك بتقاوم بعنف.
والمهاجم عارف نفسو قدر التحدي
بحاول يعطلك من الاول.
ولو خاف ممكن يبيعك لعصابة أشد قوة.
في النهاية انت ما بينفعك الا التوكل والهدوء .
وخليهم يشيلوا زي ما يشيلوا .
وابدا ما تعاين ليهم .
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Osman Musa)
|
Quote:
سلام اخ دينق
السبب :
١/ العدد الكبير للسودانين في المدينة يزيد من نسبة الجريمة وكل ما قل العدد تنقص
٢/ العمل في خدمات التوصيل عامة فممكن توصل شخص او طعام او بضاعة
الى بعض الاحياء الغير امنة او في حالة التاكسي ممكن الزبون يكون مجرم
٣/ اعتقد معظمهم بينظر للمسالة من ناحية انها حقارة وبالتالي تغيب عنه الحيلة ليطلع سالم من هكذا مازق
٤/ بالتاكيد القدر |
الاخ الامين مدني
سلام.
دعني أختلف معك في السبب الاول، وجود عدد كبير من السودانيين في مدينة أمريكية واحدة لا يعني بأن نسبة الجريمة قد تكون مرتفعة في تلك المدينة، العكس تماما. السودانيين دائما يتجنبون العيش في مدن يوجد بها نسبة جريمة عالية.
أما بقية الاسباب فأنا أتفق معك فيها تماما.
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
سلام دينق
انت عارف السودانيين الواحد بقاوم ومابدور الحقارة وحقة يشيلهوا عينك ياتاجر عشان كدا علي طول جماعة العصابات بقتلوه
تعرف من سنوات انا كنت في ليبيا في مدينة طرابلس زمن مجد القزافي في مديان في طرابلس اسمه ميدان سوق الحوت فيه مواصلات
وكان الدنيا خميس وماشي علي جماعة وكان شايل معاي دينارات ( زي 2000 دولار ) وخاتيها في الجيب الخلفي من البنطلون وفي الجيب القدام
فية فكة وعلبة دخان ، في عربية بيجو بشيل سبعة ركاب وانا داير اركب في واحد ليبي اسمر عطلني مسافة وماركب واخيرا ركبت في المقعد
مع الباب وكان سواق البيجو شايف الحاصل براقب بعد ركبت قال ليه (اراه الجماعة خنبوك - اي سرقوك) دخلت يدي قدام ليقيت القروش الفكة والدخان موجودات
ادخل يدي في الجيب الوراء القي الزراة فاتحة والقروش لحقت امات طه ، نزلت طواي من العربية والمشكلة مابعرف اشكالهم لكن الزول العطلني متأكد من شكله
الدنيا بين المغرب والعشاء وفي اخر الميدان شفت زولي ومعاهو ثلاثة مشيت عليهم وهم ماشايفني لقيت وحد اداه القروش ودخلة في جيبه انا طوالي دخلت وسطهم
ومستكتو من لايقت قميصة خنقته واليد التانية دخلتها في جيبه طلعت القروش خلهتا في جيبي وفي اثناء انا ماسكة دورته عليهم لان كان في ثلاثة خلفي بقوا قامدامي
وانا خانقة قال ارهم فلوسك حلالليات شلت قروشي ومشيت واقف مستني المواصلات والمواصلات اتاخرت شايفهم لافين مشيت عليهم قت داير احفظ اشكالهم
رجعت اتكلمت معاهم قت لهم عندي بطاقة عندكم جيبوها (انا لاعندي بطاقة عندهم ولاحاجة وقروشي رحعت تامة) قال ليه فكنا من شر ياراجل ماعندك عندنا حاجة
وهم طبعا بكونوا مسلحين وبضربوا ويهربوا يقولوليك الحرب كر وفر
الحمد لله ربنا نجاني منهم وقت وصلت لي ناس حكيت لهم قالوا لي يازول انت مجنون وحكوا فلان مات وفلان مات داير تموت ..عشان كدا السودانيين الواحد بومت
مابرضي يتقلع حقارة ...ربنا يستر علينا كلنا في ديار الغربة
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: هشام الدرديري)
|
Quote: كل التقدير استاذ دينق
و الاخوة الاحباب
و ربنا يحفظكم و كل السودانيين بامريكا
من هذه الجرائم
و يحفظ كل البشرية من من القتلة و الفاسدين و عديمى الضمير
.. سؤال ف ذات سياق القانون و دولة القانون و كيفية المحافظة على مواطنيها و مملتلكاتهم
الم تلاحظ الولاية المعنية بازدياد القتل من مجنسى دولة معينة
و كذلك كيف تحافظ على الارواح .. و الممتلكات
مثال : شيكات اخونا عثمان المؤجلة و التى فر بها اولئك الامركان ( حتى لو كانت جنسيتهم الاصلية عرب)
كيف يمكن استردادها ...
..ممكن عدمى الضمير و المحتالين يعملوا عملية زى دة و يهربوا بره امريكا او حتى يخرجوا من امريكا بجوازت دولهم
هل من رادع قانونى ... يحفظ للناس حقوقهم و اموالهم
و ربنا يحفظكم جميعا و يعوضكم خير
..
مودتى و احترامى |
محمد بدر الدين
مرحبا.
لا أعتقد أن السودانيين هم المستهدفين بمثل هذه الجرائم، ولكن المنطقة نفسها توجد بها نسبة عالية للجريمة، وأهلنا السودانيين يسكنون بها ويعملون في مهن تعتبر خطيرة في تلك الاحياء والمناطق.
أما شيكات أخونا عثمان موسى أنا بقول الله يعوضوا، العرب في أمريكا مجرمين جدا ويعرفون جيدا كيف يتحايلون على القانون.
أنصح الاخ عثمان موسى أن يستشير محامي لمثل هذه القضية ويشوف لو في طريقة يتم وضعهم كمطلوبي عدالة بحكم صادر من المحكمة أم لا.
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
كيفكم يا شباب البنج دينج و الضيوف الكرام وفاكهة البورد المستنير
أولا والله لا نقول إلا ما يرضي الله و لكن فقدنا طه البجو.. فقد والله لا تصفه الكلمات.. البجو- بالجيم المعطش- كما يحب ان يتحبب للجميع بالكلمة فصارت لقبه.. لا تراه إلا مبتسما.. لطيف المعشر.. إجتماعي لدرجة لا يمكن تصورها.. تقبله الله قبولا حسنا و خلفه خيرا في أهله. فقد ترك زوجة مكلومة و اطفال في أحوج ما يكون لوجوده في هذه السن و لكن إن الله أحن وألطف عليهم حتى من أبيهم.
أنا عشت في قرينزبورو منذ 96 إلا في مدة قصيرة حيث عشت في منطقة واشنطون العاصمة و عندما قررت العمل خارج الولايات المتحدة ارجعت الأسرة لمدينة قرينزبورو لانها مدينة العيال و المدام و التي صارت وطننا و التي و أنا غائب لم أكن أحس فيها باي قلق على الأسرة فهم بين أهلهم و في مدينة أمنة و سهلة المعيشة.
و هي بحق من أجمل المدن و أكثرها أمنا.. صارت مدينة السودانيين و تحس فيها بأمان قل أن تجده في اي مكان أخر.. يعني تمشي في المدينة و أنت جلدك مطلوق.. مدينة متنوعة و ليس فيها تطرف بيض او جريمة خارجة عن المألوف من الأخرين..
المدينة كما ترى من قائمة المدن الخطرة فإنها تأتي في ذيل القائمة و للاسف مع ذلك فقدنا كثير من شبابنا مجموعة منهم بأعمال عنف.
السبب الأساسي ربما لان معظمنا يعمل في الخدمات التي تضعهم في مواضع الخطر و ليس هنالك إستهداف. العدد الكبير جدا للسودانين يزيد من إحتمال تعرضهم للحوداث بالطبع.
المجتمع فيها متماسك جدا و الأن هم بصدد شراء بيت السودان.. يقود النشاط الإجتماعي مجموعة من النساء و الرجال معظمهم شباب متجرد جدا و متنوع جدا.. تنشط المدينة جدا في كل المناشط السياسية و الإجتماعية التي تخص السودان. تعمل الجالية على رتق النسيج الإجتماعي و إشراك الجميع و محاربة كل أشكال التفرقة. تعمل في ضم الشباب ففي اللجنة التنفيذية مقعدين للجيل الثاني و الذي ولد في الولايات المتحدة وهم يقودون عمل الجاليةمع البقية كتف بكتف. تقيم الجالية مناسبات متواصلة و الله قل أن تجد مثلها في المدن الأخرى. في شهر عشرة الماضي كان هنالك يوم السودان تنادى له الجميع و حضره الالاف..
والأن بحكم العمل أرتحلت مع اسرتي لمدينة رالي و هي على بعد 70 ميل من قرينزبور و هي عاصمة الولاية و لكني ما زلت اواصل كل نشاطي و علاقاتي الإجتماعية و كأني ما زلت بقرينزبورو و لم اوالف رالي بعد كما كنت في قرينزبورو و سيكون الأمر دائما كذلك.
الحوداث تحدث و لكن لا تنقص من ميزات المدينة الجيدة جدا و الهدؤ و الأمن " للمفارقة"!
رحم الله طه و بكري الدبيبة و قمر و عباس و عبده و الشاب الصغير الفنان الواعد حسن الجعلي من ضحايا العنف و أخرين ضحايا حوداث حركة و الشاب العابد محمد ادم و الذي توفي فجأة و هو يعمل بالبوستة في مكان عمله.. و أخرين كثر و لكنها سنة الحياة.
حاتم الذي توفي بالسرطان و بشير الطالب الباشمهندس و الذي ايضا توفي بالسرطان و أبنه محمد و الذي توفي فجأة بعد فترة قصيرة جدا بعد وفاة والده هذا الصيف و البشير ابو شلخة و أخرين كثر رحمهم الله أجمعين.
رأي هذا لو سألت اي واحد من المدينة سيوافقني فيه.. من أحسن المدن التي جعلها السودانيون وطنا لهم و ملكوا فيها البيوت و الأعمال و الحياة الأجتماعية الثرة..
هذا و لكم الأحترام و خالص العزاء للسودانيين بالمدينة في فقدهم الجلل.. رحم الله طه البجو
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
Quote: اخونا دينق - سلام واحترام ...
- ايه رايك نرسل (تسعة طويلة ) تادب المجرمين ديل ..؟!
- بس خوفي ذاتم يكونوا من اولادنا شفتت - تسعة طويلة - ضاق بيهم الحال في السودان
وقالوا احسن نمشي - نلحس - السودانيين - المرطبين في امريكا ... ههههه
- سؤالي - هل شميت ريحة عنصرية - من البيض لكل افريقي ...؟؟ |
الاخ حمد إبراهيم
مرحبا بك
الجرائم دي في الغالب لا تتم بواسطة عصابات كبيرة منظمة، فهي بتكون في شكل شخصين أو تلاتة بالكتير. كل ما كان عدد أفراد العصابة كبير فذلك يمكن السهولة من الايقاع بهم بواسطة الشرطة وبقية السلطات.
العنصرية موجودة في أمريكا ولكنها تتفاوت من ولاية الى ولاية ومن مدينة الى أخرى. ولكن الذين يرتكبون مثل هذه الجرائم التي ضحاياها من السودانيين فهي في الغالب يتم أرتكابها بواسطة أمريكان من أصول أفريقية.
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Deng)
|
الأخ المحترم دينق مفترع البوست المفيد
والإخوان والاخوات المحترمين.
سلام
بالمناسبة عمليات الربري في المدن الأمريكية ما واقفة على جنسية معينة.
حتي أصحاب المحلات التجارية من الامريكان ابيض على اسود على اسبانيول كلهم
مكتوين بنار الهجمات.
انا في الأسبوع الكان المحقق شغال في الحصل للمحل بتاعي .
نفس المجموعة الكان هاجمتنا راحت محل اخر ( ويرهاوس بتاع احذية)
صاحب مستودع الاحذية كان أمريكي ابيض.
وكان سلاحو في جيبو وبسرعة قدر يقتل المهاجمين .
واحد في المهاجمين مات في المستشفى وقبل ما يموت
اعترف بانهم هم نفس المجموعة الهاجمو متجر السوداني
. بعدها كلمنا المحقق .
والقصة طويلة .
| |
|
|
|
|
|
|
|
|
|
Re: لماذا هنالك جرائم قتل ملحوظة ضد السودانيي (Re: Osman Musa)
|
Quote: جرائم كثيرة و بشعة جدا في نورث كارولاينا والضحايا السودانيين كلهم شباب
ابوالحسن التجاني ..مات ضربا بواسطة عصابة نهب اقتحمت المتجر ..تركوه ملقي! في بركة من دمائه
بكري خضر شاب صغير .. ذهب لتسليم طلبية فاطلق شخص النار عليه وارداه قتيلا |
أحمد يسن.
الأحياء والمناطق التي تكون نسبة الجريمة فيها عالية دائما بتكون معروفة
علشان كده يجب أن يستفيد السودانيين من تجارِب رفقائهم الآخرين الذي سكنوا من قبلهم والاستفادة من تجاربهم الخاصة.
| |
|
|
|
|
|
|
| |
Deng
Osman Musa
أبوبكر عباس
محمد بدرالدين
حمد إبراهيم محمد
النذير حجازي
Ahmed Yassin
علي عبدالوهاب عثمان
محمد حمزة الحسين
الزبير بشير
بكرى ابوبكر
هشام الدرديري
Omer Abdalla Omer
mohmed khalail
فيس بوك
تويتر
انستقرام
يوتيوب
بنتيريست