|
Re: ريحة الرغيف في في تركيا تصحيك من النوم (Re: بسمات الشيخ)
|
أستاذة بسمات سلام ريحة الرغيف في المدن التركية لمان تفوح الدغش تحسسك انك عائشة في بلد حي. ترحمنك جد . وكمان لمان تطلعي الشارع وتتلفتي شمال يمين تترحمني زيادة. عليك الله يا بسمات لقيمات شنو وبمبان شنو ؟ . الرغيف التركي دا عجيب .
| |
|
|
|
|
|
|
Re: ريحة الرغيف في في تركيا تصحيك من النوم (Re: بسمات الشيخ)
|
أستاذة بسمات سلام في أمريكا في أسرة اسمها أسرة الطحان أسرة خلطة لبنانية سورية هاجرت لنيويورك سنة 1934 . و أسرة الطحان نقلت خبرتها في الطحين والمعجنات لأمريكا. الأسرة دي عندها مخبز حديث في ولاية نيو جرسي . مخبز 23 طابق يكفي ولايات الساحل الشرقي كلها. أعمال الأسرة وهي أسرة عربية مسيحية حصلت ليها مشاكل بعد ضرب مبني التجارة . داير اقوليك انو اهل المنطقة دي . سوريا ولبنان وتركيا . عندهم حضارة قديمة في صناعة الطحين. ومشهورين بيها وعندهم الخام حقها . يا بسمات الرغيف في تركيا عبارة عن حواشة كاملة. الفرنسيين والانجليز ديل خابرهم سحيحين وحاجاتهم شوية شوية . لكن هنا في تركيا الخير باسط. لو دايرة قفة شاورما قولي .
| |
|
|
|
|
|
|
Re: ريحة الرغيف في في تركيا تصحيك من النوم (Re: Osman Musa)
|
سلام ود موسي
والله ياخوي اتا طبقت مثلنا البقول حلم الجعان رغيفه ههههههههها
ياخ حدثنا عن جمال الطبيعه في تركيا والحتات الجميله بدل تساكك لي في الرغيف
وتعنصر الاتراك وافتخارهم بي لغتهم
اليومين دي انا واقع اتعلم في اللغه التركيه عندي النيه في زيارة اسطنبول
كدي ادينا جولة سياحيه علي الهوا كده يديك العافيه
ايقونلار يالحبيب
| |
|
|
|
|
|
|
Re: ريحة الرغيف في في تركيا تصحيك من النوم (Re: عمر عثمان عبد الوهاب)
|
الأخ عمر عثمان سلام جمال الطبيعة ؟ يا اخ عمر بدون ما تشم ريحة الرغيف التركي ما بتقدر تنط عشان تتمنظر في الطبيعة . اول حاجة بتهبش حاسة شمك ريحة الرغيف. وبعد شوية . وبعد ما تجبد نفسك حتي تلاقي نفسك ملتفت للطبيعة الخلابة وكرعين بنات الترك الملفوفات خلقة الخالق. .. تحياتي
| |
|
|
|
|
|
|
Re: ريحة الرغيف في في تركيا تصحيك من النوم (Re: Osman Musa)
|
الأخ منتصر سلام غايتو ما عارف السر العجيب في تدهور سعر صرف الليرة المستمر . لكن اقولك حاجة . تركيا الان فيها صادر ما حصل في التاريخ . صادر من جميع المنتجات للعالم . الدنيا كلها الان تشتري من تركيا. بعد ما قفلت الكتير من الصناعات في الهند والصين. بسبب الكورونا .
| |
|
|
|
|
|
|
|