|
|
|
 Re: ++الشوط الثاني من الثورة.. شوط المدربين++ (Re: Mutasim Idris)
|
Quote: في الشوط الاول دخلنا ب (تسقط بس) وفي شوطها
الثاني ح نغير طريقة الاداء (لاشراكة لاشرعة لا تفاوض).. |
يا معتصم ما عارف اذا الوقت مناسب وسط طوفان الحزن أم لا, لكن السؤال الذي تجاهلنا الاجابة عليه الشوط الاول وادى لما نحن فيه: ماذا بعد تسقط بس!
ارجو انو الناس تجهز لما بعد السقوط الثاني و الطريق يكون واصح و متفق علبه حتى لا ندخل في نفس الورطة
| |
  
|
|
|
|
|
|
|
|
Re: ++الشوط الثاني من الثورة.. شوط المدربين++ (Re: محمد البشرى الخضر)
|
سلام للجميع-
أتفق معاك ود البشرى الناس تكون جاهزة والمسألة دى ما صعبة ، صعب الموت الحاصل دا
ما يجوا يقولوا الإنقلاب كان مفاجأة أو استبسال الشعب السودانى من أول وهلة والشارع سبقنا وهزم
القتلة ونحن لسه ما أتفقنا.
تانى زى الكلام دا ما بينفع - اليوم الفيه الناس الفى مواجهة القتلة ديل تنتصر بإذن الله ياهم وزراءنا وأصحاب القرار
| |
|
|
|
|
|
|
|
|
|
Re: ++الشوط الثاني من الثورة.. شوط المدربين++ (Re: محمد البشرى الخضر)
|
Quote: يا معتصم ما عارف اذا الوقت مناسب وسط طوفان الحزن أم لا, لكن السؤال الذي تجاهلنا الاجابة عليه الشوط الاول وادى لما نحن فيه: ماذا بعد تسقط بس!
ارجو انو الناس تجهز لما بعد السقوط الثاني و الطريق يكون واصح و متفق علبه حتى لا ندخل في نفس الورطة |
راجع ليك يا ودالبشري بخريطة امكن تكون طريق 😃😃
| |
|
|
|
|
|
|
|
|
|
Re: ++الشوط الثاني من الثورة.. شوط المدربين++ (Re: Mutasim Idris)
|
الاخ ودالبشري سلامات..
اهم الاجابات هي رجوع العسكر لثكناتهم بعد غسل عارهم
واعادة (الشرف) بدماء الشهداء والجرحي السائل الان.
صعبة ما مستحيلة. المؤسسة العسكرية هي ام الكوارث
في الحياة السودانية سياسية كانت او حتي اجتماعية.
غياب العسكر عن المشهد السياسي بالكامل ح تنتهي
معاها الصراعات الحزبية او المسلحة لانه الصندوق ثاني
ح يكون هو الفيصل في الحياة المدنية الكاملة..
الشارع اسس القواعد مرتين.. مرة (بتسقط بس) والثانية
دفع بارواح عزيزة بريئة طاهرة للا شراكة و شرعية او
حتي تفاوض. يبقي الاحزاب السياسية تنفض يدها حقيقة
ما ذر رماد في العيون و تفعّل بيانها الاخير وتتواري عن
المشهد. وجودها حتما ح يطمّع العسكر في البحث عن
اتفاقات و وعود بمشاركة للإلتفاف علي ما اقترفوا بايديهم.
كل الديكتاتوريات السودانية بلا استثناء تمت بعد شيطنة
الاحزاب للعسكر, لدرجة اصبحت البرامج الانتخابية لكل
الاحزاب السودانية مجرد حبر علي ورق و دبابة العسكر
هي اقصر الطرق للكرسي. يعني المشاركة يا ود البشري
بتجري في شرايين احزابنا مع الدم..
حمدوك (سيد الاسم) او حمدوك (التجمع) يستلم مع شرعية
ثورية كااااملة الدسم (تحش) الوسخ الكيزاني من جذوره
يساعده فيها التشريعي الثوري بتمرير قراراته واهمها علي
الاطلاق هو جمع السلاح..
صعبة جداااا لكنها ممكنة..
يا ودالبشري مرض السودان هو سرطان توزيع الثروة والسلطة
وانسب وقت نتفق فيه علي نظام الحكم هو الان.
ولائي ام اقليمي لا مركزي..؟ بدستور او دساتير بما يتناسب
ويراعي كل منطقة حسب اثنياتها وتكوينها ثقافي او موروث.
اقاليم السودان الاربعة فيها من الثروات ما يكفي واشار اليها
السيد حمدوك (بالاحزمة الخمسة) يبقي السؤال نظام الحكم.
قضايا الشرق و دارفور ح تتحل بايدي ابنائها لما (غابت)الطلقة
من الطاولة. ثاني: لما تغيب الطلقة من الطاااااولة.
صعبة برضو لكنها ممكنة جدااا.
| |
|
|
|
|
|
|
| |
Mutasim Idris
محمد البشرى الخضر
هدى ميرغنى
فيس بوك
تويتر
انستقرام
يوتيوب
بنتيريست