|
|
|
 Re: المواكب الليلية .. يا المشنقة يا الزنزانة . (Re: Yasir Elsharif)
|
شكراً د.ياسر الشريف
الرسالة دى ثوار حي الرياض بالخرطوم ارسلوها للبرهان امبارح بالليل .
رسالة الي برهان
نحن ده عنقريبنا ختيناهو قبل الكفن في الشارع ، ماهو في البيوت
والموت عمره الشعب السوداني ما خافو و انت تعرف كويس
ونبشرك بعد مانكمل ست تعال احكمنا في القبور
لكن دحين قسما لن تحكمنا انت وعصابتك وجنجويدك
والفورة 40 مليون 🔥✌🏻
#الردة_مستحيلة
#مجزرة17نوفمبر
| |
 
|
|
|
|
|
|
|
|
Re: المواكب الليلية .. يا المشنقة يا الزنزانة . (Re: علاء سيداحمد)
|
الرحمة علي روح بتنا العزيزة "ست النفر":
تاريخ الاسم "ست النفر":
"نفر" واحيانا "نفرين"، كاسم هو اصل "نفرتاري" طبقا منطوق بالاغريقية كالعادة، وكقاعدة وبالتالي ده ما الاصل اي "نفرتاري.
الاصل دائما وابدا هو المتداول عندنا، مش المدون في كتب التاريخ، اللي صيغ باستخدام الاغريقية، الاعتمدت القبطية، مع تجاهل متعمد للاصل، اي لسان اهلنا نوبة اسوان، تاملو الخبث المكر والعنصرية في تبنيهم للقبطية وتجاهلم للاصل اي اللغة النوبية الكوشية ليثبتو نكتة الاصل الاري للحضارة !
لاحظو اقباط مصر كما اثبتنا في شريط فيديو مسجل لقبطية اي كوزة مسيحية، من فرط الغيرة بوصمو امنا "الست" ك"عبدة" تخيلو، من فرط الغضب لركوع بابوات الفاتيكان للست السودانية او مش لي قبطية!!!
"الست" من Auset هي اكبر شخصية نسائية في تاريخ البشرية كلها من حيث طول تاريخ او حجم النفوذ والتاثير، وهي تعادل "حواء" في الثقافة السامية، او فكرة ادم احوا، اصلا ماخوذ من ارثنا نحن.
البعض في امريكا عاد لعبادة هذه السودانية من اول او جديد كالهة، وهي في السودان لازالت من بعد السحل تقتل!!!
كنتيجة "Auset/الست" الان في السودان لقب متداول في بيوتنا، سابق لي اسم السودانية كما واضح كمثال في:
ست ريسة
ست نور
ست عاشة،
ست نصرة
اعلاه ديل اماتي او خالاتي، وهكذا وكما كل سوداني فتحتا علي الصيغة دي بتاع "الست" سابقة لي اسم امهاتنا.
اها تاريخيا اشهر الشخصيات في تاريخنا الشالن الاسم ده هي الملكة Nefertari زوجة الملك رمسيس الثاني الاسرة 19، وهي كانت من السودان الحالي، لانو الزواج من سودانية في الزمن داك كان هو مني كل من اعتلي عرش كمت اي "مصر" لان هذا يطفي نوع من الشرعية علي صاحب العرش.
رمسيس كان مشهور بي ولعو او هيامو بالسودانية "نفرتاري" كما جدو في الاسرة 18 امنحتب التالت، الكان مسكون بي حب السودانية الملكة التاية، حد الجنون!!
من باب الاحتفاء بالشهيدة ست النفر، سليلة نفرتاري، حننزل بعض الصور هنا، لي حبوباتا الملكن، وامتلكن هذا الكون وحدهن، لاشريك لهن، بطول وعرض عشرات الاف السنين.
علي روحك الرحمة يا اختاه.
| |
|
|
|
|
|
| |
علاء سيداحمد
Yasir Elsharif
Bashasha
فيس بوك
تويتر
انستقرام
يوتيوب
بنتيريست