|
كتب الكاتب الفاتح جبرا المتوفرة بمعرض الدوحة
|
|
 Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
في حاجة دراويش تجمع المهنيين ما قادرين يستوعبوها
موقف المجتمع الدولي هو دعم الوثيقة الدستورية ودعم شرعية رئيس الوزراء
دا الموقف الملتف خلفه المجتمع الدولي ومشدد الخناق على الانقلاب
المجلس المركزي للحرية والتغيير ما بيقدر يرفع سقفه أعلى من موقف المجتمع الدولي
والا سوف يتم اعتباره متعنت وسوف يخسر شرعية رئيس الوزراء
| |
 
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
دا الموقف السياسي
في الشارع الحرية والتغيير كتف بي كتف مع اي قوى ثورية اخرى
في مقاومة الانقلاب العسكري
اي نجاح في افشال الانقلاب العسكري سياسياً او على مستوى الشارع
هو لصالح الانتقال الديموقراطي
دا راي ودا موقف سياسي
اي جهة عندها راي تاني او موقف سياسي تاني يحب الا يتم التخوين
ويجب ألا يتم إحتكار الفعل الثوري او السياسي
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: Hatim Alhwary)
|
| Quote: المجلس المركزي للحرية والتغيير ما بيقدر يرفع سقفه أعلى من موقف المجتمع الدولي |
عكستها يا عبدالعظيم، ما عارف هل بسبب قصور نظرك وعدم فهمك ول لغرض خاص ومقصود
المجتمع الدولي ما بيقدر يرفع سقفه أعلى من الصوت الداعم للمدنية والديمقراطية داخل السودان.
الثورة لازم ترفع سقفها عشان المجتمع الدولي يقدر يرفع سقفه.
الشارع رفع سقفه والمجتمع الدولي عما قريب سيتجاوز قوى الحرية والتغيير ويرفع سقفه مع الشارع.
كلم قوى حريتك وتغيرك يواكبوا.
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: النورس الحزين)
|
أبداً ما عكستها يا حافظ
لكن نظرك القصير الما قادر تشوف كويس
خليني اوقعها ليك واحدة واحدة
الشرعية الدستورية هسي مع رئيس الوزراء ومع الوثيقة الدستورية
المكون العسكري الشريك عمل إنقلاب وخت شريكه المدني في السجن
وخت رئيس الوزراء تحت الاقامة الجبرية وقاعد يعبث بالبلد
وبصنع أمر واقع سياسي في ظل فراغ دستوري
الخطوة المهمة والممكنة (خر تحتها مية خط) هي عودة رئيس الوزراء لممارسة مهامه
وعودة الوضع الدستوري لما قبل 25 اكتوبر
دا موقف سياسي تطالب به الحرية والتغيير كهدف لافشال الانقلاب
ويدعمها في هذا المجتمع الدولي
بعد العودة لما قبل 25 اكتوبر
تتشكل لجنة تحقيق ويتحاكم قادة الانقلاب على جرائم القتل التي حدثت بعد
25 اكتوبر وعلى تقويض الوثيقة الدستورية
يعني عودة للوضع الدستوري قبل 25اكتوبو بدون قادة الانقلاب العسكري
فهمت اهمية التركيز على الهدف دا كمدخل لتصفية الانقلاب
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
عبدالعظيم سلامات..
Quote: تتشكل لجنة تحقيق ويتحاكم قادة الانقلاب على جرائم القتل التي حدثت بعد
25 اكتوبر وعلى تقويض الوثيقة الدستورية
يعني عودة للوضع الدستوري قبل 25اكتوبو بدون قادة الانقلاب العسكري
|
يعني نضيف ملف الجرائم الحاصلة هسسسسسي دي لملفات
اديب ولة نعمل لجنة جديدة لنج تحاكم لينا القاتل القاتل البرهان
والقاتل القاتل حميدتي؟؟ وهل بنفس (الوثيقة الشرعية)؟؟
بعدين (شرعية) الوثيقة ياتها؟ المجتمع الدولي فعلا عاوز
حمدوك لكن ما عشان (شرعيته) ولا شرعية الوثيقة..
هسي كدي قول رأيك شنو في موقف الحركات من القتلة
وجلوسهم معاهم في السيادي وانجاح انقلابهم.. ديل
انت معاهم في موقفهم دا بموجب استحقاقات (وشرعية)
سلام جوبا ولة بتعتبرهم خونة. لانهم شكلهم عادوا براهم
لقبل 25أكتوبر.. مووووش؟
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: Mutasim Idris)
|
لعبد العظيم عثمان
شارع متخيل ومتوهم صنعه ذهنه ـ شارع عبد العظيم مع الوثيقة والشراكة و كمان مكون عسكري
....
الشارع ضد الشراكة مطلقا ومع المدنية الكاملة ـ في كل مؤسسات الحكم
وحينما يصر قطاع من الشارع علي بقاء حمدوك فإن شرعيته في نظر هولاء
مستمدة من إرادة الشارع ومن كلمة الجماهير ـ فالشارع هو من يقرر ويملئ
ويفرض إرادته والمجتمع الدولي ويتبع ما نقرره نحن
ـ
منطق الدغمسة ووثيقة الدغمسة وخلونا نراعي للمجتمع الدولي
دا معناه العودة لوضع ماقبل 25 أكتوبر وهذا مايقوله كل وسيط
ـ عودة الشراكة وعصاة نايمة وإستمرار العسكر
وبعدين عشان حجم الكارثية في الوثيقة طالعوا الآتي
..
في ظل إي شراكة معقدة يتم إختيار لجنة تحكيم
......
arbitration committee
........
تتكون من وسطاء أوجهات قانونية أو قضائية
للفصل في إي نزاع أو خلاف ينشأ بين أطراف الشراكة
بالنسبة للشراكة بين المكون العسكري والمدني كان من المفترض التنصيص
علي الإحتكام للجنة تحكيم ـ وضع صلاحياتها ومدي إلزامية أحكامها في
باب منفصل بالوثيقة
وكان هذا يمكن أن يعالج إشكالية إي خرق أو نقض لأي من بنود الوثيقة
ومحاسبة الطرف أو الفرد المتجاوز
وكفالة الإعتراض والطلب بإبعاد إي فرد ـ قام بالخرق
المطالبة بإبعاد برهان وإستبداله لأنه خرق الوثيقة وهكذا
طلبك الآن وأنت مثبت علي الوثيقة بإستبدال برهان وغيره لاتعطيك الوثيقة صلاحية تسمح لك به ـ وليس هناك لجنة تحكيم بصلاحيات رسمية يمكن أن تدعمك فيه .
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: كمال عباس)
|
طز في الحرية والتغيير وطز في كل الاحزاب وطز في الحركات المسلحة.
شباب يضحي بحياته عشان تجو تتهنجكو في الكراسي.
الشارع الشايفينو دا ما بتبع لأي سجم فيكم.
بإذن الله الشارع ينتصر وما عايزين نشوف اي سجم من الفوق ديل
يحكموها الشباب الاعزل ديل البواجهو الرصاص.
قرفتونا الله يقرفكم.
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: Arif Nashed)
|
الخطاب بتاع طز في الاحزاب دا ياهو خطاب الانقلاب
بدون أحزاب حتعمل ديمقراطية كيف
الاحزاب كعبة نصلحها
نعمل احزاب جديدة
لكن قصة طز في الاحزاب وما عاوزين احزاب
دا خطاب الكيزان الفتحوا بيه الطريق لإنقلاب 1989
ونفس الخطاب دا زاته فتحوا بيه الطريق لانقلاب 2021
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: Arif Nashed)
|
تجمع المهنيين السودانيين
#بيان حول ممارسات المجلس المركزي لقوى الحرية والتغيير
أصدر ما يسمى المجلس المركزي لقوى الحرية والتغيير بيانًا مؤسفًا بتاريخ الأمس 14 نوفمبر 2021، يؤكد انفصامه الكامل عن الواقع وعن نبض الشارع والقوى الثورية المقاومة للانقلابيين ويبدي تهافت هؤلاء للعودة لشراكة القتلة بلا وازع أو ضمير، ووجب علينا توضيح الآتي:
- لم يشارك تجمع المهنيين السودانيين في الاجتماع الذي تحدث عنه بيان ما يسمى بالمجلس المركزي، الذي يمارس التشويش والكذب الصريح باستخدام اسم التجمع في البيان لأغراض مشبوهة ومضللة تنسف كل ما يقال عن تعلمهم الدرس أو أهليتهم للعمل مع قوى الثورة. مواقف تجمع المهنيين معلنة في منابر التجمع الرسمية وصفحته الموثقة ويقف في قلب قوى الثورة التي ترفض أي مساومة أو عودة للوراء.
- موقف تجمع المهنيين السودانيين من ما يسمى المجلس المركزي لقوى الحرية والتغيير بسحب اعترافه بهذا المجلس موثق ومعلن منذ 25 يوليو 2020، فارق هذا المجلس والقوى المنضوية تحته خط الثورة والقوى الثورية وتورط في الشراكة المعيبة مع الانقلابيين طمعًا في محاصصة المناصب والحصول على امتيازات لا تمت للثورة وأهداف الشعب السوداني في شيء، وما زال يمارس ألاعيبه في تقسيم قوى الثورة ومحاولات استخدامها لتمرير أجندته الخانعة والغادرة بتطلعات شعبنا ونضالاته.
- موقف التجمع من الانقلابيين معلن وهو رفضهم التام، والطريق الوحيد هو إسقاطهم والتأسيس للسلطة الوطنية المدنية الانتقالية الكاملة النابعة من القوى الثورية والمتمسكة بأهداف التغيير الجذري وثورة ديسمبر المجيدة، ولسنا جزءًا من أي دعوات للتسوية أو العودة للوراء، بل نعتبرها خيانة خسيسة لثورة الشعب وتطلعاته.
- تجمع المهنيين السودانيين يدعو لتكوين الجبهة الثورية الواسعة لإسقاط انقلاب المجلس العسكري المجرم، وتأسيس السلطة الوطنية المدنية الانتقالية الخالصة من قوى الثورة الملتزمة بلاءاتها الواضحة (لا تفاوض، لا مساومة، لا شراكة)، وهي جبهة محمية ضد الاختطاف والتزوير والنكوص، تتكامل فيها أدوار القوى الثورية القاعدية ممثلة في لجان المقاومة بالأحياء والفرقان والقوى النقابية للمهنيين والعمال والحرفيين والمزارعين والأجسام المطلبية، جبهة لا تنحرف عن مسار التغيير الجذري وأهداف ثورة ديسمبر في القطيعة مع عهود الظلم والاستغلال، وتؤسس لدولة المواطنة والحقوق والحرية الكاملة والسلام المستدام والعدالة الشاملة.
إعلام التجمع
15 نوفمبر 2021
#لاتفاوض_لاشراكة_لاشرعية
#مجزرة13نوفمبر
..
عبدالعظيم يا كوز
بتحلموا لما عاوز ترجع لما قبل ٢٥ اكتوبر
عاوزين تتوزروا تاني،
وتحكموا،
ياخ بيانكم بتاع قحت الاخير دا سبة في وجهكم
..
الشعب متجاوزكم بمراحل لقيتوا فرصة وضيعتوها بغباكم
وتاني مافي
انتظروا الانتخابات يا وهم،،
..
قحت نكبة السودان،
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالمنعم الطيب حسن)
|
لغاية قبل اعلان المجلس السيادي الجديد انا كنت بقول كلامك دا يا عظمة, الاحزاب تشتغل شغلها و الشارع يعلي السقف في النهاية كلو في صالح دحر الانقلاب
لكن بعد اعلان المجلس الجديد كدا رفع القاتل البرهان الحرج عن الحرية و التغيير, خلاص كدا الغى الوثيقة رسميا وحل قحت من التزامها و العالم قرا الموضوع دا كدا
تاني لا حجة في رايي للحديث عن الوثيقة و الشراكة فقط الحديث عن الشرعية التي يمثلها حمدوك و يدعمها الشارع
اما اجتماع امس و البيان الفضيحة فا سمعنا حتى احزاب في قحت اتفاجأت بيه و اتهمت تيار برمة ناصر في الامة باختطاف اصوات الجميع و الحديث عن توافق مع ناس مناوي الرافضين حتى تسمية ما جرى بانقلاب!
بعدين شنو الاجسام الهلامية الوقعت دي؟ من وين نكتو ليكم حاجة اسمها نساء الحرية و التغيير - نحت! عاد دا كلام دا, بعد شوية تعالوا لينا بي رجال الحرية و التغيير - رحت, و شباب الحرية و التغيير - شحت, و وليدات الحرية و التغيير - وحت!
ثم من حق التجمع رفض اختطاف اسمه و التوقيع به, اي جهة عندها راي في الانتخابات التمت ما ليها حق غير تعترف بيها او تصم خشمها لكن ما من حقها اختطاف اسم التجمع و التوقيع به.
| |
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: محمد البشرى الخضر)
|
ما ياهو يا ود البشرى شرعية حمدوك هي شرعية الوثيقة الدستورية
وقوى الحرية والتغيير هي من رشحت حمدوك
ما بتقدر تقول رجعوا لينا حمدوك لكن الحرية والتغيير ما عاوزنها
العساكر اصلاً شغالين على السيناريو دا ليهم ثلاثة اسابيع
أصلاً هم عملوا الانقلاب عشان يطلعوا الحرية والتغيير من السلطة
بكل مستوياتها ويحتفظوا بي حمدوك وبالحركات المسلحة
عودة الوثيقة الدستورية هي أولى خطوات افشال الانقلاب
بدون عودة الوثيقة الدستورية تبقى فقط خيار المواجهة المفتوحة واسقاط الجميع
ودي فاتورتها باهظة جداً
عودة الوثيقة الدستورية للعمل وإفشال الانقلاب هو الخيار الأقل كلفة
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: علاء سيداحمد)
|
| Quote: شرعية حمدوك هي شرعية الوثيقة الدستورية |
اقرا الشارع صاح يا عظمة!
الحجة كانت الشرعية و المجتمع الدولي, خلاص وضح الآن انو المجتمع الدولي عايز حمدوك بالاسم و الشارع ما عنده مشكلة معاه
طالما الانقلابيين ح يمشوا ودا المهم انتو رجعتكم للسلطة ما بتهم زول غيركم
خلاص بالله step down و اشتغلوا مع الشارع ما في داعي تمسكوا الدركسون.
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: محمد البشرى الخضر)
|
الموضوع ابداً ما هو عودتنا للسلطة
ترجع الوثيقة الدستورية
وترجع لجنة إزالة التمكين
وترجع لجنة التحقيق في جريمة فض الاعتصام
الكلام الفوق دا حيرجع مباشرة مع عودة الوثيقة الدستورية
عودة الاحزاب للمشاركة في الحكومة بكوادرها دي ما في زول شغال بيها الآن
الناس البيقولوا لا لعودة الوثيقة الدستورية
اذا سألتهم حنعمل شنو مع تمكين الكيزان ما عندهم اجابة
اذا سألتهم نعمل شنو مع المجرمين الارتكبوا جريمة فض الاعتصام
ونعالج موضوع لجنة نبيل اديب كيف ونخليها لجنة فعالة تشتغل حتى محاكمة القتلة
عودة الوثيقة الدستورية كخطوة اولى بيساعد في تدعيم ما كان ايجابي
ومعالجة السلبيات وفقاً لشرعية قائمة
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
عبد العظيم عاوز يعيد الوثيقة ـ بكل مؤسساتها ومشاركتها وعلاتها
وبما تحويه من سلطة مدنية منقوصة
وحزبه التجمع الإتحادي يقول إنه مع السلطة المدنية الكاملة بكل المستويات
والسلطة المدنية الكاملة تعني ـ عدم مشاركة العسكر في إيا منمستويات الحكم
-- وبالمناسبة لجنة التفكيك ولجنة التحقيق في المجزرة يمكن تبقي وتطور ويمكن معالجة خلل السلطة القضائية ـ يعني يمكن البناء علي الإيجابي
ودا كلو يمكن أن تقوم به السلطة المدنية الثورية
أما تمرير المشاركة والمكون العسكري مقابل إستمرار لجنة التفكيكك
فهذا إبتزاز ودس السم في الدسم
ثانيا عودة حمدوك
فالشارع أو قطاع منه لايربطها بعودة المشاركة وإنما يربطها بسطوة الشارع وشرعية الثورة ودا أنا لخصتو هنا
.. Quote:
الموقف الثالث ـ وهذا موقف جدير بالتأمل
A- دا موقف يقول فلتذهب الوثيقة والشراكة والمكون العسكري للجحيمفلنرجع لمحطة ماقبل الشراكة
ـ وشرعية الثوار ـ نحن الثورة والتغيير وسلطة التشريع ـ فلنواصل المعركة ـ ولنلتف حول حمدوك ـ كراية ونقطة
إرتكازفلتستمد شرعيته وسلطته منا ومن الواقع الثوري الجديد ـ ديل بتمسكو بحمدوك لأنو هم عاوزين كدة ودي إرادتهم ورافضين للعسكر بقرارهم
وإرادتهم بلا ـ إي سلطة أو سطوة لوثيقة أو وثاق......... |
..
أما موقفي الشخصي فتجده هنا
Quote:
تجاوز الوثيقة ومابني عليهامن مؤسسات ، طرح مشروع جديد ووثائق جديدة وإلتفاف وتجمع ثوري وسياسي جديد
ـ يؤسس لمؤسسات مدنية خالصة ـ وحكومة تكتسب شرعيتهامن هذا الوضع ـ الجديد ممكن أن يرأسها حمدوك وخلافه دي نقطة الإرتكاز المحوري الجديد ـ
إلتفاف حول مشروع تغيير ثوري |
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
ميزان القوة تغير ، وخارجياً ايضاً.
الجيش والجنجويد موقفهم اقليمياً قوي
بسبب متغيرات في مناطق القتال الارتزاقي.
امريكا رغم تأييدها للثوار الا ان أمن حلفائها
الاقليميين مهم. القاتل البرهان اخطأ في قرأة الداخل
ظن ان الحرية والتغيير هي الشارع ، الحرية
والتغيير في موت سريري اما الشارع ف حي
و شرار .
الوحيد ال عليه اجماع هو حمدوك .
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: اخلاص عبدالرحمن المشرف)
|
مسئولة الشئون الافريقية فى وزارة الخارجية الامريكية ستصل الخرطوم غداً لبحث ازمة الحكم فى السودان
وستجتمع اولاً مع قوى الحرية والتغيير ..
يا عبدالعظيم لو عندك اي وسيلة تواصل مع اي جسم من اجسام قوى الحرية والتغيير اوصل ليهم رسالة واضحة
وهى تجاوز الوثيقة الدستورية وتجاوز مشاركة العسكر فى الحكم وعودة حمدوك .
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: علاء سيداحمد)
|
نمشي اي قدام ونخت الأصبع على الجرح
تجمع المهنيين قبل ايام طرح ميثاق وفيه إختيار رئيس وزراء جديد
غير رئيس الوزراء الشرعي المحتجز لدي سلطة الانقلاب
دي طعنة في ظهر رئيس الوزراء وهو يدافع عن شرعية الانتقال
ويقاوم كل الضغوط التي يتعرض لها من قبل العساكر وهو رهينة عندهم
انتو خطفتوا تجمع المهنيين عشان تعوسوا العواسة الغير أخلاقية دي ..
كرد فعل لبيان المجلس المركزي للحرية والتغيير
ايضا كال تجمع المهنيين بتاع الشيوعي السهام الهجوم
على قحت والتي حل قياداتها في المعتقل وتتم عملية مطاردة من تبقى منهم
خارج المعتقل
من من تجمع المهنيين بتاع الشبوعين تم إعتقاله؟
ويعتقلوهم لشنو أصلاً
الخرمجة القاعدين يسوا فيها دي الانقلابيين ما قادرين يعملوها
الطعنات التي يوجهها تجمع المهنيين بتاع الشبوعين الشق المدني
في السلطة عجز عنها الفلول
عشان كدا هم قايمين بدور كبير في خدمة الانقلاب
اسمعوا الكلام الصعب دا وابلعوه وراجعوا مواقفكم
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
افتحوا كل القنوات الفضائية شوفوا الخدمة القاعد يقدمها
تجمع المهنيين بتاع الشيوعي للإنقلاب والانقلابيين
كلما الشارع يتحرك ويضغط بموقف قوي
يطلعوا ديل يهاجموا في المجلس المركزي للحرية والتغيير
او يطرحوا ميثاق ورئيس وزراء جديد
ياخي التشويش دا وشق الصف دا
الانقلاب وسلطتة ما قدر يعلموا
غايتو بلوة كبيرة وحتقود لخسارة كبيرة للثورة في مواجهة الانقلاب
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
عبد العظيم
عبد العظيم
Quote:
تجمع المهنيين قبل ايام طرح ميثاق وفيه إختيار رئيس وزراء جديد
غير رئيس الوزراء الشرعي المحتجز لدي سلطة الانقلاب
دي طعنة في ظهر رئيس الوزراء وهو يدافع عن شرعية الانتقال |
...
كضبا كاضب الموضوع طرح مقترح للنقاش ـ قابل للإختلاف والإتفاق والتعديل !
ثانيا وجود بعض وجود عناصر قوي الحرية والتغيير في المعتقلات لايضفي
إي حصانة أو قدسية لمواقف قحت ـ
بيان قحت أمس و الذي يتحدث فيه عن العودة للوثيقة والمشاركة خلافي وللآخر
الحق المشروع في الإختلاف ـ معه والإعتراض عليه ولايمكن مصادرة هذا الحق
بدعوي أن بعض عناصر قحت معتقلة ــ ياأخوانا ـ باركوها وخلوها مستورة
ـنحن عندنا ناس معتقليين ـ لذا أبصمو علي كل مانقوله !
ماذا الشهداء والجرحي الذين وقفو ضد العسكر والمشاركة؟
...
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: كمال عباس)
|
سؤال يا كمال عباس
لماذا لا تعتقل سلطة الانقلاب تجمع المهنيين بتاع الشيوعين
ويتحرك متحدثه يتحدث من الخرطوم للقنوات الفضائية
بينما تطارد محمد ناجي الاصم وتعتقله ؟
تحسباً لانك ممكن ما تجاوب
ببساطة لانه تجمع المهنيين بتاع الشيوعين قايم بي دور
كبير في خدمة الانقلاب
مشغول بالهجوم على المجلس المركزي للحرية والتغيير
وهو نفس المجلس المركزي الذي يعتقل برهان قياداته
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
عبد العظيم
Quote: لماذا لا تعتقل سلطة الانقلاب تجمع المهنيين بتاع الشيوعين
ويتحرك متحدثه يتحدث من الخرطوم للقنوات الفضائية
بينما تطارد محمد ناجي الاصم وتعتقله ؟
تحسباً لانك ممكن ما تجاوب
ببساطة لانه تجمع المهنيين بتاع الشيوعين قايم بي دور
كبير في خدمة الانقلاب
مشغول بالهجوم على المجلس المركزي للحرية والتغيير
وهو نفس المجلس المركزي الذي يعتقل برهان قياداته |
,,,
من خدم العسكر هو من وقع معهم هذه الوثيقة المعطوبة
وهو من جعلهم يهيمنون علي ملفات والسلام
ومن سمح لالقاتل حميدتي أن يتبوأ منصب نائب رئيس مجلس السيادة بلا سند دستوري
ـ وهو من سمح لبرهان بأن يتجاوز صلاحياته ويتصرف كرئيس جمهورية
ومن كان يطبع معهم إجتماعيا ويدعو القتلة لإفطار رمضان
والان وبعد هذا كله
يقول عبد العظيم للعسكر ـ نحن البينا عامرة
نرجع للوثيقة والشراكة والمكون العسكري
ـ المكون العسكري يعي أن من يهن يسهل الهوان عليه ويعرف أن عبد العظيم ـ عاوز مشاركة الكراسي لذا يضغط عليكم ويقرص إذانكم كتجمع إتحادي بالإعتقال
حتي يحقق مطلبه أما من يرفض الوثيقة ومشاركة العسكر فهذه معركة كسرالعظام فهذه معركة مؤجلة ستكون فيها بيوت أشباح وتعذيب وتصفيات جسدية ــ
...
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: كمال عباس)
|
بالله عليكم شوفوا المحنة البتمر بيها الثورة السودانية
مانشيت عريض من الصباح في اغلب المحطات الفضائية
(تجمع المهنيين يهاجم المجلس المركزي للحرية والتغيير ويتهمه بالكذب والتشويش )
تخيلوا وقع الكلام دا على الثوار والنت مقطوع منهم ومجبورين يتابعوا القنوات الفضائية
الكلام دا يعني شنو ؟ هل عنده توصيف آخر غير شق الصف ؟
تخوين وتخريب للحراك الثوري ومحاولة احتكار الشارع
وفي النهاية المستفيد العسكري الانقلابي
لسة موضوع ما يحدث في لجان المقاومة حأتكبم عنه في بوست منفصل
عشان تعرفوا شغل شق الصف واضعاف الكتلة الثورية
والله لا اخشى على هذا الشارع إلا من وصاية بعض المتفلتين الشبوعين
لا اخشى على الشارع من الفلول ولا من العسكر ولكن الخوف
من الشغل الوسخان القاعد يتم الان من قبل بعض المتفلتين من الشيوعين
انا وصفتهم بالمتفلتين عشان ما ارمي اللوم على الحزب الشيوعي
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
عبد العظيم
سيبك من مشاركة ومكون عسكري ووثيقة وكلام فارغ
التيار الجماهيري اللي متمسك ما متمسك بيهو علي أساس "شرعية" الوثيقة الدستورية وإنما إستنادا علي الشرعية الثورية وإرادة الجماهير
قول للعسكر
فقط إفهموا أن لا وثيقة أو وفاق ولا حقيقة أو نفاق
تخفي عن الأطفال عورة من دفنتم مِن رِجال
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: كمال عباس)
|
د.أحمد عثمان عمر-الدوحة-قطر
مما قمنا وشفنا الشارع
قلنا الشارع هو البيعلم
و قلنا الشارع اقوى سلاح
نبض الشارع هو البيحكمنا
هو البيوري طريق الصاح
(١)
اطلعت على بيان قوى الحرية و التغيير المسيطر عليها تماما من قبل التيار التسووي الذي أنجز الوثيقة الدستورية و قنن الشراكة مع العسكر، و اتضح لي بكل أسف أنه غير راغب في الاعتراف بخطأ إبرام الشراكة بل راغب بوضوح في العودة إليها. فبالرغم من أن البيان تم ابتداره بحديث عن إسقاط الانقلاب ، إلا أن الاستمرار في قراءته يوضح بأن قوى اعلان الحرية و التغيير راغبة في إسقاط الانقلاب لاستعادة السلطة المدنية كاملة غير منقوصة، عبر التمسك بالوثيقة الدستورية و تعديلاتها و اتفاقية سلام جوبا أيضاً!!!
(٢)
و السؤال المؤرق و المحير هو كيف يتم استعادة السلطة المدنية كاملة غير منقوصة، بالتمسك بوثيقة أسست لشراكة ، و مكنت المكون العسكري ( اللجنة الأمنية) من السلطة، و جعلت له اليد العليا، و أخرجته من دائرة الإصلاح و كرست اقتصاده الموازي اقتصادا حاكما للدولة بالتبعية. فالوثيقة الدستورية الكارثية، نصت بوضوح في المادة (٧١) منها ، على أن أحكامها استمدت من الاتفاق السياسي بين المجلس العسكري الانتقالي ( مجلس انقلاب القصر أو اللجنة الأمنية)، و قوى اعلان الحرية و التغيير، و قسمت السلطة قسمة ضيزى بينهما في مجلس السيادة و مجلس الوزراء و المجلس التشريعي. و هي بإختصار دستور منحة يؤسس لشراكة بين عسكريين و مدنيين، لا لمدنية كاملة غير منقوصة. و بما أن الادعاء بأن التمسك بها يشكل عودة كاملة غير منقوصة للمدنية حسب منطق البيان، نبقى في انتظار قوى الحرية و التغيير لتشرح لنا هذه المسألة العميقة التي استعصت على افهامنا!!!
(٣)
التمسك بالوثيقة الدستورية المعيبة ، يعني و بصفة حتمية التمسك بشراكة الدم بالتبعية، التي تمثل لحم و سداة هذه الوثيقة، و بإتفاقية سلام جوبا و تعديلات الوثيقة و بالتبعية مجلس الشركاء!!!!
لذلك يستحيل القول بمناهضة الانقلاب عبر التمسك بالوثيقة الدستورية التي انقلب عليها الانقلابيون، و التي قننت انقلابهم الاول ( انقلاب القصر) و الشراكة معهم.
فالتمسك بالوثيقة الدستورية ليس فيه اي تحمل للمسئولية عن الخطأ ، بل إصرار على الاستمرار في الخطأ الرئيس و المركزي، و هو الشراكة نفسها.
و السؤال الذي يبقى بلا إجابة حتى الآن أيضا هو : كيف ستناهض قوى اعلان الحرية و التغيير الانقلاب، و هي تنادي بالعودة إلى الشراكة مع من نفذوه و هم الطرف الآخر في الوثيقة الدستورية؟
كيف ستتم محاسبة الانقلابيين على انقلابهم، بل كيف سيتم استبعادهم من الشراكة اصلا في حال العودة للوثيقة الدستورية الكارثية؟ أليس القاتل القاتل البرهان بصفته المنتحلة ( القائد العام) هو الوحيد المتحكم في استبدال العسكريين في مجلس السيادة في حال خلو المنصب وفقا للمادة (١٤-٢) من الوثيقة الدستورية المقدسة؟ و اذا كان ذلك كذلك، كيف ستتم محاسبته و انتزاع تمثيل القوات المسلحة منه بالعودة للوثيقة ذات السر الباتع؟
(٤)
التمسك بالوثيقة الدستورية يعني ما يلي حرفياً:
أ- التمسك بالشرعية المستمدة من المرسوم رقم (٣٨) لسنة ٢٠١٩م الصادر من قبل انقلاب القصر و المنشور بالجريدة الرسمية.
ب- تقنين و شرعنة انقلاب القصر عبر الاعتراف بالمراسيم الدستورية التي اصدرها كاملة وفقا للمادة (٢-٢) من الوثيقة الدستورية، و منها المرسوم الذي أعفي مليشيا الدعم السريع من الخضوع لقانون القوات المسلحة.
ج- استمرار شراكة الدم المقننة بالمادة (٧١) من الوثيقة مع استحالة تغيير العسكريين و استحالة محاسبتهم على انقلابهم. على العكس ستتم مكافأتهم.
د- تكريس الاعتراف بالدعم السريع كجسم مكافئ للقوات المسلحة وفقا للمادة (٣٥-١) من الوثيقة و استحالة دمجه .
ه- اخراج الأجهزة العسكرية من دائرة الإصلاح لأنها مكلفة بإصلاح نفسها بنفسها وفقا للمادة (٨-١٢) من الوثيقة الدستورية. و بالتبعية تقنين اقتصادها الموازي الذي ابتلع اقتصاد الدولة و قدره رئيس الوزراء الأسير د. حمدوك ب ٨٢٪ و هو في الحقيقة أكثر.
ما ورد أعلاه على سبيل المثال فقط، و السؤال لقوى الحرية و التغيير، كيف سيقودنا التمسك به إلى عودة كاملة غير منقوصة للمدنية؟
(٥)
من البادي للعيان، أن التمسك بالوثيقة الدستورية لن يقود ابدا إلى دولة انتقالية مدنية بل إلى شراكة يتحكم فيها العسكريين، و التجربة خير برهان. فبكل اسف، تريد قوى الحرية و التغيير أن تعيدنا إلى بيت طاعة العسكريين، و إلى التسوية السياسية التي أنتجت شراكة الدم، بتقديم تنازلات مجانية للانقلابيين، في وقت مطالب الشارع و شعاراته واضحة ، و استعداده لمواصلة النضال حتى إسقاط الانقلاب و إقامة دولة مدنية كاملة غير منقوصة. فشعار ( لا تفاوض ، لا شراكة، لا شرعية) متفق عليه بين كل الثوار في الشارع بما فيها قواعد هذه القوى التي تدعو إلى العودة إلى الشراكة، و التمسك بالوثيقة الدستورية، بل و التمسك بإتفاق جوبا الذي انبنى على وثيقة أبوظبي و مشروع دولة الإمارات العربية في السودان . و الصحيح هو تبني موقف الشارع الداعي لإسقاط الانقلاب و بناء دولة مدنية خالصة دون شراكة دم، استنادا إلى اعلان سياسي جديد و وثيقة دستورية جديدة.
(٦)
بكل أسف دعوة قوى اعلان الحرية و التغيير للتمسك بالوثيقة الدستورية المخالفة مباشرة لموقف الشارع السياسي الرافض لهذا التمسك، و هو يهزم بدون شك الدعوة لتكوين جبهة عريضة لإسقاط الإنقلاب، لأن الجبهة يجب أن تكون استنادا إلى اعلان سياسي ينادي بمدنية خالصة، و وثيقة دستورية جديدة تؤسس لهذه المدنية، أعمالا لإرادة الشارع، بدلا من تجاهله و المطالبة بالتمسك بالوثيقة الدستورية في محاولة لإرضاء المجتمع الدولي، في استمرار محزن للنظر إلى الخارج و التبعية له، و تجاهل لإرادة الشعب.
على قوى الثورة الحية السائدة في شوارعها بناء وحدتها استنادا لرفض الشراكة و وثيقتها الدستورية المعيبة، و العمل على بناء دولة انتقال مدنية خالصة.
و قوموا إلى ثورتكم يرحمكم الله!!
١٥/١١/٢٠٢١
| |
|
|
|
|
|
|
|
|
 Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
ياخي إختشوا على دمكم شوية ..
إنتو الشقيتو الشارع الثوري منذ وثائقكم المهلهلة..وتسابقكم للتفاوض مع العسكر
وحجكم غير المبرور لدول المحور .
أنتم خونة، ومشاركين أصيلين في كل الجرائم التي سفكت دماء الشباب ولا تزال ..
مراهقة سياسية وأطماع في الكراسي وعمالة تافهة..
وأخرجتم أقاليم كاملة من معادلة الثورة واشتغلتم فينا تخوين يا فلول يا عبدة المناصب وصراعات الكراسي والمحاصصات.
غوروا في داهية الله لا جاب باقيكم.
رجعتونا لمربع واحد ..وخليتو الشعب يبدأ الثورة من جديد.
قلت لي التكلفة حا تكون باهظة؟
طبعا باهظة..ونحنا لينا سنتين ونيف بندفع تمن باهظ في شرق السودان..
وانتو شانين علينا حرب إعلامية بقصد تركيعنا واستبدالنا بحلفائكم وحلفاء محوركم من الأجانب..
ولكن هيهاااات.
إصرخوووا ..إصرخوا لسه..
أما المعتقلات فهي مكانكم الطبيعي.
ولسه..
سنرفع عليكم قضايا عندما نستعيد ثورتنا..
وسيكون مكانكم حيث تستحقون..يا خونة.
ضيعتم الشرعية الثورية من قولة تيت..وحين كان لا يزال الثوار
في الميدان ..
لازم تعرفوا إنه أي قطرة دم سالت من بداية تفاوضكم الإعتباطي ووثائقكم المهلهلة..أنتم شركاء فيها.
| Quote: وقوى الحرية والتغيير هي من رشحت حمدوك |
ومن الذي رشح ما تسمى بالحرية والتغيير؟!
أنا غايتو ما رشحتكم..ههههه
وثيقتكم المهلهلة دي ومعاها وثيقة سلام جوبا..بلوهم وأشربوا مويتهم
وأسقوا معاكم دول الجوار والمحاور ..
قلت لي المجتمع الدولي..وشق صف ..والشارع ؟
أمشوا إشتكوا الشارع ل(الترويكا)..هههه
وبعدين إنتو بتحلموا يا قحاتة وللا بتستعبطوا..
لسه عايزين تغشونا إنكم حا تقدروا بوثيقتكم وبشراكتكم تحاكموا
القتلة ؟!
كيف ؟!
وماهي الآلية..الحا تقدروا تقبضوا بيها القاتل البرهان والقاتل حميدتي..
ومن إنضم لهم من حملة السلاح ..وكذلك أصحابكم الإريتريين العملتو ليهم مسار الشرق وجبتوهم ولاة؟!
مفترض كل الأحزاب الشاركت في المهزلة دي تخرس خااااالص..
وأوعى تقولوا ما حذرناكم من السيناريو دا ..
فكله موثق ومكتوب على السايبر والوسائط .
فبطلوا جقلبة.
ونحنا الحا نتصرف المرة دي ..
تاني قيادة شارع ليكم بح ..ولا حتى زقاق بيتكم .
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: AMNA MUKHTAR)
|
بالله شوفوا البتكلم منو
انتي ما بتخجلي
بعد ما وقفتي مع الامنجية والفلول والكيزان ضد الحكومة الانتقالية
ترك وكل من ناصره جزء من ترتيبات الانقلاب
انتي مفروض تخرصي خالص
لكن بي وين جاية بلا خجل وكمان عاوزة تتكلمي عن الثورة وصف الثورة
الشارع دا حقنا وياهو السقطنا بيه عمر البشير
وحنسقط بيه إنقلاب القاتل البرهان
سجون ومعتقلات الانقلاب هي مكان الشرفاء من الثوار
امشي شوفي ليك شغلة اقضيها
طلعتوا كرت محروق وناصرتوا الانقلاب ضد الشعب السوداني
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: عبدالعظيم عثمان)
|
وانت السادق..الأمنجية والفلول هم أنتم الشاركتم شراكة الدم ..
وتآمرتم مع( الثورية ) لتفرضوا علينا كيزان إريتريا..
وكنتم( تتسولون) العودة للشراكة لغاية أمبارح دي ..
حين نحنا سبقنا كل الشوارع بمتاريسنا..كما فعلنا في بداية الثورة.
وأنتم كانت أسكرتكم السلطة..وكنتم تتآمرون وتحنسون العسكر لضربنا.
مكانكم هو السجن ..مع القتلة يا شركاء الدم .
عليكم الله ضميركم ما بيؤنبكم على قطرة دم سالت..
لماذا كان الشباب يقتلون وأنتم في السلطة؟!!
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: AMNA MUKHTAR)
|
ياجماعة الكوز الامنجي دا
المسمي نفسو عبدالعظيم (الاسم سالم..)
في زول بعرفو
من حلتم مثلا
لاقاهو في دراسة
او عمل.
بهذا الاسم وهذه المواقف.
...
كونها لحظة مفصلية من تاريخ البلد والقتل الممنهح
ومستهدف شباب بعينهم..
..
في الانتظار..
انه وقت كشف كل المستور ومغتغت وفاضي وخمج..
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: طلعت الطيب)
|
الله يديك العافية يا طلعت
Quote: كيف نستطيع أن نحافظ علي وحده
الصف ؟
هذا هو التحدي الكبير الذي يواجه
الحركه السياسيه السودانيه؟ |
أنا أقول ليك
نبدأ من منبرنا دا
نتعلم نتحاور في قضايا محددة
(وقد تحددت بوضوح, وظهر للعيان وجهات النظر المختلفة حولها)
نتحاور بهدوء بدون تبادل الإتهامات وتخوين الآخر صاحب وجهة النظر المختلفة وشيطنته
المهم
أننا في قلب معركة لم تنتهي بعد
علي قدر الإنتصارات التي نحققها نحن قوي الثورة علي أرض الواقع
علي قدرها نستطيع أن نفرض شروطنا
طيب شروطنا شنو؟؟؟؟
في حدها الأعلي مدنية كاملة غير منقوضة
محاكمة المجرمين من قادة الإنقلاب
تصفية وتفكيك الإنقاذ
تأسيس مؤسسات الدولة المدنية من عدلية وقوات مسلحة وأمن
علي أساس مدني وديمقراطي وبكل الشفافية الممكنة
والسعي لإنتخابات حرة نزيهة في نهاية الفترة الإنتقالية
ممكن نقبل بحد أدني من ذلك ؟
زي شنو؟ زي مشاركة العسكر في مجلس سيادي إسمي يرمز ولا يحكم ؟؟؟؟
دي بننظر فيها وفقا لتطور المعركة بيننا نحن الشعب السوداني وقواه الثورية
وبين قوي الردة والظلام والتخلف
عندما تكون لدينا معرفة دقيقة بموازين القوي
وحدة قوي الثورة ضرورية لإحراز نجاحات وتقدم في المعركة الدائرة الآن
سلاحنا الأقوي هو وحدتنا
سلاحنا الاقوي هو وحدتنا
متي عرفنا ذلك فلنرجع للحوار للوصول لإتفاق حول أنسب التاكتيكات في هذه المرجلة
الشعب اقوي والردة مستحيلة
| |
|
|
|
|
|
|
|
|
|
Re: تاني يا تجمع المهنيين جناح الحزب الشيوعي ( (Re: Nasr)
|
الحقيقة التي لاجدال فيها
أن لجان المقاومة وتجمع المهنين والحزب الشيوعي
ينطبق قول الشاعر
أغشي الوغي وأعف عند المغنم
من أكثر الثوار صداما ومقاومة وأقلهم مساومة أو طلبا لكرسي
وهاهي التنظيمات الأخري ـ ونتمني لها الثبات ـ تدعو لما جرم فيه البعض تجمع المهنين ـ
| |
|
|
|
|
|
|
| |
عبدالعظيم عثمان
Hatim Alhwary
Hafiz Bashir
النورس الحزين
علاء سيداحمد
Mutasim Idris
كمال عباس
Arif Nashed
عبدالمنعم الطيب حسن
محمد البشرى الخضر
AMNA MUKHTAR
طلعت الطيب
Nasr
فيس بوك
تويتر
انستقرام
يوتيوب
بنتيريست