|
|
|
 Re: تلوث الجو (Re: اخلاص عبدالرحمن المشرف)
|
تلوث علي جميع الاصعدة
تفتح التلفزيون يجيك ناطي التوم هجو
اهو ده تلوث اس دشلومية ، يا ناس
هو النوم ده عندو تؤام ، غايتو واحد
لوث عقولنا والبعض جاتو لوثة عقلية
من وجوده .
التوم يطالب بثمن نضاله والذي هو
من اساس ما في، ووصف الشباب بانهم
مغرر بهم ، يا التوم الشباب ديل هم ال
ال نجحوا فيما فشلت فيه وفي الحقيقة انت
كنت نائم وبتحلم بانك تناضل .
التوم قربنا نفن التلفزيون بالشبشب
بسببك ، ان زول كذاب كذيب مبالغة.
غايتو بسمعك و انا برسم لي في صورة
حمار ، احلف لك ده الحاصل .
يا زول احترم عقول المشاهدين.
| |
 
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
يا دكتور...
الكائن المخاطى ده من عاهات السياسة الكونية..
وكيزان اللجنة الامنية امعانا فى اذلال البلد ، جابو
الرمتالى الدلاهة الكذوب ده و دقوهوا فى ما اطلقوا
عليه مسمار الوسط..
الكائن ده حتى كناس فى قاعة المؤتمرات والمراسم
فشل فى استخدام المكنسة وفوطة مسح الغبار
وتجميع فوارغ الاكراميات ..
الله يرحم الشريف حسين الهندى ..
ومنعول ابو الموز زاتو ..
ياخ الوجع كبيير والله
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
التوم زي الجراد تغير القناة تلقاه
في القناة الجديدة ، باين هو وتؤامه
يعملان معاً ، وباين هم 12
زي ده اشتري واحد بدوك معاه 11
كان بره السودان ايام الثورة ( قال كده بعظمة
لسانه ) ونسي وكذب في ذات المقابلة
يا زول لمًا تكذب ما تكون نساي
قال احزاب الحكومة احزاب جديدة
ونسي حزب الامة ههههه
التوم انت مصيبة
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
اهلاً استاذ اسامة ابارو
الشريف الله يرحموا كان فاتح بابه للجميع
شيخ عرب حقيقي ، ما صدق التوم ونسب
معارضة الشريف له ، الشريف كان ضد حكم
العسكر والتوم يطبل لانقلاب ويشجع العسكر
علي الاستمرار فيما فعلوا ، ابرهة انفرد بالقرارات
مستنداً علي قوة حميدتي ودعم الاعراب
و جناح من الموساد الاسرائيلي اختطف القرار
من الحكومة الاسرائيلية، ما فعله هذا الجناح
سيعزز عزلة اسرائيل و ستكون السفارة في
العمارة مكرر
| |
|
|
|
|
|
|
|
|
|
Re: تلوث الجو (Re: اْسامة اْباّرو)
|
ههه اعتذر يا باش
اظن قريبك هو الطبيب المشهور
تعرف المشكلة في الانقلاب ده
انه مدعوم من الخارج ، بالذات الموساد
او بالاحري جزء من الموساد وسيكون ما
فعلوه بالضد من مصالح دولهم ، الان سيتكون
رأي عام يري انهم ضد السودان الدولة
وضد الديمقراطية وضد تطور السودان.
الشيخ حمد بن جاسم سمي اسرائيل وانا
اقول جزء من الموساد، التوم طالب منصب
مثله مثل مناوي وارزل زول ، اسرائيل تخسر
الان ، تدري ام لا تدري
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
فعلا يا دكتورة
السيد حمد بن جاسم اشار ضمنا لدور المحاور
ولم يسمها .. الامارات والسعودية تراجعتا
بعد الضغط الامريكى ، واسرائيل الرسمية تم على
اقل تقدير تحييدها ، و عمدت ادارة الرئيس
بايدن على تجاهل مصر ، فى رسالة واضحة
بألا مكان للعب اى دور فى سودان المستقبل..
اعجبتنى مداخلة للحكيم محجوب عبد الله وقراءته
العميقة للدور والمخطط المصرى فى منشور الاخ عارف
عن مصر وعلمها واهدافها فى ما يجرى بالسودان..
محجوب بيقول:"مصر تريد تدمير السودان و اثيوبيا
و ليست صدفة ان هذه الايام البلدين يعانو من كل
المشاكل. هم يريدون التغيير في البلدين في وقت واحد
بمساندتهم عشان يمضوهم علي اى شئ و يصير قانون
دولى untouchable in future"
| |
|
|
|
|
|
|
|
|
|
Re: تلوث الجو (Re: اْسامة اْباّرو)
|
الكيمان اتفرزت يا دكتورة ، آفة السودان بقت في شخصيات معينة،
1- البرهان
2- حميدتي
3- الفكي جبريل
4 - مناوي ، اللي بيستمل أرخص أنواع البنقو
5- شوية جهلاء عاملين خبراء استراطجيين، نفسي اعرف العلم ده بيدرسوه ويين عشان أكون أفظع خبير إستراتيجي.
6- فلا داعي لذكرهم ، لانهم هم نفسهم ما عارفين موقعهم من الاعراب، أمثال التور هجو والجهلول أردول
7- ثورة مستمرة ، لإتاحة حياة أفضل للجيل الجديد.
| |
|
|
|
|
|
|
|
|
Re: تلوث الجو (Re: ترهاقا)
|
نحن شعب كوش العظيمة الان اسرائيل
تساعد الجنجويد بدو صحراء النيجر ومالي
والبرهان علي استضعافنا ، ان كانت هذه سياستها
الرسمية ف استعدوا لنا يا اسرائيليين .
بادرتم بعداء الشعب السوداني وهذا خطأ
يجب ان يصلح الان وفوراً .
الدول العربية ك الاطفال حتي مع بعضهم
في حالة ( شغب ) ينتج عنه كوارث للشعوب
وجيرتهم لا ينتج عنها الا الضرر وكما قال
الكردي عندما سئل لما لم ينهضوا كالسويد وعدد
سكانهم اكثر رد شوف السويد جارها مين ونحن
جارنا مين، او كما قال الباكستاني حين غلب في
كفيله لو كان سيدنا محمد (ص )ارسل في
باكستان لكان المصحف سورة
واحده اما العرب ف ( انت كل يوم في غلط كل يوم في اية)
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
الخبراء (الاسطراطيجين) مسطرطجين قوي
خجلوني ودخلونا في ضوافرينا ، العالم
بقي قرية صغيرة وكثير بيتفرجوا حتي من
غير العرب ، باكستان وهنود و اشكال والوان
تعرف العربية ، الواحد يا ربي اولاده بكون
رأئهم شنو في شغله الاستراتيجي ده
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
الجملة دي من مداخلة إخلاص؛
"نحن شعب كوش العظيمة"
قريت كلمة كوش بمعنى جمع كوشة الوساخة،
بعدين وأنا الأيام عيان بمرض اسمو العبثية
فكرت في الكوش العظيمة بالسودان؛
زمان كوشة الجبل كانت أعظم كوشة بالسودان،
كانت عندي عادة عجيبة في السنين الأخيرة العديتن بالسودان،
كنت دائم التنقل بالسيارة بين عطبرة لمدني،
لمان أمر بالقرى الكبيرة والمدن وطبعاً كوش هذه المدن دائماً على الزلط،
كنت بحاول أقدر بعداد العربية طول كوشة أي قرية أو مدينة،
أعتقد أوسخ كوشة وأعفنها وأكبرها كانت بالخرطوم بحري،
تأتي بعدها كوشة المسعودية بالجزيرة
ثم كوشة أبو عشر برضو بالجزيرة
| |
|
|
|
|
|
|
|
|
|
Re: تلوث الجو (Re: أبوبكر عباس)
|
بكور كيفك
صدقت بقينا من اعظم الكوش
طبعاً الي جانب الغباء ( الذي اوصلنا
للكوشة العظيمة ) تعرف كنت زهجانا جد
بس مرات كده بفكر في الاكوان المتوازية.
غايتو السودان في كون متوازي ممكن يكون غير
مرات تبدأ قصة وما تتمها اقعد يا بك اتمها
في سري ، يا بك ما تم القصص اخير من عك
ساس يسوس
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
Quote: أعتقد أوسخ كوشة وأعفنها وأكبرها كانت بالخرطوم بحري،
|
تصدق هسع وزعت أراضي وبقت منطقة سكنية درجة أولى... ياهو نفس المنوال المقلوب ......الرمم والزبالة يتسيدون المواقع في السودان...
| |
|
|
|
|
|
|
|
|
|
Re: تلوث الجو (Re: اخلاص عبدالرحمن المشرف)
|
| Quote: بس مرات كده بفكر في الاكوان المتوازية. |
سلام دكتورة إخلاص..
اليومين ديل أبقى على الأكوان المتوازية لغاية ما الفشفاش دا يتفرز ونعرف حاجة..
أنا مستغرب فى إسرائيل تل أبيب القدس ישראל Israel .. كتبتها كتير عشان الروبوت بتاعهم يلقطها ويجو يشوفوا المداخلة دى.. أستغرب فى إسرائيل
الدولة الديمقراطية الوحيدة فى الشرق الأوسط وتدعم داعش فى السودان.. ممكن أفهم موقف مصر لأن ما وجوده من الإنقاذ لم يجدوه من الحكومات
الديمقراطية فى السودان.. حتى فرقهم الرياضية إستفادت. رغم أنها نظرة قصيرة وسوف تنقلب عليهم. لكن اسرائيل ستعود بالندم لا محالة.
| |
|
|
|
|
|
|
|
|
|
Re: تلوث الجو (Re: Abureesh)
|
اهلاً يا باشمهندس Abureesh
ابحث عن الماء
امريكا وموقفها المريب خاصة تجاه
اثيوبيا وما يحدث لحكومة حمدوك
كل الامر مرتبط بالماء ونهر النيل ، الجفاف
سيضرب المنطقة ومصر تريد ان تكون من يبيع
الماء
الدنياء بقت ملوثة والطقس تغير و الماء النقي
اندر من لبن الطير ، اما تحلية البحر او تدوير
مياه الصرف الصحي ، الماء ما قادرين نشرب
غرب السودان ولا شرق السودان ومفروض نوصله
لمصر لتبيع للاردن واسرائيل ، سد مروي هو من اجل
ذلك ( السد الخازوق)
| |
|
|
|
|
|
|
| |
ترهاقا
أبوبكر عباس
Kamal Karrar
Abureesh
فيس بوك
تويتر
انستقرام
يوتيوب
بنتيريست