|
|
|
 Re: ++ ميثاق المهنيين و تجاوز حمدوك ++ (Re: Mutasim Idris)
|
ميثاق المهنيين يمكن ان يصبح طوق نجاة في محيط
التوهان الحاصل بين كل المكونات او عربة نقل يمكن
ان توصل لغايات.
اذا تبني (رجال المقاومة) و قدموا الميثاق مع اللاآت
الثلاثة ح نتحول من خانة المفعول به المنتظر الي
الفاعل الماسك بزمام امره.
ما بعد مليونية ١٣نوفمبر حنجبر دول العالم للتعامل
المباشر مع اي قيادة تقدمها المقاومة بدل وصاية
الرباعيات المحورية الاقليمية في شأننا و مصير
ثورتنا المختطفة باسر السيد حمدوك.
ميثاق المهنيين ما (ابونا) لكن ممكن يربينا.
| |
 
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: هدى ميرغنى)
|
شوفوا نوع دا:
جاء فى الراكوبة
اجتماعات في الخرطوم مع حمدوك والبرهان.. هذه التفاصيل
"
يذكر أن اجتماعا ضم شخصيات من الجبهة الثورية وقوى الحرية والتغيير التقى ليل أمس مع حمدوك، موفدا من قبل القائد العام للجيش السوداني، عبد الفتاح البرهان، لحسم أمر المشاركة كرئيس للوزراء لحكومة الفترة الانتقالية.
وقالت مصادر العربية/الحدث، إن الوفد المذكور عقد بعد انتهاء الاجتماع مع حمدوك اجتماعا آخر مع البرهان.
وكان حمدوك حدد في وقتٍ سابق، كلا من فضل الله برمة ناصر، ويوسف محمد زين، وحيدر الصافي من المجلس المركزي للحرية والتغيير، بالإضافة إلى مالك عقار، والهادي إدريس، والطاهر حجر ومني مناوي، من الجبهة الثورية وحركات الكفاح المسلح، فضلا عن كل من ياسر العطا وعبد الرحيم دقلو من المكون العسكري، كوسطاء بينه والبرهان.
كما طلب من بعض الشخصيات القومية والقانونية حضور النقاشات بينه والأطراف المختلفة مثل المفكر الشفيع خضر، والخبير القانوني نبيل أديب ومضوي إبراهيم….”
من هنا:
https://www.alrakoba.net/31640131/%D8%A7%D8%AC%D8%AA%D9%85%D8%A7%D8%B9%D8%A7%D8%AA-%D9%81%D9%8A-%D8%A7%D9%84%D8%AE%D8%B1%D8%B7%D9%88%D9%85-%D9%85%D8%B9-%D8%AD%D9%85%D8%AF%D9%88%D9%83-%D9%88%D8%A7%D9%84%D8%A8%D8%B1%D9%87%D8%A7%D9%86/https://www.alrakoba.net/31640131/%D8%A7%D8%AC%D8%AA%D9%85%D8%A7%D8%B9%D8%A7%D8%AA-%D9%81%D9%8A-%D8%A7%D9%84%D8%AE%D8%B1%D8%B7%D9%88%D9%85-%...1%D9%87%D8%A7%D9%86/
| |
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Bashasha)
|
سلام أخ بشاشا والإحترام مقدم-
تبادل وجهات النظر أبدًا ما ورجغة.
لازم يكون فى برنامج جاهز عشان الناس ما تطلع الشارع تنقص كل مرة وتانى يطلعوا.
لازم نتفق على برنامج ، ممكن ينسوا ميثاق المهنيين تماما والناس تجهز ميثاقها وتكون مستعدة
بدل الوساطات الإنتهازية من نفس الأشخاص زى الشفيع خضر ونبيل أديب المساهمين فى المصائب الحاصلة الآن - يعملوا وساطة اليوم ويجهزوا فايلاتهم لوساطة تانية بعد نص ثورة
زى ما كان دكتور الشفيع بعد فض الإعتصام شايل فايلاته ومعاه دحلان فى إثيوبيا.
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: هدى ميرغنى)
|
هدي ياعزيزة،
ده صراع بقاء او فناء.
خطابنا مفروض يكون واحد احد:
دحر العسكر فل استوب!!!
بعد ما ننجز المشروع ده، ممكن بعد داك نخلف رجل في التاني او نتكلم عن منو سوا شنو، الرئيس منو، والغفير منو ومااليه!!
ولكن مافي وكت عصيب كهذا، نخش في مناقرات بتاعة شيوعي، بعثي،ناصري، امة، اتحادي، تجمع شيوعي وما اليه!!!
هذا ضار جدا، او مكلف جدا جدا، يدعو لياس الشايلين ارواحم علي الاكف في الشارع!!
هذا ترف، للاسف!!
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Bashasha)
|
المحترم أخ بشاشا- شوية مشيت بعيد ما فى مناقرات ، أنا ما بناقر شديد بس لايوقة ساكت😀
القصد نكون جاهزين نسقط العسكر ونطلع ميثاقنا ويكون برنامجنا ووسائل التنفيذ جاهزة - مش ننتظر زى المرة الفاتت
ما مهم الميثاق جاى كيف ومن وين بس يكون ميثاق مطابق لتحقيق كل شعارات الثورة وتحقيق الديمقراطية .
وخسمتك بالنبى تانى ما تقول على كتابتى ورجغة ، أنا زولة شديدة جدا فى الكتابة
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: هدى ميرغنى)
|
Quote: القصد نكون جاهزين نسقط العسكر ونطلع ميثاقنا ويكون برنامجنا ووسائل التنفيذ جاهزة - مش ننتظر زى المرة الفاتت
ما مهم الميثاق جاى كيف ومن وين بس يكون ميثاق مطابق لتحقيق كل شعارات الثورة وتحقيق الديمقراطية .
وخسمتك بالنبى تانى ما تقول على كتابتى ورجغة ، أنا زولة شديدة جدا فى الكتابة
|
الورجغة ما بتكتل.. بكتل سكات الناس..
استاذة هدي ميرغني تحياتي
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Bashasha)
|
Quote:
معليش، البتسو فيهو ده لايخدم الا المعسكر الاخر.
المعادلة صفرية!
ده ماوكت ورجغة زي دي.!!
حولا ولاقوة!!! |
استاذ بشاشا تحياتي..
المعسكر التاني خدم نفسة بانقلاب..
السؤال هو ماذا بعد المليونية ونحن مربعين يدينا.
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Bashasha)
|
اعتقد السؤال الاولى هو كيف ستسقط المليونية المجلس الانقلابي؟ هل تكفي المليونية أو المليونيات القادمة وحدها ام يجب ان يكون هناك فعل كبير و مؤثر على الارض مثل اعتصام مثلا او عصيان مرتب له جيدا ليستمر لفترة
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: اخلاص عبدالرحمن المشرف)
|
سلامات يا معتصم
ميثاق المهنين جناح الحزب الشيوعي دا ما وقته
المعركة الان هي إسقاط الانقلاب
اي مشروع او رؤية تقسم الشارع دا ما وقتها
طريق إسقاط الانقلاب طويل ويحتاج اي وحدة قوى الثورة
عشان كدا دا ما وقت فهلوة الشيوعين ومحاولة فرض وصاية على الحراك الثوري
الشغل في الشارع ، ما زول فاضي يتصدى للفهلوة دي هسي كل الثوار مشغولين بمقاومة الانقلاب
سلطة الانقلاب كل يوم بتعتقل في القيادات المعارضة للانقلاب
مافي وقت لاي رأي يقسم الشارع الان
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: عبدالعظيم عثمان)
|
تحياتى معتصم و ود البشرى-
زى ما كتبتوا
السؤال الملح الآن كيف نسقط هؤلاء القتلة الإنقلابين؟
المليونيات والشارع مهم وفعال جدا فى إسقاط الديكتاتوريات لكن من وجهة نظرى المليونيات براها ما كفاية قدام آلة الحرب الواضعنها فى وش الناس .
محتاجين خطة وعمل فى الداخل والخارج - مثلا ناس الخارج زى السفير السودانى فى أمريكا ومعاه عدد من الصادقين (دا إقتراح من الأخ هاشم هباني) يكون دورهم السريع - الإتصالات بكل الجهات ذات التأثير فى واشنطون لانه شايفة الامريكان يوم لقاء مع المصريين واليوم الأثنين لقاء مع القطريين لمناقشة الوضع فى السودان! - وزى ما قال الشباب ناس بايدن وأمريكا ما لجنة مقاومة، لكن وقت الأمريكان حشروا نفسهم ومجهودهم مقدر أحسن يأخذوا المعلومة من المصدر زات نفسه ومتواجد معاهم.
أها السودانين القاعدين فى أمريكا يقوموا بالدور دا (وصدق الكلام من خشم أصحاب الوجعة) والمسألة ما بتحتاج تأجيل.
• خارج وداخل الموضوع -متاريسنا- تشبه متاريس الثورة الفرنسية(من الصور) الغيرت فرنسا رغم العقبات!
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: هدى ميرغنى)
|
الأخت إخلاص-
يا عزيزة الإنقلاب يتجلى فى القتل المتواصل البعده إتقفل الطريق فى أى سماع كلمة منهم.
وما التحفظ على حمدوك بس- يتجلى فى السجن الكبير والعزلة والقمع والإعتقالات الوضعوا السودان فيها|
لحمدوك أو غيره لازم يكون عندنا برنامج جاهز نسلمه ليه - لو تزكرى حمدوك فى لقاءه بدايات الحكومة الإنتقالية إحتج للسودانين عند لقاءه معهم فى السعودية فى معناه - الجماعة ما أدوه برنامج- عليه نكون جاهزين.
لك المودة
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: هدى ميرغنى)
|
Quote: ما بعد مليونية ١٣نوفمبر حنجبر دول العالم للتعامل
المباشر مع اي قيادة تقدمها المقاومة بدل وصاية
الرباعيات المحورية الاقليمية في شأننا و مصير
ثورتنا المختطفة باسر السيد حمدوك.
ميثاق المهنيين ما (ابونا) لكن ممكن يربينا |
سلمات يا معتصم
ما قدمت رؤية واضحة للخروج من مأزق الانقلاب ؟
تحدثت عن مليونية 13 نوفمبر وعبرت مباشرة وبدون تقديم مسوغات الى ( حنجبر دول العالم للتعامل المباشر مع اي قيادة تقدمها المقاومة
بدل وصاية الرباعيات المحورية الاقليمية )
- وهنا اسئلة حائرة لابد لها من اجابة :
-هل مليونية 13نوفمبرة لوحدها قادرة على دك حصون الانقلاب ؟؟
-هل العالم بكل هذه السهولة سيتعاملون مع قادة تقدمها المقاومة ؟؟
بالمليونيات وحدها لن نستطيع دحر الانقلاب ..
العالم الآن متوافقين على الحكومة المدنية والتى كانت برئاسة حمدوك .
ولا اظن انهم سيرضون بغيرها .
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: اخلاص عبدالرحمن المشرف)
|
Quote: شايفة في استسهال لسقوط الانقلاب !!!!!
سؤال لو كان برهان عين بدل الكيزان
مجموعة تعدونها ثورية كنتو برضو ح تعارضو |
بالعكس يا دكتورة اخلاص نحن مستصعبين السقوط جدا..
طالما نحن واقفين (منتظرين) واصبحنا في موقف المفعول
به بدل الفاعل اذن البرهان ورهطه من السفلة وفلولهم ومن
لف لفهم قادرين علي تحجيم الثورة وقدرتها من بلوغ
الغايات..
لو نزلت رسالة مع جبريل سيد الاسم مش (الكوز) للبرهان
يعين بموجبها كيزان انا كافر بما انزل عليه..
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: علاء سيداحمد)
|
علاء سلامات..
Quote: ما قدمت رؤية واضحة للخروج من مأزق الانقلاب ؟
تحدثت عن مليونية 13 نوفمبر وعبرت مباشرة وبدون تقديم مسوغات الى ( حنجبر دول العالم للتعامل المباشر مع اي قيادة تقدمها المقاومة
بدل وصاية الرباعيات المحورية الاقليمية )
|
هنا يا علاء..
اذا تبني (رجال المقاومة) و قدموا الميثاق مع اللاآت
الثلاثة ح نتحول من خانة المفعول به المنتظر الي
الفاعل الماسك بزمام امره.
ما قصدته انه الوضع الثابت للعالم انه الثورة مختزلة
في حمدوك ومحبوسه معاه.. اما هو او لا..
صوت الشارع الاعلي الليلة هو اللاات الثلاثة اللي
بتنسف الوثيقة القديمة بعد انقلاب البرهان.. تقديم
(بدائل) او ممثلين للشارع منه ح يجبر العالم علي
الاقل لو ما الانتظار عدم الوصايا والعودة لما قبل
الانقلاب بإعادة المشهد لما كان عليه.. يعني حتي ممكن
يخف معاها الضغط علي حمدوك بقبول واقع مفروض
عليه هو اساسا رافضه..
البديل منو؟: ما اظن عاوزين نمشي دروبها تاني..
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: محمد البشرى الخضر)
|
| Quote: اعتقد السؤال الاولى هو كيف ستسقط المليونية المجلس الانقلابي؟ هل تكفي المليونية أو المليونيات القادمة وحدها ام يجب ان يكون هناك فعل كبير و مؤثر على الارض مثل اعتصام مثلا او عصيان مرتب له جيدا ليستمر لفترة |
ودالبشري سلامات..
لا مليونية لا عصيان لا كل وسائل الاحتجاج الجماعي
ح تسقط الانقلاب. معتوه مسلح ووراءه مرتزقة وفلول
غرقانين في دم العزل من الشعب. اختزال الثورة وكل
الحراك والمواجهات المرتقبة في شخص (زول) بس معناها
مواصلة حبسه دون الالتفات للورجغة (الحراك) طالما في
محله. تغير اسلوب المقاومة بدفعها لاسماء او بدايل او حتي
تشكيل حكومة بميثاق يتفق عليه السواد الاعظم من الشارع
يعني ارباك حكومات اقليمية وعالمية في التعامل مع ما كان
(ساكن ومحبوس) حسب مصالحها اللي ممكن تتهدد
لو واصلت مع الكرت الميت ومحروق.
البرهان اكيد محتاج للاعب اقليمي علي الاقل يرتكز عليه
وتغييبه ح يضعفه حتي وهو بحمل بندقيته.
وعشان يستمر الحراك رغم حاجته للمساعدات يجب
تحفيز الشارع للمواصلة والتمسك برؤية او رؤي تضئ
طريقه والميثاق افتكر اداة مساعدة.
يا محمد ح استضيف الاستاذ بكري ابوبكر في اسبيس
تويتر يوم الاحد في احتفالية 21 سنة سودانيزاونلاين
وبالمرة اقدم ليك الدعوة تجي تجرجر في ما بعد المليونية
واتجاه الريح..اتمني موافقتك..
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Mutasim Idris)
|
| Quote: عشان كدا دا ما وقت فهلوة الشيوعين ومحاولة فرض وصاية على الحراك الثوري |
الفهلوة يا عبد العظيم ياها جنس كلامك البتقول فيهو دا ومحاولتك لإخراس كل صوت لا يتفق مع رؤيتك بدعوي أن ذلك يؤدي إلى شق الشارع.
مافي خوف على شق الشارع.
والشارع متفق تماماً على التصدي لأي عسكري يحاول إختطاف السلطة ومتفق تماماً على بناء دولة مدنية.
ومتفق تماماً على أن بناء الدولة المدنية يتم عن طريق الحوار المدني المدني الذي تختلف فيه الرؤى والإتجاهات.
الضيق بإختلافات وحوارات المدنيين سمة من سمات العسكر وهو المسوق لإنقلاباتهم.
محاولتك لكتم أصوات الآخرين بدعوى شق وحدة الصف ما هي إلا قطع للحوار المدني.
رفضنا وصاية العسكر وسنرفض وصاية أي جهة مدنية تسعى لرقع صوتها فوق اصوات الآخرين.
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Hafiz Bashir)
|
يا حافظ
الشارع السوداني بيواجه إنقلاب عسكري مكتمل الاركان
مواجهته حتكون أشرس من مواجهة البشير
بالجد اي زول رأيه قد يحدث ربكة في الشارع يمسكه عليه
الآن هو وقت نزال ومواجهة الانقلاب
اي تسويق لاي رؤية سياسية لما بعد إسقاط السلطة الانقلابية
حتفتح مساحات الاختلاف ، الشارع الآن في غنى عنها
الشارع ينتظر من يدعمه ويقف معه كتف بكتف في مواجهة
الانقلاب
اي حزب او واجهة حزبية عاوزة تحتكر صوت الشارع او تفرض نفسها
للحديث عن الشارع الآن هي تدعم الانقلاب ان كانت تدري او بدون وعي منها
عشان كدا وجب التنبيه
وخلونا نركز كل جهودنا وطاقاتنا لدعم الشارع والانخراط مع لجان
المقاومة وكل الثوريين الذين يواجهون الانقلاب في الشارع
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: عبدالعظيم عثمان)
|
Quote: اي تسويق لاي رؤية سياسية لما بعد إسقاط السلطة الانقلابية
حتفتح مساحات الاختلاف ، الشارع الآن في غنى عنها
الشارع ينتظر من يدعمه ويقف معه كتف بكتف في مواجهة
الانقلاب |
عبدالعظيم سلامات..
ااااي تمسك بالقديم معناها رجوع لما قبل الثورة او علي
الاقل تكبيلها في خانة الصفر اللي واقفة عليه (بالحبس)..
الشارع لا انا لا انت ولا غيرنا بسمع ليه او محركه.. هم
فتية آمنوا بثورتهم ورجال جددوا العهد والوعد.
رؤية المهنيين اللي ما عاجبة الناس هي زي وثيقة قوي
الحرية اللي نقضت بيها غزلها..
بعدين الصف دا ما اساسا مشقوووووق من زمن التوقيع
علي الوثيقة.. مش؟ نسكت تاني يعني علي العواسة؟
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Mutasim Idris)
|
يا عبد العظيم كلامك دا ما بيختلف كتير عن كلام العسكر الإنقلابيين.
إنت بتستخدم فزاعة تقسيم الشارع لكبت حرية الناس في إبداء آرائهم.
وكذلك العسكريون يستخدوم فزاعة مهددات الوحدة الوطنية لمصادرة الحرية.
الشارع يجمعه إتفاق على حد أدنى وهو إسقاط حكومة الإنقلاب وإعادة السلطة للمدنيين.
في الشارع تيارات وآراء مختلفة كثيرة في ما عدا هذا الحد الأدنى.
أي محاولة لإلزام الشارع بما فوق ذلك يصبح تدخل في حريات الناس.
وهذا التدخل والمصادرة لرأي الشارع قد يُفشل حركته.
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Mutasim Idris)
|
سلام معتصم
عايز ازكرك بي حاجات , حمدوك غير منضم لحزب معين
د. حمدوك جابتو قوى الحرية و التغيير الموقّعة مع العسكر
عايز اقول ليك حاجة حمدوك لو بقى زول اي كلام او انتهازي كان باع
رفاقة في الحكومة الموجودين الآن المعتقلات وكوّن حكومة.
المسألة دستورية و اخلاقية من حمدوك.
حمدوك لم يتجاوز الثورة و لا الدستور و الاخلاق ولا المبادئ.
الحمد لله انك لم تكون رئيس وزراء السودان و لا احد من تجمع
المهنيين صاحب البيان الوسخ و الذي لا يشبه الثورة و لا اخلاقياتها...
الانسان يُقيّم بالمبادئ و الاخلاق و لا شئ غير ذلك.
شخص أُمتهنت كرامته أُختطف عند الجيش و حُجز في منزله
ومُنع عنه الاتصال و لم يتراجع او يتزحزح.
الانتهازية و البراغماتية من صفات الجبناء
| |
|
|
|
|
|
|
|
|
|
Re: ++ ميثاق المهنيين و تجاوز حمدوك ++ (Re: Nasser Amin)
|
UP
عايز اعرف كيف يتم تجاوز حمدوك من
الألمعية السياسية؟
الامريكان و الاوربيين و دول العالم الحر
لما يقولوا حمدوك هو رئيس الوزراء الشرعي
هذا ليس حبا في حمدوك في شخصه
بس لأنهم مع الدستور و الوثيقة الذين هم
(شهود عليها).
لمن شخص او تجمع يقول نتجاوز (حمدوك).
حمدوك هنا لا يمثل اسمه بل صفته الدستورية
و شرعية الحكومة قبل الانقلاب عليها
(قبل 25 اكتوبر)...تجمع الوهميين عايز تاريخ بعد دا.
اتضح في عدم فهم و بؤس في التفكير من
قبل تجمع المهنيين و بياناته التي تراجع عنها تحت الضغط.
*الفهم: انك تتجاوز حمدوك و حكومته معناها الاعتراف
المجاني بالانقلاب.
عملت كدا؛ ما تجي تنطط قدامنا وتقول انا تجمع مهنيبن و بالاصح
وهميييين و عندنا مظاهرات او اعتصامات.
اعتصموا بالمبادئ اولا.
*المشكلة كلها اختزلوها في تعامل حكومة حمدوك
مع صندوق النقد الدولي.
اها الانقلابيين ح يواصلوا في نفس السير لو اتيح لهم ذلك.
هذا مع بيع السودان بالجملة و القطاعي ، اراضي، موارد
مواد خام غير مصنعة، موانئ.
| |
|
|
|
|
|
|
| |
Mutasim Idris
هدى ميرغنى
Bashasha
محمد البشرى الخضر
عبدالعظيم عثمان
علاء سيداحمد
Nasser Amin
Hafiz Bashir
فيس بوك
تويتر
انستقرام
يوتيوب
بنتيريست