|
Re: أعداء الشعب السوداني (Re: يحي قباني)
|
حياك الله يا قبة
معقول يا قبة- ده مش إتهام - دي إدانه صريحة بدون اي فرصة للدفاع.
تعرف يا حبيبنا أكتر حاجة محيرة في البورد شنو؟؟ انو الناس عايزة مواقفك تكون مطابقة لمواقفهم. والأكثر غرابة هو إجبارك على أن تنظر للأوضاع بذات الزاوية التي ينظرون بها!!
| |
|
|
|
|
|
|
Re: أعداء الشعب السوداني (Re: الشيخ سيد أحمد)
|
Quote: انو الناس عايزة مواقفك تكون مطابقة لمواقفهم. والأكثر غرابة هو إجبارك على أن تنظر للأوضاع بذات الزاوية التي ينظرون بها!!
|
سمح نجر خط على القات .. و كل شي غريب ..
انت موقفك شنو هسي ؟
| |
|
|
|
|
|
|
Re: أعداء الشعب السوداني (Re: يحي قباني)
|
Quote: .. و كل شي غريب ..
انت موقفك شنو هسي ؟ |
موقفي واضح يا قبة. من بداية مشاركة العسكر في السلطة- أعلنت رفضي عن هذه الشراكة. رفضي لما قامت به (قحت) من إنشغالها بالصراعات وعدم الإلتفات لمهمتها الاساسية وقيادة البلاد نحو الإنتخابات. ده موقفي وأظنو البوستات الفتحتها في الفترة الفاتت بتأكد الكلام ده.
أها يا قبه: إنت موقفك شنو؟؟ رؤيتك شنو لحل الأزمة الحاصلة؟؟
Quote: سمح نجر خط على القات ..
|
القات في اليمن وفي جيبوتي- وبالمناسبة في جيبوتي يباع على عينك يا تاجر.
| |
|
|
|
|
|
|
Re: أعداء الشعب السوداني (Re: الشيخ سيد أحمد)
|
قحت وفشلها في إدارة البلاد. أمسك معاك يا قبة يا حبيبنا البوستر التالي.
https://top4top.io/
ديل اصحاب الوجعة - وديل هم البيتحركو في الشارع وديل هم البيحركوا الشارع وديل هم البيموتو امام العسكر بصدور عارية. ويأتي إنتهازيو قحت ويستملوا القصة.
| |
|
|
|
|
|
|
Re: أعداء الشعب السوداني (Re: الشيخ سيد أحمد)
|
اعداء الشعب السوداني هم البرهان وحميدتي ومليشياته الجنجويدية وجبريل ومناوي ...اما القفل ميناء بورتسودان ،المنفذ البحري الوحيد للسودان وضيق للناس معيشتهم وساعد البرهان في انقلابه العسكري فهو العدو الرئيسي للشعب السوداني ومفروض اول حكومة ديمقراطية تجي تحكم البلاد تقدمه للمحاكمة واذا تمت ادانته يتم اعدامه في ميدان عام ...
| |
|
|
|
|
|
|
Re: أعداء الشعب السوداني (Re: بسمات الشيخ)
|
حياك الله بتنا بسمات لعلك بخير
لا والغريبة قال انو اذا إتصل عليهو القاتل البرهان ح يفتح الطريق!! يعني مصير الجوعى والمرضى كان مربوط بإتصال من القاتل البرهان. لكن القاتل البرهان عمل رايح ولم يتصل فإستمر الإغلاق وزاد الجوع ولابد أن هناك من فتك به المرض. الناس بتنوم كيف وبتأكل كيف وهي عارفة انها كانت سبب في مأساة ومعاناة الكثير من الناس. النهاية ح تكون بشعة جدآ وستكون قريبة بعون الله. حسبنا الله ونعم الوكيل يمهل ولا يهمل.
كسرة: تحياتنا لبتنا "إمتثال" يا بسمات.
| |
|
|
|
|
|
|
Re: أعداء الشعب السوداني (Re: اسماعيل عبد الله محمد)
|
أعداء الشعب السوداني - كل من وصل إلى منصب لا يستحقه. - كل من حوّل الوزارة أو المصلحة الحكومية إلى مستودع لتعيين أقاربه وأحبائه وأبناء قبيلته.. إلخ. - كل من ضرب عرض الحائط بالديمقراطية. - كل من استغل المنصب الحكومي للإثراء أو توزيع "الغنائم" على خلصائه. - كل من خالف أثناء توليه منصبا حكوميا رفيعا النظم واللوائح لتحقيق المصلحة الأنانية. - كل من رضي بأن يكون له قطيع من السيارات والشعب يتضور جوعا. - كل من رضي بتحكم قوى أجنبية في القرار السيادي السوداني. - كل من رضي بالعمالة والارتزاق للأجنبي نظير أموال أو منافع أيا كانت.
والقائمة تطول.. يا للأسف!
| |
|
|
|
|
|
|
Re: أعداء الشعب السوداني (Re: الشيخ سيد أحمد)
|
Quote: أعداء الشعب السوداني - كل من وصل إلى منصب لا يستحقه. - كل من حوّل الوزارة أو المصلحة الحكومية إلى مستودع لتعيين أقاربه وأحبائه وأبناء قبيلته.. إلخ. - كل من ضرب عرض الحائط بالديمقراطية. - كل من استغل المنصب الحكومي للإثراء أو توزيع "الغنائم" على خلصائه. - كل من خالف أثناء توليه منصبا حكوميا رفيعا النظم واللوائح لتحقيق المصلحة الأنانية. - كل من رضي بأن يكون له قطيع من السيارات والشعب يتضور جوعا. - كل من رضي بتحكم قوى أجنبية في القرار السيادي السوداني. - كل من رضي بالعمالة والارتزاق للأجنبي نظير أموال أو منافع أيا كانت.
والقائمة تطول.. يا للأسف! |
قراءة عميقة جدآ. شكرآ معتصم.
| |
|
|
|
|
|
|
|