|
|
|
 Re: كيف تثقون فى توقيع اللجنة الأمنية مرة أخر� (Re: محمد البشرى الخضر)
|
| Quote: شايف ترك وثق فيهم, ان شا لله يطلع على البوست دا |
ترك وثق فيهم من متين؟ موش زمان قال البرهان يحمينى؟ ترك موش كان ضمن إعتصام القصر وإجتماع قاعة الصداقة؟
وكويس تقول انك لا تخاف.. الخوف فعلاً ما كويس.. وأتمنى انك لا تخاف من أى زول موش منى بس. لأنى لمحت من كلامك انك قد تخاف من اخرين ولكن ليس منى.
| |
 
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: عبدالعظيم عثمان)
|
Quote: منو القاعد يتكلم عن التوقيع مع المجرمين ديل
|
الأخ عبد العظيم
التوقيع تسبقه المفاوضات.. وما دام حمدوك يشترط عودة الأوضاع الى ما كانت عليه فإنه يوافق على استمرار المكون العسكرى فى مجلس السيادة، وهو المكون الذى قام بالإنقلاب. ولو قبل البرهان ذلك
أكيد حمدوك سوف يوقع.
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: Abureesh)
|
سلام محمد
| Quote: ترك لانه رفع الاغلاق لمدة شهر رغم انه لم يتحقق مطلبه الاساسي بالغاء المسار ثقة في البرهان |
.........
زولك تأييدو لترك نُص كم ساي
علي غير العادة ماأداهو شيك علي بياض !
ترك عملها شينة بينما شوارع بورتسودان كانت تهدر في يومي
21 و 31ؤأكتوبر تناغما مع بقية نسيج الوطن كان ترك ينصب خيمة بائسةفي 21 إكتوبر يؤيد في العسكر
الجماهير ليست قطيعا يساق بواسطة ناظر,,,, لن يسوقهم ناظر لتأييد فلول
أو عسكر أو لخدمة أجندة لاعلاقة لها بقضيتهم
......
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: Abureesh)
|
الغريبة يا كمال البرهان كررها مرتين: قلنا للدقير و علي الريح امشوا اقعدوا مع ترك شوفوه عايز كم وزارة كم نسبة في المجلس التشريعي و حلو معاه المشكلة!
نهائي ما جاب سيرة لالغاء المسار و لا اظنه يستطيع فداعميه الاساسيين هنا هم رافضين لالغاء اي مسار من مسارات الاتفاقية, رغم كدا ترك وثق فيه و اعلن رفع الاغلاق لمدة شهر!
| Quote: لأنى لمحت من كلامك انك قد تخاف من اخرين ولكن ليس منى. |
لا ما تلمح تاني, اكتفي بالكلام الواضح البقولوا, وزي ما قلت ليك لو ما فهمت اسأل ببسطه ليك, بدل تجتهد و تتوهم و تلمح وما الى ذلك
| |
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: محمد البشرى الخضر)
|
سلام يامحمد
يا اخي او بقت علي إلغاءسلبيات المسار او تطويره او توقيع اتفاق يشمل هموم ومطالب الشرق - تبقي ما في مشكلة !٠
أصلا الاتفاقات اللي تمت باسم داروفور والنيل الأزرق والشرق دي تمت باسم حركات ونشطاء - غير مفوضين من أهل تلك المناطق ولايمثلون كل المكونات الاجتماعية هناك
مثلوها بقوة السلاح او بوضع اليد فقط
ترك لو ركز علي قضايا الشرق وابتعد عن اجندة الفلول والعسكر وكمان وحد النسيج الاجتماعي للشرق لكان قد كسب
ولكن رهانه علي العسكر كشفه وعراه - عمدة وخالي أطيان ساي !
خروج. جماهير الشرق في بورتسودان وكسلا وخشم القرية والقاش ضد العسكر والفلول مرتين في الشهر الماضي اثبت ان ترك بعيد عن نبض الشارع اقليميا ومحليا !
وياليته يعي الدرس ويترك الرهان علي الحصان الأعرج !
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: كمال عباس)
|
سلامات كمال وود البشرى
من قولة تيت ترك كان منسق مع العساكر
موضوعه مكشوف من البداية
زول ما عاوز يتفاوض مع المدنيين
وعاوز يحل لجنة التفكيك
ويحل الحكومة المدنية
دا مشروع الفلول والعساكر
وين خطابهم العنصري الآن مافي
وين خطاب إلغاء مسار الشرق
ما حصل شئ
عشان كدا ما كان مستغرب في فتحه للميناء والطريق القومي بعد الانقلاب
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: عبدالعظيم عثمان)
|
Quote: اخاف من شنو؟ نعلو منك انت!
كلامي واضح وبسيط ومباشر اذا ما فهمتو قول, بعيدو ليك ما في شي يخليك تتوهم |
لا كلامك تلميح لا ولضح لا بسيط لا مباشر.. وكمال عباس فهمه وكل الناس فهمته انه تلميح انو ابوالريش كان يؤيد ترك وكان قبلى وعنصرى..الخ. لا تعتقد الناس عندها قنبور فوق راسها.
وانت ما رديت لأنه ما عندك رد لما سألتك مئات الناس وثقت فى البرهان فى إعتصام القصر بتاع الفلول وكان ترك واحد منهم.. لماذا حددت ترك بالذات؟
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: Abureesh)
|
ماشاء الله بالاضافة للمواهب العديدة كمان مش فقط تقرا النوايا و تطلع على ما في الصدور بل كمان تعلم كيف فهم و قرأ الآخرين الأمر!
بالمناسبة ترك و مؤيديه لم يكونوا من ضمن المعتصمين بالقصر بل و صرح احد مسؤولي المجلس الاعلى انهم لا علاقة لهم بما يجري في القصر.
أمّا لماذا جبت سيرة ترك - وليس حدّدت - فا يمكن الرجوع م\اخلتين تلاتة لا ورا ح تلقى تعليقي على هذا الموضوع, لو ما فهمتو قول!
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: Abureesh)
|
أخ أبو الريش
تحية
شايفك ماسك في نقطة ود البشري دي
......
((شايف ترك وثق فيهم, ان شا لله يطلع على البوست دا))
.......
طالما أنك قد سبق أن أعلنت وقوفك مع ترك ـ في قضية ومطالب الشرق
مع بعض من تحفظ ومطالبة بأن يحافظ علي متانة نسيج الشرق ووحدة صوته الخ
يبقي من الطبيعي أن يطرح ود البشري هذه النقطة وخصوصا وإن ترك قد
وضع مطالب الشرق في تلاجة إن لم يكن قد رمي بها بعرض الحائط ـ حينما
جمد إعتصامه تناغما مع برهان ودعما له ـ مما يكشف أن إعتصام الشرق وإغلاق
الميناء والطرق كان كله تماشيا مع أجندة برهان ـ تماما كإجتماع قاعة الصداقة
ـوإعتصام القيادة ـ والضائقة المعيشية وبيان شيوخ المسيرية
ـ إنه مجرد حلقة في سلسلة المؤامرة ـ هذا طبعا مع التثبيت علي مشروعية
مطالب الشرق
من هنا وتأسيسا علي ماسبق وتأييده الجزئي لترك يصبح من المشروع
والمنطقي أن يثير ود البشري هذه النقطة لمعرفة رأيك فيها
وخصوصا وأن الناظر قد إمتطي وأستغل قضية أهلك لتحقيق أجندة لاعلاقة لهم
بها
كان يمكن وبلا حساسية أن تقول أن ثقة ورهان ترك علي برهان ليست في محلها ـ وإن إختلف معه في هذه كما أختلفت معه في نقاط أخري
...... وبالمناسبة ياود البشري
ترك نصب خيمة في 21 أكتوبر تؤيد مطالب إعتصام القصر ـ وربما يكون إعتصامه ولد من نفس الرحم الذي أنجب إعتصام القصر
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: كمال عباس)
|
انا يا كمال قريت البوست دا في صفحة اعلام المجلس الاعلى للبجة و فهمت منه عدم انحيازهم لاي من طرفي قحت في الصراع , هل غيروا رايهم فيما بعد! ربما زي ما غيروا رايهم في عدم رفع الاغلاق مالم يلغى المسار
Quote: تنويه هام:
يؤكد المجلس الأعلى لنظارات البجا والعموديات المستقله
انه ليس له مشاركين في موكب ١٦ اكتوبر وموكب ٢١ اكتوبر
ويستمر التصعيد والاغلاق الثوري لشرقنا الحبيب حتى استرداد كامل الحقوق.
#إعلام_المجلس |
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: Abureesh)
|
يا ابو الريش
يمكن في كثير من السودانيين. اختلفو لأسباب ما - مع مطالب واستحقاقات الجنوب او دار فور
لكن ما أظن في زول عاقل -انكر مظالم الشرق او مشروعية المطالبة بها
وبالمناسبة محمد البشري
دا من الناس اللي كانو بصرو علي ضرورة الحوار مع ترك وحتي ان أدي الحوار لتعديل مسار الشرق او تجاوزه
واعتقد انوً لازال عند موقفه هذا
يعني حتي تماهي وتناغم ترك مع اجندة العسكر ما خلت محمد البشري ينفض يده الدعوة للحوار مع ترك
كلام محمد البشري. الفوق لو تعاملت معه بلا حساسية
يمكن. ان تقول له ببساطة :- في دي انا برضو بختلف مع ترك
يعني مثلا. الامام الصادق كان ضد مواكب ٣٠ يونيو ٢٠١٩ وود البشري عندو محبة وتقدير للأمام
اها لو قام زول جاب موقف الصادق المهدي داك -وقتها- لي ود البشري. لكان قد قال في دي انا مع الصادق
ومضي
| |
|
|
|
|
|
|
|
|
|
Re: كيف تثقون فى توقيع اللجنة الأمنية مرة أخر� (Re: كمال عباس)
|
| Quote: لكن ما أظن في زول عاقل -انكر مظالم الشرق او مشروعية المطالبة بها |
ما قلنا فى زول أنكر يا كمال.. لكن ماذا يعنى عدم إنكار ما لا يمكن أن ينكر إن لم تتحقق العدالة؟ شوف أقاليم الجنوب الجديد والغرب.. الناس ما شاء الله صحتها احسن من ناس الخرطوم بما لا يقاس
وعندهم ملايين رؤوس الماشية والإبل والفواكه والحبوب.. ومشكلتهم كانت حرمانهم من السلطة والتفرقة العنصرية ضدهم فى التوظيف فى وظائف الدولة.. وليست مجاعة وفقر ومرض كما فى الشرق.
ورغم ذلك وبعد الثورة صاروا نواب رئيس ووزراء وضباط كبار برتب خلقوها براهم وحكومة المركز اعترفت بيها وتصرف لهم مرتبات بالرتب التى صرفوها لأنفسهم.. وين أهل الشرق من دا؟
هل بنيت مستشفيات؟ هل سيرت قوافل طبية؟ هل صرفت مواد غذائية؟ أدوية ملاريا وسل..الخ؟ هل مدارس فتحت فى القرى؟ أنسى الوظائف الإتحادية التى قسمت لمن حمل السلاح من الغرب والجنوب؟
اليس هذا هو نفسه منطق البشير انه لا يتفاوض إلا لمن حمل السلاح؟ عبارة مافى زول ينكر مظالم الشرق عبارة فارغة من المحتوى ولا يحتاجها أهل الشرق. الان فقط صار المركز يهتم بالشرق
إهتمام جد. genuine بعد أن قفل الميناء وقطع طريق الشرق. المركز يا كمال والنخبة الحاكمة فى الخرطوم ما تجى إلا بالجزمة. لو تركوهم بدون مقاومة مسلحة أو حصار الميناء سيقولون لك
مظالمك عادلة دون أن يحركوا ساكناً فى حلها. قفل الميناء وإن كان من الكيزان إلا انه الان عامل قلق شديد لحكومة المركز وفهمت ان الشرق أيضا له سلاح ربما أمضى من سلاح الحركات مجتمعة.
كانوا يراهنون ربما ان الشرق ما عنده غابة يدخل فيها المتمردون، أو جبال أو بعد جغرافى يصعب اللوجستيات كما فى الغرب. عمل ترك كان (قرصة اضان) لها ما بعدها، ومنذ اليوم الشرق
سيدخل أى مفاوضات بموقف قوى يحسب له حكام الخرطوم الف حساب.
| |
|
|
|
|
|
|
| |
Abureesh
محمد البشرى الخضر
عبدالعظيم عثمان
كمال عباس
فيس بوك
تويتر
انستقرام
يوتيوب
بنتيريست