الي الإبن الحبيب .. سيد الحوش .. الباشمهندس بكرى أبوبكر ..
تحية طيبه من الأعماق بعد طول الغياب .. أرجو أن تسامحني على طول الغياب .. والحمد لله بعد طول الغياب .. إنقشع الضباب .. وطار الذباب .. وخافت الذئآب .. وبمناسبة الذئآب .. ثارت الثوره العملاقه ضد الذئاب .. وهنا تحركت المشاعر .. وجاء العجوز الزائر .. عشان ما يقوليكم .. يا حليلكم .. ويا حليل أيام زمان .. أيام سودانا حق زمان .. قُبَّال العسكر العاملين فيه طرزان .. وبعد العسكر حق ذاك الزمان .. جا نوع تاني تحت حكم البرهان .. وقال أنا الطرزان .. والشعب يسكت ساكت فوق العناقريب وكراسي الخيزران .. بدون أي صوت زي الفيران .. لكن الشعب ما سكت ساكت .. بل انتفض وثار ثورة البركان .. وقال بصوت واحد انزل يا برهان .. حتى لو عملت فيها طرزان .. حتكون انت الخسران .. حتى لو جبت ناسَك وعملوا فيها مهرجان .. لكن ثورة الشعب .. قايمه بالدليل والبرهان .. والدليل والبرهان الشهدا اللي ماتو بالرصاص والبمبان .. فلنقف لهم إحتراما .. لنقول لهم .. عاشت ثورة الشجعان .. والتي تدافع عن حقوق الشعب الجوعان .. ونحن ندعو الله ليقف مع شعب السودان الغلبان .. اللي منهم السوداني العجوز الغلبان .. ارنست أرجانوس جبران .. ولتحيا ثورة الشعب السوداني .. والى الأمام .. الى بر الأمان .. والتحيه النابعه من القلب الى جميع أعضاء المنبر العام .. الرب يبارك فى حياتكم جميعاً .. والى لقاء آخر بإذن الله .. عمكم العجوز .. ارنست ..
11-03-2021, 08:08 AM
Deng Deng
تاريخ التسجيل: 11-28-2002
مجموع المشاركات: 52569
أرجوا أن تستمر وتبقى معنا في الفترة القادمة والهامة من تاريخ السودان
حقيقة .. هذه الثوره العارمه فى السودان قد أججت المشاعر الكامنه فى داخلي من حب لذاك الوطن الذي أحببناه من داخل قلوبنا حتى وان كنا بعيدين عنه بأجسادنا .. الا أن قلوبنا ملتصقة به تماماً في جميع تحركاتنا .. مرة أخري أخي الحبيب دينق .. شكراً جزيلا لترحابكم بشخصي الضعيف .. الرب يبارك فى حياتكم .. أخوكم وعمكم العجوز .. ارنست ..
11-03-2021, 11:08 AM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
أرجوا أن تستمر وتبقى معنا في الفترة القادمة والهامة من تاريخ السودان
حقيقة .. هذه الثوره العارمه فى السودان قد أججت المشاعر الكامنه فى داخلي من حب لذاك الوطن الذي أحببناه من داخل قلوبنا حتى وان كنا بعيدين عنه بأجسادنا .. الا أن قلوبنا ملتصقة به تماماً في جميع تحركاتنا .. مرة أخري أخي الحبيب دينق .. شكراً جزيلا لترحابكم بشخصي الضعيف .. الرب يبارك فى حياتكم .. أخوكم وعمكم العجوز .. ارنست ..
11-03-2021, 11:10 AM
adil amin adil amin
تاريخ التسجيل: 08-01-2002
مجموع المشاركات: 37042
الإبنه الحبيبه مهيره .. شكراً جزيلاً على كلمات الترحيب الجميله:
مرحب حباب عمنا
جيداً جيت
ونورت حوش بكرى
تحياتى
تعرفي يا مهيره .. الواحد لما يدخل هذا المِنْبَر .. كأنو فى السودان في بيت أحد الأصحاب وقام اتحكر على البمبر .. وقاموا جابو ليهو عصيده بملاح روب .. غسل أيدو وقام اتشمر .. وبعدا .. جابو ليهو جبنه أم شرغرغ .. تقول يا ليل .. وقام متحتحت قوي بالحيل .. واحنا هنا كمان فى حوش بكري العامر .. الله يخليهو بيرجِّع لينا الذكريات الجميله .. أيام السودان الجميل .. ويارب الثوره دي تنتهي على خير والحكم يكون فى إيد الشعب اللي بيحب البلد .. ما زي العسكر النهبو البلد .. وغزوا وتد .. فى نص البلد ..
معليش يا مهيره طولت عليك .. لكن القليب مليان مشاعر .. والواحد داير يفضفض .. ويتكلم بصراحه .. على عينك يا تاجر .. لأنو القليب ممكون وصابر ..
أظن كفايه كده النهارده يا مهيره .. وشكراً جزيلاً مره تانيه .. الرب يبارك فى حياتك وفى حياة الأسره الغاليه .. عمك العجوز .. ارنست ..
11-03-2021, 05:06 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
الأخ الحبيب ياسر الشريف .. شكراً جزيلاً بمداخلتك الكريمه .. وكلماتك التشجيعيه .. مرحب بعودتك وشكرا للقصيدة المعبرة فقد أعجبني جدا حرية سلام وعدالة
المجد لله في الأعالي وعلى الأرض السلام وبالناس المسرة
يا سلام يا ياسر .. يا حليل زمان .. ما بنسى كتاباتك ونشاطك المكثف .. والآن كما ذكرتم :" حريه سلام وعداله " .. فعلاً هذه الكلمات من كلمات وشعارات الثوره الحيَّه .." حريه .. سلام وعداله .." وبإذن الله ستعود الحكومه للشعب .. يارب ..
الرب يبارك فى حياتك وفى حياة أسرتك الغاليه .. أخوك العجوز .. ارنست ..
11-03-2021, 09:40 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10930
شكراً جزيلاً لترحابكم الكريم .. سلام يا ارنست سوداني عجوز طوّلت الغيبة السودان اليوم يحتاج الى كل اقلام بنيه لمقاومة السلاح بالقلم . يا ريت ما تنقطع تانى . معليش يا علاء .. حقيقة أنا اسف للغيبه الطويله دي .. لكن قلت لازم ارجع عشان ما اشترك فى الثوره القايمه فى السودان .. وطالما احنا ما موجودين بالجسد .. أقل شيئ نعملو هو الاشتراك بالكتابه .. بس عندي سؤال في مداخلتك .. أنا ما فهمت المعنى المقصود بِ كلمة " بنيه " .. أقلام بنيه .. وذلك نسبة لعدم وجود التشكيل .. هل تقصد " بُنًَية اللون ,, يعني أقلام لونها بُنًَي .. مثلها مثل لون السلاح باعتبار القلم البني يقاوم السلاح البني .. أرجو التوضيح لأنني دائماَ أحب أن أتشرب بمثل هذه التعبيرات الجميله ..
مرة أخرى جزيل شكري وتقديري لشخصكم الحبيب علاء .. الرب يبارك حياتكم .. أخوكم وعمكم العجوز .. ارنست
11-04-2021, 01:40 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
الإبن الحبيب عادل أمين .. شكراً جزيلاً لمداخلتكم الكريمه .. حياك الله عمنا ارنست نحن راجعين في المغيرب https://top4top.iحياكhttps://top4top.iحياك الله عمنا ارنست نحن راجعين في المغيرب https://top4top.i[/redhttps://top4top.i[/red]
يا عادل المغيرب جا والليل انتهى .. والصباح الديك صاح .. ولسه ما جيت ... يعني لغايه حسه ما رجعت .. عليك الله قولينا عووووك .. المهم شكراً جزيلاً لكلماتكم وترحابكم .. حبابكم عشره ..
الرب يبارك فى حياتكم .. عمكم العجوز .. ارنست ..
11-04-2021, 11:30 PM
Shinteer Shinteer
تاريخ التسجيل: 09-04-2002
مجموع المشاركات: 2525
شكراً أخي لترحابكم الكريم .. مرحباب سودانينا العجوز و سعيد بي عودتك
يا سلام يا أبا الجلاجل .. مازال إسمكم الكريم يجلجل فى ذاكرتنا .. مرة أخرى الشكر الجزيل لكم لافتقادي وتفقدي .. والى اللقاء القريب بإذن الله .. الرب يبارك حياتكم ..
أخوكم وعمكم العجوز .. ارنست ..
11-05-2021, 03:44 PM
عزيز عيسى عزيز عيسى
تاريخ التسجيل: 09-18-2005
مجموع المشاركات: 1459
الإبن الحبيب .. والريس الكبير بكري .. شكراً يا بكري لاستقبالكم الجميل .. عمنا ارنست مرحب بيك حبابك واعتبر البيت بيتك مدد كراع ... فوق كراع ياسلام يا بكري .. بالفعل أشعر بالفعل البيت بيتي .. والحوش حوشي .. أنا الآن قاعد فى الحوش المرشوش .. وقاعد وسط اللمه الجميله .. والشاي في كبابي الشوب .. والجَبَنه في الفناجين .. وريحة الصندل بتقول ياليل .. وشريط المسجل قاعد يغني .. وحسه دي خلص .. أغنية عثمان حسين .. " عشقتك وقالوا لي عشقك حرام .. "
والآن حولنا لتلفزيون جمهورية السودان ..
وكانت الأغنية التي تتماشي مع دخولي المنبر بعد طول الغياب .. للفنان الجميل سيد خليفه .. إزيكم كيفنكم .. أنا لي زمان ما شفتكم .. أنا ما غريب فى حيكم .. نعم .. مشتاق كتير كتير .. يا فرحتي ياعودتي .. أجد الهنا فى قربكم .. يا سلام على لمة زمان وقعدات زمان ..
مره تانيه .. الجمال دا كلو من مجهوداتكم يا بكري .. ياسيد الحوش .. شكراً .. شكراً .. شكراً ..
مرحبا لتضفي من جديد على المنبر بعضا من روحك الطيبة.
زاد سرورنا وفرحنا بطلتك البهية
.. كلماتكم الجميله التي أخجلت تواضعنا .. حيث لا أستحقها .. لأن كل هذه التعبيرات تذكرنا بسوداننا الحبيب الذي إفتقدناه كثيراً .. وهنا .. لابد من إجترار الذكريات الجميله حقت زمان المليئه بالأمثال الشعبيه التى لا تنسى .. ومنها .. العنوان الذى اخترته هنا ..: " جاكم زولاً سنونو صُفر .." حيث أقصد " جانا كلب سنونو صُفر " كما تقول هذه اللقطه التى بها كثير من أمثالنا الشعبيه التى لا يمكن نسيانها .. أرجو أن أهديها إليكم ..
وإلى لقاء قريب بإذن الله ..
أخوكم وعمكم العجوز .. ارنست ..
11-07-2021, 07:46 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
أيضاً نحن مشتاغون كثير .. يا حليل الزمن الروَّح يا بشاشا .. شوف الأيام بتجري .. زي ما بتجري دموعنا .. لكن إن شاء الله .. طالما الله سمح لينا بالصحه والعافيه .. طول ما الجداده حافيه .. إن شاء الله نكون على اتصال ..
الرب يبارك فى حياتك وفى حياة أسرتك الغاليه .. عمكم العجوز .. ارنست ..
11-08-2021, 04:07 AM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
شكراً جزيلاً لافتقادكم لشخصي الضعيف .. تعرف يا شنتير .. تاريخ تسجيلنا مع المنبر العام فى نفس الشهر من عام 2002 حيث كان الفرق .. أعتقد يومين أو ثلاثة أيام من تاريخ تسجيل اسمي واسمكم .. الرب يبارك فى حياتكم .. يا مرحبا يا أرنست، السوداني العجوز. رجعتنا لعام 2002. وين كنت مختفي؟ الحمد لله إنك عايش وبتفرفر. يا ريت نشوف كل الأعضاء القدامى يعودا. ما تنقطع.
مرة أخرى .. جزيل شكرنا وتقديرنا لكلماتكم الإفتقاديه .. يا هو نحنا لسه عايشين بنفرفر .. زي ما قلت .. الرب معكم .. أخوكم العجوز .. ارنست ..
11-08-2021, 12:39 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
أولاً أود الإعتذار لتأخيري في الرد علي مداخلتكم الرقيقه .. الظاهر مداخلتكم أكلت " أم رقيقه " .. عشان كده بقت رقيقه .. وها هي مداخلتكم الرقيقه التي أكلت أم رقيقه .. مرحبا بصديقنا وجارنا العزيز عاطف أرنست.. رجل من الزمن الجميل..
سعدت جدا بعودتك للمنتدى.. وأرجو يا صاحب أن تستمر في الظهور هنا لنسعد بكتاباتك الرائعة.. الله يديك الصحة والعافية يا زول يا جميل..
شايفك بصغِّر فوقي .. وكأنني شاب .. " ليه بتكبر نفسك " .. شوف أخدتني فى الكلام .. ونسيت أن أقدم اعتذاري وسبب التأخير عن الرد عليك .. وخصوصاً انت ساكن جنبي .. ولابد من أحقية حقوق الجار .. لأنني أقوم بالرد على المداخلات حسب الترتيب الذي أتت به .. لئلا أنسى أحداً قام بمراسلتي .. لأنني أحترم كل المتداخلين وأعزَّهم يا عزيز .. فأنت ياعزيز .. ليك مكانه خاصه .. فأنت أولاً تسكن قريب مننا .. وثانياً التليفونات بينا ما بتنقطع .. ربنا يديم المعروف ويديك الصحه والعافيه يا أخي الحبيب والعزيز عبد العزيز .. نأتي لمسألة الشباب مره تانيه .. شفت زولاً سنونو صُفُر .. وشعرو ابيض يبقى شاب .. والمثل اللي بيقول: " بعدما شاب ودُّوه الكُتَّاب " .. انت ترضي يا إبني عبد العزيز يقولو لعمك هذا المثل: " شوفوا يا ناس .. عمك ارنست العجوز عامل فيها شباب .. صحيح المثل اللي بيقول .. بعدما شاب ودُّوه الكُتَّاب .." انت ترضى يقولوا على عمك كده ؟؟؟ .. معليش طولت عليك القعده .. لكن الكلام معاك يا عزيز .. أنا آسف يا إبني العزيز .. عزيز .. ما بينتهي .. شكراً مره أخرى لمداخلتك الكريمه .. الله يبارك فى حياتكم وفى حياة أسرتكم الغاليه ..
عمكم العجوز الغلبان .. ارنست ارجانوس جبران ..
11-08-2021, 06:06 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
أيوه .. آسف نسيت أقوليك .. نقطه تانية .. انت قلتها بلسانك .. " رجل من الزمن الجميل.."
وصفتني .. ب " رجل من الزمن الجميل .." .. أها .. وقعت بلسانك .. الرجل من أيام الزمن الجميل .. يكون عجوز ولا شاب ..!!! أظن .. كترت عليك بالحيل .. كفايه كده النهارده .. الله معاك .. عمك العجوز .. عمك العجوز .. عمك العجوز ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Sudany Agouz
Deng
مهيرة
Yasir Elsharif
علاء سيداحمد
adil amin
جلالدونا
بكرى ابوبكر
محمد عبد الله الحسين
Bashasha
Shinteer
عزيز عيسى
MOHAMMED ELSHEIKH
فيس بوك
تويتر
انستقرام
يوتيوب
بنتيريست