|
|
|
 Re: تشكيل حكومة الفترة الانتقالية المؤقتة من (Re: أحمد محمد عمر)
|
شكرا لكل المتداخلين .. ذى ما عارفين عملية الترشيح صعبة شوية .. عندى احساس فى يوم من الايام مرشحين الوزرات ان لم يكن كلهم من اعضاء سودانيذ اونلاين .. يكون اغلبهم .. ما عارف الاحساس دا من وين .. على العموم الاختيار جاء على حسب نشاط الاعضاء فى المنبر ..
شكرا ثانيا سوف ارد لكل شخص حسب الاولوية للمتداخلين .
مافى زول رشح لى رئيس الوزراء ... ههههههه
| |
 
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
اختنا بسمات الشيخ
ايمن
شكرا للثقة العالية
وانا بدوري برشحك وزيرا للمخابرات العامةد
وبرشح هشام هباني وزيرا للاعلام واستاذنا علي
عبد الوهاب وزيرا للثقافة
...................
هشام هبانى مهارته كثيرة .. افضل منصب له رئيس البرلمان .. صاحب اقتراحات كثيرة و النقة ما بقصر فيها .. اما عمنا عبد الوهاب مرشح لى منصبين والى ولاية الشمالية او وزير لحقوق الانسان و السعادة ..
اما انتى وزيرة التربية تنجضى الاجيال القادمة و تسلحهم بالعلم و المعرفة خصوصا تطلعاتك و طموحاتك كبيرة
عطبرة الحديد و النار .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
الدكتورة اخلاص
شكراً علي الثقة
ما من ضمن اهتماماتي
اثني علي الباقين
..ِ......................
لسع مرحلة الطعون و الانسحاب ما جاء .. فى مرشح منافس الدكتور حيدر. رغم انه مرشح لى وزارة اخرى. ..ننتظر التثنية و الطعون .. بعدها يتم النظر فى الانسحاب
وشكرا
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
سلام محمد الحسن
دكتور محمد حيدر المشرف وزيرا للصحة ..
..........................
الدكتور محمد حيدر .. زول بيعرف يقعد الكلام .. احسن منصب له نائب رئيس البرلمان .. يهدئ الموقف و يغير اتجاه المواقف السالبة الى مواقف ايجابية منعا للهرجلة حتى لا يكون البرلمان مشابه للجمعية التأسيسية .. برضو هو مرشح قوى لى وزارة الصحة .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
سلام محمد احمد عمر
باااااالغت
قالوا ليك عاوزينها سلمية ياخ
دة أول قراراته حيكون اعتبار التشيع مذهب إرهابي، وحظر نشاط الفكرة الجمهورية وطرد منسوبيها من السودان
أنا أعترض
أرشح هشام آدم للوزارة أعلاه
......................................
اه حبيبنا محمد احمد عمر
انت من المرشح القوى لزعيم الكتلة البرلمانية .. تعرف من اين يؤكل الكتف .. حتى الجماعة الكبار فى المنبر بيعملوا ليك الف حساب .
ابوحسين بالانجليزى مظلوم ظلم الحسن و الحسين .. نموزج للمسلم المعتدل .. رغم انه ضرباته فى الانكل ..يجيد التحاور و يدوخ الخصم ثم يضعه لقمة فى الفم بكل سهولة و يسر .. كثيرين لا يجيدوا هذا الفن لذلك هو المناسب ليصول و يجول فى الاجتهادات الفقهية له مستع فيها
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
مولانا الزبير بشير
بدرالدين الامير
وزير السياحة
يحي قباني
مدير الهيئة العامة للاذاعة و التلفزيون
.........................................
بدرالدين الامير مرشح لى اكثر من وزارة .. لكن هو مكنكش فى سفير لدولة قطر .. ما عارفين قطر دى فيها شنو. .. امكن يكون فيها قطارات سمحة ما عايز ينزل منها .. احتمال يقدر يحول استثمارات قطر و ينعش الاقتصاد ِ
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
اخونا قبا
قبا صاحب مهارات متعددة .. قادر على تطويع الحديد و الكلمات فى نفس الوقت .. ديل بيحيروا اللجنة ذاتا .. نحن فى لحظة مفصلية نحتاج الى تطويع الحديد اكثر .. اما تطويع الكلمات بعد الازدهار و التنمية. تحتاج الى جو رمانسى و شاعرى .. لكل زمان رجال و هو رجل الزمانين.
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
منتصر بالانجليزى
وبعدين تجوا تورجغوا الهامش والجلابة والمركز
.....................
مافى هامش من غير مركز .. و لا مركز من غير هامش .. دى حقيقه يجب ان نعترف بها و نتماهى معها .. و التغير يكون ببطئ حتى يتساوى الهامش و المركز .. التغير فى لحظة واحدة لا يتحمله الهامش و المركز .. التغير التدريجى يستوعبه الطرفين فى الدائرة الهندسية واحدة يشكلوا قطب للدائرة و صلابة للاطراف و المركز .
منعا للالتباس لقد تم ترشيح اسماعيل الحكيم وزيرا لديوان الحكم الاتحادى .. و الاستاذة الملكة نور نائب لرئيس مجلس السيادة لخلق نوع من التوازن الجغرافى .
كما نعلن لقد تم ترشيحك وزيرا مفوضا للحج و العمرة و الاوقاف فى الخارج .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
Quote: اما عمنا عبد الوهاب مرشح لى منصبين والى ولاية الشمالية او وزير لحقوق الانسان و السعادة ..
اما انتى وزيرة التربية تنجضى الاجيال القادمة و تسلحهم بالعلم
و المعرفة خصوصا تطلعاتك و طموحاتك كبيرة |
حبيبنا الجميل ايمن .. بوست اخواني رائع وسط قبح الاخبار والسياسة
شكرا لهذه الاستراحة ..
والتحية لابنتنا الاميرة بسمات والتحية لباقي الاميرات
الحبيب يكفي الاميرات ترجمة كتاب (بن لادن ) لاستيف كوول ( مستوى راقي جداً )
أنا أكون وزير ثقافة مستحيل لأنني لا أجيد العامية السودانية ربما لدي مقدرات متواضعة للكتابة
لكن الحديث بالعربية وخاصة العامية ( صعبة جداً ) مؤنث ومذكر وخاصة الضمائر
حتى مداخلات ناس صلاح الزبير ودالمدير وأبوحسين والامير بدرالدين .. وباقي الاخوة
لكن والي الشمالية يا سلام ممكن ..
بوست استراحة جميلة ورائعة شكرا كثير ايمن
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
عماد الدين الطيب
علي آدم دفع الله
رئيس لجنة التفكيك
يفرتقها ليكم صامولة صامولة
عمر دفع الله
المتحدث باسم مجلس الورزاء
....................
لقد رميت اصلاب الاعواد سهما .. انه لها الرجل المناسب فى المكان المناسب .. لقد اصبت كبد الوظيفة .
عمر دفع الله .. لازم يكون بعيد من الاحداث.. عينه تقع على أخطأ الحكومة يجهجها بى كركتير واحد .. يجيب اجل الحومة فى مهدها .. لذلك اخترنا له مندوب الامم المتحدة يحكها مع الخواجات .. عسى و لعل ينصرف عنا البصر بالخواجات .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: بسمات الشيخ)
|
يا أيمن نسيت ترشح لأهم وزارات
الزراعة
الثروة الحيوانية
العلاقات الدولية
التخطيط الإستراتيجي
تكنلوجيا وتقانة المعلومات
الصناعة
الدفاع
والي الخرطوم
التعليم العالي والبحث العلمي
الشباب والرياضة
المعادن والنفط والدهب (الدهب داير وزارة براه)
بيسموه شنو منسق السبع مديريات السودانية مش بدرجة وزير
والقائمة لسه والناس هنا كتار
وعمر التاج لازم تشوفو ليه فرقة معاكم ولا ما سوداني ههههه
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: توفيق عيسى مكي)
|
سلام عماد الدين الطيب
مني عمسيب
وزيرة للخارجية
تحياتي حبيبنا ايمن
...............................
منى عمسيب ست الوجاهة و الأناقة و الاتيكيت .. خير ممثل للشعب .. نفسها حار تقطع ناشف .. عيبها واحد هى مثل الفراش تتجول بين الازهار و الورود و الماء و الوجه الحسن .. ما اظن تفارق هولندا بلد الطبيعة الخلابة .. لكن مشكلتها دى عندنا ليها حل .. نحول وزارة الخارجية على عيون نهر القاش الخضرة فى الضفة وهمس النسيم الماش .. احتمال توافق تدخل المنافسة .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
زعيم الكتلة البرلمانية احمد محمد عمر
دي دايرة هيثم الغالي إصدار 25 اكتوبر
الإصدار الرايق النزل الليلة دة ما ياهو القاصدينو :)
...................................
لجنة التفكيك محجوزة لى ابو علوة .. رجل شديد المراس .. من شدة ما هو صعب قاعد فى الخلاء .. مطرف من المدينة .. مغبون شديد خلاص ..
هيثم الغالى صاحب المكان العالى محفوظ قدره .. مكانو معروف رئيس ديوان المراجع العام يتبع للرئاسة مباشرة .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
مولانا حافظ بشير
الإتنين لا بتعرفوا ترشحوا ولا بتعرفوا تنتخبوا
قوموا لفوا، قال ابوحسين وهشام آدم قال
التوقيع
مولاكم حافظ بشير
..............................
ابو حسين و هشام ادم ..اكتر ناس واجهوا هجوم شرس .. أن دل إنما يدل على النشاط المحوم .. و القدرة المحاورة و جندلة الخصوم .. لابد للحكومة الجديدة تكون لها انياب ..قليل من الضلالة يهدى إلى الرشد .
مولانا حافظ بشير .. ملكة النقد و تضيق الحصار على الخصم للاعتراف . عملة نادرة قل أن نجدها .. لقد حجزت مكانك بى مؤهلات منقطة النظير رئيس ديوان النائب العام .. يوفر جهد كبير للحكومة .. المجرم يعترف بالجريمة قبل التحقيق معه .. دى من الإيجابيات الناس تركز على الحتة دى .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
زعيم الكتلة البرلمانية احمد محمد عمر
يا زول مرشحنا هشام آدم يمسكها ليك في يومين يتبع الحج والعمرة لوزارة السياحة والأوقاف للمالية وإمامة المساجد لوزارة العمل والزكاة أي زول بي جازه
يعلق ليكم لافتة برة مكتوب فيها لكم دينكم ولي دين ويرجع بلجيكا
......................................
هشام ادم .. الرزمى العقلى ايقاعاته سريعة جدا .. من الصعب مجارته .. التحدث مع عشرة أشخاص فى آن واحد و مواضيع متعددة .. لذلك الاختيار صادف أهله .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
سلام عارف ناشد
نواي عشان تكون عارف من هسع نرفض ترشيح من يحملون جوازات أجنبية
نمثل الاغلبية الصامتة نراقب الموقف واي عنكبوت أو شنكبة عضلات تبش 😂😂
..............................
انت ما تعصر بى عضلاتك على الجماعة شديد .. حق التبش دا ما ديل الناس بيرسلوا القروش ذاتو ..
انت يا عارف عارف كل حاجة كل الشمارات و التبش .. انت بس خليك عاصر على وزير الاتصالات .
منها تمارس هوايتك و تكون كاتم على كدة .. عارف كل شئ .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
العم على عبدالوهاب
حبيبنا الجميل ايمن .. بوست اخواني رائع وسط قبح الاخبار والسياسة
شكرا لهذه الاستراحة ..
والتحية لابنتنا الاميرة بسمات والتحية لباقي الاميرات
الحبيب يكفي الاميرات ترجمة كتاب (بن لادن ) لاستيف كوول ( مستوى راقي جداً )
أنا أكون وزير ثقافة مستحيل لأنني لا أجيد العامية السودانية ربما لدي مقدرات متواضعة للكتابة
لكن الحديث بالعربية وخاصة العامية ( صعبة جداً ) مؤنث ومذكر وخاصة الضمائر
حتى مداخلات ناس صلاح الزبير ودالمدير وأبوحسين والامير بدرالدين .. وباقي الاخوة
لكن والي الشمالية يا سلام ممكن ..
بوست استراحة جميلة ورائعة شكرا كثير ايم
......................................
اينما تكون يكون النفع .. الشمالية تؤيد بالجماع السكوتى لاشك فى ذلك .. اى ولاية ترحب بك قطع شك ..
البلابل مبدعات قمة الروعة والانجاز .. نحن فى انتظار المزيد.
عم على عندك مكانة خاصة البلابل .. نحنا ناس قريعتى راحت ما بشتغلوا بينا الشغلة .. انت يمكن يسمعوا كلامك قول ليهم واصلوا ما تحرمونا .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
الامير توفيق
يا أيمن نسيت ترشح لأهم وزارات
الزراعة
الثروة الحيوانية
العلاقات الدولية
التخطيط الإستراتيجي
تكنلوجيا وتقانة المعلومات
الصناعة
الدفاع
والي الخرطوم
التعليم العالي والبحث العلمي
الشباب والرياضة
المعادن والنفط والدهب (الدهب داير وزارة براه)
بيسموه شنو منسق السبع مديريات السودانية مش بدرجة وزير
والقائمة لسه والناس هنا كتار
وعمر التاج لازم تشوفو ليه فرقة معاكم ولا ما سوداني ههههه
.....................................
هئ هئ هئ .. والى الخرطوم معروف لكن الناس خايفين منك تطردهم .. برحة على الجماعة لا تحمل عليهم كل الحمل .. أن جنحوا للسلم اجنح لها .. اتركهم يدخلوها بسلام آمنين .
باقى الوزرات ماشين عليها ..
عمر التاج دماغه كبيرة ما لاقين ليهو مكان مناسب .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
المستنير
طبعاً يا نواي، أنا من أنصار وزارة واحدة للثروة الحيوانية والزراعة تحت اسم وزارة الزراعة،
لكن برضو يا أخي، لا أحب الوزارت الاتحادية ولو ممكن ترشحني والي لنهر النيل
..............................
يا المستنير .. انت عارف ناس عطبرة جنهم مظاهرات .. بعدين ود المدير مقرض عليها بالزردية .. إذا أقنعت ود المدير الباقى هين .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
سلام بسمة الشيخ
احمد محمد عمر
غايتو اقتراحك وترشيحك ما سبقك عليه زول في الدنيا ..
لكن اقتراح اوسكار الف في الميه واثني ...
اما انت فنرشحك لمنصب وزير النفط والطاقة .
...................................
قبلنا ترشيحك ما لم يرشح منافس قوى .. الأغرب فى ترشيحك أطلق لقب pipeline فى معركة تلجاريب و مسمار فى صراع شرس مع الطبيعة الجبلية لخطوط البترول هناك ..شكرا الترشيح .. اتمنى أن أكون فى حسن ظن الجميع .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
ود البشرى
الداخلية ما بتنفع معاي، لو في طريقة وزارة للمصادر أوكي بالعدم عايز المراجع العام أو مدير دار الوثائق ايهما اقرب
..............................................
الترشيح تم بناء على القدرات لكشف التزوير و المعلومات المضللة فى جرائم المعلوماتية .. إذا أقنعت دينق بالقبول بالوظيفة كخبير اجنبى رغم أنه مولود فى الخرطوم .. يمكن أن ترى اللجنة أن تحقق لك رغباتك للمجهود الجبار لإقناع الخبير الأجنبى الوزير دينق .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
بما أن العالم يتجه نحو التطور الالكترونى .. و فى القريب العاجل تشكل الحكومات عبر الفضاء الالكترونى .. لذا نحن أعضاء سودانيز اونلاين .. تشكل أول حكومة فى الفضاء الالكترونى يكون لنا السبق فى تكوين حكومتنا الكترونيا .. أعضاء و قراء سودانيذ أونلاين يشكلون اكبر تجمع معرفة يفوق تجمع الأحزاب و المهنيين .. لذلك لها الحق فى تشكيل الحكومة و تعرض على الجميع .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: Hafiz Bashir)
|
سلام حافظ بشير
يا نواي وقت ابيتوا لي بوزارة الشئون الدينية و الأوقاف
شوفوا لي هيئة علماء السلطان.
ما تغشك شخصيتي الإسفيرية، نائب عام ما بقدرها.
.........................................
الاختيار تم بناء على الشخصية الاسفيرية الشرسة .. أما التملس و كتل الحيل و المؤمن حلوانى بتاعة علماء السلطان .. حجزوها بدرى لى ود اب سن .. افحم ود اب سن وانك على ذلك لقدير .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
من مميزات اول تشكيل حكومى من الاسفير .. أن وزارة الدفاع ترشح لها امرأة .. و هى أول إمرأة فى الوطن العربى تشغل و ظيفة وزارة الدفاع .. ثانيا معظم الوظائف للوزارات .. الاعضاء زاهدين فيها عكس ما نرى التدافع و الواسطات و الاجاويد لنيل الوظائف فى الحكومات السابقة .. ثالثا ن الجندر لقد نال نصيب اوفر فى تشكيلة الحكومة الاسفيرية .. رابعا الاختيار تم على حسب نشاط الاعضاء بعيد عن الحزبية و التعصب الايدلوجى الاعمى .. خامسا التوافق الايجابى و الروح الرياضية التى اتسم بها المرشحين .. سادسا متابعة القراء يدل على الاهتمام .. و اذا تم ترشيح القائمة على الأرض قد تفوز على القوائم الأخرى المرشحة.. سابعا التجربة الاسفيرية تشجيع و تمهيد للفترة الديمقراطية القادمة للممارسة الحقيقية للانتخاب الذى غاب طويلا على الشعب .
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: أيمن نواى على)
|
Quote: باااااالغت
قالوا ليك عاوزينها سلمية ياخ
دة أول قراراته حيكون اعتبار التشيع مذهب إرهابي، وحظر نشاط الفكرة الجمهورية وطرد منسوبيها من السودان
أنا أعترض
أرشح هشام آدم للوزارة أعلاه |
قنطرتني للبسوى و الما بسوى يا ايمن ....
اهو جاك دا رشح ليك واحد دين ما عندو ...
| |
|
|
|
|
|
|
|
|
|
Re: تشكيل حكومة الفترة الانتقالية المؤقتة من (Re: ABUHUSSEIN)
|
ابو حسين بالانجليزى
قنطرتني للبسوى و الما بسوى يا ايمن ....
اهو جاك دا رشح ليك واحد دين ما عندو ...
............................................
زعيم الأغلبية عارف مقدراته .. لذلك يناطح الشوامخ .. لكن ما حرام عليك .. تشرك ليهو بى حم حم يا حمام شتت ليك سكر انزل تعال .. الجنا نجيض عارف انو دا ما كورة .. شرك تحت تبن من نوع ابو كديس .
هشام ناقش قواعد لعبة الكبار .. بيعمل رايح .. لمن يلقى ثغرة يدخل بيها .. ما بيدردق بى سهولة
لكن يا ابو حسين الفيك اتعرفت .. تنازل اثنين من عتاولة المنبر فى وقت واحد .. تقول لى قنطرتك .. و شغال تقنطر فى الجماعة .. الله القادر فى خلقوا .
| |
|
|
|
|
|
|
| |
أيمن نواى على
Moawia Mohammed
بسمات الشيخ
Mohammed Alhasan Mohammed
الزبير بشير
Hafiz Bashir
Arif Nashed
علي عبدالوهاب عثمان
توفيق عيسى مكي
أبوبكر عباس
محمد البشرى الخضر
ABUHUSSEIN
محمد نجيب عبدا لرحيم
فيس بوك
تويتر
انستقرام
يوتيوب
بنتيريست