|
Re: ما رأيكم في مشروع التسوية المقترح هذا ؟ (Re: طلحة عبدالله)
|
سلامات طلحتوف..
ما بعرف..لكن اظن في الجيش أي انقلابي يفشل انقلابه بيمشي يا الدروة يا كوبر.. لكن مجلس اعلى للدفاع بالنظر دا بيكون شئ جديد من افضال الثورة .
النقطة التانية.. المقترح دا ما بيقدر تعب التوم هجو وعسكوري وعزراء علي حق قدرهم ..هل تظن انهم يرضوا بمقاعد في مجلس تشريعي فقط كنواب يقعدو مع خالد سلك وودالفكي والتعايشي وصندل في اوضة واحدة.! ودا بيقودني للسؤال لجدية هل سيرضى شركاء السلام جميعهم بهذه الحلول البتمرقهم من مولد الانتقالية بلا حمص؟
| |
|
|
|
|
|
|
Re: ما رأيكم في مشروع التسوية المقترح هذا ؟ (Re: HAIDER ALZAIN)
|
هلا يا حيدروف الصلد والله أنا البهمني كلو 1 حق الشهداء منذ انقلاب 89 ولغاية اليوم وبكرة ما يروح 2 عدم عودة رموز ( العهر ) البائد وفلوله وحاشيته والمنتفعين منه وخصوصا تجار الدين المنافقين 3 معط الفلول معطا شديدا حتى يستبين أو لا لم يستبن لهم صاحب. وطبعا على رأس دا الحكم المدني الكامل وشامل .
| |
|
|
|
|
|
|
Re: ما رأيكم في مشروع التسوية المقترح هذا ؟ (Re: HAIDER ALZAIN)
|
سلام استاذ طلحه الـ outsiders سواءا كانو غربيين او شرقيين, بقترحو حلول مبنية علي السطحية او حسب فهم الزول الفهمهم انو المشكلة كذا و كذا. ممكن يكون اتكلمو ما مجموعة او مجموعتين سطحيين في ذات نفسهم و اوصلو ليهو المشكلة حسب فهمهم. اتذكر بعد مجىئ اوباما للحكم, ارسل مبعوث خاص لحل مشكلة السودان في دارفور. في ناس قالو ليهو المشكلة بين زغاوة و فور و انو عبدالواحد الفوراوى راسو قوى. و طوالي اقترحو تكوين جسم هجين بين حركة تحرير السودان و حركة العدل و المساوة سموها (حركة العدالة و التحرير) او شئ من هذا القبيل و تم تنصيب التجانى سيسى و اظن بحر ابوقردة و مجموعة لحم رأس لا تجمعهم غير فنادق الدوحة و البقشيش اليومى.
عموما, الحلول لابد و ان تكون من الداخل و بعقل مفتوح و قبل طرح الحلول يجب طرح السؤال (ما هى مشكلة السودان في الاساس؟).
| |
|
|
|
|
|
|
Re: ما رأيكم في مشروع التسوية المقترح هذا ؟ (Re: Mahjob Abdalla)
|
سلام الحبيب محجوب بغض النظر عن المقترح لكن يبدو ان بعض النقاط الواردة في المشروع منصفة إلى حد كبير خصوصا الحكم المدني الشامل مع التأكيد ( من عندي) على ضرورة وأهمية انو حق الشهداء ما يروح وان كنت اعتقد أن مجرد بسط الحكم المدني الشامل يعتبر دا حقهم لأنهم أصلا ضحوا بارواحهم عشان الهدف دا وعلي اية حال فصمود الشعب الثائر سيرفع كثيرا من سقف المطالب بالنسبة للسؤال عن مشكلة السودان فحتما الحكومة المدنية ستجيب عليه مرفقا مع الحل النهائي وإلا فلن توف غرضها كاملا . شاكر للمرور
| |
|
|
|
|
|
|
Re: ما رأيكم في مشروع التسوية المقترح هذا ؟ (Re: علاء سيداحمد)
|
اي حل يبقي على البرهان على رأس الجيش يموصو ويشربوا مويتو, التاني داك مشكلته مع قواته مختلفة, هم وحدة واحدة يمشوا سوا او يقعدوا سوا, لكن الجيش مؤسسة وعادي يعفى القادة و يتغيروا وتظل المؤسسة! الشي التاني حمدوك براه بدون حاضنة او وزراء سياسيين ما بنفع! بقعد يتعولق و يشتغل شغل التكنوقراط و لا بعرف لي تفكيك نظام ولا بل كيزان ولا امور الثورة دي, لابد يظل وزير او اتنين على شاكلة سلك معاه السؤال من يقود القوات النظامية! اذا الحال في حاله و اوكل لمجلس الامن و الدفاع بي عساكره ما عملنا شي أخيرا: انت يا تنظير مالك و السياسة كمان, شايفك عامل ونستون تشرشل! قوم لف
| |
|
|
|
|
|
|
Re: ما رأيكم في مشروع التسوية المقترح هذا ؟ (Re: محمد البشرى الخضر)
|
والشفيع خضر "تانى" ظهر!
وقال عضو لجنة الوساطة د. الشفيع خضر لـ«الشرق الأوسط»، أمس الأول، إن اللجنة التقت أول من أمس كلاً من قائد الجيش الفريق أول عبد الفتاح البرهان، ورئيس الوزراء عبد الله حمدوك، واستمعت لوجهات نظرها، وعقد بالأمس اجتماعاً منفصلاً للخروج بمبادرة لإنهاء الأزمة السياسية في البلاد.
وأوردت تسريبات صحافية أن لجنة الوساطة تتداول مقترحات تتضمن تشكيل حكومة برئاسة رئيس الوزراء عبد الله حمدوك، والاستغناء عن «مجلس السيادة»، وتكوين «مجلس شيوخ» من مائة شخصية وطنية بديلاً عنه، وتكوين مجلس تشريعي يمثل الشباب 40 في المائة من عضويته، لكن القيادي في «الحرية والتغيير» بشرى الصايم، قال في حديث للصحيفة، إن أي وساطة قبل مواكب السبت، لن تصل للنتيجة المرجوة. ———————- الجماعات دى الشعب السودانى يضحى بأرواحه وهم يظهروا تانى للتخريب - نفس السلوك قبل سنتين كلهم إلى مزبلة التاريخ الشارع إتجاوزكم زمان
| |
|
|
|
|
|
|
|