|
|
|
 Re: ماهي خطواتandquot;غندورandquot; بعد إطلاق صراحه؟ (Re: كمال عباس)
|
حبيبنا الشيخ تحياتي يا جميل .. يا رب تتحل مشكلة البلد
وترجع تاني لكتابات اهلنا الشايقية
أكيد حبيبنا الشيخ بعد يومين غندور يكون في تركيا
لأن الامور ممكن تنقلب ويرجع الى الحبس مرة أخرى وده احتمال كبير
كل من أطلق سراحهم يا مصر يا تركيا او ماليزيا ( حسب الجيب )
وأنا أكتب في هذه المداخلة اسمع في التلفزيون (برهان يعزل النائب العام من منصبه )
تحياتي الحبيب الشيخ
| |
 
|
|
|
|
|
|
|
|
Re: ماهي خطواتandquot;غندورandquot; بعد إطلاق صراحه؟؟ (Re: الشيخ سيد أحمد)
|
هل "جبريل" قام بوضع بصمته في هذا التحرك المفاجئ وفي هذا التوقيت؟؟
هل تبرم "جبريل" في 21 اكتوبر - كان المقصود منه إثارة البلبلة وإرابك المشهد
ومن ثم القيام بهذه الخطوة؟؟
هل "مني اركو مناوي" مشارك في هذا التصرف؟؟
من هو الحليف الذي يعول عليه "غندور" ؟؟ وهل الحليف جديد أم أنه حليف قديم
وهي عبارة عن تجديد للعهود والمواثيق المبرمة منذ أمد؟؟
ولكن ماهي النتائج المتوقعة حتى في وجود حليف؟؟
شيء مربك جدآ جدآ.
| |
|
|
|
|
|
|
|
|
|
Re: ماهي خطواتandquot;غندورandquot; بعد إطلاق صراحه؟ (Re: الشيخ سيد أحمد)
|
سلامات الشيخ
غندور كان الامين السياسي للمؤتمر الوطني
زيو و زي نافع...
كان ممسك بملف عضوية المؤتمر الوطني البائد
البرهان بحتاجه للمساندة و احتمال لصنع حشد
يساند الانقلاب.
حركات السيسي بالملي.
و طبعا دي بالنسبة للبرهان تكتيك لانو الانقلاب معروف مسنود
من منو....و بعد أن يستنفذ اغراضه ينظروا في امره
هم ما عايزين ناس مبدئيين ، عايزين اشخاص متخصصين
في صناعة الطغاة.
ناس الشعبي ما بينفعوا معاهم ووقع اختيارهم على غندور
لأنه طيع و مطيع و اهم شئ بكاي.
| |
|
|
|
|
|
|
|
|
|
Re: ماهي خطواتandquot;غندورandquot; بعد إطلاق صراحه؟ (Re: Nasser Amin)
|
حياك الله استاذنا الجليل علي عبدالوهاب
Quote:
حبيبنا الشيخ تحياتي يا جميل .. يا رب تتحل مشكلة البلد
وترجع تاني لكتابات اهلنا الشايقية
|
يا ريت والله يا استاذنا- وزي ما قالو أهلنا:
نقعد نسوي القاقا
فوق ديوانا داك اب طاقه
القاقا: الضحك بلغة المنطقة.
Quote:
أكيد حبيبنا الشيخ بعد يومين غندور يكون في تركيا
لأن الامور ممكن تنقلب ويرجع الى الحبس مرة أخرى وده احتمال كبير
كل من أطلق سراحهم يا مصر يا تركيا او ماليزيا ( حسب الجيب )
|
احتمالية انو يهرب ما اتوقع- لسبب بسيط وهو وجود جهاز امنه فاعلآ ولم تتم قص اجنحته .
الزول ده عندو فهم - لكن شنو - حتى الان ماقادر اكون
فهم واضح عن الخطوة دي.
Quote:
وأنا أكتب في هذه المداخلة اسمع في التلفزيون (برهان يعزل النائب العام من منصبه )
تحياتي الحبيب الشيخ |
شيء طبيعي ومتوقع في كل المؤامرات يكون هناك تبعات .
لاحظ - يعزل - وليس يطلب خضوعه للمحاكمة- شفت اللعب على الدقون كيف يا استاذ.
مودتي
| |
|
|
|
|
|
|
|
|
|
Re: ماهي خطواتandquot;غندورandquot; بعد إطلاق صراحه؟ (Re: ود محجوب)
|
سلام ناصر
Quote:
ناس الشعبي ما بينفعوا معاهم ووقع اختيارهم على غندور
لأنه طيع و مطيع و اهم شئ بكاي. |
ما متفق معاك يا ناصر.
"غندور" موقفه الواضح من قضية (مرتبات) البعثات الدبلوماسية
كان سبب في اقالته من وزارة الخارجية- معناها انو زول بتاع صدام ومش طيع.
الا اذا كنت عايز تقول انو عمل تحالف مع جبريل وناس المؤتمر الشعبي
عشان يلقوا ليهم مخرج من الوضع الحاصل (كده ممكن تكون مقبولة).
الناس مفروض تفرق بين المؤتمر الوطني والحركة الاسلامية.
بعد فتح التنظيم دخل حتى من لاينتمني للحركة الاسلامية لذلك تم تسميته المؤتمر الوطني.
يبقى لمن تحصل الغربلة والناس تستعد للمواجهة- كل فئة ح ترجع لقواعدها الحزبية.
يعني ممكن نشوف تحالف قوي بين المنشية والقصر في سبيل النجاة من الطوفان.
وبرضو بقول انو الموقف مربك وما قادرين نعرف سر اطلاق صراح غندور
ودي كلها فرضيات ممكن تصدق وممكن ( تجلي).
| |
|
|
|
|
|
|
|
|
 Re: ماهي خطواتandquot;غندورandquot; بعد إطلاق صراحه؟ (Re: الشيخ سيد أحمد)
|
سلامات حبيبنا الشيخ سيد احمد..
اعتقد خطوات غندور تتمثل في انه يبادر ويستلم رئاسة وتشكيل حكومة القائد العام سعادة عبدالفتا البرهان..
كما وانه غندور بدأ فور خروجه في توجيه الدعوات للم الشمل السياسي وتناسي مرارات الماضي والعمل على تهدئة المجتمع وهي خطوة كويسة
يليها بناء حزب المؤتمر الوطني بعد تفكيك لجنة تفكيك التمكين وإعادة التمكين مرة تانية..
خطوة اخري عملها انه حلق شنبه تاني بعد قام في السسجن..
أما خطوته قبل الاخيرة فكانت الي السجن مرة اخرى بعد ان اعاد القائد العام سعادة عبالفتاح البرهان اعتقاله وحبسه قبل ان يجف مداد بوستك هذا.
وفي الخطوة الاخيرة بكى ابراهيتم غندور كما لم يبكي للبشير قبلاً وتنهد وتنخنخ وقال انا فرحت غردت قايله صحي ..ما قايله كلام ليل محاه النهار النهار .
ثم ذهب حبيساً..
| |
|
|
|
|
|
|
|
|
|
Re: ماهي خطواتandquot;غندورandquot; بعد إطلاق صراحه؟ (Re: HAIDER ALZAIN)
|
| Quote: خطوة اخري عملها انه حلق شنبه تاني بعد قام في السسجن.. |
ههههههههههههه
مبالغة يا حيدرنا- انت حتى الشنب ما خليتو :)
Quote: أما خطوته قبل الاخيرة فكانت الي السجن مرة اخرى بعد
ان اعاد القائد العام سعادة عبالفتاح البرهان اعتقاله وحبسه قبل ان يجف مداد بوستك هذا. |
لا ياخي؟؟
هل المعلومة اكيدة يا حبيبنا - نرجو التأكيد - عشان اذا كانت اكيدة نقوم (نعرش) على كده ونشوف موضوع تاني.
تسلم يا حبة
| |
|
|
|
|
|
|
|
|
|
Re: ماهي خطواتandquot;غندورandquot; بعد إطلاق صراحه؟ (Re: علي عبدالوهاب عثمان)
|
Quote: يا الشيخ
واحد مسطول قال
بالله غندور مرتو من
حفرة الدخان ما قامت
شالو تانى رمو في السجن |
بالله يا بدرنا الناس لاحقين الزول لغاية المخدع.
الزول فعلا رجع "الرج" لكن يا بدرنا الزول ده بيكون
عمل ليهو حاجه- هي شنو ما معروفة !!
قابل منو؟؟ ما معروف؟؟
بالمناسبة هو مقفول مع البشير وعلي عثمان ولا وين مقفول؟؟
| |
|
|
|
|
|
|
| |
الشيخ سيد أحمد
كمال عباس
علي عبدالوهاب عثمان
Nasser Amin
ود محجوب
HAIDER ALZAIN
بدر الدين الأمير
Arif Nashed
فيس بوك
تويتر
انستقرام
يوتيوب
بنتيريست