|
|
|
 Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
برواقة وبدون إنفعال.
إذا كانت قحت عجزت عن فتح طريق حيوي وشريان يرفد الدولة
بكل ماتحتاجه- فهل تستطيع أن تزيح هذه الفئة من السلطة؟
NO NO NO
مع ملاحظة ان قافل الطريق قال ليكم - إذا البرهان إتصل علي سأفتح الطريق.
ومع ملاحظة أنو ابراهيم الشيخ قال- طيب يا البرهان ما تتصل عليهو عشان يفتح الطريق.
أهم ملاحظة أنو زيارة اسرائيل تم فيها وضع الخطة للإطاحة بقحت.
| |
 
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: الشيخ التاج ..
مشتاقون .. :) |
قبة يا لذيذ
ليك حشة والله.
عليك الله بدون عةاطف وبي رواقة.
قحت عندها شنو - Nothing
الشارع محتاج لقائد حقيقي يلتف حوله ويمنحه الدعم اللازم.
الوضع بيقول انو قحت اتخارجت من المشهد.
وبيقول الوضع احتمال عودتها بمسمى جديد- مع اضافة بعض الاسماء- لاحظ للاسماء
دي وليس اضافة مكون او حزب سياسي.
والوضع بيقول برضو انو عودة المؤتمر الوطني بصورة فاعلة ومؤثرة في المشهد- وكأنك يا ابوزيد ما غزيت.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
حياك الله ابوحسين
Quote: قحت ازاحت الكيزان
ثانيا الشعب كلو ما قحت الآن في الشارع
سلام |
قحت لم تزيح الكيزان- قحت سطت على الثورة.
قحت تتشدق بأنها تحالف عريض ولكن وضح أنها مجموعة صغيرة إستاثرت
بالمشهد السياسي- هذا هو سبب (البطبطة) يا ابوحسين- وسبب البلاوي كلها.
رفضت ان توسع قاعدة المشاركة السياسية- هي من تتحمل مآلات الوضع الحالي.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
بالمناسبة - جقود عندو بوست عن البديل.
وكأنه يتنبأ بمآلات الأمور.
إختلفت معاهو في من هو- جقود يصر على ان البديل برنامج
وأنا أصر على ان البديل في الوقت الحالي هو شخصية وليس برنامج.
وبين البرنامج والشخصية - قحت ركبت الناس الطرورة.
يبقى مسألة أنو يكون في تغيير قريب Noway.
لأنو مافي بديل ممكن يقنع الشارع.
الحل شنو؟؟
الحل هو العودة إلى اصل الثورة.
لجان المقاومة- الجسم الحقيقي الذي كان يحرك الثورة.
شباب متفانين وصادقين - هم من يختاروا ممثلين المجلس السيادي
و ح يوفروا له الدعم المطلوب.
واحدة من أكبر أخطاء قحت هو عزلها للجان المقاومة والإكتفاء بالإشارة إليها
في خطاباتها فقط - دون إشراكها بصورة حقيقية في المشهد.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: الشيخ تحياتي
كلام صحيح فاي ثورة يجب ان يكون لها قائد يقود الشارع وهذا ما لم تنته هذه الثورة
الشارع الآن يعتبر حمدوك رمزية لثورته لعدم وجود قائد حقيقي. |
سلام عارف
ابدأ حمدوك ما يمثل رمزية للشارع.
يمثل الحكم المدني فقط- وفي فرق كبير هنا يا عارف.
حمدوك وجد سخط كبير جدآ من الشارع لفشله في ادارة البلاد بالصورة التي كان يرجوها المواطن.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: أبوبكر عباس)
|
Quote: بالمناسبه شايفك قلت (ابراهيم البزعي) الدفعه القدامك كااااااااك
انت متين درست في معهد الموسيقى والمسرح؟؟ |
واضح انك غبي و معتوه
دفعة قبلنا في الهيئة القومية للإذاعة و التلفزيون
فعلاً ما اغبى من الكيزان الا مرمطون الكيزان
هاك الحس بالطريقة المتعود عليها
https://www.0zz0.com
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: خضر الطيب)
|
Quote: واضح انك غبي و معتوه
دفعة قبلنا في الهيئة القومية للإذاعة و التلفزيون
فعلاً ما اغبى من الكيزان الا مرمطون الكيزان
هاك الحس بالطريقة المتعود عليها |
بالمناسبة يا خدورة.
شايفك برضو قلت شغال في قناة في قطر.
وبرضك بتقول كنت شغال في تلفزيون السودان.
شغلك شنو كان؟؟ يعني وظيفتك شنو؟؟
يوم واحد ما شفنا إسمك لا في اخراج ولا مونتاج ولا تصوير.
تكون انت الزول البيعمل وششششش بعد الإرسال ينتهي هههههههه.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: والوضع بيقول برضو انو عودة المؤتمر الوطني
بصورة فاعلة ومؤثرة في المشهد- وكأنك يا ابوزيد ما غزيت. |
ما عارف عودة المؤتمر الوطني دي أمنية أم أحلام يقظة؟
ياتو وضع يا الشيخ تقصد؟ إذا كان الوضع في كل شوارع السودان
رافض الكيزان والعسكر معا ولا إنت ما بنسمع هتافات الثوار ؟؟؟
أرجع السمع كرتين وأسمع ما يقوله حتي الثوار الصغار عن الكيزان.
الردة مستحيلة
وبالمناسبة الشارع تجاوز قحت وحمدوك ذاتو.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: محمد محمد قاضي)
|
Quote: ما عارف عودة المؤتمر الوطني دي أمنية أم أحلام يقظة؟
|
الفرق شنو بين الاتنين- امنية واحلام يقظة؟؟
تفتكر انو انا عاجز اني اقول كده اذا كنت فعلا راغب في تفسيرك ده.
شنو يا محمد قاضي - ماسك نار وما ركزت في بداية البوست.
كدي اقرا تاني بي رواقة وشوف انا قلت رايي شنو - وقلت رؤيتي لللحل شنو.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: السلام عليكم ورحمة الله وبركاته
شكراً الأخ الشيخ
ما بعد انقشاع المشهد يوم تلاتين أكتوبر الأخضر؛ سيكون للشعب وجها أخرا
ولن تكون الأيام كما هي من قبل أخي الشيخ
أركب معنا ولا تكن مع ...
مع ضرورة إدغام المتجانسين في الباء والميم في كلمتي أركب معنا
ثم مشتاقون
ما تعمل لي زي ما عملت مع استاذي القباني
___
الحليلة |
حياك الله اخونا زين العابدين.
نحن راكبين في سرج واحد يا زين العابدين- لكن انا رايي انو لجان المقاومة هي الاصل
وهي من يفترض ان يفسح لها المجال لإختيار ممثليها- وتكون هي المراقبة لسير العمل.
قباني بينو وبينو مواضيع قديمة بين اولاد حمدوك واولاد التاج:)
والبينا عامرة مافي شك في ذلك.
تحياتي يا حبوب.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: إذا كانت قحت عجزت عن فتح طريق حيوي وشريان يرفد الدولة
بكل ماتحتاجه- فهل تستطيع أن تزيح هذه الفئة من السلطة؟ |
الشيخ سلامات..
أنت تتكلم عن قحت أم عن الشعب السودانى.. الشعب السودان هو ازاح الكيزان وليست قحت.. قحت أتى بها الشعب بعد أن نجحت ثورته ثم خانته وباعت الثورة لأحزابها.
والان الشعب هو الذى فى الشارع، والشعب هو الذى فرض بيان مجلس الأمن الدولى ولولا شجاعته وصموده لما وقف معه أحد، لا فى امريكا ولا فى اوروبا.. فإن الغرب يحترم
القوى.. وبعد استعادة الديمقراطية فأعدك أن قحت لن تجد شيك على بياض مرة أخرى.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: Abureesh)
|
حياك الله ابوريش
Quote: الشعب السودان هو ازاح الكيزان وليست قحت..
قحت أتى بها الشعب بعد أن نجحت ثورته ثم خانته وباعت الثورة لأحزابها.
وبعد استعادة الديمقراطية فأعدك أن قحت لن تجد شيك على بياض مرة أخرى. |
مية المية ابوريش- معناها نحن متفقين.
طيب خليني اقول ليك حاجة تانية- عندما اقول (ما عايز احبطكم) فأنا أعني أن الطريق لن يكون
مفروشآ بالورود.
وأعني أن هناك الكثير من الأرواح ستزهق.
وأعني أن على الجميع الرجوع لمنصة الإنطلاق(لجان المقاومة).
وأعني أن البلاد مقبلة على سيناريو مختلف( ح أفرد بوست مخصص للحتة دي )
وأعني أن إسرائيل ستحاول المحافظة على مصالحها ولن تتركها بسهولة بعد أن وجدت موطئ قدم لها
في أرض أحلامها ومدخلها نحو أفريقيا.
وأعني أن
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
هلا الشيخ،
زمن الخوف والأحباط والتخذيل الشباب ديب تخطوه من زمان.. ديل يشوفوا زملاءهم فى المظاهرة يقتلوا بالرصاص قدامهم كل يوم وتانى يرجعوا يتظاهروا فى نفس الحتة.. أحباط مافى يا حبوب. مشوا بعيد ديل
ما فى شئ يقدر يحبطهم أو يخوفهم. كسروا حاجز الخوف وخرجوا بصدور عارية يقولوا للعسكر حباب الموت وحباب الدم.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: Deng)
|
الشباب عبر وسينتصر
هزموا الخوف ومستعدين
اما حمام الدم الذي يهدد به برهان
والمنظومة الامنية ف هم الان يرتجفون
وسيخونون بعضهم بعضاً، دي ما مجزرة
فك اعتصام القيادة ( التي دفع فيها الثوار
دم غالي وغزير 1800 شهيد غير الجرحي
والمفقودين ومن اغتصبوا ) دي ملايين وفي كل
السودان .
ابرهة سيكون عبرة لمن يعتبر ان تجرأ وقتل
المتظاهرين
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: أبوبكر عباس)
|
يا بك شايف أيدي كوهين محتفي بالإنقلاب لأنه حسب تفسيره أطاح بحزب البعث والأخوان المسلمين ما عندهم مشكلة مع إسرائيل بدليل إنهم شريك في الحكومة الاسرائلية اليوم ، السعوديين دايرين حصتهم من الجنجويد في اليمن ، الأماراتيين مع الرصين ودويلة توسعية تريد حجماً أكبر منها وامكن موعودين بميناء بورتسودان والكيزان حركة لا فقارية ما عندهم مبدأ البهمهم انه يوقفوا ليهم لجنة التمكين ويوصلوهم لحدي الانتخابات دون محاسبة حقيقية أو مصادرة للأموال المنهوبة أما مصر أخت بلادي الشقيقة لا تريد إلا عدم إستقرار السودان بغض النظر عن من سينفذ لها مشروع الخراب
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: muntasir)
|
Quote:
والوضع بيقول برضو انو عودة المؤتمر الوطني بصورة فاعلة ومؤثرة في المشهد
|
أهلا
المؤتمر الوطني اللى هو الأخوان المسلمين
إطمئن ديل محاربين من جميع دول العالم
بما في ذلك دول الخليج الامارات السعودية
الخ الخ
وعودتهم في احلامهم وأحلام من يحلمون بعودتهم
باقي كلامك مجرد تنظير ساي يا اللخو
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: Hassan Farah)
|
Quote: إذا كانت قحت عجزت عن فتح طريق حيوي وشريان يرفد الدولة
بكل ماتحتاجه- فهل تستطيع أن تزيح هذه الفئة من السلطة؟ |
¨دى قراءة عجيبة وفكر سقيم !!
وهل آلات فتح الطريق الحيوي كانت بيد قحت ام بيد العسكر . انتا شايف الفيل وبتطعن فى ضلو ؟؟
وبعدين هل فحت لوحدها فى الجانب المدني ام جماهير الشعب السوداني ؟
من سيقوم بازاحة الانقلابيين هم نفس الشعب الذى ازاح سلطة الكيزان وليس ق ح ت.
الطائرة الماليزية المختفية منذ سنوات يمكنها ان تعود ولكن من المستحيل عودة الكيزان الى السلطة مرة اخرى .
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: علاء سيداحمد)
|
الشيخ تعال نحبطك
العجلة لا تدور إلى الوراء....غدا السبت العسكري المجرمين يعلمون
ماذا ينتظرهم.....الكيزان إلى غير رجعة وسيناريو السيسي المصري
لن ينجح في السودان لسبب واضح وهو الإرادة الشعبية....
ستعود قحت إلى الواجهة.
معقول فايت عليك يا شيخو ..... خيانة العسكر للشعب والوطن
اسمهم حماة الوطن..من قمنا عرفنا كدة..لكن اتضح انهم من باعوا الوطن
طمعا وضعفا وقلة حيلة وجبنا.....وخوفا من العدالة ...
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: Ahmed Yassin)
|
سلام عزيزنا الشيخ سيد أحمد
شوف عين، لا سمعت لا حدثوني بيهو، مكتوب في كتاب تاريخ السودان إصدارة سنة 2112 الجمل والعبارات التالية بالنص:
«كانت محاولة البرهان الإنقلابية هي آخر محاولة من العسكر للتسلط على السودان.
مدة الفترة الإنقلابية البرهانية كانت أقصر من دورة حياة الباعوضة.
بعدها استقرت الدولة المدنية بديمقراطيتها المستدامة.
الدولة المدنية لم تكن ناجحة منذ بدايتها وقد صاحبتها صعوبات جمة والعديد من الإخفاقات في الوصول لمشروع وطني شامل ومتفق عليه.
بعد تداول السلطة بطرق سلمية عدد من المرات وعلى مدار سنوات بدأت النهضة إلى أن وصل السودان إلى مستوى عالٍ من الحكم الرشيد الذي ننهل من خيره حتى اليوم»*
بس إنت قول معانا:
شئ لله يا شوارعنا الثايرة يا الفى السودان ارادتكم سايرة
ارموا ترسكم فى وش كل جايرة خلو بلدنا التصبح نايرة
يا كل شهيد وكل شهيدة ويا اهل الثورة الباقية فريدة
انتو ما بتنهزموا اكيدة وما بيغلبكم هذا الصيدة
وبا رحمن أرحم بجودك
\
* الكلام دا مكتوب كدا بضبانته في كتاب التاريخ وعلامات التنصيص عشان ما يجي واحد يقول أنا سرقت النص بدون توضيح ذلك.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: Hafiz Bashir)
|
باقي لي يا منتصر، تنظيم الأخوان المسلمين انتهى في السودان إلى غير رجعة،
أصلاً تنظيم المؤتمر الوطني ليس له علاقة بتنظيم الأخوان المسلمين الايدولوجي،
ديل صعاليك مصالح، كل مشكلتهم كانت لجنة التمكين ما ترجع منهم ما سرقوهو أيام البشير،
في لسّة بعض الأفراد من الأخوان المسلمين داخل المؤتمر الشعبي لكنهم غير مؤثرين في الساحة السياسية.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
دينق:
وما هو ما يعيب (عمر التاج) يا دينق؟؟
ماتراه غريبآ يا دينق أراه طبيعيآ جدآ- عمر التاج عامل ليك صداع اظنو :)
بعدين طوالي كده وبدون اي مقدمات لصقت لي الديباجة هههههه
كان تنتظر شوية كده – غايتو وضح لي خالص انك ما بتقدر تقرأ إلا من ورقة واحدة فقط.
ابو ريش:
بديت كويس – لكن ردك التاني عاطفي اكثر من انو عقلاني- العاطفة لا تصنع التغيير ولا تكتب تاريخ الأمم.
اخلاص :
كلنا في الهوى شرق- سينتهي هذا الوضع- لكن متى وكيف؟؟
منتصر:
ههههههههههه قلت لي ظاهرة وما عايزة اي اضافات.
ابوبكر عباس:
اسئلتك مهمة جدآ- لكن تفسير منتصر انا مختلف معاهو.
طلحة:
شنو يعني باقي كلامي تنظير ساي- يعني انت كلامك ممهور بتوقيع سكرتير الامم المتحدة؟؟
ابرد يا طلحة- قول بسم الله- وخت لينا الكورة واطة بالله.
احمد ياسين:
يا حبيبنا غدآ السبت سيكون الموت على بعد عتبات من المنازل- هذه القوى الباطشة ستعمل على منع الجموع من ان تتجمع- وهاهي ترابط على شرفات المنازل في ام درمان وبري والحاجوسف- نسأل الله السلامة
حسن فرح:
ملاحظ انك بتقول (عداوة يا خلق الله) – مالك يا زول – قول بسم الله وخت الكورة واطة.
علاء سيدأحمد:
ليه بس يا علاء- كان ممكن تكتفي بي "قراءة عجيبة" دون أن تضيف "فكر سقيم".
ابشرك بأنني لست بسقيم ولله الحمد.
.
كسرة:
عندما أقول عودة المؤتمر الوطني أعنيها تمامآ-
شهدنا قوات أمنه قد اسست منصة قبل 21 اكتوبر امام القصر-
شهدنا إعتقالات الوزراء واعضاء مجلس السيادة من المدنيين.
شهدنا تغريد جبريل ومناوي خارج السرب.
العاطفة وحدها لن تكون كافية لإزاحة العسكر- هناك ارواح على شفير الموت.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: Osama Mohammed)
|
كما نرجو دي يا الشيخ حسب مكان وقوفك منها, ربما الامور فعلا ليست كما ترجو انت, لكن نحنا علي اليمين الامور زابطة ومنقة بس, كل ما تشوف هضربة البرهان و كونه ما قادر يقول مية كلمة متسقة لا تخلو من تناقض ويكب اولها آخرها
و تشوف المواقف الدولية و الادانات و الضغوط و التحذيرات الوقعت هبطرش ما حصلت قبل كدا لانقلاب آخر في العالم
أما كمان ما يزيد البسط و الكيف كمبة الهرجلة و العبط البقوموا بيه شلة"الخبراء" في الفضائيات و تبرعهم بجهلهم وغبائهم
كيف ليست على ما نرجو و نحن شايفين الشارع متوحد خلف مطالب واضحة ومباشرة كما لم يتوحد من قبل!
كيف ما ننبسط و البرهان من شده عجزه ما لقى غير يلم ليه متنبي و عبيطة تيك توك و انتهازي و شوية طلاب مؤتمر وطني وقالوا نحنا شباب الثورة!
الانقلاب دا اشبه بالغربال, لم العولاق كله في كيس زبالة واحد مستني عربية البلدية!
الامور كما نرجو - نحن - ونشتهي على افضل ما يكون.
| |
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: محمد البشرى الخضر)
|
Quote:
شنو يعني باقي كلامي تنظير ساي- يعني انت كلامك ممهور بتوقيع سكرتير الامم المتحدة؟؟
ابرد يا طلحة- قول بسم الله- وخت لينا الكورة واطة بالله.
|
لا لا يا اللخو كلامي تنظير وانت برضو كلامك تنظير
بس تعترف وتبطل ورجغة خخخخخخخخ
أبرد ؟؟؟؟
ليي انت شايفني قاعد ليك في صاج عواسة واللا شنو ؟؟
اللهم لا تمحنا لا تبلينا .
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: طلحة عبدالله)
|
انا غايتو لسه برجو واترجى الجاكومي ينشر ال ٢٠ الف مقاتل حقنه
بالتاتشرات والدوكشات..
كما ارجو انك ما تبقي الشيخ التاج بالجد وتقعد تشبكهم
لينكات وبوستات وآراء سابقة..
لا عودة العسكر ولا لعودة الكيزان والاسلام السياسي
ديل الاتنين رسخن ودا البيشكل ليك كيف سيحكم السودان تاني.
زي الأحداث دي البتديك مطلوبات المرحلة..
مش تقفز لي في حمدوك فلان مسك وفلان فكاها..
في كتاب التاريخ الذكره الاستاذ حافظ بشير
صفحة ١١٣ مكتوب؛
وبنهاية أكتوبر ٢٠٢١ اضيف الإسلام السياسي والانقلابات العسكرية الي الطائفية والاقطاعية والملكية في أرشيف السياسة السودانية..
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: HAIDER ALZAIN)
|
ود البشرى
المواقف الدولية مش كان ممكن تكون والوضع يكون مختلف؟؟
التغيير مش برضو ممكن يحصل لكن بصورة مختلفة؟؟
طلحة:
وضحت وجهة نظرك- واحيي فيك روح المعط الإسفيري خخخخخ
حيدرنا:
الجاكومي عندو قوات ولا ماعندو - ما اظن يتدخل- ليه؟؟
لأنو وحميدتي سمن على عسل.
كدي بي رواقة يا جماعة.
تغيير الوضع الماثل الآن - هل كان ممكن يكون بي سيناريو مختلف؟؟
شنو يعني أشعل الوسائط وأحمس في شباب عشان يمشوا يواجهوا الموت؟؟
طيب السودان منو ال ح يبنيهوا؟؟
(ترك) قفل خط الشرق والميناء- ودخل البلد في جحر ضب.
ليه ما كانت في دعوة لعصيان مدني شامل - عشان نتجنب الموت ال ح يحصل للشباب؟
طيب - وبعدين- منو ال ح يستلم مقاليد الامور بعد يحصل التغيير؟؟
اوعكم تقولو قحت!! ح نكون رجعنا لنفس المربع و ح نكون بنكرر في تجربة اثبتت فشلها.
والغريبة الناس العمرها فوق للستين وسبعين سنه - شابكين الشباب هذه ثورتكم ولازم شنو
واطلعوا واجهوا الموت وسلمية سلمية - وهم قاعدين متربصين - وبمجرد ما يحصل التغيير
يجوا يتزاحموا قدام الشاشات ويعملوا فيها اسياد الرصة والمنصة.
عمركم فوق للستين سنه- انتو ما تطلعوا- ليه تخلو الشبابا وحدهم يطلعوا؟؟
اعملوا بيان بالعمل وامشوا واجهوا الموت انتو بدل الشباب ديل.
التغيير ح يحصل - لكن كان ممكن يحصل بصورة تحفظ الأرواح-
الاهم هو عودة القرار الى لجان المقاومة - ناس الوجعه الجد جد -
اريحونا من قحت الركبت الناس الطرورة.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: وضحت وجهة نظرك- واحيي فيك روح المعط الإسفيري خخخخخ
. |
القال ليك منو يا عميق باشا ؟؟
القاولك منو ؟؟؟؟؟
وجهة نظري لو كانت واضحة ليك
كان بطلت التذاكي البتعمل فيهو دا يا اللخو
ما عايز احبطكم وأنا ضد الانفلاب ودا ود حمدوك
ودا ود فلقوك
اتا يا اللخو العبقرية دي جبتها من وين العايز تخمنا بيها دي ؟؟
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: طلحة عبدالله)
|
من الواضح لا العسكر ولا الفلول ولا الحركات المسلحة تملك ثقلا أو وزنا
جماهيرا مؤثرا إنهم يقفون في المكان الخطأ ويسبحون ضد مجري التاريخ
نبض الشارع، ضميره وحسه الوطني ديموقراطي ثوري ،مدني
الجماهير تملك قرارها وإرادتها الحرة ـ لن يرهبها تخويف أو تخذيل أو دس للسم
في الدسم
.. الموقف واضح يتطلب مواقف واضحة وإتساق وإستقامة فكرية
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: كمال عباس)
|
Quote:
كان بطلت التذاكي البتعمل فيهو دا يا اللخو
ما عايز احبطكم وأنا ضد الانفلاب ودا ود حمدوك
ودا ود فلقوك
|
وين التذاكي يا طلحة؟؟
يعني انت مفتكر انو اذا انا عندي موقف مؤيد للإنقلاب ح اعمل ميت عشان
يقولو المناتل الشيخ؟؟
يا زول انت ماك نصيح؟؟
انا عنونت صدر البوست بموقفي من الإنقلاب - عشان الناس ما تحاول تحاسب بالنوايا
زي ما انت عايز تعمل الآن.
لا وجابت ليها كمان عبارات زي (تذاكي).
خليني اقول ليك بوضوح - انا وجهة نظري مابراعي فيها لي زول -
ليه؟؟
لأنو ده بيمثل رايي الشخصي.
ما انتو شابكننا قحت عملت و قحت فعلت لمن البلد دخلت في كستبانه- في زول واحد قاتل ليكم تذاكي
ولا (حمارة ميتة)-
كان تكون واضح وشجاع وتحمل قحت مسؤولية الحصل في البلد - بدل ما عايز تحاسب نوايا الناس.
| Quote: اتا يا اللخو العبقرية دي جبتها من وين العايز تخمنا بيها دي ؟؟ |
اتحفظ على الرد- لأنو اذا رديت عليك في الحتة دي - ف ح اسوق الحوار معاك لي حتة من الصعب الرجوع منها- سواء على مستوى
الحوار او على مستوى زمالة البورد- انا افضل ان تكون شعرة معاوية بينا.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
Quote: من الواضح لا العسكر ولا الفلول ولا الحركات المسلحة تملك ثقلا أو وزنا
جماهيرا مؤثرا إنهم يقفون في المكان الخطأ ويسبحون ضد مجري التاريخ
نبض الشارع، ضميره وحسه الوطني ديموقراطي ثوري ،مدني
الجماهير تملك قرارها وإرادتها الحرة ـ لن يرهبها تخويف أو تخذيل أو دس للسم
في الدسم
.. الموقف واضح يتطلب مواقف واضحة وإتساق وإستقامة فكرية |
طيب يا كمال
مش كان مفروض الناس تستغل الوضع وتحفظ ارواح الشباب.
تعمل عصيان مدني - االبلد ح تقيف- و ح يكون التأثير كبير ودون موت لهؤلاء الشباب.
الجماعة القاعدين في التكييف وشغالين يحمسوا في الشباب - ينزلوا يشاركوا وينزلوا
اولادهم عشان يثبتوا صدق نواياهم .
مش قاعدين وضاربين الترطيبة واولاد الناس بيموتوا - عشان سيادتهم يجوا بعدين
يتوهطوا ويقعدوا ينظروا ويضيعوا الشي الباقي في البلد.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: كمال عباس)
|
| Quote: الجماهير خرجت بإرادتها الحرة وخيارها الديموقراطي |
كده معناها ح نرجع لواحده من النقاط الأساسية الكنت قد اشرت لها من قبل.
وهي إفتقاد الثورة والمرحلة الحالية تحديدآ لقائد حقيقي - يقود هذه الجماهير بالكيفية التي تحفظ ارواحهم
وتحقق غاياتهم.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
يا شيخ، البلد ما دخلت في كستبانة
وحكومة ق ح ت مع حمدوك الأخيرة كانت من أنجح الحكومات من ناحية اقتصادية،
الكلام البقول فيهو البرهان دا مكنة ساكت وأنت بيديك وكرعيك داير تثبتو وتبني عليهو موقف.
يا زول، كلامك والبرهان ما صاح ونوع من الشربكة ساكت لقتل نجاح الحكومة
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: أبوبكر عباس)
|
Quote: يا شيخ، البلد ما دخلت في كستبانة
وحكومة ق ح ت مع حمدوك الأخيرة كانت من أنجح الحكومات من ناحية اقتصادية،
الكلام البقول فيهو البرهان دا مكنة ساكت وأنت بيديك وكرعيك داير تثبتو وتبني عليهو موقف.
يا زول، كلامك والبرهان ما صاح ونوع من الشربكة ساكت لقتل نجاح الحكومة |
يا ابوبكر
انا رايي من قبل الإنقلاب - كلام البرهان ما معول عليهو كتير.
انا ما عايز اثبتو لأنو اصلآ الفشل حاصل - وخلافات قحت برضو حاصلة.
ياخي اذا كان حميدتي بي نفسو قال انو في واحد من قحت جاهو وقال ليهو عايزين الفترة الإنتقالية
تكون 15 سنه- اتخيل يا ابوبكر.
بعدين يا بوبكر وين نجاح الحكومة؟؟
ناخد مثلآ:
رفع السودان من القائمة السوداء- بيقابلو بي هناك مورد جديد للولايات المتحدة - لمن اقول مورد
مش مورد مالي بس- مورد مالي وأستراتيجي. قول واحد.
ما تنسى انو لسه في (مسمار جحا) في القرار الصاحب رفع السودان من القائمة- قضية التعويضات
المليارية- وطبعآ دي ح تكون زي عداد التاكسي كل يوم بتزيد - و ح يجي يوم ويقولو ادونا حقنا.
على مستوى الداخل - الاسر لا تستطيع توفير ابسط مقومات الحياة - بينما (اردول) "كمثال" يحصل
راتب شهري 2500 دولار- شفت التناقض ده كيف.
اذا كان ده زول واحد بيصرف 2500 دولار- تفتكر ح تكون مخصصات الحكومة الإنتقالية قدر شنو؟؟
يا ابوبكر - فشل الحكومة كان واضح جدآ- مع انو لسه ما تطرقت للنواحي الامنية وظاهرة الإنفلات
الأمني في المدن السودانية ككل والخرطوم بوجه خاص.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: الشيخ سيد أحمد)
|
اللخو الشيخ
أنا لو عايز احاسب نواياك بحاسبا
وبقول ليك انت كوز عديل كدا
أو من ( أولاد البشير وصلاح قوش الخ الخ)
أها يعنى ح تعمل شنو ؟؟
انت قبل كدا ومن جرأتك ولداحتك مش حاسبت نوايانا بس لا ..
أنت دخلت في قلوبنا عديل وصنفتنا جبتنا هنا لستة
قلت ديل أولاد حمدوك بلا أي دليل رجالة ساي كدا .. فااااشنو
على الاقل لو طلع كلامي غلط في انك كوز وفلول وود فلان وفلان ( أقول لو طلع )
بقول ليك هذه بتلك انت قلت أولاد حمدوك أنا بقول ليك
كوز فلول (أولاد البشير قوش الخ الخ )
قلت ليك انت بتاع ورجغة ولابد أن تقع بكترة
الورجعة البتسو فيها دي
ثم
أنت يا اللخو رجاء خلي شجاعتي وقوتي لي براي
بتخصني أنا ما تجي جنبها .. وتبعا لذلك اترك
لي حريتي احاسب العايز أحاسبو ما تفرض علي
احاسب منو وأخلي منو ؟؟ امشي انت حاسب واللا
أقع البحر يا اللخو ما تزعجني بمطالب بتخص قناعاتي .
........
أنا ما عايز احاسب اي كائن أو جهة بس بمعط الفلول وتجار الدين والأرزقية
والمتذاكين .
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: طلحة عبدالله)
|
أيوة الحتة بتاعت شعرة معاوية وعباس دي برصو نوع
من التذاكي واللولوة الكتيرة البتعمل فيها هنا دا ..
شنو يعنى في نقاش واخذ ورد عملت فيها شعرة وبعرة ؟؟
دا منبر بتاع نقاش تقول رأيك وأقول رأيي بدون شعر وبعر
والحاجات الشخصية الحشرتها دي .. يا كدا يا كما
لو عايز تقطعا ولا تحرقا بجاز انت حر .. أعمل ليك شنو
تفتكر ؟؟
هذا مزعج بحق يا للخو.
| |
|
|
|
|
|
|
|
|
|
Re: ما عايز أحبطكم- لكن الأمور لا تسير كما نرج� (Re: muntasir)
|
أنا شبه رجل أعمال وبقيس الأمور أقتصادياً
أحسن وقت كان للعمل اي داخل السودان كان في الفترة السابقة بعد تحرير الجنيه.
البرهان وحميدتي حسدوا الحكومة المدنية على هذا النجاح الباهر،
وعملوا اللولوة الحاصلة دي
أي محاولة منك تشوف الأمور بمنظار تاني بتبقى محاولة تغش نفسك ساكت.
البرهان وحميدتي حسكنيت
| |
|
|
|
|
|
|
| |
الشيخ سيد أحمد
يحي قباني
ABUHUSSEIN
Arif Nashed
خضر الطيب
أبوبكر عباس
elhilayla
محمد محمد قاضي
Abureesh
Deng
طلحة عبدالله
Hassan Farah
علاء سيداحمد
Ahmed Yassin
Hafiz Bashir
Osama Mohammed
محمد البشرى الخضر
HAIDER ALZAIN
كمال عباس
بدر الدين الأمير
فيس بوك
تويتر
انستقرام
يوتيوب
بنتيريست