بهدوء.....الوضع الراهن

مرحبا Guest
اخر زيارك لك: 02-08-2023, 08:13 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-27-2021, 01:13 AM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بهدوء.....الوضع الراهن

    01:13 AM October, 27 2021

    سودانيز اون لاين
    فردوس جامع-
    مكتبتى
    رابط مختصر



    السلام و التحية لكم جميعاً أعزائي البورداب أينما كنتم...

    الرحمة و المغفرة للثوار الذين صعدت أرواحهم في سبيل الحرية و السلام و العدالة!


    الوضع سيء و غير مُبشر البتة, يحتاج لكثير من العقلانية و العمل بمعطيات الراهن السياسي...

    المطلوب الناس تكون موحدة و في قلب رجل /إمرأة واحد/ة

    مقدمة مهمة....

    معظمنا تابع ما جرى بعد تكوين الحكومة المدنية بإحباط و أسى نابع من سوء إدارتهم لملف مهم ألا و هو التسامي و وضع مصلحة الوطن في المقدمة...

    ما حوجوا الكيزان لممارسة فرق تُسد ... فقد نجحوا بجدارة!

    أصابع الإتهامات و التخوين مشهورة من الغالبية ضد الغالبية...
    مجرد ما يختلف شخص مع آخر ... تاخ أنت كوز , عميل, أشتروه ناس الإمارات و تخوين فرق الشمل و أضعف صف وحدة الكتلة المدنية و أوصلنا إلى ما نحن فيه الآن!

    الفكرة...
    مع المقاومة الموجودة الآن في الشارع تتكون حكومة قوامها شباب الثورة ...من شباب قياديين في ثورة ديسمبر و لجان المقاومة ال هم الآن في الشارع و معرضين حياتهم للخطر!
    هم يكونوا الحكومة المدنية القادمة و هم الحيشرفوا على تكوين الأجسام الأخرى

    في رأيي شباب الثورة ما عندهم شغلة بمحاصصة و لا ترضية و لا خايفين من عسكر و ما حيداهنوا لأنهم طلعوا و عرضوا أرواحهم للموت في سبيل الثورة دي... و ممكن يموتوا دونها !
    ده يعني إنه مافي أحرص منهم عليها...
    الكلام ده حسب

    واقع -1
    الشارع محتاج لقوة داعمة ( إنقلاب سلاح) و ده صعب الحدوث و ذلك لأنه الجيش معظمه يتبع للنظام القديم و يُقال إنه ال شباب الوقفوا مع الثورة أُستبعدوا حتى دون مستحقات (لو في شخص قريب من الجيش ممكن يبصرنا في أمر الجيش)

    واقع -2

    برهان عمل الإنقلاب بعد إجتماعه مع المبعوث الأمريكي ... رسالة إنه الكرت ده ما بيخوفنا ليه....
    لأنه روسيا داعمه لموقفه... مصلحتها و مكاجرة لأمريكا...
    في أخبار تقول إنه ال wagner كانوا ضمن المنفذين لإعتقال الوزراء ديل ( وجودهم في السودان معروف من 2017) ... كانوا جزء من الأمن

    ثم لا ننسى لما بشار الأسد كان بيسمم في شعبه بالغاز السام العالم ما كان قادر يتدخل للأسباب أعلاه ( القوى العالمية)

    يعني تدخل واضح من أمريكا أو الدول العظمى الأخرى ... صعب

    أمريكا شجبت و استنكرت و حتوقف المساعدات ال 700 مليون دولار ... دي و فرض عقوبات إقتصادية على حكومة البرهان في الحقيقة عقاب للشعب ذي التخلف الحصل في عهد النظام البائد

    واقع -3

    البرهان مدعوم إقليمياً... و كونه يخسر أمريكا و بعض دول الغرب ما حتفرق معاه كنظام

    واقع -4
    العصيان في ظل الظرف الإقتصادي الحالي ده ... صعب , بعد عودة النت لسويعات الناس شكت من ارتفاع السلع ( هل ممكن نستمر كم يوم أو شهر؟ سؤال استراتيجي )

    واقع -5
    المليشيات البتقتل في الشباب دي ما بتتورع ولا عندها رادع... الشباب بواسل لكن روح واحدة too many, الموت الحصل من أمس كتير شديد
    شهداء ثورة ديسمبر و القيادة لسه حقهم ما رجع

    طيب
    البرهان و العسكريين شر لابد منه ( العنده رؤية غير كده طالعة من السناريوهات الفوق دي ممكن ينورنا... تكون رايحة علي)
    و ظلوا يتشدقوا أنهم عاوزين الحكومة المدنية و مع الإنتخابات ... يله الموية تكضب الغطاس...
    حكومة مدنية بحماية الثوار و بإذن الشارع , مشروطة بشرط الشارع ...

    ..................................
    في شأن الوحدة المأمولة و مطلوبة في الوقت الراهن

    تمنيت لو حمدوك كان على قدر من الكاريزما و الحنكة القيادية ليوحد الجميع ألا وهو صاحب الإجماع الشعبي عند قدومه لهذا المنصب... لم يحدث لأسباب نعرفها جميعا...
    أيضاً تمنيت لو قام بزيارة الأهالي الغاضبين في الشرق و الجلوس معهم و سماعهم لتجسير الهوة التى حدثت و تفويت الفرصة على المكون العسكري لبسط نفوذه عند الأهالي... أو العمل مع العساكر لا يهم المصلحة تقتضي ذلك!

    ضد كلمة فلول في حق آي مكون عدا ( الكيزان ال بنعرفهم) الباقيين ديل غضبوا لأسباب كلُ منا يقرأها بزاوية شوفه ...
    أذكر هنا إنه الشهيد أحمد الخير كان مؤتمر شعبي... دي للناس ال بيتسرعوا في إقصاء و وصم الآخر!
    و من الإقصاء الجنوني الحاصل الفترة المضت ... وُصم الأصم و أُتهم و خُون في محاوله لحرقه سياسياُ...
    كلنا متابعين حفلات الشواء لشباب الثورة التي أزكمت أنوفنا!

    الدعوة دي للتسامي فوق عثرات الفترة ال عقبت الحكومة المدينة و توحيد الصف لإرساء دعائم الدولة المدنية البنحلم بيها!

    عشان الناس تكون على كلمة سواء... الناس تخت الوطن نصب عينها... خاتين عين الإعتبار إنه دي فترة إنتقالية

    سيناريو الفشل محتمل , ده ما معناه ما نجرب... على الأقل نكون اتعاملنا مع الوضع بقليل من الحكمة... نواصل في الثورة بسلميتها دي!

    و الله من وراء القصد!



    ثم التحية للأخ العزيز جداً أبوسن








                  

10-27-2021, 01:42 AM

Mohamed Suleiman
<aMohamed Suleiman
تاريخ التسجيل: 11-28-2004
مجموع المشاركات: 20438

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)

    الأستاذة فردوس جامع
    لكِ التحية و الإحترام

    لأول مرة أقرأ و منذ زمن كلام رصين و تحليل واقعي و خطوات محددة للمرحلة الآنية و قريبة المدي، في وسط هذا الزعيق الصاخب.

    أتفق معك 100%
                  

10-27-2021, 02:16 AM

عبدالغني محمد الحاج

تاريخ التسجيل: 06-25-2005
مجموع المشاركات: 305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Mohamed Suleiman)

    خبر قوي لم يتأكد بعد:
    البرهان يستنجــــــــــــــــــــــــــــــــــــــــــــد برئيس البعثة الأممية لإعادة فتح الحوار مع من إنقلب عليهم

    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




    كلام غريب ولا يشبهك يا دكتورة
    كأنك تتغابين عن علاقة البرهان وجبريل وترك بالفلول والتنسيق الكان دائم لتعويق اكمال التحول الديمقراطي
    حتى حان ميعاد تسليم رئاسة مجلس السيادة فتسبقه بروفات قفل الشرق ومنصة قاعة الصداقة
    وبالتالي يجهز المسرح للبرهان للإنقضاض على حكومة الثورة حانثاً القسم بالدستور الذي أقسم على حماية الديمقراطية فيه
    والحجة جاهزة إنشقاقات قحت وإضرابات الشرق (بالله عليك)
    وعليك الله انت جادة إنو ما تتسمى الأشياء بأسمائها. هو الفلول ديل فلول بأفعالهم
    ولا بأسماءهم الأبجدية
    تقدري تقولي لي المستفيد الأول والأخير منو مما يحصل
    تتذكري بعد ثورة إبريل لما طلعوا جماعة طيبين زيك وقالوا ما تقولوا للناس سدنة
    وشوية شوية السدنة اشتد عودهم ويعوقوا في الديمقراطية لحدي ما نضجت البلد وقلبوها
    بعدين ما مصدق انك بترددي كلام الفلول إنه الثورة إتسرقت ومفروض
    الآن تستلمها لجان المقاومة
    انت قايلة الحكم دا إتحاد جامعة ولا نادي إجتماعي
    ما تعرف بقحت ون ملانة أخطاء وحمدوك خذل الثوار لكن الأكبر من دا كله كان التحول الديمقراطي وضرورة تأمينه
    إذا كان الوضع وصعوبته أعجز الحكومة السابقة وفيها الكثير من الخبراء في مجالاتهم
    دايرة شباب الثورة يقودوا السفينة لبر الأمان
    البيحصل دا مؤامرة وراها ترسانة الفلول وحلفاءهم من الأنتهازيين
    وحيسقط وتسقط معاه كل الأقنعة الزائفة
    وتتشكل حكومة جديدة لا فيها سلك ولا إبراهيم الشيخ ولا الميمونة ولا المك
    لو ادعيتي إنه الشعب حيضعف وما حيصبر انت واهمة
    الحيفقدوا القدرة والصبر هم المأجورين من العساكر والجنجويد وحتشوفي براك
    الشعب لا محتاج لا لإمريكا ولا لمصر لكن صموده جربوه الكيزان في عز قوتهم وتهديدات علي عثمان والفاتح عزالدين
    الشرفاء في الجيش بدوا يعلنوا تذمرهم
    المجد للشعب العظيم
    الخزي للمخزلين


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    لي مداخلة واحدة في اليوم من السيد سيد المنبر لذا لن أستطيع الرد عليك
    لكن لو سألت كيف يتغلب الشعب على العسكر فالجواب
    بالمقاومة السلمية
    إرهاق العسكر وحلفائهم من الفلول والإنتهازيين
    الذين حاربوا مع كل من يدفع في ليبيا وتشاد واليمن وجنوب السودان
    المسيرات، الكر والفر، الإعتصام المدني
    وحتى لو أسالوا الدماء فقد أسالوها في رمضان في صحن القيادة ثم إتوضوا وصلوا بعد ما فطروا
    غرف عمليات تكونت في كل دولة من دول العالم تدعم المقاومة
    وأتمنى لو تنضمي للعندكم في إمريكا




    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    رحلات الطيران رجعت من جديد
    خالد الاعيسر وكامل ادريس في مكتب القائد العام ربما هنالك مفاوضات لتشكيل الحكومة الجديدة
    تطبيق بنكك شغال للناس العندهم مشكلة في الحصول على قروش من ماكينات الصرف الالي
    تاتشرين اتصادمت في شارع الستين وأصيب جندي إصابات جسيمة وهم بحاولوا يزيلوا ترس
    الشباب اتطوروا في مسألة التروس بقوا يبنوه بنى عديل
    والشباب بتخليهم يزيلوا الترس ويرجعوا يبنوه من جديد
    صفحة ناظم سراج في الفيس فيها معلومات آنية وموثوقة

    (عدل بواسطة عبدالغني محمد الحاج on 10-27-2021, 02:31 AM)
    (عدل بواسطة عبدالغني محمد الحاج on 10-27-2021, 03:12 AM)
    (عدل بواسطة عبدالغني محمد الحاج on 10-27-2021, 01:15 PM)
    (عدل بواسطة عبدالغني محمد الحاج on 10-27-2021, 02:04 PM)
    (عدل بواسطة عبدالغني محمد الحاج on 10-27-2021, 02:34 PM)

                  

10-27-2021, 02:24 AM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: عبدالغني محمد الحاج)

    مرحبا محمد سليمان...

    لعلك طيب؟

    مشكور على المرور و الإتفاق...


    مرحبا عبد الغني
    كيف حالك لعلك بخير

    وين الغرابة يا أخي العزيز

    دي أفكار للخروج من الأزمة الراهنة!

    من غير إصطفاف و قراءة نوايا للتخوين...

    وضح لي في كلامي أعلاه الغريب شنو و نتناقش فيه...

    يمكن أكون مخطئة في قرايتي للواقع!

    لكما التحية
    ماله نتفاكر يمكن أكون مخطئة!
                  

10-27-2021, 02:40 AM

ترهاقا
<aترهاقا
تاريخ التسجيل: 07-04-2003
مجموع المشاركات: 7851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)


    Quote: يمكن أكون مخطئة في قرايتي للواقع!

    تماماً
                  

10-27-2021, 02:46 AM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: ترهاقا)

    الأخ العزيز ترهاقا مرحب بيك...

    ممكن تشاركنا رؤيتك للحل!

    مافي آي نية لهلال مريخ هنا :)


    نُسب مقولة للإمام الشافعي عليه رحمة الله

    قولي صواب يحتمل الخطأ، وقول غيري خطأ يحتمل الصواب

    نتفاكر يا جماعة!

    لك التحية
                  

10-27-2021, 03:02 AM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)

    مشكور أخي عبد الغني علي إضافة وجهة نظرك بتعديل المداخلة...

    أعصابك :)

    قلت بهدوء ...دي وجهة نظر تفاكرية لا أكثر!
    قلت
    "وتتشكل حكومة جديدة لا فيها سلك ولا إبراهيم الشيخ ولا الميمونة ولا المك"

    مظبوط طيب ده ما نفس كلامي...
    لكن أنا بؤمن بالشباب ال في الشارع ده اكتر من آي زول تاني, و بالنسبة للخبرة ... كان أعضاء الحكومة المدنية القديمة أم شباب الثورة كلهم ما عندهم خبرة!
    الإنقاذ ما أدت الناس فرصة...
    في رأيي كان الحكومة السابقة يكون قوامها من شباب الثورة زي ما قال محمود حسنين عليه رحمة الله... أعتقد قال شكلوا حكومتكم الآن في القيادة...
    هم جابو التغيير ده بدمهم و هم الأقدر علي حراسة الثورة دي من السرقة !
    لأنهم ما بيراعوا آي مصلحة شخصية ولا حزبية... ديل ناس عندك خت و ما عندك شيل
    و ما بيداهنوا عسكر و ما بيخافوا منهم ...

    دي رأيي في تكوين الحكومة المدنية القادمة و قتما تجي...

    .....
    السؤال هو كيف حنتخلص من العساكر ؟
    الوسيلة شنو؟


    تحياتي لك

                  

10-27-2021, 03:02 AM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)
                  

10-27-2021, 03:19 AM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)

    نسيت أضيف حاجة يا عبد الغني...

    عشان نمشي قدام أنا قلت لازم الناس تتسامي و تتوحد كمدنيين...عشان نعدي من الفترة الإنتقالية دي!
    صعبة لكن ما مستحيلة... يعني مثلاً هنا في البورد ده على المستوي الفردي الحاجة دي مطلوبة...
    مرات الناس بتنجرف و تغالي في التطرف و حدته...

    الناس محتاجة بعض... الهدف واحد!

    الناس تخلي إنتماءاتها الحزبية دي بالجمبة في القضية
    الراهنة دي (ممكن يشتغلوا في عضويتهم و يجهزوا روحهم للإنتخابات... موضوع مختلف)


    لمن نقصي بعض حنكون زي الذئب و الغنم القاصية

    العساكر ديل طالما نحن صفنا ما موحد ما حيفوتوا...

    الناس تتفاكر هنا كيف ممكن نوحد الصف...

    غض النظر عن الإختلاف مع فكرة البوست الأساسية...

    إن شاء الله فكرتي وضحت...

    لك التحية


                  

10-27-2021, 05:13 AM

Bashasha
<aBashasha
تاريخ التسجيل: 10-08-2003
مجموع المشاركات: 24047

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)

    الاخت فردوس،
    كلامك غاية في الغرابة!!!
    يكفي ممثل الانقلاب في المنبر ده، القبلي محمد سليمان صفق ليكي!!
    مليشيا محمد سليمان ده، زعيم مشروع مملكة الزغاوة في المنبر ده، الان في الشارع مع الجنجويد أو بطلقو الرصاص علي ثوارنا!
    فمامعني ان يصفق لي كلامك ده، احد قادة هذا الانقلاب؟
    نرفع البيرق أو نستسلم مثلا، لقيام مملكة ال دقلو؟
    كلامك عجيب للغاية ولهذا كيف قادة الانقلاب،ممثلين في القبلي محمد سليمان!
    بعدين انتي عايزانا كشارع، نسوي شنو بالضبط؟
    رجاءا حبة احترام للشايليين ارواحم علي الاكف، من اجلنا!
                  

10-27-2021, 06:56 AM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 2418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Bashasha)

    Quote: شان الناس تكون على كلمة سواء... الناس تخت الوطن نصب عينها... خاتين عين الإعتبار إنه دي فترة إنتقالية


    دا ما خيار جديد
    دا اصلا كان خيار اغلبية الحرية والتغيير وعلى اساسها تم المضي في الشراكة مع العسكر
    وقراءتك غير سليمة ليه؟

    لانك بتفترضي ان سبب الانقلاب هو اختلاف الحرية والتغيير...ودا ما صحيح لانه بمتابعة سريعة ستجدي ان العسكر كان يجهزون لها الانقلاب وبداو منذ وقت في خطوات عملية مثل السيولة الامنية والتامر مع بعض الحركات المسلحة والفلول لافشال الحكومة المدنية

    يبقى الصراع الحقيقي ليس بين مدنيين وعسكريين
    ولكن الصراع بين قوى تعمل على التحول الديمفراطي والتغيير المدني ..وقوى اخرى تعمل على افشال هذا المشروع والانقضاض على الثورة

    ودا هو سبب خطوة البرهان وحلفاؤه في الانقلاب على الوثيقة وعلى الحرية والتغيير

    يبقى الناس امام خيارين لا ثالث لهما :-
    الخيار1= رفض الانقلاب والعودة لمربع الثورة وهزيمة الانقلابيين هزيمة ساحقة ماحقة...ودفع التكلفة كاملة.
    الخيار2= الاستسلام قبول الامر الواقع ومشاركة الانقلابيين ونهاية الثورة (لانه تجربة السنتين الماضيتين اثبتت خرافة الهبوط الناعم)

                  

10-27-2021, 07:02 AM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 16435

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Hatim Alhwary)

    Quote: يمكن أكون مخطئة في قرايتي للواقع!


    انا اعتقد ذلك لماذا ؟
    لان الواقع والارض تحت يد الثوار وهم من يحركون الشارع الآن لا امريكا ولا روسيا ولا غيرهما
    يستطيعون فرض واقع على الارض بأيدينا سنفرض الواقع الجديد .

    النصر ساعة صبر .
                  

10-27-2021, 07:16 AM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 16435

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: علاء سيداحمد)

    Quote: الفكرة...
    مع المقاومة الموجودة الآن في الشارع تتكون حكومة قوامها شباب الثورة ...من شباب قياديين في ثورة ديسمبر و لجان المقاومة ال هم الآن في الشارع و معرضين حياتهم للخطر!
    هم يكونوا الحكومة المدنية القادمة و هم الحيشرفوا على تكوين الأجسام الأخرى


    بالعكس

    الثوار فى الشوارع مع حمدوك رئيساً للوزراء مع اعطائه كامل الصلاحية فى ان يشكل حكومته .
                  

10-27-2021, 07:41 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 6248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: علاء سيداحمد)



    Quote: الوضع سيء و غير مُبشر البتة, يحتاج لكثير من العقلانية و العمل بمعطيات الراهن السياسي...

    أتفق معك يا دكتورة، فعلاً نحتاج للعقلانية بدلاً عن الإنفعالية وقراءة الواقع السياسي حتى نتمكن من الوصل إلى أهدافنا.


    Quote: معظمنا تابع ما جرى بعد تكوين الحكومة المدنية بإحباط و أسى نابع من سوء إدارتهم لملف مهم ألا و هو التسامي و وضع مصلحة الوطن في المقدمة

    أختلف معك تماماً في هذا المقتبس
    التفاف الناس حول قحت في وقت من اوقات الثورة لم يكن حباً فيها ولا إنتماء لها.
    ولكن لأن إلتفافهم حولها يمثل الطريق الآمن نحو المدنية والديمقراطية في مجابهة خطر العساكر إجهاض الثورة.
    وأقول الطريق لأن حكومة قحت ليست الغاية ولا المبتغى من الثورة ولكنها فقط عتبة في الطريق.
    والقارئ الجيد لن يمسه الإحباط لأن كل إخفاقات قحت متوقعة ومبررة بحكم الواقع السياسي وبحكم طبيعة قحت نفسها.
    بناء دولة مدنية وديمقراطية ليس بياناً يذاع ولا قرار يتخذ.
    بناء دولة مدنية ديمقراطية عملية مستمرة تتطور مع الزمن ولا يمكن أن تولد مكتملة وناضجة بل تحتاج إلى رعاية مستمرة قوامها الإصرار الشعبي في الوصول لها.

    قوى الحرية والتغيير لها أخطاءها وإخفاقاتها ولكن سنحاسبها بأدوات المدنية والديمقراطية وليس بسلاح العسكر.



                  

10-27-2021, 10:15 PM

عبدالغني محمد الحاج

تاريخ التسجيل: 06-25-2005
مجموع المشاركات: 305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Hafiz Bashir)

    الأيام تثبت أكثر فأطثر صمود الثوار
    مصر حسب الاذعات دعمت إنقلاب البرهان بسبب تذبذب موقف المدنيين من سد النهضة والحرب مع إثيوبيا
    والحليف الحقيقي في رأيهم هو البرهان
    عموما مصر ودول الخليج تكره أن ترى حكومة ديمقراطية في السودان
    الروس ليهم مصالح إقتصادية كبيرة في السودان عوقتها الثورة
    الشعب أقوى والردة مستحيلة
                  

11-11-2021, 12:42 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: علاء سيداحمد)

    مرحبا الأخ علاء لعلك طيب...

    Quote: لان الواقع والارض تحت يد الثوار وهم من يحركون الشارع الآن لا امريكا ولا روسيا ولا غيرهما
    يستطيعون فرض واقع على الارض بأيدينا سنفرض الواقع الجديد .

    يا علاء المشهد فيه معطيين داخلي و خارجي كما ذكرت ...
    الداخلي محتاج لإنحياز جيش, يعني إنقلاب صاح ...
    ثم تسليمها لحكومة مدنية!

    في حاجة غير كده رايحة علي؟
    إذا الإجابة لا...
    ماهي إمكانية حدوث إنقلاب تاني أو إنحياز للجيش...
    بواقعية عليك الله جاوبني...
    كلنا نتمنى و نأمل لكن علينا الركون لصوت العقل و تحليل الراهن دون عاطفية!
    Quote: الثوار فى الشوارع مع حمدوك رئيساً للوزراء مع اعطائه كامل الصلاحية فى ان يشكل حكومته .

    ياتو شارع؟

    الثوار منقسمين...واحدين دايرين حمدوك يرجع و واحدين كافرين بعودة حمدوك...
    لازم الحل يبعد من الإنقسام عشان ينجح

    ثم الشارع ذاته منقسم
    و ده الخاصم من الثورة ضد الإنقلاب ...
    مقارنة مع توحد الشارع في ثورة ديسمبر و رفضه للبشير ...

    حأكرر كلام ذكرته فوق...
    الناس ال بتطلع في القنوات أو قواعدهم أينما كانوا في الشرق , الغرب , الوسط و الشمال ما شايفين ده إنقلاب
    بيقولوا عليه تصحيح مسار... ده أمر واقع!

    أها ديل بيخلو المشهد أكثر تعقيد في الداخل و الخارج أيضاً
    ما ممكن نتناول الحلول بمعزل عنهم... و كيف؟

    هم كمان شارع!

    حاول أطلع من معسكرك الفكري و شوف المنظر ده من بره!
    ما حتقدر تزايد على إنهم ما شارع!
    طيب الحل يكمن في توحيد الصف...
    الشغل بسرعة لتكوين حكومة ثورية مدنية قوامها الثوار نفسهم و التكنوقراط يبقو ليهم مستشارين!
    غير كده بإنقسامنا و هتافنا زي ما قلت نصحى الصباح و نلقى حكومة مدنية قوامها الفلول الجد جد!
    و حيعترف بيها العالم كله لأسباب ذكرتها فوق...

    لك التحية
                  

11-10-2021, 12:45 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Hatim Alhwary)

    مرحبا حاتم لعلك طيب

    الرحمة و المغفرة للشهداء ...

    Quote: دا ما خيار جديد
    دا اصلا كان خيار اغلبية الحرية والتغيير وعلى اساسها تم المضي في الشراكة مع العسكر
    وقراءتك غير سليمة ليه؟


    المشهد معقد في رأيي و بالتأكيد ممكن كل منا يقراه بزاوية شوفه...
    احترم وجهة نظرك!

    Quote: يبقى الناس امام خيارين لا ثالث لهما :-
    الخيار1= رفض الانقلاب والعودة لمربع الثورة وهزيمة الانقلابيين هزيمة ساحقة ماحقة...ودفع التكلفة كاملة.
    الخيار2= الاستسلام قبول الامر الواقع ومشاركة الانقلابيين ونهاية الثورة (لانه تجربة السنتين الماضيتين اثبتت خرافة الهبوط الناعم)


    بالنسبة للخيار رقم 1... نشوف واقعيته للآن و لقدام

    الشارع ما متفق على حقيقة إنه ده إنقلاب (شئنا أم أبينا) لذا شوف طلعت كم مدينة يوم 30!
    خرجت الجماهير في الخرطوم , الأبيض, القضارف , أعتقد مدنى!
    ال عارف/ة مدن تانية طلعت في الداخل ممكن يرفد بيها البوست!
    ثم كما ذكرت في بداية البوست إنه الناس بتطلع عشان الجيش ينحاز و يقلبها ... ما إمكانية حدوث ذلك؟
    ثم فقدت من الأرواح ما فقدت و تأثر بعض الثوار و ما زالوا بجراحهم نتمنى لهم الشفاء العاجل
    و سجنوا الكثير من شباب لجان المقاومة عشان يضعفوا ال momentum ( قوة الدفع الثورية)
    ال في الواقع كما ذكرت أضعف من momentum ثورة ديسمبر...
    بقول كده عشان نعاين للأمر بميزان الربح و الخسارة للآن...

    على مستوى الخارج...
    كلنا تابعنا تداول العالم للأمر... و صلنا لأنهم مناشدين البرهان بتسليم السلطة للمدنين
    ودي فيها ما فيها...
    في خبر اليوم ما متأكدة من صحته إنه برهان قال لناس الترويكا إنه يسألوا حمدوك لو راغب في تولي منصبه أو حيعين هنود أبيا كدوف...
    برهان بيلعب سياسة هنا!

    طيب نجي للخيار 2 بتاعك...
    ده الواقع المؤسف و ال حاولت بكتابة البوست إنه نحن هنا نكون فاعلين أو proactive عشان نجعل موقف الحكومة المدنية القادمة أقوى...

    الراهن معقد و فيه كما ذكرت لبشاشا فوق مجموعات لا يمكن نتجاوزها و الواقع يحتم توحيد الصف معاهم عشان نخرج من الأزمة دي...
    ممكن بعاطفة نهتف و نستنكر موقف الناس الطلعت و قالت ده تصحيح مسار...
    لكن واقع الأمر غض النظر عن قرايتنا لي نواياهم شنو و تاريخهم شنو لازم نسمع ليهم و نتوحد معاهم لو فعلاً عايزين حل!
    أعنى ترك و قحت 2 ( كما سمهاهم الشارع)
    نكون معاهم تحالفات... مش بس لأنهم عندهم سلاح و مركز قوة فقط بل لأنهم و قواعدهم جزء من الحل...
    كلام إنه ما عندهم جماهير و أرضية و ممكن نتجاوزهم في رأيي ما واقعي!

    و في رأيي إنه الجسم الوحيد الممكن يوحد الجميع هو لجان المقاومة... و كلام إنه ماعندهم خبره و شنو ده ما عنده معنى!
    مافي جامعة في العالم حسب علمي بتخرج رئيس...
    الرئيس ممكن يكون عنده مستشارين و هكذا! و الوضع عندنا استثنائي ...
    و كمان كلام إنه مخترقين, جزء منهم محزب و نصل كيف ...إلخ
    بقول إنه لو في إرادة الوسيلة بتتوجد (if there is a will there is a way)
    مافي زول حيزايد عليهم و الجيل الراكب راس ما بيهادن العسكر و بيكون أقدر إنه يعمل سريعاً على إنجاز بنود الثورة...

    البعض ممكن يقول إنهم هم ذاتهم رافضين الشراكة مع العسكر...
    يبقى ده دور المثقف المحزب أو غير محزب إنه يساعد في قشع التعتيم على المشهد الآن و تناوله ببراغماتية
    و التواصل معاهم إذا أمكن (عارفة النت لسه مقطوع)

    و ما لا يدرك كله لا يترك جله

    مع مرور الكثير من الزمن و خفوت الmomentum زيادة حنصحى نلقى الحكومة المدنية الجديدة غصباً عننا...
    وده بخسارة المزيد من الشهداء و الجرحى و إعتقال المزيد من شباب لجان المقاومة...

    العالم على رأسهم أمريكا غير المصالح , التحالفات, الحرب الباردة... إلخ لا يرغبوا في دولة اللا دولة
    another destabilized country بعد داك تبقى مدنية قوامها منو دي بالنسبة ليهم ما مهمة...

    آسفة على الإطالة

    لي عودة إن شاء الله


                  

10-28-2021, 04:48 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Bashasha)

    بشاشا كيف حالك لعلك طيب...

    يا بشاشا بهدوء عليك الله ... ممكن ... شكراً


    طيب...
    أنا قلت نوحد الصف و نتسامى ...
    بعد تُنجز الثورة مهامها القانون يحاسب كل من أجرم... مافي حاجة تسقط بالتقادم!

    لكن لو التسامي ده مافي قاموسك , في السياسة في تحالفات صاح!

    محمد سليمان ده إنت محتاج ليه كحليف لو فكرت شوية...

    الوضع الراهن شائك يا بشاشا, الهتافية دي ختها لي جمبة عليك الله

    شوف في كم جيش الآن في الخرطوم دي!

    قولي رؤيتك شنو في ظل حرق كل الجسور مع محمد سليمان, مناوي, جبريل و ترك؟

    الساحة محتاجة لقائد مدني عنده كاريزما ممكن يوحد الصف لأنه غير كده صعب نمشي لقدام...

    برجع تاني أكمل فكرتي كان الله هون!



    التحية لكل المتداخلين...

    شكراً ليكم

    لي عودة إن شاء الله!


                  

11-10-2021, 01:08 PM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 2418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: فردوس جامع)

    فردوس مساء الخير
    واشكرك على شرح وجهة نظرك والتي بالتاكيد احترمها جدا
    ولكن زي ما قلت ليك امامنا خيارين وبالمناسبة فرضت علينا فرضا بعد الانقلاب
    لانه طريق الحوار والشراكة والتسامي الناس مشت فيها ووقعت الوثيقة مع اللجنة الامنية واجهة النظام البائد والذي اثبتت قرارات البرهان المنهمرة بعد الانقلاب ...ان النظام القديم موجود ويعمل لوم يمسسه سوء
    يعني طوال العامين الماضيين البرهان ومجلسه شغالين ساتر وفرملة للثورة لاضعافها والانقضاض عليها لانهائها تماما هذا هو مخطط اللجنة الامنية والذي بدوا فعليا في تنفيذه الان وفرض الامر الواقع

    للاسف الوقت لم يكن ابدا في السنتين الماضيين في صالحنا وكذلك هى الثوارات عدوها الاول الوقت كل يوم يمر تخسر

    لن نستسلم بل لا نستطيع ان نستسلم
                  

11-11-2021, 12:56 PM

بسمات الشيخ
<aبسمات الشيخ
تاريخ التسجيل: 05-22-2021
مجموع المشاركات: 831

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Hatim Alhwary)

    الأستاذة فردوس
    كلامك منطقي
    اما بالنسبة الجيش...فإن صغار الضباط من رتبة رائد وما تحت فإنهم غير
    راضين عن هذا الانقلاب العسكري ....
    والمصدر من ملازم في الجيش لنا به معرفة وقرابة ...
    وعشان كده انا متوقعة ان هناك شئ ما سيحدث..
    وهناك نور في نهاية هذا النفق المظلم الذي وضعنا فيه البرهان وحميدتي
                  

11-11-2021, 03:17 PM

Bashasha
<aBashasha
تاريخ التسجيل: 10-08-2003
مجموع المشاركات: 24047

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: بسمات الشيخ)

    الاخت العزيزة فردوس،
    معليش بعتذر لوكنتا حاد، لاني جد ممغوس، مغبون شديد خالص خالص من الحاصل ده، لانو الحيدفعو التمن هم الغبش، البسطاء، واعلم حجم المعاناة العذاب الجحيم العايشنو هؤلاء!!

    نعم خلونا نتوحد، او عشان كده ده ماوكت مناقرات اوصراع سياسي فكري مابين منظومات المدنيين ايا كانت.

    البسوو قحت، الشيوعي، الاتحاديين، حزب الامة، البعثيين، فديل ناس مامسؤوليين للاسف!!

    ده ماوكت مناقرات او تسويق لي طرح/توجه حزب او منظومة بعينها.
    نعم فلنصوب كل الرشاشات لي صدر هؤلاء الفسدة الفسغة، الاغبياء، المتهوريين، اي الانقلابيين وبالذات حمرتي/البرهان ثم جبريل/مناوي.
                  

11-12-2021, 12:34 PM

فردوس جامع
<aفردوس جامع
تاريخ التسجيل: 09-28-2011
مجموع المشاركات: 1179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بهدوء.....الوضع الراهن (Re: Bashasha)

    دكتور حافظ كيف حالك ...
    Quote: التفاف الناس حول قحت في وقت من اوقات الثورة لم يكن حباً فيها ولا إنتماء لها.
    ولكن لأن إلتفافهم حولها يمثل الطريق الآمن نحو المدنية والديمقراطية في مجابهة خطر العساكر إجهاض الثورة.
    وأقول الطريق لأن حكومة قحت ليست الغاية ولا المبتغى من الثورة ولكنها فقط عتبة في الطريق.

    أكيد...
    المهمة ما كانت ساهلة و ما حتكون أسهل في الفترة القادمة... و المدنيين الخُلّص و الغير لهم الشكر...
    و ربنا يفك أسر المعتقلين...

    المقام ما مقام محاكم و لوم و مناقرة... الصفحة انقلبت و اتحركنا !
    حنطلع كيف من الأزمة دي؟
    ما سمعنا رأيك...

    Quote: والقارئ الجيد لن يمسه الإحباط لأن كل إخفاقات قحت متوقعة ومبررة بحكم الواقع السياسي وبحكم طبيعة قحت نفسها.

    متفقة معاك و كما ذكرت لأحد الإخوة فوق ... حكم الإنقاذ ما أدى الناس فرصة في ممارسة الديموقراطية و وعي دروبها و المشي فيها...

    ثم لا أدعي تجويد القراءة و لكن ده إحساسي البحسو و من زول ما بدسو (كما شدت مطربتنا الخطيرة ما متذكرة إسمها)

    عارف زي تشجيع ناس المساطب... مرات تلقى زول وقف من مسطبتة دي و عاوز يهدف... و لا بيكورك و يأشر بيده
    أها أنا محبطة بقدر حماس المساطب دي.. لكن دي ما كورة للأسف ... هنا في أرواح جميلة و بريئة و صادقة فقدناها و بنفقد فيها...
    ف خليني أُحبط و خليني أحزن ... ما عندي حاجة غير أحاسيسي الإنسانية دي!

    في سيرة المساطب و الإحباط...
    لما الناس كانت في القيادة و عملوا المنصة و قاموا هبطوا فيها ناس ما كانوا dedicated لتحريض الناس للخروج و فاعلين
    في الأرض أو السوشيال ميديا في الوقت داك (ما بتكلم عن تاريخهم )..
    ماكانوا من الشباب التابعنا معاهم دخول القيادة و الرصاص مصوب في روؤسهم و صدورهم العارية!
    الشباب الكانوا فاعلين ( و هم كُثر كما تابعنا) عملوا رايحين لكن ذو النون اتجرس و عمل ليه منصة بعد رجع
    و حصلت جوطة لو متذكر... ده مع إختلافي مع ذو النون و إحترامي ليه...
    أها من المساطب كنت متمنية أشوف المنصة مفتوحة و مافيها إصطفاء!
    على الأقل مفتوحة للناس الجعلوها ممكنة !
    و منذ ذلك الحين من مسطبتي دي بقوم براي و أكورك و أُحبط و هكذا دواليك...

    آي نعم ال في البر عوام لكن مرات بتشوفها جلوها تاااخ ...

    فعليك الله ما عندي شي غير إحباطي ده... مشيهُ , مشيهُ!

    و الجاتني في إحباطي ما سامحتني كلو كلو :)

    لك التحية !
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de