|
|
|
 Re: وهمي (Re: أبوبكر عباس)
|
حافظ كل أغاني الحقيبة وتقريباً كل أغاني الفنانين الكبار، يجيد العزف على العود والبيانو،
عندو في غرفة خاصة بالبيت طقم إحياء حفل غنائي كامل من ساوند سيستم لبيانو،
صوتو في الغناء ممكن تديهو تلاتة من عشرة، لكن هو فاهم انو صوتو لا يقل عن وردي.
مهووس بانو لازم يحيي حفلة أي زول من أهلو أو أصدقائه مجاناً.
أقدر انت موظف عندو داير تعرس أو واحد من ناس بيتكم عندو عرس ما تطلب منو يجي يغني في العرس،
لو عملت كدا وما كلمتو، الموضوع بصل درجة انو يتخلى عن مهنيتو في العمل ويفصلك من الشركة،
تنتابه موجة غضب جارفة لمان واحد من أهلو أو موظفنو يتخطاه في موضوع الحفلة دا،
لو كنت من أهلو وقاعد يساعدك، بوقف المساعدات ليك ولي أي زول قريب منك
ولو موظف بفصلك بفصلك
طيب يا أديب، القصّة شنو؟
جايكم
| |
 
|
|
|
|
|
|
|
|
Re: وهمي (Re: أبوبكر عباس)
|
حسام تقريباً أهم موظف في الشركة بعد السيد المدير،
حسام ساكن شارع ٢٣ وابوهو كان وزير في زمن نميري وأمو من أم درمان،
بحب ليهو واحدة أمها برضو من أمدرمان،
أكيد لمان أقول من أمدرمان بتكونوا فهمتو ما من أمبدة ولا الثورات ولا شنو كدا ابو سعد
ساق أهلو ومشوا أبروف يخطبوا بت أمدرمان،
حق الله بق الله وهم الاتنين عوائل ارستقراطية بعرفوا بعض والخطوبة شكليات ساكت،
فجاة أم العروس وقفت في نص الصالة وقالت لحسام نحن أديناك بس عندي شرط؛
مديرك ما يغني في عرس بتي
ما دايرين منك شيلة وسد مال بس مديرك ما يغني في عرس بتي
حسام قال ليها ما في مشكلة دا موضوع بسيط،
لكن انتي جادة في موضوع عفو الشيلة وسد المال دا؟
هزت راسها هزة مرّة أمدرمانية مقدّرة
| |
|
|
|
|
|
|
|
|
|
Re: وهمي (Re: أبوبكر عباس)
|
أم حسام في العربية وهم راجعين العمارات قال ليهو؛
أم مرتك عجبتني حبيتها أكتر من العروس.
تاني يوم في الشغل كلم صاحبو انو أم العروس قالت ما دايرة أي حاجة،
في اللحظة دي دخل السيد المدير
صاحبو قال للمدير؛
أخيراً حسام داير يتأهل
المدير وهو ماشي قال ليهو ألف مبروك، الصالة والحفلة والعشاء علي أنا
| |
|
|
|
|
|
|
| |
أبوبكر عباس
فيس بوك
تويتر
انستقرام
يوتيوب
بنتيريست