ناس 21 اكتوبر، طالعين لي شنو؟
05:05 AM October, 20 2021 سودانيز اون لاين عمر التاج-khartoum مكتبتى رابط مختصر من المعروف والمفهوم ان الجماهير بتطلع الشارع من أجل التغيير وأنت كقحاتي١ قاعد الان في السلطة، طيب عايز تطلع عشان تغيير شنو؟ انت لو عايز تغيير شى بتغيره بالسلطة، ما بالمسيرات البتصرف عليها المليارات من خزينة الدولة .. لكن أنت ما عايز تطلع الشارع عشان تغيير بل بالعكس، عايز تخرج عشان تثبت وتأييد الكذب والفشل .. والفشل والكذب ده مسجل وموثق لقياداتك الحالية ، بلا استنثاء فشل وكذب استمر سنتين ، تاني عايزنه يستمر لي شنو؟ الكذب والفشل في تحقيق شعارات الثورة ماعايز له بيان، وواضح وضوح الشمس في نص النهار.. مش ابراهيم الشيخ هو رئيس المؤتمر السوداني هو القال نحن ماعايزين انتخابات عشان بتجيب الكيزان مش الدقير طلع في التلفزيون في بث مباشر و قال "نحن فشلنا".. وماقدرنا نقدم قضية واضحة ضد المعتقلين من الكيزان؟ خالد سلك مش موثق له قوله: أنحن جينا عشان اي زول يلقى كهرباء، نحن جينا عشان اي زول يلقى تعليم، نحن جينا عشان نثبت الدعم للمواطن، لان الكيزان كانوا بياكلوا قروش الدعم ونحن بحسابات بسيطة ١١ مليار زائد ٦ مليار حانغطي الوارد ونحقق فائض نوزعه لكل الصرافات .. التعايشي مش في لقاء في التلفزيون قال نحن فشلنا ؟ محمد وداعة مش قال دي حكومة محاصصات عشان كده نحن استقلنا وجدي صامولة ومدني جرادل في لقاء على الهواء مش قالوا نحن مابنجي في مؤسسات الحكومة الجاية عشان عايزنها حكومة كفاءات وبمجرد ما اتكونت الحكومة كانوا على رأس مؤسساتها؟ قالوا عايزين حكومة كفاءات وجو هم عشان العيشة تبقى ب٤٠ جنيه وعشان التعليم يتوقف تماما ، وعشان الكهرباء تتعطل كل يومين وسعر المتر يبقى اغلى من مائة متر زمن الكيزان جعفر حسن بتاع السفارات زاتو قال قبل كده نحن فشلنا محمد عصمت قال في كم وعشرين مليار حانجيبها من ماليزيا وجدي قال استلمنا مليارات الدولارات، ووجدنا مليارات مخبئنها الكيزان وين مشت المليارات دي؟ وين مشت المليارات الكانت بتصرف على المجالس التشربعية والبرلمان وين مشت المليارات الكانت بتمشي دعم الوقود والدقيق؟ وين مشت مليارات الجمارك التم تعويمها ؟ وين مشت المليارات الاتحصلت عليها الحكومة بعد رفعت اسعار الرسوم الحكومية بدأ من البطاقة الشخصية والجوازات ورسوم الأرضي والكهرباء والمياه وحتى عبور الطرق بنسب فاقت ١٠٠٠% في بعض الرسوم وين مشت يا حكومة ؟ وبعد كده انت عايز الناس تطلع عشان تطبل ليك .. طيب انت عايز الناس تطلع لي شنو تاني ؟ عشان يواصلون في الفشل اسه انت ليك سنتين لا حققت مؤشرات اقتصادية معقولة .. وكل بيت سوداني حر يشهد بذلك والسوق قدامك موجود .. والإنتاج بتاعك موثق في كل شئ .. ولا حققت عدالة .. ولا محكمة دستورية، وحتى القضاة ورئيس القضاء والنائب العام اقلت بعضهم بقرار سياسي والباقين ماقدروا يصبروا على مخالفاتك وفشلك وين المحكمة الدستورية والمجلس التشريعي ، ويين العدالة والنزاهة، والمحكمة العليا نقضت كل قراراتك وين العدالة ولجنة أديب سنتين تلت وتعجب وين العدالة والانقاذيين قاعدين في السجون سنتين ماقادر تحاكمهم يا اخ انت طلعت كذاب وفاشل .. ليس الا .. رئيس لجنة التمكين استقال .. وقال دي ممارسة مابتشبه اي عدالة عائشة بتاعة السيادي استقالت ، وأقرت بالفشل بعد طلعت علينا كل مجرمي البلد من السجون وتركت السياسيين بلا محاكمات مجلس تشريعي مافي انتخابات مافي فيها امل وانت في السلطة .. وبعد ده كل فشلكم ترموه في العسكر والكيزان العسكر وين قالوا ليكن ادونا السلطة والكيزان متين قالوا ليكم شاركونا السلطة الناس ديل كلهم قالوا ليكم وسعوا مواعين السلطة لانه السودان ما كله ٤ أحزاب.. وما ممكن جماعة سياسية لا تعادل واحد % من الشعب تحكم البلد بحاله طيب انت عايز الناس تطلع ليه؟ انت عايز الناس تطلع عشان ترخص ليهم الاسعار وتدعم الكهرباء والوقود من جديد وترجع سعر الرغيفة بجنيه؟ ام عايز الناس تطلع ضد قادة السلام الجابهم التعايشي، ومن ثم صفرت بيهم الفترة الانتقالية من جديد وجبت بيها البرهان رئيسا للمجلس السيادي ليبدأ فترته من جديد ولسه ما مرت عليه سنة؟ يا جماعة وبالوالدين كده الحكومة دي ماحكومة كفاءات ولاعندها عقلية تقد تدير بيها فترة انتقالية .. الحكومة دي مجرد شركاء متشاكسين ماحايقدروا يتوافقوا على صحن فتة ، ناهيك في إدارة دولة .. حمدوك نفسه أكبر فاشل ، ولقد أقر بوجود خلافات ونزاعات بين المكون المدني ذاته فما بالك ببلد فيه ١٠٠ حزب و٨٨ حركة مسلحة ومئات القبائل والنظار والعمد والمشائخ وباختصار ياسادة .. اي زول يطلع يوم ٢١ اكتوبر حايكون سبب في استدامة الفشل والكذب واي زول يؤيد الخروج للشارع أما منتفع، أو طامع في المنفعة الشخصية، أو مغفل نافع . مافي خيارات تانية ..

10-20-2021, 06:46 AM

محمد البشرى الخضر

محمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: عمر التاج)

Quote: مافي خيارات تانية ..

لا ياخ! مالك قفلتها طرشا كدا
كدي حاول جاي جاي بتلقى لينا فرقة, نحنا أخوانك يا .... ظريف

10-20-2021, 06:57 AM

ABUHUSSEIN

ABUHUSSEIN
تاريخ التسجيل: 08-14-2002
مجموع المشاركات: 39330

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: محمد البشرى الخضر)
عشان الكداينة ياخدو حقوقهم كاملة

10-20-2021, 07:34 AM

عمر أبوعاقلة

عمر أبوعاقلة
تاريخ التسجيل: 04-11-2016
مجموع المشاركات: 1321

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: عمر التاج)
لا حولااااااابالله يا ود التاج كتبت الكلام دا كلو .. تعبت شديد ياخ انا واحد من الناس والله يا عمر زمان كنت بتعاطف معاك لكن صراحة ما خليت لي فرقة أتضامن معاك نوهائي وهسه يا قول ود البشرى ((قفلتها طرشاء)) عصرت علينا شديد ياخ (عدل بواسطة عمر أبوعاقلة on 10-20-2021, 07:35 AM)

10-20-2021, 07:39 AM

Arif Nashed

Arif Nashed
تاريخ التسجيل: 05-12-2014
مجموع المشاركات: 12692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: عمر أبوعاقلة)
يا ابوحسين خليك متحضر كداينة شنو قول مثليين 😁😁 بيان الكداينة داك حصل فيها شنو. عرفتوا الكديانه الكتبو.

10-20-2021, 08:17 AM

Gafar Bashir

Gafar Bashir
تاريخ التسجيل: 05-02-2005
مجموع المشاركات: 7220

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: Arif Nashed)
في ناس لسة ما عرفو الطفي النور منو لازم يعرفو

10-20-2021, 08:44 AM

Hassan Makkawi

Hassan Makkawi
تاريخ التسجيل: 02-27-2008
مجموع المشاركات: 6157

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: Gafar Bashir)
طالعين عشان " اى كوز ندوسوا دوس"

10-20-2021, 09:11 AM

adil amin

adil amin
تاريخ التسجيل: 08-01-2002
مجموع المشاركات: 37036

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: Hassan Makkawi)
خليهم يمرقو يا عمر برعاية المخابرات المصرية اصلو المصريين دايرين فوضي خلاقة في المركز التعيس ده مع بروفة دواعش عشان يدو الجنرال فرصة يعلن الطواري ويجدع القحاتة والحركات المسلحة بدعم مباشر اقليمي ودولي مبرر طبعا الفصل السابع و عملو ليه بروفة ويمسك السودان زي كل الجنرالات عبود نميري البشير بن عوف البرهان عيسي عليه السلام طال ما في السودان لحدي هسة شيوعيين وناصريين وبعثيين وكيزان وسلفيين ليهم سنتين يمرقو في الشباب وبي نفس العلم نفس الشعارات بعدين بيني وبينك ديل الشيوعيين ماسكهم الصمرقع قايلين بصفرو العداد من جديد ويعملو ثورة زي بتاعة اكتوبر بتاعة القوووونات ابوعيسي والترابي عليك الله لو اكتوبر ثورة فعلا العمل انقلاب 1969 منو وليه ؟؟؟ الثورة لمن تجي بتغير السودان جذريا وجات ومشت مع جون قرنق وديل لا بتغيرو لا بديرو قحاب بن سلمان وبن زايد وتميم ورجب والسيسي

10-20-2021, 09:14 AM

muntasir

تاريخ التسجيل: 11-07-2003
مجموع المشاركات: 7551

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: adil amin)
اتركوه فإنه مأمور

10-20-2021, 09:40 AM

adil amin

adil amin
تاريخ التسجيل: 08-01-2002
مجموع المشاركات: 37036

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: muntasir)

Quote: اتركوه فإنه مأمور

وانت كيف يا فرفور
انا مارق عشان
اي شيوعي اخلي يعوعي
والزمن ماشي
لو في ثورة بتجي لمن يستلم المدني المحترم مالك عقار المرحلة المدنية 21 نوفمبر2021
ونركب لي حمدوك مكنة جديدة في كاودا
بقرا نطط زي ما عايز
انا مع الوثيقة الدستورية الشينة دي لحدي توصلني رئيس مدني بس غير كده
البندووووول بس

10-20-2021, 09:43 AM

ABUHUSSEIN

ABUHUSSEIN
تاريخ التسجيل: 08-14-2002
مجموع المشاركات: 39330

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: adil amin)
فرفور الشيوعي ..... 🤣🤣🤣🤣🤣🤣

10-20-2021, 10:17 AM

أبوذر بابكر

أبوذر بابكر
تاريخ التسجيل: 07-15-2005
مجموع المشاركات: 8610

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ناس 21 اكتوبر، طالعين لي شنو؟ (Re: عمر التاج)
طالعين عشان عيون اطفالنا ما تضوق الهزيمة

1	صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]