|
Re: مقدمات الطوفان ومهازل الصبيان (Re: Arif Nashed)
|
سلامات منتصر زول من دارفور و توافقت عليه قوى دارفور كافة.
المشكلة قعد في الخرطوم و اشتغل سياسة لاسقاط المدنية.
المفروض يحاسب اولا من اهلنا في المنافئ و المعسكرات
و بدلا عن ذلك تورط في اعتصام 5 نجوم كان اولى به اهلنا
في دارفور.
الواضح ان معظم الحركات المسلحة كانت تحارب لامتيازاتها
و كراسيها و ح تشوف كتير.
قالوا نطالب بحل الحكومة. سألوهم: وانتو كيف؟ ماهم وزراء و حكام اقاليم و في السيادي. قالوا: نحن لا. بجيب ليك مقطع من جبريل ابراهيم يتحدث لجماعة من خاصته و ح تعرف حاجة قبل الاحداث دي بكتير عشان تعرف الحاصل شنو
| |
|
|
|
|
|
|
Re: مقدمات الطوفان ومهازل الصبيان (Re: Nasser Amin)
|
اها قام لقى فرصتو في الازمة الاخيرة و عشان يقصر المشوار
تحالف بين عساكر السيادي و حركاتهم.
جبريل كان في اجتماعات مع الحرية و التغيير الاصل لاخر لحظة
و انسحب في آخر لحظة قبل تحركاتهم الاخيرة
... .. .
| |
|
|
|
|
|
|
Re: مقدمات الطوفان ومهازل الصبيان (Re: Nasser Amin)
|
فيديو يستحق التأمل و القراءة غير العابرة..ليس في الطموحات فهي مشروعة و إن كانت رؤية مجتزأة و لكن التوقف يكون في حديثه عن رؤيته لتقلد منصب المالية.. والذي يراه أقل مما يجب و لكنه رضي به مرحلياً.
| |
|
|
|
|
|
|
Re: مقدمات الطوفان ومهازل الصبيان (Re: Asim Ali)
|
Quote: فيديو يستحق التأمل و القراءة غير العابرة..ليس في الطموحات فهي مشروعة و إن كانت رؤية مجتزأة و لكن التوقف يكون في حديثه عن رؤيته لتقلد منصب المالية.. والذي يراه أقل مما يجب و لكنه رضي به مرحلي
|
سلامات د. محمد اولا انا آسف تخاشنت معك في بوست عن حمدوك بس عشان تشوف السودان دا الناس سايقنو وين؟ آقرا ما بين السطور و حيثيات الانشقاق الاخير و عدم دمج القوات و تمركزها في الخرطوم. الصورة قاتمة و جدا و التحالف مع جهات مطلبية في جهات اخرى من السودان. الناس لو ما خلت بالها ياهو النموزج اللبناني و اكيد متابع ما يحدث هناك. ناس عايزه تحتفظ بجيوشها وفي المركز و عايزه مناصب و ثروات. و ما شغالين بأصل المشكلة. عشان كدا الفيديو ح يوريك المعضلة وين
| |
|
|
|
|
|
|
Re: مقدمات الطوفان ومهازل الصبيان (Re: Bashasha)
|
الشي الكويس في مهزلة مناوي وجبريل واردول دي
انو جبريل ومناوي فقدو شعبيتهم تماماً في دارفور يعني سقطوا سياسياً سقوط مبكر بعد ان وضعو ايديهم في ايدي من كان سبباً في حريق دارفور
ودا كلو بسبب اطماعهم الشخصية والغبية وقصر النظر السياسي للمستقبل ودي نعمة من كريم
اما كلبهم اردول فدى مسألة وقت ويشرف كوبر مع البشبهوهو
الدرويش التوم هجو لا يستحق عناء الكتابة عنه ابداً لمبي جديد لنج
| |
|
|
|
|
|
|
|