|
|
|
 Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
الآن ونحن سائرون فى طريق طوفان 21 اكتوبر 2021 م
هناك امران لابد من الاشارة اليهما :
1- اعلم ان هناك طرقاً سيرسمها قادة الطوفان لتسير فيها المواكب ولكن
مهما كانت الظروف نرفض اي احتكاك او حتى مجرد مرور مواكب 21 اكتوبر
فى الشوارع المؤدية الى القصر الجمهوري حتى لاتحدث اشتباكات لان الثوار
اذا وصلوا الى مكان اعتصام الكيزان حتماً سيشتبكون معهم .
2- اي اغلاق للكباري من جانب اي جهة كانت مرفوض وبشدة والمركبات العسكرية
التى تغلق الكباري تتحمل المسئولية كاملة غير منقوصة اذا تم رجمها وحرقها .
مابعد 21 اكتوبر
| |
 
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
بعد الطوفان فى 21 اكتوبر سيؤل الامر الى الجلوس مع العسكر للتفاوض معهم :
الذى يريده الثوار من حمدوك فى حال قبول حل الحكومة :
- حل الحكومة كاملة المجلس السيادي ( عسكر ومدنيين وحركات مسلحة ) وتشكيل مجلس سيادي جديد بوجوه جديده
مع رفض اي اسم من الموجودين الآن وخاصة حارقي نار الفتنة ( البرهان - حميدتى - الكباشي )
- التمسك القوي والذى لاتفريط فيه بالكفاءات كما يرددون هم الآن ( جبريل ومناوي مثالا للداعين )
-1- عودة ابراهيم البدوي لوزارة المالية .
-2- عودة أكرم علي التوم لوزارة الصحة .
-3- عودة محمد الأمين التوم لوزارة التربية .
وفى السيادي من جانب المدنيين اعادة الاستاذة : عائشة موسي السعيد لموقعها .
التمسك بحزم وحسم فى ان تكون وزارة الداخلية ووزير الدفاع والامن تحت سلطة رئيس الوزراء .
وعلى قوى الحرية والتغيير اعطاء حمدوك كامل الحرية فى تكوين حكومة من كفاءات حقيقية لا حزبية .
والله من وراء القصد .. الثورة مستمرة وستنتصر بحول الله .
علاء الدين سيداحمد مواطن سوداني .
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
الشيخ ياخي أنا تشابه علي البقر ...
ممكن يكون عندي صعوبة أو مشكلة
في عملية الفهم دي زاتا ... سبحان الله
في محل شغال دا مسمني الهارد ديسك
وأموت عشقا في الرياضيات والاحتمالات ...
يعني مثلا بتلعب وست مش :-
هل تصدق ال ١٣ كرت ديل البوزعوهن ليك
مافي قوة في الأرض بتقدر تطلعن من هذين
الاحتمالين :-
١ :- three even and one odd
يعني كدا ٦شيريا ٤ ديناري ٢ اسود ١ هارت ...
او ٤شيريا و٤ ديناري و٢ أسود و٣ هارت ...
2 :- three odd and one even
يعني ٥ - ٥ - ١ - ٢ .. او
٣ ٧ ١ ٢ ... وهكذا ...
بعد ما نعلمك تلعب بريدج بعدين
بتعرف أهمية الكلام دا ...
طيب قنا الكلام دا لي شنو ... أيوا ...
عشان أثبت ليك إنو لازلت والحمد لله لسع بفهم
وكمان مرات بفهما طايرا عديييل كدا ... أقسمبلاي
ناس قحت ديل أ و ب كملو فهمي وشككوني في
قدراتي الفهمية ...
حمدوك ساعة يأكد ويشدد ويصر على الالتزام
والتطبيق الحازم للوثيقة الدستورية مش المفروض :-
١ :- في خلال ٣٩ شهر تكون الفترة الإنتقالية خلصت
وانتخبنا رئيسنا المدني والبرلمان المنتخب ...
٢ :- الالتزام التام والكامل بتكوين حكومة تكنوقراط
وحكومة المحاصصات تمشي الكوشة ... ما تقول لي
إتفاقية وبطيخ ... كل الوزراء تكنوقراط ...
طيب على حسب ما أرى ودا المجنن بوبي زاتو
القحاتين (أ وب) الكلام دا ما حا ينفع معاهم
واللتنين بفتكرو خطاب حمدوك تمام التمام ..
اهندي الحته الدايرا تتطرشق نافوخي ...
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
الحبيب علاء تحياتي يا جميل
حبيبنا علاء صدقني حمدوك أمهر سياسي مر على السودان
رجل دولة بمعنى الكلمة حتى الاعداء احتارو فيه
هكذا يكون السياسي (برغماتي) يبحث على مصلحة البلد
وليس الانتصار الشخصي أو اللحظي حسب العمر حضرنا
كل السياسيين في السودان السياسي الوحيد الذي لا يبحث عن الانتصار الشخصي
هو حمدوك همه في الوطن وإعلاء شأن الوطن
هل لاحظت يا علاء بأن اعضاء الحكومة اصبحوا على نسق حمدوك
خالد سلك بدأ يظهر في التلفزيون بعيداً عن الشخصنة وعبارات التحدي
ربما هذا توجيه من حمدوك أو تدريب لكوادره ..
قلت التصريحات النارية من اعضاء الحكومة بصورة ملحوظة كي لا يعطي
فرصة للخصوم للتطاول .. هي سياسة الرسل والانبياء في التعامل مع الجهلة
وما تجربة الرسول صلى الله عليه وسلم في صلح الحديبية ببعيدة
عندما كتب سيدنا علي محمد رسول الله رفض مندوب قريش هذا المسمى
فقال الرسول صلى الله عليه وسلم لعلي ( أمحها يا علي ) فرفض علي
وقام هو بمحوها ( وأمره أن يكتب محمد بن عبدالله ) ..
ماذا كانت النهاية دخل مكة بدون اراقة دماء
سياسة التحدي فقط تثير الشارع وتؤجج النيران
وخاصة مع الجيش لأن الجيش أساساً عقيدته التحدي
وليس اعمال العقل والسياسة .. لاحظ كيف تصرف حمدوك معهم
أدخلهم في حيرة .. حتى خالد سلك في آخر لقاء تلفزيوني استعمل نفس السياسة
تحياتي الحبيب علاء .. أول سياسي في تاريخ السودان يقنع الصاحب والعدو
لم نرى مثل حمدوك أبداً .. وصدقني سيكون المنتصر وسيخرج الوطن من وعثائه
رائع يا علاء مسمى (( المؤسس حمدوك ))
حاول نقل هذا المسمى الى كل الوسائط
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
شكرا يا علاء
ما دام جبت سيرة فخامتو يبقي اتا بتتكلم كلام
زي الفل والله ...
يعجني هذا
لكنه بالتأكيد لا يعجب فلول المنبر وعمر التاج
خخخخخخخخخ
.................
أدعم فخامتو والقائد عقار ليحكمني أحدهما كرئيس
جمهورية مع كل التقدير للقائد عبد العزيز الحلو
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
Quote: شكرا يا علاء
ما دام جبت سيرة فخامتو يبقي اتا بتتكلم كلام
زي الفل والله ...
يعجني هذا
لكنه بالتأكيد لا يعجب فلول المنبر وعمر التاج
خخخخخخخخخ
.................
أدعم فخامتو والقائد عقار ليحكمني أحدهما كرئيس
جمهورية مع كل التقدير للقائد عبد العزيز الحلو |
سلمات يا ابوالطلوح
فعلاً القائد عقار بالذات بيرفع ضغط الكيزان
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
علاء سلام ...
هههههههاي
النحكي ليك دي يا علاء ...
دخلتا البوست كاتبنا المداخلة على أساس
الكاتب هو الشيخ سيداحمد ... هو النوع
الزي كدا مرة مرة بيتهم على إنو كوز ...
أنا غايتو أمكن بالنسبة لي اتراجعت شوية
لولا إيمان الود دينق المطلق بأني كوز ... ما علينا ...
طبعا يا علاء فوجئت بأن البوست لي قحاتي أ
لا يشق له غبار ... ما فرقت يا زول .. ادينا
الفيها النصيب ...
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علي عبدالوهاب عثمان)
|
Quote: النحكي ليك دي يا علاء ...
دخلتا البوست كاتبنا المداخلة على أساس
الكاتب هو الشيخ سيداحمد ... هو النوع
الزي كدا مرة مرة بيتهم على إنو كوز ...
أنا غايتو أمكن بالنسبة لي اتراجعت شوية
لولا إيمان الود دينق المطلق بأني كوز |
يعنى معنى هذا يا ود الزبير انك كنت فاكر انّي كوز
ربما الفكرة دى جاتك فى الفترة السابقة ايام كنت بكتب ضد قوى الحرية والتغيير
لانحيازهم لمشروع حميدتي وتماهيهم مع مشروع محور الشر .
يازول انا البيهمنى السودان الوطن لا الافراد ولا الاحزاب ولا البيوت الدينية .
انا البيهمنى الحريات والديمقراطية فى السودان .
انا البيهمنى عدم عودة الكيزان الى الواجهة السياسية مرة اخرى
انا البيهمنى عدم عودة العسكر مرة اخرى لحكم السودان
انا البيهمنى اي مواطن سوداني يؤدي شعائرة الدينية بكل حرية
وما يهم اكثر مما ذُكر .
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
Quote: الحبيب علاء تحياتي
للمرة الثانية
(( المؤسس حمدوك ))
أجمل وأعمق من ( شكرا حمدوك)
كنا محتاجين لأمثال حمدوك منذ فترة طويلة
شخص كل اهتمامه للوطن .. حتى الاساءة الشخصية لا يرد عليها
يا سلام المؤسس حمدوك
تحياتي |
مرحبتين حبابك على امبس
نعم تعبير " المؤسس " أكثر عمقاً من تعبير "شكراً حمدوك "
وفعلاً كما تفضلت انت وذكرت فهو رجل صموت ولايرد الاساءة الشخصية
رجل يعمل فى صمت ويرد كيد العساكر الخونة الى نحورهم .
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
| Quote: يعنى معنى هذا يا ود الزبير انك كنت فاكر انّي كوز |
لا لا لا يا علاء ... قاصد ود سيداحمد التاني الاسمو الشيخ ...
ياخي دا لو لا علمي بأنو الشعبية دي مستحيل تلقى فيها
كوز كنتا صدقتا إنو الشيخ دا كوز ومطرقع كمان بفضل
الحملات التي شناها عليه مكتشف (كولمبس) الكيزان
والعنصرية في المنبر الجنرال دينق ... هههههه
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: Salah Zubeir)
|
| Quote: لا لا لا يا علاء ... قاصد ود سيداحمد التاني الاسمو الشيخ .. |
الذى اعطاني احساس :
| Quote: يعنى معنى هذا يا ود الزبير انك كنت فاكر انّي كوز |
هو :
- Quote: النحكي ليك دي يا علاء ...
دخلتا البوست كاتبنا المداخلة على أساس
الكاتب هو الشيخ سيداحمد ... هو النوع
الزي كدا مرة مرة بيتهم على إنو كوز ...
أنا غايتو أمكن بالنسبة لي اتراجعت شوية
لولا إيمان الود دينق المطلق بأني كوز |
وتأكيد الاحساس كان فى :
Quote: طبعا يا علاء فوجئت بأن البوست لي قحاتي أ
لا يشق له غبار |
وعلى العموم ما فرقت يا حبيب .
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
الحبيب علاء تحياتي
أنا همي في حمدوك .. هذه المرحلة بدون حمدوك كارثة
ستعم الوطن ..
في مواقع التواصل وكمان في موقع الصحف في النيلين كلام غريب جداً
يا رب يكون كلام في الهوا فقط
Quote: قالت مصادر مطلعة ان المفاوضات بين رئيس مجلس الوزراء السوداني عبدالله حمدوك وقوى إعلان الحرية والتغيير – مجموعة الميثاق الوطني وصلت “لطريق مسدود فيما يتعلق باعفاء الحكومة الحالية وتشكيل حكومة كفاءات مستقلة وفق الرؤية الكلية التي تم الاتفاق عليها مع المكون العسكري بمجلس السيادة. وقال مصدر مأذون لـ(مصادر) ان تعثر المفاوضات مع حمدوك دفع بالحرية والتغيير للتفكير في اختيار رئيس وزراء جديد خلفا لعبدالله حمدوك. وأضاف :” هذا الخيار وجد ترحيبا من القوى السياسية المؤتلفة تحت لواء الحرية والتغيير – الميثاق الوطني.” من جهة أخرى علمت مصادر أن قيادات بارزة اجرت اتصالات مع قوى دولية واقليمية ذات صلة بالشان السوداني لاطلاعها على خطوة تعيين رئيس وزراء جديد خلفا لحمدوك وذلك تجنبا لتباين وجهات النظر مع حمدوك وقوى الحرية والتغيير بتشكيلها الجديد حيث اتضح ان رئيس الوزراء في خطابه الاخير بدأ مخالفا لاتفاقا سابق تم اقراره كخطوة لبداية التغيير الشامل في الحاضنة السياسية للحكومة. صحيفة مصادر
التفاصيل هنا: https://www.alnilin.com/13214385.htm[/QUOTEhttps://www.alnilin.com/13214385.htm[/QUOTE]
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علي عبدالوهاب عثمان)
|
Quote: حل الحكومة كاملة المجلس السيادي ( عسكر ومدنيين وحركات مسلحة ) وتشكيل مجلس سيادي جديد بوجوه جديده
مع رفض اي اسم من الموجودين الآن وخاصة حارقي نار الفتنة ( البرهان - حميدتى - الكباشي )
- التمسك القوي والذى لاتفريط فيه بالكفاءات كما يرددون هم الآن ( جبريل ومناوي مثالا للداعين )
|
علاء امبس وضيوفك تحياتي
أن ما يحدث من أذناب الفلول ليس إلا لتكريس سلطة المكون العسكري.
جبريل ومناوي اتت بهم اتفاقية جوبا للسلام (استحقاق سلام جوبا).
ما يعني إلغاء الوثيقة الدستورية.
إلغاء اتفاقية سلام جوبا.
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: Arif Nashed)
|
Quote: الحبيب علاء تحياتي
أنا همي في حمدوك .. هذه المرحلة بدون حمدوك كارثة
ستعم الوطن ..
في مواقع التواصل وكمان في موقع الصحف في النيلين كلام غريب جداً
يا رب يكون كلام في الهوا فقط |
فعلاً كلام فى الهواء يا على اخوي
و ما بيقدروا يعلنوا اختيار رئيس وزراء جديد وتشكيل حكومة لان هذا معناه انتحار جماعي بالنسبة لهم .
امريكا اعلنت وبكل وضوح بأنها مع خارطة الطريق التى رسمها حمدوك .
وحتى لو تم التوافق على تشكيل حكومة جديدة سيتم تشكيل حكومة جديدة
- مجلس سيادي جديد وبأعضاء جدد
- مجلس وزراء جيديد بقيادة عبدالله حمدوك
ووزراء جُدد .
يوم 21 اكتوبر يوم الفرقان فى السودان بين العسكر والمدنيين .
| |
|
|
|
|
|
|
|
|
|
Re: خطاب مفتوح ثاني للمؤسس حمدوك ومركزية قوى � (Re: علاء سيداحمد)
|
Quote: علاء امبس وضيوفك تحياتي
أن ما يحدث من أذناب الفلول ليس إلا لتكريس سلطة المكون العسكري.
جبريل ومناوي اتت بهم اتفاقية جوبا للسلام (استحقاق سلام جوبا).
ما يعني إلغاء الوثيقة الدستورية.
إلغاء اتفاقية سلام جوبا. |
يا مراحب عارف امبس
تعرف يا حبيب يوم الفرقان يوم 21اكتوبر هو اليوم الذى سيفرق بين العسكر والمدنييين
لن تكون هناك شوكة وقوة للعسكر فى المشهد السياسي السوداني بعد طوفان الخميس 21 اكتوبر
حكومة مدنية كاملة .
| |
|
|
|
|
|
|
|
| |
علاء سيداحمد
Salah Zubeir
علي عبدالوهاب عثمان
طلحة عبدالله
Arif Nashed
فيس بوك
تويتر
انستقرام
يوتيوب
بنتيريست